इत्य् आदिष्टं मुनीन्द्रेण श्रुत्वा सा प्रतिनंदिता । तथेत्य् आश्रुत्य शास्तारं तं प्रणत्वा ततो ऽचरत्
ity ādiṣṭaṃ munīndreṇa śrutvā sā pratinaṃditā / tathety āśrutya śāstāraṃ taṃ praṇatvā tato 'carat
Sanskrit only: no published translation is held for this verse.
उपेत्य सांजलिर् नत्वा प्रव्रज्यां समयाचत
upetya sāṃjalir natvā pravrajyāṃ samayācata
Sanskrit only: no published translation is held for this verse.
मातर् अत्र समायामि भवत्याः शरणं मुदा । तद् भवन्ती जगन्माता प्रव्रज्यां प्रददातु मे
mātar atra samāyāmi bhavatyāḥ śaraṇaṃ mudā / tad bhavantī jaganmātā pravrajyāṃ pradadātu me
Sanskrit only: no published translation is held for this verse.
तयेति प्रार्थितं श्रुत्वा गौतमी सानुमोदिता । हस्तेन शिरसि स्पृष्ट्वा सांघिकतां समग्रहीत्
tayeti prārthitaṃ śrutvā gautamī sānumoditā / hastena śirasi spṛṣṭvā sāṃghikatāṃ samagrahīt
Sanskrit only: no published translation is held for this verse.
तत्र साशु प्रजापत्यां प्रव्रजिता यथाविधिः । मुण्डिता खिक्खिरीपात्रहस्ता काखायचीवरा
tatra sāśu prajāpatyāṃ pravrajitā yathāvidhiḥ / muṇḍitā khikkhirīpātrahastā kākhāyacīvarā
Sanskrit only: no published translation is held for this verse.
सौम्येन्द्रिया सुभद्रंगा वृद्धापि सा कचंगला । भिक्षुणीगणमध्यस्था शान्तरूपात्यशोभत
saumyendriyā subhadraṃgā vṛddhāpi sā kacaṃgalā / bhikṣuṇīgaṇamadhyasthā śāntarūpātyaśobhata
Sanskrit only: no published translation is held for this verse.
ततः सा भिक्षुणी शास्तु गौतम्याश् च प्रसादतः । समाधिधारणीविद्याध्ययनाभिसमुद्यता
tataḥ sā bhikṣuṇī śāstu gautamyāś ca prasādataḥ / samādhidhāraṇīvidyādhyayanābhisamudyatā
Sanskrit only: no published translation is held for this verse.
हित्वाविद्यागणं प्राप्तविद्याभिज्ञाविशारदा । प्रतिसंविद्गुणाद्यागु परिशुद्धाकृतिर् वभौ ॥ र्म् १७।१२९ ३०! ॥ अथ सा परिविज्ञाय भवचक्रं चलाचलं । विदित्वा संस्कारगतीश् चाभिविघातिनीस् ततः
hitvāvidyāgaṇaṃ prāptavidyābhijñāviśāradā / pratisaṃvidguṇādyāgu pariśuddhākṛtir vabhau // Rm 17.129 30! // atha sā parivijñāya bhavacakraṃ calācalaṃ / viditvā saṃskāragatīś cābhivighātinīs tataḥ
Sanskrit only: no published translation is held for this verse.
सर्वक्लेशगणां जित्वा परिशुद्धस् त्रिमण्डला । साक्षाद् अर्हत्पदं प्राप्य वभूव ब्रह्मचारिणी
sarvakleśagaṇāṃ jitvā pariśuddhas trimaṇḍalā / sākṣād arhatpadaṃ prāpya vabhūva brahmacāriṇī
Sanskrit only: no published translation is held for this verse.
तदा सा निर्जितक्लेशा निर्विकल्पा निरंजना । चंदनकल्पसौरभ्या समलोष्ठसुवर्णिका
tadā sā nirjitakleśā nirvikalpā niraṃjanā / caṃdanakalpasaurabhyā samaloṣṭhasuvarṇikā
Sanskrit only: no published translation is held for this verse.
संसारभोगसत्कारनिष्पृहाकाशसन्निभा । सर्वसत्वहिताधाना सर्वसूत्रांतपारगा
saṃsārabhogasatkāraniṣpṛhākāśasannibhā / sarvasatvahitādhānā sarvasūtrāṃtapāragā
Sanskrit only: no published translation is held for this verse.
सदेवासुरलोकानां त्रिधातुकनिवासिनां । वंद्या पूज्याभिमान्या च वभूव सा सुभाषिणी
sadevāsuralokānāṃ tridhātukanivāsināṃ / vaṃdyā pūjyābhimānyā ca vabhūva sā subhāṣiṇī
Sanskrit only: no published translation is held for this verse.
यदा स भगवञ् छास्ता भिक्षुणीनां सुभाषितं । संक्षेपेण समुद्दिश्य ध्यानागारे समाश्रयत्
yadā sa bhagavañ chāstā bhikṣuṇīnāṃ subhāṣitaṃ / saṃkṣepeṇa samuddiśya dhyānāgāre samāśrayat
Sanskrit only: no published translation is held for this verse.
तदा सा भिक्षुणी तत्र कचंगला सुभाषिणी । भिक्षुणीनां सभामध्ये सुत्रान्तं समुपादिशत्
tadā sā bhikṣuṇī tatra kacaṃgalā subhāṣiṇī / bhikṣuṇīnāṃ sabhāmadhye sutrāntaṃ samupādiśat
Sanskrit only: no published translation is held for this verse.
तच् छ्रुत्वा भगवांस् तत्र तया सूत्रांतदेशिते । सर्वान्स् तान् सांघिकान् भिक्षून् समामंत्र्यैवम् आदिशत्
tac chrutvā bhagavāṃs tatra tayā sūtrāṃtadeśite / sarvāns tān sāṃghikān bhikṣūn samāmaṃtryaivam ādiśat
Sanskrit only: no published translation is held for this verse.
एषो ऽग्रा भिक्षवो माता भिक्षुणीनां ममाश्रमे । सूत्रान्तभागकर्तॄणां यद् उतेयं कचंगला
eṣo 'grā bhikṣavo mātā bhikṣuṇīnāṃ mamāśrame / sūtrāntabhāgakartṝṇāṃ yad uteyaṃ kacaṃgalā
Sanskrit only: no published translation is held for this verse.
इत्य् आदिष्टं मुनीन्द्रेण श्रुत्वा सर्वे ऽपि सांघिकाः । सविस्मया मुनीन्द्रं तं पप्रछुस् तत् पुराकृतं
ity ādiṣṭaṃ munīndreṇa śrutvā sarve 'pi sāṃghikāḥ / savismayā munīndraṃ taṃ paprachus tat purākṛtaṃ
Sanskrit only: no published translation is held for this verse.
भगवन्न् अनया कर्मं किं प्रकृतं पुराकृतं । इमान् सर्वान् सभासीनान् प्रबोधयितुम् अर्हति
bhagavann anayā karmaṃ kiṃ prakṛtaṃ purākṛtaṃ / imān sarvān sabhāsīnān prabodhayitum arhati
Sanskrit only: no published translation is held for this verse.
येनेयम् शासने बौद्धे वृद्धा प्रव्रजिताधुना । साक्षाद् अर्हत्वम् आसाद्य भवति ब्रह्मचारिणी
yeneyam śāsane bauddhe vṛddhā pravrajitādhunā / sākṣād arhatvam āsādya bhavati brahmacāriṇī
Sanskrit only: no published translation is held for this verse.
किं वानया पुराकर्म कृतं कुत्र कदा कथं । सूत्रान्तभागकर्तॄणां येनाग्रेयं भवत्य् अपि
kiṃ vānayā purākarma kṛtaṃ kutra kadā kathaṃ / sūtrāntabhāgakartṝṇāṃ yenāgreyaṃ bhavaty api
Sanskrit only: no published translation is held for this verse.
किंचापि प्रकृतं कर्मं पुरानया कदा कथं । येनात्र पश्चिमे गर्भावासे न धारितो भवान्
kiṃcāpi prakṛtaṃ karmaṃ purānayā kadā kathaṃ / yenātra paścime garbhāvāse na dhārito bhavān
Sanskrit only: no published translation is held for this verse.
एतत् सर्वैः परिज्ञाय भगवान्न् अस्याः पुराकृतं । इमान् सर्वान् सभासीनान् प्रबोधयितुम् अर्हति
etat sarvaiḥ parijñāya bhagavānn asyāḥ purākṛtaṃ / imān sarvān sabhāsīnān prabodhayitum arhati
Sanskrit only: no published translation is held for this verse.
इति तैर् भिक्षुभिः सर्वैः प्रार्थिते स मुनीश्वरः । सर्वांस् तान् सांघिकान् दृष्ट्वा समामंत्र्यैवम् आदिशत्
iti tair bhikṣubhiḥ sarvaiḥ prārthite sa munīśvaraḥ / sarvāṃs tān sāṃghikān dṛṣṭvā samāmaṃtryaivam ādiśat
Sanskrit only: no published translation is held for this verse.
शृणुत भिक्षवः सर्वे यद् यत् कृतं पुरानया । तत् तत् सर्वं प्रवक्ष्यामि युष्माकं चित्तबोधने
śṛṇuta bhikṣavaḥ sarve yad yat kṛtaṃ purānayā / tat tat sarvaṃ pravakṣyāmi yuṣmākaṃ cittabodhane
Sanskrit only: no published translation is held for this verse.
पुरा मे बोधिसत्वस्य बोधिचर्यानुचारिणः । पंचजन्मशतान्य् एषा जनन्य् आसीन् निरंतरं
purā me bodhisatvasya bodhicaryānucāriṇaḥ / paṃcajanmaśatāny eṣā janany āsīn niraṃtaraṃ
Sanskrit only: no published translation is held for this verse.
तदा मे ददतो दानम् अन्तरायः कृतो ऽनया । तेनाद्यापि दरिद्रेयं दुर्भगा च भवत्य् अपि
tadā me dadato dānam antarāyaḥ kṛto 'nayā / tenādyāpi daridreyaṃ durbhagā ca bhavaty api
Sanskrit only: no published translation is held for this verse.
प्रव्रज्यायै तदै चैषा वहुधा प्रार्थिता मया । नैवानुज्ञां ददौ मह्यं विघ्नम् एव व्यधाद् धठात्
pravrajyāyai tadai caiṣā vahudhā prārthitā mayā / naivānujñāṃ dadau mahyaṃ vighnam eva vyadhād dhaṭhāt
Sanskrit only: no published translation is held for this verse.
एतत्कर्मविपाकेन वृद्धैषा दुःखिनी सती । प्रव्रज्यासंवरं प्राप्ता चरति मम शासने
etatkarmavipākena vṛddhaiṣā duḥkhinī satī / pravrajyāsaṃvaraṃ prāptā carati mama śāsane
Sanskrit only: no published translation is held for this verse.
यदि नैषा तदा दानं विघ्ना ममाकरिष्यति । नैषाधुना दरिद्रात्र भवति हि कदा चन
yadi naiṣā tadā dānaṃ vighnā mamākariṣyati / naiṣādhunā daridrātra bhavati hi kadā cana
Sanskrit only: no published translation is held for this verse.
प्रव्रज्यायां च मे विघ्नं यदि नैषाकरिष्यत । अचरिष्यद् व्रतं वाल्ये न तु वृद्धात्र सांप्रतं
pravrajyāyāṃ ca me vighnaṃ yadi naiṣākariṣyata / acariṣyad vrataṃ vālye na tu vṛddhātra sāṃprataṃ
Sanskrit only: no published translation is held for this verse.
यन् ममैवं कृतं विघ्नं दाने व्रते तदानया । तेनाधुना दरिद्रैषा वृद्धा व्रतं चरत्य् अपि
yan mamaivaṃ kṛtaṃ vighnaṃ dāne vrate tadānayā / tenādhunā daridraiṣā vṛddhā vrataṃ caraty api
Sanskrit only: no published translation is held for this verse.
यत् तदा सुकृतं किं चित् प्रकृतं नानया पुरा । तेनाहं पश्चिमे गर्भावासे ऽधुना न धारितः
yat tadā sukṛtaṃ kiṃ cit prakṛtaṃ nānayā purā / tenāhaṃ paścime garbhāvāse 'dhunā na dhāritaḥ
Sanskrit only: no published translation is held for this verse.
यत् सा माया महादेवी महापुण्यार्थसाधिनी । तेनाहं पश्चिमे गर्भावासे तयात्र धारितः
yat sā māyā mahādevī mahāpuṇyārthasādhinī / tenāhaṃ paścime garbhāvāse tayātra dhāritaḥ
Sanskrit only: no published translation is held for this verse.
भूयो ऽप्य् एषा पुरा तत्र वारणस्यां द्विजात्मजाः । क्लेशाग्निपरिदग्धांगा दरिद्रा कृपणाभवत्
bhūyo 'py eṣā purā tatra vāraṇasyāṃ dvijātmajāḥ / kleśāgniparidagdhāṃgā daridrā kṛpaṇābhavat
Sanskrit only: no published translation is held for this verse.
तदा तत्र मुनीन्द्रस्य काश्यपस्य जगद्गुरोः । शासने शरणं गत्वा प्रव्रजिताचरद् व्रतं
tadā tatra munīndrasya kāśyapasya jagadguroḥ / śāsane śaraṇaṃ gatvā pravrajitācarad vrataṃ
Sanskrit only: no published translation is held for this verse.
तत्र स सर्वशास्त्रार्थकोविदातिविचक्षणा । सर्वसूत्रान्तसद्धर्मं भिक्षुणीनाम् उपादिशत्
tatra sa sarvaśāstrārthakovidātivicakṣaṇā / sarvasūtrāntasaddharmaṃ bhikṣuṇīnām upādiśat
Sanskrit only: no published translation is held for this verse.
तदा सा भिक्षुणी तत्र किञ्चित् कार्यार्थरोषिताः । सर्वास् ता भिक्षुणीर् दासीवादेन पर्यभाषत
tadā sā bhikṣuṇī tatra kiñcit kāryārtharoṣitāḥ / sarvās tā bhikṣuṇīr dāsīvādena paryabhāṣata
Sanskrit only: no published translation is held for this verse.
एतत्कर्मविपाकेन सैषाधुनातिदुःखिता । परसेवाकरा दासी भवति दुर्भगाकृतिः
etatkarmavipākena saiṣādhunātiduḥkhitā / parasevākarā dāsī bhavati durbhagākṛtiḥ
Sanskrit only: no published translation is held for this verse.
यच् चानया तदा तत्र विद्याभ्यासीकृतं मुदा । तेनैषा सहसार्हन्ती भवति ब्रह्मचारिणी
yac cānayā tadā tatra vidyābhyāsīkṛtaṃ mudā / tenaiṣā sahasārhantī bhavati brahmacāriṇī
Sanskrit only: no published translation is held for this verse.
यच् चाप्य् एसा तदा तत्र सूत्रान्तं समुपादिशत् । तेन सूत्रान्तवक्तानाम् अग्रा भवति सांप्रतं
yac cāpy esā tadā tatra sūtrāntaṃ samupādiśat / tena sūtrāntavaktānām agrā bhavati sāṃprataṃ
Sanskrit only: no published translation is held for this verse.
एवं हि भिक्षवः सर्वे मन्यध्वं कर्मसंभवं । सुखं दुःखं च संसारे भ्रमतां सर्वदेहिनां
evaṃ hi bhikṣavaḥ sarve manyadhvaṃ karmasaṃbhavaṃ / sukhaṃ duḥkhaṃ ca saṃsāre bhramatāṃ sarvadehināṃ
Sanskrit only: no published translation is held for this verse.
येनैव यत् कृतं कर्मं तेनैवं भुज्यते फलं । अभुक्तं क्षीयते नैव कर्मं क्वापि कदा चन
yenaiva yat kṛtaṃ karmaṃ tenaivaṃ bhujyate phalaṃ / abhuktaṃ kṣīyate naiva karmaṃ kvāpi kadā cana
Sanskrit only: no published translation is held for this verse.
नाग्निभिर् दह्यते कर्मं क्लिद्यते नोदकैर् अपि । वायुभिः शुष्यते नैव क्षीयते न च भूमिषु
nāgnibhir dahyate karmaṃ klidyate nodakair api / vāyubhiḥ śuṣyate naiva kṣīyate na ca bhūmiṣu
Sanskrit only: no published translation is held for this verse.
अह्यथापि भवेन् नैव विपाके कर्मणः फलं । यद् उप्तं भूतले बीजं तद् एव सूयते फलं
ahyathāpi bhaven naiva vipāke karmaṇaḥ phalaṃ / yad uptaṃ bhūtale bījaṃ tad eva sūyate phalaṃ
Sanskrit only: no published translation is held for this verse.
अन्यथा न भवेत् क्वापि कृतं कर्मं फलं भवे । शुभस्य कर्मणः पाके शुभतैव सदा भवे
anyathā na bhavet kvāpi kṛtaṃ karmaṃ phalaṃ bhave / śubhasya karmaṇaḥ pāke śubhataiva sadā bhave
Sanskrit only: no published translation is held for this verse.
कृष्णस्य कृष्णतैव स्या मिश्रितस्यापि मिश्रितं । एवं विज्ञाय कृष्णानि विहाय मिश्रितानि च
kṛṣṇasya kṛṣṇataiva syā miśritasyāpi miśritaṃ / evaṃ vijñāya kṛṣṇāni vihāya miśritāni ca
Sanskrit only: no published translation is held for this verse.
शुभ एव सदाप्य् अत्र चरितव्यं शुभार्थिभिः । शुभेन सद्गतिं यायात् कृष्णेन दुर्गतिं सदा
śubha eva sadāpy atra caritavyaṃ śubhārthibhiḥ / śubhena sadgatiṃ yāyāt kṛṣṇena durgatiṃ sadā
Sanskrit only: no published translation is held for this verse.
मिश्रितेन तथोहे च गतीर् यायाद् भवेद् ध्रुवं । इति मत्वात्र संसारे सर्वदा शुभवाञ्छिभिः । त्रिरत्नभजनं कृत्वा चरितव्यं शुभे सदा
miśritena tathohe ca gatīr yāyād bhaved dhruvaṃ / iti matvātra saṃsāre sarvadā śubhavāñchibhiḥ / triratnabhajanaṃ kṛtvā caritavyaṃ śubhe sadā
Sanskrit only: no published translation is held for this verse.
ये भजन्ति सदा बुद्धं न ते गच्छन्ति दुर्गतिं । सर्वदा सद्गतौ भद्रं कृत्वा यान्ति जिनालयं
ye bhajanti sadā buddhaṃ na te gacchanti durgatiṃ / sarvadā sadgatau bhadraṃ kṛtvā yānti jinālayaṃ
Sanskrit only: no published translation is held for this verse.
ये शृण्वन्ति सदा धर्म्मं न यान्ति ते ऽपि दुर्गतिं । सर्वदा भद्रसौख्यानि भुक्त्वा यान्ति सुखावतीं
ye śṛṇvanti sadā dharmmaṃ na yānti te 'pi durgatiṃ / sarvadā bhadrasaukhyāni bhuktvā yānti sukhāvatīṃ
Sanskrit only: no published translation is held for this verse.
दानं ददन्ति ये संघे ते ऽपि न यान्ति दुर्गतिं । सर्वदा शुभसौख्यानि भुक्त्वा यान्ति जिनाश्रयं
dānaṃ dadanti ye saṃghe te 'pi na yānti durgatiṃ / sarvadā śubhasaukhyāni bhuktvā yānti jināśrayaṃ
Sanskrit only: no published translation is held for this verse.
एवं मत्वात्र संसारे त्रिरत्नं शरणं गताः । सत्कृत्य श्रद्धया नित्यं भजध्वं समुपास्थिताः
evaṃ matvātra saṃsāre triratnaṃ śaraṇaṃ gatāḥ / satkṛtya śraddhayā nityaṃ bhajadhvaṃ samupāsthitāḥ
Sanskrit only: no published translation is held for this verse.
त्रिरत्नेषु कृतं कर्मं तद्विपाके महत्फलं । अप्रमेयम् असंख्येयं संबोधिपदसाधनं
triratneṣu kṛtaṃ karmaṃ tadvipāke mahatphalaṃ / aprameyam asaṃkhyeyaṃ saṃbodhipadasādhanaṃ
Sanskrit only: no published translation is held for this verse.
एतत्पुण्यानुभावेन बोधिसत्वाः सदा भवे । सर्वसत्वहितं कृत्वा प्रचरन्ति यथेछया
etatpuṇyānubhāvena bodhisatvāḥ sadā bhave / sarvasatvahitaṃ kṛtvā pracaranti yathechayā
Sanskrit only: no published translation is held for this verse.
नानारूपधराः सर्वे सत्वार्थसाधनोद्यताः । सद्धर्मं समुपादिश्य पालयन्ति जगत्त्रयं
nānārūpadharāḥ sarve satvārthasādhanodyatāḥ / saddharmaṃ samupādiśya pālayanti jagattrayaṃ
Sanskrit only: no published translation is held for this verse.
क्रमात् पारमिताः सर्वाः परिपूर्य शुभान्विताः । सर्वक्लेशगणाञ् जित्वा परिशुद्धास् त्रिमण्डलाः
kramāt pāramitāḥ sarvāḥ paripūrya śubhānvitāḥ / sarvakleśagaṇāñ jitvā pariśuddhās trimaṇḍalāḥ
Sanskrit only: no published translation is held for this verse.
जित्वा मारगणाञ् चापि प्राप्य संबोधिम् उत्तमां । सर्वत्र धर्मसोत्कृत्वा ततो निर्वृतिम् आययुः
jitvā māragaṇāñ cāpi prāpya saṃbodhim uttamāṃ / sarvatra dharmasotkṛtvā tato nirvṛtim āyayuḥ
Sanskrit only: no published translation is held for this verse.
ये ऽतीता जिनास् ते ऽपि त्रिरत्नभजनोद्यमात् । क्रमाद् बोधिं समासाद्य निर्वृतिपदम् आगताः
ye 'tītā jinās te 'pi triratnabhajanodyamāt / kramād bodhiṃ samāsādya nirvṛtipadam āgatāḥ
Sanskrit only: no published translation is held for this verse.
वर्त्तमाना जिनास् ते ऽपि त्रिरत्नभजनोद्भवैः । पुण्यैर् बोधिं समासाद्य गछेयुर् निर्वृतिं तथा
varttamānā jinās te 'pi triratnabhajanodbhavaiḥ / puṇyair bodhiṃ samāsādya gacheyur nirvṛtiṃ tathā
Sanskrit only: no published translation is held for this verse.
अनागता जिनास् ते ऽपि त्रिरत्नभजनोद्भवैः । पुण्यैर् एवं क्रमाद् बोधिं प्राप्य यास्यन्ति निर्वृतिं
anāgatā jinās te 'pi triratnabhajanodbhavaiḥ / puṇyair evaṃ kramād bodhiṃ prāpya yāsyanti nirvṛtiṃ
Sanskrit only: no published translation is held for this verse.
अहं चापि तथा नूनं त्रिरत्नभजनोद्यमी । एतत्पुण्यानुभावेन बोधिं प्राप्नोमि सांप्रतं
ahaṃ cāpi tathā nūnaṃ triratnabhajanodyamī / etatpuṇyānubhāvena bodhiṃ prāpnomi sāṃprataṃ
Sanskrit only: no published translation is held for this verse.
तथाहम् अपि सर्वत्र कृत्वा धर्ममयं जगत् । सर्वान् बोधौ नियोज्यैवं यास्यामि निर्वृतिं ध्रुवं
tathāham api sarvatra kṛtvā dharmamayaṃ jagat / sarvān bodhau niyojyaivaṃ yāsyāmi nirvṛtiṃ dhruvaṃ
Sanskrit only: no published translation is held for this verse.
एवं ये ये भजन्त्य् अत्र त्रिरत्नशरणं गताः । ते ते सर्वे ऽपि संबोधिं प्राप्य निर्वृतिम् आययुः
evaṃ ye ye bhajanty atra triratnaśaraṇaṃ gatāḥ / te te sarve 'pi saṃbodhiṃ prāpya nirvṛtim āyayuḥ
Sanskrit only: no published translation is held for this verse.
इति मत्वात्र संसारे निर्वृतिपदवांछिनः । त्रिरत्नभजनं कृत्वा प्रचरध्वं शुभे सदा
iti matvātra saṃsāre nirvṛtipadavāṃchinaḥ / triratnabhajanaṃ kṛtvā pracaradhvaṃ śubhe sadā
Sanskrit only: no published translation is held for this verse.
तथा कृत्वात्र सद्धर्मंभुक्त्वैव सत्सुखान्य् अपि । क्रमाद् बोधिं समासाद्य निर्वृतिं समवाप्स्यथ
tathā kṛtvātra saddharmaṃbhuktvaiva satsukhāny api / kramād bodhiṃ samāsādya nirvṛtiṃ samavāpsyatha
Sanskrit only: no published translation is held for this verse.
इत्य् आदिष्टं मुनीन्द्रेण श्रुत्वा सर्वे ऽपि ते जनाः । सांघिकाश् च तथेत्य् उक्त्वा प्राभ्यनंदत् प्रबोधिताः
ity ādiṣṭaṃ munīndreṇa śrutvā sarve 'pi te janāḥ / sāṃghikāś ca tathety uktvā prābhyanaṃdat prabodhitāḥ
Sanskrit only: no published translation is held for this verse.
तदा तत्र जनाः सर्वे त्रिरत्नशरणं गताः । सत्कृत्य श्रद्धया नित्यं प्रभेजिरे ऽनुमोदिताः
tadā tatra janāḥ sarve triratnaśaraṇaṃ gatāḥ / satkṛtya śraddhayā nityaṃ prabhejire 'numoditāḥ
Sanskrit only: no published translation is held for this verse.
एतत्पुण्यानुभावैस् तु तदा समंततः । सर्वदा मंगलोत्साहं बभुव निरुपद्रवं
etatpuṇyānubhāvais tu tadā samaṃtataḥ / sarvadā maṃgalotsāhaṃ babhuva nirupadravaṃ
Sanskrit only: no published translation is held for this verse.
इति मे गुरुणाख्यातं श्रुतं मया तथोच्यते । श्रुत्वा राजन्स् त्वम् अप्य् एवं त्रिरत्नं भज सर्वदा
iti me guruṇākhyātaṃ śrutaṃ mayā tathocyate / śrutvā rājans tvam apy evaṃ triratnaṃ bhaja sarvadā
Sanskrit only: no published translation is held for this verse.
प्रजाश् चापि तथा धर्मं श्रावयित्वा प्रबोधयन् । त्रिरत्नभजनं नित्यं कारयितुं सदार्हसि
prajāś cāpi tathā dharmaṃ śrāvayitvā prabodhayan / triratnabhajanaṃ nityaṃ kārayituṃ sadārhasi
Sanskrit only: no published translation is held for this verse.
तथा ते मंगलं नित्यं सर्वत्रापि भवेद् ध्रुवं । क्रमात् पारमिता पूर्य बोधिं चापि समाप्स्यसि
tathā te maṃgalaṃ nityaṃ sarvatrāpi bhaved dhruvaṃ / kramāt pāramitā pūrya bodhiṃ cāpi samāpsyasi
Sanskrit only: no published translation is held for this verse.
इति तेनार्हतादिष्टं श्रुत्वाशोकः स भूपतिः । तथा हीति प्रतिज्ञाय प्राभ्यनन्दन् सपार्षदः
iti tenārhatādiṣṭaṃ śrutvāśokaḥ sa bhūpatiḥ / tathā hīti pratijñāya prābhyanandan sapārṣadaḥ
Sanskrit only: no published translation is held for this verse.
कचंगलाया अवदानम् एतच् छृण्वन्ति ये श्रावयतीह यश् च । विहाय पापं खलु ते ऽपि सर्वे भुक्त्वा सुखान्य् एव सुगतिं व्रजन्ति
kacaṃgalāyā avadānam etac chṛṇvanti ye śrāvayatīha yaś ca / vihāya pāpaṃ khalu te 'pi sarve bhuktvā sukhāny eva sugatiṃ vrajanti
Sanskrit only: no published translation is held for this verse.