Ratnagunasamcayagatha 1

पर प्रेम गौरव प्रसाद उपस्थपित्वा प्रजहित्व आवरण क्लेशमलातिक्रान्ताः । शृणुता जगार्थमभिप्रस्थित सुर(व्र?)तानां प्रज्ञाय पारमित यत्र चरन्ति शूराः

para prema gaurava prasāda upasthapitvā prajahitva āvaraṇa kleśamalātikrāntāḥ / śṛṇutā jagārthamabhiprasthita sura(vra?)tānāṃ prajñāya pāramita yatra caranti śūrāḥ

Sanskrit only: no published translation is held for this verse.

यावन्ति नद्य प्रवहन्तिह जम्बुद्वीपे फल पुष्प औषधा(धि) वनस्पति रोहयन्ति । भूज(त) गजेन्द्रनागपतिनिश्रयनोवत(न)स्य(?) तस्यानुभावश्रिय साभु जगाधिपस्य

yāvanti nadya pravahantiha jambudvīpe phala puṣpa auṣadhā(dhi) vanaspati rohayanti / bhūja(ta) gajendranāgapatiniśrayanovata(na)sya(?) tasyānubhāvaśriya sābhu jagādhipasya

Sanskrit only: no published translation is held for this verse.

यावन्ति धर्म जिनश्रावक देशयन्ति भाषन्ति युक्तिसहितांश्च उदीरयन्ति । परमार्थसौख्यक्रिय तत्फलप्राप्तिता च सर्वो अयं पुरुषकारु तथागतस्य

yāvanti dharma jinaśrāvaka deśayanti bhāṣanti yuktisahitāṃśca udīrayanti / paramārthasaukhyakriya tatphalaprāptitā ca sarvo ayaṃ puruṣakāru tathāgatasya

Sanskrit only: no published translation is held for this verse.

किं कारणं य जिन भाषति धर्मनेत्रीं तत्राभिशिक्षित नरर्षभशिष्यभूताः । साक्षात्करित्व यथ शिक्षित देशयन्ति बुद्धानुभाव पुन आत्मबलानुभावा

kiṃ kāraṇaṃ ya jina bhāṣati dharmanetrīṃ tatrābhiśikṣita nararṣabhaśiṣyabhūtāḥ / sākṣātkaritva yatha śikṣita deśayanti buddhānubhāva puna ātmabalānubhāvā

Sanskrit only: no published translation is held for this verse.

यस्मिन्न प्रज्ञवरपारमितोपलब्धिः न च बोधिसत्त्वौपलब्धि न चित्तबोधेः । एवं श्रुणित्व न च मुह्यति नास्ति त्रासो सो बोधि(स)त्त्व चरते सुगतान प्रज्ञाम्

yasminna prajñavarapāramitopalabdhiḥ na ca bodhisattvaupalabdhi na cittabodheḥ / evaṃ śruṇitva na ca muhyati nāsti trāso so bodhi(sa)ttva carate sugatāna prajñām

Sanskrit only: no published translation is held for this verse.

न च रुप वेदन न संज्ञ न चेतना च विज्ञान स्थानु अणुमात्र न भोन्ति तस्य । सो सर्वधर्मअस्थितो अनिकेतचारी अपरी(रि)गृहीत लभते सुगतान बोधिम्

na ca rupa vedana na saṃjña na cetanā ca vijñāna sthānu aṇumātra na bhonti tasya / so sarvadharmaasthito aniketacārī aparī(ri)gṛhīta labhate sugatāna bodhim

Sanskrit only: no published translation is held for this verse.

अथ श्रेणिकस्य अभुती परिव्राजकस्य ज्ञानोपलम्भु न हि स्कन्धविभावना च । यो बोधिसत्त्व परिजानति एव धर्मां न च निर्वृतिं स्पृशति सो विहराति प्रज्ञाम्

atha śreṇikasya abhutī parivrājakasya jñānopalambhu na hi skandhavibhāvanā ca / yo bodhisattva parijānati eva dharmāṃ na ca nirvṛtiṃ spṛśati so viharāti prajñām

Sanskrit only: no published translation is held for this verse.

व्युपरीक्षते पुनरयं कतरेषु प्रज्ञा कस्मात्कुतो व इमि शून्यक सर्व धर्माः । व्युपरीक्षमाणु न च लीयति नास्ति त्रासो आसन्नु सो भवति बोधयि बोधिसत्त्वो

vyuparīkṣate punarayaṃ katareṣu prajñā kasmātkuto va imi śūnyaka sarva dharmāḥ / vyuparīkṣamāṇu na ca līyati nāsti trāso āsannu so bhavati bodhayi bodhisattvo

Sanskrit only: no published translation is held for this verse.

सचि रुप संज्ञ अपि वेदन चेतना च विज्ञान स्कन्ध चरती अप्रजानमानो । इमि स्कन्ध शून्य परिकल्पयि बोधिसत्त्वो चरती निमित्तअनुपादपदे असक्तो

saci rupa saṃjña api vedana cetanā ca vijñāna skandha caratī aprajānamāno / imi skandha śūnya parikalpayi bodhisattvo caratī nimittaanupādapade asakto

Sanskrit only: no published translation is held for this verse.

न च रुप वेदन न संज्ञ न चेतनाया विज्ञानि यो न चरती अनिकेतचारी । चरतीति सो न उपगच्छति प्रज्ञधारी अनुपादधी स्पृशति शान्ति समाधि श्रेष्ठाम्

na ca rupa vedana na saṃjña na cetanāyā vijñāni yo na caratī aniketacārī / caratīti so na upagacchati prajñadhārī anupādadhī spṛśati śānti samādhi śreṣṭhām

Sanskrit only: no published translation is held for this verse.

एवात्मशान्ति विहरन्निह बोधिसत्त्वो सो व्याकृतो पुरमकेहि तथागतेहि । न च मन्यते अहु समाधितु व्युत्थितो वा कस्मार्थ धर्मप्रकृतिं परिजानयित्वा

evātmaśānti viharanniha bodhisattvo so vyākṛto puramakehi tathāgatehi / na ca manyate ahu samādhitu vyutthito vā kasmārtha dharmaprakṛtiṃ parijānayitvā

Sanskrit only: no published translation is held for this verse.

एवं चरन्तु चरती सुगतान प्रज्ञां नो चापि सो लभति यत्र चराति धर्मम् । चरणं च सो ऽचरणं च प्रजानयित्वा एषा स प्रज्ञवरपारमिताय चर्या

evaṃ carantu caratī sugatāna prajñāṃ no cāpi so labhati yatra carāti dharmam / caraṇaṃ ca so 'caraṇaṃ ca prajānayitvā eṣā sa prajñavarapāramitāya caryā

Sanskrit only: no published translation is held for this verse.

यो ऽसौ न विद्यति स एष अविद्यमानो तां बालु कल्पयि अविद्य करोति विद्याम् । विद्या अविद्य उभि एति असन्त धर्मा निर्याति यो इति प्रजानति बोधिसत्त्वो

yo 'sau na vidyati sa eṣa avidyamāno tāṃ bālu kalpayi avidya karoti vidyām / vidyā avidya ubhi eti asanta dharmā niryāti yo iti prajānati bodhisattvo

Sanskrit only: no published translation is held for this verse.

मायोपमां य इह जानति पञ्च स्कन्धां न च माय अन्य न च स्कन्ध करोति अन्यान् । नानात्वसंज्ञविगतो उपशान्तचारी एषा स प्रज्ञवरपारमिताय चर्या

māyopamāṃ ya iha jānati pañca skandhāṃ na ca māya anya na ca skandha karoti anyān / nānātvasaṃjñavigato upaśāntacārī eṣā sa prajñavarapāramitāya caryā

Sanskrit only: no published translation is held for this verse.

कल्याणमित्रसहितस्य विपश्यकस्य त्रासो न भेष्यति श्रुणित्व जिनान मात्राम् । यो पापमित्रसहितो च परप्रणेयो सो आमभाजन यथोदकस्पृष्ट भिन्नो

kalyāṇamitrasahitasya vipaśyakasya trāso na bheṣyati śruṇitva jināna mātrām / yo pāpamitrasahito ca parapraṇeyo so āmabhājana yathodakaspṛṣṭa bhinno

Sanskrit only: no published translation is held for this verse.

किं कारणं अयु प्रवुच्यति बोधिसत्त्वो सर्वत्र सङ्गक्रिय इच्छति सङ्गछेदी । बोधिं स्पृशिष्यति जिनान असङ्गभूतां तस्माद्धि नाम लभते अयु बोधिसत्त्वो

kiṃ kāraṇaṃ ayu pravucyati bodhisattvo sarvatra saṅgakriya icchati saṅgachedī / bodhiṃ spṛśiṣyati jināna asaṅgabhūtāṃ tasmāddhi nāma labhate ayu bodhisattvo

Sanskrit only: no published translation is held for this verse.

महसत्त्व सो ऽथ केनोच्यति कारणेन महताय अत्र अयु भेष्यति सत्त्वराशेः । दृष्टीगतां महति छिन्दति सत्त्वधातोः महसत्त्व तेन हि प्रवुच्यति कारणेन

mahasattva so 'tha kenocyati kāraṇena mahatāya atra ayu bheṣyati sattvarāśeḥ / dṛṣṭīgatāṃ mahati chindati sattvadhātoḥ mahasattva tena hi pravucyati kāraṇena

Sanskrit only: no published translation is held for this verse.

महनायको महतबुद्धि महानुभावो महयान उत्तमजिनान समाधिरूढो । महता सनद्धु नमुचिं शठ धर्षयिष्ये महसत्त्व तेन हि प्रवुच्यति कारणेन

mahanāyako mahatabuddhi mahānubhāvo mahayāna uttamajināna samādhirūḍho / mahatā sanaddhu namuciṃ śaṭha dharṣayiṣye mahasattva tena hi pravucyati kāraṇena

Sanskrit only: no published translation is held for this verse.

मायाकरो यथ चतुष्पथि निर्मिणित्वा महतो जनस्य बहु छिन्दति शीर्षकोटी । यथ ते च माय तथ जानति सर्वसत्त्वां निर्माणु सर्व जगतो न च तस्य त्रासो

māyākaro yatha catuṣpathi nirmiṇitvā mahato janasya bahu chindati śīrṣakoṭī / yatha te ca māya tatha jānati sarvasattvāṃ nirmāṇu sarva jagato na ca tasya trāso

Sanskrit only: no published translation is held for this verse.

रुपं च संज्ञ अपि वेदन चेतना च विज्ञान बन्धु न च मुक्त असङ्गभूतो । एवं च बोधि क्रमते न च लीनचित्तो संना ह एष वरपुद्गलौत्तमानाम्

rupaṃ ca saṃjña api vedana cetanā ca vijñāna bandhu na ca mukta asaṅgabhūto / evaṃ ca bodhi kramate na ca līnacitto saṃnā ha eṣa varapudgalauttamānām

Sanskrit only: no published translation is held for this verse.

किं कारणं अयु प्रवुच्यति बोधियानो यत्रारुहित्व स निर्वापयि सर्वसत्त्वान् । आकाशतुल्य अयु यान महाविमानो सुखसौख्यक्षेमभिप्रापणु यानश्रेष्ठो

kiṃ kāraṇaṃ ayu pravucyati bodhiyāno yatrāruhitva sa nirvāpayi sarvasattvān / ākāśatulya ayu yāna mahāvimāno sukhasaukhyakṣemabhiprāpaṇu yānaśreṣṭho

Sanskrit only: no published translation is held for this verse.

न च लभ्यते य व्रजते दिश आरुहित्वा निर्वाणओकगमनं गति नोपलब्धिः । यथ अग्नि निर्वृतु न तस्य गतिप्रचारो सो तेन निर्वृति प्रवुच्यति कारणेन

na ca labhyate ya vrajate diśa āruhitvā nirvāṇaokagamanaṃ gati nopalabdhiḥ / yatha agni nirvṛtu na tasya gatipracāro so tena nirvṛti pravucyati kāraṇena

Sanskrit only: no published translation is held for this verse.

पूर्वान्ततो न उपलभ्यति बोधिसत्त्वो अपरान्ततो ऽपि प्रतिउपन्न त्रियध्वशुद्धो । यो शुद्ध सो अनभिसंस्कृतु निष्प्रपञ्चो एषा स प्रज्ञवरपारमिताय चर्या

pūrvāntato na upalabhyati bodhisattvo aparāntato 'pi pratiupanna triyadhvaśuddho / yo śuddha so anabhisaṃskṛtu niṣprapañco eṣā sa prajñavarapāramitāya caryā

Sanskrit only: no published translation is held for this verse.

यस्मिंश् च कालि समये विदु बोधिसत्त्वो एवं चरन्तु अनुपादु विचिन्तयित्वा । महतीं जनेति करुणां न च सत्त्वसंज्ञा एषा स प्रज्ञवरपारमिताय चर्या

yasmiṃś ca kāli samaye vidu bodhisattvo evaṃ carantu anupādu vicintayitvā / mahatīṃ janeti karuṇāṃ na ca sattvasaṃjñā eṣā sa prajñavarapāramitāya caryā

Sanskrit only: no published translation is held for this verse.

सचि सत्त्वसंज्ञ दुखसंज्ञ उपादयाती हरिष्यामि दुःख जगतीं करिष्यामि अर्थम् । सो आत्मस(त्त्व) परिकल्पकु बोधिसत्त्वो न च एष प्रज्ञवरपारमिताय चर्या

saci sattvasaṃjña dukhasaṃjña upādayātī hariṣyāmi duḥkha jagatīṃ kariṣyāmi artham / so ātmasa(ttva) parikalpaku bodhisattvo na ca eṣa prajñavarapāramitāya caryā

Sanskrit only: no published translation is held for this verse.

यथ आत्मनं तथ प्रजानति सर्वसत्त्वां यथ सर्वसत्त्व तथ प्रजानति सर्वधर्मान् । अनुपादुपादु उभये अविकल्पमानो एषा स प्रज्ञवरपारमिताय चर्या

yatha ātmanaṃ tatha prajānati sarvasattvāṃ yatha sarvasattva tatha prajānati sarvadharmān / anupādupādu ubhaye avikalpamāno eṣā sa prajñavarapāramitāya caryā

Sanskrit only: no published translation is held for this verse.

यावन्ति लोकि परिकीर्तित धर्मनाम सर्वेषुपादसमतिक्रमु निर्गमित्वा । अमृतं ति ज्ञानु परमं न तु यो परेण एकार्थ प्रज्ञ अयु पारमितेति नामा

yāvanti loki parikīrtita dharmanāma sarveṣupādasamatikramu nirgamitvā / amṛtaṃ ti jñānu paramaṃ na tu yo pareṇa ekārtha prajña ayu pāramiteti nāmā

Sanskrit only: no published translation is held for this verse.

एवं चरन्तु न च काङ्क्षति बोधिसत्त्वो ज्ञातव्य यो विहर ते स उपायप्रज्ञो । प्रकृतीअसन्त परिजानयमान धर्मां एषा स प्रज्ञवरपारमिताय चर्या

evaṃ carantu na ca kāṅkṣati bodhisattvo jñātavya yo vihara te sa upāyaprajño / prakṛtīasanta parijānayamāna dharmāṃ eṣā sa prajñavarapāramitāya caryā

Sanskrit only: no published translation is held for this verse.