Ratnagunasamcayagatha 4

भगवत्यां रत्नगुणसंचयगाथायामप्रमेयगुणधारणपारमितास्तूपसत्कारपरिवर्तो नाम तृतीयः ॥ शक्रो जिनेन परिपृच्छितु प्रश्नमाहु सचि गङ्गवालिकसमा सिय बुद्धक्षेत्राः । जिनधातु सर्वि परिपूरित चूडिबद्धा इममेव प्रज्ञवरपारमिताहु गृह्णे

bhagavatyāṃ ratnaguṇasaṃcayagāthāyāmaprameyaguṇadhāraṇapāramitāstūpasatkāraparivarto nāma tṛtīyaḥ // śakro jinena paripṛcchitu praśnamāhu saci gaṅgavālikasamā siya buddhakṣetrāḥ / jinadhātu sarvi paripūrita cūḍibaddhā imameva prajñavarapāramitāhu gṛhṇe

Sanskrit only: no published translation is held for this verse.

किं कारणं न मि शरीरि अगौरवत्वं अपि तू खु प्रज्ञपरिभावित पूजयन्ति । यथ राजनिश्रित नरो लभि सर्वि पूजां तथ प्रज्ञपारमितनिश्रित बुद्धधातुः

kiṃ kāraṇaṃ na mi śarīri agauravatvaṃ api tū khu prajñaparibhāvita pūjayanti / yatha rājaniśrita naro labhi sarvi pūjāṃ tatha prajñapāramitaniśrita buddhadhātuḥ

Sanskrit only: no published translation is held for this verse.

मणिरत्न सर्वि गुणयुक्त अनर्घप्राप्तो यस्मिं करण्डकि भवे स नमस्यनीयः । तस्यापि उद्धृत स्पृहन्ति करण्डकस्मिं तस्यैव ते गुण महारतनस्य भोन्ति

maṇiratna sarvi guṇayukta anarghaprāpto yasmiṃ karaṇḍaki bhave sa namasyanīyaḥ / tasyāpi uddhṛta spṛhanti karaṇḍakasmiṃ tasyaiva te guṇa mahāratanasya bhonti

Sanskrit only: no published translation is held for this verse.

एमेव प्रज्ञवरपारमितागुणानि यन्निर्वृते ऽपि जिनधातु लभन्ति पूजाम् । तस्मा हु तान् जिनगुणा(न्) परिघेत्तुकामो सो प्रज्ञपारमित गृह्णतु एष मोक्षो

emeva prajñavarapāramitāguṇāni yannirvṛte 'pi jinadhātu labhanti pūjām / tasmā hu tān jinaguṇā(n) parighettukāmo so prajñapāramita gṛhṇatu eṣa mokṣo

Sanskrit only: no published translation is held for this verse.

पूर्वंगमा भवतु दानु ददन्तु प्रज्ञा शीले च क्षान्ति तथ वीर्य तथैव ध्याने । परिग्राहिका कुशलधर्मअविप्रणाशे एका च सा अपि निदर्शयि सर्वधर्मान् ॥ र्ग्स् ४। ५ ॥ यथ जम्बुद्वीपि बहुवृक्षसहस्रकोटी नानाप्रकार विविधाश्च अनेकरूपाः । न वि छायनानतु भवेत विशेषतापि अन्यत्र छायगतसंख्य प्रभाषमाणा

pūrvaṃgamā bhavatu dānu dadantu prajñā śīle ca kṣānti tatha vīrya tathaiva dhyāne / parigrāhikā kuśaladharmaavipraṇāśe ekā ca sā api nidarśayi sarvadharmān // Rgs 4. 5 // yatha jambudvīpi bahuvṛkṣasahasrakoṭī nānāprakāra vividhāśca anekarūpāḥ / na vi chāyanānatu bhaveta viśeṣatāpi anyatra chāyagatasaṃkhya prabhāṣamāṇā

Sanskrit only: no published translation is held for this verse.

एमेव पञ्च इमि पारमिता जिनानां प्रज्ञाय पारमित नामतया भवन्ति । सर्वज्ञताय परिणामयमाण सर्वे षडपीह एकनयमर्छति बोधिनामा

emeva pañca imi pāramitā jinānāṃ prajñāya pāramita nāmatayā bhavanti / sarvajñatāya pariṇāmayamāṇa sarve ṣaḍapīha ekanayamarchati bodhināmā

Sanskrit only: no published translation is held for this verse.