Ratnagunasamcayagatha 19

भगवत्यां रत्नगुणसंचयगाथायां शून्यतापरिवर्तो नामाष्टादशमः तैलस्य वर्ति ज्वलिता प्रथमे निपाते न च दग्ध वर्ति असता न विना य दग्धा । न हि अर्चि पश्चिमनिपात स वर्ति दग्धा असता पि पश्चिम न दह्यति दीपवर्ति

bhagavatyāṃ ratnaguṇasaṃcayagāthāyāṃ śūnyatāparivarto nāmāṣṭādaśamaḥ tailasya varti jvalitā prathame nipāte na ca dagdha varti asatā na vinā ya dagdhā / na hi arci paścimanipāta sa varti dagdhā asatā pi paścima na dahyati dīpavarti

Sanskrit only: no published translation is held for this verse.

प्रथमेव चित्त स्पृशती न च अग्रबोधिम् असता न तस्य स्पृशता पुन शक्य भोन्ति । न च चित्त पश्चिम शिवामनुप्रापुणाति असता न तस्य पुन प्रापणनाय शक्यम्

prathameva citta spṛśatī na ca agrabodhim asatā na tasya spṛśatā puna śakya bhonti / na ca citta paścima śivāmanuprāpuṇāti asatā na tasya puna prāpaṇanāya śakyam

Sanskrit only: no published translation is held for this verse.

बीजातु स्तम्ब फल पुष्प समागमन्ति सो वानिरुद्ध असतो न हि तस्य वृक्षो । एमेव चित्त प्रथमं तु निदान बोधेः सो वा निरुद्ध असतो न हि तस्य बोधिः

bījātu stamba phala puṣpa samāgamanti so vāniruddha asato na hi tasya vṛkṣo / emeva citta prathamaṃ tu nidāna bodheḥ so vā niruddha asato na hi tasya bodhiḥ

Sanskrit only: no published translation is held for this verse.

बीजं प्रतीत्य च भवेद्यवशालिकादेस् तत्तत्फलं न च तदस्ति न चापि नास्ति । उत्पत्तितो भवति बोधिरियं जिनानां भावस्वभावविगता भवतीह माया

bījaṃ pratītya ca bhavedyavaśālikādes tattatphalaṃ na ca tadasti na cāpi nāsti / utpattito bhavati bodhiriyaṃ jinānāṃ bhāvasvabhāvavigatā bhavatīha māyā

Sanskrit only: no published translation is held for this verse.

उदकबिन्दु कुम्भ परिपूर्यति स्तोकस्तोकं प्रथमे निपाति अनुपूर्व स पश्चिमेन । एमेव चित्त प्रथमं वरबोधिहेतुर् अनुपूर्व शुक्लगुणपूर्ण भवन्ति बुद्धाः

udakabindu kumbha paripūryati stokastokaṃ prathame nipāti anupūrva sa paścimena / emeva citta prathamaṃ varabodhihetur anupūrva śuklaguṇapūrṇa bhavanti buddhāḥ

Sanskrit only: no published translation is held for this verse.

शून्यानिमित्तप्रणिधिं चरमाणु धर्मा न च निर्वृतिं स्पृशति नो च निमित्तचारी । यथ नाविको कुशल गच्छति आरपारम् उभयान्ति अस्थितु न तिष्ठति अर्णवेस्मिन्

śūnyānimittapraṇidhiṃ caramāṇu dharmā na ca nirvṛtiṃ spṛśati no ca nimittacārī / yatha nāviko kuśala gacchati ārapāram ubhayānti asthitu na tiṣṭhati arṇavesmin

Sanskrit only: no published translation is held for this verse.

एवं चरन्तु न च मन्यति बोधिसत्त्वो अहु व्याकृतो दशबलेहि स्पृशेय बोधिम् । न च त्रासु बोधि भवते न इहास्ति किंचिद् एवं चरन्तु चरती सुगतान प्रज्ञाम्

evaṃ carantu na ca manyati bodhisattvo ahu vyākṛto daśabalehi spṛśeya bodhim / na ca trāsu bodhi bhavate na ihāsti kiṃcid evaṃ carantu caratī sugatāna prajñām

Sanskrit only: no published translation is held for this verse.

कान्तारमार्गि दुरभिक्षि सव्याधि लोकां पश्यित्व नास्ति भय उत्तरि संनहन्ते । अपरान्तकोटि सद युक्त प्रजानमानो अणुमात्र खेद मनसो न उपादियाति

kāntāramārgi durabhikṣi savyādhi lokāṃ paśyitva nāsti bhaya uttari saṃnahante / aparāntakoṭi sada yukta prajānamāno aṇumātra kheda manaso na upādiyāti

Sanskrit only: no published translation is held for this verse.