Rasarnava, Patalas 3

श्रीदेव्युवाच भगवन् देवदेवेश लोकनाथ जगत्पते । मन्त्रन्यासं समाचक्ष्व रसकर्मोपकारकम्

śrīdevyuvāca bhagavan devadeveśa lokanātha jagatpate / mantranyāsaṃ samācakṣva rasakarmopakārakam

Sanskrit only: no published translation is held for this verse.

श्रीभैरव उवाच पुनरन्यं प्रवक्ष्यामि मन्त्रमूर्तिं रसाङ्कुशीम् । पञ्चमं तु गृहं देवि दुर्लभं देवदानवैः

śrībhairava uvāca punaranyaṃ pravakṣyāmi mantramūrtiṃ rasāṅkuśīm / pañcamaṃ tu gṛhaṃ devi durlabhaṃ devadānavaiḥ

Sanskrit only: no published translation is held for this verse.

चत्वारः प्रधानगृहाः हंसगृहं तु पञ्चमम् । यत्र सिद्धिर् मकारादिः तिष्ठते पञ्चमे गृहे

catvāraḥ pradhānagṛhāḥ haṃsagṛhaṃ tu pañcamam / yatra siddhir makārādiḥ tiṣṭhate pañcame gṛhe

Sanskrit only: no published translation is held for this verse.

लिङ्गाश्रयं यथा रूपं लिङ्गिमाया तु लिङ्गिनी । गगनेन तु सा ज्ञेया भगरेखा तु पञ्चमे

liṅgāśrayaṃ yathā rūpaṃ liṅgimāyā tu liṅginī / gaganena tu sā jñeyā bhagarekhā tu pañcame

Sanskrit only: no published translation is held for this verse.

प्रणवं पूर्वम् उच्चार्य बीजं शब्दमनुत्तरम् । ह्रींकारं चैव क्रींकारं हंसबुद्धिमनन्तरम्

praṇavaṃ pūrvam uccārya bījaṃ śabdamanuttaram / hrīṃkāraṃ caiva krīṃkāraṃ haṃsabuddhimanantaram

Sanskrit only: no published translation is held for this verse.

कालपाशं महामन्त्रं गृह्णीयात् साधकेश्वरः । महारम्भे तु तन्मन्त्रं प्रतीहारं रसाङ्कुशीम्

kālapāśaṃ mahāmantraṃ gṛhṇīyāt sādhakeśvaraḥ / mahārambhe tu tanmantraṃ pratīhāraṃ rasāṅkuśīm

Sanskrit only: no published translation is held for this verse.

लक्षमेकं जपेत्तस्य महासिद्धिः प्रवर्तते । बालवत्सपुरीषं तु ततः केनैव ग्राहयेत्

lakṣamekaṃ japettasya mahāsiddhiḥ pravartate / bālavatsapurīṣaṃ tu tataḥ kenaiva grāhayet

Sanskrit only: no published translation is held for this verse.

चिताग्निभस्म तेनैव ग्राहयेत् परमेश्वरि । क्षेत्रं तदुत्तमं स्थानं रसेन्द्रस्तत्र तिष्ठति

citāgnibhasma tenaiva grāhayet parameśvari / kṣetraṃ taduttamaṃ sthānaṃ rasendrastatra tiṣṭhati

Sanskrit only: no published translation is held for this verse.

मार्जन्या मार्जयेत्स्थानं कुब्जिकाख्या तु खेचरी । द्वात्रिंशदक्षरा देवि पञ्चनादेषु संस्थिता

mārjanyā mārjayetsthānaṃ kubjikākhyā tu khecarī / dvātriṃśadakṣarā devi pañcanādeṣu saṃsthitā

Sanskrit only: no published translation is held for this verse.

ततः सिद्धाश्च चत्वारः पुरुषाष्टादश स्मृताः । अर्थपञ्चकसंयुक्ता ध्यानं स्यात् पञ्चकं पुनः

tataḥ siddhāśca catvāraḥ puruṣāṣṭādaśa smṛtāḥ / arthapañcakasaṃyuktā dhyānaṃ syāt pañcakaṃ punaḥ

Sanskrit only: no published translation is held for this verse.

योगिनीषट्कसंयुक्तं सप्तविंशत्क्रमान्वितम् । एकाशीतिपदैर्युक्तं पञ्चावरणसंयुतम्

yoginīṣaṭkasaṃyuktaṃ saptaviṃśatkramānvitam / ekāśītipadairyuktaṃ pañcāvaraṇasaṃyutam

Sanskrit only: no published translation is held for this verse.

अनेन क्रमयोगेन मार्जनीं परिपूजयेत् । अनेन मार्जयेत् क्षेत्रं रसेन्द्रो यत्र तिष्ठति

anena kramayogena mārjanīṃ paripūjayet / anena mārjayet kṣetraṃ rasendro yatra tiṣṭhati

Sanskrit only: no published translation is held for this verse.

उपलेपं तु तत्रैव चण्डघण्टां तु कारयेत् । पूर्वे गृहे तु सा देवी चण्डघण्टा व्यवस्थिता

upalepaṃ tu tatraiva caṇḍaghaṇṭāṃ tu kārayet / pūrve gṛhe tu sā devī caṇḍaghaṇṭā vyavasthitā

Sanskrit only: no published translation is held for this verse.

चण्डभैरविका देवी संस्थिता दक्षिणे गृहे । गोमयं तेन गृह्णीयाल् लेपनार्थं वरानने

caṇḍabhairavikā devī saṃsthitā dakṣiṇe gṛhe / gomayaṃ tena gṛhṇīyāl lepanārthaṃ varānane

Sanskrit only: no published translation is held for this verse.

चण्डकापालिनी देवी संस्थिता चोत्तरे गृहे । गृहीत्वा चोदकं तेन लेपयेद्भूमिमण्डलम्

caṇḍakāpālinī devī saṃsthitā cottare gṛhe / gṛhītvā codakaṃ tena lepayedbhūmimaṇḍalam

Sanskrit only: no published translation is held for this verse.

सप्तदशाक्षरां कालीं खल्लपाषाणतो न्यसेत् । द्वात्रिंशदक्षरं घोरं मर्दके तु नियोजयेत्

saptadaśākṣarāṃ kālīṃ khallapāṣāṇato nyaset / dvātriṃśadakṣaraṃ ghoraṃ mardake tu niyojayet

Sanskrit only: no published translation is held for this verse.

गृह्णीयात् काञ्जिकां देवि कालपाशेन मन्त्रितः । एवं सुकर्मसंयोगं कुरुते खेचरीकुलम्

gṛhṇīyāt kāñjikāṃ devi kālapāśena mantritaḥ / evaṃ sukarmasaṃyogaṃ kurute khecarīkulam

Sanskrit only: no published translation is held for this verse.

अष्टाशीतिसहस्राणि याः स्थिता दिव्यखेचरी । ताः सर्वाः किंकरास्तस्य औषधं पेषयन्ति ताः

aṣṭāśītisahasrāṇi yāḥ sthitā divyakhecarī / tāḥ sarvāḥ kiṃkarāstasya auṣadhaṃ peṣayanti tāḥ

Sanskrit only: no published translation is held for this verse.

तासां सर्वं तु मन्त्रैकं चतुरक्षरसंयुतम् । सो ऽहं हंसः । सा विद्या खेचरीणां तु नाम्नां तु कुलखेचरी

tāsāṃ sarvaṃ tu mantraikaṃ caturakṣarasaṃyutam / so 'haṃ haṃsaḥ | sā vidyā khecarīṇāṃ tu nāmnāṃ tu kulakhecarī

Sanskrit only: no published translation is held for this verse.

राजिकां सैन्धवं न्यस्य सा विद्या कुलखेचरी । मन्त्रयेत् काञ्जिकां तत्र मन्त्रराजो रसाङ्कुशी

rājikāṃ saindhavaṃ nyasya sā vidyā kulakhecarī / mantrayet kāñjikāṃ tatra mantrarājo rasāṅkuśī

Sanskrit only: no published translation is held for this verse.

अस्त्रविद्यां जपेत्तत्र या ज्ञाता पूर्वभार्गवे । गुडेष्टकां तु संमर्द्य प्रिये तन्मर्दितं रसम्

astravidyāṃ japettatra yā jñātā pūrvabhārgave / guḍeṣṭakāṃ tu saṃmardya priye tanmarditaṃ rasam

Sanskrit only: no published translation is held for this verse.

का कथा मन्त्रराजस्य न वाक्यं त्रिशिरस्य च । षडङ्गं योजयेत् तां तु त्वरितं धारयेत् ततः

kā kathā mantrarājasya na vākyaṃ triśirasya ca / ṣaḍaṅgaṃ yojayet tāṃ tu tvaritaṃ dhārayet tataḥ

Sanskrit only: no published translation is held for this verse.

डामराख्यं महामन्त्रं धमनीषु नियोजयेत् । चिन्तामणिमहाविद्यां कवचेषु नियोजयेत्

ḍāmarākhyaṃ mahāmantraṃ dhamanīṣu niyojayet / cintāmaṇimahāvidyāṃ kavaceṣu niyojayet

Sanskrit only: no published translation is held for this verse.

चण्डिकाया महामन्त्रं तं तु पात्रे नियोजयेत् । नवविद्यां वरारोहे विन्यसेत्तुषगोमये

caṇḍikāyā mahāmantraṃ taṃ tu pātre niyojayet / navavidyāṃ varārohe vinyasettuṣagomaye

Sanskrit only: no published translation is held for this verse.

त्रिपुराभैरवीं देवीं राजिकाकाञ्जिके न्यसेत् । गुडस्य कालरात्रिस् तु न्यस्तव्या वीरवन्दिते

tripurābhairavīṃ devīṃ rājikākāñjike nyaset / guḍasya kālarātris tu nyastavyā vīravandite

Sanskrit only: no published translation is held for this verse.

त्रिकूटाक्षं त्रिनेत्रं तु अनलस्य तु विन्यसेत् । उदके विन्यसेद्देवि चतुरशीतिचण्डिकाः

trikūṭākṣaṃ trinetraṃ tu analasya tu vinyaset / udake vinyaseddevi caturaśīticaṇḍikāḥ

Sanskrit only: no published translation is held for this verse.

क्षेत्रपालमघोरास्त्रं न्यस्तव्यं कोष्ठके प्रिये । महापाशुपतास्त्रं तु मूषायां च नियोजयेत्

kṣetrapālamaghorāstraṃ nyastavyaṃ koṣṭhake priye / mahāpāśupatāstraṃ tu mūṣāyāṃ ca niyojayet

Sanskrit only: no published translation is held for this verse.

एतन्मन्त्रगणं देवि रसस्थाने नियोजयेत् । तदा तु सिध्यते तस्य साधकस्य फलं प्रिये

etanmantragaṇaṃ devi rasasthāne niyojayet / tadā tu sidhyate tasya sādhakasya phalaṃ priye

Sanskrit only: no published translation is held for this verse.

रसाङ्कुशं महामन्त्रं जपेत्तु हृदयान्तरे । अन्ये ये योगिनीमन्त्राः सर्वान्नारीश्च जापयेत्

rasāṅkuśaṃ mahāmantraṃ japettu hṛdayāntare / anye ye yoginīmantrāḥ sarvānnārīśca jāpayet

Sanskrit only: no published translation is held for this verse.

अप्रकाशं तु तेनैव मन्त्रराजं रसाङ्कुशम् । अप्रकाशं च नारीणां रक्षयेत्प्रणवं तथा । महासमयविभ्रंशं नारीणां हृदयं यथा

aprakāśaṃ tu tenaiva mantrarājaṃ rasāṅkuśam / aprakāśaṃ ca nārīṇāṃ rakṣayetpraṇavaṃ tathā / mahāsamayavibhraṃśaṃ nārīṇāṃ hṛdayaṃ yathā

Sanskrit only: no published translation is held for this verse.

कुब्जिकाद्यास्तु ये मन्त्रा मया ते संप्रकाशिताः । त्रैलोक्यं क्षोभितास्ते तु न मन्यन्ते मम प्रिये

kubjikādyāstu ye mantrā mayā te saṃprakāśitāḥ / trailokyaṃ kṣobhitāste tu na manyante mama priye

Sanskrit only: no published translation is held for this verse.

रसाङ्कुशेन ज्ञानेन त्रैलोक्यं वश्यतां व्रजेत्

rasāṅkuśena jñānena trailokyaṃ vaśyatāṃ vrajet

Sanskrit only: no published translation is held for this verse.

मन्त्रन्यासमिति ज्ञात्वा यन्त्रमूषाग्निमानवित् । कुर्वाणो रसकर्माणि सिद्धिं प्राप्नोति साधकः

mantranyāsamiti jñātvā yantramūṣāgnimānavit / kurvāṇo rasakarmāṇi siddhiṃ prāpnoti sādhakaḥ

Sanskrit only: no published translation is held for this verse.