Rasarnava, Patalas 6

लोहजातं तथा ध्मातम् अग्निवर्णं तु दृश्यते । वापितं सकृद् एकेन मृतं जलसमं भवेत्

lohajātaṃ tathā dhmātam agnivarṇaṃ tu dṛśyate / vāpitaṃ sakṛd ekena mṛtaṃ jalasamaṃ bhavet

Sanskrit only: no published translation is held for this verse.

मुक्ताफलं तु सप्ताहं वेतसाम्लेन भावितम् । जम्बीरोदरमध्यस्थं धान्यराशौ निधापयेत् । पुटपाकेन तच्चूर्णं जायते सलिलं यथा

muktāphalaṃ tu saptāhaṃ vetasāmlena bhāvitam / jambīrodaramadhyasthaṃ dhānyarāśau nidhāpayet / puṭapākena taccūrṇaṃ jāyate salilaṃ yathā

Sanskrit only: no published translation is held for this verse.

शृणु देवि महाभागे वैक्रान्ताख्यं महारसम्

śṛṇu devi mahābhāge vaikrāntākhyaṃ mahārasam

Sanskrit only: no published translation is held for this verse.

दैत्येन्द्रो महिषः सिद्धो हरदेहसमुद्भवः । दुर्गा भगवती देवी तं शूलेन व्यमर्दयत्

daityendro mahiṣaḥ siddho haradehasamudbhavaḥ / durgā bhagavatī devī taṃ śūlena vyamardayat

Sanskrit only: no published translation is held for this verse.

तस्य रक्तं तु पतितं यत्र यत्र स्थितं भुवि । तत्र तत्र तु वैक्रान्तो वज्राकारो महारसः

tasya raktaṃ tu patitaṃ yatra yatra sthitaṃ bhuvi / tatra tatra tu vaikrānto vajrākāro mahārasaḥ

Sanskrit only: no published translation is held for this verse.

विन्ध्यस्य दक्षिणे चास्ति उत्तरे नास्ति सर्वथा । विकृन्तयति लोहानि तेन वैक्रान्तकः स्मृतः

vindhyasya dakṣiṇe cāsti uttare nāsti sarvathā / vikṛntayati lohāni tena vaikrāntakaḥ smṛtaḥ

Sanskrit only: no published translation is held for this verse.

श्वेतः पीतस्तथा रक्तो नीलः पारावतप्रभः । मयूरवालसदृशश् चान्यो मरकतप्रभः

śvetaḥ pītastathā rakto nīlaḥ pārāvataprabhaḥ / mayūravālasadṛśaś cānyo marakataprabhaḥ

Sanskrit only: no published translation is held for this verse.

देहसिद्धिकरः कृष्णः पीते पीतः सिते सितः । सर्वार्थसिद्धिदो रक्तः तथा मरकतप्रभः । शेषे द्वे निष्फले वर्ज्ये वैक्रान्तमिति सप्तधा

dehasiddhikaraḥ kṛṣṇaḥ pīte pītaḥ site sitaḥ / sarvārthasiddhido raktaḥ tathā marakataprabhaḥ / śeṣe dve niṣphale varjye vaikrāntamiti saptadhā

Sanskrit only: no published translation is held for this verse.

यत्र क्षेत्रे स्थितं देवि वैक्रान्तं तत्र भैरवम् । विनायकं च सम्पूज्य गृह्णीयात् साधकोत्तमः

yatra kṣetre sthitaṃ devi vaikrāntaṃ tatra bhairavam / vināyakaṃ ca sampūjya gṛhṇīyāt sādhakottamaḥ

Sanskrit only: no published translation is held for this verse.

वैक्रान्तं चूर्णितं सूक्ष्मं सुरासुरनमस्कृतम् । व्याघ्रीकन्दस्य मध्यस्थं धमयित्वा पुटे स्थितम्

vaikrāntaṃ cūrṇitaṃ sūkṣmaṃ surāsuranamaskṛtam / vyāghrīkandasya madhyasthaṃ dhamayitvā puṭe sthitam

Sanskrit only: no published translation is held for this verse.

अश्वमूत्रेण मृद्वग्नौ स्वेदयेत् सप्तवासरात् । छायाशुष्कं ततः कुर्याद् इदं वैक्रान्तमुत्तमम्

aśvamūtreṇa mṛdvagnau svedayet saptavāsarāt / chāyāśuṣkaṃ tataḥ kuryād idaṃ vaikrāntamuttamam

Sanskrit only: no published translation is held for this verse.

अथवा लवणक्षार- मूत्राम्लकृष्णतैलकैः । कुलत्थकोद्रवक्वाथे स्वेदयेत् सप्त वासरान्

athavā lavaṇakṣāra- mūtrāmlakṛṣṇatailakaiḥ / kulatthakodravakvāthe svedayet sapta vāsarān

Sanskrit only: no published translation is held for this verse.

वन्ध्याचूर्णं तु वैक्रान्तं समांशेन तु चूर्णयेत् । अजामूत्रेण संभाव्य छायाशुष्कं तु कारयेत् । अन्धनाले धमित्वा तु मूषासत्त्वं तु जायते

vandhyācūrṇaṃ tu vaikrāntaṃ samāṃśena tu cūrṇayet / ajāmūtreṇa saṃbhāvya chāyāśuṣkaṃ tu kārayet / andhanāle dhamitvā tu mūṣāsattvaṃ tu jāyate

Sanskrit only: no published translation is held for this verse.

मोक्षमोरटपालाश- क्षारगोमूत्रभावितम् । वज्रकन्दशिफाकल्क- लाक्षाटङ्कणसंयुतम्

mokṣamoraṭapālāśa- kṣāragomūtrabhāvitam / vajrakandaśiphākalka- lākṣāṭaṅkaṇasaṃyutam

Sanskrit only: no published translation is held for this verse.

वैक्रान्तसम्भवं चूर्णं मेषशृङ्गीद्रवान्वितम् । पिण्डितं मूकमूषायां ध्मातं सत्त्वं विमुञ्चति

vaikrāntasambhavaṃ cūrṇaṃ meṣaśṛṅgīdravānvitam / piṇḍitaṃ mūkamūṣāyāṃ dhmātaṃ sattvaṃ vimuñcati

Sanskrit only: no published translation is held for this verse.

वैक्रान्तं वज्रकन्दं च पेषयेद् वज्रवारिणा । माहिषे नवनीते च सक्षौद्रं पिण्डितं ततः । शोधयित्वा धमेत् सत्त्वम् इन्द्रगोपसमं पतेत्

vaikrāntaṃ vajrakandaṃ ca peṣayed vajravāriṇā / māhiṣe navanīte ca sakṣaudraṃ piṇḍitaṃ tataḥ / śodhayitvā dhamet sattvam indragopasamaṃ patet

Sanskrit only: no published translation is held for this verse.

केतकीस्वरसः काङ्क्षी मणिमत्थं सखेचरम् । स्वेदनाज्जायते देवि वैक्रान्तं रससंनिभम्

ketakīsvarasaḥ kāṅkṣī maṇimatthaṃ sakhecaram / svedanājjāyate devi vaikrāntaṃ rasasaṃnibham

Sanskrit only: no published translation is held for this verse.

सुवर्णं रजतं ताम्रं कान्तलोहस्य वा रजः । अनेन स्वेदविधिना द्रवन्ति सलिलं यथा

suvarṇaṃ rajataṃ tāmraṃ kāntalohasya vā rajaḥ / anena svedavidhinā dravanti salilaṃ yathā

Sanskrit only: no published translation is held for this verse.

इत्युक्तमभ्रकादीनां चतुर्णां लक्षणादिकम् । तन्ममाचक्ष्व देवेशि किमन्यच्छ्रोतुम् इच्छसि

ityuktamabhrakādīnāṃ caturṇāṃ lakṣaṇādikam / tanmamācakṣva deveśi kimanyacchrotum icchasi

Sanskrit only: no published translation is held for this verse.