Ratnagunasamcayagatha 3

भगवत्यां रत्नगुणसंचयगाथायां शक्रपरिवर्तो नाम द्वितीयः ॥ य इमां ग्रहीष्यति पर्यापुणती स नित्यं प्रज्ञाय पारमित यत्र चरन्ति नाथाः । विष वह्नि शस्त्र उदकं न क्रमाति तस्यो ओतारु मारु न च विन्दति मारपक्षो

bhagavatyāṃ ratnaguṇasaṃcayagāthāyāṃ śakraparivarto nāma dvitīyaḥ // ya imāṃ grahīṣyati paryāpuṇatī sa nityaṃ prajñāya pāramita yatra caranti nāthāḥ / viṣa vahni śastra udakaṃ na kramāti tasyo otāru māru na ca vindati mārapakṣo

Sanskrit only: no published translation is held for this verse.

परिनिर्वृतस्य सुगतस्य करेय्य स्तूपां पूजेय सप्तरतनामयु कश्चिदेव । तेहि प्रपूर्ण सिय क्षेत्रसहस्रकोट्यो यथ गङ्गवालिकसमैः सुगतस्य स्तूपैः

parinirvṛtasya sugatasya kareyya stūpāṃ pūjeya saptaratanāmayu kaścideva / tehi prapūrṇa siya kṣetrasahasrakoṭyo yatha gaṅgavālikasamaiḥ sugatasya stūpaiḥ

Sanskrit only: no published translation is held for this verse.

यावन्त सत्त्व पुन तान्तक क्षेत्रकोट्यो ते सर्वि पूजन करेयुरनन्तकल्पान् । दिव्येहि पुष्पवरगन्धविलेपनेहि कल्पांस्त्रियध्वपरिकल्प ततो ऽपि भूयः

yāvanta sattva puna tāntaka kṣetrakoṭyo te sarvi pūjana kareyuranantakalpān / divyehi puṣpavaragandhavilepanehi kalpāṃstriyadhvaparikalpa tato 'pi bhūyaḥ

Sanskrit only: no published translation is held for this verse.

यश्चो इमां सुगतमात लिखित्व पुस्ते यत उत्पती दशबलान विनायकानाम् । धारेयि सत्करयि पुष्पविलेपनेहि कल पुण्य भोन्ति न स स्तूपि करित्व पूजाम्

yaśco imāṃ sugatamāta likhitva puste yata utpatī daśabalāna vināyakānām / dhāreyi satkarayi puṣpavilepanehi kala puṇya bhonti na sa stūpi karitva pūjām

Sanskrit only: no published translation is held for this verse.

महविद्य प्रज्ञ अयु पारमिता जनानां दुखधर्मशोकशमनी पृथुसत्त्वधातोः । ये ऽतीत ये ऽपि च दशद्दिश लोकनाथा इम विद्य शिक्षित अनुत्तरवैद्यराजाः

mahavidya prajña ayu pāramitā janānāṃ dukhadharmaśokaśamanī pṛthusattvadhātoḥ / ye 'tīta ye 'pi ca daśaddiśa lokanāthā ima vidya śikṣita anuttaravaidyarājāḥ

Sanskrit only: no published translation is held for this verse.

ये वा चरन्ति चरियां हितसानुकम्पाम् इह विद्यशिक्षित विदु स्पृशिष्यन्ति बोधिम् । ये सौख्य संस्कृत असंस्कृत ये च सौख्या सर्वे च सौख्य प्रसुता इतु वेदितव्याः

ye vā caranti cariyāṃ hitasānukampām iha vidyaśikṣita vidu spṛśiṣyanti bodhim / ye saukhya saṃskṛta asaṃskṛta ye ca saukhyā sarve ca saukhya prasutā itu veditavyāḥ

Sanskrit only: no published translation is held for this verse.

बीजाः प्रकीर्ण पृथिवीस्थित संभवन्ति सामग्रि लब्ध्व विरुहन्ति अनेकरुपाः । यावन्ति बोधिगुण पारमिताश्च पञ्च प्रज्ञाय पारमित ते विरुहन्ति सर्वे

bījāḥ prakīrṇa pṛthivīsthita saṃbhavanti sāmagri labdhva viruhanti anekarupāḥ / yāvanti bodhiguṇa pāramitāśca pañca prajñāya pāramita te viruhanti sarve

Sanskrit only: no published translation is held for this verse.

येनैव राज व्रजते स ह चक्रवर्ती तेनैव सप्त रतना बलकाय सर्वे । येनैव प्रज्ञ इय पारमिता जिनानां तेनैव सर्वगुणधर्म समागमन्ति

yenaiva rāja vrajate sa ha cakravartī tenaiva sapta ratanā balakāya sarve / yenaiva prajña iya pāramitā jinānāṃ tenaiva sarvaguṇadharma samāgamanti

Sanskrit only: no published translation is held for this verse.