Ratnagunasamcayagatha 22

भगवत्यां रत्नगुणसंचयगाथायां मारकर्मपरिवर्तो नामैकविंशतितमः । तस्मा हु मानु निहनित्वन पण्डितेन गुरुआशयेन वरबोधि गवेषमाणः । वैद्यो व आतुर स्वरोगचिकित्सनार्थं कल्याणमित्र भजितव्य अतन्द्रितेन

bhagavatyāṃ ratnaguṇasaṃcayagāthāyāṃ mārakarmaparivarto nāmaikaviṃśatitamaḥ / tasmā hu mānu nihanitvana paṇḍitena guruāśayena varabodhi gaveṣamāṇaḥ / vaidyo va ātura svarogacikitsanārthaṃ kalyāṇamitra bhajitavya atandritena

Sanskrit only: no published translation is held for this verse.

बुद्धा य बोधिवरप्रस्थित बोधिसत्त्वा कल्याणमित्र इमि पारमिता निदिष्टाः । ते चानुशासक इयं प्रतिपत्तिभूमी दुवि कारणेन अनुबुध्यति बुद्धबोधिम्

buddhā ya bodhivaraprasthita bodhisattvā kalyāṇamitra imi pāramitā nidiṣṭāḥ / te cānuśāsaka iyaṃ pratipattibhūmī duvi kāraṇena anubudhyati buddhabodhim

Sanskrit only: no published translation is held for this verse.

अतिक्रान्तनागत जिना स्थित ये दिशासु सर्वेषु मार्गु अयु पारमिता अनन्यो । ओभास उल्क वरबोधयि प्रस्थितानाम् आलोक शास्त्रि इमि पारमिता प्रदिष्टाः

atikrāntanāgata jinā sthita ye diśāsu sarveṣu mārgu ayu pāramitā ananyo / obhāsa ulka varabodhayi prasthitānām āloka śāstri imi pāramitā pradiṣṭāḥ

Sanskrit only: no published translation is held for this verse.

यथ प्रज्ञपारमित शून्यत लक्षणेन तथलक्षणा य इमि जानति सर्वधर्मान् । शून्यानलक्षण प्रजानयमान धर्मान् एवं चरन्तु चरती सुगतान प्रज्ञाम्

yatha prajñapāramita śūnyata lakṣaṇena tathalakṣaṇā ya imi jānati sarvadharmān / śūnyānalakṣaṇa prajānayamāna dharmān evaṃ carantu caratī sugatāna prajñām

Sanskrit only: no published translation is held for this verse.

आहारकाम परिकल्पयमान सत्त्वाः संसारि युक्तमनसः सद संस्मरन्ति । अहु मह्य धर्म उभि एति अभूत शून्या आकाशगण्ठि अयु आत्मन बद्ध बाले

āhārakāma parikalpayamāna sattvāḥ saṃsāri yuktamanasaḥ sada saṃsmaranti / ahu mahya dharma ubhi eti abhūta śūnyā ākāśagaṇṭhi ayu ātmana baddha bāle

Sanskrit only: no published translation is held for this verse.

यथ शङ्कितेन विषसंज्ञत अभ्युपैति नो चास्य कोष्ठगतु सो विषु पात्यते च । एमेव बालुपगतो अहु मह्य एषो अहसंज्ञि जायि म्रियते च सदा अभूतो

yatha śaṅkitena viṣasaṃjñata abhyupaiti no cāsya koṣṭhagatu so viṣu pātyate ca / emeva bālupagato ahu mahya eṣo ahasaṃjñi jāyi mriyate ca sadā abhūto

Sanskrit only: no published translation is held for this verse.

यथ उद्ग्रहो तथ प्रकाशितु संकिलेशो व्योदान उक्त अहु मह्य अनोपलब्धि । न हि अत्र कश्चि यो क्लिश्यति शुध्यते वा प्रज्ञाय पारमित बुध्यति बोधिसत्त्वे

yatha udgraho tatha prakāśitu saṃkileśo vyodāna ukta ahu mahya anopalabdhi / na hi atra kaści yo kliśyati śudhyate vā prajñāya pāramita budhyati bodhisattve

Sanskrit only: no published translation is held for this verse.

यावन्त सत्त्व निखिले इह जम्बुद्विपे ते सर्वि बोधिवरचित्त उपादयित्वा । दानं ददित्व बहुवर्षसहस्रकोटीः सर्वं च नामयि जगार्थनिदान बोधौ

yāvanta sattva nikhile iha jambudvipe te sarvi bodhivaracitta upādayitvā / dānaṃ daditva bahuvarṣasahasrakoṭīḥ sarvaṃ ca nāmayi jagārthanidāna bodhau

Sanskrit only: no published translation is held for this verse.

यश्चैअव प्रज्ञवरपारमिताभियुक्तो दिवसं पि अन्तमश एकनुवर्तयेया । कलपुण्य सो न भवती इह दानस्कन्धो तदतन्द्रितेन सद ओसरितव्य प्रज्ञा

yaścaiava prajñavarapāramitābhiyukto divasaṃ pi antamaśa ekanuvartayeyā / kalapuṇya so na bhavatī iha dānaskandho tadatandritena sada osaritavya prajñā

Sanskrit only: no published translation is held for this verse.

चरमाणु प्रज्ञवरपारमिताय योगी महतीं जनेति करुणां न च सत्त्वसंज्ञा । तद भोन्ति सर्वजगती विदु दक्षिणीया सततं अमोघु परिभुञ्जति राष्ट्रपिण्डम्

caramāṇu prajñavarapāramitāya yogī mahatīṃ janeti karuṇāṃ na ca sattvasaṃjñā / tada bhonti sarvajagatī vidu dakṣiṇīyā satataṃ amoghu paribhuñjati rāṣṭrapiṇḍam

Sanskrit only: no published translation is held for this verse.

चिरबुद्धदेवमनुजान् त्रिअपायि सत्त्वान् परिमोचितुं य इह इच्छति बोधिसत्त्वो । पृथुमार्गु तीरु उपदर्शयि सत्त्वधातौ प्रज्ञाय पारमित युक्त दिवा च रात्रौ

cirabuddhadevamanujān triapāyi sattvān parimocituṃ ya iha icchati bodhisattvo / pṛthumārgu tīru upadarśayi sattvadhātau prajñāya pāramita yukta divā ca rātrau

Sanskrit only: no published translation is held for this verse.

पुरुषो य अग्रु रतनस्य अलब्धपूर्वो अपरस्मि कालि पुन लब्ध्व भवेय तुष्टो । स ह लब्ध्व नाशयि पुनो ऽपि प्रमादभूतो नाशित्व दुःखि सततं रतनाभिकाङ्क्षी

puruṣo ya agru ratanasya alabdhapūrvo aparasmi kāli puna labdhva bhaveya tuṣṭo / sa ha labdhva nāśayi puno 'pi pramādabhūto nāśitva duḥkhi satataṃ ratanābhikāṅkṣī

Sanskrit only: no published translation is held for this verse.

एमेव बोधिवरप्रस्थित रत्नतुल्यो प्रज्ञाय पारमित योगु न रिञ्चितव्यो । रतनं व लब्ध्व गृहमाणु अभिन्नसत्त्वो अनुबुद्धयति त्वरितो शिवमभ्युपैति

emeva bodhivaraprasthita ratnatulyo prajñāya pāramita yogu na riñcitavyo / ratanaṃ va labdhva gṛhamāṇu abhinnasattvo anubuddhayati tvarito śivamabhyupaiti

Sanskrit only: no published translation is held for this verse.