Ratnagunasamcayagatha 6

भगवत्यां रत्नगुणसंचयगाथायां पुण्यपर्यायपरिवर्तो नाम पञ्चमः ॥ यावन्ति श्रावकगणाः प्रसवन्ति पुण्यं दानं च शीलमपि भावनसंप्रयुक्तम् । स हि बोधिसत्त्व अनुमोदन एकचित्ते न च सर्वश्रावकगणे सिय पुण्यस्कन्धो

bhagavatyāṃ ratnaguṇasaṃcayagāthāyāṃ puṇyaparyāyaparivarto nāma pañcamaḥ // yāvanti śrāvakagaṇāḥ prasavanti puṇyaṃ dānaṃ ca śīlamapi bhāvanasaṃprayuktam / sa hi bodhisattva anumodana ekacitte na ca sarvaśrāvakagaṇe siya puṇyaskandho

Sanskrit only: no published translation is held for this verse.

ये बुद्धकोटिनियुता पुरिमा व्यतीता ये वा अनन्तबहुक्षेत्रसहस्रकोटयः । तिष्ठन्ति ये ऽपि परिनिर्वृत लोकनाथा देशन्ति धर्मरतनं दुखसंक्षयाय

ye buddhakoṭiniyutā purimā vyatītā ye vā anantabahukṣetrasahasrakoṭayaḥ / tiṣṭhanti ye 'pi parinirvṛta lokanāthā deśanti dharmaratanaṃ dukhasaṃkṣayāya

Sanskrit only: no published translation is held for this verse.

प्रथमं उपादु वरबोधयि चित्तुपादो यावत् सु धर्मक्षयकालु विनायकानाम् । एकस्मि तत्र चिय तेष जिनान पुण्यं सह युक्त पारमित ये ऽपि च बुद्धधर्माः

prathamaṃ upādu varabodhayi cittupādo yāvat su dharmakṣayakālu vināyakānām / ekasmi tatra ciya teṣa jināna puṇyaṃ saha yukta pāramita ye 'pi ca buddhadharmāḥ

Sanskrit only: no published translation is held for this verse.

यश्चैव बुद्धतनयान(च) श्रावकाणां शैक्ष अशैक्ष कुशलास्रव नास्रवाश्च । परिपिण्डयित्व अनुमोदयि बोधिसत्त्वो सर्वं च नामयि जगार्थनिदान बोधि

yaścaiva buddhatanayāna(ca) śrāvakāṇāṃ śaikṣa aśaikṣa kuśalāsrava nāsravāśca / paripiṇḍayitva anumodayi bodhisattvo sarvaṃ ca nāmayi jagārthanidāna bodhi

Sanskrit only: no published translation is held for this verse.

परिणामयन्तु यदि वर्तति चित्तसंज्ञा तथ बोधिसत्त्वपरिणामन सत्त्वसंज्ञा । संज्ञाय दृष्टिस्थितु चित्त त्रिसङ्गयुक्तो परिणामितं न भवती उपलभ्यमानम्

pariṇāmayantu yadi vartati cittasaṃjñā tatha bodhisattvapariṇāmana sattvasaṃjñā / saṃjñāya dṛṣṭisthitu citta trisaṅgayukto pariṇāmitaṃ na bhavatī upalabhyamānam

Sanskrit only: no published translation is held for this verse.

सचि एव जानति निरुध्यति क्षीणधर्मा तच्चैत क्षीण परिणामयिष्यन्ति यत्र । न च धर्म धर्मि परिणामयते कदाचित् परिणामितं भवति एव प्रजानमाने

saci eva jānati nirudhyati kṣīṇadharmā taccaita kṣīṇa pariṇāmayiṣyanti yatra / na ca dharma dharmi pariṇāmayate kadācit pariṇāmitaṃ bhavati eva prajānamāne

Sanskrit only: no published translation is held for this verse.

सचि सो निमित्त कुरुते न च मानयाति अथ आनिमित्त परिणामित भोन्ति बोधौ । विषसृष्ट भोजनु यथैव क्रियाप्रणीतो तथ शुक्लधर्मौपलम्भ जिनेन उक्तो

saci so nimitta kurute na ca mānayāti atha ānimitta pariṇāmita bhonti bodhau / viṣasṛṣṭa bhojanu yathaiva kriyāpraṇīto tatha śukladharmaupalambha jinena ukto

Sanskrit only: no published translation is held for this verse.

तस्मा हु नामपरिणामन शिक्षितव्या यथ ते जिना कुशल एव प्रजानयन्ति । यज्जातियो ऽयं प्रभवो यदलक्षणं च अनुमोदमी तथ तथा परिणामयामि

tasmā hu nāmapariṇāmana śikṣitavyā yatha te jinā kuśala eva prajānayanti / yajjātiyo 'yaṃ prabhavo yadalakṣaṇaṃ ca anumodamī tatha tathā pariṇāmayāmi

Sanskrit only: no published translation is held for this verse.

एवं च पुण्य परिणामयमान बोधौ न च सो हि बुद्ध क्षिपते जिन उक्तवादी । यावन्ति लोकि उपलम्भिकबोधिसत्त्वा अभिभोन्ति सर्वि परिणामयमान शूरो

evaṃ ca puṇya pariṇāmayamāna bodhau na ca so hi buddha kṣipate jina uktavādī / yāvanti loki upalambhikabodhisattvā abhibhonti sarvi pariṇāmayamāna śūro

Sanskrit only: no published translation is held for this verse.