स्वर्गे ऽपि तत् तथा नित्यं सद्गुरोः शरणं गतः । श्रद्धया भजनं कुर्वं छुभे ऽचरत् समाहितः
svarge 'pi tat tathā nityaṃ sadguroḥ śaraṇaṃ gataḥ / śraddhayā bhajanaṃ kurvaṃ chubhe 'carat samāhitaḥ
Sanskrit only: no published translation is held for this verse.
धन्यो ऽयं सुगतः शास्ता सर्वसत्वशुभंकरः । यत्र चित्तं प्रसाद्यैव पशुर् अपि दिवं गतः
dhanyo 'yaṃ sugataḥ śāstā sarvasatvaśubhaṃkaraḥ / yatra cittaṃ prasādyaiva paśur api divaṃ gataḥ
Sanskrit only: no published translation is held for this verse.
वयं तु मानवाः सर्वे कथम् एनं मुनीश्वरं । सद्गुरुं समुपासाद्य श्रद्धया न भजेमहि
vayaṃ tu mānavāḥ sarve katham enaṃ munīśvaraṃ / sadguruṃ samupāsādya śraddhayā na bhajemahi
Sanskrit only: no published translation is held for this verse.
तथा सद्धर्मम् आकर्ण्य प्रसादाद् अस्य सद्गुरोः । अत्कृत्य सर्वदा भद्रं न लाभेम कथं वयं
tathā saddharmam ākarṇya prasādād asya sadguroḥ / atkṛtya sarvadā bhadraṃ na lābhema kathaṃ vayaṃ
Sanskrit only: no published translation is held for this verse.
विशेषधर्मम् आज्ञाय दृष्टसत्याः समाहिताः । त्रिरत्नभजनं कृत्वा नूनं गछेम सद्गतिं
viśeṣadharmam ājñāya dṛṣṭasatyāḥ samāhitāḥ / triratnabhajanaṃ kṛtvā nūnaṃ gachema sadgatiṃ
Sanskrit only: no published translation is held for this verse.
तद् अत्र सद्गुरोर् अस्य मुनीन्द्रस्याधुना वयं । सर्वे ऽपि श्रद्धयाभ्यर्च्य भजेमहि समादरात्
tad atra sadguror asya munīndrasyādhunā vayaṃ / sarve 'pi śraddhayābhyarcya bhajemahi samādarāt
Sanskrit only: no published translation is held for this verse.
तत् साद्धर्मं समाकर्ण्य श्रद्धया समुपस्थिताः । त्रिरत्नभजनं कृत्वा चरेमहि शुभे सदा
tat sāddharmaṃ samākarṇya śraddhayā samupasthitāḥ / triratnabhajanaṃ kṛtvā caremahi śubhe sadā
Sanskrit only: no published translation is held for this verse.
तदादौ सुगतस्यास्य ससंघस्या ऽधुना वयं । यथार्हभोजनेनात्र पूजयेम प्रपुष्टये ॥ र्म् २०।१२९ १८! ॥ इति संभाषणां कृत्वा सर्वे ते प्रतिमोदिताः । तथेति संमतं कृत्वा तत्र बुद्धाश्रमे ययुः
tadādau sugatasyāsya sasaṃghasyā 'dhunā vayaṃ / yathārhabhojanenātra pūjayema prapuṣṭaye // Rm 20.129 18! // iti saṃbhāṣaṇāṃ kṛtvā sarve te pratimoditāḥ / tatheti saṃmataṃ kṛtvā tatra buddhāśrame yayuḥ
Sanskrit only: no published translation is held for this verse.
तत्र तं श्रीघनं दृष्ट्वा ससंघं तं प्रमोदिताः । सर्वसांजलयो नत्वा प्रार्थयन्न् एवम् आदरात्
tatra taṃ śrīghanaṃ dṛṣṭvā sasaṃghaṃ taṃ pramoditāḥ / sarvasāṃjalayo natvā prārthayann evam ādarāt
Sanskrit only: no published translation is held for this verse.
भगवन् नाथ सर्वज्ञ भगवंतं ससंघिकं । पूजयितुं समिछामस् तन्न् अत्रानुग्रहं कुरु
bhagavan nātha sarvajña bhagavaṃtaṃ sasaṃghikaṃ / pūjayituṃ samichāmas tann atrānugrahaṃ kuru
Sanskrit only: no published translation is held for this verse.
इति तैः प्रार्थितं श्रुत्वा भगवान् स मुनीश्वरः । तेषां पुण्याभिसंवृद्ध्यै तूष्णीभूत्वाध्युवास तत्
iti taiḥ prārthitaṃ śrutvā bhagavān sa munīśvaraḥ / teṣāṃ puṇyābhisaṃvṛddhyai tūṣṇībhūtvādhyuvāsa tat
Sanskrit only: no published translation is held for this verse.
तथाध्युवासितं मत्वा सर्वे ते परिहर्षिताः । पादौ तस्य मुनीन्द्रस्य नत्वा निजालयं ययुः
tathādhyuvāsitaṃ matvā sarve te pariharṣitāḥ / pādau tasya munīndrasya natvā nijālayaṃ yayuḥ
Sanskrit only: no published translation is held for this verse.
तत्र ते मुदिताः सर्वे दधिक्षीरोदनादिकं । यथार्हभोज्यसामग्रिं सहसा समसाधयन्
tatra te muditāḥ sarve dadhikṣīrodanādikaṃ / yathārhabhojyasāmagriṃ sahasā samasādhayan
Sanskrit only: no published translation is held for this verse.
ततस् ते समये गत्वा तत्र बुद्धाश्रमे मुदा । ससांघिकं मुनीन्द्रं तं प्रणत्वैवं न्यवेदयन्
tatas te samaye gatvā tatra buddhāśrame mudā / sasāṃghikaṃ munīndraṃ taṃ praṇatvaivaṃ nyavedayan
Sanskrit only: no published translation is held for this verse.
भगवन् नाथ सर्वज्ञ समयो वर्त्तते ऽधुना । तत् संघ भगवान् पूजां प्रतिग्रहितुम् अर्हति
bhagavan nātha sarvajña samayo varttate 'dhunā / tat saṃgha bhagavān pūjāṃ pratigrahitum arhati
Sanskrit only: no published translation is held for this verse.
इति तैः प्रार्थिते सर्वे भगवान् सससांघिकः । उत्थाय भोजनक्षेत्रे उपाचरान् प्रभासयन्
iti taiḥ prārthite sarve bhagavān sasasāṃghikaḥ / utthāya bhojanakṣetre upācarān prabhāsayan
Sanskrit only: no published translation is held for this verse.
तत्र पाद्यं समादाय संबुद्धप्रमुखाः क्रमात् । सर्वे ते सांघिकास् तत्र स्वस्वासने समाश्रयन्
tatra pādyaṃ samādāya saṃbuddhapramukhāḥ kramāt / sarve te sāṃghikās tatra svasvāsane samāśrayan
Sanskrit only: no published translation is held for this verse.
तां बुद्धप्रमुखान् सर्वान् सांघिकान् स्वासनाश्रितान् । दृष्ट्वा ते मुदिता सर्वे सामानर्चुर् यथाक्रमं
tāṃ buddhapramukhān sarvān sāṃghikān svāsanāśritān / dṛṣṭvā te muditā sarve sāmānarcur yathākramaṃ
Sanskrit only: no published translation is held for this verse.
ततस् ते सुरसैर् भोज्यैः क्षीरोदनैः सव्यंजनैः । प्रणीतैर् भगवंतं तं ससंघं समतोषयन्
tatas te surasair bhojyaiḥ kṣīrodanaiḥ savyaṃjanaiḥ / praṇītair bhagavaṃtaṃ taṃ sasaṃghaṃ samatoṣayan
Sanskrit only: no published translation is held for this verse.
ततस् तं सुगतं तृप्तं ससांघिकं समीक्ष्य ते । तत् पात्राण्य् अपनीयाशु तद् धस्तादि समशोधयन्
tatas taṃ sugataṃ tṛptaṃ sasāṃghikaṃ samīkṣya te / tat pātrāṇy apanīyāśu tad dhastādi samaśodhayan
Sanskrit only: no published translation is held for this verse.
ततः सपूगताम्बुरामहौषधरसायनं । संबुद्धप्रमुखेभ्यस् ते संघेभ्यः प्रददुर् मुदा
tataḥ sapūgatāmburāmahauṣadharasāyanaṃ / saṃbuddhapramukhebhyas te saṃghebhyaḥ pradadur mudā
Sanskrit only: no published translation is held for this verse.
ततस् ते महिषीपालाः कृतांजलिपूटा मुदा । श्रीघनं तं ससंघं च नत्वा समुपतस्थिरे
tatas te mahiṣīpālāḥ kṛtāṃjalipūṭā mudā / śrīghanaṃ taṃ sasaṃghaṃ ca natvā samupatasthire
Sanskrit only: no published translation is held for this verse.
आर्यधर्मं समादिश्य बोधिमार्गे ऽभ्ययोजयत्
āryadharmaṃ samādiśya bodhimārge 'bhyayojayat
Sanskrit only: no published translation is held for this verse.
तत् सद्धर्मामृतं पीत्वा सर्वे ते ऽभ्यनुमोदिताः । संबुद्धशासने तत्र प्रव्रजितुं समीक्षिरे
tat saddharmāmṛtaṃ pītvā sarve te 'bhyanumoditāḥ / saṃbuddhaśāsane tatra pravrajituṃ samīkṣire
Sanskrit only: no published translation is held for this verse.
ततास् ते महिषीपालाः सर्वे कृत्वाभिसंमतं । कृतांजलिपुटा नत्वा प्रार्थयन् तं मुनीश्वरं
tatās te mahiṣīpālāḥ sarve kṛtvābhisaṃmataṃ / kṛtāṃjalipuṭā natvā prārthayan taṃ munīśvaraṃ
Sanskrit only: no published translation is held for this verse.
भागवं नाथ सर्वज्ञ भवतां शासने वयं । प्रव्रजितुं समिछामस् तन् नो ऽन्वाहर्तुम् अर्हति
bhāgavaṃ nātha sarvajña bhavatāṃ śāsane vayaṃ / pravrajituṃ samichāmas tan no 'nvāhartum arhati
Sanskrit only: no published translation is held for this verse.
इति तैः प्रार्थितं श्रुत्वा भगवान् स मुनीश्वरः । तान् विशुद्धाशयान् सर्वान् समालोक्यैवम् आदिशत्
iti taiḥ prārthitaṃ śrutvā bhagavān sa munīśvaraḥ / tān viśuddhāśayān sarvān samālokyaivam ādiśat
Sanskrit only: no published translation is held for this verse.
मातापित्रोर् विनानुज्ञां प्रव्रज्यां न ददाम्य् अहं । तद् अनुज्ञां समादाय प्रेत दास्यामि वस् तदा
mātāpitror vinānujñāṃ pravrajyāṃ na dadāmy ahaṃ / tad anujñāṃ samādāya preta dāsyāmi vas tadā
Sanskrit only: no published translation is held for this verse.
इत्य् आदिष्टे मुनीन्द्रेण सर्वे ते प्रतिनंदिताः । तं मुनीन्द्रं प्रणत्वाशु स्वस्वगेहं ययुर् मुदा
ity ādiṣṭe munīndreṇa sarve te pratinaṃditāḥ / taṃ munīndraṃ praṇatvāśu svasvagehaṃ yayur mudā
Sanskrit only: no published translation is held for this verse.
तत्र ते सहसा गत्वा समातापितृवांधवान् । परिबोध्य प्रयत्नेन प्राप्यानुज्ञां समाचरं
tatra te sahasā gatvā samātāpitṛvāṃdhavān / paribodhya prayatnena prāpyānujñāṃ samācaraṃ
Sanskrit only: no published translation is held for this verse.
तत्र ते सहसा गत्वा भगवत उपासृताः । पादौ सांजलयोर् नत्वा प्रार्थयन्न् एवम् आदरात्
tatra te sahasā gatvā bhagavata upāsṛtāḥ / pādau sāṃjalayor natvā prārthayann evam ādarāt
Sanskrit only: no published translation is held for this verse.
भगवन् सर्ववित् पितृप्राप्तानुज्ञाः समागताः । तत्रानुग्रहम् आधाय प्रव्रज्यां दातुम् अर्हति
bhagavan sarvavit pitṛprāptānujñāḥ samāgatāḥ / tatrānugraham ādhāya pravrajyāṃ dātum arhati
Sanskrit only: no published translation is held for this verse.
इति तैः प्रार्थिते शास्ता भगवान् सव्यपाणिना । तेषां शिरस् सुसंस्पृष्ट्वा समालोक्यैवम् आदिशत्
iti taiḥ prārthite śāstā bhagavān savyapāṇinā / teṣāṃ śiras susaṃspṛṣṭvā samālokyaivam ādiśat
Sanskrit only: no published translation is held for this verse.
समेत भिक्षवः सर्वे यूयं श्रद्धासमंगिताः । प्रव्रज्याव्रतम् आधाय चरत ब्रह्मचारिकां
sameta bhikṣavaḥ sarve yūyaṃ śraddhāsamaṃgitāḥ / pravrajyāvratam ādhāya carata brahmacārikāṃ
Sanskrit only: no published translation is held for this verse.
इत्य् आदिष्टे मुनीन्द्रेण सर्वे ते मुण्डिता वभुः । खिक्खिरीपात्रधर्त्तारः काखायचीवरावृताः
ity ādiṣṭe munīndreṇa sarve te muṇḍitā vabhuḥ / khikkhirīpātradharttāraḥ kākhāyacīvarāvṛtāḥ
Sanskrit only: no published translation is held for this verse.
ततः शस्तुः प्रसादेन सर्वे ते विमलाशयाः । प्रलब्धबोधिसच्चित्ताः शुद्धशीला जितेंद्रियाः
tataḥ śastuḥ prasādena sarve te vimalāśayāḥ / pralabdhabodhisaccittāḥ śuddhaśīlā jiteṃdriyāḥ
Sanskrit only: no published translation is held for this verse.
भित्वाविद्यागुणाः सम्यक् प्राप्तविद्याविशारदाः । प्रतिसंवित्सुसंप्राप्ताः सत्यमार्गसमन्विताः
bhitvāvidyāguṇāḥ samyak prāptavidyāviśāradāḥ / pratisaṃvitsusaṃprāptāḥ satyamārgasamanvitāḥ
Sanskrit only: no published translation is held for this verse.
समाधिधारणीविद्या घटमानाः समाहिताः । क्षमान्विताः शुभात्मानो योगिनो भिक्षवो ऽभवन्
samādhidhāraṇīvidyā ghaṭamānāḥ samāhitāḥ / kṣamānvitāḥ śubhātmāno yogino bhikṣavo 'bhavan
Sanskrit only: no published translation is held for this verse.
ततस् ते सर्वसंसारं मत्वानित्यं चालाचलं । दृष्ट्वा च सर्वसंस्कारगतीर् अहिविघातिनीः
tatas te sarvasaṃsāraṃ matvānityaṃ cālācalaṃ / dṛṣṭvā ca sarvasaṃskāragatīr ahivighātinīḥ
Sanskrit only: no published translation is held for this verse.
सर्वक्लेशगणान् हित्वा जित्वा मारगणान् अपि । साक्षाद् अर्हत्वम् आसाद्य प्रचेरुर् ब्रह्मचारिकाः
sarvakleśagaṇān hitvā jitvā māragaṇān api / sākṣād arhatvam āsādya pracerur brahmacārikāḥ
Sanskrit only: no published translation is held for this verse.
ततस् ते भिक्षवः सर्वे परिशुद्धत्रिमंडलाः । वीतसंगा महाभिज्ञा निर्विकल्पा निरंजनाः
tatas te bhikṣavaḥ sarve pariśuddhatrimaṃḍalāḥ / vītasaṃgā mahābhijñā nirvikalpā niraṃjanāḥ
Sanskrit only: no published translation is held for this verse.
समलोष्टकसौवर्णाः सत्कारलाभनिस्पृहाः । अकाशसमचित्ताङ्गा भवे लाभपराङ्मुखाः
samaloṣṭakasauvarṇāḥ satkāralābhanispṛhāḥ / akāśasamacittāṅgā bhave lābhaparāṅmukhāḥ
Sanskrit only: no published translation is held for this verse.
देवासुरादि लोकानां त्रैधातुकनिवासिनां । पूज्या मान्याश् च वंद्याश् च बभूवुर् बोधिचारिणः
devāsurādi lokānāṃ traidhātukanivāsināṃ / pūjyā mānyāś ca vaṃdyāś ca babhūvur bodhicāriṇaḥ
Sanskrit only: no published translation is held for this verse.
तद् दृष्ट्वा भिक्षवः सर्वे विस्मयोद्धतमानसाः । भगवंतं मुनिं नत्वा पप्रच्बुस् तत् पुराकृतं
tad dṛṣṭvā bhikṣavaḥ sarve vismayoddhatamānasāḥ / bhagavaṃtaṃ muniṃ natvā papracbus tat purākṛtaṃ
Sanskrit only: no published translation is held for this verse.
भगवन् कानि कर्माणि तेन महिषपूर्विणा । कृतानि देवपुत्रेण यैर् असौ महिषो ऽभवत्
bhagavan kāni karmāṇi tena mahiṣapūrviṇā / kṛtāni devaputreṇa yair asau mahiṣo 'bhavat
Sanskrit only: no published translation is held for this verse.
एभिश् च महिषीपालैः किं कर्म प्रकृतैः पुरा । येनार्हत्वं समासाद्य भवंति ब्रह्मचारिणः
ebhiś ca mahiṣīpālaiḥ kiṃ karma prakṛtaiḥ purā / yenārhatvaṃ samāsādya bhavaṃti brahmacāriṇaḥ
Sanskrit only: no published translation is held for this verse.
एतत् सर्वं समादिश्य भवाञ् छास्तात्र सांप्रतं । अस्माकं अपि चेतांसि प्रबोधयितुम् अर्हति
etat sarvaṃ samādiśya bhavāñ chāstātra sāṃprataṃ / asmākaṃ api cetāṃsi prabodhayitum arhati
Sanskrit only: no published translation is held for this verse.
इति तैर् भिक्षुभिः पृष्टे भगवान् स मुनीश्वरः । तान् सर्वान् सांघिकान् भिक्षून् समालोक्यैवम् आदिशत्
iti tair bhikṣubhiḥ pṛṣṭe bhagavān sa munīśvaraḥ / tān sarvān sāṃghikān bhikṣūn samālokyaivam ādiśat
Sanskrit only: no published translation is held for this verse.
शृणुत भिक्षवः सर्वे तेन महिषपूर्विणा । पुरा कृतानि कर्माणि तानि वक्ष्यामि सांप्रतं
śṛṇuta bhikṣavaḥ sarve tena mahiṣapūrviṇā / purā kṛtāni karmāṇi tāni vakṣyāmi sāṃprataṃ
Sanskrit only: no published translation is held for this verse.
एभिश् च महिषिपालैः पुरा यानि कृतान्य् अपि । तानि सर्वाणि कर्माणि वक्ष्यामि च तथा ऽधुना
ebhiś ca mahiṣipālaiḥ purā yāni kṛtāny api / tāni sarvāṇi karmāṇi vakṣyāmi ca tathā 'dhunā
Sanskrit only: no published translation is held for this verse.
तद्यथाभूत् पुरा बुद्धः काश्यपो ऽर्हन्स् तथागतः । सर्वज्ञः सुगतः शास्ता धर्मराजो विनायाकः
tadyathābhūt purā buddhaḥ kāśyapo 'rhans tathāgataḥ / sarvajñaḥ sugataḥ śāstā dharmarājo vināyākaḥ
Sanskrit only: no published translation is held for this verse.
भगवान् स तदा पूर्य्यां वराणस्या उपाश्रमे । मृगदावे समाश्रित्य विजहार ससांघिकः
bhagavān sa tadā pūryyāṃ varāṇasyā upāśrame / mṛgadāve samāśritya vijahāra sasāṃghikaḥ
Sanskrit only: no published translation is held for this verse.
तदा तस्य मुनीन्द्रस्य शासने त्रिपिटो यतिः । भिक्षुर् एको महाविज्ञो निश्चयार्थविशारदः
tadā tasya munīndrasya śāsane tripiṭo yatiḥ / bhikṣur eko mahāvijño niścayārthaviśāradaḥ
Sanskrit only: no published translation is held for this verse.
तदैकसमये भिक्षुपंचशतैः पुरस्कृतः । स सभायां समासीनः सद्धर्मं समुपादिशत्
tadaikasamaye bhikṣupaṃcaśataiḥ puraskṛtaḥ / sa sabhāyāṃ samāsīnaḥ saddharmaṃ samupādiśat
Sanskrit only: no published translation is held for this verse.
तस्य ते भिक्षवः शिक्षाः शैक्षाश् च संश्चयान्विताः । त्रिपिटार्थं परिज्ञातुं पप्रछुस् तं गुरुं मुहुः
tasya te bhikṣavaḥ śikṣāḥ śaikṣāś ca saṃścayānvitāḥ / tripiṭārthaṃ parijñātuṃ paprachus taṃ guruṃ muhuḥ
Sanskrit only: no published translation is held for this verse.
एवं तैर् भिक्षुभिः पृष्टे स गुरुः प्रतिरोषितः । तान् सर्वाञ् छ्रावकाञ् छिष्याञ् छैक्षांश् च पर्यभाषत
evaṃ tair bhikṣubhiḥ pṛṣṭe sa guruḥ pratiroṣitaḥ / tān sarvāñ chrāvakāñ chiṣyāñ chaikṣāṃś ca paryabhāṣata
Sanskrit only: no published translation is held for this verse.
ततस् ते श्रावकाः सर्वे दृष्ट्वा तं रुषितं गुरुं । प्रणत्वा विनयं कृत्वा पुनर् एवम् अभासिरे
tatas te śrāvakāḥ sarve dṛṣṭvā taṃ ruṣitaṃ guruṃ / praṇatvā vinayaṃ kṛtvā punar evam abhāsire
Sanskrit only: no published translation is held for this verse.
भवन्त मा कृथा रोषं प्रसीदस्व कृपानिधे । व्याख्यातं भवता सम्यक् तद् अस्माभि न बुध्यते
bhavanta mā kṛthā roṣaṃ prasīdasva kṛpānidhe / vyākhyātaṃ bhavatā samyak tad asmābhi na budhyate
Sanskrit only: no published translation is held for this verse.
तद् भूयो ऽपि भवान् एतदर्थं सम्यक् सुविस्तरं । अस्मच् चेतं प्रबोधार्थं समुपादेष्टुम् अर्हति
tad bhūyo 'pi bhavān etadarthaṃ samyak suvistaraṃ / asmac cetaṃ prabodhārthaṃ samupādeṣṭum arhati
Sanskrit only: no published translation is held for this verse.
इति तैः प्रार्थिते भूयस् त्रिपिटः सो ऽतिरोषितः । तथा ताञ् छ्रावकान् सर्वान् परिभाष्यैवम् अब्रवीत्
iti taiḥ prārthite bhūyas tripiṭaḥ so 'tiroṣitaḥ / tathā tāñ chrāvakān sarvān paribhāṣyaivam abravīt
Sanskrit only: no published translation is held for this verse.
अरे रे महिषा यूयं तत् किं जानीथ मद्वचः । तद् भूयः किं प्रवक्ष्यामि यच् छ्रुत्वापि न बुध्यते
are re mahiṣā yūyaṃ tat kiṃ jānītha madvacaḥ / tad bhūyaḥ kiṃ pravakṣyāmi yac chrutvāpi na budhyate
Sanskrit only: no published translation is held for this verse.
इति तेनोदितं श्रुत्वा सर्वे ते परिरोषिताः । तं गुरुं यतिम् अर्हन्तम् अपि प्रत्यवदस् तथा
iti tenoditaṃ śrutvā sarve te pariroṣitāḥ / taṃ guruṃ yatim arhantam api pratyavadas tathā
Sanskrit only: no published translation is held for this verse.
यद् वयं महिषाः सर्वे तद् भवान् महिषाधिपः । यद् अस्माकं यथा शास्त तथा भवतु पालकः
yad vayaṃ mahiṣāḥ sarve tad bhavān mahiṣādhipaḥ / yad asmākaṃ yathā śāsta tathā bhavatu pālakaḥ
Sanskrit only: no published translation is held for this verse.
इति तैः श्रावकैः सर्वैः शिक्षैः शैक्षं च रोषितैः । सद्गुरोर् अन्तिके कोपाद् यत् खलं प्रतिभाषितं
iti taiḥ śrāvakaiḥ sarvaiḥ śikṣaiḥ śaikṣaṃ ca roṣitaiḥ / sadguror antike kopād yat khalaṃ pratibhāṣitaṃ
Sanskrit only: no published translation is held for this verse.
तम् अर्हन्तं गुरुं नत्वा पुनर् एवं वभाषिरे
tam arhantaṃ guruṃ natvā punar evaṃ vabhāṣire
Sanskrit only: no published translation is held for this verse.
अहो मूढा वयं सर्वे यत् कोपात् सद्गुरोर् अपि । प्रत्याख्याय वयो ऽस्माभिः प्रत्युत्तरं प्रदीयते
aho mūḍhā vayaṃ sarve yat kopāt sadguror api / pratyākhyāya vayo 'smābhiḥ pratyuttaraṃ pradīyate
Sanskrit only: no published translation is held for this verse.
तद् एतत् पातकं घोरं कथं वयं शहेमहि । तद् भवान् कृपयास्माकं क्षंतुम् अर्हति सर्वथा
tad etat pātakaṃ ghoraṃ kathaṃ vayaṃ śahemahi / tad bhavān kṛpayāsmākaṃ kṣaṃtum arhati sarvathā
Sanskrit only: no published translation is held for this verse.
तथा जन्मांतरे चापि भवन्तम् एव सद्गुरुं । कल्याणमित्रम् आसाद्य प्राप्नुयाम सुसंवरं
tathā janmāṃtare cāpi bhavantam eva sadguruṃ / kalyāṇamitram āsādya prāpnuyāma susaṃvaraṃ
Sanskrit only: no published translation is held for this verse.
इति संप्रार्थनां कृत्वा सर्वे ते भिक्षवस् तथा । तस्य गुरोर् उपाश्रित्य धर्मं श्रुत्वाभजन् सदा
iti saṃprārthanāṃ kṛtvā sarve te bhikṣavas tathā / tasya guror upāśritya dharmaṃ śrutvābhajan sadā
Sanskrit only: no published translation is held for this verse.
ततस् ते समये सर्वे श्रावकास् त्रिपिटो ऽपि सः । कालं गताः पुनर् जन्म लेहिरे दुर्गतौ ततः
tatas te samaye sarve śrāvakās tripiṭo 'pi saḥ / kālaṃ gatāḥ punar janma lehire durgatau tataḥ
Sanskrit only: no published translation is held for this verse.
खलवाक्कर्मपाकेन पंचजन्मशतान्य् अपि । स त्रिपिटपतिः शास्ता महिषो ऽयं सभाभवत्
khalavākkarmapākena paṃcajanmaśatāny api / sa tripiṭapatiḥ śāstā mahiṣo 'yaṃ sabhābhavat
Sanskrit only: no published translation is held for this verse.
सर्वे ते श्रावकाश् चापि यथा वाक्कर्मदोषतः । तथेमे महिषीपला वभूवुः सर्वदा भवे
sarve te śrāvakāś cāpi yathā vākkarmadoṣataḥ / tatheme mahiṣīpalā vabhūvuḥ sarvadā bhave
Sanskrit only: no published translation is held for this verse.
अत्रापि महिषो दुष्टस् त्रिपिटो ऽसौ भवत्य् अपि । इमे ऽपि महिषीपाला भवन्ति भिक्षवो ऽपि ते
atrāpi mahiṣo duṣṭas tripiṭo 'sau bhavaty api / ime 'pi mahiṣīpālā bhavanti bhikṣavo 'pi te
Sanskrit only: no published translation is held for this verse.
यच् चायं महिषो ऽप्य् अत्र काश्यपकृतपुण्यतः । दृष्ट्वा मां सुप्रसन्नात्मा नत्वा मे शरणं गतः
yac cāyaṃ mahiṣo 'py atra kāśyapakṛtapuṇyataḥ / dṛṣṭvā māṃ suprasannātmā natvā me śaraṇaṃ gataḥ
Sanskrit only: no published translation is held for this verse.
एतत्पुण्यविपाकेन देवपुत्रो भवत्य् अयं । आर्यसत्यं समासाद्य दृष्टसत्यो सुधीर् अपि
etatpuṇyavipākena devaputro bhavaty ayaṃ / āryasatyaṃ samāsādya dṛṣṭasatyo sudhīr api
Sanskrit only: no published translation is held for this verse.
इमे ऽपि महिषीपालाः काश्यपपुण्यपाकातः । प्रव्रज्यार्हत्वम् आसाद्य भवन्ति ब्रह्मचारिणः
ime 'pi mahiṣīpālāḥ kāśyapapuṇyapākātaḥ / pravrajyārhatvam āsādya bhavanti brahmacāriṇaḥ
Sanskrit only: no published translation is held for this verse.
एवं कर्मविपाकैर् हि सर्वे ऽपि जन्तवो भवे । सुखदुःखानि भुंजाना भ्रमन्ति भवचारके
evaṃ karmavipākair hi sarve 'pi jantavo bhave / sukhaduḥkhāni bhuṃjānā bhramanti bhavacārake
Sanskrit only: no published translation is held for this verse.
नाग्निभिर् दह्यते कर्मं वायुभिर् वा न शुष्यते । क्लिद्यते नोदकैश् चापि क्षीयते नापि भूमिषु
nāgnibhir dahyate karmaṃ vāyubhir vā na śuṣyate / klidyate nodakaiś cāpi kṣīyate nāpi bhūmiṣu
Sanskrit only: no published translation is held for this verse.
अभुक्तं क्षीयते नैव कर्मं क्वापि कथं चन । सर्वत्रापि भवेन् नैव कर्मणो गतिर् अन्यथा
abhuktaṃ kṣīyate naiva karmaṃ kvāpi kathaṃ cana / sarvatrāpi bhaven naiva karmaṇo gatir anyathā
Sanskrit only: no published translation is held for this verse.
शुभस्य कर्मणः पाके शुभतैव सदा भवे । तथा कृष्णस्य पाके च दुःखतैव सदा भवे
śubhasya karmaṇaḥ pāke śubhataiva sadā bhave / tathā kṛṣṇasya pāke ca duḥkhataiva sadā bhave
Sanskrit only: no published translation is held for this verse.
मिश्रितानां तथा पाके मिश्रितानि फलान्य् अपि । एवं मत्वा शुभेष्व् एव चरितव्यं सदा भवे
miśritānāṃ tathā pāke miśritāni phalāny api / evaṃ matvā śubheṣv eva caritavyaṃ sadā bhave
Sanskrit only: no published translation is held for this verse.
येनैव यत् कृतं कर्मं तेनैव भुज्यते फलं । अवश्यं परिबोक्तव्यं संसारे कर्मणः फलं
yenaiva yat kṛtaṃ karmaṃ tenaiva bhujyate phalaṃ / avaśyaṃ pariboktavyaṃ saṃsāre karmaṇaḥ phalaṃ
Sanskrit only: no published translation is held for this verse.
न नस्यंति हि कर्माणि कल्पकोटिशतैर् अपि । सामग्रीं प्राप्य कालं च फलन्ति प्राणिनां खलु
na nasyaṃti hi karmāṇi kalpakoṭiśatair api / sāmagrīṃ prāpya kālaṃ ca phalanti prāṇināṃ khalu
Sanskrit only: no published translation is held for this verse.
इति मत्वात्र संसारे त्रिरत्नं शरणं गताः । सत्कृत्य श्रद्धया नित्यं भजध्वं सर्वथादरात्
iti matvātra saṃsāre triratnaṃ śaraṇaṃ gatāḥ / satkṛtya śraddhayā nityaṃ bhajadhvaṃ sarvathādarāt
Sanskrit only: no published translation is held for this verse.
ये भजंति सदा नित्यं त्रिरत्नं शरणं गताः । दुर्गतिं ते न गछंति यान्त्य् एव सद्गतिं सदा
ye bhajaṃti sadā nityaṃ triratnaṃ śaraṇaṃ gatāḥ / durgatiṃ te na gachaṃti yānty eva sadgatiṃ sadā
Sanskrit only: no published translation is held for this verse.
सर्वे लोकाश् च सत्कृत्य त्रिरत्नं सर्वदाभजं
sarve lokāś ca satkṛtya triratnaṃ sarvadābhajaṃ
Sanskrit only: no published translation is held for this verse.
एतन् मे गुरुणाख्यातं तथा मयोच्यते ऽधुना । त्वयाप्य् एवं महाराज चरितव्यं सदा शुभे
etan me guruṇākhyātaṃ tathā mayocyate 'dhunā / tvayāpy evaṃ mahārāja caritavyaṃ sadā śubhe
Sanskrit only: no published translation is held for this verse.
प्रजाश् चापि सदा धार्मं श्रावायित्वा प्रबोधयन् । बोधिमार्गे प्रतिस्थाप्य पालयस्व समाहितः
prajāś cāpi sadā dhārmaṃ śrāvāyitvā prabodhayan / bodhimārge pratisthāpya pālayasva samāhitaḥ
Sanskrit only: no published translation is held for this verse.
तथा ते मंगलम् नित्यं सर्वत्रापि भवेद् ध्रुवं । क्रमाद् बोधिं समासाद्य संबुद्धपदम् आप्नुयाः
tathā te maṃgalam nityaṃ sarvatrāpi bhaved dhruvaṃ / kramād bodhiṃ samāsādya saṃbuddhapadam āpnuyāḥ
Sanskrit only: no published translation is held for this verse.
इति तेनार्हतादिष्टं श्रुत्वाशोकः स भूपतिः । तथेति ऽभ्यनुमोदित्वा प्राभ्यनन्दत् सपार्षदः
iti tenārhatādiṣṭaṃ śrutvāśokaḥ sa bhūpatiḥ / tatheti 'bhyanumoditvā prābhyanandat sapārṣadaḥ
Sanskrit only: no published translation is held for this verse.
इदं नरा ये महिषावादानं शृण्वंति ये चपि निशामयंति सुखानि भुक्त्वा खलु ते ऽत्र सर्वे सम्यांति नूनं सुगतालयं ते
idaṃ narā ye mahiṣāvādānaṃ śṛṇvaṃti ye capi niśāmayaṃti sukhāni bhuktvā khalu te 'tra sarve samyāṃti nūnaṃ sugatālayaṃ te
Sanskrit only: no published translation is held for this verse.