अथाशोको महीपालः कृताञ्जलिः प्रमोदितः । उपगुप्तं यतिं नत्वा पुनर् एवम् अभाषत
athāśoko mahīpālaḥ kṛtāñjaliḥ pramoditaḥ / upaguptaṃ yatiṃ natvā punar evam abhāṣata
Sanskrit only: no published translation is held for this verse.
Ratnamālāvadāna 34
भदन्त श्रोतुम् इछामि पुनर् अन्यत् सुभाषितं । तद्यथा गुरुणादिष्टं तथादेष्टुञ् च मे ऽर्हति
bhadanta śrotum ichāmi punar anyat subhāṣitaṃ / tadyathā guruṇādiṣṭaṃ tathādeṣṭuñ ca me 'rhati
Sanskrit only: no published translation is held for this verse.
इति संप्रार्थितं राज्ञा श्रुत्वा सो ऽर्हन् महामतिः । तम् अशोकं महाराजं समालोक्यैवम् आदिशत्
iti saṃprārthitaṃ rājñā śrutvā so 'rhan mahāmatiḥ / tam aśokaṃ mahārājaṃ samālokyaivam ādiśat
Sanskrit only: no published translation is held for this verse.
शृणु साधु महाराज यथा मे गुरुणोदितं । तथात्राहं प्रवक्ष्यामि तव धर्मप्रवृद्धये
śṛṇu sādhu mahārāja yathā me guruṇoditaṃ / tathātrāhaṃ pravakṣyāmi tava dharmapravṛddhaye
Sanskrit only: no published translation is held for this verse.
तद्यथा भगवान् बुद्धः शाक्यसिंहो मुनीश्वरः । सर्वज्ञः सुगतो शास्ता धर्मराजस् तथागतः
tadyathā bhagavān buddhaḥ śākyasiṃho munīśvaraḥ / sarvajñaḥ sugato śāstā dharmarājas tathāgataḥ
Sanskrit only: no published translation is held for this verse.
श्रावकैर् भिक्षुभिः सार्द्धं भिक्षुणीभिर् उपासकैः । उपासिकागणैश् चापि चैलकैश् चापि तीर्थिकं
śrāvakair bhikṣubhiḥ sārddhaṃ bhikṣuṇībhir upāsakaiḥ / upāsikāgaṇaiś cāpi cailakaiś cāpi tīrthikaṃ
Sanskrit only: no published translation is held for this verse.
बोधिसत्वैर् महासत्वैः सर्वसत्वहितंकरं । ऋषिभिर् योगिभिश् चापि यतिभिर् ब्रह्मचारिभिः
bodhisatvair mahāsatvaiḥ sarvasatvahitaṃkaraṃ / ṛṣibhir yogibhiś cāpi yatibhir brahmacāribhiḥ
Sanskrit only: no published translation is held for this verse.
श्रावस्त्या बहिर् उद्याने जेतारण्ये जिनाश्रमे । विहारे व्यहरल् लोकहितार्थं धर्मम् आदिशन्
śrāvastyā bahir udyāne jetāraṇye jināśrame / vihāre vyaharal lokahitārthaṃ dharmam ādiśan
Sanskrit only: no published translation is held for this verse.
तत् सद्धर्मामृतं पातुं सर्वे सत्वाः प्रमोदिताः । शक्रब्रह्मादयो देवाः सर्वलोकाधिपा अपि
tat saddharmāmṛtaṃ pātuṃ sarve satvāḥ pramoditāḥ / śakrabrahmādayo devāḥ sarvalokādhipā api
Sanskrit only: no published translation is held for this verse.
नगेन्द्रा असुरेन्द्राश् च यक्षगंधर्वकिन्नराः । सिद्धा विद्याधराः साध्या गरुडा राक्षसा अपि
nagendrā asurendrāś ca yakṣagaṃdharvakinnarāḥ / siddhā vidyādharāḥ sādhyā garuḍā rākṣasā api
Sanskrit only: no published translation is held for this verse.
ब्राह्मणाः क्षत्रिया भूपा राजपुत्राश् च मंत्रिणः । अमात्याः श्रेष्ठिनः पौर गृहाधिपा महाजनाः
brāhmaṇāḥ kṣatriyā bhūpā rājaputrāś ca maṃtriṇaḥ / amātyāḥ śreṣṭhinaḥ paura gṛhādhipā mahājanāḥ
Sanskrit only: no published translation is held for this verse.
वणिजः सार्थवाहाश् च शिल्पिनो ऽपि शुभार्थिनः । ग्राम्या जानपदाश् चान्यलोकाः कार्पटिकादयः
vaṇijaḥ sārthavāhāś ca śilpino 'pi śubhārthinaḥ / grāmyā jānapadāś cānyalokāḥ kārpaṭikādayaḥ
Sanskrit only: no published translation is held for this verse.
सर्वे ते समुपाश्रित्य विहारे तं मुनीश्वरं । दृष्ट्वा साञ्जलयो नत्वा मुदिताः समुन्पाविशन्
sarve te samupāśritya vihāre taṃ munīśvaraṃ / dṛṣṭvā sāñjalayo natvā muditāḥ samunpāviśan
Sanskrit only: no published translation is held for this verse.
तत्र सर्वे ऽपि ते नाथं तम् अभ्यर्च्य यथाक्रमं । त्रिधा प्रदक्षिणीकृत्य प्रणत्वा समुपाश्रयन्
tatra sarve 'pi te nāthaṃ tam abhyarcya yathākramaṃ / tridhā pradakṣiṇīkṛtya praṇatvā samupāśrayan
Sanskrit only: no published translation is held for this verse.
तदा तान् समुपासीनां दृष्ट्वा स भगवाञ् जिनः । आर्यसत्यं समारभ्य सद्धर्मं समुपादिशत्
tadā tān samupāsīnāṃ dṛṣṭvā sa bhagavāñ jinaḥ / āryasatyaṃ samārabhya saddharmaṃ samupādiśat
Sanskrit only: no published translation is held for this verse.
तत् सद्धर्मामृतं पीत्व सर्वे ब्रह्मादयो ऽपि ते । लोकाः सत्यम् इति मत्वा प्राभ्यनन्दन् प्रबोधिताः
tat saddharmāmṛtaṃ pītva sarve brahmādayo 'pi te / lokāḥ satyam iti matvā prābhyanandan prabodhitāḥ
Sanskrit only: no published translation is held for this verse.
तस्मिन्न् अवसरे कश्चित्ऽसौ ऽथ आरमिकः सुधीः । दन्तकाष्ठं समादाय श्रावस्त्यां समुपाविशत्
tasminn avasare kaścit'sau 'tha āramikaḥ sudhīḥ / dantakāṣṭhaṃ samādāya śrāvastyāṃ samupāviśat
Sanskrit only: no published translation is held for this verse.
तत्र नैमित्तिको द्वारे ऽवस्थितस् तम् आगतं । दृष्ट्वा तद् दन्तकाष्ठं च समालोक्यैवम् उपागमत्
tatra naimittiko dvāre 'vasthitas tam āgataṃ / dṛṣṭvā tad dantakāṣṭhaṃ ca samālokyaivam upāgamat
Sanskrit only: no published translation is held for this verse.
वतैतद् दन्तकाष्ठं यो भक्षयिष्यति मानवः । नूनम् णतरणं भोग्यं प्रभोक्ष्यति स भाग्यवान्
vataitad dantakāṣṭhaṃ yo bhakṣayiṣyati mānavaḥ / nūnam ṇataraṇaṃ bhogyaṃ prabhokṣyati sa bhāgyavān
Sanskrit only: no published translation is held for this verse.
एतत् तेनोदितं श्रुत्वा स आरमिक उन्मुखः । तत्रैव क्षणम् आश्रित्य मनसैवं व्यचिन्तयत्
etat tenoditaṃ śrutvā sa āramika unmukhaḥ / tatraiva kṣaṇam āśritya manasaivaṃ vyacintayat
Sanskrit only: no published translation is held for this verse.
कस्माय् एतद् अहं दद्यां संमानो येन मे भवेत् । एवं ध्यात्वा पुनस् तत्र मनसैवं व्यचिन्तयत्
kasmāy etad ahaṃ dadyāṃ saṃmāno yena me bhavet / evaṃ dhyātvā punas tatra manasaivaṃ vyacintayat
Sanskrit only: no published translation is held for this verse.
यद् अयं भगवान् बुद्धः सर्वत्रैधातुकाधिपः । जगच्छास्ता जगन्नाथो धर्मराजो मुनीश्वरः
yad ayaṃ bhagavān buddhaḥ sarvatraidhātukādhipaḥ / jagacchāstā jagannātho dharmarājo munīśvaraḥ
Sanskrit only: no published translation is held for this verse.
यद् अस्मै दीयते किञ्चिद् अपि तत् फलम् उत्तमं । अप्रमेयम् असंख्येयं महत्ख्यातं श्रुतं मया
yad asmai dīyate kiñcid api tat phalam uttamaṃ / aprameyam asaṃkhyeyaṃ mahatkhyātaṃ śrutaṃ mayā
Sanskrit only: no published translation is held for this verse.
तद् अस्मै धर्मराजाय बुद्धाय सर्वतायिने । जगच्छास्त्रे मुनीन्द्राय दद्यां काष्ठम् इदं न्व् अहं
tad asmai dharmarājāya buddhāya sarvatāyine / jagacchāstre munīndrāya dadyāṃ kāṣṭham idaṃ nv ahaṃ
Sanskrit only: no published translation is held for this verse.
इति ध्यात्वा विनिश्चित्य स आरमिक आदरात् । दन्तकाष्ठं तद् आदाय जेतोद्याने उपाचरत्
iti dhyātvā viniścitya sa āramika ādarāt / dantakāṣṭhaṃ tad ādāya jetodyāne upācarat
Sanskrit only: no published translation is held for this verse.
तत्र तं श्रीघनं दृष्ट्वा भिक्षुसंघपुरस्कृतं । विहारे स प्रसन्नास्याः प्रविष्टः समुपाचरत्
tatra taṃ śrīghanaṃ dṛṣṭvā bhikṣusaṃghapuraskṛtaṃ / vihāre sa prasannāsyāḥ praviṣṭaḥ samupācarat
Sanskrit only: no published translation is held for this verse.
तत्र तस्य मुनीन्द्रस्य दन्तकाष्ठं तद् आदरात् । उपस्थाप्य प्रणत्वा स सांजलिर् एवम् अब्रवीत्
tatra tasya munīndrasya dantakāṣṭhaṃ tad ādarāt / upasthāpya praṇatvā sa sāṃjalir evam abravīt
Sanskrit only: no published translation is held for this verse.
भगवन् नाथ सर्वज्ञ ममानुग्रहकारणात् । दन्तकाष्ठम् इमं शास्ता भवान् आदातुम् अर्हति
bhagavan nātha sarvajña mamānugrahakāraṇāt / dantakāṣṭham imaṃ śāstā bhavān ādātum arhati
Sanskrit only: no published translation is held for this verse.
एवं संप्रार्थिते तेन भगवान् स मुनीश्वरः । दृष्ट्वा तत् काष्ठम् आदाय तस्याग्रतो व्यसृजत
evaṃ saṃprārthite tena bhagavān sa munīśvaraḥ / dṛṣṭvā tat kāṣṭham ādāya tasyāgrato vyasṛjata
Sanskrit only: no published translation is held for this verse.
तदा तत् काष्ठम् आदाय स उद्यानपालको मुदा । तत्रैव सौगतारामे निखन्य निदधे भुवि
tadā tat kāṣṭham ādāya sa udyānapālako mudā / tatraiva saugatārāme nikhanya nidadhe bhuvi
Sanskrit only: no published translation is held for this verse.
तत्र निहितमात्रं तत् काष्ठं मूलप्रतिष्ठितं । महच्छाखाहरित्पत्रपुष्पफलसमृद्धितः
tatra nihitamātraṃ tat kāṣṭhaṃ mūlapratiṣṭhitaṃ / mahacchākhāharitpatrapuṣpaphalasamṛddhitaḥ
Sanskrit only: no published translation is held for this verse.
तत्क्षणेन महान् वृक्षो न्यग्रोधः परिमण्डलः । सर्वसत्वमनोहारी महामेघ इवाभवत्
tatkṣaṇena mahān vṛkṣo nyagrodhaḥ parimaṇḍalaḥ / sarvasatvamanohārī mahāmegha ivābhavat
Sanskrit only: no published translation is held for this verse.
तत्र स भगवान् गत्वा तच्छायां समुपाश्रयन् । सभामध्यासनासीनः सद्धार्मं समुपादिशत्
tatra sa bhagavān gatvā tacchāyāṃ samupāśrayan / sabhāmadhyāsanāsīnaḥ saddhārmaṃ samupādiśat
Sanskrit only: no published translation is held for this verse.
एतद् अद्भुतम् आलोक्य सर्वे लोकाः सविस्मयाः । तत् सद्धर्मामृतं पीत्वा प्राभ्यनन्दन् प्रमोदिताः
etad adbhutam ālokya sarve lokāḥ savismayāḥ / tat saddharmāmṛtaṃ pītvā prābhyanandan pramoditāḥ
Sanskrit only: no published translation is held for this verse.
तदा तत्र महात्मा स गृहीशो ऽनाथपिण्डदः । समागत्य मुनीन्द्रं तं नत्वैवं प्रार्थयन् मुदा
tadā tatra mahātmā sa gṛhīśo 'nāthapiṇḍadaḥ / samāgatya munīndraṃ taṃ natvaivaṃ prārthayan mudā
Sanskrit only: no published translation is held for this verse.
भगवन्न् अहम् अद्येह भगवन्तं ससांघिकं । पूजयितुं समिछामि तन् ममानुग्रहं कुरु
bhagavann aham adyeha bhagavantaṃ sasāṃghikaṃ / pūjayituṃ samichāmi tan mamānugrahaṃ kuru
Sanskrit only: no published translation is held for this verse.
इति तत् प्रार्थितं श्रुत्वा भगवान् स मुनीश्वरः । तथेति तं समालोक्य तूष्णीं भूत्वाध्युवास तत्
iti tat prārthitaṃ śrutvā bhagavān sa munīśvaraḥ / tatheti taṃ samālokya tūṣṇīṃ bhūtvādhyuvāsa tat
Sanskrit only: no published translation is held for this verse.
तद् अधिवासितं शास्त्र मत्वा सो ऽनाथपिण्डदः । तत्रासनानि प्रज्ञप्य तत् सामग्रीं समानयत्
tad adhivāsitaṃ śāstra matvā so 'nāthapiṇḍadaḥ / tatrāsanāni prajñapya tat sāmagrīṃ samānayat
Sanskrit only: no published translation is held for this verse.
तदा स भगवान्स् तत्र ससांघिकः समुत्थितः । तद् दत्तं पाद्यम् आदाय स्वस्वासने समाश्रयत्
tadā sa bhagavāns tatra sasāṃghikaḥ samutthitaḥ / tad dattaṃ pādyam ādāya svasvāsane samāśrayat
Sanskrit only: no published translation is held for this verse.
दृष्ट्वा स मुदितः श्रेष्ठी यथाक्रमं समर्चयेत्
dṛṣṭvā sa muditaḥ śreṣṭhī yathākramaṃ samarcayet
Sanskrit only: no published translation is held for this verse.
ततः शतरसै भोज्यैः सुप्रणीतैः स दीनभृत् । संबुद्धप्रमुखं सर्वसंघं तं समतर्पयत्
tataḥ śatarasai bhojyaiḥ supraṇītaiḥ sa dīnabhṛt / saṃbuddhapramukhaṃ sarvasaṃghaṃ taṃ samatarpayat
Sanskrit only: no published translation is held for this verse.
ततः स श्रीघनं सर्वसंघं च परितुष्टितं । मत्वा पनीयपात्राणि तद् धस्तादीं व्यशोधयत्
tataḥ sa śrīghanaṃ sarvasaṃghaṃ ca parituṣṭitaṃ / matvā panīyapātrāṇi tad dhastādīṃ vyaśodhayat
Sanskrit only: no published translation is held for this verse.
ततः क्रमुकताम्बूलगणौषधीरसायनं । दत्वा स सांजलिर् नत्वा ससंघं तम् उपाश्रयत्
tataḥ kramukatāmbūlagaṇauṣadhīrasāyanaṃ / datvā sa sāṃjalir natvā sasaṃghaṃ tam upāśrayat
Sanskrit only: no published translation is held for this verse.
ततः स भगवान् दृष्ट्वा तं गृहस्थम् उपस्थितं । आदिमध्याम्टकल्याणं साशिषं धर्मम् आदिशत्
tataḥ sa bhagavān dṛṣṭvā taṃ gṛhastham upasthitaṃ / ādimadhyāmṭakalyāṇaṃ sāśiṣaṃ dharmam ādiśat
Sanskrit only: no published translation is held for this verse.
तद् दृष्ट्व समहोत्साहम् आरमिकः स मोहितः । नैमित्तिकसमाख्यातं सत्यं मत्वाभ्यनंदत
tad dṛṣṭva samahotsāham āramikaḥ sa mohitaḥ / naimittikasamākhyātaṃ satyaṃ matvābhyanaṃdata
Sanskrit only: no published translation is held for this verse.
ततः स सुप्रसन्नात्मा आरामिकः प्रमोदितः । समुत्थाय मुनीन्द्रस्य पुरतः समुपाचरत्
tataḥ sa suprasannātmā ārāmikaḥ pramoditaḥ / samutthāya munīndrasya purataḥ samupācarat
Sanskrit only: no published translation is held for this verse.
तत्र तस्य मुनीन्द्रस्य पादयोः स कृताञ्जलिः । प्रणत्वा मनसा बोधिप्रणिधानं व्यधान् मुदा
tatra tasya munīndrasya pādayoḥ sa kṛtāñjaliḥ / praṇatvā manasā bodhipraṇidhānaṃ vyadhān mudā
Sanskrit only: no published translation is held for this verse.
यद् अस्मै धर्मराजाय जगच्छास्त्रै जगद्भुते । मयात्र श्रद्धया दत्तकाष्ठमात्रं समर्प्पितं
yad asmai dharmarājāya jagacchāstrai jagadbhute / mayātra śraddhayā dattakāṣṭhamātraṃ samarppitaṃ
Sanskrit only: no published translation is held for this verse.
एतत्पुण्यविपाकेन चरित्वाहं शुभे सदा । प्रत्येकां बोधिम् आसाद्य निर्वृतिपदम् आप्नुयां
etatpuṇyavipākena caritvāhaṃ śubhe sadā / pratyekāṃ bodhim āsādya nirvṛtipadam āpnuyāṃ
Sanskrit only: no published translation is held for this verse.
इति तेन सुचित्तेन प्रणिधानम् कृतं सदा । मत्वा स भगवान् स्मितं विससर्ज सरश्मिकं
iti tena sucittena praṇidhānam kṛtaṃ sadā / matvā sa bhagavān smitaṃ visasarja saraśmikaṃ
Sanskrit only: no published translation is held for this verse.
ततस् ते रश्मयः सर्वा मुनिमुखाब्जनिःसृताः । नाना वर्णाः समन्तेषु भुवनेषु स भासयन्
tatas te raśmayaḥ sarvā munimukhābjaniḥsṛtāḥ / nānā varṇāḥ samanteṣu bhuvaneṣu sa bhāsayan
Sanskrit only: no published translation is held for this verse.
ये चाधो भुवने याताः सर्वत्र नरकेषु ते । अवभास्य सुखीकृत्य नारकीयान् प्रचेरिरे
ye cādho bhuvane yātāḥ sarvatra narakeṣu te / avabhāsya sukhīkṛtya nārakīyān pracerire
Sanskrit only: no published translation is held for this verse.
तद्रश्मिसंपरिस्पृष्टाः सर्वे ते नरकस्थिताः । निर्दुःखाः सुखसंपन्ना विस्मिता एवम् ऊचिरे
tadraśmisaṃparispṛṣṭāḥ sarve te narakasthitāḥ / nirduḥkhāḥ sukhasaṃpannā vismitā evam ūcire
Sanskrit only: no published translation is held for this verse.
अहो चित्रं कथं दुःखं प्रस्रब्धं जायते सुखं । इतश् च्युताः कुहान्यत्र संप्राप्ताः सांप्रतं वयं
aho citraṃ kathaṃ duḥkhaṃ prasrabdhaṃ jāyate sukhaṃ / itaś cyutāḥ kuhānyatra saṃprāptāḥ sāṃprataṃ vayaṃ
Sanskrit only: no published translation is held for this verse.
इति संदिग्धचित्तानां तेषां नरकवासिनां । बोधार्थं निर्मितं बुद्धं भगवान् व्यसृजत् तदा
iti saṃdigdhacittānāṃ teṣāṃ narakavāsināṃ / bodhārthaṃ nirmitaṃ buddhaṃ bhagavān vyasṛjat tadā
Sanskrit only: no published translation is held for this verse.
तन् निर्मितं मुनिं दृष्ट्वा सर्वे ते नरकस्थितिताः । महच्चित्रसमाक्रान्तहृदयाश् चैवम् ऊशिरे
tan nirmitaṃ muniṃ dṛṣṭvā sarve te narakasthititāḥ / mahaccitrasamākrāntahṛdayāś caivam ūśire
Sanskrit only: no published translation is held for this verse.
नैवान्यत्र गता सर्वे इहैव संस्थिता वयं । किन्त्व् अयं पुरुषो ऽपूर्वदर्शनः समुपागतः
naivānyatra gatā sarve ihaiva saṃsthitā vayaṃ / kintv ayaṃ puruṣo 'pūrvadarśanaḥ samupāgataḥ
Sanskrit only: no published translation is held for this verse.
नूनम् अयं महासत्त्वः समीक्ष्यास्मान् सुदुःखिनः । कृपया चोदितः सर्वान् समुद्धर्त्तुम् इहागतः
nūnam ayaṃ mahāsattvaḥ samīkṣyāsmān suduḥkhinaḥ / kṛpayā coditaḥ sarvān samuddharttum ihāgataḥ
Sanskrit only: no published translation is held for this verse.
तद् अस्य पुरुषस्यात्र सर्वैर् अस्माभिर् आदरात् । श्रद्धया शरणं गत्वा कर्त्तव्यं भजनं मुदा
tad asya puruṣasyātra sarvair asmābhir ādarāt / śraddhayā śaraṇaṃ gatvā karttavyaṃ bhajanaṃ mudā
Sanskrit only: no published translation is held for this verse.
इति संभाष्य ते सर्वे नारकीया प्रसादिताः । तस्य निर्मितबुद्धस्य प्राभजञ् छरणं गताः
iti saṃbhāṣya te sarve nārakīyā prasāditāḥ / tasya nirmitabuddhasya prābhajañ charaṇaṃ gatāḥ
Sanskrit only: no published translation is held for this verse.
तदैतद्भजनोत्पन्नैः पुण्यैस् ते नरकोत्थिताः । निर्मुक्तपातकाः सर्वे शुद्धकाया दिवं ययुः
tadaitadbhajanotpannaiḥ puṇyais te narakotthitāḥ / nirmuktapātakāḥ sarve śuddhakāyā divaṃ yayuḥ
Sanskrit only: no published translation is held for this verse.
एवं ते रश्मयः सर्वे सर्वान्स् तान् निरयाशृतान् । अवभास्य समुद्धृत्य प्रत्याययुर् मुनेः पुरः
evaṃ te raśmayaḥ sarve sarvāns tān nirayāśṛtān / avabhāsya samuddhṛtya pratyāyayur muneḥ puraḥ
Sanskrit only: no published translation is held for this verse.
एवम् उर्द्धगता ये च रश्मयस् ते प्रसारिताः । अवभास्य दिशः सर्वाः संप्रसुस्रुः सुरालयान्
evam urddhagatā ye ca raśmayas te prasāritāḥ / avabhāsya diśaḥ sarvāḥ saṃprasusruḥ surālayān
Sanskrit only: no published translation is held for this verse.
सर्वान् देवालयांश् चैवम् अवभास्य समन्ततः । गत्वाकनिष्ठपर्यन्तं सर्वान् देवान् अचोदयन्
sarvān devālayāṃś caivam avabhāsya samantataḥ / gatvākaniṣṭhaparyantaṃ sarvān devān acodayan
Sanskrit only: no published translation is held for this verse.
अनित्यं खलु संसारं दुःखशून्यम् अनात्मकं । पुण्यम् एव जगत्सारं मत्वा तच् चिनुतादरात्
anityaṃ khalu saṃsāraṃ duḥkhaśūnyam anātmakaṃ / puṇyam eva jagatsāraṃ matvā tac cinutādarāt
Sanskrit only: no published translation is held for this verse.
निष्क्रामतारभध्वं तद् युज्यध्वं बुद्धशासने । मारसैन्यान् विनिर्जित्य चरध्वं संवरे सदा
niṣkrāmatārabhadhvaṃ tad yujyadhvaṃ buddhaśāsane / mārasainyān vinirjitya caradhvaṃ saṃvare sadā
Sanskrit only: no published translation is held for this verse.
यो ऽप्रमत्तो मुनीन्द्रस्य शासने संचरिष्यते । स हित्वा जन्म संसारे दुःखस्यान्तं करिष्यति
yo 'pramatto munīndrasya śāsane saṃcariṣyate / sa hitvā janma saṃsāre duḥkhasyāntaṃ kariṣyati
Sanskrit only: no published translation is held for this verse.
इत्य् उद्घोषैः सुरान् सर्वाञ् चोदयित्वा समन्ततः । सर्वे ते रश्मयस् तत्र पुरः प्रत्याययुर् मुनेः
ity udghoṣaiḥ surān sarvāñ codayitvā samantataḥ / sarve te raśmayas tatra puraḥ pratyāyayur muneḥ
Sanskrit only: no published translation is held for this verse.
तत्र ते रश्मयः सर्वे ऽप्य् एकीभूताश् च पिण्डिताः । मुनिं प्रदक्षिणीकृत्य तद् ऊर्णायां समाविशन्
tatra te raśmayaḥ sarve 'py ekībhūtāś ca piṇḍitāḥ / muniṃ pradakṣiṇīkṛtya tad ūrṇāyāṃ samāviśan
Sanskrit only: no published translation is held for this verse.
तद् दृष्ट्वा सभासीनाः सर्वे लोकाः सविस्मयाः । किं शास्तेहादिशेद् धर्मम् इत्य् एवं समचिन्तयत्
tad dṛṣṭvā sabhāsīnāḥ sarve lokāḥ savismayāḥ / kiṃ śāstehādiśed dharmam ity evaṃ samacintayat
Sanskrit only: no published translation is held for this verse.
अथानंदः समुत्थाय कृतांजलिः सविस्मयः । भगवन्तं तम् आनम्य प्रार्थयद् एवम् आदरात्
athānaṃdaḥ samutthāya kṛtāṃjaliḥ savismayaḥ / bhagavantaṃ tam ānamya prārthayad evam ādarāt
Sanskrit only: no published translation is held for this verse.
नाहेतुप्रत्ययं शास्तर् हसन्ति सुगताः क्वचित् । तत् किम् अर्थञ् जगन्नाथ भवान् हसति सांप्रतं
nāhetupratyayaṃ śāstar hasanti sugatāḥ kvacit / tat kim arthañ jagannātha bhavān hasati sāṃprataṃ
Sanskrit only: no published translation is held for this verse.
यद् भवतः स्मितं दृष्ट्वा सर्वे इमे सभाजनाः । विस्मयसमुपाक्रान्तचित्तास् तिष्ठन्ति सर्ववित्
yad bhavataḥ smitaṃ dṛṣṭvā sarve ime sabhājanāḥ / vismayasamupākrāntacittās tiṣṭhanti sarvavit
Sanskrit only: no published translation is held for this verse.
तद् यद् अर्थे भवान् स्मितं मुंचति तज् जगद्गुरो । समुपादिश्य सर्वेषां संशयं छेतुम् अर्हति
tad yad arthe bhavān smitaṃ muṃcati taj jagadguro / samupādiśya sarveṣāṃ saṃśayaṃ chetum arhati
Sanskrit only: no published translation is held for this verse.
इत्य् आनन्दोदितं श्रुत्वा भगवान् मुनीश्वरः । तम् आनन्दं सभां चापि समालोक्यैवम् आदिशत्
ity ānandoditaṃ śrutvā bhagavān munīśvaraḥ / tam ānandaṃ sabhāṃ cāpi samālokyaivam ādiśat
Sanskrit only: no published translation is held for this verse.
एवम् एतत् तथानंद यथाख्यातं त्वया किल । नाहेतुप्रत्ययं बुद्धा मुञ्चंति हि स्मितं क्व चित्
evam etat tathānaṃda yathākhyātaṃ tvayā kila / nāhetupratyayaṃ buddhā muñcaṃti hi smitaṃ kva cit
Sanskrit only: no published translation is held for this verse.
यदर्थे ऽहम् इहानन्द स्मितं मुञ्चामि सांप्रतं । तत् सत्यं संप्रवक्ष्यामि शृणुत यूयम् आदरात्
yadarthe 'ham ihānanda smitaṃ muñcāmi sāṃprataṃ / tat satyaṃ saṃpravakṣyāmi śṛṇuta yūyam ādarāt
Sanskrit only: no published translation is held for this verse.
यद् अयं श्रद्धयानन्द सुधीर् उद्यानपालकः । दन्तकाष्ठम् उपस्थाप्य सत्कारं कुरुते मम
yad ayaṃ śraddhayānanda sudhīr udyānapālakaḥ / dantakāṣṭham upasthāpya satkāraṃ kurute mama
Sanskrit only: no published translation is held for this verse.
एतत्पुण्यविपाकेन कल्पान्य् अपि त्रयोदश । विनिपातम् अयं क्वापि गमिष्यति कदा चन
etatpuṇyavipākena kalpāny api trayodaśa / vinipātam ayaṃ kvāpi gamiṣyati kadā cana
Sanskrit only: no published translation is held for this verse.
सर्वदायं महासत्वः सद्धर्मसाधनोद्यतः । सद्गुणी सुखसंभोक्ता बोधिसत्वो भविष्यति
sarvadāyaṃ mahāsatvaḥ saddharmasādhanodyataḥ / sadguṇī sukhasaṃbhoktā bodhisatvo bhaviṣyati
Sanskrit only: no published translation is held for this verse.
ततो ऽन्ते ऽयं महाभिज्ञः परिशुद्धत्रिमण्डलः । प्रत्येकं बोधिम् आसाद्य प्रत्येकसुगतो जिनः
tato 'nte 'yaṃ mahābhijñaḥ pariśuddhatrimaṇḍalaḥ / pratyekaṃ bodhim āsādya pratyekasugato jinaḥ
Sanskrit only: no published translation is held for this verse.
ब्रह्मचारी विशुद्धात्मा लोकनाथो भविष्यति
brahmacārī viśuddhātmā lokanātho bhaviṣyati
Sanskrit only: no published translation is held for this verse.
एवम् आनंद विज्ञाय संबुद्धशासने क्वचित् । किञ्चिद् वापि प्रदातव्यं तत् फलं स्यान् महत्तरं
evam ānaṃda vijñāya saṃbuddhaśāsane kvacit / kiñcid vāpi pradātavyaṃ tat phalaṃ syān mahattaraṃ
Sanskrit only: no published translation is held for this verse.
इत्य् आदिष्टं मुनीन्द्रेण श्रुत्वा ते सांघिकादयः । सर्वे लोकाः सभासीनाः प्राभ्यनन्दन् प्रबोधिताः
ity ādiṣṭaṃ munīndreṇa śrutvā te sāṃghikādayaḥ / sarve lokāḥ sabhāsīnāḥ prābhyanandan prabodhitāḥ
Sanskrit only: no published translation is held for this verse.
सो ऽपि चारामिकः श्रुत्वा व्याकृतं सुगतेन तत् । त्रिरत्नभजनं कर्तुं समैछन् मुदितः सदा
so 'pi cārāmikaḥ śrutvā vyākṛtaṃ sugatena tat / triratnabhajanaṃ kartuṃ samaichan muditaḥ sadā
Sanskrit only: no published translation is held for this verse.
तच् छ्रुत्वा स महादाता गृहस्थो ऽनाथपिण्डदः । साञ्जलिस् तं जिनं नत्वा मुदितः स्वगृहं ययौ
tac chrutvā sa mahādātā gṛhastho 'nāthapiṇḍadaḥ / sāñjalis taṃ jinaṃ natvā muditaḥ svagṛhaṃ yayau
Sanskrit only: no published translation is held for this verse.
ततः स भगवांच् छास्ता समुत्थाय ससांघिकः । स्वासनसमुपासीनस् तस्थौ ध्यानसमाहितः
tataḥ sa bhagavāṃc chāstā samutthāya sasāṃghikaḥ / svāsanasamupāsīnas tasthau dhyānasamāhitaḥ
Sanskrit only: no published translation is held for this verse.
ततः आरमिकः सो ऽपि सर्वादा संप्रमोदितः । त्रिरत्नभजनं कुर्वन् प्राचरत् समुपस्थितः
tataḥ āramikaḥ so 'pi sarvādā saṃpramoditaḥ / triratnabhajanaṃ kurvan prācarat samupasthitaḥ
Sanskrit only: no published translation is held for this verse.
इति मे गुरुणादिष्टं श्रुतं मया तथोच्यते । त्वयाप्य् एवं महाराज भज रत्नत्रयं सदा
iti me guruṇādiṣṭaṃ śrutaṃ mayā tathocyate / tvayāpy evaṃ mahārāja bhaja ratnatrayaṃ sadā
Sanskrit only: no published translation is held for this verse.
लोकाश् चापि तथा राजं बोधयित्वा प्रयत्नतः । त्रिरत्नभजनोत्साहे योजनीयास् त्वया सदा
lokāś cāpi tathā rājaṃ bodhayitvā prayatnataḥ / triratnabhajanotsāhe yojanīyās tvayā sadā
Sanskrit only: no published translation is held for this verse.
तेन ते मङ्गलं नित्यं सर्वत्रापि भवेत् सदा । क्रमाद् बोधिं समासाद्य संबुद्धपदम् आप्नुयाः
tena te maṅgalaṃ nityaṃ sarvatrāpi bhavet sadā / kramād bodhiṃ samāsādya saṃbuddhapadam āpnuyāḥ
Sanskrit only: no published translation is held for this verse.
इति तेनार्हतादिष्टं श्रुत्वाशोकः स भूपतिः । तथेति प्रतिविज्ञप्य प्राभ्यनन्दत् सपार्षदः
iti tenārhatādiṣṭaṃ śrutvāśokaḥ sa bhūpatiḥ / tatheti prativijñapya prābhyanandat sapārṣadaḥ
Sanskrit only: no published translation is held for this verse.
आरमिकस्येदम् इहावदानं शृण्वन्ति ये ये च निशामयन्ति । ते सर्वम् एवं शुभसत्सुखानि भुक्त्वा प्रयआस्यन्ति जिनालयन् ते
āramikasyedam ihāvadānaṃ śṛṇvanti ye ye ca niśāmayanti / te sarvam evaṃ śubhasatsukhāni bhuktvā prayaāsyanti jinālayan te
Sanskrit only: no published translation is held for this verse.