Ratnagunasamcayagatha 29

भगवत्यां रत्नगुणसंचयगाथायामवकीर्णकुसुमपरिवर्तो नामाष्टाविंशतिमः ॥ चतुर्भी च ध्यान विहरन्ति महानुभावा न च आलयो न पि च निश्रयु कुर्वयाति । अपि खो पुनाश्रयु इमे चतुध्यान साङ्गा भेष्यन्ति बोधिवरौत्तमप्रापणाय

bhagavatyāṃ ratnaguṇasaṃcayagāthāyāmavakīrṇakusumaparivarto nāmāṣṭāviṃśatimaḥ // caturbhī ca dhyāna viharanti mahānubhāvā na ca ālayo na pi ca niśrayu kurvayāti / api kho punāśrayu ime catudhyāna sāṅgā bheṣyanti bodhivarauttamaprāpaṇāya

Sanskrit only: no published translation is held for this verse.

ध्याने स्थितो ऽत्र भवती वरप्रज्ञलाभी आरूप्यरूपि च समाधि चतस्र श्रेष्ठा । उपकारिभूत इमि ध्यान वराग्रबोधौ न पुनास्रवक्षति स शिक्षति बोधिसत्त्वो

dhyāne sthito 'tra bhavatī varaprajñalābhī ārūpyarūpi ca samādhi catasra śreṣṭhā / upakāribhūta imi dhyāna varāgrabodhau na punāsravakṣati sa śikṣati bodhisattvo

Sanskrit only: no published translation is held for this verse.

आश्चर्यमद्भुतमिदं गुणसंचयानां ध्याने समाधि विहरन्ति निमित्त नास्ति । तत्र स्थितान यदि भज्यति आत्मभावो पुन कामधातु उपपद्यति यथाभिप्राया

āścaryamadbhutamidaṃ guṇasaṃcayānāṃ dhyāne samādhi viharanti nimitta nāsti / tatra sthitāna yadi bhajyati ātmabhāvo puna kāmadhātu upapadyati yathābhiprāyā

Sanskrit only: no published translation is held for this verse.

यथ जम्बुद्वीपक मनुष्य अलब्धपूर्वा दिवि देवौत्तमपुरा अनुप्रापुणेया । पश्यित्व ते विषय तत्र परिगृहीता पुनरागमेय न च निश्रयु तत्र कुर्यात्

yatha jambudvīpaka manuṣya alabdhapūrvā divi devauttamapurā anuprāpuṇeyā / paśyitva te viṣaya tatra parigṛhītā punarāgameya na ca niśrayu tatra kuryāt

Sanskrit only: no published translation is held for this verse.

एमेव ते गुणधरा वरबोधिसत्त्वा ध्याने समाधि विहरित्व प्रयुक्तयोगी । पुन कामधातुस्थित भोन्ति अनोपलिप्ता पद्मेव वारिणि अनिश्रित बालधर्मे

emeva te guṇadharā varabodhisattvā dhyāne samādhi viharitva prayuktayogī / puna kāmadhātusthita bhonti anopaliptā padmeva vāriṇi aniśrita bāladharme

Sanskrit only: no published translation is held for this verse.

अन्यत्र सत्त्वपरिपाचन क्षेत्रशोधी परिपूरणार्थ इमि पारमिता महात्मा । आरूप्यधातुउपपत्ति न प्रार्थयन्ती यत्रेह बोधिगुणपारमितान हानि

anyatra sattvaparipācana kṣetraśodhī paripūraṇārtha imi pāramitā mahātmā / ārūpyadhātuupapatti na prārthayantī yatreha bodhiguṇapāramitāna hāni

Sanskrit only: no published translation is held for this verse.

यथ कश्चिदेव पुरुषो रतनं निधानं लब्ध्वा तु तत्र स्पृहबुद्धि न संजनेय्या । एकाकि सो पुन गृहीत्व परस्मि काले गृह्णित्व गेह प्रविशित्व न भोति लुब्धो

yatha kaścideva puruṣo ratanaṃ nidhānaṃ labdhvā tu tatra spṛhabuddhi na saṃjaneyyā / ekāki so puna gṛhītva parasmi kāle gṛhṇitva geha praviśitva na bhoti lubdho

Sanskrit only: no published translation is held for this verse.

एमेव ध्यान चतुरेव समाधि शान्तां लब्ध्वान प्रीति सुखदां विदु बोधिसत्त्वाः । अवसृज्य ध्यानसुखप्रीतिसमाधिलाभं पुन कामधातु प्रविशन्ति जगानुकम्पी

emeva dhyāna catureva samādhi śāntāṃ labdhvāna prīti sukhadāṃ vidu bodhisattvāḥ / avasṛjya dhyānasukhaprītisamādhilābhaṃ puna kāmadhātu praviśanti jagānukampī

Sanskrit only: no published translation is held for this verse.

यदि बोधिसत्त्व विहराति समाधिध्याने रहप्रत्ययानि स्पृहबुद्धि न संजनेय्या । असमाहितो भवति उद्धतक्षिप्तचित्तो परिहीनबुद्धिगुण नाविक भिन्ननावो

yadi bodhisattva viharāti samādhidhyāne rahapratyayāni spṛhabuddhi na saṃjaneyyā / asamāhito bhavati uddhatakṣiptacitto parihīnabuddhiguṇa nāvika bhinnanāvo

Sanskrit only: no published translation is held for this verse.

किंचापि रूपमपि शब्द तथैव गन्धो रस स्पर्श कामगुण पञ्चभि युक्त भोगी । रहप्रत्ययान विगतो ऽनन्तबोधिसत्त्वो सततं समाहितु प्रजानयितव्य शूरो

kiṃcāpi rūpamapi śabda tathaiva gandho rasa sparśa kāmaguṇa pañcabhi yukta bhogī / rahapratyayāna vigato 'nantabodhisattvo satataṃ samāhitu prajānayitavya śūro

Sanskrit only: no published translation is held for this verse.

परसत्त्वपुद्गलनिदान विशुद्धसत्त्वा विचरन्ति वीर्यबलपारमिताभियुक्ताः । यथ कुम्भदासि अवशावश भर्तिकस्य तथ सर्वसत्त्ववशतामुपयान्ति धीराः

parasattvapudgalanidāna viśuddhasattvā vicaranti vīryabalapāramitābhiyuktāḥ / yatha kumbhadāsi avaśāvaśa bhartikasya tatha sarvasattvavaśatāmupayānti dhīrāḥ

Sanskrit only: no published translation is held for this verse.

न च स्वामिकस्य प्रतिवाक्यु ददाति दासी आक्रुष्ट चापि अथवा सद ताडिता वा । एकान्तत्रस्तमनसा स भयाभिभूता मामेव सो अनु वधिष्यति कारणेन

na ca svāmikasya prativākyu dadāti dāsī ākruṣṭa cāpi athavā sada tāḍitā vā / ekāntatrastamanasā sa bhayābhibhūtā māmeva so anu vadhiṣyati kāraṇena

Sanskrit only: no published translation is held for this verse.

एमेव बोधिवरप्रस्थितु बोधिसत्त्वो तिष्ठेय सर्वजगती यथ प्रेष्यभूतो । अनु बोधिआगमु गुणान च पारिपूरी तृण अग्नि काष्ठप्रभवो दहते तमेव

emeva bodhivaraprasthitu bodhisattvo tiṣṭheya sarvajagatī yatha preṣyabhūto / anu bodhiāgamu guṇāna ca pāripūrī tṛṇa agni kāṣṭhaprabhavo dahate tameva

Sanskrit only: no published translation is held for this verse.

अवसृज्य आत्म सुगतां परसत्त्वकार्ये अभियुक्त रात्रिदिव निष्प्रतिकाङ्क्षचित्तो । मातेव एकसुतके परिचार्यमाणो अध्याशये न परिखिन्न उपस्थिहेति

avasṛjya ātma sugatāṃ parasattvakārye abhiyukta rātridiva niṣpratikāṅkṣacitto / māteva ekasutake paricāryamāṇo adhyāśaye na parikhinna upasthiheti

Sanskrit only: no published translation is held for this verse.