Ratnagunasamcayagatha 26

भगवत्यां रत्नगुणसंचयगाथायां शिक्षापरिवर्तो नाम पञ्चविंशतिमः ॥ अविवर्तियस्य वरबोधयि प्रस्थितस्य यो चित्तुपादु अनुमोदितु आशयेन । त्रिसहस्र मेरु तुलयित्व सियाप्रमाणो न त्वेव तस्य कुशलस्यनुमोदनाये

bhagavatyāṃ ratnaguṇasaṃcayagāthāyāṃ śikṣāparivarto nāma pañcaviṃśatimaḥ // avivartiyasya varabodhayi prasthitasya yo cittupādu anumoditu āśayena / trisahasra meru tulayitva siyāpramāṇo na tveva tasya kuśalasyanumodanāye

Sanskrit only: no published translation is held for this verse.

यावन्त सत्त्व कुशलार्थिक मोक्षकामा सर्वेष भोन्ति अनुमोदितु पुण्यराशि । सत्त्वर्थि ते जिनगुण अनन्त प्रापुणित्वा दास्यन्ति धर्म जगती दुखसंक्षयाये

yāvanta sattva kuśalārthika mokṣakāmā sarveṣa bhonti anumoditu puṇyarāśi / sattvarthi te jinaguṇa ananta prāpuṇitvā dāsyanti dharma jagatī dukhasaṃkṣayāye

Sanskrit only: no published translation is held for this verse.

यो बोधिसत्त्व अविकल्पकु सर्वधर्मान् शून्यानिमित्त परिजानति निष्प्रपञ्चान् । न च प्रज्ञ बोधि परिएषति आशयेन सो युक्त प्रज्ञवरपारमिताय योगी

yo bodhisattva avikalpaku sarvadharmān śūnyānimitta parijānati niṣprapañcān / na ca prajña bodhi parieṣati āśayena so yukta prajñavarapāramitāya yogī

Sanskrit only: no published translation is held for this verse.

आकाशधातु गगनस्य सिया विरोधो न हि तेन तस्य कुतु केनचिदेष प्राप्ता । एमेव प्रज्ञचरितो विदु बोधिसत्त्वो अभ्योवकाशसदृशो उपशान्तचारी

ākāśadhātu gaganasya siyā virodho na hi tena tasya kutu kenacideṣa prāptā / emeva prajñacarito vidu bodhisattvo abhyovakāśasadṛśo upaśāntacārī

Sanskrit only: no published translation is held for this verse.

यथ मायकारपुरुषस्य न एव भोति ते शिष्य मां जनत सो च करोति कार्यम् । पश्यन्ति तं विविध कार्यु निदर्शयन्तं न च तस्य कायु न पि चित्त न नामधेयम्

yatha māyakārapuruṣasya na eva bhoti te śiṣya māṃ janata so ca karoti kāryam / paśyanti taṃ vividha kāryu nidarśayantaṃ na ca tasya kāyu na pi citta na nāmadheyam

Sanskrit only: no published translation is held for this verse.

एमेव प्रज्ञचरिते न कदाचि भोति बुद्धित्व बोधि जगती परिमोचयित्वा । आत्मोपपत्ति विविधां क्रियसंप्रयोगां दर्शेति मायसदृशो न विकल्पचारी

emeva prajñacarite na kadāci bhoti buddhitva bodhi jagatī parimocayitvā / ātmopapatti vividhāṃ kriyasaṃprayogāṃ darśeti māyasadṛśo na vikalpacārī

Sanskrit only: no published translation is held for this verse.

यथ बुद्ध निर्मित करोति च बुद्धकार्यं न च तस्युपद्यति मदो करमाणु किंचित् । एमेव प्रज्ञचरितो विदु बोधिसत्त्वो दर्शेति सर्व क्रिय निर्मितमायतुल्यम्

yatha buddha nirmita karoti ca buddhakāryaṃ na ca tasyupadyati mado karamāṇu kiṃcit / emeva prajñacarito vidu bodhisattvo darśeti sarva kriya nirmitamāyatulyam

Sanskrit only: no published translation is held for this verse.

पलगण्ड दक्ष विदुना कृतु दारुयन्त्रो पुरुषे स्त्रितुल्य स करोति ह सर्वकार्यम् । एमेव प्रज्ञचरितो विदु बोधिसत्त्वो ज्ञानेन सर्व क्रिय कुर्वति निर्विकल्पो

palagaṇḍa dakṣa vidunā kṛtu dāruyantro puruṣe stritulya sa karoti ha sarvakāryam / emeva prajñacarito vidu bodhisattvo jñānena sarva kriya kurvati nirvikalpo

Sanskrit only: no published translation is held for this verse.