श्रीदेव्युवाच महारसानां लोहानां रत्नानां च सुरेश्वर । रागसंख्यां तथा बीज- साधनं च वद प्रभो
śrīdevyuvāca mahārasānāṃ lohānāṃ ratnānāṃ ca sureśvara / rāgasaṃkhyāṃ tathā bīja- sādhanaṃ ca vada prabho
Sanskrit only: no published translation is held for this verse.
श्रीभैरव उवाच महारसेषु द्विगुणस् ताम्ररागः सुरेश्वरि । गिरिदोषे क्षयं नीते सूतकं रञ्जयन्ति ते
śrībhairava uvāca mahāraseṣu dviguṇas tāmrarāgaḥ sureśvari / giridoṣe kṣayaṃ nīte sūtakaṃ rañjayanti te
Sanskrit only: no published translation is held for this verse.
सस्यकश्चपलश् चैव राजावर्तश्च माक्षिकः । विमलो गैरिकं चैषाम् एकैकं द्विगुणं भवेत्
sasyakaścapalaś caiva rājāvartaśca mākṣikaḥ / vimalo gairikaṃ caiṣām ekaikaṃ dviguṇaṃ bhavet
Sanskrit only: no published translation is held for this verse.
भ्रामकादिषु कान्तेष्वप्य् एकद्वित्रिगुणो हि सः । एकैकमभ्रके चैव श्वेतपीतारुणः सिते
bhrāmakādiṣu kānteṣvapy ekadvitriguṇo hi saḥ / ekaikamabhrake caiva śvetapītāruṇaḥ site
Sanskrit only: no published translation is held for this verse.
अष्टादशसहस्राणि स्थिता रागाश्च गन्धके । अयुतं दरदे देवि शिलायां द्विसहस्रकम्
aṣṭādaśasahasrāṇi sthitā rāgāśca gandhake / ayutaṃ darade devi śilāyāṃ dvisahasrakam
Sanskrit only: no published translation is held for this verse.
रसके सप्तसाहस्रं कङ्कुष्ठे तु चतुष्टयम् । रसगर्भे प्रकाशन्ते जारणं तु भवेद्यदि
rasake saptasāhasraṃ kaṅkuṣṭhe tu catuṣṭayam / rasagarbhe prakāśante jāraṇaṃ tu bhavedyadi
Sanskrit only: no published translation is held for this verse.
द्वादशाग्रं शतं पञ्च नागे रागा व्यवस्थिताः । शतहीनं सहस्रं तु वङ्गे रागा व्यवस्थिताः
dvādaśāgraṃ śataṃ pañca nāge rāgā vyavasthitāḥ / śatahīnaṃ sahasraṃ tu vaṅge rāgā vyavasthitāḥ
Sanskrit only: no published translation is held for this verse.
रागाणां शतपञ्चाशत् शुल्वमध्ये व्यवस्थिताः । रक्तपीताश्च शुक्लाश्च हेम्नि रागाश्च षोडश
rāgāṇāṃ śatapañcāśat śulvamadhye vyavasthitāḥ / raktapītāśca śuklāśca hemni rāgāśca ṣoḍaśa
Sanskrit only: no published translation is held for this verse.
रागाः षष्टिसहस्राणि शक्रनीले व्यवस्थिताः । महानीले च देवेशि ते रागा द्विगुणाः स्थिताः
rāgāḥ ṣaṣṭisahasrāṇi śakranīle vyavasthitāḥ / mahānīle ca deveśi te rāgā dviguṇāḥ sthitāḥ
Sanskrit only: no published translation is held for this verse.
माणिक्ये तु सुरेशानि रागा लक्षत्रयोदश । गजवारिसमुत्पन्नं रत्नं मुक्ताफलं विदुः
māṇikye tu sureśāni rāgā lakṣatrayodaśa / gajavārisamutpannaṃ ratnaṃ muktāphalaṃ viduḥ
Sanskrit only: no published translation is held for this verse.
गजे त्रीणि सहस्राणि षट्सहस्राणि वारिजे । नवलक्षं च रागाणां पद्मरागे व्यवस्थिताः
gaje trīṇi sahasrāṇi ṣaṭsahasrāṇi vārije / navalakṣaṃ ca rāgāṇāṃ padmarāge vyavasthitāḥ
Sanskrit only: no published translation is held for this verse.
भेदयेत् सर्वलोहानि यच्च केन न भिद्यते । तद्वज्रं तस्य देवेशि रागं लक्षद्वयं विदुः
bhedayet sarvalohāni yacca kena na bhidyate / tadvajraṃ tasya deveśi rāgaṃ lakṣadvayaṃ viduḥ
Sanskrit only: no published translation is held for this verse.
षोडशैव सहस्राणि पुष्परागे व्यवस्थिताः । पादोनलक्षरागास्तु प्रोक्ता मरकते प्रिये
ṣoḍaśaiva sahasrāṇi puṣparāge vyavasthitāḥ / pādonalakṣarāgāstu proktā marakate priye
Sanskrit only: no published translation is held for this verse.
रागसंख्यां न जानाति संक्रान्तस्य रसस्य तु । अधिकं मारयेल्लोहं हीनं चैव प्रकाशयेत्
rāgasaṃkhyāṃ na jānāti saṃkrāntasya rasasya tu / adhikaṃ mārayellohaṃ hīnaṃ caiva prakāśayet
Sanskrit only: no published translation is held for this verse.
मानवेन्द्रः प्रकुर्वीत यो हि जानाति पार्वति । शतकोटिप्रमाणेन रागसंख्यां प्रकल्पयेत् । स्पर्शनं चैवमालोक्य शतकोटिस्तु विध्यते
mānavendraḥ prakurvīta yo hi jānāti pārvati / śatakoṭipramāṇena rāgasaṃkhyāṃ prakalpayet / sparśanaṃ caivamālokya śatakoṭistu vidhyate
Sanskrit only: no published translation is held for this verse.
अतः परं प्रवक्ष्यामि बीजानां साधनं प्रिये । हेमतारवशाद्बीजं द्विविधं तावदीश्वरि
ataḥ paraṃ pravakṣyāmi bījānāṃ sādhanaṃ priye / hematāravaśādbījaṃ dvividhaṃ tāvadīśvari
Sanskrit only: no published translation is held for this verse.
पीतारुणैर्हेमबीजं तारबीजं सितैर्भवेत् । कल्पितं रञ्जितं पक्वम् इति भूयस्त्रिधा भवेत्
pītāruṇairhemabījaṃ tārabījaṃ sitairbhavet / kalpitaṃ rañjitaṃ pakvam iti bhūyastridhā bhavet
Sanskrit only: no published translation is held for this verse.
कल्पितं द्विविधं तच्च शुद्धमिश्रविभेदतः
kalpitaṃ dvividhaṃ tacca śuddhamiśravibhedataḥ
Sanskrit only: no published translation is held for this verse.
रसोपरसलोहानां बीजानां कल्पनं पृथक् । शुद्धं मिश्रं तु संयोगात् यथालाभं सुरेश्वरि
rasoparasalohānāṃ bījānāṃ kalpanaṃ pṛthak / śuddhaṃ miśraṃ tu saṃyogāt yathālābhaṃ sureśvari
Sanskrit only: no published translation is held for this verse.
सत्त्वमावर्तितं व्योम्नि शोधितं काचटङ्कणैः । चिञ्चाफलाम्लनिर्गुण्डी- पत्त्रकल्कनिषेचनैः । पक्वं निविडितं देवि रसपिष्टिक्षमं भवेत्
sattvamāvartitaṃ vyomni śodhitaṃ kācaṭaṅkaṇaiḥ / ciñcāphalāmlanirguṇḍī- pattrakalkaniṣecanaiḥ / pakvaṃ niviḍitaṃ devi rasapiṣṭikṣamaṃ bhavet
Sanskrit only: no published translation is held for this verse.
स्नेहक्षाराम्लवर्गैश्च शिलायाश्च पुटत्रयात् । मृताहे धूपनायन्त्रे धूपगन्धानुलेपनात् । वङ्गस्यापि विधानेन तालकस्य हतस्य वा
snehakṣārāmlavargaiśca śilāyāśca puṭatrayāt / mṛtāhe dhūpanāyantre dhūpagandhānulepanāt / vaṅgasyāpi vidhānena tālakasya hatasya vā
Sanskrit only: no published translation is held for this verse.
ताप्यहिङ्गुलयोर्वापि हते च रसकस्य वा । रसगर्भे द्रवेत् कृष्णं पत्त्रं कनकतारयोः
tāpyahiṅgulayorvāpi hate ca rasakasya vā / rasagarbhe dravet kṛṣṇaṃ pattraṃ kanakatārayoḥ
Sanskrit only: no published translation is held for this verse.
संकराख्यं तु दुर्मेल्यं प्रिये मृदुखराह्वयम् । ततः संमृदितं देवि द्वंद्वमेलापनं द्रुतम् । भवेत् समरसं गर्भे रसराजस्य च द्रवेत्
saṃkarākhyaṃ tu durmelyaṃ priye mṛdukharāhvayam / tataḥ saṃmṛditaṃ devi dvaṃdvamelāpanaṃ drutam / bhavet samarasaṃ garbhe rasarājasya ca dravet
Sanskrit only: no published translation is held for this verse.
अतः परं प्रवक्ष्यामि द्वंद्वमेलापनं शृणु
ataḥ paraṃ pravakṣyāmi dvaṃdvamelāpanaṃ śṛṇu
Sanskrit only: no published translation is held for this verse.
वर्षाभूकदलीकन्द- काकमाचीपुनर्नवाः । चूर्णं नरकपालं च गुञ्जाटङ्कणसंयुतम् । क्षीरतैलेन सुध्मातं हेमाभ्रं मिलति प्रिये
varṣābhūkadalīkanda- kākamācīpunarnavāḥ / cūrṇaṃ narakapālaṃ ca guñjāṭaṅkaṇasaṃyutam / kṣīratailena sudhmātaṃ hemābhraṃ milati priye
Sanskrit only: no published translation is held for this verse.
अनेनैव विधानेन ताराभ्रमपि मेलयेत्
anenaiva vidhānena tārābhramapi melayet
Sanskrit only: no published translation is held for this verse.
वङ्गमावर्त्य देवेशि पुनः सूतकयोजितम् । कदलीकन्दतोयेन मर्दयेट्टङ्कणान्वितम् । अन्धमूषागतं ध्मातं वङ्गाभ्रं मिलति क्षणात्
vaṅgamāvartya deveśi punaḥ sūtakayojitam / kadalīkandatoyena mardayeṭṭaṅkaṇānvitam / andhamūṣāgataṃ dhmātaṃ vaṅgābhraṃ milati kṣaṇāt
Sanskrit only: no published translation is held for this verse.
चूर्णं नरकपालस्य स्त्रीस्तन्यं वनशिग्रुकम् । गुञ्जाटङ्कणसंयुक्तं वङ्गाभ्रं मिलति क्षणात्
cūrṇaṃ narakapālasya strīstanyaṃ vanaśigrukam / guñjāṭaṅkaṇasaṃyuktaṃ vaṅgābhraṃ milati kṣaṇāt
Sanskrit only: no published translation is held for this verse.
अभ्रकं चूर्णयित्वा तु काकमाचीरसप्लुतम् । कपित्थतोयसंस्पृष्टं रसटङ्कणसंयुतम् । वङ्गपत्त्रान्तरन्यस्तं ध्मातं वङ्गाभ्रकं मिलेत्
abhrakaṃ cūrṇayitvā tu kākamācīrasaplutam / kapitthatoyasaṃspṛṣṭaṃ rasaṭaṅkaṇasaṃyutam / vaṅgapattrāntaranyastaṃ dhmātaṃ vaṅgābhrakaṃ milet
Sanskrit only: no published translation is held for this verse.
आवर्त्य कटुतैलेन भस्मापामार्गजं क्षिपेत् । वङ्गाभ्रं हरितालं च नागाभ्रे तु मनःशिलाः
āvartya kaṭutailena bhasmāpāmārgajaṃ kṣipet / vaṅgābhraṃ haritālaṃ ca nāgābhre tu manaḥśilāḥ
Sanskrit only: no published translation is held for this verse.
हेमाभ्रं नागताप्येन ताराभ्रं वङ्गतालकात् । गन्धकेन तु शुल्वाभ्रं तीक्ष्णाभ्रं सिन्धुहिङ्गुलात् । वङ्गाभ्रं हरितालेन नागाभ्रं शिलया मिलेत्
hemābhraṃ nāgatāpyena tārābhraṃ vaṅgatālakāt / gandhakena tu śulvābhraṃ tīkṣṇābhraṃ sindhuhiṅgulāt / vaṅgābhraṃ haritālena nāgābhraṃ śilayā milet
Sanskrit only: no published translation is held for this verse.
लाङ्गली चामरीकेशं कार्पासास्थिकुलत्थकम् । भूलता चाश्मदलनी स्त्रीस्तन्यं सुरगोपकः
lāṅgalī cāmarīkeśaṃ kārpāsāsthikulatthakam / bhūlatā cāśmadalanī strīstanyaṃ suragopakaḥ
Sanskrit only: no published translation is held for this verse.
एतत्प्रलिप्तमूषायां सुध्मातास्तीव्रवह्निना । कान्ताभ्रशैलविमला मिलन्ति सकलान् क्षणात्
etatpraliptamūṣāyāṃ sudhmātāstīvravahninā / kāntābhraśailavimalā milanti sakalān kṣaṇāt
Sanskrit only: no published translation is held for this verse.
लताछुछुन्दरीमांसं विषटङ्कणयोजितम् । मूषालेपेन कुरुते सर्वद्वंद्वेषु मेलनम्
latāchuchundarīmāṃsaṃ viṣaṭaṅkaṇayojitam / mūṣālepena kurute sarvadvaṃdveṣu melanam
Sanskrit only: no published translation is held for this verse.
अभ्रकं सुरसा शृङ्गं मण्डूकस्य वसा विषम् । गुञ्जाटङ्कणयोगेन सर्वसत्त्वेषु मेलनम्
abhrakaṃ surasā śṛṅgaṃ maṇḍūkasya vasā viṣam / guñjāṭaṅkaṇayogena sarvasattveṣu melanam
Sanskrit only: no published translation is held for this verse.
टङ्कणोर्णागिरिजतु- कर्णाख्यामलकर्कटैः । मिलन्ति सर्वद्वंद्वानि स्त्रीस्तन्यपरिपेषितैः
ṭaṅkaṇorṇāgirijatu- karṇākhyāmalakarkaṭaiḥ / milanti sarvadvaṃdvāni strīstanyaparipeṣitaiḥ
Sanskrit only: no published translation is held for this verse.
धातकीगुग्गुलुगुड- सर्जयावकटङ्कणैः । स्त्रीस्तन्यपेषितैः सर्वं द्वंद्वजं तु रसायने
dhātakīgugguluguḍa- sarjayāvakaṭaṅkaṇaiḥ / strīstanyapeṣitaiḥ sarvaṃ dvaṃdvajaṃ tu rasāyane
Sanskrit only: no published translation is held for this verse.
खसत्त्वं सूक्ष्मचूर्णं तु पूर्वकल्केन संयुतम् । अन्धमूषागतं ध्मातं संकरं मिलति क्षणात्
khasattvaṃ sūkṣmacūrṇaṃ tu pūrvakalkena saṃyutam / andhamūṣāgataṃ dhmātaṃ saṃkaraṃ milati kṣaṇāt
Sanskrit only: no published translation is held for this verse.
वापितं ताप्यरसक- सस्यकैर्दरदेन च । खसत्त्वं स्यान्निबद्धं च दृढं ध्मातं मिलेत्ततः
vāpitaṃ tāpyarasaka- sasyakairdaradena ca / khasattvaṃ syānnibaddhaṃ ca dṛḍhaṃ dhmātaṃ milettataḥ
Sanskrit only: no published translation is held for this verse.
रसोपरसलोहानि सर्वाण्येकत्र धामयेत् । अन्योन्यं द्वंद्वतां यान्ति द्रवन्ति सलिलं यथा
rasoparasalohāni sarvāṇyekatra dhāmayet / anyonyaṃ dvaṃdvatāṃ yānti dravanti salilaṃ yathā
Sanskrit only: no published translation is held for this verse.
बीजानि कल्पितान्येवं रञ्जितानि परं शृणु
bījāni kalpitānyevaṃ rañjitāni paraṃ śṛṇu
Sanskrit only: no published translation is held for this verse.
घनं माक्षिकचूर्णेन शुल्वचूर्णेन रञ्जितम् । द्वंद्वितं ताप्यसत्त्वेन रसराजस्य रञ्जनम्
ghanaṃ mākṣikacūrṇena śulvacūrṇena rañjitam / dvaṃdvitaṃ tāpyasattvena rasarājasya rañjanam
Sanskrit only: no published translation is held for this verse.
आरक्तवल्लीगोमूत्रः बहुधा परिभावितैः । कुनटीगन्धपाषाणैर् हेममाक्षिकहिङ्गुलैः
āraktavallīgomūtraḥ bahudhā paribhāvitaiḥ / kunaṭīgandhapāṣāṇair hemamākṣikahiṅgulaiḥ
Sanskrit only: no published translation is held for this verse.
वापितं सेवितं रक्त- गणैः स्नेहैर्मृतं ततः । रञ्जनं रसराजस्य तीक्ष्णताम्रौ विशेषतः
vāpitaṃ sevitaṃ rakta- gaṇaiḥ snehairmṛtaṃ tataḥ / rañjanaṃ rasarājasya tīkṣṇatāmrau viśeṣataḥ
Sanskrit only: no published translation is held for this verse.
केवलं विमलं ताम्रं वापितं दरदेन च । कुरुते त्रिगुणं जीर्णं लाक्षाभं निर्मलं रसम्
kevalaṃ vimalaṃ tāmraṃ vāpitaṃ daradena ca / kurute triguṇaṃ jīrṇaṃ lākṣābhaṃ nirmalaṃ rasam
Sanskrit only: no published translation is held for this verse.
रसकं द्विगुणं दत्त्वा ताम्रं सुध्मातमीश्वरि । कृष्णाभ्रकस्य चूर्णं च रक्तवर्गैर् मुहुः पुटैः
rasakaṃ dviguṇaṃ dattvā tāmraṃ sudhmātamīśvari / kṛṣṇābhrakasya cūrṇaṃ ca raktavargair muhuḥ puṭaiḥ
Sanskrit only: no published translation is held for this verse.
ताप्येन वा मृतं हेम त्रिगुणेन निवापितम् । भाण्डिकायां तु रसकं ताप्यसैन्धवसंयुतम्
tāpyena vā mṛtaṃ hema triguṇena nivāpitam / bhāṇḍikāyāṃ tu rasakaṃ tāpyasaindhavasaṃyutam
Sanskrit only: no published translation is held for this verse.
इन्द्रगोपनिभं यावत् सर्वं द्विगुणजारणात् । द्रुतं हेमनिभं सूतं कुरुते नात्र संशयः
indragopanibhaṃ yāvat sarvaṃ dviguṇajāraṇāt / drutaṃ hemanibhaṃ sūtaṃ kurute nātra saṃśayaḥ
Sanskrit only: no published translation is held for this verse.
अभ्रकं हेम ताम्रं च शिलया माक्षिकेण च । गैरिकेण च मुख्येन रसकेन च रञ्जयेत्
abhrakaṃ hema tāmraṃ ca śilayā mākṣikeṇa ca / gairikeṇa ca mukhyena rasakena ca rañjayet
Sanskrit only: no published translation is held for this verse.
बीजानि रञ्जितान्येवं पक्वबीजान्यतः शृणु
bījāni rañjitānyevaṃ pakvabījānyataḥ śṛṇu
Sanskrit only: no published translation is held for this verse.
महारसानुपरसान् तीक्ष्णलोहानि च क्षिपेत् । समांशं सममाक्षीकं गन्धकावापयोगतः
mahārasānuparasān tīkṣṇalohāni ca kṣipet / samāṃśaṃ samamākṣīkaṃ gandhakāvāpayogataḥ
Sanskrit only: no published translation is held for this verse.
शतशो वापयेदेतत् अक्षीणं सावशेषितम् । समांशं रसराजस्य गर्भे द्रवति निश्चितम्
śataśo vāpayedetat akṣīṇaṃ sāvaśeṣitam / samāṃśaṃ rasarājasya garbhe dravati niścitam
Sanskrit only: no published translation is held for this verse.
तदेतद्विष्टिकास्तम्भे जारणायां सुरेश्वरि । रञ्जने रसराजस्य सारणायां च शस्यते
tadetadviṣṭikāstambhe jāraṇāyāṃ sureśvari / rañjane rasarājasya sāraṇāyāṃ ca śasyate
Sanskrit only: no published translation is held for this verse.
तदेव शतशो रक्त- गणैः स्नेहैर्निषेचितम् । अधिकं शस्यते तेषु सहस्रांशेन वेधकृत्
tadeva śataśo rakta- gaṇaiḥ snehairniṣecitam / adhikaṃ śasyate teṣu sahasrāṃśena vedhakṛt
Sanskrit only: no published translation is held for this verse.
निर्व्यूढं नागवङ्गाभ्यां क्रियायां हेमतारयोः । खसत्त्वं रविणा योज्यं द्वंद्वितं स्याद्रसायने
nirvyūḍhaṃ nāgavaṅgābhyāṃ kriyāyāṃ hematārayoḥ / khasattvaṃ raviṇā yojyaṃ dvaṃdvitaṃ syādrasāyane
Sanskrit only: no published translation is held for this verse.
सस्नेहक्षारपञ्चाम्लैः रसैस्तैस्तालकादिभिः । समद्वित्रिगुणान् ताम्रे वाहयेद्वङ्गपन्नगान्
sasnehakṣārapañcāmlaiḥ rasaistaistālakādibhiḥ / samadvitriguṇān tāmre vāhayedvaṅgapannagān
Sanskrit only: no published translation is held for this verse.
रक्तस्नेहनिषिक्तं तद् रसाकृष्टिरिति स्मृतम्
raktasnehaniṣiktaṃ tad rasākṛṣṭiriti smṛtam
Sanskrit only: no published translation is held for this verse.
माक्षिकं गन्धपाषाणं हरितालं मनःशिलाम् । वैक्रान्तकं कान्तमुख्यं सस्यकं विमलाञ्जनम् । रसकं वापितं शश्वच्- चूर्णितं हेम्नि वाहयेत्
mākṣikaṃ gandhapāṣāṇaṃ haritālaṃ manaḥśilām / vaikrāntakaṃ kāntamukhyaṃ sasyakaṃ vimalāñjanam / rasakaṃ vāpitaṃ śaśvac- cūrṇitaṃ hemni vāhayet
Sanskrit only: no published translation is held for this verse.
लोहपर्पटिकाताप्य- कङ्कुष्ठविमलाभ्रकैः । मृतशुल्वशिलासत्त्व- स्नुह्यर्कक्षीरहिङ्गुलैः । नागो निर्जीवतां याति पुटयोगैः पुनः पुनः
lohaparpaṭikātāpya- kaṅkuṣṭhavimalābhrakaiḥ / mṛtaśulvaśilāsattva- snuhyarkakṣīrahiṅgulaiḥ / nāgo nirjīvatāṃ yāti puṭayogaiḥ punaḥ punaḥ
Sanskrit only: no published translation is held for this verse.
रसतालकशङ्खाभ्र- चिञ्चाक्षारैस्तथा त्रपुः । मृतं नागं मृतं वङ्गं शुल्वं तीक्ष्णं च वा मृतम् । एकैकमुत्तमे हेम्नि वाहयेत् सुरवन्दिते
rasatālakaśaṅkhābhra- ciñcākṣāraistathā trapuḥ / mṛtaṃ nāgaṃ mṛtaṃ vaṅgaṃ śulvaṃ tīkṣṇaṃ ca vā mṛtam / ekaikamuttame hemni vāhayet suravandite
Sanskrit only: no published translation is held for this verse.
निरुत्थे पन्नगे हेम्नि निर्व्यूढे शतशो गणे । गोरोचनानिभं धाम भास्करे तारसंनिभम्
nirutthe pannage hemni nirvyūḍhe śataśo gaṇe / gorocanānibhaṃ dhāma bhāskare tārasaṃnibham
Sanskrit only: no published translation is held for this verse.
तीक्ष्णाभ्रकं रविसमं माक्षिकं द्विगुणं तथा । आवर्तितं चूर्णितं च मारितं सप्तभिः पुटैः
tīkṣṇābhrakaṃ ravisamaṃ mākṣikaṃ dviguṇaṃ tathā / āvartitaṃ cūrṇitaṃ ca māritaṃ saptabhiḥ puṭaiḥ
Sanskrit only: no published translation is held for this verse.
व्यूढे शतगुणे हेम्नि तद्बीजं जारयेत् समम् । चन्द्रार्कपत्त्रलेपेन शतभागेन वेधयेत्
vyūḍhe śataguṇe hemni tadbījaṃ jārayet samam / candrārkapattralepena śatabhāgena vedhayet
Sanskrit only: no published translation is held for this verse.
ऊर्ध्वाधो माक्षिकं दत्त्वा शुल्वं हेमसमं भवेत् । एवं दशगुणं व्यूढं बीजं कारणसंनिभम्
ūrdhvādho mākṣikaṃ dattvā śulvaṃ hemasamaṃ bhavet / evaṃ daśaguṇaṃ vyūḍhaṃ bījaṃ kāraṇasaṃnibham
Sanskrit only: no published translation is held for this verse.
रसकाभ्रं कान्तताम्रे भागवृद्ध्या धमेत्ततः । माक्षिकेण हतं तच्च बीजे निर्वाहयेत् प्रिये
rasakābhraṃ kāntatāmre bhāgavṛddhyā dhamettataḥ / mākṣikeṇa hataṃ tacca bīje nirvāhayet priye
Sanskrit only: no published translation is held for this verse.
द्वात्रिंशद्गुणितं हेम्नि नागं ताप्यं हतं वहेत् । त्रिंशद्गुणशिलावापं नागबीजमुदाहृतम्
dvātriṃśadguṇitaṃ hemni nāgaṃ tāpyaṃ hataṃ vahet / triṃśadguṇaśilāvāpaṃ nāgabījamudāhṛtam
Sanskrit only: no published translation is held for this verse.
ताप्यतालकवापेन सत्त्वं पीताभ्रकस्य तु । बीजे निर्वाहयेद् एतत् योषामृष्टस्य वेधकम्
tāpyatālakavāpena sattvaṃ pītābhrakasya tu / bīje nirvāhayed etat yoṣāmṛṣṭasya vedhakam
Sanskrit only: no published translation is held for this verse.
नागः करोति मृदुतां निर्व्यूढस्तां च रक्तताम् । वापितं पीततां तीक्ष्णं कान्तस्थां कालिकां विषम्
nāgaḥ karoti mṛdutāṃ nirvyūḍhastāṃ ca raktatām / vāpitaṃ pītatāṃ tīkṣṇaṃ kāntasthāṃ kālikāṃ viṣam
Sanskrit only: no published translation is held for this verse.
हेमबीजमिति प्रोक्तं तारबीजमतः शृणु
hemabījamiti proktaṃ tārabījamataḥ śṛṇu
Sanskrit only: no published translation is held for this verse.
तीक्ष्णाभ्रताप्यविमल- रसकं समभागिकम् । वङ्गभागास्तु चत्वारः सर्वं ध्मातं विचूर्णितम्
tīkṣṇābhratāpyavimala- rasakaṃ samabhāgikam / vaṅgabhāgāstu catvāraḥ sarvaṃ dhmātaṃ vicūrṇitam
Sanskrit only: no published translation is held for this verse.
पुटेन निहतं कार्यं व्यूढं तारं तु वेधयेत् । द्वात्रिंशत्सद्गुणं तारे वङ्गे ताप्यं हतं वहेत् । त्रिंशद्गुणात् तालवापात् वङ्गबीजमुदाहृतम्
puṭena nihataṃ kāryaṃ vyūḍhaṃ tāraṃ tu vedhayet / dvātriṃśatsadguṇaṃ tāre vaṅge tāpyaṃ hataṃ vahet / triṃśadguṇāt tālavāpāt vaṅgabījamudāhṛtam
Sanskrit only: no published translation is held for this verse.
कुटिलं विमलं तीक्ष्णं खसत्त्वं चापि वाहयेत् । वङ्गाभ्रं ताप्यसत्त्वं वा तालमाक्षिकवापतः । शुक्लपुष्पगणैः सेकं स्नेहयुक्तैस्तु कारयेत्
kuṭilaṃ vimalaṃ tīkṣṇaṃ khasattvaṃ cāpi vāhayet / vaṅgābhraṃ tāpyasattvaṃ vā tālamākṣikavāpataḥ / śuklapuṣpagaṇaiḥ sekaṃ snehayuktaistu kārayet
Sanskrit only: no published translation is held for this verse.
उक्तानि तारबीजानि बीजानां रञ्जनं शृणु
uktāni tārabījāni bījānāṃ rañjanaṃ śṛṇu
Sanskrit only: no published translation is held for this verse.
तीक्ष्णमाक्षिकशुल्वं च नागं चपलमारितम् । सिन्दूरसंनिभं यावत् तेन बीजानि रञ्जयेत्
tīkṣṇamākṣikaśulvaṃ ca nāgaṃ capalamāritam / sindūrasaṃnibhaṃ yāvat tena bījāni rañjayet
Sanskrit only: no published translation is held for this verse.
निधाय खर्परे नागं ब्रह्मबीजदलैः सह । दग्धमग्निमधो दत्त्वा वह्निवर्णं यदा भवेत्
nidhāya kharpare nāgaṃ brahmabījadalaiḥ saha / dagdhamagnimadho dattvā vahnivarṇaṃ yadā bhavet
Sanskrit only: no published translation is held for this verse.
वासकेन विभीतेन शाककिंशुकशिग्रुभिः । कोरण्डकस्य पुष्पेण बकुलस्यार्जुनस्य च
vāsakena vibhītena śākakiṃśukaśigrubhiḥ / koraṇḍakasya puṣpeṇa bakulasyārjunasya ca
Sanskrit only: no published translation is held for this verse.
अहिमारेण नागिन्या कुमार्या नागकन्यया । शिलया च त्रिगुणया क्वथितेनाजवारिणा
ahimāreṇa nāginyā kumāryā nāgakanyayā / śilayā ca triguṇayā kvathitenājavāriṇā
Sanskrit only: no published translation is held for this verse.
भावितं खर्परस्थं च प्लावयित्वा पुनः पुनः । सप्तभिर्दिवसैरेव मारितं सुरवन्दिते
bhāvitaṃ kharparasthaṃ ca plāvayitvā punaḥ punaḥ / saptabhirdivasaireva māritaṃ suravandite
Sanskrit only: no published translation is held for this verse.
पुटयेद्गन्धकेनादाव् आम्लैश्च तदनन्तरम् । इदं दलानां बीजानां रसराजस्य रञ्जने । उद्घाटे क्रामणे योज्यं पिष्टीस्तम्भे विशेषतः
puṭayedgandhakenādāv āmlaiśca tadanantaram / idaṃ dalānāṃ bījānāṃ rasarājasya rañjane / udghāṭe krāmaṇe yojyaṃ piṣṭīstambhe viśeṣataḥ
Sanskrit only: no published translation is held for this verse.
मञ्जिष्ठाकिंशुकरसे खदिरं रक्तचन्दनम् । करवीरं देवदारुं सरलं रजनीद्वयम्
mañjiṣṭhākiṃśukarase khadiraṃ raktacandanam / karavīraṃ devadāruṃ saralaṃ rajanīdvayam
Sanskrit only: no published translation is held for this verse.
अन्यानि रक्तपुष्पाणि पिष्ट्वा लाक्षारसेन तु । तैलं विपाचयेद्देवि तेन बीजानि रञ्जयेत्
anyāni raktapuṣpāṇi piṣṭvā lākṣārasena tu / tailaṃ vipācayeddevi tena bījāni rañjayet
Sanskrit only: no published translation is held for this verse.
द्विगुणे रक्तपुष्पाणां रक्तपीतगणस्य च । क्वाथे चतुर्गुणे क्षीरे तैलमेकं सुरेश्वरि
dviguṇe raktapuṣpāṇāṃ raktapītagaṇasya ca / kvāthe caturguṇe kṣīre tailamekaṃ sureśvari
Sanskrit only: no published translation is held for this verse.
ज्योतिष्मतीकरञ्जाख्य- कटुतुम्बीसमुद्भवम् । पाटलीपिप्पलीकाम- काकतुण्डीरसान्वितम्
jyotiṣmatīkarañjākhya- kaṭutumbīsamudbhavam / pāṭalīpippalīkāma- kākatuṇḍīrasānvitam
Sanskrit only: no published translation is held for this verse.
भेकशूकरमेषाहि- मत्स्यकूर्मजलौकसाम् । वसया चैकया युक्तं षोडशांशैः सुपेषितैः
bhekaśūkarameṣāhi- matsyakūrmajalaukasām / vasayā caikayā yuktaṃ ṣoḍaśāṃśaiḥ supeṣitaiḥ
Sanskrit only: no published translation is held for this verse.
भूलतामलमाक्षीक- द्वंद्वमेलापनौषधैः । पाचितं गालितं चैतत् सारणा तैलमुच्यते
bhūlatāmalamākṣīka- dvaṃdvamelāpanauṣadhaiḥ / pācitaṃ gālitaṃ caitat sāraṇā tailamucyate
Sanskrit only: no published translation is held for this verse.
रसतुल्यं यथा बीजं गतं गर्भद्रुतिं प्रिये । व्यापकत्वेन सर्वे च समभागास्तथेष्यते
rasatulyaṃ yathā bījaṃ gataṃ garbhadrutiṃ priye / vyāpakatvena sarve ca samabhāgāstatheṣyate
Sanskrit only: no published translation is held for this verse.
पक्वं श्रेष्ठं समं गर्भे यद्द्रवेद्रञ्जयेच्च तम्
pakvaṃ śreṣṭhaṃ samaṃ garbhe yaddravedrañjayecca tam
Sanskrit only: no published translation is held for this verse.
एवमुक्तानि बीजानि जारयेद्विडयोगतः । तन्ममाचक्ष्व देवेशि किमन्यच्छ्रोतुमिच्छसि
evamuktāni bījāni jārayedviḍayogataḥ / tanmamācakṣva deveśi kimanyacchrotumicchasi
Sanskrit only: no published translation is held for this verse.