Ratnagunasamcayagatha 5

भगवत्यां रत्नगुणसंचयगाथायां गुणपरिकीर्तनपरिवर्तो नाम चतुर्थः ॥ सचि रूप संज्ञ अपि वेदन चेतनायां चित्तं अनित्य परिणामयि बोधिसत्त्वो । प्र(ति)वर्णिकाय चरते अप्रजानमानो न हि धर्म पण्डित विनाश करोति जातु

bhagavatyāṃ ratnaguṇasaṃcayagāthāyāṃ guṇaparikīrtanaparivarto nāma caturthaḥ // saci rūpa saṃjña api vedana cetanāyāṃ cittaṃ anitya pariṇāmayi bodhisattvo / pra(ti)varṇikāya carate aprajānamāno na hi dharma paṇḍita vināśa karoti jātu

Sanskrit only: no published translation is held for this verse.

यस्मिन् न रूप अपि वेदन चापि संज्ञा विज्ञान नैव न पि चेतनयोपलब्धिः । अनुपादु शून्य न य जानति सर्वधर्मान् एषा स प्रज्ञवरपारमिताय चर्या

yasmin na rūpa api vedana cāpi saṃjñā vijñāna naiva na pi cetanayopalabdhiḥ / anupādu śūnya na ya jānati sarvadharmān eṣā sa prajñavarapāramitāya caryā

Sanskrit only: no published translation is held for this verse.

यावन्ति गङ्गनदिवालिकतुल्यक्षेत्रे तावन्ति सत्त्व अरहन्ति विनेय कश्चित् । यश्चैव प्रज्ञ इम पारमिता लिखित्वा परसत्त्वि पुस्तकु ददेय विशिष्टपुण्यः

yāvanti gaṅganadivālikatulyakṣetre tāvanti sattva arahanti vineya kaścit / yaścaiva prajña ima pāramitā likhitvā parasattvi pustaku dadeya viśiṣṭapuṇyaḥ

Sanskrit only: no published translation is held for this verse.

किं कारणं त इह शिक्षित वादिश्रेष्ठा गमयन्ति धर्म निखिलानिह शून्यतायाम् । यां श्रुत्व श्रावक स्पृशन्ति विमुक्ति शीघ्रं प्रत्येकबोधि स्पृशयन्ति च बुद्धबोधिम्

kiṃ kāraṇaṃ ta iha śikṣita vādiśreṣṭhā gamayanti dharma nikhilāniha śūnyatāyām / yāṃ śrutva śrāvaka spṛśanti vimukti śīghraṃ pratyekabodhi spṛśayanti ca buddhabodhim

Sanskrit only: no published translation is held for this verse.

असतो ऽङ्कुरस्य द्रुमसंभवु नास्ति लोके कुत शाखपत्रफलपुष्पौपादु तत्र । विन बोधिचित्त जिनसंभवु नास्ति लोके कुत शक्रब्रह्मफल श्रावकप्रादुभावः

asato 'ṅkurasya drumasaṃbhavu nāsti loke kuta śākhapatraphalapuṣpaupādu tatra / vina bodhicitta jinasaṃbhavu nāsti loke kuta śakrabrahmaphala śrāvakaprādubhāvaḥ

Sanskrit only: no published translation is held for this verse.

आदित्यमण्डलु यदा प्रभजाल मुञ्ची कर्मक्रियासु तद सत्त्व पराक्रमन्ति । तथ बोधिचित्त सद लोकविदुस्य ज्ञातो ज्ञानेन सर्वगुणधर्म समागमन्ति

ādityamaṇḍalu yadā prabhajāla muñcī karmakriyāsu tada sattva parākramanti / tatha bodhicitta sada lokavidusya jñāto jñānena sarvaguṇadharma samāgamanti

Sanskrit only: no published translation is held for this verse.

यथ नोपतप्त असतो भुजगाधिपस्य कुत नद्यप्रस्रवु भवेदिह जम्बुद्वीपे । असता नदीय फलपुष्प न संभवेयुः न च सागराण रतना भवि नैकरूपाः

yatha nopatapta asato bhujagādhipasya kuta nadyaprasravu bhavediha jambudvīpe / asatā nadīya phalapuṣpa na saṃbhaveyuḥ na ca sāgarāṇa ratanā bhavi naikarūpāḥ

Sanskrit only: no published translation is held for this verse.

तथ बोधिचित्त असतीह तथागतस्य कुत ज्ञानप्रस्रवु भवेदिह सर्वलोके । ज्ञानस्य चो असति नास्ति गुणान वृद्धिः न च बोधि सागरसमा न च बुद्धधर्माः

tatha bodhicitta asatīha tathāgatasya kuta jñānaprasravu bhavediha sarvaloke / jñānasya co asati nāsti guṇāna vṛddhiḥ na ca bodhi sāgarasamā na ca buddhadharmāḥ

Sanskrit only: no published translation is held for this verse.

यावन्ति लोकि क्वचि जोतिकप्राणभूता ओभासनार्थ प्रभ ओसरयन्ति सर्वे । वरसूर्यमण्डलविनिःसृत एकरश्मी न कला पि ज्योतिकगणे सिय सर्वआभाः

yāvanti loki kvaci jotikaprāṇabhūtā obhāsanārtha prabha osarayanti sarve / varasūryamaṇḍalaviniḥsṛta ekaraśmī na kalā pi jyotikagaṇe siya sarvaābhāḥ

Sanskrit only: no published translation is held for this verse.