Ratnadīpikā (on gems) 2

शुक्त्युद्भवाश्च विज्ञेया अष्टौ मौक्तिकजातयः

śuktyudbhavāśca vijñeyā aṣṭau mauktikajātayaḥ

Sanskrit only: no published translation is held for this verse.

तेषामेकं सुलभ्यं च शुक्तिजं लोकविश्रुतम् कदाचिद्बहुभिः कालैः दृश्यते मौक्तिकं फलम्

teṣāmekaṃ sulabhyaṃ ca śuktijaṃ lokaviśrutam kadācidbahubhiḥ kālaiḥ dṛśyate mauktikaṃ phalam

Sanskrit only: no published translation is held for this verse.

जीमूतं परिशुक्लाभं करौ पाटलभास्वरम् मत्स्यं श्वेतं तु तद्वच्च फणीन्द्रे नीलभास्वरम्

jīmūtaṃ pariśuklābhaṃ karau pāṭalabhāsvaram matsyaṃ śvetaṃ tu tadvacca phaṇīndre nīlabhāsvaram

Sanskrit only: no published translation is held for this verse.

हरिच्छ्वेतं तथा वंशे पीतश्वेतं च सूकरे शङ्खशुक्तिभवं श्वेतं मुक्तारत्नमनुत्तमम्

haricchvetaṃ tathā vaṃśe pītaśvetaṃ ca sūkare śaṅkhaśuktibhavaṃ śvetaṃ muktāratnamanuttamam

Sanskrit only: no published translation is held for this verse.

शङ्खशुक्तिभवं यच्च क्षीरोदधिसमुद्भवम् सुवृत्तं सुप्रभं तुङ्गं मुक्तारत्नं प्रशस्यते

śaṅkhaśuktibhavaṃ yacca kṣīrodadhisamudbhavam suvṛttaṃ suprabhaṃ tuṅgaṃ muktāratnaṃ praśasyate

Sanskrit only: no published translation is held for this verse.

शीतलं प्राणदं शुक्लं गुरु स्वच्छं सुनिर्मलम् तेजोऽधिकं सुवृत्तं च मौक्तिकं गुणवत्तरम्

śītalaṃ prāṇadaṃ śuklaṃ guru svacchaṃ sunirmalam tejo'dhikaṃ suvṛttaṃ ca mauktikaṃ guṇavattaram

Sanskrit only: no published translation is held for this verse.