क्रमात् तां सर्वसंघांश् च प्रणत्वा ते प्रमोदिताः । सर्वे ऽप्य् एकान्तम् आश्रित्य पश्यन्त उपतस्थिरे
kramāt tāṃ sarvasaṃghāṃś ca praṇatvā te pramoditāḥ / sarve 'py ekāntam āśritya paśyanta upatasthire
Sanskrit only: no published translation is held for this verse.
तत्र तद् ज्ञातयः सर्वे पौरिकाश् चापरे ऽपि च । तान् प्रेतान् समुपासीनान् दृष्ट्वा तस्थुः सकौतुकाः
tatra tad jñātayaḥ sarve paurikāś cāpare 'pi ca / tān pretān samupāsīnān dṛṣṭvā tasthuḥ sakautukāḥ
Sanskrit only: no published translation is held for this verse.
एवं सर्वे ऽपि ते प्रेताः स्वस्वज्ञातीन् उपस्थितान् । भात्रादीन् बन्धुवर्गांश् च दृष्ट्वैवम् उपतस्थिरे
evaṃ sarve 'pi te pretāḥ svasvajñātīn upasthitān / bhātrādīn bandhuvargāṃś ca dṛṣṭvaivam upatasthire
Sanskrit only: no published translation is held for this verse.
ततः सो ऽर्हन् महाभिज्ञो मौद्गल्यस् तान् उपस्थितान् । प्रेतान् सर्वान् समालोक्य नत्वाहैवं मुनीश्वरं
tataḥ so 'rhan mahābhijño maudgalyas tān upasthitān / pretān sarvān samālokya natvāhaivaṃ munīśvaraṃ
Sanskrit only: no published translation is held for this verse.
भगवन् नाथ सर्वज्ञ ते प्रेताः सर्व आगताः । तद् एषां भगवां च्छास्तानुग्रहं कर्त्तुम् अर्हति
bhagavan nātha sarvajña te pretāḥ sarva āgatāḥ / tad eṣāṃ bhagavāṃ cchāstānugrahaṃ karttum arhati
Sanskrit only: no published translation is held for this verse.
निवेद्येति स मौद्गल्यः संबुद्धप्रमुखं क्रमात् । सर्वं संघं समभ्यर्च्य भोजयन् समतोषयत्
nivedyeti sa maudgalyaḥ saṃbuddhapramukhaṃ kramāt / sarvaṃ saṃghaṃ samabhyarcya bhojayan samatoṣayat
Sanskrit only: no published translation is held for this verse.
ततः स सर्वसंघं तं दृष्ट्वा संतृप्तिकं मुदा । अपनीयाशु पात्राणि हस्तादीन् समशोधयत्
tataḥ sa sarvasaṃghaṃ taṃ dṛṣṭvā saṃtṛptikaṃ mudā / apanīyāśu pātrāṇi hastādīn samaśodhayat
Sanskrit only: no published translation is held for this verse.
ततः खपुरसूक्ष्मैलाताम्बूलादि रसायनं । दत्वा क्षमार्थनां कृत्वा प्रार्थयत् स मुनीश्वरं
tataḥ khapurasūkṣmailātāmbūlādi rasāyanaṃ / datvā kṣamārthanāṃ kṛtvā prārthayat sa munīśvaraṃ
Sanskrit only: no published translation is held for this verse.
भगवन् नाथ सर्वज्ञ भवां छास्ता ससांघिकः । दक्षिणादेशनाम् एभ्यः प्रेतेभ्यः कर्तुम् अर्हति
bhagavan nātha sarvajña bhavāṃ chāstā sasāṃghikaḥ / dakṣiṇādeśanām ebhyaḥ pretebhyaḥ kartum arhati
Sanskrit only: no published translation is held for this verse.
इति संप्रार्थितं श्रुत्वा सर्वे ते प्रेतिका मुदा । ससंघं तं मुनिं नत्वा सादरम् उपतस्थिरे
iti saṃprārthitaṃ śrutvā sarve te pretikā mudā / sasaṃghaṃ taṃ muniṃ natvā sādaram upatasthire
Sanskrit only: no published translation is held for this verse.
ततः स भगवान् दृष्ट्वा ससंघस् तान् उपस्थितान् । दक्षिणादेशनां तेभ्यः सर्वेभ्यो विदधे शुभां
tataḥ sa bhagavān dṛṣṭvā sasaṃghas tān upasthitān / dakṣiṇādeśanāṃ tebhyaḥ sarvebhyo vidadhe śubhāṃ
Sanskrit only: no published translation is held for this verse.
इतो दानाद् धि यत् पुण्यं तत् प्रेतान् अनुगछतु । उत्तिष्ठन्तः प्रयान्त्य् एते सर्वे प्रेताः सुरालयं
ito dānād dhi yat puṇyaṃ tat pretān anugachatu / uttiṣṭhantaḥ prayānty ete sarve pretāḥ surālayaṃ
Sanskrit only: no published translation is held for this verse.
इत्य् आदिश्य पुनस् तत्र भगवां स मुनीश्वरः । आर्य्यसत्यं समारभ्यापरिमितायुषस् तदा
ity ādiśya punas tatra bhagavāṃ sa munīśvaraḥ / āryyasatyaṃ samārabhyāparimitāyuṣas tadā
Sanskrit only: no published translation is held for this verse.
धारण्या गुणमाहात्म्यं सद्धर्मं समुपादिशत्
dhāraṇyā guṇamāhātmyaṃ saddharmaṃ samupādiśat
Sanskrit only: no published translation is held for this verse.
संसारे मानुषे जन्म दुर्लभं भवचारिणां । मानुष्ये लभ्यमाने ऽपि क्षणसंपत् सुदुर्लभा
saṃsāre mānuṣe janma durlabhaṃ bhavacāriṇāṃ / mānuṣye labhyamāne 'pi kṣaṇasaṃpat sudurlabhā
Sanskrit only: no published translation is held for this verse.
मानुष्ये ऽलभ्यमाने हि जन्तूनां सुखता कुतः । दुःखान्य् एव भवे नित्यं पुण्ये मतिः कथं चरेत्
mānuṣye 'labhyamāne hi jantūnāṃ sukhatā kutaḥ / duḥkhāny eva bhave nityaṃ puṇye matiḥ kathaṃ caret
Sanskrit only: no published translation is held for this verse.
विना पुण्यमतिं जन्तुः सद्धर्मे कथम् आचरेत् । विना सद्धर्मभावेन सद्गतिं कथम् आप्नुयात्
vinā puṇyamatiṃ jantuḥ saddharme katham ācaret / vinā saddharmabhāvena sadgatiṃ katham āpnuyāt
Sanskrit only: no published translation is held for this verse.
प्रेतेषु सर्वदा नित्यं क्षुत्पिपासाविदाहितः । तिर्यक्षु नरकेष्व् एव भ्रमन् दुःखान्य् अवाप्नुयात्
preteṣu sarvadā nityaṃ kṣutpipāsāvidāhitaḥ / tiryakṣu narakeṣv eva bhraman duḥkhāny avāpnuyāt
Sanskrit only: no published translation is held for this verse.
तद् अत्र मानुषे जन्मप्राप्तैर् यत्नेन मानवैः । सत्कृत्य श्रद्धया नित्यं श्रोतव्यं सद्वृषं मुदा
tad atra mānuṣe janmaprāptair yatnena mānavaiḥ / satkṛtya śraddhayā nityaṃ śrotavyaṃ sadvṛṣaṃ mudā
Sanskrit only: no published translation is held for this verse.
सद्धर्मश्रुतमात्रेण महत्पुण्यम् अवाप्नुयात् । एतत् पुण्यविपाकेन सद्गुरौ सर्वदा भजेत्
saddharmaśrutamātreṇa mahatpuṇyam avāpnuyāt / etat puṇyavipākena sadgurau sarvadā bhajet
Sanskrit only: no published translation is held for this verse.
सद्गुरोर् उपदेशेन सद्धर्मेष्व् एव सदाचरेत् । एतत्पुण्यविपाकेन सद्गतिं सर्वदा व्रजेत्
sadguror upadeśena saddharmeṣv eva sadācaret / etatpuṇyavipākena sadgatiṃ sarvadā vrajet
Sanskrit only: no published translation is held for this verse.
तत्र सुखानि संभुक्त्वा संचरेत शुभे सदा
tatra sukhāni saṃbhuktvā saṃcareta śubhe sadā
Sanskrit only: no published translation is held for this verse.
एतद् धर्मानुभावेन महत्समृद्धिम् आप्नुयात् । महत्समृद्धिसंपत्सु कर्त्तव्यं दानम् अर्थिषु
etad dharmānubhāvena mahatsamṛddhim āpnuyāt / mahatsamṛddhisaṃpatsu karttavyaṃ dānam arthiṣu
Sanskrit only: no published translation is held for this verse.
दानेन वर्द्ध्यते लक्ष्मीर् लक्ष्मीमां च्छोभते पुमान् । सद्बुद्धिः सद्गुणाधारो यशोभाग्यसुखान्वितः
dānena varddhyate lakṣmīr lakṣmīmāṃ cchobhate pumān / sadbuddhiḥ sadguṇādhāro yaśobhāgyasukhānvitaḥ
Sanskrit only: no published translation is held for this verse.
ततः सौगतधर्माणि श्रुत्वा नित्यं प्रबोधितः । त्रिरत्नशरणं कृत्वा भजेद् भक्त्या सदादरात्
tataḥ saugatadharmāṇi śrutvā nityaṃ prabodhitaḥ / triratnaśaraṇaṃ kṛtvā bhajed bhaktyā sadādarāt
Sanskrit only: no published translation is held for this verse.
एतत्पुण्यानुभावेन बोधिचित्तं समाप्नुयात् । बोधिचित्ते हि लब्धे हि बोधिसत्वो भवेत् कृती
etatpuṇyānubhāvena bodhicittaṃ samāpnuyāt / bodhicitte hi labdhe hi bodhisatvo bhavet kṛtī
Sanskrit only: no published translation is held for this verse.
ततः स बोधिचित्तेन दशपारमिताः क्रमात् । परिपूर्य महासत्वस् त्रिविधां बोधिम् आप्नुयात्
tataḥ sa bodhicittena daśapāramitāḥ kramāt / paripūrya mahāsatvas trividhāṃ bodhim āpnuyāt
Sanskrit only: no published translation is held for this verse.
ततो मारगणां जित्वा परिशुद्धस् त्रिमण्डलः । क़्साक्षाद् अर्हत्पदं प्राप्य निर्वृतिपदम् आप्नुयात्
tato māragaṇāṃ jitvā pariśuddhas trimaṇḍalaḥ / qsākṣād arhatpadaṃ prāpya nirvṛtipadam āpnuyāt
Sanskrit only: no published translation is held for this verse.
एवं विज्ञाय मर्त्येन कर्त्तव्यं दानम् अर्थिने । दानेन सद्गतिं यायाद् अदाता दुर्गतिं व्रजेत्
evaṃ vijñāya martyena karttavyaṃ dānam arthine / dānena sadgatiṃ yāyād adātā durgatiṃ vrajet
Sanskrit only: no published translation is held for this verse.
दुर्गतिषु सदा भुक्त्वा दुःखानि विविधां स । सर्वदा दुःखसंक्लिष्टः पापेष्व् एवारतश् चरेत्
durgatiṣu sadā bhuktvā duḥkhāni vividhāṃ sa / sarvadā duḥkhasaṃkliṣṭaḥ pāpeṣv evārataś caret
Sanskrit only: no published translation is held for this verse.
एतत्पापविपाकेन दशस्व् अकुशलेष्व् अपि । निरतो ह्य् अविशंकेन संचरेत प्रमादतः
etatpāpavipākena daśasv akuśaleṣv api / nirato hy aviśaṃkena saṃcareta pramādataḥ
Sanskrit only: no published translation is held for this verse.
ततः सो ह्य् अतिपापिष्ठः सद्धर्मनिन्दकः कुधीः । स्वयं नष्टः परांश् चापि नाशयेन् नास्तिकः शठः
tataḥ so hy atipāpiṣṭhaḥ saddharmanindakaḥ kudhīḥ / svayaṃ naṣṭaḥ parāṃś cāpi nāśayen nāstikaḥ śaṭhaḥ
Sanskrit only: no published translation is held for this verse.
ततो ऽतिपापसंक्लिष्टः प्रतिक्षिप्य जिनान् अपि । घोरेषु नरकेष्व् एव गत्वा भ्रमन् सदा वसेत्
tato 'tipāpasaṃkliṣṭaḥ pratikṣipya jinān api / ghoreṣu narakeṣv eva gatvā bhraman sadā vaset
Sanskrit only: no published translation is held for this verse.
सदापि नरकेष्व् एवं भ्रमतस् तस्य दुःखिनः । कश्चिन् नैव समुद्धर्तुं शक्नुयात् सौगताद् ऋते
sadāpi narakeṣv evaṃ bhramatas tasya duḥkhinaḥ / kaścin naiva samuddhartuṃ śaknuyāt saugatād ṛte
Sanskrit only: no published translation is held for this verse.
यावन् न स्मरते बुद्धं तावत् स नरके वसेत् । यद् एव स्मरते बुद्धं तदा स्याच् छुद्धिताशयः
yāvan na smarate buddhaṃ tāvat sa narake vaset / yad eva smarate buddhaṃ tadā syāc chuddhitāśayaḥ
Sanskrit only: no published translation is held for this verse.
तदा तं कृपया बुद्धो दृष्ट्वा बौद्धेन चक्षुषा । पुण्यकरेण संस्पृष्ट्वा समुद्धरेद् अरं ततः
tadā taṃ kṛpayā buddho dṛṣṭvā bauddhena cakṣuṣā / puṇyakareṇa saṃspṛṣṭvā samuddhared araṃ tataḥ
Sanskrit only: no published translation is held for this verse.
ततस् तं पापिनं बौद्धा धर्माम्बुभिर् विशोध्य च । क्रमेण बोधिमार्गेषु नियोजयेत् प्रबोधयन्
tatas taṃ pāpinaṃ bauddhā dharmāmbubhir viśodhya ca / krameṇa bodhimārgeṣu niyojayet prabodhayan
Sanskrit only: no published translation is held for this verse.
ततः स परिशुद्धात्मा संबुद्धशासने रतः । त्रिरत्नशरणं कृत्वा सद्धर्म एव प्राचरेत्
tataḥ sa pariśuddhātmā saṃbuddhaśāsane rataḥ / triratnaśaraṇaṃ kṛtvā saddharma eva prācaret
Sanskrit only: no published translation is held for this verse.
ततः सत्वहितार्थे स बोधिचर्यासमुद्यतः । क्रमात् पारमिताः सर्वा पूरयितुं समुद्यमेत्
tataḥ satvahitārthe sa bodhicaryāsamudyataḥ / kramāt pāramitāḥ sarvā pūrayituṃ samudyamet
Sanskrit only: no published translation is held for this verse.
ततः पारमिताः सर्वाः पूरयित्वा समाहितः । बोधिसत्वो महासत्वो बुद्धात्मजो भवेद् अपि
tataḥ pāramitāḥ sarvāḥ pūrayitvā samāhitaḥ / bodhisatvo mahāsatvo buddhātmajo bhaved api
Sanskrit only: no published translation is held for this verse.
ततः क्लेशगणाञ् जित्वा परिशुद्धत्रिमंडलः । त्रिविधां बोधिम् आसाद्य निर्वृतिपदम् आप्नुयात्
tataḥ kleśagaṇāñ jitvā pariśuddhatrimaṃḍalaḥ / trividhāṃ bodhim āsādya nirvṛtipadam āpnuyāt
Sanskrit only: no published translation is held for this verse.
एवं मत्वा सदा नित्यं त्रिरत्नशरणं गताः । सद्धर्मं समुपाश्रित्य चरध्वं मानवा मुदा
evaṃ matvā sadā nityaṃ triratnaśaraṇaṃ gatāḥ / saddharmaṃ samupāśritya caradhvaṃ mānavā mudā
Sanskrit only: no published translation is held for this verse.
सर्वे लोका परिज्ञाय दृष्टसत्यास् तथाचरन्
sarve lokā parijñāya dṛṣṭasatyās tathācaran
Sanskrit only: no published translation is held for this verse.
तथा सर्वे ऽपि ते प्रेताः श्रुत्वा तद् धर्मदेशनां । मुदा तं श्रीघनं नत्वा शुद्धात्मानस् ततो ऽचरन्
tathā sarve 'pi te pretāḥ śrutvā tad dharmadeśanāṃ / mudā taṃ śrīghanaṃ natvā śuddhātmānas tato 'caran
Sanskrit only: no published translation is held for this verse.
ततस् तद् ज्ञातयः सर्वे दृष्ट्वा श्रुत्वा सकौतुकाः । ससंघं तं मुनिं नत्वा स्वस्वालयं ययुर् मुदा
tatas tad jñātayaḥ sarve dṛṣṭvā śrutvā sakautukāḥ / sasaṃghaṃ taṃ muniṃ natvā svasvālayaṃ yayur mudā
Sanskrit only: no published translation is held for this verse.
ततः स भगवान् बुद्धः समुत्थाय सषांघिकः । ध्यानालयं समाश्रित्य तस्थौ ध्यानसमाहितः
tataḥ sa bhagavān buddhaḥ samutthāya saṣāṃghikaḥ / dhyānālayaṃ samāśritya tasthau dhyānasamāhitaḥ
Sanskrit only: no published translation is held for this verse.
स मौद्गल्यायनश् चापि कृतकृत्यः प्रमोदितः । शास्तारं तं प्रणत्वैवं स्वम् आश्रमं समाश्रयत्
sa maudgalyāyanaś cāpi kṛtakṛtyaḥ pramoditaḥ / śāstāraṃ taṃ praṇatvaivaṃ svam āśramaṃ samāśrayat
Sanskrit only: no published translation is held for this verse.
तदा सर्वे ऽपि ते प्रेताः संबुद्धे ऽभिप्रसादिताः । त्रिरत्नस्मरणं कृत्वा ततश् च्युता दिवं ययुः
tadā sarve 'pi te pretāḥ saṃbuddhe 'bhiprasāditāḥ / triratnasmaraṇaṃ kṛtvā tataś cyutā divaṃ yayuḥ
Sanskrit only: no published translation is held for this verse.
तत्रोत्पन्ना हि ते सर्वे महत्सौख्यसमन्विताः । परिशुद्धसुभद्राङ्गा विस्मिता एतद् अब्रुवन्
tatrotpannā hi te sarve mahatsaukhyasamanvitāḥ / pariśuddhasubhadrāṅgā vismitā etad abruvan
Sanskrit only: no published translation is held for this verse.
अहो ऽस्माकं महत्सौख्यं किम् एवं जायते ऽधुना । कुतश् च्युताः कुहायामः कर्मणा केन वा वयं
aho 'smākaṃ mahatsaukhyaṃ kim evaṃ jāyate 'dhunā / kutaś cyutāḥ kuhāyāmaḥ karmaṇā kena vā vayaṃ
Sanskrit only: no published translation is held for this verse.
अथ बुद्धानुभावेन सर्वे ते प्रेतपूर्वकाः । देवपुत्रा अनुस्मृत्वा प्रबोधिताः समब्रुवन्
atha buddhānubhāvena sarve te pretapūrvakāḥ / devaputrā anusmṛtvā prabodhitāḥ samabruvan
Sanskrit only: no published translation is held for this verse.
भवन्तो यद् वयं सर्वे प्रेता बुद्धानुभावतः । मौद्गल्यस्यार्हतो भिक्षोः कृपादृष्टिप्रयत्नतः
bhavanto yad vayaṃ sarve pretā buddhānubhāvataḥ / maudgalyasyārhato bhikṣoḥ kṛpādṛṣṭiprayatnataḥ
Sanskrit only: no published translation is held for this verse.
संबुद्धदर्शनप्राप्तास् त्रिरत्नशरणं गताः । एतत् पुण्यपरिस्पृष्टाः परिशुद्धत्रिकायिकाः
saṃbuddhadarśanaprāptās triratnaśaraṇaṃ gatāḥ / etat puṇyaparispṛṣṭāḥ pariśuddhatrikāyikāḥ
Sanskrit only: no published translation is held for this verse.
ततः प्रेतगतेश् च्युत्वा स्वर्गलोके समागताः । महद्दिव्यसुखान्य् एवम् अत्र लभामहे ऽधुना
tataḥ pretagateś cyutvā svargaloke samāgatāḥ / mahaddivyasukhāny evam atra labhāmahe 'dhunā
Sanskrit only: no published translation is held for this verse.
एतत् सत्यं परिज्ञाय तस्य शास्तुर् जगद्गुरोः । पुनः सर्वे वयं गत्वा सत्कृत्य प्रभजेमहि
etat satyaṃ parijñāya tasya śāstur jagadguroḥ / punaḥ sarve vayaṃ gatvā satkṛtya prabhajemahi
Sanskrit only: no published translation is held for this verse.
इति संभाषणं कृत्वा सर्वे ते प्रेतपूर्वकाः । देवपुत्राः शुभाम्भोभिः स्नात्वा दिव्याम्वरावृताः
iti saṃbhāṣaṇaṃ kṛtvā sarve te pretapūrvakāḥ / devaputrāḥ śubhāmbhobhiḥ snātvā divyāmvarāvṛtāḥ
Sanskrit only: no published translation is held for this verse.
दिव्यसुगंधलिप्ताङ्गा दिव्यालंकारभूषिताः । दिव्यपूजोपचाराणि गृहीत्वा महदुत्सवैः । सर्वं वेणुवनं भाभिर् अवभास्य समन्ततः
divyasugaṃdhaliptāṅgā divyālaṃkārabhūṣitāḥ / divyapūjopacārāṇi gṛhītvā mahadutsavaiḥ / sarvaṃ veṇuvanaṃ bhābhir avabhāsya samantataḥ
Sanskrit only: no published translation is held for this verse.
विहारे समुपासृत्य दृष्ट्वा तं श्रीघनं मुदा । नत्वा प्रदक्षिणीकृत्वा प्रहर्षिता उपाचरन्
vihāre samupāsṛtya dṛṣṭvā taṃ śrīghanaṃ mudā / natvā pradakṣiṇīkṛtvā praharṣitā upācaran
Sanskrit only: no published translation is held for this verse.
तत्र दिव्योपचारैस् तैः पूजांगैस् तं मुनीश्वरं । सर्वे ऽपि ते समभ्यर्च्य सत्कृत्य श्रद्धयाभजन्
tatra divyopacārais taiḥ pūjāṃgais taṃ munīśvaraṃ / sarve 'pi te samabhyarcya satkṛtya śraddhayābhajan
Sanskrit only: no published translation is held for this verse.
तत्र चैकान्तम् आश्रित्य सद्धर्म्मश्रवणोत्सुकाः । कृताञ्जलिपुटाः सर्वे उपतस्थुः समाहिताः
tatra caikāntam āśritya saddharmmaśravaṇotsukāḥ / kṛtāñjalipuṭāḥ sarve upatasthuḥ samāhitāḥ
Sanskrit only: no published translation is held for this verse.
अथ स भगवान् दृष्ट्वा तान् सर्वान् समुपस्थितान् । आर्यसत्यं समारभः सद्धर्मं समुपादिशत्
atha sa bhagavān dṛṣṭvā tān sarvān samupasthitān / āryasatyaṃ samārabhaḥ saddharmaṃ samupādiśat
Sanskrit only: no published translation is held for this verse.
तत् सद्धर्मामृतं पीत्वा सर्वे ते प्रेतपूर्वकाः । देवपुत्राश् च धर्माणां विशेषत्वं प्रलेभिरे
tat saddharmāmṛtaṃ pītvā sarve te pretapūrvakāḥ / devaputrāś ca dharmāṇāṃ viśeṣatvaṃ pralebhire
Sanskrit only: no published translation is held for this verse.
ततस् ते मुदिताः सर्वे संबोधिपदवांछिनः । शास्तारं तं पुनर् नत्वा समालोक्यैतद् अब्रुवन्
tatas te muditāḥ sarve saṃbodhipadavāṃchinaḥ / śāstāraṃ taṃ punar natvā samālokyaitad abruvan
Sanskrit only: no published translation is held for this verse.
प्रेतलोकात् परिच्युत्वा स्वर्गे याताः स्म सांप्रतं
pretalokāt paricyutvā svarge yātāḥ sma sāṃprataṃ
Sanskrit only: no published translation is held for this verse.
दिव्यसुखानि साम्भुक्त्वा देवैः सह प्रमोदिताः । सद्धर्मगुणम् आकर्ण्य चरामहे सदाधुना
divyasukhāni sāmbhuktvā devaiḥ saha pramoditāḥ / saddharmaguṇam ākarṇya carāmahe sadādhunā
Sanskrit only: no published translation is held for this verse.
तत् कृपालो यतस् तस्य मौद्गल्यस्य महामतेः । कृपदृष्टिप्रसादेन नूनं मन्यामहे वयं
tat kṛpālo yatas tasya maudgalyasya mahāmateḥ / kṛpadṛṣṭiprasādena nūnaṃ manyāmahe vayaṃ
Sanskrit only: no published translation is held for this verse.
तद् भवद्दर्शनं प्राप्य पीत्वा धर्मामृतान्य् अपि । मुदिताः श्रद्धया भक्त्या त्रिरत्नं संभजामहे
tad bhavaddarśanaṃ prāpya pītvā dharmāmṛtāny api / muditāḥ śraddhayā bhaktyā triratnaṃ saṃbhajāmahe
Sanskrit only: no published translation is held for this verse.
एतत्पुण्यैः परीताङ्गाः परिशुद्धाशया मुदा । भवतां दर्शनं कर्तुं भूयः प्रायामहे वयं
etatpuṇyaiḥ parītāṅgāḥ pariśuddhāśayā mudā / bhavatāṃ darśanaṃ kartuṃ bhūyaḥ prāyāmahe vayaṃ
Sanskrit only: no published translation is held for this verse.
तथा च भवतां शास्तः कृपादृष्टिप्रसादतः । आर्यधर्मामृतं पीत्वा संतुष्टिं न लभामहे
tathā ca bhavatāṃ śāstaḥ kṛpādṛṣṭiprasādataḥ / āryadharmāmṛtaṃ pītvā saṃtuṣṭiṃ na labhāmahe
Sanskrit only: no published translation is held for this verse.
तद् वयं भवताम् एवं सर्वदा शरणं गताः । सत्कृत्य समुपासृत्य भक्तुम् इछामहे पुनः
tad vayaṃ bhavatām evaṃ sarvadā śaraṇaṃ gatāḥ / satkṛtya samupāsṛtya bhaktum ichāmahe punaḥ
Sanskrit only: no published translation is held for this verse.
तद् भवान् कृपयास्मा कं कृत्वानुग्रहम् आभवं । सद्धर्मं समुपादिश्य सर्वदा त्रातुम् अर्हति
tad bhavān kṛpayāsmā kaṃ kṛtvānugraham ābhavaṃ / saddharmaṃ samupādiśya sarvadā trātum arhati
Sanskrit only: no published translation is held for this verse.
भवतां कृपयास्माभि दुःखाब्धिः परिलंघितः । सत्कायदृष्टिशैलं च ज्ञानवज्रेण भिद्यते
bhavatāṃ kṛpayāsmābhi duḥkhābdhiḥ parilaṃghitaḥ / satkāyadṛṣṭiśailaṃ ca jñānavajreṇa bhidyate
Sanskrit only: no published translation is held for this verse.
ज्ञानचक्षुश् च संप्राप्तं दृष्टं मायामयं भवं । आर्यमार्गश् च संप्राप्तः प्राप्ता च निर्वृतिश्रुतिः
jñānacakṣuś ca saṃprāptaṃ dṛṣṭaṃ māyāmayaṃ bhavaṃ / āryamārgaś ca saṃprāptaḥ prāptā ca nirvṛtiśrutiḥ
Sanskrit only: no published translation is held for this verse.
धन्या इमे वयं सर्वे यद् भवच्छरणं गताः । आर्यधर्मामृतं पीत्वा महानन्दं लभामहे
dhanyā ime vayaṃ sarve yad bhavaccharaṇaṃ gatāḥ / āryadharmāmṛtaṃ pītvā mahānandaṃ labhāmahe
Sanskrit only: no published translation is held for this verse.
धन्यास् ते पुरुषाः सर्वे ये बुद्धशरणं गताः । सदा धर्मामृतं पीत्वा कारां कुर्वन्ति शासने
dhanyās te puruṣāḥ sarve ye buddhaśaraṇaṃ gatāḥ / sadā dharmāmṛtaṃ pītvā kārāṃ kurvanti śāsane
Sanskrit only: no published translation is held for this verse.
एवं भवां जगच्छास्ता सर्वसत्वानुकम्पया । सद्धर्मं समुपादिश्य तिष्ठतु सर्वदा सुखं
evaṃ bhavāṃ jagacchāstā sarvasatvānukampayā / saddharmaṃ samupādiśya tiṣṭhatu sarvadā sukhaṃ
Sanskrit only: no published translation is held for this verse.
इति प्रभाख्य सर्वे ते देवपुत्राः प्रमोदिताः । तं मुनीन्द्रं प्रणत्वा च सुप्रसन्ना दिवं ययुः
iti prabhākhya sarve te devaputrāḥ pramoditāḥ / taṃ munīndraṃ praṇatvā ca suprasannā divaṃ yayuḥ
Sanskrit only: no published translation is held for this verse.
तत्र सर्वे ऽपि ते देवास् त्रिरत्नशरणं गताः । प्रभेजिरे सदा स्मृत्वा संबोधिपदवांछिनः
tatra sarve 'pi te devās triratnaśaraṇaṃ gatāḥ / prabhejire sadā smṛtvā saṃbodhipadavāṃchinaḥ
Sanskrit only: no published translation is held for this verse.
ततः प्रातः समुत्थाय भगवान् सो ऽनुमोदितः । तं मौद्गल्यायनं शिष्यं समामंत्र्यैवम् अब्रवीत्
tataḥ prātaḥ samutthāya bhagavān so 'numoditaḥ / taṃ maudgalyāyanaṃ śiṣyaṃ samāmaṃtryaivam abravīt
Sanskrit only: no published translation is held for this verse.
साधु मौद्गल्य संवृत्तं सफलं ते कृपामते । यत् त्वया प्रकृतं कायं वैयावृत्तं सुशोभितं
sādhu maudgalya saṃvṛttaṃ saphalaṃ te kṛpāmate / yat tvayā prakṛtaṃ kāyaṃ vaiyāvṛttaṃ suśobhitaṃ
Sanskrit only: no published translation is held for this verse.
यन्नाम्ना भिक्षणं कृत्वा बुद्धपूजा कृता त्वया । ते सर्वे देवलोकेषु समुत्पन्नाः प्रतिस्थिताः
yannāmnā bhikṣaṇaṃ kṛtvā buddhapūjā kṛtā tvayā / te sarve devalokeṣu samutpannāḥ pratisthitāḥ
Sanskrit only: no published translation is held for this verse.
ते सर्वे ऽद्य निशायां मत्सकाशं समुपगताः । तेषां भद्राशयं दृष्ट्वा सद्धर्मो देशितो मया
te sarve 'dya niśāyāṃ matsakāśaṃ samupagatāḥ / teṣāṃ bhadrāśayaṃ dṛṣṭvā saddharmo deśito mayā
Sanskrit only: no published translation is held for this verse.
तत् सद्धर्मामृतं पीत्वा ते सर्वे ऽपि प्रमोदिताः । दृष्टसत्याः प्रक्रान्ताश् च गछन्ति त्रिदशालये
tat saddharmāmṛtaṃ pītvā te sarve 'pi pramoditāḥ / dṛṣṭasatyāḥ prakrāntāś ca gachanti tridaśālaye
Sanskrit only: no published translation is held for this verse.
तत्र स्वर्गे ऽपि ते सर्वे त्रिरत्नशरणं गताः । प्रभजन्ति सदा नित्यं संबोधिगुणवांछिनः
tatra svarge 'pi te sarve triratnaśaraṇaṃ gatāḥ / prabhajanti sadā nityaṃ saṃbodhiguṇavāṃchinaḥ
Sanskrit only: no published translation is held for this verse.
एवं लोकहितं कर्तुं कर्त्तव्यं पुण्यसाधनं
evaṃ lokahitaṃ kartuṃ karttavyaṃ puṇyasādhanaṃ
Sanskrit only: no published translation is held for this verse.
एवं लोकहितं कृत्वा प्रकुर्वन्ति शुभानि ये । ते पुमांसो महासत्वा बोधिसत्वा जिनात्मजाः
evaṃ lokahitaṃ kṛtvā prakurvanti śubhāni ye / te pumāṃso mahāsatvā bodhisatvā jinātmajāḥ
Sanskrit only: no published translation is held for this verse.
एवं विज्ञाय लोकानां हितं कर्तुं समुद्यतः । सद्धर्मसाधनेष्व् एव चरितव्यं समाहितः
evaṃ vijñāya lokānāṃ hitaṃ kartuṃ samudyataḥ / saddharmasādhaneṣv eva caritavyaṃ samāhitaḥ
Sanskrit only: no published translation is held for this verse.
इति शास्त्रा समादिष्टं श्रुत्वा सो ऽर्हं महामतिः । सत्यम् इति प्रतिज्ञाय प्राभ्यनन्दत् प्रबोधितः
iti śāstrā samādiṣṭaṃ śrutvā so 'rhaṃ mahāmatiḥ / satyam iti pratijñāya prābhyanandat prabodhitaḥ
Sanskrit only: no published translation is held for this verse.
ततः सो ऽर्हन् महाभिज्ञस् तच् छास्त्रादिष्टम् आदरात् । तद् ज्ञातीनां पुरोगत्वा सर्वम् एवं न्यवेदयत्
tataḥ so 'rhan mahābhijñas tac chāstrādiṣṭam ādarāt / tad jñātīnāṃ purogatvā sarvam evaṃ nyavedayat
Sanskrit only: no published translation is held for this verse.
ते ऽपि च ज्ञातयः सर्वे तेनार्हता निवेदितं । श्रुत्वा सत्यम् इति ज्ञात्वा प्रामोद्यं प्रतिलेभिरे
te 'pi ca jñātayaḥ sarve tenārhatā niveditaṃ / śrutvā satyam iti jñātvā prāmodyaṃ pratilebhire
Sanskrit only: no published translation is held for this verse.
ततस् ते ज्ञातयः सर्वे त्रिरत्नशरणं गताः । सत्कृत्य श्रद्धया नित्यं प्रभेजिरे समादरात्
tatas te jñātayaḥ sarve triratnaśaraṇaṃ gatāḥ / satkṛtya śraddhayā nityaṃ prabhejire samādarāt
Sanskrit only: no published translation is held for this verse.
इति मे गुरुणादिष्टं श्रुतं मया नराधिप । लोकप्रबोधनार्थेन तव प्रीत्या प्रकथ्यते
iti me guruṇādiṣṭaṃ śrutaṃ mayā narādhipa / lokaprabodhanārthena tava prītyā prakathyate
Sanskrit only: no published translation is held for this verse.
एवं विज्ञाय राजेन्द्र प्रेतानां शुभसाधनं । त्रिरत्नभजनं लोकैः कारयितुं त्वम् अर्हसि
evaṃ vijñāya rājendra pretānāṃ śubhasādhanaṃ / triratnabhajanaṃ lokaiḥ kārayituṃ tvam arhasi
Sanskrit only: no published translation is held for this verse.
तथा ते मंगलं नित्यं भवेन् नूनं समंततः । सर्वसत्वहितोद्भुतं महत्पुण्यं हि सत्फलं
tathā te maṃgalaṃ nityaṃ bhaven nūnaṃ samaṃtataḥ / sarvasatvahitodbhutaṃ mahatpuṇyaṃ hi satphalaṃ
Sanskrit only: no published translation is held for this verse.
इति मत्वा महाराज लोकान् सर्वान् प्रबोधयन् । प्रतिष्ठाप्य शुभे धर्मे पालयस्व समाहितः
iti matvā mahārāja lokān sarvān prabodhayan / pratiṣṭhāpya śubhe dharme pālayasva samāhitaḥ
Sanskrit only: no published translation is held for this verse.
इति शास्त्रा समादिष्टं श्रुत्वाशोकः स भूपतिः । तथेति प्रतिमोदित्वा प्राभ्यनन्दत् सपार्षदः
iti śāstrā samādiṣṭaṃ śrutvāśokaḥ sa bhūpatiḥ / tatheti pratimoditvā prābhyanandat sapārṣadaḥ
Sanskrit only: no published translation is held for this verse.
प्रेतावदानं मनुजा इदं ये शृण्वन्ति ये चापि निशामयन्ति । ते सर्व एवं प्रतिलब्धपुण्या भुक्त्वा सुखानि प्रचरन्ति लोके
pretāvadānaṃ manujā idaṃ ye śṛṇvanti ye cāpi niśāmayanti / te sarva evaṃ pratilabdhapuṇyā bhuktvā sukhāni pracaranti loke
Sanskrit only: no published translation is held for this verse.