Ratnamālāvadāna 32

स भगवाञ् जगन्नाथः कृत्वा भद्रं समंततः । सर्वत्र सौगतं धर्मम् उपदेष्टुम् उपाचरत्

sa bhagavāñ jagannāthaḥ kṛtvā bhadraṃ samaṃtataḥ / sarvatra saugataṃ dharmam upadeṣṭum upācarat

Sanskrit only: no published translation is held for this verse.

एवं सर्वत्र लोकेषु ससांघिकः स मारजित् । पूर्वोत्तरदिशो भागे राजधानीम् उपाश्रयत्

evaṃ sarvatra lokeṣu sasāṃghikaḥ sa mārajit / pūrvottaradiśo bhāge rājadhānīm upāśrayat

Sanskrit only: no published translation is held for this verse.

तत्र स भगवाञ् छास्ता सर्वसत्वहितार्थभृत् । आदिमध्यान्तकल्याणम् आर्यधर्मम् उपादिशत्

tatra sa bhagavāñ chāstā sarvasatvahitārthabhṛt / ādimadhyāntakalyāṇam āryadharmam upādiśat

Sanskrit only: no published translation is held for this verse.

तत् सद्धर्मामृतं पीत्वा सर्वे लोकः प्रबोधितः । त्रिरत्नभजनं कृत्वा प्रचेरिरे शुभे सदा

tat saddharmāmṛtaṃ pītvā sarve lokaḥ prabodhitaḥ / triratnabhajanaṃ kṛtvā pracerire śubhe sadā

Sanskrit only: no published translation is held for this verse.

तत्र स भगवान् पुष्यो बुद्धदृष्ट्य समंततः । लोके पश्यन् हितं कर्तुं ददर्श द्वौ जिनात्मजौ

tatra sa bhagavān puṣyo buddhadṛṣṭya samaṃtataḥ / loke paśyan hitaṃ kartuṃ dadarśa dvau jinātmajau

Sanskrit only: no published translation is held for this verse.

एकः शाक्यमुनिर् नाम मैत्रेयश् चापरः सुधीः । तस्मिन् काले उभव् एतौ बोधिसत्वौ जिनात्मजौ

ekaḥ śākyamunir nāma maitreyaś cāparaḥ sudhīḥ / tasmin kāle ubhav etau bodhisatvau jinātmajau

Sanskrit only: no published translation is held for this verse.

मैत्रेयस्य सुबुद्धेः स्वसंततिः परिपाकिता । तस्य शास्तुश् च वैनेयाः सत्वा न परिपाचिताः

maitreyasya subuddheḥ svasaṃtatiḥ paripākitā / tasya śāstuś ca vaineyāḥ satvā na paripācitāḥ

Sanskrit only: no published translation is held for this verse.

शाक्यमुनेस् तु वैनेयाः परिपक्वा न संततिः । एवं स सुगतः पुष्यो दृष्ट्वैवं समचिंतयत्

śākyamunes tu vaineyāḥ paripakvā na saṃtatiḥ / evaṃ sa sugataḥ puṣyo dṛṣṭvaivaṃ samaciṃtayat

Sanskrit only: no published translation is held for this verse.

अहो शाक्यमुनेर् न स्वसन्ततिः परिपाचिता । तत्स्वसन्ततिपाकार्थं चरेयाहं तदन्तिके

aho śākyamuner na svasantatiḥ paripācitā / tatsvasantatipākārthaṃ careyāhaṃ tadantike

Sanskrit only: no published translation is held for this verse.

इति विचिन्त्य पुष्यः स तथागतः ससांघिकः । हिमवंतं गिरिं गत्वा प्रचक्राम प्रभासयन्

iti vicintya puṣyaḥ sa tathāgataḥ sasāṃghikaḥ / himavaṃtaṃ giriṃ gatvā pracakrāma prabhāsayan

Sanskrit only: no published translation is held for this verse.

तत्र रत्नगुहायां स प्रविश्य स मुनीश्वरः । तेजोधातुसमापन्नो ध्यात्वा तस्थौ शुभासने

tatra ratnaguhāyāṃ sa praviśya sa munīśvaraḥ / tejodhātusamāpanno dhyātvā tasthau śubhāsane

Sanskrit only: no published translation is held for this verse.

तस्मिंश् च समये तत्र शाक्यमुनिः स सन्मतिः । फलमूलसमाहर्तुं तदन्तिकम् उपाचरत्

tasmiṃś ca samaye tatra śākyamuniḥ sa sanmatiḥ / phalamūlasamāhartuṃ tadantikam upācarat

Sanskrit only: no published translation is held for this verse.

तत्र रत्नगुहायां तं पुष्यं तथागतं मुनिं । सुपर्यङ्कसमासीनं ध्यानलीनं प्रभासितं

tatra ratnaguhāyāṃ taṃ puṣyaṃ tathāgataṃ muniṃ / suparyaṅkasamāsīnaṃ dhyānalīnaṃ prabhāsitaṃ

Sanskrit only: no published translation is held for this verse.

द्वात्रिंशल्लक्षणाशीतिव्यंजनैः परिभूषितं । रत्नावलिम् इवोज्वालं शतसूर्य्याधिकप्रभं

dvātriṃśallakṣaṇāśītivyaṃjanaiḥ paribhūṣitaṃ / ratnāvalim ivojvālaṃ śatasūryyādhikaprabhaṃ

Sanskrit only: no published translation is held for this verse.

सौम्यं दिव्यातिरिक्ताभं समंतभद्ररूपिणं । सुप्रसन्नमुखाम्भोजं धर्मराजं समैक्षत

saumyaṃ divyātiriktābhaṃ samaṃtabhadrarūpiṇaṃ / suprasannamukhāmbhojaṃ dharmarājaṃ samaikṣata

Sanskrit only: no published translation is held for this verse.

तत्र तं सुगतं दृष्ट्वा शाक्यमुनिः स मोदितः । सहसा सांजलिर् नत्वा पूजांगैनार्चयन् मुदा

tatra taṃ sugataṃ dṛṣṭvā śākyamuniḥ sa moditaḥ / sahasā sāṃjalir natvā pūjāṃgainārcayan mudā

Sanskrit only: no published translation is held for this verse.

ततः स एकपादेन स्थित्वा सप्तनिशां मुदा । सांजलिः प्रणतिं कृत्वा तुष्टाव गाथयानया

tataḥ sa ekapādena sthitvā saptaniśāṃ mudā / sāṃjaliḥ praṇatiṃ kṛtvā tuṣṭāva gāthayānayā

Sanskrit only: no published translation is held for this verse.

न दिवि भुवि वा नास्मिल् लोके न वैश्रवणालये । न मरुभवने दिव्ये स्थाने न दिक्षु विदिक्षु वा

na divi bhuvi vā nāsmil loke na vaiśravaṇālaye / na marubhavane divye sthāne na dikṣu vidikṣu vā

Sanskrit only: no published translation is held for this verse.

चरतु वसुधां स्फीतां कृत्स्नां सपर्वतकाननां । पुरुषवृषभस्य तुल्यान्यो महाश्रमणः कुतः

caratu vasudhāṃ sphītāṃ kṛtsnāṃ saparvatakānanāṃ / puruṣavṛṣabhasya tulyānyo mahāśramaṇaḥ kutaḥ

Sanskrit only: no published translation is held for this verse.

एतयो गाथया स्तुत्वा तं पुष्यं सुगतं मुनिं । स शाक्यमुनिर् उत्साहात् सप्तरात्रिं मुदा भजन्

etayo gāthayā stutvā taṃ puṣyaṃ sugataṃ muniṃ / sa śākyamunir utsāhāt saptarātriṃ mudā bhajan

Sanskrit only: no published translation is held for this verse.

ततः सप्तदिनान्ते स पुष्यथागतो मुदा । परिस्तुतस् तम् आलोक्य शाक्यमुनिम् अभाषत

tataḥ saptadinānte sa puṣyathāgato mudā / paristutas tam ālokya śākyamunim abhāṣata

Sanskrit only: no published translation is held for this verse.

साधु साधु महासत्व त्वम् एवं यत् समुद्यतः । अनेन बलवीर्येण संपन्नेन द्विजोत्तम

sādhu sādhu mahāsatva tvam evaṃ yat samudyataḥ / anena balavīryeṇa saṃpannena dvijottama

Sanskrit only: no published translation is held for this verse.

नवकल्पाः परावृत्ताः संस्तुत्याद्य तथागतं । क्रमात् पारमिताः पूर्य संबोधिं समवाप्नुयाः

navakalpāḥ parāvṛttāḥ saṃstutyādya tathāgataṃ / kramāt pāramitāḥ pūrya saṃbodhiṃ samavāpnuyāḥ

Sanskrit only: no published translation is held for this verse.

इत्य् आदिश्य मुनीन्द्रो ऽसौ पुष्यो धर्माधिपो जिनः । परिवृत्तो महेशाख्यैस् तत्र ध्यानारतो ऽभसत्

ity ādiśya munīndro 'sau puṣyo dharmādhipo jinaḥ / parivṛtto maheśākhyais tatra dhyānārato 'bhasat

Sanskrit only: no published translation is held for this verse.

सो ऽपि शाक्यमुनिर् बोधिसत्वो द्विजोत्तमः सुधीः । तस्य पुष्यस्य सद्भक्त्य शरणस्थः सदाभजत्

so 'pi śākyamunir bodhisatvo dvijottamaḥ sudhīḥ / tasya puṣyasya sadbhaktya śaraṇasthaḥ sadābhajat

Sanskrit only: no published translation is held for this verse.

तद्गुहायां प्रवेष्टुम् ऽसौ न शशाक कथं चन

tadguhāyāṃ praveṣṭum 'sau na śaśāka kathaṃ cana

Sanskrit only: no published translation is held for this verse.

ततः सातिविरूपाक्षा विकृतांशा दुराकृतिः । भूत्वा तं सुगतं पुष्यं ध्यानालीनम् अभीषपत्

tataḥ sātivirūpākṣā vikṛtāṃśā durākṛtiḥ / bhūtvā taṃ sugataṃ puṣyaṃ dhyānālīnam abhīṣapat

Sanskrit only: no published translation is held for this verse.

तथा सा सुचिरेणापि भीषपीत्वापि दुर्मतिः । किञ्चित् तस्य मुनेश् चित्तं चारयितुं शशाक न

tathā sā sucireṇāpi bhīṣapītvāpi durmatiḥ / kiñcit tasya muneś cittaṃ cārayituṃ śaśāka na

Sanskrit only: no published translation is held for this verse.

तदा सा शंकिताखिन्ना विस्मयाहतमानसा । स्वरूपेणैव तं द्रष्टुं प्रणता समुपाचरत्

tadā sā śaṃkitākhinnā vismayāhatamānasā / svarūpeṇaiva taṃ draṣṭuṃ praṇatā samupācarat

Sanskrit only: no published translation is held for this verse.

तत्र तं सुगतं पुष्यं तथागतम् मुनीश्वरं । द्वात्रिंशल्लक्षणाशीतिव्यंजनैः परिमण्डितं

tatra taṃ sugataṃ puṣyaṃ tathāgatam munīśvaraṃ / dvātriṃśallakṣaṇāśītivyaṃjanaiḥ parimaṇḍitaṃ

Sanskrit only: no published translation is held for this verse.

सर्वातिक्रांतसौम्याभं शतसूर्याधिकप्रभं । शान्तरूपं सुभद्रांगं ध्यानालीनम् अपश्यत

sarvātikrāṃtasaumyābhaṃ śatasūryādhikaprabhaṃ / śāntarūpaṃ subhadrāṃgaṃ dhyānālīnam apaśyata

Sanskrit only: no published translation is held for this verse.

दृष्ट्वैव सा प्रसादन्ती पुण्यात्मायं सुसिद्धिमान् । इति ध्यात्वा सुरूपेण तदन्तिकम् उपाचरत्

dṛṣṭvaiva sā prasādantī puṇyātmāyaṃ susiddhimān / iti dhyātvā surūpeṇa tadantikam upācarat

Sanskrit only: no published translation is held for this verse.

तत्र सा सांजलिर् नत्वा पादौ तस्य मुनेः पुरः । स्थित्वा क्षमार्थनां कर्त्तुं प्रार्थयद् एवम् आनता

tatra sā sāṃjalir natvā pādau tasya muneḥ puraḥ / sthitvā kṣamārthanāṃ karttuṃ prārthayad evam ānatā

Sanskrit only: no published translation is held for this verse.

भगवन् नाथ सर्वज्ञ यन् मया प्रकृतं त्वयि । तत् क्षमस्व जगन्नाथ क्षान्तिधर्माधिपो ऽसि हि

bhagavan nātha sarvajña yan mayā prakṛtaṃ tvayi / tat kṣamasva jagannātha kṣāntidharmādhipo 'si hi

Sanskrit only: no published translation is held for this verse.

तद् अत्राहं जगच्छास्तर् भवतां शरणं गता । सर्वदा समुपाश्रित्य भजेयं श्रद्धया मुदा

tad atrāhaṃ jagacchāstar bhavatāṃ śaraṇaṃ gatā / sarvadā samupāśritya bhajeyaṃ śraddhayā mudā

Sanskrit only: no published translation is held for this verse.

यद् अत्र ते ससंघस्य यथाविधि समर्चितुं । इछाम्य् अहं जगन्नाथ तद् अध्युषितुम् अर्हति

yad atra te sasaṃghasya yathāvidhi samarcituṃ / ichāmy ahaṃ jagannātha tad adhyuṣitum arhati

Sanskrit only: no published translation is held for this verse.

इति तेनार्थिते पुष्यो भगवान् स मुनीश्वरः । तां विशुद्धाशयां दृष्ट्वा तूष्णीभूत्वाध्युवास तत्

iti tenārthite puṣyo bhagavān sa munīśvaraḥ / tāṃ viśuddhāśayāṃ dṛṣṭvā tūṣṇībhūtvādhyuvāsa tat

Sanskrit only: no published translation is held for this verse.

तथाधिवासितं शास्त्रा मत्वा साभ्यनुमोदिता । आशु तद्भोज्यसामग्रीं सहसा समसाधयत्

tathādhivāsitaṃ śāstrā matvā sābhyanumoditā / āśu tadbhojyasāmagrīṃ sahasā samasādhayat

Sanskrit only: no published translation is held for this verse.

ततः सा मुदितोपेत्य पूजांगैस् तं मुनीश्वरं । अभ्यर्च्य भोजनैर् दिव्यैः ससंघं समतोषयत्

tataḥ sā muditopetya pūjāṃgais taṃ munīśvaraṃ / abhyarcya bhojanair divyaiḥ sasaṃghaṃ samatoṣayat

Sanskrit only: no published translation is held for this verse.

ततः सा भोजनान्ते ऽपि प्रणत्वा साञ्जलिर् मुदा । भूत्वा क्षमापयित्वा च प्रार्थयद् एवम् आनता

tataḥ sā bhojanānte 'pi praṇatvā sāñjalir mudā / bhūtvā kṣamāpayitvā ca prārthayad evam ānatā

Sanskrit only: no published translation is held for this verse.

भगवन् नाथ सर्वज्ञ भवतां शरणे स्थिता । सदोपस्थानम् आधाय भजिष्यामि समाहिता

bhagavan nātha sarvajña bhavatāṃ śaraṇe sthitā / sadopasthānam ādhāya bhajiṣyāmi samāhitā

Sanskrit only: no published translation is held for this verse.

तत् क्षमस्व जगन्नाथ यन् मयापकृतं वृथा । प्रसीदतु भवाञ् छास्ता संबुद्धो हि क्षमाकरः

tat kṣamasva jagannātha yan mayāpakṛtaṃ vṛthā / prasīdatu bhavāñ chāstā saṃbuddho hi kṣamākaraḥ

Sanskrit only: no published translation is held for this verse.

इति तयार्थितं श्रुत्वा पुष्यः स भगवान् मुनिः । देवतां तां समालोक्य सद्धर्मं समुपादिशत्

iti tayārthitaṃ śrutvā puṣyaḥ sa bhagavān muniḥ / devatāṃ tāṃ samālokya saddharmaṃ samupādiśat

Sanskrit only: no published translation is held for this verse.

शृणुष्व देवते धर्मम् इहामुत्र शुभाप्तये । धर्मेण रक्षिता लोके सर्वत्रापि सुखी भवेत्

śṛṇuṣva devate dharmam ihāmutra śubhāptaye / dharmeṇa rakṣitā loke sarvatrāpi sukhī bhavet

Sanskrit only: no published translation is held for this verse.

तद् आदौ श्रद्धया धर्मं श्रोतव्यं सौगतं वरं । ततस् त्रिरत्नम् अभ्यर्च्य दातव्यं दानम् अर्थिने

tad ādau śraddhayā dharmaṃ śrotavyaṃ saugataṃ varaṃ / tatas triratnam abhyarcya dātavyaṃ dānam arthine

Sanskrit only: no published translation is held for this verse.

ततः शुद्धत्रिकायः स्याच् छुद्धशीलः शुभाशयः । ततः सत्यसमाधानः सर्वसत्वक्षमाकरः

tataḥ śuddhatrikāyaḥ syāc chuddhaśīlaḥ śubhāśayaḥ / tataḥ satyasamādhānaḥ sarvasatvakṣamākaraḥ

Sanskrit only: no published translation is held for this verse.

संबोधिसाधनोद्योगात् सर्वक्लेशान् विनिर्जयेत् । ततो ध्यानसमाधिस्थः प्रज्ञारत्नम् अवाप्नुयात्

saṃbodhisādhanodyogāt sarvakleśān vinirjayet / tato dhyānasamādhisthaḥ prajñāratnam avāpnuyāt

Sanskrit only: no published translation is held for this verse.

तत् सुरत्नानुभावेन सर्वमारान् विनिर्जयन् । सर्वसत्वहितार्थेन संबुद्धपदम् आप्नुयात्

tat suratnānubhāvena sarvamārān vinirjayan / sarvasatvahitārthena saṃbuddhapadam āpnuyāt

Sanskrit only: no published translation is held for this verse.

एवं मत्वात्र संसारे सर्वदा शुभवाञ्छिभिः । धर्मं श्रुत्वा सदा दानं प्रकर्त्तव्यं यथेप्सितं

evaṃ matvātra saṃsāre sarvadā śubhavāñchibhiḥ / dharmaṃ śrutvā sadā dānaṃ prakarttavyaṃ yathepsitaṃ

Sanskrit only: no published translation is held for this verse.

त्वं चाप्य् एवं सदा सौख्यं यदीछसि शुभान्वितं । त्रिरत्नं भजनं कृत्वा कुरु दानं यथेप्सितं

tvaṃ cāpy evaṃ sadā saukhyaṃ yadīchasi śubhānvitaṃ / triratnaṃ bhajanaṃ kṛtvā kuru dānaṃ yathepsitaṃ

Sanskrit only: no published translation is held for this verse.

एतत् पुण्यं तु संबोधिप्राप्तये परिणामय । एतत्पुण्यविपाकेन नूनं बोधिं समाप्नुयाः

etat puṇyaṃ tu saṃbodhiprāptaye pariṇāmaya / etatpuṇyavipākena nūnaṃ bodhiṃ samāpnuyāḥ

Sanskrit only: no published translation is held for this verse.

इत्य् आदिष्टं मुनीन्द्रेण श्रुत्वा सा देवता मुदा । तथा हीतिप्रतिज्ञाय प्राभ्यनन्दत् प्रबोधिता

ity ādiṣṭaṃ munīndreṇa śrutvā sā devatā mudā / tathā hītipratijñāya prābhyanandat prabodhitā

Sanskrit only: no published translation is held for this verse.

ततः स सुगतः पुष्यस् तथागतः ससांघिकः । प्रभासयन् समुत्थाय स्वाश्रमे समुपाश्रयत्

tataḥ sa sugataḥ puṣyas tathāgataḥ sasāṃghikaḥ / prabhāsayan samutthāya svāśrame samupāśrayat

Sanskrit only: no published translation is held for this verse.

एष ह्य् अयं विरूपो ऽसौ देवता या गुहाश्रिता । युष्माभिः सत्यम् एवेति मन्यतां नान्यथा खलु

eṣa hy ayaṃ virūpo 'sau devatā yā guhāśritā / yuṣmābhiḥ satyam eveti manyatāṃ nānyathā khalu

Sanskrit only: no published translation is held for this verse.

एवं मत्वात्र संसारे सर्वदा सुखवाञ्छिभिः । त्रिरत्नभजनं कृत्वा चरितव्यं शुभे सदा

evaṃ matvātra saṃsāre sarvadā sukhavāñchibhiḥ / triratnabhajanaṃ kṛtvā caritavyaṃ śubhe sadā

Sanskrit only: no published translation is held for this verse.

शुभस्य कर्मणः पाके शुभतैवं सदा भवे । कृष्णस्य दुःखतैवं हि मिश्रितस्यापि मिश्रितं

śubhasya karmaṇaḥ pāke śubhataivaṃ sadā bhave / kṛṣṇasya duḥkhataivaṃ hi miśritasyāpi miśritaṃ

Sanskrit only: no published translation is held for this verse.

अभुक्तं क्षीयते नैव कर्म क्वापि कदा चन । येनैव यत् कृतं कर्म तेनैव भुज्यते फलं

abhuktaṃ kṣīyate naiva karma kvāpi kadā cana / yenaiva yat kṛtaṃ karma tenaiva bhujyate phalaṃ

Sanskrit only: no published translation is held for this verse.

नाग्निभिर् दह्यते कर्म क्लिद्यते नापि चोदकैः । शुष्यते वायुभिर् नैव क्षीयते च न भूमिषु

nāgnibhir dahyate karma klidyate nāpi codakaiḥ / śuṣyate vāyubhir naiva kṣīyate ca na bhūmiṣu

Sanskrit only: no published translation is held for this verse.

नान्यथापि भवे नैव कर्म क्वापि कथं चन । यद् यथा प्रकृतं कर्मं तत् तथैव कुलेद् ध्रुवं

nānyathāpi bhave naiva karma kvāpi kathaṃ cana / yad yathā prakṛtaṃ karmaṃ tat tathaiva kuled dhruvaṃ

Sanskrit only: no published translation is held for this verse.

यद् असौ देवता तत्र गुहाश्रिता दुराशया । विकृताङ्गा विरूपाक्षा भूत्वा पुष्यं व्यभीषपत्

yad asau devatā tatra guhāśritā durāśayā / vikṛtāṅgā virūpākṣā bhūtvā puṣyaṃ vyabhīṣapat

Sanskrit only: no published translation is held for this verse.

एतत्पापविपाकेन पंचजन्मशतान्य् अपि । विकृताङ्गो विरूपाक्षो बभूवायं भवे सदा

etatpāpavipākena paṃcajanmaśatāny api / vikṛtāṅgo virūpākṣo babhūvāyaṃ bhave sadā

Sanskrit only: no published translation is held for this verse.

एतत्पापाविमुक्तो ऽयं विरूपो विकृताकृतिः । विभ्रन्स्यो दुर्भगाकारो भवत्य् अत्रापि सांप्रतं

etatpāpāvimukto 'yaṃ virūpo vikṛtākṛtiḥ / vibhransyo durbhagākāro bhavaty atrāpi sāṃprataṃ

Sanskrit only: no published translation is held for this verse.

यच् चासौ देवता पश्चात्तापसंतपिताशया । तस्य पुष्यस्य बुद्धस्य प्रसन्ना शरणं गता

yac cāsau devatā paścāttāpasaṃtapitāśayā / tasya puṣyasya buddhasya prasannā śaraṇaṃ gatā

Sanskrit only: no published translation is held for this verse.

श्रद्धया भोजनैर् दिव्यैः सत्कृत्य प्राभजन् मुदा । एतत्पुण्यविपाकेन लेभे ऽनन्तं सुखं भवे

śraddhayā bhojanair divyaiḥ satkṛtya prābhajan mudā / etatpuṇyavipākena lebhe 'nantaṃ sukhaṃ bhave

Sanskrit only: no published translation is held for this verse.

अत्रापि शासने बौद्धे श्रद्धया समुपागतः । प्रव्रज्यासंवरप्राप्तः साक्षाद् अर्हत्वम् आप्तवान्

atrāpi śāsane bauddhe śraddhayā samupāgataḥ / pravrajyāsaṃvaraprāptaḥ sākṣād arhatvam āptavān

Sanskrit only: no published translation is held for this verse.

इति यूयं परिज्ञाय चरध्वं सर्वदा शुभे । ततो बोधिं समासाद्य संबुद्धपदम् आप्नुयुः

iti yūyaṃ parijñāya caradhvaṃ sarvadā śubhe / tato bodhiṃ samāsādya saṃbuddhapadam āpnuyuḥ

Sanskrit only: no published translation is held for this verse.

इत्य् आदिष्टं मुनीन्द्रेण सर्वे ते सांघिका अपि । श्रुत्वानुमोदिताः सत्यम् इत्य् उक्त्वा परिमेनिरे

ity ādiṣṭaṃ munīndreṇa sarve te sāṃghikā api / śrutvānumoditāḥ satyam ity uktvā parimenire

Sanskrit only: no published translation is held for this verse.

इति मे गुरुणादिष्टं मयात्र कथ्यते । त्वयाप्य् एवं महाराज चरितव्यं शुभे सदा

iti me guruṇādiṣṭaṃ mayātra kathyate / tvayāpy evaṃ mahārāja caritavyaṃ śubhe sadā

Sanskrit only: no published translation is held for this verse.

प्रजाश् चापि तथा राजन् बोधयित्वा प्रयत्नतः । बोधिमार्गे प्रतिष्ठाप्य पालनीयः सदादरात्

prajāś cāpi tathā rājan bodhayitvā prayatnataḥ / bodhimārge pratiṣṭhāpya pālanīyaḥ sadādarāt

Sanskrit only: no published translation is held for this verse.

क्रमाद् बोधिं समासाद्य संबुद्धपदम् आप्नुयाः

kramād bodhiṃ samāsādya saṃbuddhapadam āpnuyāḥ

Sanskrit only: no published translation is held for this verse.

इति तेनार्हतादिष्टं श्रुत्वाशोकः स भूपतिः । तथा हीति प्रतिज्ञाय प्राभ्यनन्दत् प्रबोधितः

iti tenārhatādiṣṭaṃ śrutvāśokaḥ sa bhūpatiḥ / tathā hīti pratijñāya prābhyanandat prabodhitaḥ

Sanskrit only: no published translation is held for this verse.

शास्त्रादिष्टं प्रसन्ना इदम् अपि मनुज ये विरूपावदानं शृण्वन्ति श्रावयन्ति प्रमुदितमनसो ये च पुण्याभिरागाः । सर्वे ते श्रीसमेताः सकलगुणधराः सत्सुखानि प्रभुक्त्वा संबुद्धभक्तिरक्ताः सुगतवरगृहे संप्रयान्ति प्रमोदं

śāstrādiṣṭaṃ prasannā idam api manuja ye virūpāvadānaṃ śṛṇvanti śrāvayanti pramuditamanaso ye ca puṇyābhirāgāḥ / sarve te śrīsametāḥ sakalaguṇadharāḥ satsukhāni prabhuktvā saṃbuddhabhaktiraktāḥ sugatavaragṛhe saṃprayānti pramodaṃ

Sanskrit only: no published translation is held for this verse.