Rasarnava, Patalas 7

त्रिःसप्तकृत्वो गोमूत्रे ज्वालिनीभस्म गालितम् । शोषयेत्तस्य वापेन तीक्ष्णं मूषागतं द्रवेत्

triḥsaptakṛtvo gomūtre jvālinībhasma gālitam / śoṣayettasya vāpena tīkṣṇaṃ mūṣāgataṃ dravet

Sanskrit only: no published translation is held for this verse.

त्रिःसप्तकृत्वो निचुल- भस्मना भावितेन तु । केतक्यास्तु रसैस्तीक्ष्णम् आवापाद्द्रवतां व्रजेत्

triḥsaptakṛtvo nicula- bhasmanā bhāvitena tu / ketakyāstu rasaistīkṣṇam āvāpāddravatāṃ vrajet

Sanskrit only: no published translation is held for this verse.

पक्वधात्रीफलरसैः शङ्खे सप्ताहभावितम् । पुनः कञ्चुकितोयेन भावितं सप्तवासरम्

pakvadhātrīphalarasaiḥ śaṅkhe saptāhabhāvitam / punaḥ kañcukitoyena bhāvitaṃ saptavāsaram

Sanskrit only: no published translation is held for this verse.

शरावयुगलान्तःस्थं सुदृढं परिधामितम् । तत्तीक्ष्णचूर्णं देवेशि रसरूपं प्रजायते

śarāvayugalāntaḥsthaṃ sudṛḍhaṃ paridhāmitam / tattīkṣṇacūrṇaṃ deveśi rasarūpaṃ prajāyate

Sanskrit only: no published translation is held for this verse.

तालकं गन्धपाषाण- शिलामाक्षिकगैरिकम् । कासीसं खण्डसौराष्ट्री- तुत्थमभ्रकमेव च

tālakaṃ gandhapāṣāṇa- śilāmākṣikagairikam / kāsīsaṃ khaṇḍasaurāṣṭrī- tutthamabhrakameva ca

Sanskrit only: no published translation is held for this verse.

श्वशृगालतरक्षूणां कुक्कुटस्य मलं तथा । मयूरगृध्रमार्जार- विष्ठा च समभागकम्

śvaśṛgālatarakṣūṇāṃ kukkuṭasya malaṃ tathā / mayūragṛdhramārjāra- viṣṭhā ca samabhāgakam

Sanskrit only: no published translation is held for this verse.

भावयेत्त्रिः स्नुहीक्षीरैर् देवदालीरसेन च । तत्कल्कम् अष्टमांशेन लोहपत्त्राणि लेपयेत्

bhāvayettriḥ snuhīkṣīrair devadālīrasena ca / tatkalkam aṣṭamāṃśena lohapattrāṇi lepayet

Sanskrit only: no published translation is held for this verse.

धमेद् द्रुतं भवेल्लोहम् एतैरेव निषेचयेत् । अङ्कोलस्य तु मूलानि काञ्जिकेन प्रपेषयेत् । लोहलेपं ततो दद्यात् अग्निस्थं धारयेत् प्रिये

dhamed drutaṃ bhavelloham etaireva niṣecayet / aṅkolasya tu mūlāni kāñjikena prapeṣayet / lohalepaṃ tato dadyāt agnisthaṃ dhārayet priye

Sanskrit only: no published translation is held for this verse.

पुनर्लेपं ततो दद्यात् परिच्छिन्नारसेन तु । मत्स्यपित्तेन देवेशि वह्निस्थं धारयेत् प्रिये

punarlepaṃ tato dadyāt paricchinnārasena tu / matsyapittena deveśi vahnisthaṃ dhārayet priye

Sanskrit only: no published translation is held for this verse.

पुनर्लेपं प्रकुर्वीत लाङ्गलीकन्दसम्भवम् । त्रिभिर्लेपैर्द्रुतं लोहं निर्मलं स्वच्छवारिवत्

punarlepaṃ prakurvīta lāṅgalīkandasambhavam / tribhirlepairdrutaṃ lohaṃ nirmalaṃ svacchavārivat

Sanskrit only: no published translation is held for this verse.

चूर्णितं देवि कूर्मास्थि मेषशृङ्गं शिलाजतु । कुरुते प्रतिवापेन बलवज्जलवत् स्थिरम्

cūrṇitaṃ devi kūrmāsthi meṣaśṛṅgaṃ śilājatu / kurute prativāpena balavajjalavat sthiram

Sanskrit only: no published translation is held for this verse.

अर्कापामार्गमुसली- निचुलं चित्रकं तथा । कदली पोतकी दाली क्षारमेषां तु साधयेत्

arkāpāmārgamusalī- niculaṃ citrakaṃ tathā / kadalī potakī dālī kṣārameṣāṃ tu sādhayet

Sanskrit only: no published translation is held for this verse.

गालयेन्माहिषे मूत्रे षड्वारान्सुरवन्दिते । आवापाद्द्रावयेदेत- दभ्रसत्त्वादिजं रजः

gālayenmāhiṣe mūtre ṣaḍvārānsuravandite / āvāpāddrāvayedeta- dabhrasattvādijaṃ rajaḥ

Sanskrit only: no published translation is held for this verse.

दन्तीदन्तो विशेषेण द्रावयेत् सलिलं यथा

dantīdanto viśeṣeṇa drāvayet salilaṃ yathā

Sanskrit only: no published translation is held for this verse.

रसेनोत्तरवारुण्याः प्लुतं वैक्रान्तजं रजः । प्रतिवापेन लोहानि द्रावयेत् सलिलोपमम्

rasenottaravāruṇyāḥ plutaṃ vaikrāntajaṃ rajaḥ / prativāpena lohāni drāvayet salilopamam

Sanskrit only: no published translation is held for this verse.

रत्नानां द्रावणं वक्ष्ये गगनस्य द्रुतिं तथा

ratnānāṃ drāvaṇaṃ vakṣye gaganasya drutiṃ tathā

Sanskrit only: no published translation is held for this verse.

त्रिफला च त्रिकटुकं त्रिक्षारं पटुपञ्चकम् । बला चातिबला चैव तृतीया च महाबला

triphalā ca trikaṭukaṃ trikṣāraṃ paṭupañcakam / balā cātibalā caiva tṛtīyā ca mahābalā

Sanskrit only: no published translation is held for this verse.

अश्वगन्धा चवी नारी भूलता मातृवाहकः । गोपेन्द्रमण्डली चैव षड्बिन्दुर्द्विमुखी तथा

aśvagandhā cavī nārī bhūlatā mātṛvāhakaḥ / gopendramaṇḍalī caiva ṣaḍbindurdvimukhī tathā

Sanskrit only: no published translation is held for this verse.

धीरा सूरणकन्दश्च कञ्चुकी च पुनर्नवा । स्नुह्यर्कोन्मत्तहलिनी पाठा चोत्तरवारुणी

dhīrā sūraṇakandaśca kañcukī ca punarnavā / snuhyarkonmattahalinī pāṭhā cottaravāruṇī

Sanskrit only: no published translation is held for this verse.

अयस्कान्तो गोक्षुरश्च मृदुदूर्वाम्लवेतसम् । शिलाजतु च सौवीरं विषगन्धकटङ्कणम्

ayaskānto gokṣuraśca mṛdudūrvāmlavetasam / śilājatu ca sauvīraṃ viṣagandhakaṭaṅkaṇam

Sanskrit only: no published translation is held for this verse.

पृथग्दशपलं सर्वं सूक्ष्मचूर्णं तु कारयेत् । कुम्भद्वयं कुलत्थानां काष्ठेन तिनिशस्य च

pṛthagdaśapalaṃ sarvaṃ sūkṣmacūrṇaṃ tu kārayet / kumbhadvayaṃ kulatthānāṃ kāṣṭhena tiniśasya ca

Sanskrit only: no published translation is held for this verse.

क्वाथयेन्मृदुतापेन यावत् कुम्भावशेषितम् । तेन क्वाथेन तच्चूर्णं भावयेदेकविंशतिम्

kvāthayenmṛdutāpena yāvat kumbhāvaśeṣitam / tena kvāthena taccūrṇaṃ bhāvayedekaviṃśatim

Sanskrit only: no published translation is held for this verse.

रत्नानि तेन लिप्तानि तत्क्वाथस्थं धमेत् पुनः । अहोरात्रेण तान्याशु द्रवन्ति सलिलं यथा

ratnāni tena liptāni tatkvāthasthaṃ dhamet punaḥ / ahorātreṇa tānyāśu dravanti salilaṃ yathā

Sanskrit only: no published translation is held for this verse.

अभ्रकादीनि लोहानि द्रवन्ति ह्य् अविचारतः । निर्मलानि च जायन्ते हरबीजोपमानि च

abhrakādīni lohāni dravanti hy avicārataḥ / nirmalāni ca jāyante harabījopamāni ca

Sanskrit only: no published translation is held for this verse.

मिलन्ति च रसेनाशु वह्निस्थान्यक्षयाणि च । तैर् द्रुतैः स्पर्शमात्रेण क्षणाद् बध्येत सूतकः

milanti ca rasenāśu vahnisthānyakṣayāṇi ca / tair drutaiḥ sparśamātreṇa kṣaṇād badhyeta sūtakaḥ

Sanskrit only: no published translation is held for this verse.

लोहानां मारणं वक्ष्ये समाहितमनाः शृणु । स्नुहीक्षीरेण सिन्दूरं कनकं रजतं पुनः

lohānāṃ māraṇaṃ vakṣye samāhitamanāḥ śṛṇu / snuhīkṣīreṇa sindūraṃ kanakaṃ rajataṃ punaḥ

Sanskrit only: no published translation is held for this verse.

तेनैव माक्षिकं ताम्रम् अजाक्षीरेण गन्धकम् । स्तन्येन हिङ्गुलं तीक्ष्णं वङ्गतालपलाशकम्

tenaiva mākṣikaṃ tāmram ajākṣīreṇa gandhakam / stanyena hiṅgulaṃ tīkṣṇaṃ vaṅgatālapalāśakam

Sanskrit only: no published translation is held for this verse.

नागं शिलार्कक्षीरेण स्वच्छपत्त्रीकृतं प्रिये । मारयेत् पुटपाकेन निरुत्थं भस्म जायते

nāgaṃ śilārkakṣīreṇa svacchapattrīkṛtaṃ priye / mārayet puṭapākena nirutthaṃ bhasma jāyate

Sanskrit only: no published translation is held for this verse.

न सो ऽस्ति लोहमातंगो यं न गन्धककेसरी । निहन्याद्गन्धमात्रेण यद्वा माक्षिककेसरी

na so 'sti lohamātaṃgo yaṃ na gandhakakesarī / nihanyādgandhamātreṇa yadvā mākṣikakesarī

Sanskrit only: no published translation is held for this verse.

रसीभवन्ति लोहानि मृतानि सुरवन्दिते । हरन्ति रोगान् सकलान् रसयुक्तानि किं पुनः । शीलनान्नाशयन्त्येव वलीपलितरुग्जराः

rasībhavanti lohāni mṛtāni suravandite / haranti rogān sakalān rasayuktāni kiṃ punaḥ / śīlanānnāśayantyeva valīpalitarugjarāḥ

Sanskrit only: no published translation is held for this verse.

वज्रमाक्षिकतीक्ष्णाभ्रं शस्यते देहकर्मणि । नागं वङ्गं सुवीरं च द्रव्यकर्मणि योजयेत्

vajramākṣikatīkṣṇābhraṃ śasyate dehakarmaṇi / nāgaṃ vaṅgaṃ suvīraṃ ca dravyakarmaṇi yojayet

Sanskrit only: no published translation is held for this verse.

परिबालं तु यल्लोहं तथा च मलयोद्भवम् । एतल्लोहद्वयं देवि विशेषाद्देहरक्षणम्

paribālaṃ tu yallohaṃ tathā ca malayodbhavam / etallohadvayaṃ devi viśeṣāddeharakṣaṇam

Sanskrit only: no published translation is held for this verse.

रागं महारसादीनां ज्ञात्वा बीजानि साधयेत् । तन्ममाचक्ष्व देवेशि किमन्यच्छ्रोतुमर्हसि

rāgaṃ mahārasādīnāṃ jñātvā bījāni sādhayet / tanmamācakṣva deveśi kimanyacchrotumarhasi

Sanskrit only: no published translation is held for this verse.