Ratnagunasamcayagatha 16

भगवत्यां रत्नगुणसंचयगाथायां देवपरिवर्तो नाम पञ्चदशमः ॥ आकाशधातु पुरिमादिशि दक्षिणायां तथ पश्चिमोत्तरदिशाय अनन्तपारा । उपराधराय दशद्दिशि यावदस्ति नानात्वता न भवते न विशेषप्राप्ता

bhagavatyāṃ ratnaguṇasaṃcayagāthāyāṃ devaparivarto nāma pañcadaśamaḥ // ākāśadhātu purimādiśi dakṣiṇāyāṃ tatha paścimottaradiśāya anantapārā / uparādharāya daśaddiśi yāvadasti nānātvatā na bhavate na viśeṣaprāptā

Sanskrit only: no published translation is held for this verse.

अतिक्रान्त या तथत या तथता अप्राप्ता प्रत्युत्पन्न या तथत या तथतार्हतानाम् । या सर्वधर्मतथता तथतार्हतानां सर्वेष धर्मतथता न विशेषप्राप्ता

atikrānta yā tathata yā tathatā aprāptā pratyutpanna yā tathata yā tathatārhatānām / yā sarvadharmatathatā tathatārhatānāṃ sarveṣa dharmatathatā na viśeṣaprāptā

Sanskrit only: no published translation is held for this verse.

यो बोधिसत्त्व इमि इच्छति प्रापुणेतुं नानात्वधर्मविगतां सुगतान बोधिम् । प्रज्ञाय पारमित युज्यतु याय युक्तो विन प्रज्ञ नास्त्यधिगमो नरनायकानाम्

yo bodhisattva imi icchati prāpuṇetuṃ nānātvadharmavigatāṃ sugatāna bodhim / prajñāya pāramita yujyatu yāya yukto vina prajña nāstyadhigamo naranāyakānām

Sanskrit only: no published translation is held for this verse.

पक्षिस्य योजनशतं महतात्मभावो पञ्चाशता पि अबलोभयक्षीणपक्षो । सो त्रायत्रिंशभवनादिषु जम्बुद्वीपे आत्मानमोसरियि तं विलयं व्रजेय्या

pakṣisya yojanaśataṃ mahatātmabhāvo pañcāśatā pi abalobhayakṣīṇapakṣo / so trāyatriṃśabhavanādiṣu jambudvīpe ātmānamosariyi taṃ vilayaṃ vrajeyyā

Sanskrit only: no published translation is held for this verse.

यद्यापि पञ्च इम पारमिता जिनानां बहुकल्पकोटिनियुतां समुदानयेय्या । प्रणिधीननन्तविपुलां सद सेव्य लोके अनुपाय प्रज्ञविकला परि श्रावकत्वे

yadyāpi pañca ima pāramitā jinānāṃ bahukalpakoṭiniyutāṃ samudānayeyyā / praṇidhīnanantavipulāṃ sada sevya loke anupāya prajñavikalā pari śrāvakatve

Sanskrit only: no published translation is held for this verse.

निर्यायनाय य इच्छति बुद्धज्ञाने समचित्त सर्वजगती पितृमातृसंज्ञा । हितचित्त मैत्रमन एव पराक्रमेय्या अखिलार्जवो मृदुगिराय पराक्रमेय्या

niryāyanāya ya icchati buddhajñāne samacitta sarvajagatī pitṛmātṛsaṃjñā / hitacitta maitramana eva parākrameyyā akhilārjavo mṛdugirāya parākrameyyā

Sanskrit only: no published translation is held for this verse.