Ratnamālāvadāna 23

यन् मया प्रकृतं दानं यच् च पुण्यं प्रसाधितं । एतद् विपाककौशल्यम् एतयोर् अनुगछतु

yan mayā prakṛtaṃ dānaṃ yac ca puṇyaṃ prasādhitaṃ / etad vipākakauśalyam etayor anugachatu

Sanskrit only: no published translation is held for this verse.

एवं स मुदितः श्रेष्ठी तां भार्यां भद्रिकां प्रियां । सुपथ्योपचारसंयुक्तैर् आहारैः समपोषयत्

evaṃ sa muditaḥ śreṣṭhī tāṃ bhāryāṃ bhadrikāṃ priyāṃ / supathyopacārasaṃyuktair āhāraiḥ samapoṣayat

Sanskrit only: no published translation is held for this verse.

दूष्यैश् चीनांशुकैः पट्टैः कोमलैस् सौरभान्वितैः । नानारत्नाभ्यलंकारैर् मण्डयित्वाभ्यमोदयत्

dūṣyaiś cīnāṃśukaiḥ paṭṭaiḥ komalais saurabhānvitaiḥ / nānāratnābhyalaṃkārair maṇḍayitvābhyamodayat

Sanskrit only: no published translation is held for this verse.

एवं तां भद्रिकां कान्तां पथ्योपचारभूषणैः । पोषितां मण्डितां कृत्वा प्रामाणयत् प्रसादयन्

evaṃ tāṃ bhadrikāṃ kāntāṃ pathyopacārabhūṣaṇaiḥ / poṣitāṃ maṇḍitāṃ kṛtvā prāmāṇayat prasādayan

Sanskrit only: no published translation is held for this verse.

एवं तां गर्भिणीं भर्तुर् बहुमानाभिनंदितां । दृष्ट्वा सा प्रथमा भार्या भूय एवं व्यचिंतायत्

evaṃ tāṃ garbhiṇīṃ bhartur bahumānābhinaṃditāṃ / dṛṣṭvā sā prathamā bhāryā bhūya evaṃ vyaciṃtāyat

Sanskrit only: no published translation is held for this verse.

यद्य् एषा युवती कांता जनयेद् अतिसंततिं । तद् एतत् सर्वसंपत्तिर् अधीनास्या भवेद् अपि

yady eṣā yuvatī kāṃtā janayed atisaṃtatiṃ / tad etat sarvasaṃpattir adhīnāsyā bhaved api

Sanskrit only: no published translation is held for this verse.

एषैव हि प्रधाना स्यात् सर्वलोकप्रमाणिका । को ऽपि प्रमाणयेन् नैव जरतीं माम् अपुत्रितां

eṣaiva hi pradhānā syāt sarvalokapramāṇikā / ko 'pi pramāṇayen naiva jaratīṃ mām aputritāṃ

Sanskrit only: no published translation is held for this verse.

तद् अत्रास्याः सपत्न्या मे यथा स्याद् गर्भशातनं । तथोपायं प्रकर्त्तव्यं सुगुप्तेन मयाधुना

tad atrāsyāḥ sapatnyā me yathā syād garbhaśātanaṃ / tathopāyaṃ prakarttavyaṃ suguptena mayādhunā

Sanskrit only: no published translation is held for this verse.

कामरागाग्नितप्तस्य नास्ति किं चिद् धि पातकं । सर्वम् अपि प्रकर्त्तव्यं भोक्तव्यं सर्वतो ऽपि च

kāmarāgāgnitaptasya nāsti kiṃ cid dhi pātakaṃ / sarvam api prakarttavyaṃ bhoktavyaṃ sarvato 'pi ca

Sanskrit only: no published translation is held for this verse.

ततः सा प्रमदा दुष्टा तस्या गर्भाभिशातनं । द्रयं पानाभिसंयुक्तं ददौ विश्रम्भवादिनी

tataḥ sā pramadā duṣṭā tasyā garbhābhiśātanaṃ / drayaṃ pānābhisaṃyuktaṃ dadau viśrambhavādinī

Sanskrit only: no published translation is held for this verse.

तत् सपत्न्यार्पितं पानं दृष्ट्वा सा भद्रिकार्जवा । हस्ताभ्यां सहसादाय पपौ तृष्णार्दिता यथा

tat sapatnyārpitaṃ pānaṃ dṛṣṭvā sā bhadrikārjavā / hastābhyāṃ sahasādāya papau tṛṣṇārditā yathā

Sanskrit only: no published translation is held for this verse.

तद् एतत् पीतमात्रेण तस्या गर्भो विघूर्णितः । सहसाभिद्रवीभूतः प्रसश्रावाभ्यशोषतः

tad etat pītamātreṇa tasyā garbho vighūrṇitaḥ / sahasābhidravībhūtaḥ prasaśrāvābhyaśoṣataḥ

Sanskrit only: no published translation is held for this verse.

ततः सा भद्रिका नारी भर्त्तारं तं सबांधवं । सहसा समुपामंत्र्य पुनर् एवं न्यवेदयत्

tataḥ sā bhadrikā nārī bharttāraṃ taṃ sabāṃdhavaṃ / sahasā samupāmaṃtrya punar evaṃ nyavedayat

Sanskrit only: no published translation is held for this verse.

स्वामिंस् तवानया पत्न्या प्रियया गर्भशातनं । पानम् औषधसंयुक्तं सादरं मे प्रदीयते

svāmiṃs tavānayā patnyā priyayā garbhaśātanaṃ / pānam auṣadhasaṃyuktaṃ sādaraṃ me pradīyate

Sanskrit only: no published translation is held for this verse.

तत् तद् दत्तं सविश्वासं गृहीत्वा पीयते मया । तत्पानपीतमात्रेण गर्भो मे स्रस्यते ऽधुना

tat tad dattaṃ saviśvāsaṃ gṛhītvā pīyate mayā / tatpānapītamātreṇa garbho me srasyate 'dhunā

Sanskrit only: no published translation is held for this verse.

तद् अत्र किं करिष्यामि यतो मे नश्यते शिशुः । यद् अर्थं प्रकृतं दानं तत् सर्वं निस्फलं तव

tad atra kiṃ kariṣyāmi yato me naśyate śiśuḥ / yad arthaṃ prakṛtaṃ dānaṃ tat sarvaṃ nisphalaṃ tava

Sanskrit only: no published translation is held for this verse.

इत्य् आख्यातं तया पत्न्या श्रुत्वा श्रेष्ठी स रोषितः । तां सहसाहूय परिभाष्यैवम् आलपत्

ity ākhyātaṃ tayā patnyā śrutvā śreṣṭhī sa roṣitaḥ / tāṃ sahasāhūya paribhāṣyaivam ālapat

Sanskrit only: no published translation is held for this verse.

हा रे रे दुर्मते दुष्टे घोरपातकसाधिनी । एवम् अपि महाघोरं पातकं प्रकृतं त्वया

hā re re durmate duṣṭe ghorapātakasādhinī / evam api mahāghoraṃ pātakaṃ prakṛtaṃ tvayā

Sanskrit only: no published translation is held for this verse.

यदर्थे देवताः सर्वास् समाराध्याभियाचिताः । नानाविधानयत्नानि प्रकृतानि ममानिशं

yadarthe devatāḥ sarvās samārādhyābhiyācitāḥ / nānāvidhānayatnāni prakṛtāni mamāniśaṃ

Sanskrit only: no published translation is held for this verse.

सर्वाण्य् एतानि यत्नानि त्वया व्यर्थीकृतानि हि । तद् अत्र किं त्वया पत्न्या पापिष्ठया व्रजाधुना

sarvāṇy etāni yatnāni tvayā vyarthīkṛtāni hi / tad atra kiṃ tvayā patnyā pāpiṣṭhayā vrajādhunā

Sanskrit only: no published translation is held for this verse.

मया त्वं पापिनी त्यक्ता मा तिष्ठेह गृहे मम । इत्य् उक्तं स्वामिना तेन श्रुत्वा सा दुरिताशया । सज्ञातेः स्वामिनस् तस्य पुरर् एवम् अभाषत

mayā tvaṃ pāpinī tyaktā mā tiṣṭheha gṛhe mama / ity uktaṃ svāminā tena śrutvā sā duritāśayā / sajñāteḥ svāminas tasya purar evam abhāṣata

Sanskrit only: no published translation is held for this verse.

किम् एवं वदसे स्वामिन् न मयेदं कृतं खलु । मया न मन्यते नूनं तद् इदं त्वं विचारय

kim evaṃ vadase svāmin na mayedaṃ kṛtaṃ khalu / mayā na manyate nūnaṃ tad idaṃ tvaṃ vicāraya

Sanskrit only: no published translation is held for this verse.

यदि दत्तं मया द्रव्यम् अस्या गर्भाभिशातनं । प्रेतीभूतात्मजान् पुत्राञ् जातां जातान् दिवानिशं

yadi dattaṃ mayā dravyam asyā garbhābhiśātanaṃ / pretībhūtātmajān putrāñ jātāṃ jātān divāniśaṃ

Sanskrit only: no published translation is held for this verse.

प्रभुक्त्वैवं महद्दुःखे चिरेयु दुर्गतौ सदा । इत्य् एवं शपथं कृत्वा स्वामिनं तम् अबोधयत्

prabhuktvaivaṃ mahadduḥkhe cireyu durgatau sadā / ity evaṃ śapathaṃ kṛtvā svāminaṃ tam abodhayat

Sanskrit only: no published translation is held for this verse.

चिराशापरिमुक्तात्मा मृता प्रेतालये यायौ

cirāśāparimuktātmā mṛtā pretālaye yāyau

Sanskrit only: no published translation is held for this verse.

एषैव प्रेतिका श्रेष्ठिभार्या दुराशया । स्वकृतकर्मभोग्यानि भुक्त्वैवं भ्रमते ऽधुना

eṣaiva pretikā śreṣṭhibhāryā durāśayā / svakṛtakarmabhogyāni bhuktvaivaṃ bhramate 'dhunā

Sanskrit only: no published translation is held for this verse.

यद् ईर्ष्यया तया तस्याः प्रकृतं गर्भशातनं । तेन सा दुष्कृताकारा प्रेतीभूता चरत्य् अपि

yad īrṣyayā tayā tasyāḥ prakṛtaṃ garbhaśātanaṃ / tena sā duṣkṛtākārā pretībhūtā caraty api

Sanskrit only: no published translation is held for this verse.

यच् च तया मृषावाचा शपथः प्रकृता यथा । तथा तत्कर्मपाकेन दुर्गतौ भ्रमते सदा

yac ca tayā mṛṣāvācā śapathaḥ prakṛtā yathā / tathā tatkarmapākena durgatau bhramate sadā

Sanskrit only: no published translation is held for this verse.

पंचपुत्रान् दिवारात्रिं प्रसूय सा क्षुधान्विता । सर्वांस् तां स्वात्मजान् वालान् अपि भुक्त्वा न तृप्यते

paṃcaputrān divārātriṃ prasūya sā kṣudhānvitā / sarvāṃs tāṃ svātmajān vālān api bhuktvā na tṛpyate

Sanskrit only: no published translation is held for this verse.

एवं सा पापिनी प्रेती जातां जतांस् तथात्मजान् । भुक्त्वा क्षुधाग्निसंदगधा भ्रमेत् प्रेतालये सदा

evaṃ sā pāpinī pretī jātāṃ jatāṃs tathātmajān / bhuktvā kṣudhāgnisaṃdagadhā bhramet pretālaye sadā

Sanskrit only: no published translation is held for this verse.

एवं नारद विज्ञाय विरम्य पातकात् सदा । मृषावादाच् च सद्धर्मे चरितव्यं शुभार्थिभिः

evaṃ nārada vijñāya viramya pātakāt sadā / mṛṣāvādāc ca saddharme caritavyaṃ śubhārthibhiḥ

Sanskrit only: no published translation is held for this verse.

सद्धर्मस्य विपाके हि सर्वदा मंगलं भवे । पातकस्य सदा दुःखं विश्रिते स्य तथोभयं

saddharmasya vipāke hi sarvadā maṃgalaṃ bhave / pātakasya sadā duḥkhaṃ viśrite sya tathobhayaṃ

Sanskrit only: no published translation is held for this verse.

इति मत्वा सदा यूयं त्रिरत्नं शरणं गताः । सत्कृत्य श्रद्धया नित्यं प्रभजध्वं समाहिताः

iti matvā sadā yūyaṃ triratnaṃ śaraṇaṃ gatāḥ / satkṛtya śraddhayā nityaṃ prabhajadhvaṃ samāhitāḥ

Sanskrit only: no published translation is held for this verse.

ये बुद्धशरणं कृत्वा भजन्ति श्रद्धया मुदा । ते सर्वे दुर्गतिं हित्वा संप्रयान्ति जिनालये

ye buddhaśaraṇaṃ kṛtvā bhajanti śraddhayā mudā / te sarve durgatiṃ hitvā saṃprayānti jinālaye

Sanskrit only: no published translation is held for this verse.

ये च शृण्वन्ति सद्धर्मं मानयन्ति च सादरं । ते ऽपि क्लेशान् विनिर्जित्य संयांति सौगतालये

ye ca śṛṇvanti saddharmaṃ mānayanti ca sādaraṃ / te 'pi kleśān vinirjitya saṃyāṃti saugatālaye

Sanskrit only: no published translation is held for this verse.

ये संघं शरणं कृत्वा सत्कृत्य प्रभजन्ति ते । सर्वे ऽपि दुर्गतेर् मुक्त्वा संप्रयान्ति सुखावतीं

ye saṃghaṃ śaraṇaṃ kṛtvā satkṛtya prabhajanti te / sarve 'pi durgater muktvā saṃprayānti sukhāvatīṃ

Sanskrit only: no published translation is held for this verse.

एवं मत्वात्र संसारे सर्वदा शुभवांछिभिः । त्रिरत्नभजनं कृत्वा चरितव्यं शुभे सदा

evaṃ matvātra saṃsāre sarvadā śubhavāṃchibhiḥ / triratnabhajanaṃ kṛtvā caritavyaṃ śubhe sadā

Sanskrit only: no published translation is held for this verse.

इत्य् आदिष्टं मुनींद्रेण श्रुत्वा स नारदः सुधीः । ससंघः सर्वदा लोकाश् च तथेति प्रत्यपद्यत

ity ādiṣṭaṃ munīṃdreṇa śrutvā sa nāradaḥ sudhīḥ / sasaṃghaḥ sarvadā lokāś ca tatheti pratyapadyata

Sanskrit only: no published translation is held for this verse.

ततः स नारदो भिक्षुः कृतांजलिः पुरोगतः । भगवंतं प्रणत्वा च पप्रछ तद् विशोधनं

tataḥ sa nārado bhikṣuḥ kṛtāṃjaliḥ purogataḥ / bhagavaṃtaṃ praṇatvā ca papracha tad viśodhanaṃ

Sanskrit only: no published translation is held for this verse.

भगवन् सा पापिनी प्रेती ततः प्रेतालयात् कदा । तद्घोरपातकान् मुक्ता संयायात् सद्गतौ कथं

bhagavan sā pāpinī pretī tataḥ pretālayāt kadā / tadghorapātakān muktā saṃyāyāt sadgatau kathaṃ

Sanskrit only: no published translation is held for this verse.

तद् उपायं जगच्छास्त समुपादेष्टुम् अर्हति । येनासौ दुर्गातेर् मुक्ता सहसा सद्गतिं व्रजेत्

tad upāyaṃ jagacchāsta samupādeṣṭum arhati / yenāsau durgāter muktā sahasā sadgatiṃ vrajet

Sanskrit only: no published translation is held for this verse.

इति संप्रार्थिते तेन नारदेन स सर्ववित् । भगवांस् तं सभां चापि समालोक्यैवम् आदिशत्

iti saṃprārthite tena nāradena sa sarvavit / bhagavāṃs taṃ sabhāṃ cāpi samālokyaivam ādiśat

Sanskrit only: no published translation is held for this verse.

शृणु नारद तस्यास् तत् पातकपरिशोधनं । उपायं समयं चापि प्रवक्ष्याम्य् अधुना तथा

śṛṇu nārada tasyās tat pātakapariśodhanaṃ / upāyaṃ samayaṃ cāpi pravakṣyāmy adhunā tathā

Sanskrit only: no published translation is held for this verse.

यदा लोकेश्वरो नाथः सर्वसत्वानुकंपकः । बोधिसत्वो महासत्वस् त्रैधातुकाधिपेश्वरः

yadā lokeśvaro nāthaḥ sarvasatvānukaṃpakaḥ / bodhisatvo mahāsatvas traidhātukādhipeśvaraḥ

Sanskrit only: no published translation is held for this verse.

सुखावत्या विनिर्गत्य सर्वाल् लोकान् प्रभासयन् । सर्वान् सत्वान् समुद्धर्तुं प्रेतलोके समाचरेत्

sukhāvatyā vinirgatya sarvāl lokān prabhāsayan / sarvān satvān samuddhartuṃ pretaloke samācaret

Sanskrit only: no published translation is held for this verse.

तदा तत्प्रभया स्पृष्टा सातिसौख्यसमन्विता । किम् अद्य मे महत्सौख्यम् इति प्रोक्त्वाभ्यचिंतयत्

tadā tatprabhayā spṛṣṭā sātisaukhyasamanvitā / kim adya me mahatsaukhyam iti proktvābhyaciṃtayat

Sanskrit only: no published translation is held for this verse.

अहो सौख्यं समुत्पन्नं प्रभावेयं प्रसारिता । नूनम् अत्र महासत्वः सत्वान् उद्धर्तुम् आगताः

aho saukhyaṃ samutpannaṃ prabhāveyaṃ prasāritā / nūnam atra mahāsatvaḥ satvān uddhartum āgatāḥ

Sanskrit only: no published translation is held for this verse.

यस्येदृक् सत्कृपादृष्टिः सत्वेष्व् एवं प्रसर्य्यति । तस्यैव शरणं गत्वा भजेयं सर्वदादरात्

yasyedṛk satkṛpādṛṣṭiḥ satveṣv evaṃ prasaryyati / tasyaiva śaraṇaṃ gatvā bhajeyaṃ sarvadādarāt

Sanskrit only: no published translation is held for this verse.

इति ध्यात्वा विनिश्चित्य सा प्रेती प्रतिविस्मिता । तस्यैवा स्मरणं कृत्वा तिष्ठे दृष्टं समुत्सुका

iti dhyātvā viniścitya sā pretī prativismitā / tasyaivā smaraṇaṃ kṛtvā tiṣṭhe dṛṣṭaṃ samutsukā

Sanskrit only: no published translation is held for this verse.

तदा स भगवांस् तत्र लोकनाथः कृपामयः । प्रेतलोकान् समूद्धर्तुम् उपाचरेत् प्राभासयः

tadā sa bhagavāṃs tatra lokanāthaḥ kṛpāmayaḥ / pretalokān samūddhartum upācaret prābhāsayaḥ

Sanskrit only: no published translation is held for this verse.

तं प्रभासंतम् आयातं दृष्ट्वा सर्वे ऽपि प्रेतकाः । सहसा समुपेत्यैवं प्रार्थयेयुः समादरात्

taṃ prabhāsaṃtam āyātaṃ dṛṣṭvā sarve 'pi pretakāḥ / sahasā samupetyaivaṃ prārthayeyuḥ samādarāt

Sanskrit only: no published translation is held for this verse.

स्वागतं भगवन् नाथ प्रसीद परमेश्वर । कृपयास्मान् समालोक्य प्रेतलोकान् समुद्धर

svāgataṃ bhagavan nātha prasīda parameśvara / kṛpayāsmān samālokya pretalokān samuddhara

Sanskrit only: no published translation is held for this verse.

सर्वदा भवताम् एव शरणं संव्रजामहे । तत् कृत्वा परिशुद्धान् नः सर्वा प्रेरय सद्गतौ

sarvadā bhavatām eva śaraṇaṃ saṃvrajāmahe / tat kṛtvā pariśuddhān naḥ sarvā preraya sadgatau

Sanskrit only: no published translation is held for this verse.

इति तत् प्रार्थिते सर्वे लोकनाथः कृपानिधिः । सद्धर्मं समुपादिश्य पुनर् एवम् उपादिशेत्

iti tat prārthite sarve lokanāthaḥ kṛpānidhiḥ / saddharmaṃ samupādiśya punar evam upādiśet

Sanskrit only: no published translation is held for this verse.

यदीछथ सदा सौख्यं यूयं सर्वे समाहिताः । त्रिरत्नं स्मरणं कृत्वा भजत श्रद्धया मुदा

yadīchatha sadā saukhyaṃ yūyaṃ sarve samāhitāḥ / triratnaṃ smaraṇaṃ kṛtvā bhajata śraddhayā mudā

Sanskrit only: no published translation is held for this verse.

तदैतत् पातकैर् मुक्तास् सर्वे यूयं पवित्रिताः । सहसा सद्गतिं प्राप्ता भवेत बोधिचारिणः

tadaitat pātakair muktās sarve yūyaṃ pavitritāḥ / sahasā sadgatiṃ prāptā bhaveta bodhicāriṇaḥ

Sanskrit only: no published translation is held for this verse.

इत्य् आदिष्टं जगच्छास्त्रा लोकनाथेन तेन ते । सर्वे ऽपि प्रेतिकाः श्रुत्वा तथा कर्तुं समीछिरे

ity ādiṣṭaṃ jagacchāstrā lokanāthena tena te / sarve 'pi pretikāḥ śrutvā tathā kartuṃ samīchire

Sanskrit only: no published translation is held for this verse.

तदा ते प्रेतिकाः सर्वे परिशुद्धाशया मुदा । त्रिरत्नं शरणं कृत्वा स्मृत्वा भजेयुर् आनताः

tadā te pretikāḥ sarve pariśuddhāśayā mudā / triratnaṃ śaraṇaṃ kṛtvā smṛtvā bhajeyur ānatāḥ

Sanskrit only: no published translation is held for this verse.

तदा तत्स्मृतिपुण्येन सर्वे ते प्रेतिकास् ततः । प्रेतलोकात् समुत्थाय संयास्यन्ति सुखावतीं

tadā tatsmṛtipuṇyena sarve te pretikās tataḥ / pretalokāt samutthāya saṃyāsyanti sukhāvatīṃ

Sanskrit only: no published translation is held for this verse.

तत्रामिताभनाथस्य सर्वे ते शरणं गताः । भजन्तो धर्मम् आकर्ण्य चरिष्यंति शुभाचरिं

tatrāmitābhanāthasya sarve te śaraṇaṃ gatāḥ / bhajanto dharmam ākarṇya cariṣyaṃti śubhācariṃ

Sanskrit only: no published translation is held for this verse.

ततः सर्वे ऽपि ते सत्वा बोधिसत्वाः शुभंकराः । क्रमाद् बोधिं समासाद्य संबुद्धपदम् आप्नुयुः

tataḥ sarve 'pi te satvā bodhisatvāḥ śubhaṃkarāḥ / kramād bodhiṃ samāsādya saṃbuddhapadam āpnuyuḥ

Sanskrit only: no published translation is held for this verse.

तदा सा पापिनी प्रेती सर्वपापविमोचिता । प्रेतलोकात् समुत्थाय सद्गतिं समवाप्स्यति

tadā sā pāpinī pretī sarvapāpavimocitā / pretalokāt samutthāya sadgatiṃ samavāpsyati

Sanskrit only: no published translation is held for this verse.

एवं मत्वात्र संसारे सद्गतिं सुखवांछिभिः । त्रिरत्नभजनं कृत्वा चरितव्यं सदा शुभे

evaṃ matvātra saṃsāre sadgatiṃ sukhavāṃchibhiḥ / triratnabhajanaṃ kṛtvā caritavyaṃ sadā śubhe

Sanskrit only: no published translation is held for this verse.

त्रिरत्नभजनोद्भूतं पुण्यं न क्षिणुयात् क्वचित् । सर्वक्लेशान् विनिर्दह्य प्रापयेत् सौगतं पदं

triratnabhajanodbhūtaṃ puṇyaṃ na kṣiṇuyāt kvacit / sarvakleśān vinirdahya prāpayet saugataṃ padaṃ

Sanskrit only: no published translation is held for this verse.

इत्य् आदिष्टं मुनीन्द्रेण श्रुत्वा स नारदो यतिः । ससांघिकसभालोकस् तथेति प्राभ्यनंदत

ity ādiṣṭaṃ munīndreṇa śrutvā sa nārado yatiḥ / sasāṃghikasabhālokas tatheti prābhyanaṃdata

Sanskrit only: no published translation is held for this verse.

इति मे गुरुणादिष्टं मयात्र वक्ष्यते । मत्वा राजंस् त्वम् अप्य् एवं त्रिरत्नं भज सर्वदा

iti me guruṇādiṣṭaṃ mayātra vakṣyate / matvā rājaṃs tvam apy evaṃ triratnaṃ bhaja sarvadā

Sanskrit only: no published translation is held for this verse.

प्रजाश् चापि तथा धर्मं श्रावायित्वा प्रबोधयन् । बोधिमार्गे प्रतिष्ठाप्य पालयस्व समाहितः

prajāś cāpi tathā dharmaṃ śrāvāyitvā prabodhayan / bodhimārge pratiṣṭhāpya pālayasva samāhitaḥ

Sanskrit only: no published translation is held for this verse.

ततस् ते सर्वदा भद्रं सर्वत्रापि भवेद् ध्रुवं । क्रमाद् बोधिं शिवां प्राप्य संबुद्धपदं आप्नुयाः

tatas te sarvadā bhadraṃ sarvatrāpi bhaved dhruvaṃ / kramād bodhiṃ śivāṃ prāpya saṃbuddhapadaṃ āpnuyāḥ

Sanskrit only: no published translation is held for this verse.

इति तेनार्हतादिष्टं श्रुत्वाशोको नराधिपः । तथा हीति प्रतिज्ञाय प्राभ्यनन्दत् सपार्षदः

iti tenārhatādiṣṭaṃ śrutvāśoko narādhipaḥ / tathā hīti pratijñāya prābhyanandat sapārṣadaḥ

Sanskrit only: no published translation is held for this verse.