यद् अस्माभिः पुरा पुण्यं किं चिद् वापि न साधितं । तेनास्यात्र वयं सर्वे दुःखिनो नीचवृत्तयः
yad asmābhiḥ purā puṇyaṃ kiṃ cid vāpi na sādhitaṃ / tenāsyātra vayaṃ sarve duḥkhino nīcavṛttayaḥ
Sanskrit only: no published translation is held for this verse.
तद् अस्माभिर् अयम् शास्ता मुनीश्वरः ससांघिकः । सत्कृत्य भोजनैर् वापि पूजनीयो यथाविधिः
tad asmābhir ayam śāstā munīśvaraḥ sasāṃghikaḥ / satkṛtya bhojanair vāpi pūjanīyo yathāvidhiḥ
Sanskrit only: no published translation is held for this verse.
ततः पुण्यानुसारेण बोधिमार्गे चरेमहि
tataḥ puṇyānusāreṇa bodhimārge caremahi
Sanskrit only: no published translation is held for this verse.
ततः क्रमेण संप्राप्य बोधिचर्य्यां शुभां चरीं । चरन्तस् तद्विपाकैश् च निर्वृतिं संलभेमहि
tataḥ krameṇa saṃprāpya bodhicaryyāṃ śubhāṃ carīṃ / carantas tadvipākaiś ca nirvṛtiṃ saṃlabhemahi
Sanskrit only: no published translation is held for this verse.
इति मत्वा वयं सर्वे विज्ञप्य नृपतिं तथा । ससंघं सुगतं भोज्यैर् अर्हामहे समर्चितुं
iti matvā vayaṃ sarve vijñapya nṛpatiṃ tathā / sasaṃghaṃ sugataṃ bhojyair arhāmahe samarcituṃ
Sanskrit only: no published translation is held for this verse.
तथेति संमतं कृत्वा सर्वे ते ऽभ्यनुमोदिताः । नृपतेर् विज्ञापनां कर्तुं सहसा समुपाचरन्
tatheti saṃmataṃ kṛtvā sarve te 'bhyanumoditāḥ / nṛpater vijñāpanāṃ kartuṃ sahasā samupācaran
Sanskrit only: no published translation is held for this verse.
तत्र ते समुपासृत्य दृष्ट्वा तं नृपतिं मुदा । कृताञ्जलिपुटो नत्वा प्रार्थयन्न् एवम् आदरात्
tatra te samupāsṛtya dṛṣṭvā taṃ nṛpatiṃ mudā / kṛtāñjalipuṭo natvā prārthayann evam ādarāt
Sanskrit only: no published translation is held for this verse.
जय देव महाराज लोकान् धर्मेण पालय । किञ्चिद् विज्ञापनां कर्त्तुं वयम् उपागताः
jaya deva mahārāja lokān dharmeṇa pālaya / kiñcid vijñāpanāṃ karttuṃ vayam upāgatāḥ
Sanskrit only: no published translation is held for this verse.
विजानीयाद् भवान् ह्य् एतत् तथापि प्रार्थयामहे । श्रुत्वा नो ऽनुग्रहं कृत्वा कृपया तत् प्रसीदतु
vijānīyād bhavān hy etat tathāpi prārthayāmahe / śrutvā no 'nugrahaṃ kṛtvā kṛpayā tat prasīdatu
Sanskrit only: no published translation is held for this verse.
यद् वयं देव सर्वे ऽत्र नीचकर्मानुचारिणः । तत् ससंघं मुनिं भोज्यैः समिछामः समर्चितुं
yad vayaṃ deva sarve 'tra nīcakarmānucāriṇaḥ / tat sasaṃghaṃ muniṃ bhojyaiḥ samichāmaḥ samarcituṃ
Sanskrit only: no published translation is held for this verse.
तद् अनुज्ञां प्रदत्वा नः कृपयोद्धर्तुम् अर्हसि । एतद् विज्ञापनां कुर्मस् तत् प्रसीद नृपाधिप
tad anujñāṃ pradatvā naḥ kṛpayoddhartum arhasi / etad vijñāpanāṃ kurmas tat prasīda nṛpādhipa
Sanskrit only: no published translation is held for this verse.
इति तैः प्रार्थितं श्रुत्वा नृपतिः सो ऽनुमोदितः । तान् सर्वान् समुपामंत्र्य पुनर् एवं समादिशत्
iti taiḥ prārthitaṃ śrutvā nṛpatiḥ so 'numoditaḥ / tān sarvān samupāmaṃtrya punar evaṃ samādiśat
Sanskrit only: no published translation is held for this verse.
साधु भवतु सर्वेषां युष्माकं सत्समीहितं । तत् तथा क्रियतां बुद्धे सत्कारं श्रद्धयादरात्
sādhu bhavatu sarveṣāṃ yuṣmākaṃ satsamīhitaṃ / tat tathā kriyatāṃ buddhe satkāraṃ śraddhayādarāt
Sanskrit only: no published translation is held for this verse.
संबुद्धे यत् कृतं कर्म तत् फलं क्षिणुयान् न हि । क्रमाद् बोधिचरिं पूर्य निर्वृतिं समवाप्नुयात्
saṃbuddhe yat kṛtaṃ karma tat phalaṃ kṣiṇuyān na hi / kramād bodhicariṃ pūrya nirvṛtiṃ samavāpnuyāt
Sanskrit only: no published translation is held for this verse.
तद् अत्र सर्वथा यूयं ससंघं श्रीघनं मुनिं । यथार्हभोजनं भक्त्या पूजयध्वं समादरात्
tad atra sarvathā yūyaṃ sasaṃghaṃ śrīghanaṃ muniṃ / yathārhabhojanaṃ bhaktyā pūjayadhvaṃ samādarāt
Sanskrit only: no published translation is held for this verse.
इत्य् आदिष्टम् ः - न्द्रेण श्रुत्वा सर्वे ऽपि ते मुदा । तथेति प्रतिनंदित्वा नृपं नत्वा ततो ऽचरन्
ity ādiṣṭam ḥ - ndreṇa śrutvā sarve 'pi te mudā / tatheti pratinaṃditvā nṛpaṃ natvā tato 'caran
Sanskrit only: no published translation is held for this verse.
ततस् ते संमतं कृत्वा विहारे सहसा गताः । दृष्ट्वा तं श्रीघनं नत्वा प्रार्थयन्न् एवम् आदरात्
tatas te saṃmataṃ kṛtvā vihāre sahasā gatāḥ / dṛṣṭvā taṃ śrīghanaṃ natvā prārthayann evam ādarāt
Sanskrit only: no published translation is held for this verse.
भगवंस् तद् विजानीयाद् यद् अर्थं समुपागताः । तथापि प्रार्थयेयैवम् अनुग्रहीतुम् अर्हति
bhagavaṃs tad vijānīyād yad arthaṃ samupāgatāḥ / tathāpi prārthayeyaivam anugrahītum arhati
Sanskrit only: no published translation is held for this verse.
यद् वयं भवतां सर्वसांघिकानां यथाविधिं । पूजयितुं समिछामो सत्कर्तुं भोजनैर् अपि
yad vayaṃ bhavatāṃ sarvasāṃghikānāṃ yathāvidhiṃ / pūjayituṃ samichāmo satkartuṃ bhojanair api
Sanskrit only: no published translation is held for this verse.
तद् भवां कृपया दृष्ट्वा कृत्वास्माकं अनुग्रहं । पुरे श्वः सांघिकैः सार्द्धं विजयितुं समर्हसि
tad bhavāṃ kṛpayā dṛṣṭvā kṛtvāsmākaṃ anugrahaṃ / pure śvaḥ sāṃghikaiḥ sārddhaṃ vijayituṃ samarhasi
Sanskrit only: no published translation is held for this verse.
इति तैः प्रार्थिते सर्वैर् भगवान् स मुनीश्वरः । तेषां धर्मप्रवृद्ध्यर्थं तूष्णीभूत्वाध्युवास तत्
iti taiḥ prārthite sarvair bhagavān sa munīśvaraḥ / teṣāṃ dharmapravṛddhyarthaṃ tūṣṇībhūtvādhyuvāsa tat
Sanskrit only: no published translation is held for this verse.
ततस् सर्वे ऽपि ते मत्वा भगवताधिवासितं । भूयस् तं श्रीघनं नत्वा स्वं पुरं सहसा ययुः
tatas sarve 'pi te matvā bhagavatādhivāsitaṃ / bhūyas taṃ śrīghanaṃ natvā svaṃ puraṃ sahasā yayuḥ
Sanskrit only: no published translation is held for this verse.
तत्र सर्वे ऽपि ते भूमिं शोधयित्वा समन्ततः । प्रज्ञप्य स्वासनान्य् एवं सामग्रिं समसाधयन्
tatra sarve 'pi te bhūmiṃ śodhayitvā samantataḥ / prajñapya svāsanāny evaṃ sāmagriṃ samasādhayan
Sanskrit only: no published translation is held for this verse.
ततः पूजोपहाराणि भोज्याङ्गानि रसानि च । पेयानि सुप्रणीतानि साधयित्वा प्रमोदिताः
tataḥ pūjopahārāṇi bhojyāṅgāni rasāni ca / peyāni supraṇītāni sādhayitvā pramoditāḥ
Sanskrit only: no published translation is held for this verse.
तत्र तं सुगतं सर्वं संघं चामंत्रितुं ययुः । विहारे समुपसृत्य श्रीघनं संप्रणेमिरे
tatra taṃ sugataṃ sarvaṃ saṃghaṃ cāmaṃtrituṃ yayuḥ / vihāre samupasṛtya śrīghanaṃ saṃpraṇemire
Sanskrit only: no published translation is held for this verse.
कृताञ्जलिपुटो नत्वा सर्वे ते समुपस्थिताः । संबुद्धप्रमुखं संघं प्रार्थयन्न् एवम् आदरात्
kṛtāñjalipuṭo natvā sarve te samupasthitāḥ / saṃbuddhapramukhaṃ saṃghaṃ prārthayann evam ādarāt
Sanskrit only: no published translation is held for this verse.
सर्वज्ञ भगवं छास्तः समयो वर्त्तते ऽधुना । तद् भवान् संघिकैः सार्द्धं विजयितुं समर्हति
sarvajña bhagavaṃ chāstaḥ samayo varttate 'dhunā / tad bhavān saṃghikaiḥ sārddhaṃ vijayituṃ samarhati
Sanskrit only: no published translation is held for this verse.
इति तैः प्रार्थिते दृष्ट्वा भगवान् स ससांघिकः । पात्रचीवरम् आदय प्रतस्थे संप्रभासयन्
iti taiḥ prārthite dṛṣṭvā bhagavān sa sasāṃghikaḥ / pātracīvaram ādaya pratasthe saṃprabhāsayan
Sanskrit only: no published translation is held for this verse.
तत्र मार्गेषु सर्वत्र प्रातिहार्यं प्रदर्शयन् । सर्वेषां शुभतां कृत्वा तत् पुरे समुपाविशत्
tatra mārgeṣu sarvatra prātihāryaṃ pradarśayan / sarveṣāṃ śubhatāṃ kṛtvā tat pure samupāviśat
Sanskrit only: no published translation is held for this verse.
प्रदक्षिणक्रमेणैवं चरंस् तत्र समंततः । भासयं भद्रतां कुर्वन् तत्प्रदेशे समाचरन्
pradakṣiṇakrameṇaivaṃ caraṃs tatra samaṃtataḥ / bhāsayaṃ bhadratāṃ kurvan tatpradeśe samācaran
Sanskrit only: no published translation is held for this verse.
तत्र पाद्यार्घम् आदाय क्रमेण सह सांघिकं । स्वासने समुपाविश्य तस्थौ भानुर् इवोज्वलन्
tatra pādyārgham ādāya krameṇa saha sāṃghikaṃ / svāsane samupāviśya tasthau bhānur ivojvalan
Sanskrit only: no published translation is held for this verse.
तदा तं श्रीघनं सर्वसंघं च स्वासने स्थितं । दृष्ट्वा सर्वे ऽपि ते हर्षात् पूजयितुं समारभन्
tadā taṃ śrīghanaṃ sarvasaṃghaṃ ca svāsane sthitaṃ / dṛṣṭvā sarve 'pi te harṣāt pūjayituṃ samārabhan
Sanskrit only: no published translation is held for this verse.
तथा क्रमेण संपूज्य तं बुद्धप्रमुखं गणं । यथार्हभोजनैः सर्वं संतृप्तं समतोषयन्
tathā krameṇa saṃpūjya taṃ buddhapramukhaṃ gaṇaṃ / yathārhabhojanaiḥ sarvaṃ saṃtṛptaṃ samatoṣayan
Sanskrit only: no published translation is held for this verse.
ततस् ते भोजनांते तत्पात्राणि व्यपनीय च । करादीञ् छोधयित्वा तद् भूमिं च पर्यशोधयन्
tatas te bhojanāṃte tatpātrāṇi vyapanīya ca / karādīñ chodhayitvā tad bhūmiṃ ca paryaśodhayan
Sanskrit only: no published translation is held for this verse.
ततः पूगादिकं दत्वा पुनः सर्वे ऽपि ते मुदा । कृताञ्जलिपुटा नत्वा समुपतस्थिरे पुनः
tataḥ pūgādikaṃ datvā punaḥ sarve 'pi te mudā / kṛtāñjalipuṭā natvā samupatasthire punaḥ
Sanskrit only: no published translation is held for this verse.
ते च गांधर्विकाः सर्वे त्रिरत्नशरणं गताः । बोधिप्रणिधिम् आधाय प्रभेजिरे समाहिताः
te ca gāṃdharvikāḥ sarve triratnaśaraṇaṃ gatāḥ / bodhipraṇidhim ādhāya prabhejire samāhitāḥ
Sanskrit only: no published translation is held for this verse.
वेणुवीणामृदंगादि तूर्यसंगीतिवादनैः । उपस्थित्य ससंघं तं श्रीघनं समतोषयत्
veṇuvīṇāmṛdaṃgādi tūryasaṃgītivādanaiḥ / upasthitya sasaṃghaṃ taṃ śrīghanaṃ samatoṣayat
Sanskrit only: no published translation is held for this verse.
तद स भगवां दृष्ट्वा तेषां भक्तिप्रसादिनीं । सर्वेषां शुद्धचित्तानि व्यमुञ्चत् स्मितम् उद्धवात्
tada sa bhagavāṃ dṛṣṭvā teṣāṃ bhaktiprasādinīṃ / sarveṣāṃ śuddhacittāni vyamuñcat smitam uddhavāt
Sanskrit only: no published translation is held for this verse.
तत् संस्मितसहोत्पन्नाः पंचवर्णाः शुभांशवः । सर्वत्र भुवने गत्वा प्रचेरुर् अमृतांशुवत्
tat saṃsmitasahotpannāḥ paṃcavarṇāḥ śubhāṃśavaḥ / sarvatra bhuvane gatvā pracerur amṛtāṃśuvat
Sanskrit only: no published translation is held for this verse.
तेषां के चिद् अधोगत्वा नरकेषु समन्ततः । अवभास्य परिस्पृष्ट्वा सर्वत्रापि सुखं ददुः
teṣāṃ ke cid adhogatvā narakeṣu samantataḥ / avabhāsya parispṛṣṭvā sarvatrāpi sukhaṃ daduḥ
Sanskrit only: no published translation is held for this verse.
तदा ते नारकीयास् तत् प्रभास्पृष्टाः सुखान्विताः । किम् एतद् इति संदिग्धाः संमील्यैवं वभाषिरे
tadā te nārakīyās tat prabhāspṛṣṭāḥ sukhānvitāḥ / kim etad iti saṃdigdhāḥ saṃmīlyaivaṃ vabhāṣire
Sanskrit only: no published translation is held for this verse.
अहो नु जायते सौख्यम् अस्माकं सांप्रतं कथं । वतान्यत्र गताः स्मो ऽद्य कस्य पुण्यानुभावतः
aho nu jāyate saukhyam asmākaṃ sāṃprataṃ kathaṃ / vatānyatra gatāḥ smo 'dya kasya puṇyānubhāvataḥ
Sanskrit only: no published translation is held for this verse.
इति संदिग्धचित्तानां तेषां मनः प्रबोधने । भगवान् निर्मितं बुद्धं संप्रेषयन् समंततः
iti saṃdigdhacittānāṃ teṣāṃ manaḥ prabodhane / bhagavān nirmitaṃ buddhaṃ saṃpreṣayan samaṃtataḥ
Sanskrit only: no published translation is held for this verse.
तत्रा तं सौगतं दृष्ट्वा सर्वे ते नरकस्थिताः । विस्मिताः समुपासृत्य ववन्दिरे प्रसादिताः
tatrā taṃ saugataṃ dṛṣṭvā sarve te narakasthitāḥ / vismitāḥ samupāsṛtya vavandire prasāditāḥ
Sanskrit only: no published translation is held for this verse.
नमो बुद्धाय धर्माय संघाय च नमस् सदा । इति प्रोक्त्वा प्रणत्वा तच्छरणं समुपाययुः
namo buddhāya dharmāya saṃghāya ca namas sadā / iti proktvā praṇatvā taccharaṇaṃ samupāyayuḥ
Sanskrit only: no published translation is held for this verse.
एतत्पुण्यानुभावेन सर्वे ते नरकोत्थिताः । सहसा स्वर्गतिं याताः सद्धर्मे समुदाचरन्
etatpuṇyānubhāvena sarve te narakotthitāḥ / sahasā svargatiṃ yātāḥ saddharme samudācaran
Sanskrit only: no published translation is held for this verse.
एवं तान् सर्वसत्वांश् च समुद्धृत्य समन्ततः । सर्वे ते ऽप्य् अंशवो भूयस् संबुद्धान्तिकम् उपाचरन्
evaṃ tān sarvasatvāṃś ca samuddhṛtya samantataḥ / sarve te 'py aṃśavo bhūyas saṃbuddhāntikam upācaran
Sanskrit only: no published translation is held for this verse.
के चिद् ऊर्द्ध्वगता यावद् अकनिष्ठं समन्ततः । अवभास्य समुद्घुष्य तत्रैवं समचोदयन्
ke cid ūrddhvagatā yāvad akaniṣṭhaṃ samantataḥ / avabhāsya samudghuṣya tatraivaṃ samacodayan
Sanskrit only: no published translation is held for this verse.
अनित्यं खलु संसारं शून्यं ह्य् अनात्मकं । इति सत्यं परिज्ञाय त्रिरत्नं भजतादरात्
anityaṃ khalu saṃsāraṃ śūnyaṃ hy anātmakaṃ / iti satyaṃ parijñāya triratnaṃ bhajatādarāt
Sanskrit only: no published translation is held for this verse.
निष्क्रामतारभध्वं च यूज्यध्वं बुद्धशासने । धुनीत मारसैन्याश् च नडागारं यथा करी
niṣkrāmatārabhadhvaṃ ca yūjyadhvaṃ buddhaśāsane / dhunīta mārasainyāś ca naḍāgāraṃ yathā karī
Sanskrit only: no published translation is held for this verse.
यो ऽप्य् अस्मिन् सौगते धर्मे ह्य् अप्रमत्तश् चरेत् सदा । स त्यक्त्वा जन्म संसारे दुःखस्यान्तं करिष्यति
yo 'py asmin saugate dharme hy apramattaś caret sadā / sa tyaktvā janma saṃsāre duḥkhasyāntaṃ kariṣyati
Sanskrit only: no published translation is held for this verse.
इति संचोदयन्तस् तां सार्वान् देवांश् च सर्वतः । ते सर्वे ऽप्य् अंशवो भायः सुगतान्तिकम् आययुः
iti saṃcodayantas tāṃ sārvān devāṃś ca sarvataḥ / te sarve 'py aṃśavo bhāyaḥ sugatāntikam āyayuḥ
Sanskrit only: no published translation is held for this verse.
ततस् ते ऽप्य् अंशवः सर्वे संमील्य संगता मुनेः । प्रदक्षिणत्रयं कृत्वा तस्योर्णायां समाविशन्
tatas te 'py aṃśavaḥ sarve saṃmīlya saṃgatā muneḥ / pradakṣiṇatrayaṃ kṛtvā tasyorṇāyāṃ samāviśan
Sanskrit only: no published translation is held for this verse.
तद् दृष्ट्वा ते सभालोका विस्मयोद्धतमानसाः । किम् एतद् इति संचिन्त्य सर्वे तस्थुः शकौतुकाः
tad dṛṣṭvā te sabhālokā vismayoddhatamānasāḥ / kim etad iti saṃcintya sarve tasthuḥ śakautukāḥ
Sanskrit only: no published translation is held for this verse.
अथानंदः समालोक्य तान् सर्वान् विस्मयोद्धवान् । उत्थाय साञ्जलिर् नत्वा शास्तारं तं समब्रवीत्
athānaṃdaḥ samālokya tān sarvān vismayoddhavān / utthāya sāñjalir natvā śāstāraṃ taṃ samabravīt
Sanskrit only: no published translation is held for this verse.
भगवन्स् ते मुखाद् भासिः पंचवर्णा विनिर्गता । अवभास्य दिशः सर्वा ऊर्णायां च विशन्ति ताः
bhagavans te mukhād bhāsiḥ paṃcavarṇā vinirgatā / avabhāsya diśaḥ sarvā ūrṇāyāṃ ca viśanti tāḥ
Sanskrit only: no published translation is held for this verse.
एतद् दृष्ट्वा सभालोकाः सर्वे ऽपीमे सविस्मयाः । तद्धेतुं श्रोतुम् इछन्ति तद् उपादेष्टुम् अर्हति
etad dṛṣṭvā sabhālokāḥ sarve 'pīme savismayāḥ / taddhetuṃ śrotum ichanti tad upādeṣṭum arhati
Sanskrit only: no published translation is held for this verse.
नाहेतु हि स्मितं बुद्धा दर्शयन्ति कदा चन । यद् धेतौ भवता शास्तुर् हसितं तत् समादिश
nāhetu hi smitaṃ buddhā darśayanti kadā cana / yad dhetau bhavatā śāstur hasitaṃ tat samādiśa
Sanskrit only: no published translation is held for this verse.
इति संप्रार्थितं शिष्येन स मुनीश्वरः । तम् आनंदैः सभां चापि समालोक्यैवम् आदिशत्
iti saṃprārthitaṃ śiṣyena sa munīśvaraḥ / tam ānaṃdaiḥ sabhāṃ cāpi samālokyaivam ādiśat
Sanskrit only: no published translation is held for this verse.
पश्यानंद यद् एतैर् हि सर्वै गान्धर्विकैर् अपि । मम ससांघिकस्यैवं सत्कारं प्रकृतं मुदा
paśyānaṃda yad etair hi sarvai gāndharvikair api / mama sasāṃghikasyaivaṃ satkāraṃ prakṛtaṃ mudā
Sanskrit only: no published translation is held for this verse.
एतत्पुण्यविपाकेन सर्वे ऽपीमे भवान्तरे । क्रमाद् बोधिचरीं प्राप्ता निःक्लेशा विमलाशयाः
etatpuṇyavipākena sarve 'pīme bhavāntare / kramād bodhicarīṃ prāptā niḥkleśā vimalāśayāḥ
Sanskrit only: no published translation is held for this verse.
मारचर्याविनिर्मुक्ताः परिशुद्धास् त्रिमण्डलाः । वर्णस्वराभिधाः सर्वे प्रत्येकसुगता जिनाः
māracaryāvinirmuktāḥ pariśuddhās trimaṇḍalāḥ / varṇasvarābhidhāḥ sarve pratyekasugatā jināḥ
Sanskrit only: no published translation is held for this verse.
प्रान्ताशय्यासानासीना हीनदीनानुकम्पकाः । दक्षिणीया महासत्वा भविष्यन्ति शुभंकराः
prāntāśayyāsānāsīnā hīnadīnānukampakāḥ / dakṣiṇīyā mahāsatvā bhaviṣyanti śubhaṃkarāḥ
Sanskrit only: no published translation is held for this verse.
एवम् एतात् समालोक्य यूयं यदि समिछथ । तथात्र श्रद्धया नित्यं त्रिरत्नं भजतादरात्
evam etāt samālokya yūyaṃ yadi samichatha / tathātra śraddhayā nityaṃ triratnaṃ bhajatādarāt
Sanskrit only: no published translation is held for this verse.
ये त्रिरत्नं सदा भक्त्या सत्कृत्यैवं भजन्ति ते । विहाय दुर्गतिं नित्यं सद्गतिं समवाप्नुयुः
ye triratnaṃ sadā bhaktyā satkṛtyaivaṃ bhajanti te / vihāya durgatiṃ nityaṃ sadgatiṃ samavāpnuyuḥ
Sanskrit only: no published translation is held for this verse.
इति मत्वात्र संसारे येषां वांछा सुखे शिवे । ते सत्कृत्य त्रिरत्नेषु श्रद्धया भजतानिशं
iti matvātra saṃsāre yeṣāṃ vāṃchā sukhe śive / te satkṛtya triratneṣu śraddhayā bhajatāniśaṃ
Sanskrit only: no published translation is held for this verse.
इत्य् आदिष्टं मुनीन्द्रेण श्रुत्वा सर्वे च ते जनाः । सत्यम् एवं प्रतिज्ञाय त्रिरत्नं सर्वदाभजन्
ity ādiṣṭaṃ munīndreṇa śrutvā sarve ca te janāḥ / satyam evaṃ pratijñāya triratnaṃ sarvadābhajan
Sanskrit only: no published translation is held for this verse.
तद् दृष्ट्वा भिक्षवः सर्वे विस्मयोद्धतमानसाः । कृताञ्जलिपुटा नत्वा पप्रछुस् तं मुनीश्वरं
tad dṛṣṭvā bhikṣavaḥ sarve vismayoddhatamānasāḥ / kṛtāñjalipuṭā natvā paprachus taṃ munīśvaraṃ
Sanskrit only: no published translation is held for this verse.
यद् एवं भगवन्न् एभिः सत्कारं प्रकृतं महत् । तत् ते केन सुपुण्येन सम्यग् आदेष्टुम् अर्हति
yad evaṃ bhagavann ebhiḥ satkāraṃ prakṛtaṃ mahat / tat te kena supuṇyena samyag ādeṣṭum arhati
Sanskrit only: no published translation is held for this verse.
एवं तैर् भिक्षुभिः सर्वैः प्रार्थिते स जिनेश्वरः । सर्वान्स् ताञ् छ्रावकान् भिक्षून् समालोक्यैवम् आदिशत्
evaṃ tair bhikṣubhiḥ sarvaiḥ prārthite sa jineśvaraḥ / sarvāns tāñ chrāvakān bhikṣūn samālokyaivam ādiśat
Sanskrit only: no published translation is held for this verse.
शृणुध्वं भिक्षवः पुण्यं यन् मया प्रकृतं पुरा । तद् अत्र कथितं श्रुत्वा श्रद्धयाभ्यनुमोदत
śṛṇudhvaṃ bhikṣavaḥ puṇyaṃ yan mayā prakṛtaṃ purā / tad atra kathitaṃ śrutvā śraddhayābhyanumodata
Sanskrit only: no published translation is held for this verse.
पुरासीद् भगवान् बुद्धः प्रबोधनाभिधो जिनः । सर्वज्ञः सुगतः शास्ता धर्मराजो मुनीश्वरः
purāsīd bhagavān buddhaḥ prabodhanābhidho jinaḥ / sarvajñaḥ sugataḥ śāstā dharmarājo munīśvaraḥ
Sanskrit only: no published translation is held for this verse.
सर्वविद्याधिपो नाथस् तथागतो विनायकः । मारजिल् लोकविद् भर्त्ता सुभद्रो ऽर्हन् हितंकरः
sarvavidyādhipo nāthas tathāgato vināyakaḥ / mārajil lokavid bharttā subhadro 'rhan hitaṃkaraḥ
Sanskrit only: no published translation is held for this verse.
तदा स भगवान् बुद्धो जनपदेषु चारिकां । चरन्न् अन्यां राजधानीम् अनुप्राप्तः ससांघिकः
tadā sa bhagavān buddho janapadeṣu cārikāṃ / carann anyāṃ rājadhānīm anuprāptaḥ sasāṃghikaḥ
Sanskrit only: no published translation is held for this verse.
तत्र तस्य नरेन्द्रस्य क्रीडोद्याने तरोर् अधः । प्रविश्य स्वासनासीनस् तस्थौ वह्निर् इवोज्वलन्
tatra tasya narendrasya krīḍodyāne taror adhaḥ / praviśya svāsanāsīnas tasthau vahnir ivojvalan
Sanskrit only: no published translation is held for this verse.
तदैकस्मिन् दिने तत्र राजा कान्ताप्रवादिनैः । संगीतैः सह संरक्तो रमितुं समुपाविशत्
tadaikasmin dine tatra rājā kāntāpravādinaiḥ / saṃgītaiḥ saha saṃrakto ramituṃ samupāviśat
Sanskrit only: no published translation is held for this verse.
तत्रस्थं तं समासीनं सुगतं सुप्रभोज्वलं । दृष्ट्वैव सहसोपेत्य नत्वा कृत्वा प्रदक्षिणां
tatrasthaṃ taṃ samāsīnaṃ sugataṃ suprabhojvalaṃ / dṛṣṭvaiva sahasopetya natvā kṛtvā pradakṣiṇāṃ
Sanskrit only: no published translation is held for this verse.
समाधिस्थं तम् आलोक्य तष्ठौ चिरम् उपाश्रयन् । ततस् तन्मुखपद्मोत्थसद्धर्मामृतलिप्सया
samādhisthaṃ tam ālokya taṣṭhau ciram upāśrayan / tatas tanmukhapadmotthasaddharmāmṛtalipsayā
Sanskrit only: no published translation is held for this verse.
वाद्यमानैः सतैर् वाद्यैर् मुनिं प्राबोधयन् नृपः । ततः स सुगतो बुद्धो समाधेः शीघ्रम् उत्थितः
vādyamānaiḥ satair vādyair muniṃ prābodhayan nṛpaḥ / tataḥ sa sugato buddho samādheḥ śīghram utthitaḥ
Sanskrit only: no published translation is held for this verse.
सान्तःपुरं नरेंद्रं तं प्राद्राक्षीत् समुपस्थितं । तदा तं नृपतिं दृष्ट्वा स संबुद्धः प्रबोधनः
sāntaḥpuraṃ nareṃdraṃ taṃ prādrākṣīt samupasthitaṃ / tadā taṃ nṛpatiṃ dṛṣṭvā sa saṃbuddhaḥ prabodhanaḥ
Sanskrit only: no published translation is held for this verse.
सद्धर्म्मं समुपादेष्टुं समामंत्र्यैवम् अब्रवीत् । एहि राजन् महावाहो स्वागतं ते महीपते
saddharmmaṃ samupādeṣṭuṃ samāmaṃtryaivam abravīt / ehi rājan mahāvāho svāgataṃ te mahīpate
Sanskrit only: no published translation is held for this verse.
सद्धर्मं समुपाश्रित्य बोधिचर्यां समाचर । सदा दानं प्रदत्वात्र शीलं धृत्वा समाहितः
saddharmaṃ samupāśritya bodhicaryāṃ samācara / sadā dānaṃ pradatvātra śīlaṃ dhṛtvā samāhitaḥ
Sanskrit only: no published translation is held for this verse.
क्षान्त्या प्रसादयल् लोकान् धर्मवीर्यं प्रसाधय । बोधौ चित्तं समाधाय प्रज्ञारत्नम् उपार्जय
kṣāntyā prasādayal lokān dharmavīryaṃ prasādhaya / bodhau cittaṃ samādhāya prajñāratnam upārjaya
Sanskrit only: no published translation is held for this verse.
तद्रत्नानुभावेन संबोधिमार्गम् आप्नुयाः । ततस् ते मङ्गलं नित्यम् इहामुत्रे सदा भवेत्
tadratnānubhāvena saṃbodhimārgam āpnuyāḥ / tatas te maṅgalaṃ nityam ihāmutre sadā bhavet
Sanskrit only: no published translation is held for this verse.
सर्वसत्वहितं कुर्वन् सद्गतिम् एव प्राप्नुयाः । इति मत्वा महाराज सद्धर्मं समुपाश्रयन्
sarvasatvahitaṃ kurvan sadgatim eva prāpnuyāḥ / iti matvā mahārāja saddharmaṃ samupāśrayan
Sanskrit only: no published translation is held for this verse.
त्रिरत्नं शरणं कृत्वा सत्कृत्य भज सर्वदा । त्रिरत्नेषु कृतं पुण्यं न क्षिणोति कदा चन
triratnaṃ śaraṇaṃ kṛtvā satkṛtya bhaja sarvadā / triratneṣu kṛtaṃ puṇyaṃ na kṣiṇoti kadā cana
Sanskrit only: no published translation is held for this verse.
सर्वदा सत्फलान्य् एव सूते बोधिं समर्पयेत् । इति मत्वा महाराज त्रिरत्नशरणं गतः
sarvadā satphalāny eva sūte bodhiṃ samarpayet / iti matvā mahārāja triratnaśaraṇaṃ gataḥ
Sanskrit only: no published translation is held for this verse.
बोधिचर्याव्रतं धृत्वा चर नित्यं समाहितः । तथा ते मंगलं नित्यं सर्वत्रापि भवेद् ध्रुवं
bodhicaryāvrataṃ dhṛtvā cara nityaṃ samāhitaḥ / tathā te maṃgalaṃ nityaṃ sarvatrāpi bhaved dhruvaṃ
Sanskrit only: no published translation is held for this verse.
क्रमाद् बोधिं समासाद्य संबुद्धपदम् आप्नुयाः । इति तेनार्हतादिष्टं मुनीन्द्रेण स भूपतिः
kramād bodhiṃ samāsādya saṃbuddhapadam āpnuyāḥ / iti tenārhatādiṣṭaṃ munīndreṇa sa bhūpatiḥ
Sanskrit only: no published translation is held for this verse.
श्रुत्वा तथेति विज्ञप्य प्राभ्यनन्दत् प्रबोधितः । ततः स मुदितो राजा तं मुनीन्द्रं ससांघिकं
śrutvā tatheti vijñapya prābhyanandat prabodhitaḥ / tataḥ sa mudito rājā taṃ munīndraṃ sasāṃghikaṃ
Sanskrit only: no published translation is held for this verse.
यथाविधि समभ्यर्च्य भोजनैः समतोषयत् । ततश् च भोजनान्ते स नृपतिः साञ्जलिर् मुदा । तं मुनीन्द्रं प्रणत्वैवं प्रणिधानं हृदो व्यधात्
yathāvidhi samabhyarcya bhojanaiḥ samatoṣayat / tataś ca bhojanānte sa nṛpatiḥ sāñjalir mudā / taṃ munīndraṃ praṇatvaivaṃ praṇidhānaṃ hṛdo vyadhāt
Sanskrit only: no published translation is held for this verse.
अनेन कुशलेनाहं लोके ऽन्धे ऽपरिणायके । सम्यग् बोधिं समागम्य भवेयं सुगतो जिनः
anena kuśalenāhaṃ loke 'ndhe 'pariṇāyake / samyag bodhiṃ samāgamya bhaveyaṃ sugato jinaḥ
Sanskrit only: no published translation is held for this verse.
एतत् तेन नरेन्द्रेण प्रणिधानं कृतं मुदा । मत्वा स सुगतस् तस्य तथाशीर्वचनं ददौ
etat tena narendreṇa praṇidhānaṃ kṛtaṃ mudā / matvā sa sugatas tasya tathāśīrvacanaṃ dadau
Sanskrit only: no published translation is held for this verse.
जयो ऽस्तु ते सदा राजं धर्मेण पालय प्रजाः । प्रणिधानं यथा बोधौ तथा ते सिद्ध्यतु ध्रुवं
jayo 'stu te sadā rājaṃ dharmeṇa pālaya prajāḥ / praṇidhānaṃ yathā bodhau tathā te siddhyatu dhruvaṃ
Sanskrit only: no published translation is held for this verse.
इत्य् आदिष्टं मुनीन्द्रेण तेन श्रुत्वा स भूपतिः । मुदितः साञ्जलिर् नत्वा तं मुनीन्द्रं समब्रवीत्
ity ādiṣṭaṃ munīndreṇa tena śrutvā sa bhūpatiḥ / muditaḥ sāñjalir natvā taṃ munīndraṃ samabravīt
Sanskrit only: no published translation is held for this verse.
अद्यारभ्य सदा शास्तस् त्रिरत्नशरणं गतः । संबोधिसंवरं धृत्वा चरिष्यामि समाहितः
adyārabhya sadā śāstas triratnaśaraṇaṃ gataḥ / saṃbodhisaṃvaraṃ dhṛtvā cariṣyāmi samāhitaḥ
Sanskrit only: no published translation is held for this verse.
तद् भवान् कृपया दृष्ट्या सदा मां द्रष्टुम् अर्हति । सर्वदा भवताम् एव शरणे ऽस्मि समास्थितः
tad bhavān kṛpayā dṛṣṭyā sadā māṃ draṣṭum arhati / sarvadā bhavatām eva śaraṇe 'smi samāsthitaḥ
Sanskrit only: no published translation is held for this verse.
इति संप्रार्थनां कृत्वा राजा स सजनो मुदा । भगवंतं तम् आनम्य सानंदः स्वपुरं ययौ
iti saṃprārthanāṃ kṛtvā rājā sa sajano mudā / bhagavaṃtaṃ tam ānamya sānaṃdaḥ svapuraṃ yayau
Sanskrit only: no published translation is held for this verse.
ततः स भगवाञ् छास्ता समुत्थाय ससांघिकः । सर्वत्र भद्रतां कृत्वा स्वाश्रमे समुपाययौ
tataḥ sa bhagavāñ chāstā samutthāya sasāṃghikaḥ / sarvatra bhadratāṃ kṛtvā svāśrame samupāyayau
Sanskrit only: no published translation is held for this verse.
मन्यतां भिक्षवो यो ऽसौ राजा संबुद्धसेवकः । अहम् एव तदाभूवन् नान्यो द्रष्टव्य एव सः
manyatāṃ bhikṣavo yo 'sau rājā saṃbuddhasevakaḥ / aham eva tadābhūvan nānyo draṣṭavya eva saḥ
Sanskrit only: no published translation is held for this verse.
यन् मया श्रद्धया तस्य प्रबोधनस्य तायिनः । पूजाकारि महोत्साहैस् तूर्यसंगीतिवादनैः
yan mayā śraddhayā tasya prabodhanasya tāyinaḥ / pūjākāri mahotsāhais tūryasaṃgītivādanaiḥ
Sanskrit only: no published translation is held for this verse.
तेन पुण्यविपाकेन ममात्रैव महोत्सवैः । एतैर् गान्धर्विकैर् एवं सत्कारः प्रकृताधुना
tena puṇyavipākena mamātraiva mahotsavaiḥ / etair gāndharvikair evaṃ satkāraḥ prakṛtādhunā
Sanskrit only: no published translation is held for this verse.
एवं मत्वा महत्पुण्यं संबुद्धभजनोद्भवं । त्रिरत्नं शरणं कृत्वा भजनीयं शुभार्थिभिः
evaṃ matvā mahatpuṇyaṃ saṃbuddhabhajanodbhavaṃ / triratnaṃ śaraṇaṃ kṛtvā bhajanīyaṃ śubhārthibhiḥ
Sanskrit only: no published translation is held for this verse.
यूयं चापि सदा नित्यं शास्तारं सद्गुरुं जिनं । संबुद्धं समुपाश्रित्य विहरध्वं समाहिताः
yūyaṃ cāpi sadā nityaṃ śāstāraṃ sadguruṃ jinaṃ / saṃbuddhaṃ samupāśritya viharadhvaṃ samāhitāḥ
Sanskrit only: no published translation is held for this verse.
इत्य् आदिष्टं मुनीन्द्रेण श्रुत्वा ते भिक्षवो मुदा । सर्वे तथेति विज्ञप्य त्रिरत्नानि सदाभजन्
ity ādiṣṭaṃ munīndreṇa śrutvā te bhikṣavo mudā / sarve tatheti vijñapya triratnāni sadābhajan
Sanskrit only: no published translation is held for this verse.
इति मे गुरुणादिष्टं श्रुतं मया नराधिप । तथाधुना समाख्यातं तव पुण्यप्रवृद्धये
iti me guruṇādiṣṭaṃ śrutaṃ mayā narādhipa / tathādhunā samākhyātaṃ tava puṇyapravṛddhaye
Sanskrit only: no published translation is held for this verse.
एवं राजंस् त्वयाप्य् एवं त्रिरत्नं शरणं गतः । संबुद्धशासनं धृत्वा चर धर्मं समाहितः
evaṃ rājaṃs tvayāpy evaṃ triratnaṃ śaraṇaṃ gataḥ / saṃbuddhaśāsanaṃ dhṛtvā cara dharmaṃ samāhitaḥ
Sanskrit only: no published translation is held for this verse.
प्रजाश् चापि तथा राजं बोधयित्वा प्रयत्नतः । संबोधिसाधने धर्मे योजनीयास् त्वयादरात्
prajāś cāpi tathā rājaṃ bodhayitvā prayatnataḥ / saṃbodhisādhane dharme yojanīyās tvayādarāt
Sanskrit only: no published translation is held for this verse.
तथा चेत् ते सदा भद्रं भवेन् नूनं समन्ततः । क्रमाद् बोधिं समासाद्य संबुद्धपदम् आप्नुयाः
tathā cet te sadā bhadraṃ bhaven nūnaṃ samantataḥ / kramād bodhiṃ samāsādya saṃbuddhapadam āpnuyāḥ
Sanskrit only: no published translation is held for this verse.
इति शास्त्रा समादेष्टं श्रुत्वाशोकः स भूपतिः । तथेति प्रतिमोदित्वा प्राभ्यनन्दत् सपार्षदः
iti śāstrā samādeṣṭaṃ śrutvāśokaḥ sa bhūpatiḥ / tatheti pratimoditvā prābhyanandat sapārṣadaḥ
Sanskrit only: no published translation is held for this verse.