कर्मान्ते च पुनर्बालम् अष्टाष्टकमनुग्रहम् । सम्पूज्य विनियुञ्ज्यात् तत् सिद्धद्रव्यं तु सिद्धिदम्
karmānte ca punarbālam aṣṭāṣṭakamanugraham / sampūjya viniyuñjyāt tat siddhadravyaṃ tu siddhidam
Sanskrit only: no published translation is held for this verse.
सिद्धस्तु नाशयेद्वादं तद्देशं तु परित्यजेत् । भ्रमेन्माधुकरीं भिक्षां सुसिद्धे तु महारसे
siddhastu nāśayedvādaṃ taddeśaṃ tu parityajet / bhramenmādhukarīṃ bhikṣāṃ susiddhe tu mahārase
Sanskrit only: no published translation is held for this verse.
प्रमादादुत्थितो विघ्नो रसबन्धे कृते सति । रसशान्तिर्विधातव्या रसक्षोभं न कारयेत्
pramādādutthito vighno rasabandhe kṛte sati / rasaśāntirvidhātavyā rasakṣobhaṃ na kārayet
Sanskrit only: no published translation is held for this verse.
रसं न दर्शयेद्देवि नारीहस्ते न पातयेत् । नार्यै गुह्यं न वक्तव्यं द्रव्यं ताभ्यो हि गोपयेत्
rasaṃ na darśayeddevi nārīhaste na pātayet / nāryai guhyaṃ na vaktavyaṃ dravyaṃ tābhyo hi gopayet
Sanskrit only: no published translation is held for this verse.
परद्रव्यैर् न कर्तव्यं परदारान्न संस्पृशेत् । परान्नं नैव भुञ्जीत परांश्चैव न विश्वसेत्
paradravyair na kartavyaṃ paradārānna saṃspṛśet / parānnaṃ naiva bhuñjīta parāṃścaiva na viśvaset
Sanskrit only: no published translation is held for this verse.
न देयं दुष्टबुद्धीनां गोष्ठीरूपेण याचके
na deyaṃ duṣṭabuddhīnāṃ goṣṭhīrūpeṇa yācake
Sanskrit only: no published translation is held for this verse.
अष्टम्यां पौर्णमास्यां च अमावास्यां युगादिषु । अयने विषुवे चैव चतुर्दश्यां विशेषतः । रसोत्सवं प्रकुर्वीत यथावित्तानुसारतः
aṣṭamyāṃ paurṇamāsyāṃ ca amāvāsyāṃ yugādiṣu / ayane viṣuve caiva caturdaśyāṃ viśeṣataḥ / rasotsavaṃ prakurvīta yathāvittānusārataḥ
Sanskrit only: no published translation is held for this verse.
एवं रसोत्सवं देवि यः कुर्याद्भक्तिसंयुतः । ब्रह्महत्यादिपापानि नश्यन्ति विविधानि च
evaṃ rasotsavaṃ devi yaḥ kuryādbhaktisaṃyutaḥ / brahmahatyādipāpāni naśyanti vividhāni ca
Sanskrit only: no published translation is held for this verse.
अनेन विधिना यत्र पूजां कुर्वन्ति साधकाः । न तत्र रोगदौर्गत्यं नेतयः प्रभवन्ति च
anena vidhinā yatra pūjāṃ kurvanti sādhakāḥ / na tatra rogadaurgatyaṃ netayaḥ prabhavanti ca
Sanskrit only: no published translation is held for this verse.
एवंविधां रसे पूजां प्रतिष्ठाप्य यथाविधि । पश्चात्कर्म विधातव्यम् आत्मनः शुभमिच्छताम्
evaṃvidhāṃ rase pūjāṃ pratiṣṭhāpya yathāvidhi / paścātkarma vidhātavyam ātmanaḥ śubhamicchatām
Sanskrit only: no published translation is held for this verse.
अन्यथा कुरुते यस्तु तस्य सिद्धिर्न जायते । अपायः पापशङ्का च बुद्धिभङ्गो हि जायते
anyathā kurute yastu tasya siddhirna jāyate / apāyaḥ pāpaśaṅkā ca buddhibhaṅgo hi jāyate
Sanskrit only: no published translation is held for this verse.
अवज्ञा रोगजातं च संदेहश्च पदे पदे । आलस्याद्गुरुलोभाच्च परस्य कथनेन च । उत्पन्नमपि विज्ञानं हरन्ति कुलकाः प्रिये
avajñā rogajātaṃ ca saṃdehaśca pade pade / ālasyādgurulobhācca parasya kathanena ca / utpannamapi vijñānaṃ haranti kulakāḥ priye
Sanskrit only: no published translation is held for this verse.
दीक्षितो रसकर्माणि मन्त्रन्यासविदाचरेत् । तन्ममाचक्ष्व देवेशि किमन्यच्छ्रोतुम् इच्छसि
dīkṣito rasakarmāṇi mantranyāsavidācaret / tanmamācakṣva deveśi kimanyacchrotum icchasi
Sanskrit only: no published translation is held for this verse.