यस्मिन् सर्वं यतः सर्वं यः सर्वं सर्वतश्च यः । यश्च सर्वमयो नित्यं तस्मै सर्वात्मने नमः
yasmin sarvaṃ yataḥ sarvaṃ yaḥ sarvaṃ sarvataśca yaḥ / yaśca sarvamayo nityaṃ tasmai sarvātmane namaḥ
Sanskrit only: no published translation is held for this verse.
कैलासशिखरे रम्ये नानारत्नविभूषिते । नानाद्रुमलताकीर्णे गुप्तसम्बन्धवर्जिते
kailāsaśikhare ramye nānāratnavibhūṣite / nānādrumalatākīrṇe guptasambandhavarjite
Sanskrit only: no published translation is held for this verse.
देवदेवं सुखासीनं नीलकण्ठं त्रिलोचनम् । प्रणम्य शिरसा देवी पार्वती परिपृच्छति
devadevaṃ sukhāsīnaṃ nīlakaṇṭhaṃ trilocanam / praṇamya śirasā devī pārvatī paripṛcchati
Sanskrit only: no published translation is held for this verse.
श्रीदेव्युवाच देवदेव महादेव काल कामाङ्गदाहक । कुलकौलमहाकौल- सिद्धकौलादिनाशन
śrīdevyuvāca devadeva mahādeva kāla kāmāṅgadāhaka / kulakaulamahākaula- siddhakaulādināśana
Sanskrit only: no published translation is held for this verse.
त्वत्प्रसादाच्छ्रुतं सर्वम् अशेषमवधारितम् । यदि ते ऽहम् अनुग्राह्या यद्यहं तव वल्लभा
tvatprasādācchrutaṃ sarvam aśeṣamavadhāritam / yadi te 'ham anugrāhyā yadyahaṃ tava vallabhā
Sanskrit only: no published translation is held for this verse.
सूचिता सर्वतन्त्रेषु या पुनर्न प्रकाशिता । जीवन्मुक्तिरियं नाथ कीदृशी वक्तुमर्हसि
sūcitā sarvatantreṣu yā punarna prakāśitā / jīvanmuktiriyaṃ nātha kīdṛśī vaktumarhasi
Sanskrit only: no published translation is held for this verse.
श्रीभैरव उवाच साधु साधु महाभागे साधु पर्वतनन्दिनि । साधु पृष्टं त्वया देवि भक्तानां हितकाम्यया
śrībhairava uvāca sādhu sādhu mahābhāge sādhu parvatanandini / sādhu pṛṣṭaṃ tvayā devi bhaktānāṃ hitakāmyayā
Sanskrit only: no published translation is held for this verse.
अजरामरदेहस्य शिवतादात्म्यवेदनम् । जीवन्मुक्तिर्महादेवि देवानामपि दुर्लभा
ajarāmaradehasya śivatādātmyavedanam / jīvanmuktirmahādevi devānāmapi durlabhā
Sanskrit only: no published translation is held for this verse.
पिण्डपाते च यो मोक्षः स च मोक्षो निरर्थकः । पिण्डे तु पतिते देवि गर्दभो ऽपि विमुच्यते
piṇḍapāte ca yo mokṣaḥ sa ca mokṣo nirarthakaḥ / piṇḍe tu patite devi gardabho 'pi vimucyate
Sanskrit only: no published translation is held for this verse.
यदि मुक्तिर्भगक्षोभे किं न मुञ्चन्ति गर्दभाः । अजाश्च वृषभाश्चैव किंन मुक्ता गणाम्बिके
yadi muktirbhagakṣobhe kiṃ na muñcanti gardabhāḥ / ajāśca vṛṣabhāścaiva kiṃna muktā gaṇāmbike
Sanskrit only: no published translation is held for this verse.
तस्मात् संरक्षयेत् पिण्डं रसैश्चैव रसायनैः । शुक्रमूत्रपुरीषाणां यदि मुक्तिर्निषेवणात्
tasmāt saṃrakṣayet piṇḍaṃ rasaiścaiva rasāyanaiḥ / śukramūtrapurīṣāṇāṃ yadi muktirniṣevaṇāt
Sanskrit only: no published translation is held for this verse.
किंन मुक्ता महादेवि श्वानशूकरजातयः । षड्दर्शने ऽपि मुक्तिस्तु दर्शिता पिण्डपातने
kiṃna muktā mahādevi śvānaśūkarajātayaḥ / ṣaḍdarśane 'pi muktistu darśitā piṇḍapātane
Sanskrit only: no published translation is held for this verse.
करामलकवत् सापि प्रत्यक्षं नोपलभ्यते । अकथ्यमपि देवेशि सद्भावं कथयामि ते
karāmalakavat sāpi pratyakṣaṃ nopalabhyate / akathyamapi deveśi sadbhāvaṃ kathayāmi te
Sanskrit only: no published translation is held for this verse.
शून्यपापो मन्त्रयाजी न पिण्डं धारयेत् क्वचित् । देवानामपि देवेशि दुर्लभं पिण्डधारणम्
śūnyapāpo mantrayājī na piṇḍaṃ dhārayet kvacit / devānāmapi deveśi durlabhaṃ piṇḍadhāraṇam
Sanskrit only: no published translation is held for this verse.
किं पुनर्मानुषाणां तु धरणीतलवासिनाम् । धर्मे नष्टे कुतो धर्मः धर्मे नष्टे कुतः क्रिया
kiṃ punarmānuṣāṇāṃ tu dharaṇītalavāsinām / dharme naṣṭe kuto dharmaḥ dharme naṣṭe kutaḥ kriyā
Sanskrit only: no published translation is held for this verse.
क्रियानष्टे कुतो योगः योगे नष्टे कुतो गतिः । गतिनष्टे कुतो मोक्षो मोक्षे नष्टे न किंचन
kriyānaṣṭe kuto yogaḥ yoge naṣṭe kuto gatiḥ / gatinaṣṭe kuto mokṣo mokṣe naṣṭe na kiṃcana
Sanskrit only: no published translation is held for this verse.
श्रीदेव्युवाच जीवन्मुक्तिस्वरूपं तु देवदेव श्रुतं मया । तत्प्रत्युपायं मे ब्रूहि यद्यस्ति करुणा मयि
śrīdevyuvāca jīvanmuktisvarūpaṃ tu devadeva śrutaṃ mayā / tatpratyupāyaṃ me brūhi yadyasti karuṇā mayi
Sanskrit only: no published translation is held for this verse.
श्रीभैरव उवाच कर्मयोगेन देवेशि प्राप्यते पिण्डधारणम् । रसश्च पवनश्चेति कर्मयोगो द्विधा मतः
śrībhairava uvāca karmayogena deveśi prāpyate piṇḍadhāraṇam / rasaśca pavanaśceti karmayogo dvidhā mataḥ
Sanskrit only: no published translation is held for this verse.
मूर्छितो हरति व्याधिं मृतो जीवयति स्वयम् । बद्धः खेचरतां कुर्यात् रसो वायुश्च भैरवि
mūrchito harati vyādhiṃ mṛto jīvayati svayam / baddhaḥ khecaratāṃ kuryāt raso vāyuśca bhairavi
Sanskrit only: no published translation is held for this verse.
ज्ञानान्मोक्षः सुरेशानि ज्ञानं पवनधारणात् । तत्र देवि स्थिरं पिण्डं यत्र स्थैर्ये रसः प्रभुः
jñānānmokṣaḥ sureśāni jñānaṃ pavanadhāraṇāt / tatra devi sthiraṃ piṇḍaṃ yatra sthairye rasaḥ prabhuḥ
Sanskrit only: no published translation is held for this verse.
अचिराज्जायते देवि शरीरम् अजरामरम् । मनसश्च यथा ध्यानं रसयोगादवाप्यते
acirājjāyate devi śarīram ajarāmaram / manasaśca yathā dhyānaṃ rasayogādavāpyate
Sanskrit only: no published translation is held for this verse.
सत्यं स लभते देवि ज्ञानं विज्ञानपूर्वकम् । तस्य मन्त्राश्च सिध्यन्ति यो ऽश्नाति मृतसूतकम्
satyaṃ sa labhate devi jñānaṃ vijñānapūrvakam / tasya mantrāśca sidhyanti yo 'śnāti mṛtasūtakam
Sanskrit only: no published translation is held for this verse.
यावन्न शक्तिपातस्तु न यावत् पाशकृन्तनम् । तावत्तस्य कुतो बुद्धिः जायते मृतसूतके
yāvanna śaktipātastu na yāvat pāśakṛntanam / tāvattasya kuto buddhiḥ jāyate mṛtasūtake
Sanskrit only: no published translation is held for this verse.
मद्यमांसरता नित्यं भगलिङ्गेषु ये रताः । तेषां विनष्टबुद्धीनां रसज्ञानं सुदुर्लभम्
madyamāṃsaratā nityaṃ bhagaliṅgeṣu ye ratāḥ / teṣāṃ vinaṣṭabuddhīnāṃ rasajñānaṃ sudurlabham
Sanskrit only: no published translation is held for this verse.
कुलशासनहीनानां सद्दर्शनम् अकाङ्क्षिणाम् । न सिध्यति रसो देवि पिबन्ति मृगतृष्णिकाम्
kulaśāsanahīnānāṃ saddarśanam akāṅkṣiṇām / na sidhyati raso devi pibanti mṛgatṛṣṇikām
Sanskrit only: no published translation is held for this verse.
गोमांसं भक्षयेद्यस्तु पिबेदमरवारुणीम् । कुलीनं तमहं मन्ये रसज्ञमपरे ऽधमाः
gomāṃsaṃ bhakṣayedyastu pibedamaravāruṇīm / kulīnaṃ tamahaṃ manye rasajñamapare 'dhamāḥ
Sanskrit only: no published translation is held for this verse.
न गर्भः सम्प्रदायार्थे रसो गर्भो विधीयते । तेनायं लभते सिद्धिं न सिद्धिः सूतकं विना
na garbhaḥ sampradāyārthe raso garbho vidhīyate / tenāyaṃ labhate siddhiṃ na siddhiḥ sūtakaṃ vinā
Sanskrit only: no published translation is held for this verse.
यावन्न हरबीजं तु भक्षयेत् पारदं रसम् । तावत्तस्य कुतो मुक्तिः कुतः पिण्डस्य धारणम्
yāvanna harabījaṃ tu bhakṣayet pāradaṃ rasam / tāvattasya kuto muktiḥ kutaḥ piṇḍasya dhāraṇam
Sanskrit only: no published translation is held for this verse.
मद्यमांसरताप्रज्ञा मोहिताः शिवमायया । जल्पन्ति च वयं मुक्ता यास्यामः शिवमन्दिरम्
madyamāṃsaratāprajñā mohitāḥ śivamāyayā / jalpanti ca vayaṃ muktā yāsyāmaḥ śivamandiram
Sanskrit only: no published translation is held for this verse.
पिण्डधारणयोगे च निस्पृहा मन्दबुद्धयः । खण्डज्ञानेन देवेशि रञ्जितं सचराचरम्
piṇḍadhāraṇayoge ca nispṛhā mandabuddhayaḥ / khaṇḍajñānena deveśi rañjitaṃ sacarācaram
Sanskrit only: no published translation is held for this verse.
स्वदेहे खेचरत्वं च शिवत्वं येन लभ्यते । तादृशे तु रसज्ञाने नित्याभ्यासं कुरु प्रिये
svadehe khecaratvaṃ ca śivatvaṃ yena labhyate / tādṛśe tu rasajñāne nityābhyāsaṃ kuru priye
Sanskrit only: no published translation is held for this verse.
श्रीदेव्युवाच अवतारं रसेन्द्रस्य माहात्म्यं तु सुरेश्वर । श्रोतुमिच्छामि देवेश वक्तुमर्हसि तत्त्वतः
śrīdevyuvāca avatāraṃ rasendrasya māhātmyaṃ tu sureśvara / śrotumicchāmi deveśa vaktumarhasi tattvataḥ
Sanskrit only: no published translation is held for this verse.
श्रीभैरव उवाच साधु पृष्टं महाभागे गुह्याद्गुह्यतरं त्वया । अनुग्रहकरं ध्यानं लोकानामुपकारकम्
śrībhairava uvāca sādhu pṛṣṭaṃ mahābhāge guhyādguhyataraṃ tvayā / anugrahakaraṃ dhyānaṃ lokānāmupakārakam
Sanskrit only: no published translation is held for this verse.
त्वं माता सर्वभूतानां पिता चाहं सनातनः । द्वयोश्च यो रसो देवि महामैथुनसम्भवः
tvaṃ mātā sarvabhūtānāṃ pitā cāhaṃ sanātanaḥ / dvayośca yo raso devi mahāmaithunasambhavaḥ
Sanskrit only: no published translation is held for this verse.
स्वैरतः सम्भवाद्देवि पारदः कीर्तितो महः । पारदो गदितो यश्च परार्थं साधकोत्तमैः
svairataḥ sambhavāddevi pāradaḥ kīrtito mahaḥ / pārado gadito yaśca parārthaṃ sādhakottamaiḥ
Sanskrit only: no published translation is held for this verse.
सूतो ऽयं मत्समो देवि मम प्रत्यङ्गसम्भवः । मम देहरसो यस्मात् रसस्तेनायमुच्यते
sūto 'yaṃ matsamo devi mama pratyaṅgasambhavaḥ / mama deharaso yasmāt rasastenāyamucyate
Sanskrit only: no published translation is held for this verse.
दर्शनात् स्पर्शनात् तस्य भक्षणात् स्मरणादपि । पूजनाच्च प्रदानाच्च दृश्यते षड्विधं फलम्
darśanāt sparśanāt tasya bhakṣaṇāt smaraṇādapi / pūjanācca pradānācca dṛśyate ṣaḍvidhaṃ phalam
Sanskrit only: no published translation is held for this verse.
केदारादीनि लिङ्गानि पृथिव्या यानि कानि च । तानि दृष्ट्वा तु यत्पुण्यं तत्पुण्यं रसदर्शनात्
kedārādīni liṅgāni pṛthivyā yāni kāni ca / tāni dṛṣṭvā tu yatpuṇyaṃ tatpuṇyaṃ rasadarśanāt
Sanskrit only: no published translation is held for this verse.
चन्दनागुरुकर्पूर- कुङ्कुमान्तर्गतो रसः । मूर्छितः शिवपूजायां शिवसांनिध्यसिद्धये
candanāgurukarpūra- kuṅkumāntargato rasaḥ / mūrchitaḥ śivapūjāyāṃ śivasāṃnidhyasiddhaye
Sanskrit only: no published translation is held for this verse.
भक्षणात् परमेशानि हन्ति पापत्रयं रसः । तथा तापत्रयं हन्ति रोगान् दोषत्रयोद्भवान्
bhakṣaṇāt parameśāni hanti pāpatrayaṃ rasaḥ / tathā tāpatrayaṃ hanti rogān doṣatrayodbhavān
Sanskrit only: no published translation is held for this verse.
दुर्लभं ब्रह्मनिष्णातैः प्राप्यते परमं पदम् । हृद्व्योमकर्णिकान्तःस्थ- रसेन्द्रस्य महेश्वरि
durlabhaṃ brahmaniṣṇātaiḥ prāpyate paramaṃ padam / hṛdvyomakarṇikāntaḥstha- rasendrasya maheśvari
Sanskrit only: no published translation is held for this verse.
स्मरणान्मुच्यते पापैः सद्यो जन्मान्तरार्जितैः
smaraṇānmucyate pāpaiḥ sadyo janmāntarārjitaiḥ
Sanskrit only: no published translation is held for this verse.
स्वयंभूलिङ्गसाहस्रैः यत्फलं सम्यगर्चनात् । तत्फलं कोटिगुणितं रसलिङ्गार्चनाद्भवेत्
svayaṃbhūliṅgasāhasraiḥ yatphalaṃ samyagarcanāt / tatphalaṃ koṭiguṇitaṃ rasaliṅgārcanādbhavet
Sanskrit only: no published translation is held for this verse.
अधमः खगवादस्तु विलवादस्तु मध्यमः । उत्तमो मन्त्रवादस्तु रसवादो महोत्तमः
adhamaḥ khagavādastu vilavādastu madhyamaḥ / uttamo mantravādastu rasavādo mahottamaḥ
Sanskrit only: no published translation is held for this verse.
मन्त्रतन्त्रपरिज्ञाने रसयोगस्य दूषकाः । प्रयान्ति नरकं सर्वे छित्त्वा सुकृतसंचयम्
mantratantraparijñāne rasayogasya dūṣakāḥ / prayānti narakaṃ sarve chittvā sukṛtasaṃcayam
Sanskrit only: no published translation is held for this verse.
रसविद्या परा विद्या त्रैलोक्ये ऽपि सुदुर्लभा । भुक्तिमुक्तिकरी यस्मात् तस्माद्देया गुणान्वितैः
rasavidyā parā vidyā trailokye 'pi sudurlabhā / bhuktimuktikarī yasmāt tasmāddeyā guṇānvitaiḥ
Sanskrit only: no published translation is held for this verse.
अस्तीति भाषते कश्चित् कश्चिन्नास्तीति भाषते । आस्तिके तु भवेत्सिद्धिः तस्य सिध्यति भूतले
astīti bhāṣate kaścit kaścinnāstīti bhāṣate / āstike tu bhavetsiddhiḥ tasya sidhyati bhūtale
Sanskrit only: no published translation is held for this verse.
नास्तिकेनानुभावेन नास्ति नास्तीति यो वदेत् । तस्य नास्ति प्रिये सिद्धिर् जन्मकोटिशतैरपि
nāstikenānubhāvena nāsti nāstīti yo vadet / tasya nāsti priye siddhir janmakoṭiśatairapi
Sanskrit only: no published translation is held for this verse.
ब्रह्मज्ञानेन मुक्तो ऽसौ पापी यो रसनिन्दकः । नाहं त्राता भवे तस्य जन्मकोटिशतैरपि
brahmajñānena mukto 'sau pāpī yo rasanindakaḥ / nāhaṃ trātā bhave tasya janmakoṭiśatairapi
Sanskrit only: no published translation is held for this verse.
श्वानो ऽयं जायते देवि यावत् जन्मसहस्रकम् । त्रिकोटिजन्मलक्षाणि मार्जारो जायते रसात् । रासभो लक्षजन्मानि लक्षजन्मानि वायसः
śvāno 'yaṃ jāyate devi yāvat janmasahasrakam / trikoṭijanmalakṣāṇi mārjāro jāyate rasāt / rāsabho lakṣajanmāni lakṣajanmāni vāyasaḥ
Sanskrit only: no published translation is held for this verse.
कृमिको लक्षजन्मानि कुक्कुटो जन्मलक्षकम् । गृध्रको लक्षजन्मानि यः पापी रसनिन्दकः
kṛmiko lakṣajanmāni kukkuṭo janmalakṣakam / gṛdhrako lakṣajanmāni yaḥ pāpī rasanindakaḥ
Sanskrit only: no published translation is held for this verse.
आलापं गात्रसंस्पर्शं यः कुर्याद् रसनिन्दकैः । यावज्जन्मसहस्रं तु स भवेद्दुःखपीडितः
ālāpaṃ gātrasaṃsparśaṃ yaḥ kuryād rasanindakaiḥ / yāvajjanmasahasraṃ tu sa bhavedduḥkhapīḍitaḥ
Sanskrit only: no published translation is held for this verse.
रसवीर्यविपाके च सूतकस्त्वमृतोपमः । तेन जन्मजराव्याधीन् हरते सूतकः प्रिये
rasavīryavipāke ca sūtakastvamṛtopamaḥ / tena janmajarāvyādhīn harate sūtakaḥ priye
Sanskrit only: no published translation is held for this verse.
गुरुमाराधयेत् पूर्वं विशुद्धेनान्तरात्मना । सम्प्रदायं प्रयच्छन्ति गुरौ तुष्टे मरीचयः
gurumārādhayet pūrvaṃ viśuddhenāntarātmanā / sampradāyaṃ prayacchanti gurau tuṣṭe marīcayaḥ
Sanskrit only: no published translation is held for this verse.
गुरुसेवां विना कर्म यः कुर्यान् मूढचेतनः । स याति निष्फलं कर्म स्वप्नलब्धं धनं यथा
gurusevāṃ vinā karma yaḥ kuryān mūḍhacetanaḥ / sa yāti niṣphalaṃ karma svapnalabdhaṃ dhanaṃ yathā
Sanskrit only: no published translation is held for this verse.
यः कर्म कुरुते दृष्टं तस्य लाभः पदे पदे । कारयेद् रसवादं तु तुष्टेन गुरुणा प्रिये
yaḥ karma kurute dṛṣṭaṃ tasya lābhaḥ pade pade / kārayed rasavādaṃ tu tuṣṭena guruṇā priye
Sanskrit only: no published translation is held for this verse.
सिद्ध्युपायोपदेशो ऽयम् उभयोर्भोगमोक्षदः । रसार्णवं महातन्त्रम् इदं परमदुर्लभम्
siddhyupāyopadeśo 'yam ubhayorbhogamokṣadaḥ / rasārṇavaṃ mahātantram idaṃ paramadurlabham
Sanskrit only: no published translation is held for this verse.
गोप्यं गुरुप्रसादेन लब्धं स्यात् फलसिद्धये । लब्ध्वात्र रसकर्माणि नाहंकारं समाचरेत्
gopyaṃ guruprasādena labdhaṃ syāt phalasiddhaye / labdhvātra rasakarmāṇi nāhaṃkāraṃ samācaret
Sanskrit only: no published translation is held for this verse.
अनुज्ञातश्च गुरुणा लब्ध्वा चाज्ञां रसाङ्कुशीम् । भैरवीं तनुम् आश्रित्य साधयेद्रसभैरवम्
anujñātaśca guruṇā labdhvā cājñāṃ rasāṅkuśīm / bhairavīṃ tanum āśritya sādhayedrasabhairavam
Sanskrit only: no published translation is held for this verse.
एवमुक्ता रसोत्पत्तिः माहात्म्यं च सुरेश्वरि । तन्ममाचक्ष्व देवेशि किमन्यच्छ्रोतुमिच्छसि
evamuktā rasotpattiḥ māhātmyaṃ ca sureśvari / tanmamācakṣva deveśi kimanyacchrotumicchasi
Sanskrit only: no published translation is held for this verse.