अथाशोको महीपालः कृतांजलिपुटो मुदा । उपगुप्तं गुरुं नत्वा प्रार्थयच् चैवम् आदरात्
athāśoko mahīpālaḥ kṛtāṃjalipuṭo mudā / upaguptaṃ guruṃ natvā prārthayac caivam ādarāt
Sanskrit only: no published translation is held for this verse.
Ratnamālāvadāna 22
भदंत श्रोतुम् इछामि पुनर् अन्यत् सुभाषितं । तद्यथा गुरुणादिष्टं तथादेष्टुं च मे ऽर्हति
bhadaṃta śrotum ichāmi punar anyat subhāṣitaṃ / tadyathā guruṇādiṣṭaṃ tathādeṣṭuṃ ca me 'rhati
Sanskrit only: no published translation is held for this verse.
इति संप्रार्थिते राज्ञा श्रुत्वा सो ऽर्हन् सुधीर् यतिः । तम् अशोकम् महीपालं समालोक्यैवम् आदिशत्
iti saṃprārthite rājñā śrutvā so 'rhan sudhīr yatiḥ / tam aśokam mahīpālaṃ samālokyaivam ādiśat
Sanskrit only: no published translation is held for this verse.
साधु शृणु महाराज यथा मे गुरुभाषितं । तथाहं संप्रवक्ष्यामि तव पुण्यविवृद्धये
sādhu śṛṇu mahārāja yathā me gurubhāṣitaṃ / tathāhaṃ saṃpravakṣyāmi tava puṇyavivṛddhaye
Sanskrit only: no published translation is held for this verse.
पुरैकस्मिन् दिने तत्र राजगृहे ससांघिकः । भगवान् स जगन्नाथः पिण्डार्थं समुपाविशत्
puraikasmin dine tatra rājagṛhe sasāṃghikaḥ / bhagavān sa jagannāthaḥ piṇḍārthaṃ samupāviśat
Sanskrit only: no published translation is held for this verse.
तदा राजगृहे तत्र गृहपतेः सुतो महान् । तस्यैका दासिका भद्रा सत्यधर्मानुचारिणी
tadā rājagṛhe tatra gṛhapateḥ suto mahān / tasyaikā dāsikā bhadrā satyadharmānucāriṇī
Sanskrit only: no published translation is held for this verse.
सा स्वाम्यङ्गानुलेपार्थं लोहितचंदनं तदा । सुरभिगणसंयुक्तं पिपेष प्रस्तरे मुदा
sā svāmyaṅgānulepārthaṃ lohitacaṃdanaṃ tadā / surabhigaṇasaṃyuktaṃ pipeṣa prastare mudā
Sanskrit only: no published translation is held for this verse.
तस्मिन्न् एव क्षणे तत्र स संबुद्धः ससांघिकः । भासयं मंगलं कृत्वा तद् गृहं निकषाचरत्
tasminn eva kṣaṇe tatra sa saṃbuddhaḥ sasāṃghikaḥ / bhāsayaṃ maṃgalaṃ kṛtvā tad gṛhaṃ nikaṣācarat
Sanskrit only: no published translation is held for this verse.
तथायातं मुनीन्द्रं तं श्रुत्वा सा दारिका मुदा । सहसा निर्गता गेहात् तत्र द्रष्टुम् उपाचरन्
tathāyātaṃ munīndraṃ taṃ śrutvā sā dārikā mudā / sahasā nirgatā gehāt tatra draṣṭum upācaran
Sanskrit only: no published translation is held for this verse.
तत्र सा समुपागत्य प्राद्राक्षीत् तं मुनीश्वरं । द्वात्रिंशल्लक्षणाशीतिव्यंजनपरिभूषितं
tatra sā samupāgatya prādrākṣīt taṃ munīśvaraṃ / dvātriṃśallakṣaṇāśītivyaṃjanaparibhūṣitaṃ
Sanskrit only: no published translation is held for this verse.
शतसूर्याधिकाभासं शतचंद्रामृतप्रभं । व्यामप्रभासमुज्वालं रत्नांगम् इव जंगमं
śatasūryādhikābhāsaṃ śatacaṃdrāmṛtaprabhaṃ / vyāmaprabhāsamujvālaṃ ratnāṃgam iva jaṃgamaṃ
Sanskrit only: no published translation is held for this verse.
दृष्ट्वा सा दासिका तत्र मुदिता विस्मयान्विता । सुचिरं तं समालोक्य तस्थौ निश्चलमानसी
dṛṣṭvā sā dāsikā tatra muditā vismayānvitā / suciraṃ taṃ samālokya tasthau niścalamānasī
Sanskrit only: no published translation is held for this verse.
तत्र सा सुचिरं दृष्ट्वा दासिकाभिप्रमोदिता । सत्कारं कर्त्तुम् इछन्ती शास्तुर् एवं व्यचिंतयत्
tatra sā suciraṃ dṛṣṭvā dāsikābhipramoditā / satkāraṃ karttum ichantī śāstur evaṃ vyaciṃtayat
Sanskrit only: no published translation is held for this verse.
अहो भाग्यं मुनीन्द्रो ऽयं दृश्यते यन् मयाधुना । तद् अस्य किं भजिष्यामि दरिद्रा प्रेषिका ह्य् अहं
aho bhāgyaṃ munīndro 'yaṃ dṛśyate yan mayādhunā / tad asya kiṃ bhajiṣyāmi daridrā preṣikā hy ahaṃ
Sanskrit only: no published translation is held for this verse.
कुत्र वा द्रक्ष्यते भूयो मुनीन्द्रो ऽयं जगद्गुरुः । धिग् मे जन्मापि येनात्र किं चित् पुण्यं न साध्यते
kutra vā drakṣyate bhūyo munīndro 'yaṃ jagadguruḥ / dhig me janmāpi yenātra kiṃ cit puṇyaṃ na sādhyate
Sanskrit only: no published translation is held for this verse.
किं ममानेन देहेन येनेदृशं मुनीश्वरं । प्राप्य किं चित् प्रदत्वापि पुण्यं प्राप्तुं न शक्यते
kiṃ mamānena dehena yenedṛśaṃ munīśvaraṃ / prāpya kiṃ cit pradatvāpi puṇyaṃ prāptuṃ na śakyate
Sanskrit only: no published translation is held for this verse.
अनेन जीवितेनापि किं ममात्र प्रयोजनं । येन दुःखानि भुक्त्वैव किं चित् पुण्यं न साध्यते
anena jīvitenāpi kiṃ mamātra prayojanaṃ / yena duḥkhāni bhuktvaiva kiṃ cit puṇyaṃ na sādhyate
Sanskrit only: no published translation is held for this verse.
पुण्यं विनात्र संसारे सौख्यं प्राप्तुं कथं कुह । तत् पुण्यं प्राप्यते केन विना दानव्रतः क्वचित्
puṇyaṃ vinātra saṃsāre saukhyaṃ prāptuṃ kathaṃ kuha / tat puṇyaṃ prāpyate kena vinā dānavrataḥ kvacit
Sanskrit only: no published translation is held for this verse.
किं चात्र दास्यते दानं किं चिद् द्रव्यं न मे गृहे । व्रतं वा किं करिष्यामि पराधीना हि दासिका
kiṃ cātra dāsyate dānaṃ kiṃ cid dravyaṃ na me gṛhe / vrataṃ vā kiṃ kariṣyāmi parādhīnā hi dāsikā
Sanskrit only: no published translation is held for this verse.
तद् अत्र किं सुखं लप्स्ये किं चिद् दानं व्रतं विना । सर्वथाहं विनष्टा स्यां को मां रक्षेद् भवान्तरे
tad atra kiṃ sukhaṃ lapsye kiṃ cid dānaṃ vrataṃ vinā / sarvathāhaṃ vinaṣṭā syāṃ ko māṃ rakṣed bhavāntare
Sanskrit only: no published translation is held for this verse.
पुण्येन सद्गतिं यायां पापेन दुर्गतिं सदा । इति हेतोः प्रकर्त्तव्यं दानं किं चिद् अपि व्रतं
puṇyena sadgatiṃ yāyāṃ pāpena durgatiṃ sadā / iti hetoḥ prakarttavyaṃ dānaṃ kiṃ cid api vrataṃ
Sanskrit only: no published translation is held for this verse.
तर्ह्य् एतद् विद्यते हस्ते लोहितचंदनं मम । एतेनापि मुनीन्द्रस्य भजेयं चरणाम्बुजौ
tarhy etad vidyate haste lohitacaṃdanaṃ mama / etenāpi munīndrasya bhajeyaṃ caraṇāmbujau
Sanskrit only: no published translation is held for this verse.
इति ध्यात्वा विनिश्चित्य दरिका सा प्रसादिता । सहसा स्वगृहं गत्वा तच् चंदनं समाग्रहीत्
iti dhyātvā viniścitya darikā sā prasāditā / sahasā svagṛhaṃ gatvā tac caṃdanaṃ samāgrahīt
Sanskrit only: no published translation is held for this verse.
तच् चंदनं समादाय दासिका सा व्यचिन्तयत् । यद् इदं स्वामिनो द्रव्यं तद् अनुज्ञां विना कथं
tac caṃdanaṃ samādāya dāsikā sā vyacintayat / yad idaṃ svāmino dravyaṃ tad anujñāṃ vinā kathaṃ
Sanskrit only: no published translation is held for this verse.
यदि स्वामि विजानाति तदा मे कुपितो रुषा । निर्भत्स्य ताडयित्वा मां गृहान् निष्कासयेद् अप्ल्
yadi svāmi vijānāti tadā me kupito ruṣā / nirbhatsya tāḍayitvā māṃ gṛhān niṣkāsayed apl
Sanskrit only: no published translation is held for this verse.
तदात्र किं चरिष्यामि दासिकाहम् निराश्रया । अवश्यं भाविनो भावा भवन्ति महताम् अपि
tadātra kiṃ cariṣyāmi dāsikāham nirāśrayā / avaśyaṃ bhāvino bhāvā bhavanti mahatām api
Sanskrit only: no published translation is held for this verse.
यदि मे कुपितः स्वामी परत्र किं करिष्यति । प्रसन्नो यदि वा स्वामी कल्याणं स्याद् इहापि मे
yadi me kupitaḥ svāmī paratra kiṃ kariṣyati / prasanno yadi vā svāmī kalyāṇaṃ syād ihāpi me
Sanskrit only: no published translation is held for this verse.
कुपितो व प्रसन्नो वा भवत्व् अत्रैव मे प्रभुः । स्वामी भर्त्तानुशास्तैव परत्र किं करिष्यति
kupito va prasanno vā bhavatv atraiva me prabhuḥ / svāmī bharttānuśāstaiva paratra kiṃ kariṣyati
Sanskrit only: no published translation is held for this verse.
बुद्धस् तु जगतां स्वामी भर्त्ता नाथो ऽनुकंपकः । प्रभु धर्मानुशास्ता मे परत्रेहाप्य् अवेत् सदा
buddhas tu jagatāṃ svāmī bharttā nātho 'nukaṃpakaḥ / prabhu dharmānuśāstā me paratrehāpy avet sadā
Sanskrit only: no published translation is held for this verse.
तद् अत्र किं ममानेन स्वामिनापि करिष्यते । तद् एतच् चंदनेनापि भजेयं तं मुनीश्वरं
tad atra kiṃ mamānena svāmināpi kariṣyate / tad etac caṃdanenāpi bhajeyaṃ taṃ munīśvaraṃ
Sanskrit only: no published translation is held for this verse.
इति ध्यात्वा विनिश्चित्य दासिका सा प्रमोदिता । लोहितचंदनेनोभौ पाणौ प्रलिप्य सेत्वया
iti dhyātvā viniścitya dāsikā sā pramoditā / lohitacaṃdanenobhau pāṇau pralipya setvayā
Sanskrit only: no published translation is held for this verse.
गृहाद् वहिर् विनिर्गत्वा भगवते ऽन्त उपागता । पादयोर् उभयोस् तेन चंदनेन लिलेप सा
gṛhād vahir vinirgatvā bhagavate 'nta upāgatā / pādayor ubhayos tena caṃdanena lilepa sā
Sanskrit only: no published translation is held for this verse.
ततः सा दारिका नारी कृतांजलिपुटो मुदा । पादौ तस्य मुनेर् नत्वा पुरतः समुपाश्रयत्
tataḥ sā dārikā nārī kṛtāṃjalipuṭo mudā / pādau tasya muner natvā purataḥ samupāśrayat
Sanskrit only: no published translation is held for this verse.
तत्र स भगवान् दृष्ट्वा तस्या भक्तिरतं मनः । तच् चंदनसौरभ्यैस् तत् पुरं समपूरयत्
tatra sa bhagavān dṛṣṭvā tasyā bhaktirataṃ manaḥ / tac caṃdanasaurabhyais tat puraṃ samapūrayat
Sanskrit only: no published translation is held for this verse.
ततस् तद् गंधम् आघ्राय सर्वे पौराः सविस्मयाः । कस्येदं गंधम् आयातम् इति प्रोक्त्वा प्रचेरिरे
tatas tad gaṃdham āghrāya sarve paurāḥ savismayāḥ / kasyedaṃ gaṃdham āyātam iti proktvā pracerire
Sanskrit only: no published translation is held for this verse.
ततस् तद् वृत्तिम् आज्ञाय सर्वे लोकाः प्रमोदिताः । तद् द्रष्टुं सहसा तत्र भगवतो ऽन्तिकम् उपाययुः
tatas tad vṛttim ājñāya sarve lokāḥ pramoditāḥ / tad draṣṭuṃ sahasā tatra bhagavato 'ntikam upāyayuḥ
Sanskrit only: no published translation is held for this verse.
तत्र सर्वे ऽपि ते लोका दृष्ट्वा तं श्रीघनं मुनिं । नत्वा प्रदक्षिणीकृत्वा समुपतस्थुर् आदरात्
tatra sarve 'pi te lokā dṛṣṭvā taṃ śrīghanaṃ muniṃ / natvā pradakṣiṇīkṛtvā samupatasthur ādarāt
Sanskrit only: no published translation is held for this verse.
तदा स भगवान् दृष्ट्वा सर्वान्स् तान् समुपस्थितान् । आर्य्यसत्यं समारभ्य दिदेश धर्मम् उत्तमं
tadā sa bhagavān dṛṣṭvā sarvāns tān samupasthitān / āryyasatyaṃ samārabhya dideśa dharmam uttamaṃ
Sanskrit only: no published translation is held for this verse.
तद् धार्मदेशनां श्रुत्वा सर्वे लोकाः प्रबोधितः । त्रिरत्नशरणं कृत्वा सदा भजितुम् ईछिरे
tad dhārmadeśanāṃ śrutvā sarve lokāḥ prabodhitaḥ / triratnaśaraṇaṃ kṛtvā sadā bhajitum īchire
Sanskrit only: no published translation is held for this verse.
सांजलिस् तं मुनिं नत्वा प्रणिधानं व्यधात् तथा
sāṃjalis taṃ muniṃ natvā praṇidhānaṃ vyadhāt tathā
Sanskrit only: no published translation is held for this verse.
एतत्पुण्यविपाकेन संसारे ऽत्र पुनर्भवे । प्रत्येकां बोधिम् आसाद्य निर्वाणपदम् आप्नुयां
etatpuṇyavipākena saṃsāre 'tra punarbhave / pratyekāṃ bodhim āsādya nirvāṇapadam āpnuyāṃ
Sanskrit only: no published translation is held for this verse.
एवं बुद्धपदं प्राप्त्यै प्रणिधानं कृतं तया । दृष्ट्वा स भगवांस् तत्र स्मितं प्रादुर्व्यधात् तदा
evaṃ buddhapadaṃ prāptyai praṇidhānaṃ kṛtaṃ tayā / dṛṣṭvā sa bhagavāṃs tatra smitaṃ prādurvyadhāt tadā
Sanskrit only: no published translation is held for this verse.
ततस् तस्य मुनेर् वक्त्रान् नानावर्णाः सुरस्मयः । विनिर्गता दिशः सर्वा भासयन्तः प्रसेरिरे
tatas tasya muner vaktrān nānāvarṇāḥ surasmayaḥ / vinirgatā diśaḥ sarvā bhāsayantaḥ praserire
Sanskrit only: no published translation is held for this verse.
या अधस्ताद् गताभासाः सर्वत्र नरकेष्व् अपि । अवभास्य शुभं कृत्वा सर्वत्र संप्रसंसिरे
yā adhastād gatābhāsāḥ sarvatra narakeṣv api / avabhāsya śubhaṃ kṛtvā sarvatra saṃprasaṃsire
Sanskrit only: no published translation is held for this verse.
तत्र सत्वान् परिस्पृश्य कृत्वा सर्वान् सुखान्वितान् । संबुद्धदर्शनं दत्वा संप्रेषयन् सुरालायं
tatra satvān parispṛśya kṛtvā sarvān sukhānvitān / saṃbuddhadarśanaṃ datvā saṃpreṣayan surālāyaṃ
Sanskrit only: no published translation is held for this verse.
याश् चाप्य् उर्द्धं गताभासताः सर्वांश् च सुरालयन् । अवभास्यामरान् सर्वान् समुद्घुष्याभ्यचोदयन्
yāś cāpy urddhaṃ gatābhāsatāḥ sarvāṃś ca surālayan / avabhāsyāmarān sarvān samudghuṣyābhyacodayan
Sanskrit only: no published translation is held for this verse.
अनित्यं खलु संसारं सर्वं शून्यं निरात्मकं । इति मत्वात्र कर्त्तव्यं संबुद्धभजनं सदा
anityaṃ khalu saṃsāraṃ sarvaṃ śūnyaṃ nirātmakaṃ / iti matvātra karttavyaṃ saṃbuddhabhajanaṃ sadā
Sanskrit only: no published translation is held for this verse.
निष्क्रामत रभध्वं तत् सद्धर्मं बुद्धशासने । मारचर्यां परित्यज्य चरत भद्रचारिकां
niṣkrāmata rabhadhvaṃ tat saddharmaṃ buddhaśāsane / māracaryāṃ parityajya carata bhadracārikāṃ
Sanskrit only: no published translation is held for this verse.
यो ऽप्रमत्तश् चरत्य् अत्र संबुद्धशासने व्रतं । स विहाय पुनर्जातिं दुःखस्यांतं करिष्यति
yo 'pramattaś caraty atra saṃbuddhaśāsane vrataṃ / sa vihāya punarjātiṃ duḥkhasyāṃtaṃ kariṣyati
Sanskrit only: no published translation is held for this verse.
इति मत्वात्र संसारे परिशुद्धत्रिमण्डलाः । त्रिरत्नं शरणं कृत्वा भजध्वं श्रद्धया सदा
iti matvātra saṃsāre pariśuddhatrimaṇḍalāḥ / triratnaṃ śaraṇaṃ kṛtvā bhajadhvaṃ śraddhayā sadā
Sanskrit only: no published translation is held for this verse.
एतद् घोषं समाकर्ण्य सर्वे देवाः प्रमोदिताः । त्रिरत्नस्मरणं कृत्वा प्राचरन् सर्वदा शुभे
etad ghoṣaṃ samākarṇya sarve devāḥ pramoditāḥ / triratnasmaraṇaṃ kṛtvā prācaran sarvadā śubhe
Sanskrit only: no published translation is held for this verse.
ततस् ते रश्मयः सर्वे भासयन्तः समंततः । प्रत्यागता मुनीन्द्रस्य पुरतः समुपाश्रयन्
tatas te raśmayaḥ sarve bhāsayantaḥ samaṃtataḥ / pratyāgatā munīndrasya purataḥ samupāśrayan
Sanskrit only: no published translation is held for this verse.
तत्र ते रश्मयः सर्वे ऽप्य् एकीभूताः सुपिण्डिताः । शास्तुः प्रदक्षिणीकृत्य भ्रुवो ऽन्तरे तिरोदधौ
tatra te raśmayaḥ sarve 'py ekībhūtāḥ supiṇḍitāḥ / śāstuḥ pradakṣiṇīkṛtya bhruvo 'ntare tirodadhau
Sanskrit only: no published translation is held for this verse.
तद् दृष्ट्वा ते सभासीनाः सर्वे लोकाः सविस्मयाः । शास्ता किम् आदिशेद् धर्मम् इति ध्यात्वा समाश्रयन्
tad dṛṣṭvā te sabhāsīnāḥ sarve lokāḥ savismayāḥ / śāstā kim ādiśed dharmam iti dhyātvā samāśrayan
Sanskrit only: no published translation is held for this verse.
तत्रानंदः समालोक्य सर्वांल् लोकान् सविस्मयान् । सांजलिस् तं जगन्नाथं प्रणत्वैवं समब्रवीत्
tatrānaṃdaḥ samālokya sarvāṃl lokān savismayān / sāṃjalis taṃ jagannāthaṃ praṇatvaivaṃ samabravīt
Sanskrit only: no published translation is held for this verse.
भगवन् हेतुना केन स्मितं मुंचति सांप्रतं । नाहेतुप्रत्ययं बुद्धाः स्मितं मुंचंति सर्वदा
bhagavan hetunā kena smitaṃ muṃcati sāṃprataṃ / nāhetupratyayaṃ buddhāḥ smitaṃ muṃcaṃti sarvadā
Sanskrit only: no published translation is held for this verse.
यद् भवतः स्मिते वक्त्रान् नानावर्णाः सुरश्मयः । निर्गताः सर्वलोकेषु प्रसृता अवभास्यत
yad bhavataḥ smite vaktrān nānāvarṇāḥ suraśmayaḥ / nirgatāḥ sarvalokeṣu prasṛtā avabhāsyata
Sanskrit only: no published translation is held for this verse.
इमे सर्वत्र भद्राणि कृत्वा सत्वांश् च भद्रितान् । प्रत्यागता भवदुर्णामध्ये चान्तर्दधन्ति हि
ime sarvatra bhadrāṇi kṛtvā satvāṃś ca bhadritān / pratyāgatā bhavadurṇāmadhye cāntardadhanti hi
Sanskrit only: no published translation is held for this verse.
एतद् अद्भुतम् आलोक्य सर्वे लोका इमे ऽधुना । शास्ता किम् आदिशेद् धर्मम् इति ध्यात्वा समास्थिताः
etad adbhutam ālokya sarve lokā ime 'dhunā / śāstā kim ādiśed dharmam iti dhyātvā samāsthitāḥ
Sanskrit only: no published translation is held for this verse.
भवद्धर्मामृतं पातुं सर्वे सद्धर्मवांछिनः । भवन्तम् एव संवीक्ष्य संतिष्ठन्ते समाहिताः
bhavaddharmāmṛtaṃ pātuṃ sarve saddharmavāṃchinaḥ / bhavantam eva saṃvīkṣya saṃtiṣṭhante samāhitāḥ
Sanskrit only: no published translation is held for this verse.
भगवंस् तद् यद् अर्थे त्वं स्मितं मुंचसि सांप्रतं । तद् अर्थं समुपादिश्य सर्वाल् लोकान् प्रबोधय
bhagavaṃs tad yad arthe tvaṃ smitaṃ muṃcasi sāṃprataṃ / tad arthaṃ samupādiśya sarvāl lokān prabodhaya
Sanskrit only: no published translation is held for this verse.
इति संप्रार्थिते तेन भगवान् स मुनीश्चरः । तम् आनंदं सभां चापि समालोक्यैवम् आदिशत्
iti saṃprārthite tena bhagavān sa munīścaraḥ / tam ānaṃdaṃ sabhāṃ cāpi samālokyaivam ādiśat
Sanskrit only: no published translation is held for this verse.
एवम् एतन् महानंद सर्वे ऽपि सुगता जिनाः । नाहेतुप्रत्ययं क्वापि स्मितं मुंचंति सर्वदा
evam etan mahānaṃda sarve 'pi sugatā jināḥ / nāhetupratyayaṃ kvāpi smitaṃ muṃcaṃti sarvadā
Sanskrit only: no published translation is held for this verse.
यदर्थे ऽहम् इहानंद स्मितं मुंचामि सांप्रतं । तदर्थं संप्रवक्ष्यामि सर्वे शृण्वंतु सादरं
yadarthe 'ham ihānaṃda smitaṃ muṃcāmi sāṃprataṃ / tadarthaṃ saṃpravakṣyāmi sarve śṛṇvaṃtu sādaraṃ
Sanskrit only: no published translation is held for this verse.
पश्यानंदानया नार्य्या दारिकया मम पदोः । लोहितचंदनेनैवं प्रलिप्य सत्कृतिः कृता
paśyānaṃdānayā nāryyā dārikayā mama padoḥ / lohitacaṃdanenaivaṃ pralipya satkṛtiḥ kṛtā
Sanskrit only: no published translation is held for this verse.
एतत्पुण्यविपाकेन दारिकेयं भविष्यति । प्रत्येकसुगतो गन्धमादनो नाम सर्ववित्
etatpuṇyavipākena dārikeyaṃ bhaviṣyati / pratyekasugato gandhamādano nāma sarvavit
Sanskrit only: no published translation is held for this verse.
यथेयं मयि संबुद्धचित्तं प्रसाद्य मोदिता । प्रणिधानं करोत्य् एवं प्रत्येकबोधिम् आप्स्यति
yatheyaṃ mayi saṃbuddhacittaṃ prasādya moditā / praṇidhānaṃ karoty evaṃ pratyekabodhim āpsyati
Sanskrit only: no published translation is held for this verse.
एवं मत्वा महत्पुण्यं संबुद्धभजनोद्भवं । सत्कृत्य श्रद्धया नित्यं त्रिरत्नं भजम् आदरात्
evaṃ matvā mahatpuṇyaṃ saṃbuddhabhajanodbhavaṃ / satkṛtya śraddhayā nityaṃ triratnaṃ bhajam ādarāt
Sanskrit only: no published translation is held for this verse.
त्रिरत्नभजनोद्भूतं पुण्यमहत्तरं बहु । यथेछाबोधिसंभारपूरणं निर्वृतिं प्रदं
triratnabhajanodbhūtaṃ puṇyamahattaraṃ bahu / yathechābodhisaṃbhārapūraṇaṃ nirvṛtiṃ pradaṃ
Sanskrit only: no published translation is held for this verse.
इत्य् आदिष्टं मुनीन्द्रेण श्रुत्वा सर्वे ऽनुमोदिताः । त्रिरत्नभजनं कर्तुं प्राभ्यनन्दन् सदापि ते
ity ādiṣṭaṃ munīndreṇa śrutvā sarve 'numoditāḥ / triratnabhajanaṃ kartuṃ prābhyanandan sadāpi te
Sanskrit only: no published translation is held for this verse.
तदा सा दासिकाप्य् एवं शास्त्रा व्याकृतम् आत्मनः । श्रुत्वाभिनंदिता भूयो ननाम तं मुनीश्वरं
tadā sā dāsikāpy evaṃ śāstrā vyākṛtam ātmanaḥ / śrutvābhinaṃditā bhūyo nanāma taṃ munīśvaraṃ
Sanskrit only: no published translation is held for this verse.
ततः सा स्वामिना दत्तं द्रव्यम् आदाय सत्वरा । तद् अर्हभोजनैः पूर्णं पात्रं कृत्वा मुदाचरत्
tataḥ sā svāminā dattaṃ dravyam ādāya satvarā / tad arhabhojanaiḥ pūrṇaṃ pātraṃ kṛtvā mudācarat
Sanskrit only: no published translation is held for this verse.
तत्र सा मुदिता तस्मै मुनीन्द्राय प्रदापयत् । सांजलिः प्रणतिं कृत्वा स्वगेहं समुपाचरत्
tatra sā muditā tasmai munīndrāya pradāpayat / sāṃjaliḥ praṇatiṃ kṛtvā svagehaṃ samupācarat
Sanskrit only: no published translation is held for this verse.
ततः स भगवान् पृष्टे पिण्डपात्रं तयार्चितं । ससंघं स्वाश्रमे गत्वा व्यहरद् धर्मम् आदिशत्
tataḥ sa bhagavān pṛṣṭe piṇḍapātraṃ tayārcitaṃ / sasaṃghaṃ svāśrame gatvā vyaharad dharmam ādiśat
Sanskrit only: no published translation is held for this verse.
तत्र सा दासिका भद्रा त्रिरत्नं शरणं गता । सत्कृत्य श्रद्धया नित्यं प्राभजन् सर्वदा मुदा
tatra sā dāsikā bhadrā triratnaṃ śaraṇaṃ gatā / satkṛtya śraddhayā nityaṃ prābhajan sarvadā mudā
Sanskrit only: no published translation is held for this verse.
एवं मे गुरुणाख्यातं श्रुतं मयात्र कथ्यते । तथा त्वम् अपि राजेंद्र त्रिरत्नं सर्वदा भज
evaṃ me guruṇākhyātaṃ śrutaṃ mayātra kathyate / tathā tvam api rājeṃdra triratnaṃ sarvadā bhaja
Sanskrit only: no published translation is held for this verse.
तथा राजं प्रजाश् चापि बोधयित्वा प्रयत्नतः । बोधिमार्गे प्रतिष्ठाप्य पालयस्व समाहितः
tathā rājaṃ prajāś cāpi bodhayitvā prayatnataḥ / bodhimārge pratiṣṭhāpya pālayasva samāhitaḥ
Sanskrit only: no published translation is held for this verse.
तथा तं मंगलं नित्यं सर्वत्रापि भवेद् ध्रुवं । क्रमाद् बोधिं समासाद्य संबुद्धपदम् आप्नुयाः
tathā taṃ maṃgalaṃ nityaṃ sarvatrāpi bhaved dhruvaṃ / kramād bodhiṃ samāsādya saṃbuddhapadam āpnuyāḥ
Sanskrit only: no published translation is held for this verse.
इति तेनार्हतादिष्टं श्रुत्वाशोकः स भूमिपः । तथेत्य् अभ्यनुमोदित्वा प्राभ्यनन्दत् सपार्षदः
iti tenārhatādiṣṭaṃ śrutvāśokaḥ sa bhūmipaḥ / tathety abhyanumoditvā prābhyanandat sapārṣadaḥ
Sanskrit only: no published translation is held for this verse.