सन्ति बुद्धे प्रसन्ना ये भजंति शरणं गताः । देहभेदाद् इहोत्पन्नास् ते ऽपि संबोधिलाभिनः
santi buddhe prasannā ye bhajaṃti śaraṇaṃ gatāḥ / dehabhedād ihotpannās te 'pi saṃbodhilābhinaḥ
Sanskrit only: no published translation is held for this verse.
Ratnamālāvadāna 29
एवम् एतत् समाख्यातं मौद्गल्येन महात्मना । मुनीन्द्रशक्रदेवैश् च श्रुत्वा सर्वे सुरा मुदा
evam etat samākhyātaṃ maudgalyena mahātmanā / munīndraśakradevaiś ca śrutvā sarve surā mudā
Sanskrit only: no published translation is held for this verse.
प्रबोधिताः परिज्ञाय संबुद्धशरणं ययुः । तत्र सर्वे ऽपि ते देवास् त्रिरत्नभजनोद्यताः
prabodhitāḥ parijñāya saṃbuddhaśaraṇaṃ yayuḥ / tatra sarve 'pi te devās triratnabhajanodyatāḥ
Sanskrit only: no published translation is held for this verse.
तत्पुण्यैः श्रोतआपत्तिफलं साक्षात् समाययुः ॥ र्म् २९।१२४ २३! ॥ ततस् तां श्रीघनं नात्वा मौद्गल्यं च प्रसादिताः । ते शक्रादयो देवाः सर्वे स्वस्वालयां ययुः
tatpuṇyaiḥ śrotaāpattiphalaṃ sākṣāt samāyayuḥ // Rm 29.124 23! // tatas tāṃ śrīghanaṃ nātvā maudgalyaṃ ca prasāditāḥ / te śakrādayo devāḥ sarve svasvālayāṃ yayuḥ
Sanskrit only: no published translation is held for this verse.
अथ सो ऽर्हन् महाभिज्ञो मौद्गल्यायन आत्मवित् । भगवन्तं तम् आनम्य सांजलिर् एवम् अब्रवीत्
atha so 'rhan mahābhijño maudgalyāyana ātmavit / bhagavantaṃ tam ānamya sāṃjalir evam abravīt
Sanskrit only: no published translation is held for this verse.
अत्र सर्वे सुरा भद्रैश् चरन्ति बोधिमानसाः
atra sarve surā bhadraiś caranti bodhimānasāḥ
Sanskrit only: no published translation is held for this verse.
तत् तत्रापि मनुष्याणां हिताय भगवान् अपि । जम्बुद्वीपे ऽधुना शास्तः समवतर्त्तुम् अर्हति
tat tatrāpi manuṣyāṇāṃ hitāya bhagavān api / jambudvīpe 'dhunā śāstaḥ samavatarttum arhati
Sanskrit only: no published translation is held for this verse.
इति संप्रार्थिते तेन मौद्गल्येन महात्मना । भगवांस् तं महासत्वं मौद्गल्यम् एवम् आदिशत्
iti saṃprārthite tena maudgalyena mahātmanā / bhagavāṃs taṃ mahāsatvaṃ maudgalyam evam ādiśat
Sanskrit only: no published translation is held for this verse.
साधु गछाधुना तत्र जम्बुद्वीपे निजाश्रमे । गत्वा लोकसभामध्ये स्थित्वैवं संप्रबोधय
sādhu gachādhunā tatra jambudvīpe nijāśrame / gatvā lokasabhāmadhye sthitvaivaṃ saṃprabodhaya
Sanskrit only: no published translation is held for this verse.
अवतरेज् जगद्वन्धुर् इतो ऽह्नि सप्तमे दिवः । सांकाशे नगरे ह्य् आपज्जुरे वन उदुम्वरे
avatarej jagadvandhur ito 'hni saptame divaḥ / sāṃkāśe nagare hy āpajjure vana udumvare
Sanskrit only: no published translation is held for this verse.
इत्य् आदिष्टं मुनीन्द्रेण श्रुत्वा मौद्गल्य आत्मवित् । तथेति प्रतिविज्ञप्य तथा कर्तुं समैछत
ity ādiṣṭaṃ munīndreṇa śrutvā maudgalya ātmavit / tatheti prativijñapya tathā kartuṃ samaichata
Sanskrit only: no published translation is held for this verse.
अथ स ऋद्धिमान् योगी मौद्गल्यायन आत्मवित् । सांजलिस् तं मुनिं नत्वा समाधिं विदधे तदा
atha sa ṛddhimān yogī maudgalyāyana ātmavit / sāṃjalis taṃ muniṃ natvā samādhiṃ vidadhe tadā
Sanskrit only: no published translation is held for this verse.
ततः सो ऽर्हं महाभिज्ञो मौद्गल्यो ऽन्तर्हितो दिवि । क्षणात् पक्षी यथाकाशाज् जम्बुद्वीपम् अवातरत्
tataḥ so 'rhaṃ mahābhijño maudgalyo 'ntarhito divi / kṣaṇāt pakṣī yathākāśāj jambudvīpam avātarat
Sanskrit only: no published translation is held for this verse.
तत्र जेताश्रमे सो ऽर्हन्न् अवतार्य निजाश्रमे । शुभासनसमासीनः प्रभासयन् न्यषीदत
tatra jetāśrame so 'rhann avatārya nijāśrame / śubhāsanasamāsīnaḥ prabhāsayan nyaṣīdata
Sanskrit only: no published translation is held for this verse.
तं दृष्ट्वासन आसीनं मौद्गल्यं समुपागतं । मत्वा ते सांघिकाः सर्वे मुदिताः समुपाचरन्
taṃ dṛṣṭvāsana āsīnaṃ maudgalyaṃ samupāgataṃ / matvā te sāṃghikāḥ sarve muditāḥ samupācaran
Sanskrit only: no published translation is held for this verse.
तच् छ्रुत्वा मुदिताः सर्वे लोकाश् चापि नृपादयः । विहारे जेतकारामे सहसा समुपाचरन्
tac chrutvā muditāḥ sarve lokāś cāpi nṛpādayaḥ / vihāre jetakārāme sahasā samupācaran
Sanskrit only: no published translation is held for this verse.
तत्रासनसमासीनं मौद्गल्यं तं महर्द्धिकं । दृष्ट्वा सर्वे ऽपि ते नत्वा परिवृत्योपतस्थिरे
tatrāsanasamāsīnaṃ maudgalyaṃ taṃ maharddhikaṃ / dṛṣṭvā sarve 'pi te natvā parivṛtyopatasthire
Sanskrit only: no published translation is held for this verse.
ततस् ते भिक्षवः सर्वे मौद्गल्यं तं महर्द्धिकं । कृतांजलिपुटा नत्वा पप्रछुर् एवम् आदरात्
tatas te bhikṣavaḥ sarve maudgalyaṃ taṃ maharddhikaṃ / kṛtāṃjalipuṭā natvā paprachur evam ādarāt
Sanskrit only: no published translation is held for this verse.
भदन्त कुशलं कच्चिद् भवतो ऽपि जगद्गुरोः । कुत्र स भगवान् धर्मम् आदिशंस् तिष्ठते दिवि
bhadanta kuśalaṃ kaccid bhavato 'pi jagadguroḥ / kutra sa bhagavān dharmam ādiśaṃs tiṣṭhate divi
Sanskrit only: no published translation is held for this verse.
कदा स भगवांच् छास्ता स्वर्गाद् इह समाचरेत् । कथं चापि समाख्याति तत् सर्वं समुपादिश
kadā sa bhagavāṃc chāstā svargād iha samācaret / kathaṃ cāpi samākhyāti tat sarvaṃ samupādiśa
Sanskrit only: no published translation is held for this verse.
इति तैः प्रार्थितं श्रुत्वा स मौद्गल्यायनो यतिः । तां सर्वान् संघिकाल् लोकांश् चापि दृष्ट्वैवम् अब्रवीत्
iti taiḥ prārthitaṃ śrutvā sa maudgalyāyano yatiḥ / tāṃ sarvān saṃghikāl lokāṃś cāpi dṛṣṭvaivam abravīt
Sanskrit only: no published translation is held for this verse.
भवन्तः कुशलं शास्तु मुनीन्द्रस्य ममापि च । युष्माकम् अपि नाम्नो ऽहम् अवन्दं तं मुनीश्वरं
bhavantaḥ kuśalaṃ śāstu munīndrasya mamāpi ca / yuṣmākam api nāmno 'ham avandaṃ taṃ munīśvaraṃ
Sanskrit only: no published translation is held for this verse.
परिजातम् उपाश्रित्य सेन्द्रदेवैः समर्चितः । मातुः स भगवान् धर्मम् आदिशंस् तिष्ठते दिवि
parijātam upāśritya sendradevaiḥ samarcitaḥ / mātuḥ sa bhagavān dharmam ādiśaṃs tiṣṭhate divi
Sanskrit only: no published translation is held for this verse.
यथा युष्माभिर् आख्यातं तथा निवेदितं मया । श्रुत्वा स भगवांच् छास्ता ममैवं समुपादिशत्
yathā yuṣmābhir ākhyātaṃ tathā niveditaṃ mayā / śrutvā sa bhagavāṃc chāstā mamaivaṃ samupādiśat
Sanskrit only: no published translation is held for this verse.
इतो ऽह्नि सप्तमे स्वर्गाद् अवतरेय भूतले । सांकाशनगरोपापज्जुरे वने उदुम्वरे
ito 'hni saptame svargād avatareya bhūtale / sāṃkāśanagaropāpajjure vane udumvare
Sanskrit only: no published translation is held for this verse.
इत्य् आदिश्य मुनीन्द्रेण प्रेषितो ऽहम् इहाचरे । एतद् यूयं परिज्ञाय प्राभ्यनन्दत सांप्रतं
ity ādiśya munīndreṇa preṣito 'ham ihācare / etad yūyaṃ parijñāya prābhyanandata sāṃprataṃ
Sanskrit only: no published translation is held for this verse.
इति तेनार्हताख्यातं श्रुत्वा ते संघिका मुदा । सेवं नृपादि लोकाश् च प्राभ्यनन्दन् प्रमोदिताः
iti tenārhatākhyātaṃ śrutvā te saṃghikā mudā / sevaṃ nṛpādi lokāś ca prābhyanandan pramoditāḥ
Sanskrit only: no published translation is held for this verse.
ततस् ते सांघिकाः सर्वे लोका भूपादयो ऽपि च । सांकाशनगरोपापज्जुरे वने उपाचरन्
tatas te sāṃghikāḥ sarve lokā bhūpādayo 'pi ca / sāṃkāśanagaropāpajjure vane upācaran
Sanskrit only: no published translation is held for this verse.
तदा स भगवांस् तत्र स्वर्गे सेन्द्रान् सुरान् अपि । मातरं समुपामंत्र्य पुर एवम् उपादिशत्
tadā sa bhagavāṃs tatra svarge sendrān surān api / mātaraṃ samupāmaṃtrya pura evam upādiśat
Sanskrit only: no published translation is held for this verse.
मातः सेन्द्रादि देवाश् च यूयं सर्वे समादरात् । त्रिरत्नभजनं कृत्वा प्रचरध्वं सदा शुभे
mātaḥ sendrādi devāś ca yūyaṃ sarve samādarāt / triratnabhajanaṃ kṛtvā pracaradhvaṃ sadā śubhe
Sanskrit only: no published translation is held for this verse.
गछेयं सांप्रतं धर्मम् उपदेष्टुं महीतले । नृणाम् अपि हितार्थेन गन्तुम् इछामि नान्यथा
gacheyaṃ sāṃprataṃ dharmam upadeṣṭuṃ mahītale / nṛṇām api hitārthena gantum ichāmi nānyathā
Sanskrit only: no published translation is held for this verse.
इत्य् आदिष्टं मुनीन्द्रेण सर्वे सेन्द्राः सुरा अपि । मातापि सांजलिर् नत्वा प्रार्थयत् तं मुनीश्वरं
ity ādiṣṭaṃ munīndreṇa sarve sendrāḥ surā api / mātāpi sāṃjalir natvā prārthayat taṃ munīśvaraṃ
Sanskrit only: no published translation is held for this verse.
भगवन् नाथ सर्वज्ञ को ऽस्माकं धर्मम् आदिशेत् । तद् अत्र कृपया धर्मम् आदेष्टुं स्थातुम् अर्हति
bhagavan nātha sarvajña ko 'smākaṃ dharmam ādiśet / tad atra kṛpayā dharmam ādeṣṭuṃ sthātum arhati
Sanskrit only: no published translation is held for this verse.
इति तैः प्रार्थिते भूयो भगवान् स मुनीश्वरः । मातरं तान् सुरान् सर्वान् दृष्ट्वैवं च समादिशत्
iti taiḥ prārthite bhūyo bhagavān sa munīśvaraḥ / mātaraṃ tān surān sarvān dṛṣṭvaivaṃ ca samādiśat
Sanskrit only: no published translation is held for this verse.
मातर् नाहं सदैकत्र तिष्ठेयं धर्मम् आदिशन् । सर्वसत्वहितार्थेन संबुद्धो ऽस्मि जगद्गुरुः
mātar nāhaṃ sadaikatra tiṣṭheyaṃ dharmam ādiśan / sarvasatvahitārthena saṃbuddho 'smi jagadguruḥ
Sanskrit only: no published translation is held for this verse.
तन् मातर् अहम् आलोक्य मर्त्यानां हितकाम्पया । सद्धर्मामृतसंदानं दातुं गछामि सांप्रतं
tan mātar aham ālokya martyānāṃ hitakāmpayā / saddharmāmṛtasaṃdānaṃ dātuṃ gachāmi sāṃprataṃ
Sanskrit only: no published translation is held for this verse.
इत्य् आदिष्टं मुनीन्द्रेण श्रुत्वा माता सुरा अपि । सेन्द्राः सर्वे ऽपि ते शास्तुः पादाम्बुजे प्रणेमिरे
ity ādiṣṭaṃ munīndreṇa śrutvā mātā surā api / sendrāḥ sarve 'pi te śāstuḥ pādāmbuje praṇemire
Sanskrit only: no published translation is held for this verse.
ततस् ते त्रिदशाः सर्वे मातापि तस्य तायिनः । त्रिधा प्रदक्षिणीकृत्य नत्वा स्वस्वालयं ययुः
tatas te tridaśāḥ sarve mātāpi tasya tāyinaḥ / tridhā pradakṣiṇīkṛtya natvā svasvālayaṃ yayuḥ
Sanskrit only: no published translation is held for this verse.
ततः स भगवांस् तत्र देवालये समाहितः । तत् समाधिं समाधाय क्षणाद् अन्तर्हितो ऽचरत्
tataḥ sa bhagavāṃs tatra devālaye samāhitaḥ / tat samādhiṃ samādhāya kṣaṇād antarhito 'carat
Sanskrit only: no published translation is held for this verse.
ततः स भगवांस् तत्र जम्बुद्वीपे प्रभासयन् । सांकाशनगरोपापज्जुरे दावे उदुम्वरे
tataḥ sa bhagavāṃs tatra jambudvīpe prabhāsayan / sāṃkāśanagaropāpajjure dāve udumvare
Sanskrit only: no published translation is held for this verse.
अवतीर्य क्षणात् तत्र शुद्धासने सुरास्तृते । समाधाय समासीनस् तस्थौ ध्यानसमाहितः
avatīrya kṣaṇāt tatra śuddhāsane surāstṛte / samādhāya samāsīnas tasthau dhyānasamāhitaḥ
Sanskrit only: no published translation is held for this verse.
तं दृष्ट्वा स्वासनासीनं श्रीघनं समुपागतं । सर्वे ते सांघिका लोका भूपादयो ऽप्य् उपाचरन्
taṃ dṛṣṭvā svāsanāsīnaṃ śrīghanaṃ samupāgataṃ / sarve te sāṃghikā lokā bhūpādayo 'py upācaran
Sanskrit only: no published translation is held for this verse.
तत्र तं श्रीघनं नत्वा सर्वे ते संप्रमोदिताः । त्रिधा प्रदक्षिणीकृत्य समभ्यर्च्योपतस्थिरे
tatra taṃ śrīghanaṃ natvā sarve te saṃpramoditāḥ / tridhā pradakṣiṇīkṛtya samabhyarcyopatasthire
Sanskrit only: no published translation is held for this verse.
ब्रह्मशक्रादि देवाश् च यक्षगंधर्वकिन्नराः । दैत्या विद्याधरा नागा गरुडाः सिद्धादयो ऽपि च
brahmaśakrādi devāś ca yakṣagaṃdharvakinnarāḥ / daityā vidyādharā nāgā garuḍāḥ siddhādayo 'pi ca
Sanskrit only: no published translation is held for this verse.
श्रीघनं समायातं द्रष्टुं सर्वे समागताः । नत्वा प्रदक्षिणीकृत्य समभ्यर्च्योपतस्थिरे
śrīghanaṃ samāyātaṃ draṣṭuṃ sarve samāgatāḥ / natvā pradakṣiṇīkṛtya samabhyarcyopatasthire
Sanskrit only: no published translation is held for this verse.
तत्रोपपादुको भिक्षुर् भगवन्तं ससांघिकं । देवादि सर्वलोकांश् च भोजयितुं न्यमंत्रयत्
tatropapāduko bhikṣur bhagavantaṃ sasāṃghikaṃ / devādi sarvalokāṃś ca bhojayituṃ nyamaṃtrayat
Sanskrit only: no published translation is held for this verse.
भगवान् अपि देवादि लोकाः सर्वे प्रसादिताः । तस्यानुग्रहम् आधातुं तथेति प्रत्यमोदयन्
bhagavān api devādi lokāḥ sarve prasāditāḥ / tasyānugraham ādhātuṃ tatheti pratyamodayan
Sanskrit only: no published translation is held for this verse.
अथ स भगवांस् तत्र भोजनसमयागते । संघमेलापने गण्डीम् आकोटयन् प्रनादिनीं
atha sa bhagavāṃs tatra bhojanasamayāgate / saṃghamelāpane gaṇḍīm ākoṭayan pranādinīṃ
Sanskrit only: no published translation is held for this verse.
तद्गण्डीदेशनाकाले तस्य भिक्षोर् यथेहितं । तथासनां वस्त्राणि दिव्यानि रुचिरानि च
tadgaṇḍīdeśanākāle tasya bhikṣor yathehitaṃ / tathāsanāṃ vastrāṇi divyāni rucirāni ca
Sanskrit only: no published translation is held for this verse.
पूजाङ्गान्य् अपि दिव्यानि भोज्यपानामृतान्य् अपि । सर्वाण्य् उपचारवस्तूनि पुनः प्रादुर्बभूविरे
pūjāṅgāny api divyāni bhojyapānāmṛtāny api / sarvāṇy upacāravastūni punaḥ prādurbabhūvire
Sanskrit only: no published translation is held for this verse.
तदा स भिक्षुर् आलोक्य सर्वसामग्रसंयुतं । भगवंतं ससंघं तं नत्वैवं प्रार्थयन् मुदा
tadā sa bhikṣur ālokya sarvasāmagrasaṃyutaṃ / bhagavaṃtaṃ sasaṃghaṃ taṃ natvaivaṃ prārthayan mudā
Sanskrit only: no published translation is held for this verse.
भगवन् भोजनस्यात्र समयो वर्त्तते ऽधुना । तत् ससंघो भवान् अत्र स्वस्वासने निषीदतु
bhagavan bhojanasyātra samayo varttate 'dhunā / tat sasaṃgho bhavān atra svasvāsane niṣīdatu
Sanskrit only: no published translation is held for this verse.
ततः स भगवांस् तत्र पाद्यं गृह्य ससांघिकः । स्वस्वासने समारुह्य समाश्रयद् यथाक्रमं
tataḥ sa bhagavāṃs tatra pādyaṃ gṛhya sasāṃghikaḥ / svasvāsane samāruhya samāśrayad yathākramaṃ
Sanskrit only: no published translation is held for this verse.
तथा देवादि लोकाश् च सर्वस्वस्वासनेषु तत् । यथाक्रमं समाश्रित्य संनिषेदुः प्रसादिताः
tathā devādi lokāś ca sarvasvasvāsaneṣu tat / yathākramaṃ samāśritya saṃniṣeduḥ prasāditāḥ
Sanskrit only: no published translation is held for this verse.
तान् बुद्धप्रमुखान् सर्वान् स्वस्वासनसमाश्रितान् । दृष्ट्वा स मुदितो भिक्षुर् यथाविधिं समर्चयत्
tān buddhapramukhān sarvān svasvāsanasamāśritān / dṛṣṭvā sa mudito bhikṣur yathāvidhiṃ samarcayat
Sanskrit only: no published translation is held for this verse.
ततो दिव्योपचारैस् तैर् भोज्यपानामृतादिभिः । तान् बुद्धप्रमुखान् सर्वन् यथेछैः समतोषयत्
tato divyopacārais tair bhojyapānāmṛtādibhiḥ / tān buddhapramukhān sarvan yathechaiḥ samatoṣayat
Sanskrit only: no published translation is held for this verse.
संबुद्धप्रमुखाः सर्वे संघा लोकाः सुरादयः । तद् दिव्यभोजनं भुक्त्वा विस्मितास् तृप्तिम् आययुः
saṃbuddhapramukhāḥ sarve saṃghā lokāḥ surādayaḥ / tad divyabhojanaṃ bhuktvā vismitās tṛptim āyayuḥ
Sanskrit only: no published translation is held for this verse.
ततः स भिक्षुर् आलोक्य सर्वान्स् तान् संप्रतोषितान् । तत्पात्राण्य् अपनीत्वा तद्धस्तादीन् समशोधयत्
tataḥ sa bhikṣur ālokya sarvāns tān saṃpratoṣitān / tatpātrāṇy apanītvā taddhastādīn samaśodhayat
Sanskrit only: no published translation is held for this verse.
ततः स भिक्षुर् ओषध्यताम्बूलादि रसायनैः । तान् बुद्धप्रमुखान् सर्वान् संमोदितान् अकारयत्
tataḥ sa bhikṣur oṣadhyatāmbūlādi rasāyanaiḥ / tān buddhapramukhān sarvān saṃmoditān akārayat
Sanskrit only: no published translation is held for this verse.
तत्रोपपादुको भिक्षुः सांजलिः संप्रमोदितः । ससांघिकं मुनीन्द्रं तं नत्वा तत्पुर आश्रयत्
tatropapāduko bhikṣuḥ sāṃjaliḥ saṃpramoditaḥ / sasāṃghikaṃ munīndraṃ taṃ natvā tatpura āśrayat
Sanskrit only: no published translation is held for this verse.
ततः स भगवांस् तस्य भिक्षोर् मत्वा शुभाशयं । आर्यसत्यं समारभ्य दिदेश धर्मम् उत्तमं
tataḥ sa bhagavāṃs tasya bhikṣor matvā śubhāśayaṃ / āryasatyaṃ samārabhya dideśa dharmam uttamaṃ
Sanskrit only: no published translation is held for this verse.
तद्धर्मदेशनां श्रुत्वा स उपपादुको यतिः । भित्वा ऽविद्यागणं प्राप्तविद्याभिज्ञापदो भवन्
taddharmadeśanāṃ śrutvā sa upapāduko yatiḥ / bhitvā 'vidyāgaṇaṃ prāptavidyābhijñāpado bhavan
Sanskrit only: no published translation is held for this verse.
पंचगण्डमयं देहं संसारम् अतिचञ्चलं । विदित्वा सर्वसंस्कारगतीश् चापि विघातिनीः
paṃcagaṇḍamayaṃ dehaṃ saṃsāram aticañcalaṃ / viditvā sarvasaṃskāragatīś cāpi vighātinīḥ
Sanskrit only: no published translation is held for this verse.
क्लेशान् मारगणाञ् चापि जित्वार्हत्वम् अवाप्तवान् । ततः सो ऽर्हं महाभिज्ञः परिशुद्धत्रिमंडलः
kleśān māragaṇāñ cāpi jitvārhatvam avāptavān / tataḥ so 'rhaṃ mahābhijñaḥ pariśuddhatrimaṃḍalaḥ
Sanskrit only: no published translation is held for this verse.
जितेंद्रियो विशुद्धात्मा निर्विकल्पो निरंजनः । संसारलाभसत्कारनिस्पृहस् त्रिजगत्स्व् अपि
jiteṃdriyo viśuddhātmā nirvikalpo niraṃjanaḥ / saṃsāralābhasatkāranispṛhas trijagatsv api
Sanskrit only: no published translation is held for this verse.
वंद्यः पूज्यो ऽभिमान्यो ऽभूद् ब्रह्मचारी जिनात्मजः
vaṃdyaḥ pūjyo 'bhimānyo 'bhūd brahmacārī jinātmajaḥ
Sanskrit only: no published translation is held for this verse.
तद् दृष्ट्वा भिक्षवः सर्वे विस्मयाकुलिताशयः । भगवंतं तम् आनम्य पप्रछुस् तत् पुराकृतं
tad dṛṣṭvā bhikṣavaḥ sarve vismayākulitāśayaḥ / bhagavaṃtaṃ tam ānamya paprachus tat purākṛtaṃ
Sanskrit only: no published translation is held for this verse.
भगवन् किं पुरानेन भिक्षुणा सुकृतं कृतं । येनोपपादुको ऽर्हं च भवत्य् अयं महासुधीः
bhagavan kiṃ purānena bhikṣuṇā sukṛtaṃ kṛtaṃ / yenopapāduko 'rhaṃ ca bhavaty ayaṃ mahāsudhīḥ
Sanskrit only: no published translation is held for this verse.
यच् चाप्य् अस्य यतेर् भिक्षोः प्रार्थितं तत् समृध्यति । एतत् सर्वं समाख्याय सर्वान् अस्मान् प्रबोधय
yac cāpy asya yater bhikṣoḥ prārthitaṃ tat samṛdhyati / etat sarvaṃ samākhyāya sarvān asmān prabodhaya
Sanskrit only: no published translation is held for this verse.
एवं तैर् भिक्षुभिः प्रार्थिते स मुनीश्वरः । तान् सर्वान् सांघिकाल् लोकान् समालोक्यैवम् आदिशत्
evaṃ tair bhikṣubhiḥ prārthite sa munīśvaraḥ / tān sarvān sāṃghikāl lokān samālokyaivam ādiśat
Sanskrit only: no published translation is held for this verse.
शृणुध्वं भिक्षवानेन भिक्षुणा यत् पुराकृतं । तत् सर्वं संप्रवक्ष्यामि युष्मच्चित्तप्रबोधने
śṛṇudhvaṃ bhikṣavānena bhikṣuṇā yat purākṛtaṃ / tat sarvaṃ saṃpravakṣyāmi yuṣmaccittaprabodhane
Sanskrit only: no published translation is held for this verse.
पुरासीन् भगवान् बुद्धो विपश्ची नाम सर्ववित् । धर्मराजो जगच्छास्ता तथागतो मुनीश्वरः
purāsīn bhagavān buddho vipaścī nāma sarvavit / dharmarājo jagacchāstā tathāgato munīśvaraḥ
Sanskrit only: no published translation is held for this verse.
स संबुद्धो जगन्नाथो वन्धुमतो महीपतेः । वन्धुमत्या महापूर्य्या राजधान्या उपाश्रये
sa saṃbuddho jagannātho vandhumato mahīpateḥ / vandhumatyā mahāpūryyā rājadhānyā upāśraye
Sanskrit only: no published translation is held for this verse.
जिनाश्रमे महोद्याने सर्वसत्वहितेछया । सद्धर्मं समुपादिश्य विजहार ससांघिकः
jināśrame mahodyāne sarvasatvahitechayā / saddharmaṃ samupādiśya vijahāra sasāṃghikaḥ
Sanskrit only: no published translation is held for this verse.
तस्य विपश्चिनः शास्तुः सांघिकाः पंचभिक्षवः । अन्यस्मिन् महोद्याने वर्षासु व्यहरन्स् तदा
tasya vipaścinaḥ śāstuḥ sāṃghikāḥ paṃcabhikṣavaḥ / anyasmin mahodyāne varṣāsu vyaharans tadā
Sanskrit only: no published translation is held for this verse.
तत्रैकभिक्षुणा तेषां चतुर्णां ब्रह्मचारिणां । वैयावृत्यकृतं कर्म सुप्रसन्नानुचारिणा
tatraikabhikṣuṇā teṣāṃ caturṇāṃ brahmacāriṇāṃ / vaiyāvṛtyakṛtaṃ karma suprasannānucāriṇā
Sanskrit only: no published translation is held for this verse.
ततस् ते भिक्षवस् सर्वे चत्वारस् तत्प्रसाधनात् । सर्वविद्यासमुद्युक्ताः समाधिसाधनोद्यताः
tatas te bhikṣavas sarve catvāras tatprasādhanāt / sarvavidyāsamudyuktāḥ samādhisādhanodyatāḥ
Sanskrit only: no published translation is held for this verse.
क्लेसान् मारगणाञ् जित्वा परिशुद्धत्रिमण्डलाः । साक्षाद् अर्हत्त्वसंप्राप्ता बभूवु ब्रह्मवित्तमाः
klesān māragaṇāñ jitvā pariśuddhatrimaṇḍalāḥ / sākṣād arhattvasaṃprāptā babhūvu brahmavittamāḥ
Sanskrit only: no published translation is held for this verse.
तान् अर्हतो महाभिज्ञान् दृष्ट्वा स पंचमो यतिः । मुदितस् तच्चरणान् नत्वा प्रणिधानं तथा व्यधात्
tān arhato mahābhijñān dṛṣṭvā sa paṃcamo yatiḥ / muditas taccaraṇān natvā praṇidhānaṃ tathā vyadhāt
Sanskrit only: no published translation is held for this verse.
यद् एतेभिर् ममागम्य साक्षाद् अर्हत्त्वम् आगतं । एतद्धर्मविपाकेन प्रव्रज्यार्हत्त्वम् आप्नुयां
yad etebhir mamāgamya sākṣād arhattvam āgataṃ / etaddharmavipākena pravrajyārhattvam āpnuyāṃ
Sanskrit only: no published translation is held for this verse.
सर्वोपकरणैर् द्रव्यैर् अवैकल्यं यथेहितं । तत् तथा सर्वम् अप्य् एव सर्वत्रापि समृद्ध्यतु
sarvopakaraṇair dravyair avaikalyaṃ yathehitaṃ / tat tathā sarvam apy eva sarvatrāpi samṛddhyatu
Sanskrit only: no published translation is held for this verse.
एतत्पुण्यविपाकेन स भिक्षुः पंचमः सुधीः । अयम् एव महाभिज्ञो भवति हीति मन्यतां
etatpuṇyavipākena sa bhikṣuḥ paṃcamaḥ sudhīḥ / ayam eva mahābhijño bhavati hīti manyatāṃ
Sanskrit only: no published translation is held for this verse.
पुनर् अपि भवत्य् अत्र येनायम् उपपादुकः । तत् कर्मं प्रवक्ष्यामि शृणुत यूयम् आदरात्
punar api bhavaty atra yenāyam upapādukaḥ / tat karmaṃ pravakṣyāmi śṛṇuta yūyam ādarāt
Sanskrit only: no published translation is held for this verse.
पुरासीद् भगवान् बुद्धः काश्यपो नाम सर्ववित् । अर्हन् नाथो जगच्छास्ता धर्मराजस् तथागतः
purāsīd bhagavān buddhaḥ kāśyapo nāma sarvavit / arhan nātho jagacchāstā dharmarājas tathāgataḥ
Sanskrit only: no published translation is held for this verse.
स संबुद्धो महापूर्या वाराणस्या उपाश्रमे । मृगदावे ऽदिशद् धर्मं विजहार ससांघिकः
sa saṃbuddho mahāpūryā vārāṇasyā upāśrame / mṛgadāve 'diśad dharmaṃ vijahāra sasāṃghikaḥ
Sanskrit only: no published translation is held for this verse.
तस्मिंश् च समये तत्र वाराणस्यं गृहाधिपः । आसीत् तस्य प्रिया भार्य्या गर्भिणी गर्भपीडिता
tasmiṃś ca samaye tatra vārāṇasyaṃ gṛhādhipaḥ / āsīt tasya priyā bhāryyā garbhiṇī garbhapīḍitā
Sanskrit only: no published translation is held for this verse.
प्रसूतिसमये ऽक्रन्दद् आर्त्तस्वरा विलापिता । तस्या आर्त्तरवं श्रुत्वा स भर्त्ता करुणार्दितः । शोकालये समुद्विग्नः निश्रित्यैवं व्यचिंतयत्
prasūtisamaye 'krandad ārttasvarā vilāpitā / tasyā ārttaravaṃ śrutvā sa bharttā karuṇārditaḥ / śokālaye samudvignaḥ niśrityaivaṃ vyaciṃtayat
Sanskrit only: no published translation is held for this verse.
हा दुःखं गर्ब्भपीडास्या जायते किं करिष्यते । एवं दुःखं हि संसारे रोगिणां भवचारिणां
hā duḥkhaṃ garbbhapīḍāsyā jāyate kiṃ kariṣyate / evaṃ duḥkhaṃ hi saṃsāre rogiṇāṃ bhavacāriṇāṃ
Sanskrit only: no published translation is held for this verse.
मातुर् एवं महद् दुःखं गर्ब्भस्थस्य शिशोर् न किं । एतद् दुःखम् अहं सोढुं न शक्नुयां कथं चन
mātur evaṃ mahad duḥkhaṃ garbbhasthasya śiśor na kiṃ / etad duḥkham ahaṃ soḍhuṃ na śaknuyāṃ kathaṃ cana
Sanskrit only: no published translation is held for this verse.
तद् अत्र काश्यपस्याहं शासने शरणं गतः । प्रव्रज्य संवरं धृत्वा चरेयं संवृतिं सदा
tad atra kāśyapasyāhaṃ śāsane śaraṇaṃ gataḥ / pravrajya saṃvaraṃ dhṛtvā careyaṃ saṃvṛtiṃ sadā
Sanskrit only: no published translation is held for this verse.
इति निश्चित्य स श्रेष्ठी गत्वा काश्यपशासने । प्रव्रज्य संवरं धृत्वा चचार संवृतिं सदा
iti niścitya sa śreṣṭhī gatvā kāśyapaśāsane / pravrajya saṃvaraṃ dhṛtvā cacāra saṃvṛtiṃ sadā
Sanskrit only: no published translation is held for this verse.
ततः काले समाघ्राते श्रेष्ठी स परिखेदितः । त्रिरत्नस्मरणं कृत्वा प्रणिधानं व्यधात् तदा
tataḥ kāle samāghrāte śreṣṭhī sa parikheditaḥ / triratnasmaraṇaṃ kṛtvā praṇidhānaṃ vyadhāt tadā
Sanskrit only: no published translation is held for this verse.
मातुर् गर्भे ह्य् अजायेयं भवेयम् उपपादुकः
mātur garbhe hy ajāyeyaṃ bhaveyam upapādukaḥ
Sanskrit only: no published translation is held for this verse.
एतेन प्रणिधानेन काश्यपशरणं गतः । त्रिरत्नभजनैः कृत्वा प्रचचार समाहितः
etena praṇidhānena kāśyapaśaraṇaṃ gataḥ / triratnabhajanaiḥ kṛtvā pracacāra samāhitaḥ
Sanskrit only: no published translation is held for this verse.
एतत्पुण्यविपाकेन सार्थवाहः स सन्मतिः । भवत्य् अयं महाभिज्ञः सांप्रतम् उपपादुकः
etatpuṇyavipākena sārthavāhaḥ sa sanmatiḥ / bhavaty ayaṃ mahābhijñaḥ sāṃpratam upapādukaḥ
Sanskrit only: no published translation is held for this verse.
यथानेन तदा तत्र प्रणिधानं कृतं मुदा । तथात्र शासने बौद्धे प्रव्रज्यार्हत्त्वम् आप्यते
yathānena tadā tatra praṇidhānaṃ kṛtaṃ mudā / tathātra śāsane bauddhe pravrajyārhattvam āpyate
Sanskrit only: no published translation is held for this verse.
एवं हि मन्यतां सर्वे संसारे कर्म यत् कृतं । तत् फलं भुज्यते नूनं यथेहितं तथा ध्रुवं
evaṃ hi manyatāṃ sarve saṃsāre karma yat kṛtaṃ / tat phalaṃ bhujyate nūnaṃ yathehitaṃ tathā dhruvaṃ
Sanskrit only: no published translation is held for this verse.
येनैव यत् कृतं कर्मं तेनैव भुज्यते फलं । अभुक्तं क्षीयते नैव कृतकर्मफलं क्वचित्
yenaiva yat kṛtaṃ karmaṃ tenaiva bhujyate phalaṃ / abhuktaṃ kṣīyate naiva kṛtakarmaphalaṃ kvacit
Sanskrit only: no published translation is held for this verse.
नाग्निभिर् दह्यते कर्मं क्रियते नापि चोदकैः । वायुभिः शुष्यते नापि क्षीयते नैव भूमिषु
nāgnibhir dahyate karmaṃ kriyate nāpi codakaiḥ / vāyubhiḥ śuṣyate nāpi kṣīyate naiva bhūmiṣu
Sanskrit only: no published translation is held for this verse.
अन्याथापि भवेन् नैव यत् कृतं तत् फलं खलु । सर्वत्र भुज्यते सर्वैर् जन्तुभिर् भवचारिभिः
anyāthāpi bhaven naiva yat kṛtaṃ tat phalaṃ khalu / sarvatra bhujyate sarvair jantubhir bhavacāribhiḥ
Sanskrit only: no published translation is held for this verse.
कृष्णस्य कर्मणः पाके दुःखतैव सदा भवे । शुभस्य सुखता नित्यं मिश्रितस्यापि मिश्रितं
kṛṣṇasya karmaṇaḥ pāke duḥkhataiva sadā bhave / śubhasya sukhatā nityaṃ miśritasyāpi miśritaṃ
Sanskrit only: no published translation is held for this verse.
एवं मत्वात्र संसारे सर्वदा सुखवांछिभिः । त्रिरत्नभजनं कृत्वा चरितव्यं शुभे सदा
evaṃ matvātra saṃsāre sarvadā sukhavāṃchibhiḥ / triratnabhajanaṃ kṛtvā caritavyaṃ śubhe sadā
Sanskrit only: no published translation is held for this verse.
इत्य् आदिष्टं मुनीन्द्रेण श्रुत्वा ते भिक्षवस् तथा । सत्यम् इति परिज्ञाय प्राभ्यनन्दन् प्रबोधिताः
ity ādiṣṭaṃ munīndreṇa śrutvā te bhikṣavas tathā / satyam iti parijñāya prābhyanandan prabodhitāḥ
Sanskrit only: no published translation is held for this verse.
सो ऽपि भिक्षुः परिज्ञाय श्रुत्वैवं सुगतोदितं । प्रबोधितः प्रसन्नात्मा प्राचरन् सर्वदा शुभे
so 'pi bhikṣuḥ parijñāya śrutvaivaṃ sugatoditaṃ / prabodhitaḥ prasannātmā prācaran sarvadā śubhe
Sanskrit only: no published translation is held for this verse.
इति मे गुरुणादिष्टं श्रुतं मया तथोच्यते । श्रुत्वा राजन्स् त्वयाप्य् एवं चरितव्यं शुभे सदा
iti me guruṇādiṣṭaṃ śrutaṃ mayā tathocyate / śrutvā rājans tvayāpy evaṃ caritavyaṃ śubhe sadā
Sanskrit only: no published translation is held for this verse.
प्रजाश् चापि महाराज बोधयित्वा प्रयत्नतः । प्रेरयित्वा शुभे धर्मे पालनीयास् त्वयादरात्
prajāś cāpi mahārāja bodhayitvā prayatnataḥ / prerayitvā śubhe dharme pālanīyās tvayādarāt
Sanskrit only: no published translation is held for this verse.
एवं ते सर्वदा राजन् सर्वत्रापि शुभं भवेत् । क्रमेण बोधिम् आसद्य संबुद्धपदम् आप्नुयाः
evaṃ te sarvadā rājan sarvatrāpi śubhaṃ bhavet / krameṇa bodhim āsadya saṃbuddhapadam āpnuyāḥ
Sanskrit only: no published translation is held for this verse.
इति तेनार्हताख्यातं श्रुत्वाशोकः स भूपतिः । तथेति प्रतिविज्ञप्य प्राभ्यनंदत् सपार्षदः
iti tenārhatākhyātaṃ śrutvāśokaḥ sa bhūpatiḥ / tatheti prativijñapya prābhyanaṃdat sapārṣadaḥ
Sanskrit only: no published translation is held for this verse.
यदावदानं ह्य् उपपादुकस्य शृण्वंति ये चापि निशामयंति । सर्वे ऽपि ते क्लेशविमुक्तदेहा भुक्त्वा सुखं यान्ति जिनालयं ते
yadāvadānaṃ hy upapādukasya śṛṇvaṃti ye cāpi niśāmayaṃti / sarve 'pi te kleśavimuktadehā bhuktvā sukhaṃ yānti jinālayaṃ te
Sanskrit only: no published translation is held for this verse.