Ratnagunasamcayagatha 2

भगवत्यां रत्नगुणसंचयगाथायां सर्वाकारज्ञताचर्यापरिवर्तो नाम प्रथमः ॥ रुपस्मि यो न स्थिहते न च वेदनायां संज्ञाय यो न स्थिहते न च चेतनायाम् । विज्ञानि यो न स्थिहते स्थितु धर्मतायां एषा स प्रज्ञवरपारमिताय चर्या

bhagavatyāṃ ratnaguṇasaṃcayagāthāyāṃ sarvākārajñatācaryāparivarto nāma prathamaḥ // rupasmi yo na sthihate na ca vedanāyāṃ saṃjñāya yo na sthihate na ca cetanāyām / vijñāni yo na sthihate sthitu dharmatāyāṃ eṣā sa prajñavarapāramitāya caryā

Sanskrit only: no published translation is held for this verse.

नित्यमनित्यसुखदुःखशुभाशुभं ति आत्मन्यनात्मि तथता त(थ) शून्यतायाम् । फलप्राप्तिताय अथितो अरहन्तभूमौ प्रत्येकभूमिअथितो तथ बुद्धभूमौ

nityamanityasukhaduḥkhaśubhāśubhaṃ ti ātmanyanātmi tathatā ta(tha) śūnyatāyām / phalaprāptitāya athito arahantabhūmau pratyekabhūmiathito tatha buddhabhūmau

Sanskrit only: no published translation is held for this verse.

यथ नायको ऽस्थितकु धातुअसंस्कृताया तथ संस्कृताय अथितो अनिकेतचारी । एवं च स्थानु अथितो स्थित बोधिसत्त्वो अस्थानु स्थानु अयु स्थानु जिनेन उक्तो

yatha nāyako 'sthitaku dhātuasaṃskṛtāyā tatha saṃskṛtāya athito aniketacārī / evaṃ ca sthānu athito sthita bodhisattvo asthānu sthānu ayu sthānu jinena ukto

Sanskrit only: no published translation is held for this verse.

यो इच्छती सुगतश्रावक हं भवेयं प्रत्येकबुद्ध भवियां तथ धर्मराजो । इमु क्षान्त्यनागमि न शक्यति प्रापुणेतुं यथ आरपारगमनाय अतीतदर्शी

yo icchatī sugataśrāvaka haṃ bhaveyaṃ pratyekabuddha bhaviyāṃ tatha dharmarājo / imu kṣāntyanāgami na śakyati prāpuṇetuṃ yatha ārapāragamanāya atītadarśī

Sanskrit only: no published translation is held for this verse.

यो धर्म भाष्यति य भाष्यति भाष्यमाणां फलप्राप्त प्रत्ययजिनो तथ लोकनाथो । निर्वाणतो अधिगतो विदुपण्डितेहि सर्वे त आत्मज निदृष्ट तथागतेन

yo dharma bhāṣyati ya bhāṣyati bhāṣyamāṇāṃ phalaprāpta pratyayajino tatha lokanātho / nirvāṇato adhigato vidupaṇḍitehi sarve ta ātmaja nidṛṣṭa tathāgatena

Sanskrit only: no published translation is held for this verse.

चत्वारि पुद्गल इमे न त्रसन्ति ये ऽस्मिन् जिनपुत्र सत्यकुशलो अविवर्तियश्च । अर्हं विधूतमलक्लेश प्रहीणकाङ्क्षो कल्याणमित्रपरिपाचित यश्चतुर्थः

catvāri pudgala ime na trasanti ye 'smin jinaputra satyakuśalo avivartiyaśca / arhaṃ vidhūtamalakleśa prahīṇakāṅkṣo kalyāṇamitraparipācita yaścaturthaḥ

Sanskrit only: no published translation is held for this verse.

एवं चरन्तु विदु पण्डितु बोधिसत्त्वो नार्हंमि शिक्षति न प्रत्ययबुद्धभूमौ । सर्वज्ञताय अनुशिक्षति बुद्धधर्मे शिक्षाअशिक्ष न य शिक्षति एष शिक्षा

evaṃ carantu vidu paṇḍitu bodhisattvo nārhaṃmi śikṣati na pratyayabuddhabhūmau / sarvajñatāya anuśikṣati buddhadharme śikṣāaśikṣa na ya śikṣati eṣa śikṣā

Sanskrit only: no published translation is held for this verse.

न च रुपवृद्धिपरिहाणिपरिग्रहाये न च शिक्षति विविधधर्मपरिग्रहाये । सर्वज्ञतां च परिगृह्णति शिक्षमाणो निर्यायती य इय शिक्ष गुणे रतानाम्

na ca rupavṛddhiparihāṇiparigrahāye na ca śikṣati vividhadharmaparigrahāye / sarvajñatāṃ ca parigṛhṇati śikṣamāṇo niryāyatī ya iya śikṣa guṇe ratānām

Sanskrit only: no published translation is held for this verse.

रुपे न प्रज्ञ इति रुपि न अस्ति प्रज्ञा विज्ञान संज्ञ अपि वेदन चेतना च । न च एति प्रज्ञ इति तेष न अस्ति प्रज्ञा आकाशधातुसम तस्य न चास्ति भेदः

rupe na prajña iti rupi na asti prajñā vijñāna saṃjña api vedana cetanā ca / na ca eti prajña iti teṣa na asti prajñā ākāśadhātusama tasya na cāsti bhedaḥ

Sanskrit only: no published translation is held for this verse.

आरम्बणान प्रकृती स अ(न)न्तपारा सत्त्वान या च प्रकृती स अनन्तपारा । आकाशधातुप्रकृती स अनन्तपारा प्रज्ञा पि लोकविदुनां स अनन्तपारा

ārambaṇāna prakṛtī sa a(na)ntapārā sattvāna yā ca prakṛtī sa anantapārā / ākāśadhātuprakṛtī sa anantapārā prajñā pi lokavidunāṃ sa anantapārā

Sanskrit only: no published translation is held for this verse.

संज्ञेति नाम परिकीर्तितु नायकेन संज्ञां विभाविय प्रहाण व्रजन्ति पारम् । ये अत्र संज्ञविगमं अनुप्राप्नुवन्ति ते पारप्राप्त स्थित पारमिते हु भोन्ति

saṃjñeti nāma parikīrtitu nāyakena saṃjñāṃ vibhāviya prahāṇa vrajanti pāram / ye atra saṃjñavigamaṃ anuprāpnuvanti te pāraprāpta sthita pāramite hu bhonti

Sanskrit only: no published translation is held for this verse.

सचि गङ्गवालुकसमानि स्थिहित्व कल्पां सत्त्वेति शब्द परिकीर्तयि नायको ऽयम् । सत्त्वस्युपादु कुतु भेष्यति आदिशुद्धो एषा स प्रज्ञवरपारमिताय चर्या

saci gaṅgavālukasamāni sthihitva kalpāṃ sattveti śabda parikīrtayi nāyako 'yam / sattvasyupādu kutu bheṣyati ādiśuddho eṣā sa prajñavarapāramitāya caryā

Sanskrit only: no published translation is held for this verse.

एवं जिनो भणति अप्रतिकूलभाणी यदहं इमाय वरपारमिताय आसी । तद व्याकृतो ऽहु परापुरुषोत्तमेन बुद्धो भविष्यसि अनागतअध्वनस्मिन्

evaṃ jino bhaṇati apratikūlabhāṇī yadahaṃ imāya varapāramitāya āsī / tada vyākṛto 'hu parāpuruṣottamena buddho bhaviṣyasi anāgataadhvanasmin

Sanskrit only: no published translation is held for this verse.