Vālmīki Rāmāyaṇa — star passages [RamS] 2.77

ततः समुत्थितः काल्यम् आस्थाय स्यन्दनोत्तमम् । प्रययौ भरतः शीघ्रं रामदर्शनकाङ्क्षया

tataḥ samutthitaḥ kālyam āsthāya syandanottamam / prayayau bharataḥ śīghraṃ rāmadarśanakāṅkṣayā

Sanskrit only: no published translation is held for this verse.

अग्रतः प्रययुस् तस्य सर्वे मन्त्रिपुरोधसः । अधिरुह्य हयैर् युक्तान् रथान् सूर्यरथोपमान्

agrataḥ prayayus tasya sarve mantripurodhasaḥ / adhiruhya hayair yuktān rathān sūryarathopamān

Sanskrit only: no published translation is held for this verse.

नवनागसहस्राणि कल्पितानि यथाविधि । अन्वयुर् भरतं यान्तम् इक्ष्वाकुकुलनन्दनम्

navanāgasahasrāṇi kalpitāni yathāvidhi / anvayur bharataṃ yāntam ikṣvākukulanandanam

Sanskrit only: no published translation is held for this verse.

षष्ठी रथसहस्राणि धन्विनो विविधायुधाः । अन्वयुर् भरतं यान्तं राजपुत्रं यशस्विनम्

ṣaṣṭhī rathasahasrāṇi dhanvino vividhāyudhāḥ / anvayur bharataṃ yāntaṃ rājaputraṃ yaśasvinam

Sanskrit only: no published translation is held for this verse.

शतं सहस्राण्य् अश्वानां समारूढानि राघवम् । अन्वयुर् भरतं यान्तं राजपुत्रं यशस्विनम्

śataṃ sahasrāṇy aśvānāṃ samārūḍhāni rāghavam / anvayur bharataṃ yāntaṃ rājaputraṃ yaśasvinam

Sanskrit only: no published translation is held for this verse.

कैकेयी च सुमित्रा च कौसल्या च यशस्विनी । रामानयनसंहृष्टा ययुर् यानेन भास्वता

kaikeyī ca sumitrā ca kausalyā ca yaśasvinī / rāmānayanasaṃhṛṣṭā yayur yānena bhāsvatā

Sanskrit only: no published translation is held for this verse.

प्रयाताश् चार्यसंघाता रामं द्रष्टुं सलक्ष्मणम् । तस्यैव च कथाश् चित्राः कुर्वाणा हृष्टमानसाः

prayātāś cāryasaṃghātā rāmaṃ draṣṭuṃ salakṣmaṇam / tasyaiva ca kathāś citrāḥ kurvāṇā hṛṣṭamānasāḥ

Sanskrit only: no published translation is held for this verse.

मेघश्यामं महाबाहुं स्थिरसत्त्वं दृढव्रतम् । कदा द्रक्ष्यामहे रामं जगतः शोकनाशनम्

meghaśyāmaṃ mahābāhuṃ sthirasattvaṃ dṛḍhavratam / kadā drakṣyāmahe rāmaṃ jagataḥ śokanāśanam

Sanskrit only: no published translation is held for this verse.

दृष्ट एव हि नः शोकम् अपनेष्यति राघवः । तमः सर्वस्य लोकस्य समुद्यन्न् इव भास्करः

dṛṣṭa eva hi naḥ śokam apaneṣyati rāghavaḥ / tamaḥ sarvasya lokasya samudyann iva bhāskaraḥ

Sanskrit only: no published translation is held for this verse.

इत्य् एवं कथयन्तस् ते सम्प्रहृष्टाः कथाः शुभाः । परिष्वजानाश् चान्योन्यं ययुर् नागरिकास् तदा

ity evaṃ kathayantas te samprahṛṣṭāḥ kathāḥ śubhāḥ / pariṣvajānāś cānyonyaṃ yayur nāgarikās tadā

Sanskrit only: no published translation is held for this verse.

ये च तत्रापरे सर्वे संमता ये च नैगमाः । रामं प्रति ययुर् हृष्टाः सर्वाः प्रकृतयस् तदा

ye ca tatrāpare sarve saṃmatā ye ca naigamāḥ / rāmaṃ prati yayur hṛṣṭāḥ sarvāḥ prakṛtayas tadā

Sanskrit only: no published translation is held for this verse.

मणिकाराश् च ये केचित् कुम्भकाराश् च शोभनाः । सूत्रकर्मकृतश् चैव ये च शस्त्रोपजीविनः

maṇikārāś ca ye kecit kumbhakārāś ca śobhanāḥ / sūtrakarmakṛtaś caiva ye ca śastropajīvinaḥ

Sanskrit only: no published translation is held for this verse.

मायूरकाः क्राकचिका रोचका वेधकास् तथा । दन्तकाराः सुधाकारास् तथा गन्धोपजीविनः

māyūrakāḥ krākacikā rocakā vedhakās tathā / dantakārāḥ sudhākārās tathā gandhopajīvinaḥ

Sanskrit only: no published translation is held for this verse.

सुवर्णकाराः प्रख्यातास् तथा कम्बलधावकाः । स्नापकाच्छादका वैद्या धूपकाः शौण्डिकास् तथा

suvarṇakārāḥ prakhyātās tathā kambaladhāvakāḥ / snāpakācchādakā vaidyā dhūpakāḥ śauṇḍikās tathā

Sanskrit only: no published translation is held for this verse.

रजकास् तुन्नवायाश् च ग्रामघोषमहत्तराः । शैलूषाश् च सह स्त्रीभिर् यान्ति कैवर्तकास् तथा

rajakās tunnavāyāś ca grāmaghoṣamahattarāḥ / śailūṣāś ca saha strībhir yānti kaivartakās tathā

Sanskrit only: no published translation is held for this verse.

समाहिता वेदविदो ब्राह्मणा वृत्तसंमताः । गोरथैर् भरतं यान्तम् अनुजग्मुः सहस्रशः

samāhitā vedavido brāhmaṇā vṛttasaṃmatāḥ / gorathair bharataṃ yāntam anujagmuḥ sahasraśaḥ

Sanskrit only: no published translation is held for this verse.

सुवेषाः शुद्धवसनास् ताम्रमृष्टानुलेपनाः । सर्वे ते विविधैर् यानैः शनैर् भरतम् अन्वयुः

suveṣāḥ śuddhavasanās tāmramṛṣṭānulepanāḥ / sarve te vividhair yānaiḥ śanair bharatam anvayuḥ

Sanskrit only: no published translation is held for this verse.

प्रहृष्टमुदिता सेना सान्वयात् कैकयीसुतम् । व्यवातिष्ठत सा सेना भरतस्यानुयायिनी

prahṛṣṭamuditā senā sānvayāt kaikayīsutam / vyavātiṣṭhata sā senā bharatasyānuyāyinī

Sanskrit only: no published translation is held for this verse.

निरीक्ष्यानुगतां सेनां तां च गङ्गां शिवोदकाम् । भरतः सचिवान् सर्वान् अब्रवीद् वाक्यकोविदः

nirīkṣyānugatāṃ senāṃ tāṃ ca gaṅgāṃ śivodakām / bharataḥ sacivān sarvān abravīd vākyakovidaḥ

Sanskrit only: no published translation is held for this verse.

निवेशयत मे सैन्यम् अभिप्रायेण सर्वशः । विश्रान्ताः प्रतरिष्यामः श्व इदानीं महानदीम्

niveśayata me sainyam abhiprāyeṇa sarvaśaḥ / viśrāntāḥ pratariṣyāmaḥ śva idānīṃ mahānadīm

Sanskrit only: no published translation is held for this verse.

दातुं च तावद् इच्छामि स्वर् गतस्य महीपतेः । और्ध्वदेहनिमित्तार्थम् अवतीर्योदकं नदीम्

dātuṃ ca tāvad icchāmi svar gatasya mahīpateḥ / aurdhvadehanimittārtham avatīryodakaṃ nadīm

Sanskrit only: no published translation is held for this verse.

तस्यैवं ब्रुवतो ऽमात्यास् तथेत्य् उक्त्वा समाहिताः । न्यवेशयंस् तांश् छन्देन स्वेन स्वेन पृथक्पृथक्

tasyaivaṃ bruvato 'mātyās tathety uktvā samāhitāḥ / nyaveśayaṃs tāṃś chandena svena svena pṛthakpṛthak

Sanskrit only: no published translation is held for this verse.

निवेश्य गङ्गाम् अनु तां महानदीं चमूं विधानैः परिबर्हशोभिनीम् । उवास रामस्य तदा महात्मनो विचिन्तयानो भरतो निवर्तनम्

niveśya gaṅgām anu tāṃ mahānadīṃ camūṃ vidhānaiḥ paribarhaśobhinīm / uvāsa rāmasya tadā mahātmano vicintayāno bharato nivartanam

Sanskrit only: no published translation is held for this verse.