भगवत्यां रत्नगुणसंचयगाथायां धर्मोद्गतपरिवर्तो नामैकत्रिंशतिमः ॥ दानेन प्रेतगति छिन्दति बोधिसत्त्वो दारिद्रकं च छिनती तथ सर्वक्लेशान् । भोगांश्चनन्तविपुलां लभते चरन्तो दानेन सत्त्व परिपाचयि कृच्छ्रप्राप्तान्
bhagavatyāṃ ratnaguṇasaṃcayagāthāyāṃ dharmodgataparivarto nāmaikatriṃśatimaḥ // dānena pretagati chindati bodhisattvo dāridrakaṃ ca chinatī tatha sarvakleśān / bhogāṃścanantavipulāṃ labhate caranto dānena sattva paripācayi kṛcchraprāptān
Sanskrit only: no published translation is held for this verse.
शीलेन तीर्यगति वर्जयि नेकरुपाम् अष्टौ च अक्षण क्षणां लभते स नित्यम् । क्षान्तीय रुप लभते परमं उदारं सुवर्णच्छवि प्रियु जगस्य उदीक्षणीयो
śīlena tīryagati varjayi nekarupām aṣṭau ca akṣaṇa kṣaṇāṃ labhate sa nityam / kṣāntīya rupa labhate paramaṃ udāraṃ suvarṇacchavi priyu jagasya udīkṣaṇīyo
Sanskrit only: no published translation is held for this verse.
वीर्येण शुक्लगुण हानि न अभ्युपैति ज्ञानं अनन्त लभते जिनकोशगञ्जम् । ध्यानेन कामगुण उत्सृजते जुगुप्स्यान् विद्या अभिज्ञ अभिनिर्हरते समाधिम्
vīryeṇa śuklaguṇa hāni na abhyupaiti jñānaṃ ananta labhate jinakośagañjam / dhyānena kāmaguṇa utsṛjate jugupsyān vidyā abhijña abhinirharate samādhim
Sanskrit only: no published translation is held for this verse.
प्रज्ञाय धर्मप्रकृती परिजानयित्वा त्रैधातुकान्त समतिक्रमते अपायान् । वर्तित्व चक्ररतनं पुरुषर्षभाणां देशेति धर्म जगती दुखसंक्षयाये
prajñāya dharmaprakṛtī parijānayitvā traidhātukānta samatikramate apāyān / vartitva cakraratanaṃ puruṣarṣabhāṇāṃ deśeti dharma jagatī dukhasaṃkṣayāye
Sanskrit only: no published translation is held for this verse.
परिपूरयित्व इमि धर्म स बोधिसत्त्वो अपि क्षेत्रशुद्धि परिगृह्णति सत्त्वशुद्धिम् । अपि बुद्धवंश परिगृह्णति धर्मवंशं तथ संघवंश परिगृह्णति सर्वधर्मान्
paripūrayitva imi dharma sa bodhisattvo api kṣetraśuddhi parigṛhṇati sattvaśuddhim / api buddhavaṃśa parigṛhṇati dharmavaṃśaṃ tatha saṃghavaṃśa parigṛhṇati sarvadharmān
Sanskrit only: no published translation is held for this verse.
वैद्योत्तमो जगति रोगचिकित्सकारी प्रज्ञोपदेश कथितो अयु बोधिमार्गो । नामेन रत्नगुणसंचय बोधिमार्गः तं सर्वसत्त्व इतु मार्गतु प्राप्नुवन्ति
vaidyottamo jagati rogacikitsakārī prajñopadeśa kathito ayu bodhimārgo / nāmena ratnaguṇasaṃcaya bodhimārgaḥ taṃ sarvasattva itu mārgatu prāpnuvanti
Sanskrit only: no published translation is held for this verse.