Ratnagunasamcayagatha 12

भगवत्यां रत्नगुणसंचयगाथायां मारकर्मपरिवर्तो नामैकादशमः ॥ मात्राय पुत्र बहु सन्ति गिलानि काये ते सर्वि दुर्मनस तत्र प्रयुज्ययेयुः । एमेव बुद्ध(पिं) दशद्दिशि लोकधातौ इम प्रज्ञपारमित मात्र समन्वाहरन्ति

bhagavatyāṃ ratnaguṇasaṃcayagāthāyāṃ mārakarmaparivarto nāmaikādaśamaḥ // mātrāya putra bahu santi gilāni kāye te sarvi durmanasa tatra prayujyayeyuḥ / emeva buddha(piṃ) daśaddiśi lokadhātau ima prajñapāramita mātra samanvāharanti

Sanskrit only: no published translation is held for this verse.

ये ऽतीत ये ऽपि च दशद्दिशि लोकनाथा इतु ते प्रसूत भविष्यन्त्यनागताश्च । लोक(स्य) दर्शिक जनेत्रि जिनान माता परसत्त्वचित्तचरितान निदर्शिता(का) च

ye 'tīta ye 'pi ca daśaddiśi lokanāthā itu te prasūta bhaviṣyantyanāgatāśca / loka(sya) darśika janetri jināna mātā parasattvacittacaritāna nidarśitā(kā) ca

Sanskrit only: no published translation is held for this verse.

लोकस्य या तथत या तथतार्हतानां । प्रत्येकबुद्धतथता तथता जिनानाम् । एकैव भावविगता तथता अनन्या प्रज्ञाय पारमित बुद्ध तथागतेन

lokasya yā tathata yā tathatārhatānāṃ / pratyekabuddhatathatā tathatā jinānām / ekaiva bhāvavigatā tathatā ananyā prajñāya pāramita buddha tathāgatena

Sanskrit only: no published translation is held for this verse.

तिष्ठन्तु लोकविदुनां परिनिर्वृतानां [स्थित एष धर्मतनियाम शून्यधर्मा । तां बोधिसत्त्व तथतामनुबुद्धयन्ति तस्मा हु बुद्ध कृत नाम तथागतेभिः

tiṣṭhantu lokavidunāṃ parinirvṛtānāṃ [sthita eṣa dharmataniyāma śūnyadharmā / tāṃ bodhisattva tathatāmanubuddhayanti tasmā hu buddha kṛta nāma tathāgatebhiḥ

Sanskrit only: no published translation is held for this verse.

अयु गोचरो दशबलान विनायकानां] प्रज्ञाय पारमित रम्यवनाश्रितानाम् । दुखितांश्च सत्त्व त्रिअपाय समुद्धरन्ति न पि सत्त्वसंज्ञ अपि तेषु कदाचि भोति

ayu gocaro daśabalāna vināyakānāṃ] prajñāya pāramita ramyavanāśritānām / dukhitāṃśca sattva triapāya samuddharanti na pi sattvasaṃjña api teṣu kadāci bhoti

Sanskrit only: no published translation is held for this verse.

सिंहो यथैव गिरिकन्दरि निश्रयित्वा नदते अछम्भि मृग क्षुद्रक त्रासयन्तो । तथ प्रज्ञपारमितनिश्रय नराण सिंहो नदते अछम्भि पृथुतीर्थिक त्रासयन्तो

siṃho yathaiva girikandari niśrayitvā nadate achambhi mṛga kṣudraka trāsayanto / tatha prajñapāramitaniśraya narāṇa siṃho nadate achambhi pṛthutīrthika trāsayanto

Sanskrit only: no published translation is held for this verse.

आकाशनिश्रित यथैव हि सूर्य[रश्मि] तापेतिमां धरणि दर्शयते च रूपम् । तथ प्रज्ञपारमितनिश्रित धर्मराजो तापेति तृष्णनदि धर्म निदर्शयाति

ākāśaniśrita yathaiva hi sūrya[raśmi] tāpetimāṃ dharaṇi darśayate ca rūpam / tatha prajñapāramitaniśrita dharmarājo tāpeti tṛṣṇanadi dharma nidarśayāti

Sanskrit only: no published translation is held for this verse.

रूपस्य दर्शनु अदर्शनु वेदनाये संज्ञाय दर्शनु अदर्शनु चेतनाये । विज्ञानचित्तमनुदर्शनु यत्र नास्ति अय धर्मदर्शनु निदिष्टु तथागतेन

rūpasya darśanu adarśanu vedanāye saṃjñāya darśanu adarśanu cetanāye / vijñānacittamanudarśanu yatra nāsti aya dharmadarśanu nidiṣṭu tathāgatena

Sanskrit only: no published translation is held for this verse.

आकाश दृष्टु इति सत्त्व प्रव्याहरन्ति नभदर्शनं कुतु विमृष्यथ एतमर्थम् । तथ धर्मदर्शनु निदिष्ट तथागतेन न हि दर्शनं भणितु शक्य निदर्शनेन

ākāśa dṛṣṭu iti sattva pravyāharanti nabhadarśanaṃ kutu vimṛṣyatha etamartham / tatha dharmadarśanu nidiṣṭa tathāgatena na hi darśanaṃ bhaṇitu śakya nidarśanena

Sanskrit only: no published translation is held for this verse.