Vālmīki Rāmāyaṇa — star passages [RamS] 2.75

ततो नान्दीमुखीं रात्रिं भरतं सूतमागधाः । तुष्टुवुर् वाग्विशेषज्ञाः स्तवैर् मङ्गलसंहितैः

tato nāndīmukhīṃ rātriṃ bharataṃ sūtamāgadhāḥ / tuṣṭuvur vāgviśeṣajñāḥ stavair maṅgalasaṃhitaiḥ

Sanskrit only: no published translation is held for this verse.

सुवर्णकोणाभिहतः प्राणदद् यामदुन्दुभिः । दध्मुः शङ्खांश् च शतशो वाद्यांश् चोच्चावचस्वरान्

suvarṇakoṇābhihataḥ prāṇadad yāmadundubhiḥ / dadhmuḥ śaṅkhāṃś ca śataśo vādyāṃś coccāvacasvarān

Sanskrit only: no published translation is held for this verse.

स तूर्यघोषः सुमहान् दिवम् आपूरयन्न् इव । भरतं शोकसंतप्तं भूयः शोकैर् अरन्ध्रयत्

sa tūryaghoṣaḥ sumahān divam āpūrayann iva / bharataṃ śokasaṃtaptaṃ bhūyaḥ śokair arandhrayat

Sanskrit only: no published translation is held for this verse.

ततः प्रबुद्धो भरतस् तं घोषं संनिवर्त्य च । नाहं राजेति चाप्य् उक्त्वा शत्रुघ्नम् इदम् अब्रवीत्

tataḥ prabuddho bharatas taṃ ghoṣaṃ saṃnivartya ca / nāhaṃ rājeti cāpy uktvā śatrughnam idam abravīt

Sanskrit only: no published translation is held for this verse.

पश्य शत्रुघ्न कैकेय्या लोकस्यापकृतं महत् । विसृज्य मयि दुःखानि राजा दशरथो गतः

paśya śatrughna kaikeyyā lokasyāpakṛtaṃ mahat / visṛjya mayi duḥkhāni rājā daśaratho gataḥ

Sanskrit only: no published translation is held for this verse.

तस्यैषा धर्मराजस्य धर्ममूला महात्मनः । परिभ्रमति राजश्रीर् नौर् इवाकर्णिका जले

tasyaiṣā dharmarājasya dharmamūlā mahātmanaḥ / paribhramati rājaśrīr naur ivākarṇikā jale

Sanskrit only: no published translation is held for this verse.

इत्य् एवं भरतं प्रेक्ष्य विलपन्तं विचेतनम् । कृपणं रुरुदुः सर्वाः सस्वरं योषितस् तदा

ity evaṃ bharataṃ prekṣya vilapantaṃ vicetanam / kṛpaṇaṃ ruruduḥ sarvāḥ sasvaraṃ yoṣitas tadā

Sanskrit only: no published translation is held for this verse.

तथा तस्मिन् विलपति वसिष्ठो राजधर्मवित् । सभाम् इक्ष्वाकुनाथस्य प्रविवेश महायशाः

tathā tasmin vilapati vasiṣṭho rājadharmavit / sabhām ikṣvākunāthasya praviveśa mahāyaśāḥ

Sanskrit only: no published translation is held for this verse.

शातकुम्भमयीं रम्यां मणिरत्नसमाकुलाम् । सुधर्माम् इव धर्मात्मा सगणः प्रत्यपद्यत

śātakumbhamayīṃ ramyāṃ maṇiratnasamākulām / sudharmām iva dharmātmā sagaṇaḥ pratyapadyata

Sanskrit only: no published translation is held for this verse.

स काञ्चनमयं पीठं परार्ध्यास्तरणावृतम् । अध्यास्त सर्ववेदज्ञो दूतान् अनुशशास च

sa kāñcanamayaṃ pīṭhaṃ parārdhyāstaraṇāvṛtam / adhyāsta sarvavedajño dūtān anuśaśāsa ca

Sanskrit only: no published translation is held for this verse.

ब्राह्मणान् क्षत्रियान् योधान् अमात्यान् गणवल्लभान् । क्षिप्रम् आनयताव्यग्राः कृत्यम् आत्ययिकं हि नः

brāhmaṇān kṣatriyān yodhān amātyān gaṇavallabhān / kṣipram ānayatāvyagrāḥ kṛtyam ātyayikaṃ hi naḥ

Sanskrit only: no published translation is held for this verse.

ततो हलहलाशब्दो महान् समुदपद्यत । रथैर् अश्वैर् गजैश् चापि जनानाम् उपगच्छताम्

tato halahalāśabdo mahān samudapadyata / rathair aśvair gajaiś cāpi janānām upagacchatām

Sanskrit only: no published translation is held for this verse.

ततो भरतम् आयान्तं शतक्रतुम् इवामराः । प्रत्यनन्दन् प्रकृतयो यथा दशरथं तथा

tato bharatam āyāntaṃ śatakratum ivāmarāḥ / pratyanandan prakṛtayo yathā daśarathaṃ tathā

Sanskrit only: no published translation is held for this verse.

ह्रद इव तिमिनागसंवृतः स्तिमितजलो मणिशङ्खशर्करः । दशरथसुतशोभिता सभा सदशरथेव बभौ यथा पुरा

hrada iva timināgasaṃvṛtaḥ stimitajalo maṇiśaṅkhaśarkaraḥ / daśarathasutaśobhitā sabhā sadaśaratheva babhau yathā purā

Sanskrit only: no published translation is held for this verse.