Vālmīki Rāmāyaṇa — star passages [RamS] 2.92

निवेश्य सेनां तु विभुः पद्भ्यां पादवतां वरः । अभिगन्तुं स काकुत्स्थम् इयेष गुरुवर्तकम्

niveśya senāṃ tu vibhuḥ padbhyāṃ pādavatāṃ varaḥ / abhigantuṃ sa kākutstham iyeṣa guruvartakam

Sanskrit only: no published translation is held for this verse.

निविष्टमात्रे सैन्ये तु यथोद्देशं विनीतवत् । भरतो भ्रातरं वाक्यं शत्रुघ्नम् इदम् अब्रवीत्

niviṣṭamātre sainye tu yathoddeśaṃ vinītavat / bharato bhrātaraṃ vākyaṃ śatrughnam idam abravīt

Sanskrit only: no published translation is held for this verse.

क्षिप्रं वनम् इदं सौम्य नरसंघैः समन्ततः । लुब्धैश् च सहितैर् एभिस् त्वम् अन्वेषितुम् अर्हसि

kṣipraṃ vanam idaṃ saumya narasaṃghaiḥ samantataḥ / lubdhaiś ca sahitair ebhis tvam anveṣitum arhasi

Sanskrit only: no published translation is held for this verse.

यावन् न रामं द्रक्ष्यामि लक्ष्मणं वा महाबलम् । वैदेहीं वा महाभागां न मे शान्तिर् भविष्यति

yāvan na rāmaṃ drakṣyāmi lakṣmaṇaṃ vā mahābalam / vaidehīṃ vā mahābhāgāṃ na me śāntir bhaviṣyati

Sanskrit only: no published translation is held for this verse.

यावन् न चन्द्रसंकाशं द्रक्ष्यामि शुभम् आननम् । भ्रातुः पद्मपलाशाक्षं न मे शान्तिर् भविष्यति

yāvan na candrasaṃkāśaṃ drakṣyāmi śubham ānanam / bhrātuḥ padmapalāśākṣaṃ na me śāntir bhaviṣyati

Sanskrit only: no published translation is held for this verse.

यावन् न चरणौ भ्रातुः पार्थिवव्यञ्जनान्वितौ । शिरसा धारयिष्यामि न मे शान्तिर् भविष्यति

yāvan na caraṇau bhrātuḥ pārthivavyañjanānvitau / śirasā dhārayiṣyāmi na me śāntir bhaviṣyati

Sanskrit only: no published translation is held for this verse.

यावन् न राज्ये राज्यार्हः पितृपैतामहे स्थितः । अभिषेकजलक्लिन्नो न मे शान्तिर् भविष्यति

yāvan na rājye rājyārhaḥ pitṛpaitāmahe sthitaḥ / abhiṣekajalaklinno na me śāntir bhaviṣyati

Sanskrit only: no published translation is held for this verse.

कृतकृत्या महाभागा वैदेही जनकात्मजा । भर्तारं सागरान्तायाः पृथिव्या यानुगच्छति

kṛtakṛtyā mahābhāgā vaidehī janakātmajā / bhartāraṃ sāgarāntāyāḥ pṛthivyā yānugacchati

Sanskrit only: no published translation is held for this verse.

सुभगश् चित्रकूटो ऽसौ गिरिराजोपमो गिरिः । यस्मिन् वसति काकुत्स्थः कुबेर इव नन्दने

subhagaś citrakūṭo 'sau girirājopamo giriḥ / yasmin vasati kākutsthaḥ kubera iva nandane

Sanskrit only: no published translation is held for this verse.

कृतकार्यम् इदं दुर्गं वनं व्यालनिषेवितम् । यद् अध्यास्ते महातेजा रामः शस्त्रभृतां वरः

kṛtakāryam idaṃ durgaṃ vanaṃ vyālaniṣevitam / yad adhyāste mahātejā rāmaḥ śastrabhṛtāṃ varaḥ

Sanskrit only: no published translation is held for this verse.

एवम् उक्त्वा महातेजा भरतः पुरुषर्षभः । पद्भ्याम् एव महातेजाः प्रविवेश महद् वनम्

evam uktvā mahātejā bharataḥ puruṣarṣabhaḥ / padbhyām eva mahātejāḥ praviveśa mahad vanam

Sanskrit only: no published translation is held for this verse.

स तानि द्रुमजालानि जातानि गिरिसानुषु । पुष्पिताग्राणि मध्येन जगाम वदतां वरः

sa tāni drumajālāni jātāni girisānuṣu / puṣpitāgrāṇi madhyena jagāma vadatāṃ varaḥ

Sanskrit only: no published translation is held for this verse.

स गिरेश् चित्रकूटस्य सालम् आसाद्य पुष्पितम् । रामाश्रमगतस्याग्नेर् ददर्श ध्वजम् उच्छ्रितम्

sa gireś citrakūṭasya sālam āsādya puṣpitam / rāmāśramagatasyāgner dadarśa dhvajam ucchritam

Sanskrit only: no published translation is held for this verse.

तं दृष्ट्वा भरतः श्रीमान् मुमोद सहबान्धवः । अत्र राम इति ज्ञात्वा गतः पारम् इवाम्भसः

taṃ dṛṣṭvā bharataḥ śrīmān mumoda sahabāndhavaḥ / atra rāma iti jñātvā gataḥ pāram ivāmbhasaḥ

Sanskrit only: no published translation is held for this verse.

स चित्रकूटे तु गिरौ निशाम्य रामाश्रमं पुण्यजनोपपन्नम् । गुहेन सार्धं त्वरितो जगाम पुनर् निवेश्यैव चमूं महात्मा

sa citrakūṭe tu girau niśāmya rāmāśramaṃ puṇyajanopapannam / guhena sārdhaṃ tvarito jagāma punar niveśyaiva camūṃ mahātmā

Sanskrit only: no published translation is held for this verse.