Ratnamālāvadāna 27

ततः पारमिताः सर्वाः परिपूर्य यथाक्रमं । ततः संबोधिम् आसाद्य भवेयुः सुगता अपि

tataḥ pāramitāḥ sarvāḥ paripūrya yathākramaṃ / tataḥ saṃbodhim āsādya bhaveyuḥ sugatā api

Sanskrit only: no published translation is held for this verse.

एवं मत्वात्र संसारे संबोधिज्ञानवांछिभिः । त्रिरत्नभजनं कृत्वा चरितव्यं सदा शुभे

evaṃ matvātra saṃsāre saṃbodhijñānavāṃchibhiḥ / triratnabhajanaṃ kṛtvā caritavyaṃ sadā śubhe

Sanskrit only: no published translation is held for this verse.

इत्य् आदिष्टं मुनीन्द्रेण श्रुत्वानंदादयो ऽपि ते । भिक्षवः सांघिकाः सर्वे प्राभ्यनन्दन् प्रबोधिताः

ity ādiṣṭaṃ munīndreṇa śrutvānaṃdādayo 'pi te / bhikṣavaḥ sāṃghikāḥ sarve prābhyanandan prabodhitāḥ

Sanskrit only: no published translation is held for this verse.

सर्वे लोकाश् च ते सर्वे श्रुत्वैवं श्रीघनोदितं । त्रिरत्नशरणं कृत्वा प्रभेजिरे ऽनुमोदिताः

sarve lokāś ca te sarve śrutvaivaṃ śrīghanoditaṃ / triratnaśaraṇaṃ kṛtvā prabhejire 'numoditāḥ

Sanskrit only: no published translation is held for this verse.

एवं शास्त्रा मुनीन्द्रेण व्याकृतं स्वयम् आत्मनः । श्रुत्वा सभान्तिकश् चापि प्राभ्यनन्दत् प्रमोदितः

evaṃ śāstrā munīndreṇa vyākṛtaṃ svayam ātmanaḥ / śrutvā sabhāntikaś cāpi prābhyanandat pramoditaḥ

Sanskrit only: no published translation is held for this verse.

तदारभ्य सदा नित्यं मालिकः सो ऽनुमोदितः । त्रिरत्नभजनं कृत्वा प्राचरद् बोधिचारिकां

tadārabhya sadā nityaṃ mālikaḥ so 'numoditaḥ / triratnabhajanaṃ kṛtvā prācarad bodhicārikāṃ

Sanskrit only: no published translation is held for this verse.

ततः सानाथपिण्डो ऽपि तेन सह प्रमोदितः । सांजलिस् तं जगन्नाथं नत्वा स्वे निलये ययौ

tataḥ sānāthapiṇḍo 'pi tena saha pramoditaḥ / sāṃjalis taṃ jagannāthaṃ natvā sve nilaye yayau

Sanskrit only: no published translation is held for this verse.

तत्र स मालिको गेहे भार्यया सह मोदितः । त्रिरत्नशरणं कृत्वा प्राचरत् सर्वदा शुभं

tatra sa māliko gehe bhāryayā saha moditaḥ / triratnaśaraṇaṃ kṛtvā prācarat sarvadā śubhaṃ

Sanskrit only: no published translation is held for this verse.

ततस् तं सौगते धर्मे ऽनुचरन्तं निशम्य सः । तीर्थिकोपासिको रुष्टो उपेत्य पर्यभाषत

tatas taṃ saugate dharme 'nucarantaṃ niśamya saḥ / tīrthikopāsiko ruṣṭo upetya paryabhāṣata

Sanskrit only: no published translation is held for this verse.

अरे रे दुर्मते पापिन् किम् एवं चरसे ऽशुभे । सर्वथा त्वं परिभ्रष्टो नरके दुःखम् आप्स्यसि

are re durmate pāpin kim evaṃ carase 'śubhe / sarvathā tvaṃ paribhraṣṭo narake duḥkham āpsyasi

Sanskrit only: no published translation is held for this verse.

यद् अपात्रे दुराचारे मिथ्याधर्माभिभाषिनी । उपेत्य भजनं कृत्वा विनोषि किल्विषं महत्

yad apātre durācāre mithyādharmābhibhāṣinī / upetya bhajanaṃ kṛtvā vinoṣi kilviṣaṃ mahat

Sanskrit only: no published translation is held for this verse.

भजन्ते ये नरा बुद्धं न ते गछन्ति सद्गतिं । दुर्गतिम् एव ते याताश् चरन्त्य् अशुभे सदा

bhajante ye narā buddhaṃ na te gachanti sadgatiṃ / durgatim eva te yātāś caranty aśubhe sadā

Sanskrit only: no published translation is held for this verse.

कदा चिद् अपि तद् गेहे भद्रं न जायते क्वचित् । लक्ष्मीश् चापि वसेन् नैव यतो धर्मो विनश्यते

kadā cid api tad gehe bhadraṃ na jāyate kvacit / lakṣmīś cāpi vasen naiva yato dharmo vinaśyate

Sanskrit only: no published translation is held for this verse.

किं चिन् नास्ति शुभाचारं तस्य भिक्षाशिनो ऽयतेः । किम् एवं श्रद्धया नित्यं भजसे सद्गुरोर् इव

kiṃ cin nāsti śubhācāraṃ tasya bhikṣāśino 'yateḥ / kim evaṃ śraddhayā nityaṃ bhajase sadguror iva

Sanskrit only: no published translation is held for this verse.

कृपणो यः स्वयं भ्रष्टः परांश् च भ्रंशयेद् इह । अधर्मे ये ऽपि सद्धर्मम् इत्य् आख्यायाभिवंचते

kṛpaṇo yaḥ svayaṃ bhraṣṭaḥ parāṃś ca bhraṃśayed iha / adharme ye 'pi saddharmam ity ākhyāyābhivaṃcate

Sanskrit only: no published translation is held for this verse.

स किं शास्ता सुधीर् विज्ञो धर्मराजो मुनीश्वरः । सद्भिर् न पूजनीयो ऽसौ निंदनीयो हि दुर्गतिः

sa kiṃ śāstā sudhīr vijño dharmarājo munīśvaraḥ / sadbhir na pūjanīyo 'sau niṃdanīyo hi durgatiḥ

Sanskrit only: no published translation is held for this verse.

इति सत्यं मयाख्यातं हितार्थं ते शुभार्थिनः । यदि धर्मे ऽस्ति ते वांछा श्रुत्वास्मद्वचनं चर

iti satyaṃ mayākhyātaṃ hitārthaṃ te śubhārthinaḥ / yadi dharme 'sti te vāṃchā śrutvāsmadvacanaṃ cara

Sanskrit only: no published translation is held for this verse.

तद् बुद्धसंगतिं त्यक्त्वा तीर्थे स्नात्वा समाहितः । ब्रह्मणं विष्णुम् ईशानं भज नित्यं यथाविधिं

tad buddhasaṃgatiṃ tyaktvā tīrthe snātvā samāhitaḥ / brahmaṇaṃ viṣṇum īśānaṃ bhaja nityaṃ yathāvidhiṃ

Sanskrit only: no published translation is held for this verse.

ब्राह्मणं ये भजंत्य् अत्र सर्वे ते ब्रह्मचारिणः । परिशुद्धाशया भद्रा संप्रयान्ति सुरालयं

brāhmaṇaṃ ye bhajaṃty atra sarve te brahmacāriṇaḥ / pariśuddhāśayā bhadrā saṃprayānti surālayaṃ

Sanskrit only: no published translation is held for this verse.

ये भजन्ति सदा विष्णुं न ते गछंति दुर्गतिं । सद्गतिं सर्वदा याता भवन्ति मनुजाधिपाः

ye bhajanti sadā viṣṇuṃ na te gachaṃti durgatiṃ / sadgatiṃ sarvadā yātā bhavanti manujādhipāḥ

Sanskrit only: no published translation is held for this verse.

ये भजन्ति महारुद्रं न ते गछन्ति नारके । सर्वसौख्यानि संभुक्त्वा यान्ति चान्ते शिवालयं

ye bhajanti mahārudraṃ na te gachanti nārake / sarvasaukhyāni saṃbhuktvā yānti cānte śivālayaṃ

Sanskrit only: no published translation is held for this verse.

एवं मत्वात्र संसारे यदि सौख्यं सदेछसि । तद् एताण् त्रिजगन्नाथान् भज नित्यं प्रपूजयन्

evaṃ matvātra saṃsāre yadi saukhyaṃ sadechasi / tad etāṇ trijagannāthān bhaja nityaṃ prapūjayan

Sanskrit only: no published translation is held for this verse.

एतन् मे वचनैः श्रुत्वा भज तान् सद्गुरून् यतीन् । तेषां सद्धर्मम् आकर्ण्य चर नित्यं शुभे व्रते

etan me vacanaiḥ śrutvā bhaja tān sadgurūn yatīn / teṣāṃ saddharmam ākarṇya cara nityaṃ śubhe vrate

Sanskrit only: no published translation is held for this verse.

तथा ते मंगलं नित्यं सर्वदात्र भवेद् ध्रुवं । अन्ते पापविनिर्मुक्ताः प्रयान्ति त्रिदशालयं

tathā te maṃgalaṃ nityaṃ sarvadātra bhaved dhruvaṃ / ante pāpavinirmuktāḥ prayānti tridaśālayaṃ

Sanskrit only: no published translation is held for this verse.

इति तेनोदितं श्रुत्वा मालिकः स विरोषितः । तैर्थिकं तं समारभ्य परिभाष्यैवम् अब्रवीत्

iti tenoditaṃ śrutvā mālikaḥ sa viroṣitaḥ / tairthikaṃ taṃ samārabhya paribhāṣyaivam abravīt

Sanskrit only: no published translation is held for this verse.

आ किम् एवं वदस्य् अत्र मा मैवं वदथाः पुनः । त्वम् एव नरकं याया निन्दसे यन् मुनीश्वरं

ā kim evaṃ vadasy atra mā maivaṃ vadathāḥ punaḥ / tvam eva narakaṃ yāyā nindase yan munīśvaraṃ

Sanskrit only: no published translation is held for this verse.

शृण्व् अत्राहं प्रवक्ष्यामि संबुद्धे गुणम् अल्पकं । विस्तरेण कथं वक्तुं शक्यते ऽल्पशिया मया

śṛṇv atrāhaṃ pravakṣyāmi saṃbuddhe guṇam alpakaṃ / vistareṇa kathaṃ vaktuṃ śakyate 'lpaśiyā mayā

Sanskrit only: no published translation is held for this verse.

श्रुत्वा त्वया विचार्यैव सद् असच् च परीक्ष्यतां

śrutvā tvayā vicāryaiva sad asac ca parīkṣyatāṃ

Sanskrit only: no published translation is held for this verse.

संबुद्ध एव भगवान् सुगुणी न विष्णुः संशस्यते न हिरण्यगर्भः । तेषां सुभद्रचरितातिशयप्रभावाञ् छ्रुत्वा विचारयत को गुणवान् न वेति

saṃbuddha eva bhagavān suguṇī na viṣṇuḥ saṃśasyate na hiraṇyagarbhaḥ / teṣāṃ subhadracaritātiśayaprabhāvāñ chrutvā vicārayata ko guṇavān na veti

Sanskrit only: no published translation is held for this verse.

विष्णुः समुद्यततहो विघृणैः प्रमायी रुद्रो विभूत्यजकयोलधरः प्रमत्तः । एकान्तशान्तचरिताशयस् तु बुद्धः कं पूजयेमहि सुशान्तम् अशान्तरूपं ॥ र्म् २७।१५० ३६! ॥ दुर्योधनादि नृपनाशकरः स चक्री हरस् त्रिपूरनाशकः पिनाकी । क्रौंचं गुहो ऽपि दृढशक्ति हते चकार बुद्धस्तोकवलमयस् तु जगतां हितेषी

viṣṇuḥ samudyatataho vighṛṇaiḥ pramāyī rudro vibhūtyajakayoladharaḥ pramattaḥ / ekāntaśāntacaritāśayas tu buddhaḥ kaṃ pūjayemahi suśāntam aśāntarūpaṃ // Rm 27.150 36! // duryodhanādi nṛpanāśakaraḥ sa cakrī haras tripūranāśakaḥ pinākī / krauṃcaṃ guho 'pi dṛḍhaśakti hate cakāra buddhastokavalamayas tu jagatāṃ hiteṣī

Sanskrit only: no published translation is held for this verse.

पीड्याममायमयम् एव तु रक्षणीयो वध्यो यम् इत्य् अपि सुरोत्तमनीतिर् एषा । निःश्रेयसात्युदयसौख्यहितैकबुद्धिर् बुद्धस्य नैवरिदवोनहिवं

pīḍyāmamāyamayam eva tu rakṣaṇīyo vadhyo yam ity api surottamanītir eṣā / niḥśreyasātyudayasaukhyahitaikabuddhir buddhasya naivaridavonahivaṃ

Sanskrit only: no published translation is held for this verse.

रागादि दोषजनितानि वचान्सि विष्णोर् उन्मत्तचेष्टितकराणि च यानि शम्भोः । निःशेषदोषशमकारिततथागतस्य वंद्यत्वम् अर्हति च को ऽत्र विचारयध्वं

rāgādi doṣajanitāni vacānsi viṣṇor unmattaceṣṭitakarāṇi ca yāni śambhoḥ / niḥśeṣadoṣaśamakāritatathāgatasya vaṃdyatvam arhati ca ko 'tra vicārayadhvaṃ

Sanskrit only: no published translation is held for this verse.

यश् चोद्यतः परिवधाय घृणां विहाय त्राणाय यश् च जगतः कृपया प्रवृत्तः । रागी च यो भवति यश् च विमुक्तरागः पूज्यंस् तयोः क इह तं वदतानुचिन्त्य

yaś codyataḥ parivadhāya ghṛṇāṃ vihāya trāṇāya yaś ca jagataḥ kṛpayā pravṛttaḥ / rāgī ca yo bhavati yaś ca vimuktarāgaḥ pūjyaṃs tayoḥ ka iha taṃ vadatānucintya

Sanskrit only: no published translation is held for this verse.

शक्रं वज्रधरं बलं हलधरं कृष्णं च चक्रायुधं स्कंदं शक्तिधरं श्मशानविलयं रुद्रं त्रिशूलायुधं । एतान् दुःखभयाङ्कितान् गतघृणान् बालान् विचित्रायुधान् नित्यं प्राणिवधोद्युते प्रहरणान् कस् तान् नमस्येद् बुधः

śakraṃ vajradharaṃ balaṃ haladharaṃ kṛṣṇaṃ ca cakrāyudhaṃ skaṃdaṃ śaktidharaṃ śmaśānavilayaṃ rudraṃ triśūlāyudhaṃ / etān duḥkhabhayāṅkitān gataghṛṇān bālān vicitrāyudhān nityaṃ prāṇivadhodyute praharaṇān kas tān namasyed budhaḥ

Sanskrit only: no published translation is held for this verse.

न यः शूलं धत्ते न च सुरतिम् अङ्के सुवदनां न चक्रं शक्तिं वा न च कुलिशम् उग्रं रव हलं विनिर्मुक्तं क्लेशैः परहितविधानाद्यतधियं । शरण्यं लोकानं तम् ऋषिम् उपयातास्मि शरणं

na yaḥ śūlaṃ dhatte na ca suratim aṅke suvadanāṃ na cakraṃ śaktiṃ vā na ca kuliśam ugraṃ rava halaṃ vinirmuktaṃ kleśaiḥ parahitavidhānādyatadhiyaṃ / śaraṇyaṃ lokānaṃ tam ṛṣim upayātāsmi śaraṇaṃ

Sanskrit only: no published translation is held for this verse.

रुद्रो रागवशात् स्त्रियं वहति यो हिंस्या ह्रिया वर्जिता विष्णुः क्रूरतरः कृतघ्नचरितः स्कंधः स्वयंज्ञाति ह । क्रूरास्या महिषान्तकृन् नरवशा मान्साशिनी पार्वती पानेप्सी च विनायको दशबलो स्रस्तो ह्य् अदोषः सुहृत्

rudro rāgavaśāt striyaṃ vahati yo hiṃsyā hriyā varjitā viṣṇuḥ krūrataraḥ kṛtaghnacaritaḥ skaṃdhaḥ svayaṃjñāti ha / krūrāsyā mahiṣāntakṛn naravaśā mānsāśinī pārvatī pānepsī ca vināyako daśabalo srasto hy adoṣaḥ suhṛt

Sanskrit only: no published translation is held for this verse.

वंधुर् नभे स भगवान् न रिपुर् न चान्यः शास्ता त्रिलोकगुरुर् एकतमो ऽपि धीरः श्रुत्वा वचःसुचरितातिशयप्रभावं बुद्धं गुणातिशयलोभतयाश्रिताः स्मः

vaṃdhur nabhe sa bhagavān na ripur na cānyaḥ śāstā trilokagurur ekatamo 'pi dhīraḥ śrutvā vacaḥsucaritātiśayaprabhāvaṃ buddhaṃ guṇātiśayalobhatayāśritāḥ smaḥ

Sanskrit only: no published translation is held for this verse.

नास्माकं सुगतः पिता न रिपवस् तीर्थ्यांधनं नैव ते । दत्तं तेन तथागतेन च हृतं किंचित् कणादादिभिः । किं त्व् एकांतजगद्धितः स भगवान् बुद्धो यतश् चामलं वाक्यं सर्वमलापहारिच यतस् तद् भिक्तवंतो वयं

nāsmākaṃ sugataḥ pitā na ripavas tīrthyāṃdhanaṃ naiva te / dattaṃ tena tathāgatena ca hṛtaṃ kiṃcit kaṇādādibhiḥ / kiṃ tv ekāṃtajagaddhitaḥ sa bhagavān buddho yataś cāmalaṃ vākyaṃ sarvamalāpahārica yatas tad bhiktavaṃto vayaṃ

Sanskrit only: no published translation is held for this verse.

गूढं यश् च ज्ञे भयं करतलम् इवावैति सकलं प्रपद्यध्वं सन्तस् तेमृषिवरदरं भक्तिमनसः

gūḍhaṃ yaś ca jñe bhayaṃ karatalam ivāvaiti sakalaṃ prapadyadhvaṃ santas temṛṣivaradaraṃ bhaktimanasaḥ

Sanskrit only: no published translation is held for this verse.

असर्वभावेन यदृच्छया वा परानुवृत्य विचिकित्सया वा । ये तं नमस्यन्ति मुनीन्द्रचंद्रं ते ऽप्य् आमरीसंपदम् आप्नुवंति

asarvabhāvena yadṛcchayā vā parānuvṛtya vicikitsayā vā / ye taṃ namasyanti munīndracaṃdraṃ te 'py āmarīsaṃpadam āpnuvaṃti

Sanskrit only: no published translation is held for this verse.

पौराणीश्रुतिनेष लोकमहितो बुद्धः किलायं हरिर् दृष्ट्वा जन्मजराविपत्तिवशगं लोकं कृपाभ्युद्यतः । जातः शाक्यकुलेन्दुरच्युतमतिस् त्राता नृणां गौतमः शास्तारं हितम् एव कस् तम् अधुना नावैति मूढो जनः

paurāṇīśrutineṣa lokamahito buddhaḥ kilāyaṃ harir dṛṣṭvā janmajarāvipattivaśagaṃ lokaṃ kṛpābhyudyataḥ / jātaḥ śākyakulenduracyutamatis trātā nṛṇāṃ gautamaḥ śāstāraṃ hitam eva kas tam adhunā nāvaiti mūḍho janaḥ

Sanskrit only: no published translation is held for this verse.

यदा रागद्वेषाद् असुरसुरदारापहरणं कृतं मायाद्वित्वं धरणिहरणाशक्तमतिना । तदा पूज्यो वन्द्यो हरिर् अपरिमुक्तो ऽबुधतया विनिर्मुक्तं बुद्धं न नमति जनो माहवहुलः

yadā rāgadveṣād asurasuradārāpaharaṇaṃ kṛtaṃ māyādvitvaṃ dharaṇiharaṇāśaktamatinā / tadā pūjyo vandyo harir aparimukto 'budhatayā vinirmuktaṃ buddhaṃ na namati jano māhavahulaḥ

Sanskrit only: no published translation is held for this verse.

चतुर्जलधिमेखलाकुरतम्बभारालसां महीं महतीं विसृज्य हरयेवापकष्टां वलिः । प्रदाय मुनये तु पांशुलवम् अप्य् अशोको नृपः क्षितिं सकलचंद्रमण्डलतराञ् च संप्राप्तवान्

caturjaladhimekhalākuratambabhārālasāṃ mahīṃ mahatīṃ visṛjya harayevāpakaṣṭāṃ valiḥ / pradāya munaye tu pāṃśulavam apy aśoko nṛpaḥ kṣitiṃ sakalacaṃdramaṇḍalatarāñ ca saṃprāptavān

Sanskrit only: no published translation is held for this verse.

यक्षपातो न मे बुद्धेन द्वेषटकपिलादिषु । मुक्तिमच् च वचो यस्य कार्यस् तस्य परिग्रहः

yakṣapāto na me buddhena dveṣaṭakapilādiṣu / muktimac ca vaco yasya kāryas tasya parigrahaḥ

Sanskrit only: no published translation is held for this verse.

अवश्यम् एषां कतमो ऽपि सर्ववित् जगर्द्धितैकान्तविशालसारः । स एव मृग्यो ह्य् अतिसूक्ष्मचेतसा जनेन शेषैः किम् अनर्थपण्डितैः

avaśyam eṣāṃ katamo 'pi sarvavit jagarddhitaikāntaviśālasāraḥ / sa eva mṛgyo hy atisūkṣmacetasā janena śeṣaiḥ kim anarthapaṇḍitaiḥ

Sanskrit only: no published translation is held for this verse.

यस्यापि किञ्चिन् न हि दोषलेशं शरद्गुणाः सन्ति जगद्धितार्थे । ब्रह्मापि विष्णुतिरिणो हरिर् वा समेहि शास्ता शुभकारिमित्रं

yasyāpi kiñcin na hi doṣaleśaṃ śaradguṇāḥ santi jagaddhitārthe / brahmāpi viṣṇutiriṇo harir vā samehi śāstā śubhakārimitraṃ

Sanskrit only: no published translation is held for this verse.

यस्य न विद्यते दोषो विद्यन्ते सकला गुणाः । सर्वज्ञः स जगच्छास्ता तम् अहं शरणं व्रजे

yasya na vidyate doṣo vidyante sakalā guṇāḥ / sarvajñaḥ sa jagacchāstā tam ahaṃ śaraṇaṃ vraje

Sanskrit only: no published translation is held for this verse.

यो ऽस्मिन् सुदृष्ट्यात् संरक्ष्यति जगच्छुभे । तस्याहं शरणं गत्वा भजामि सततं मुदा

yo 'smin sudṛṣṭyāt saṃrakṣyati jagacchubhe / tasyāhaṃ śaraṇaṃ gatvā bhajāmi satataṃ mudā

Sanskrit only: no published translation is held for this verse.

यं दृष्ट्वा सुप्रसन्नास् ते भवन्ति निर्मलाशयाः । तम् एव सुगतं नाथं भजामि शरणं गतः

yaṃ dṛṣṭvā suprasannās te bhavanti nirmalāśayāḥ / tam eva sugataṃ nāthaṃ bhajāmi śaraṇaṃ gataḥ

Sanskrit only: no published translation is held for this verse.

येनैव त्रिजगल्लोकं पुत्रवत् प्रतिपालितं । तम् एव त्रिजगन्नाथं भजामि शरणं ततः

yenaiva trijagallokaṃ putravat pratipālitaṃ / tam eva trijagannāthaṃ bhajāmi śaraṇaṃ tataḥ

Sanskrit only: no published translation is held for this verse.

यस्मै सुश्रद्धया दत्तं तत् फलं बोधिसाधनं । तम् एव श्रीघनं भक्त्या भजामि शरणं गतः

yasmai suśraddhayā dattaṃ tat phalaṃ bodhisādhanaṃ / tam eva śrīghanaṃ bhaktyā bhajāmi śaraṇaṃ gataḥ

Sanskrit only: no published translation is held for this verse.

यस्माद् धर्मामृतं पीत्वा सर्वे सत्वाः प्रमोदिनः । तम् एव संति सर्वे ऽपि दुःखछेदनसद्गुणाः । तम् एव श्रीप्रदातारं भजामि श्रद्धयादरात्

yasmād dharmāmṛtaṃ pītvā sarve satvāḥ pramodinaḥ / tam eva saṃti sarve 'pi duḥkhachedanasadguṇāḥ / tam eva śrīpradātāraṃ bhajāmi śraddhayādarāt

Sanskrit only: no published translation is held for this verse.

बुद्ध एव जगच्छास्ता बुद्ध एव जगद्गुरुः । बुद्ध एव जगन्नाथो बुद्ध एव मुनीश्वरः

buddha eva jagacchāstā buddha eva jagadguruḥ / buddha eva jagannātho buddha eva munīśvaraḥ

Sanskrit only: no published translation is held for this verse.

तद् अहं सर्वभावेन बुद्धस्य शरणं गतः । श्रद्धया धर्मम् आसाद्य भजामि बोधिप्राप्तये

tad ahaṃ sarvabhāvena buddhasya śaraṇaṃ gataḥ / śraddhayā dharmam āsādya bhajāmi bodhiprāptaye

Sanskrit only: no published translation is held for this verse.

ये बुद्धं शरणं यान्ति न ते गछन्ति दुर्गतिं । निर्मुक्तपापकाः सौख्यं भुक्त्वा यांति जिनालयं

ye buddhaṃ śaraṇaṃ yānti na te gachanti durgatiṃ / nirmuktapāpakāḥ saukhyaṃ bhuktvā yāṃti jinālayaṃ

Sanskrit only: no published translation is held for this verse.

शृण्वन्ति सौगतं वाक्यं ये ते न यान्ति दुर्गतिं । समन्तभद्रसौख्यानि भुक्त्वा यांति सुखावतिं

śṛṇvanti saugataṃ vākyaṃ ye te na yānti durgatiṃ / samantabhadrasaukhyāni bhuktvā yāṃti sukhāvatiṃ

Sanskrit only: no published translation is held for this verse.

भजन्ति लोकनाथं ये ते ऽपि न यान्ति दुर्गतिं । पापमुक्ताः सुखान्य् एव भुक्त्वा यांति सुरालयं

bhajanti lokanāthaṃ ye te 'pi na yānti durgatiṃ / pāpamuktāḥ sukhāny eva bhuktvā yāṃti surālayaṃ

Sanskrit only: no published translation is held for this verse.

एतद् रत्नत्रयं लोके उत्पन्नं सद्गुणाकरं । तद् अहं शरणं गत्वा भजामि समुपासिकः

etad ratnatrayaṃ loke utpannaṃ sadguṇākaraṃ / tad ahaṃ śaraṇaṃ gatvā bhajāmi samupāsikaḥ

Sanskrit only: no published translation is held for this verse.

एतत्पुण्यविपाकेन सर्वसत्वहितार्थकः । क्रमाद् बोधिचराः पूर्य संबुद्धपदम् आप्नुयात्

etatpuṇyavipākena sarvasatvahitārthakaḥ / kramād bodhicarāḥ pūrya saṃbuddhapadam āpnuyāt

Sanskrit only: no published translation is held for this verse.

तदाहं सुगतो भूत्वा सर्वसत्वशुभार्थभृत् । सत्वान् बोधौ प्रतिष्ठाप्य निर्वृतिं समवाप्नुयात्

tadāhaṃ sugato bhūtvā sarvasatvaśubhārthabhṛt / satvān bodhau pratiṣṭhāpya nirvṛtiṃ samavāpnuyāt

Sanskrit only: no published translation is held for this verse.

एवं विज्ञाय सद्धर्मं यदीछति भवान् अपि । त्रिरत्नशरणं गत्वा भज नित्यं समादरात्

evaṃ vijñāya saddharmaṃ yadīchati bhavān api / triratnaśaraṇaṃ gatvā bhaja nityaṃ samādarāt

Sanskrit only: no published translation is held for this verse.

एतत्पुण्यविपाकेन सदा त्वं सद्गतिं ततः । बोधिं चापि समासाद्य संबुद्धपदम् आप्नुयाः

etatpuṇyavipākena sadā tvaṃ sadgatiṃ tataḥ / bodhiṃ cāpi samāsādya saṃbuddhapadam āpnuyāḥ

Sanskrit only: no published translation is held for this verse.

इति तेन समाख्यातं श्रुत्वा स परिबोधितः । तैर्थ्यधर्मं प्रतिक्षिप्य संबुद्धश्रावको ऽभवत्

iti tena samākhyātaṃ śrutvā sa paribodhitaḥ / tairthyadharmaṃ pratikṣipya saṃbuddhaśrāvako 'bhavat

Sanskrit only: no published translation is held for this verse.

तदारभ्य सदा नित्यं सद्धर्मश्रवणोत्सुकः । विहारे समुपाश्रित्य प्राभजत् तं मुनीश्वरं

tadārabhya sadā nityaṃ saddharmaśravaṇotsukaḥ / vihāre samupāśritya prābhajat taṃ munīśvaraṃ

Sanskrit only: no published translation is held for this verse.

इति मे गुरुणादिष्टं श्रुतं मया तथोच्यते । त्वं चाप्य् एवं महाराज त्रिरत्नं सर्वदा भज

iti me guruṇādiṣṭaṃ śrutaṃ mayā tathocyate / tvaṃ cāpy evaṃ mahārāja triratnaṃ sarvadā bhaja

Sanskrit only: no published translation is held for this verse.

प्रजाश् चापि महाराज बोधयित्वा प्रयत्नतः । बोधिमार्गे प्रतिष्ठाप्य पालयस्व समाहितः

prajāś cāpi mahārāja bodhayitvā prayatnataḥ / bodhimārge pratiṣṭhāpya pālayasva samāhitaḥ

Sanskrit only: no published translation is held for this verse.

एतत्पुण्यविपाकेन सदा ते मंगलं भवेत् । क्रमाद् बोधिचरीः पूर्य संबुद्धपदम् आप्नुयाः

etatpuṇyavipākena sadā te maṃgalaṃ bhavet / kramād bodhicarīḥ pūrya saṃbuddhapadam āpnuyāḥ

Sanskrit only: no published translation is held for this verse.

इति तेनार्हतादिष्टं श्रुत्वाशोकः स भूमिपः । तथेति प्रतिविज्ञप्य प्राभ्यनन्दत् सपार्षदः

iti tenārhatādiṣṭaṃ śrutvāśokaḥ sa bhūmipaḥ / tatheti prativijñapya prābhyanandat sapārṣadaḥ

Sanskrit only: no published translation is held for this verse.