Ratnagunasamcayagatha 21

भगवत्यां रत्नगुणसंचयगाथायामुपायकौशल्यमीमांसापरिवर्तो नाम विंशतितमः ॥ अथवास्य मन्यनुपपद्यति व्याकृतो ऽस्मि सत्याधिष्ठान विविधानि समृद्ध्ययन्ति । यदि अन्य व्याकृतकु मन्यति बोधिसत्त्वो ज्ञातव्य मन्यनस्थितो अयु अल्पबुद्धिः

bhagavatyāṃ ratnaguṇasaṃcayagāthāyāmupāyakauśalyamīmāṃsāparivarto nāma viṃśatitamaḥ // athavāsya manyanupapadyati vyākṛto 'smi satyādhiṣṭhāna vividhāni samṛddhyayanti / yadi anya vyākṛtaku manyati bodhisattvo jñātavya manyanasthito ayu alpabuddhiḥ

Sanskrit only: no published translation is held for this verse.

नामाधिष्ठान पुन मार उपागमित्वा एवं वदिष्यति इदं तव नामधेयम् । मातापिताय अनुसप्तमुपैति वंशो बुद्धो यदा भवि इदं तव नामधेयम्

nāmādhiṣṭhāna puna māra upāgamitvā evaṃ vadiṣyati idaṃ tava nāmadheyam / mātāpitāya anusaptamupaiti vaṃśo buddho yadā bhavi idaṃ tava nāmadheyam

Sanskrit only: no published translation is held for this verse.

धुतवृत्त यादृशु स भेष्यति युक्तयोगी पूर्वं पि तुभ्य इमि आसि गुणोवरूपा । यो एव श्रुत्व अभिमन्यति बोधिसत्त्वो ज्ञातव्यु मारु पर्युत्थितु अल्पबुद्धिः

dhutavṛtta yādṛśu sa bheṣyati yuktayogī pūrvaṃ pi tubhya imi āsi guṇovarūpā / yo eva śrutva abhimanyati bodhisattvo jñātavyu māru paryutthitu alpabuddhiḥ

Sanskrit only: no published translation is held for this verse.

प्रविविक्त ग्रामनगरे गिरिकन्दराणि रण्या विविक्त वनप्रस्थ निषेवमाणो । आत्मानुकर्षि पर पंसयि बोधिसत्त्वो ज्ञातव्यु मारु पर्युत्थितु अल्पबुद्धिः

pravivikta grāmanagare girikandarāṇi raṇyā vivikta vanaprastha niṣevamāṇo / ātmānukarṣi para paṃsayi bodhisattvo jñātavyu māru paryutthitu alpabuddhiḥ

Sanskrit only: no published translation is held for this verse.

ग्रामे च राष्ट्रि निगमे विहरन्ति नित्यं रहप्रत्ययानि स्पृहतां जनयन्ति तत्र । अन्यत्र सत्त्वपरिपाचनबोधियुक्ता एषो विवेकु कथितो सुगतात्मजानाम्

grāme ca rāṣṭri nigame viharanti nityaṃ rahapratyayāni spṛhatāṃ janayanti tatra / anyatra sattvaparipācanabodhiyuktā eṣo viveku kathito sugatātmajānām

Sanskrit only: no published translation is held for this verse.

यो पञ्चयोजनशते गिरिकन्दरेषु व्यालावकीर्णि निवसेद्बहुवर्षकोटी । नो चा विवेकु इमु जानति बोधिसत्त्वो संकीर्ण सो विहरते अधिमानप्राप्तः

yo pañcayojanaśate girikandareṣu vyālāvakīrṇi nivasedbahuvarṣakoṭī / no cā viveku imu jānati bodhisattvo saṃkīrṇa so viharate adhimānaprāptaḥ

Sanskrit only: no published translation is held for this verse.

सो चंक्रमार्थमभियुक्तकबोधिसत्त्वान् बलध्यानैन्द्रियविमोक्षसमाधिप्राप्तान् । अभिमन्यते न इमि रण्यविवेकचारी न विवेकगोचरु अयं हि जिनेन उक्तो

so caṃkramārthamabhiyuktakabodhisattvān baladhyānaindriyavimokṣasamādhiprāptān / abhimanyate na imi raṇyavivekacārī na vivekagocaru ayaṃ hi jinena ukto

Sanskrit only: no published translation is held for this verse.

ग्रामान्ति यो विहरते अथवा अरण्ये द्वययानचित्तविगतो नियतो ऽग्रबोधिम् । एषो विवेकु जगदर्थभिप्रस्थितानां आत्मा क्षिणोति तुलयेय स बोधिसत्त्वो

grāmānti yo viharate athavā araṇye dvayayānacittavigato niyato 'grabodhim / eṣo viveku jagadarthabhiprasthitānāṃ ātmā kṣiṇoti tulayeya sa bodhisattvo

Sanskrit only: no published translation is held for this verse.