भगवन् किं पुरानेन सुकृतं प्रकृतं कुह । येनायं सुकुले जातो दिव्यकल्पातिसुंदरः
bhagavan kiṃ purānena sukṛtaṃ prakṛtaṃ kuha / yenāyaṃ sukule jāto divyakalpātisuṃdaraḥ
Sanskrit only: no published translation is held for this verse.
Ratnamālāvadāna 35
जन्मनि वास्य जातानि महाद्भुतकराण्य् अपि । यैर् एतन् नगरं सर्वं चंद्राभैर् इव शोभितं
janmani vāsya jātāni mahādbhutakarāṇy api / yair etan nagaraṃ sarvaṃ caṃdrābhair iva śobhitaṃ
Sanskrit only: no published translation is held for this verse.
भवतां शासने चापि त्रिरत्नशरणं गतः । प्रव्रज्यासंवरं धृत्वा यतिर् अर्हन् भवत्य् अपि
bhavatāṃ śāsane cāpi triratnaśaraṇaṃ gataḥ / pravrajyāsaṃvaraṃ dhṛtvā yatir arhan bhavaty api
Sanskrit only: no published translation is held for this verse.
एतत् सर्वं समाख्याय भवांच् छास्ता जगद्गुरुः । सर्वान् अस्मान् सभांश् चापि प्रबोधयितुम् अर्हति
etat sarvaṃ samākhyāya bhavāṃc chāstā jagadguruḥ / sarvān asmān sabhāṃś cāpi prabodhayitum arhati
Sanskrit only: no published translation is held for this verse.
इति तैर् भिक्षुभिः सर्वैः प्रार्थिते स मुनीश्वरः । सर्वान् यतीन् सभां चापि समालोक्यैवम् आदिशत्
iti tair bhikṣubhiḥ sarvaiḥ prārthite sa munīśvaraḥ / sarvān yatīn sabhāṃ cāpi samālokyaivam ādiśat
Sanskrit only: no published translation is held for this verse.
शृणुत भिक्षवः सर्वे यद् अनेन पुराकृतं । तत् सर्वं समाशख्ये युष्माकं परिबोधने
śṛṇuta bhikṣavaḥ sarve yad anena purākṛtaṃ / tat sarvaṃ samāśakhye yuṣmākaṃ paribodhane
Sanskrit only: no published translation is held for this verse.
तद्यथाभूत् पुरा शास्ता क्रकुछन्दस् तथागतः । सर्वज्ञो ऽर्हं जगन्नाथो धर्मराजो मुनीश्वरः
tadyathābhūt purā śāstā krakuchandas tathāgataḥ / sarvajño 'rhaṃ jagannātho dharmarājo munīśvaraḥ
Sanskrit only: no published translation is held for this verse.
तदा स भगवान् लोके बोधिचर्यां प्रकाशयन् । सद्धर्मं समुपादिश्य प्रचचार समंततः
tadā sa bhagavān loke bodhicaryāṃ prakāśayan / saddharmaṃ samupādiśya pracacāra samaṃtataḥ
Sanskrit only: no published translation is held for this verse.
एवं स भगवां छास्ता कृत्वा सर्वत्र मंगलं । शोभावत्या महापूर्य्या राजधान्या उपाश्रमे
evaṃ sa bhagavāṃ chāstā kṛtvā sarvatra maṃgalaṃ / śobhāvatyā mahāpūryyā rājadhānyā upāśrame
Sanskrit only: no published translation is held for this verse.
विहारे सौगतावासे समाश्रित्य प्रभासयन् । सद्धर्मं समुपादेष्टुं विजहार ससांघिकः
vihāre saugatāvāse samāśritya prabhāsayan / saddharmaṃ samupādeṣṭuṃ vijahāra sasāṃghikaḥ
Sanskrit only: no published translation is held for this verse.
तत्रागत्य समानीनं तं मुनीन्द्रं ससांघिकं । श्रुत्वा शोभो महाराजो द्रष्टुं स समुपाचरत्
tatrāgatya samānīnaṃ taṃ munīndraṃ sasāṃghikaṃ / śrutvā śobho mahārājo draṣṭuṃ sa samupācarat
Sanskrit only: no published translation is held for this verse.
तत्र स नृपतिः शोभो दृष्ट्वा तं सुगतं मुनिं । क्रकुछंदं समासीनं भिक्षुसंघपुरस्कृतं
tatra sa nṛpatiḥ śobho dṛṣṭvā taṃ sugataṃ muniṃ / krakuchaṃdaṃ samāsīnaṃ bhikṣusaṃghapuraskṛtaṃ
Sanskrit only: no published translation is held for this verse.
मुदितः समुपासृत्य कृतांजलिः पुरोगतः । प्रणत्वा सुप्रसन्नास्यः प्रार्थयम् एवम् आदरात्
muditaḥ samupāsṛtya kṛtāṃjaliḥ purogataḥ / praṇatvā suprasannāsyaḥ prārthayam evam ādarāt
Sanskrit only: no published translation is held for this verse.
भगवन् नाथ सर्वज्ञ भवाञ् छास्ता जगद्गुरुः । तद् अस्माकं हितार्थेन धर्मम् आदेष्टुम् अर्हति
bhagavan nātha sarvajña bhavāñ chāstā jagadguruḥ / tad asmākaṃ hitārthena dharmam ādeṣṭum arhati
Sanskrit only: no published translation is held for this verse.
इति संप्रार्थिते तेन राज्ञा स भगवान् अपि । तं शोभं क्षितिपालेंद्रं समालोक्यैवम् आदिशत्
iti saṃprārthite tena rājñā sa bhagavān api / taṃ śobhaṃ kṣitipāleṃdraṃ samālokyaivam ādiśat
Sanskrit only: no published translation is held for this verse.
शृणु राजन् समाधाय सत्वानां हितकारणं । संबोधिसाधनं धर्मं वक्ष्यामि ते शुभार्थतः
śṛṇu rājan samādhāya satvānāṃ hitakāraṇaṃ / saṃbodhisādhanaṃ dharmaṃ vakṣyāmi te śubhārthataḥ
Sanskrit only: no published translation is held for this verse.
अनित्यं खलु संसारे सर्वं शून्यम् अनात्मकं । मायाक्लेशसमुद्भूतं जगल्लोकम् अशाश्वतं
anityaṃ khalu saṃsāre sarvaṃ śūnyam anātmakaṃ / māyākleśasamudbhūtaṃ jagallokam aśāśvataṃ
Sanskrit only: no published translation is held for this verse.
तद् अत्र किं भवे सारं निरर्थं दुःखसाधनं । इति विज्ञाय राजेन्द्र क्लेशाञ् जित्वा शुभे चर
tad atra kiṃ bhave sāraṃ nirarthaṃ duḥkhasādhanaṃ / iti vijñāya rājendra kleśāñ jitvā śubhe cara
Sanskrit only: no published translation is held for this verse.
शुभेन सद्गतिं याया सद्गतौ सर्वदा सुखं । सुखेन सर्वदा भद्रे चरितव्यं तथा भवं
śubhena sadgatiṃ yāyā sadgatau sarvadā sukhaṃ / sukhena sarvadā bhadre caritavyaṃ tathā bhavaṃ
Sanskrit only: no published translation is held for this verse.
शुभं संजायते पुण्यात् सर्वत्रापि सदा ध्रुवं । पुण्यं संजायते ह्य् आदौ संबुद्धदर्शनाद् अपि
śubhaṃ saṃjāyate puṇyāt sarvatrāpi sadā dhruvaṃ / puṇyaṃ saṃjāyate hy ādau saṃbuddhadarśanād api
Sanskrit only: no published translation is held for this verse.
एतत्पुण्यानुभावेन सद्धर्मश्रवणं लभेत् । तत् सद्धर्मरसास्वादसंसक्तश् च समुत्सहेत्
etatpuṇyānubhāvena saddharmaśravaṇaṃ labhet / tat saddharmarasāsvādasaṃsaktaś ca samutsahet
Sanskrit only: no published translation is held for this verse.
तदुत्साहात् पुनः श्रोतुम् अभिलाषः समुद्भवेत् । समुद्भूताभिलाषश् च सत्कृत्य मानयेन् मुदा
tadutsāhāt punaḥ śrotum abhilāṣaḥ samudbhavet / samudbhūtābhilāṣaś ca satkṛtya mānayen mudā
Sanskrit only: no published translation is held for this verse.
सद्गुरुं समुपासृत्य सद्धर्मं शृणुयात् सदा । तत् सद्धर्मामृतस्वादगुणलब्धः प्रमोदितः
sadguruṃ samupāsṛtya saddharmaṃ śṛṇuyāt sadā / tat saddharmāmṛtasvādaguṇalabdhaḥ pramoditaḥ
Sanskrit only: no published translation is held for this verse.
सद्धर्मचारणो भिक्षून् सत्कृत्य मानयेन् मुदा । ततस् तद् धर्मम् आकर्ण्य संबोधिधर्मवांछितः । त्रिरत्नभजनं कृत्वा स्वपरार्थहिते चरेत्
saddharmacāraṇo bhikṣūn satkṛtya mānayen mudā / tatas tad dharmam ākarṇya saṃbodhidharmavāṃchitaḥ / triratnabhajanaṃ kṛtvā svaparārthahite caret
Sanskrit only: no published translation is held for this verse.
एतत्पुण्यविपाकेन स कुले श्रीसमालये । जातो लोकहितार्थेन दानं दद्याद् यथेप्सितं
etatpuṇyavipākena sa kule śrīsamālaye / jāto lokahitārthena dānaṃ dadyād yathepsitaṃ
Sanskrit only: no published translation is held for this verse.
तद् दानपुण्यपाकेन स दाता सद्गतिं व्रजेत् । सद्गतिस्थः सुखेनैवं सुशीलः संवरं चरेत्
tad dānapuṇyapākena sa dātā sadgatiṃ vrajet / sadgatisthaḥ sukhenaivaṃ suśīlaḥ saṃvaraṃ caret
Sanskrit only: no published translation is held for this verse.
तत् सुशीलव्रतोत्पन्नैः पुण्यैः स परिशुद्धधीः । सर्वसत्वहितार्थेषु दयालु मैत्रवच् चरेत्
tat suśīlavratotpannaiḥ puṇyaiḥ sa pariśuddhadhīḥ / sarvasatvahitārtheṣu dayālu maitravac caret
Sanskrit only: no published translation is held for this verse.
ततस् तत् पुण्यपाकेन स सुधीरो विचक्षणः । स्वपरात्महितार्थेन सर्वकार्याणि साधयेत्
tatas tat puṇyapākena sa sudhīro vicakṣaṇaḥ / svaparātmahitārthena sarvakāryāṇi sādhayet
Sanskrit only: no published translation is held for this verse.
एतत् पुण्यविशुद्धात्मा निःक्लेशो विमलाशयः । समाधिधरणीविद्यासमाधानः सुधीर् भवेत्
etat puṇyaviśuddhātmā niḥkleśo vimalāśayaḥ / samādhidharaṇīvidyāsamādhānaḥ sudhīr bhavet
Sanskrit only: no published translation is held for this verse.
ततस् तत् पुण्यसंभारसंबोधिगुणसार्थभृत् । प्रज्ञाब्धिपारम् आसाद्य बोधिचित्तमणिं लभेत्
tatas tat puṇyasaṃbhārasaṃbodhiguṇasārthabhṛt / prajñābdhipāram āsādya bodhicittamaṇiṃ labhet
Sanskrit only: no published translation is held for this verse.
तन् मनेर् अनुभावेन सर्वोपायविधानवित् । सर्वसत्वहितो धानं बोधिचर्याव्रतं चरेत्
tan maner anubhāvena sarvopāyavidhānavit / sarvasatvahito dhānaṃ bodhicaryāvrataṃ caret
Sanskrit only: no published translation is held for this verse.
तत्पुण्यैः स महासत्वः सर्वसत्वशुभंकरः । संबोधिप्रणिधानेन सद्धर्माभिरतो भवेत्
tatpuṇyaiḥ sa mahāsatvaḥ sarvasatvaśubhaṃkaraḥ / saṃbodhipraṇidhānena saddharmābhirato bhavet
Sanskrit only: no published translation is held for this verse.
ततस् तद् धर्मपूतात्मा दुष्टक्लेशान् विनिर्जयन् । सर्वहितार्थसंभर्ता महाभिज्ञा वली भवे
tatas tad dharmapūtātmā duṣṭakleśān vinirjayan / sarvahitārthasaṃbhartā mahābhijñā valī bhave
Sanskrit only: no published translation is held for this verse.
ततो मारगणाञ् जित्वा परिशुद्धत्रिमण्डलः । सो ऽर्हन् संबोधिसंप्राप्तः संबुद्धपदम् आप्नुयात्
tato māragaṇāñ jitvā pariśuddhatrimaṇḍalaḥ / so 'rhan saṃbodhisaṃprāptaḥ saṃbuddhapadam āpnuyāt
Sanskrit only: no published translation is held for this verse.
ततः स सुगतः शास्ता कृत्वा धर्ममयं जगत् । बोधिमार्गे प्रतिष्ठाप्य निर्वृतः स्वालयं व्रजेत्
tataḥ sa sugataḥ śāstā kṛtvā dharmamayaṃ jagat / bodhimārge pratiṣṭhāpya nirvṛtaḥ svālayaṃ vrajet
Sanskrit only: no published translation is held for this verse.
ततः स स्वालये लीनो धर्मधात्वीश्वरो जिनः । विश्वरूपा विशुद्धाभज्योतिरूपो निरंजनः
tataḥ sa svālaye līno dharmadhātvīśvaro jinaḥ / viśvarūpā viśuddhābhajyotirūpo niraṃjanaḥ
Sanskrit only: no published translation is held for this verse.
एवं विज्ञाय राजेन्द्र संबुद्धपदवांछिभिः । त्रिरत्नभजनं कृत्वा चरितव्यं शुभे सदा
evaṃ vijñāya rājendra saṃbuddhapadavāṃchibhiḥ / triratnabhajanaṃ kṛtvā caritavyaṃ śubhe sadā
Sanskrit only: no published translation is held for this verse.
तथा तं सर्वदा भद्रं सर्वत्रापि भवेद् ध्रुवं । क्रमात् संबोधिम् आसाद्य संबुद्धपदम् आप्स्यथ
tathā taṃ sarvadā bhadraṃ sarvatrāpi bhaved dhruvaṃ / kramāt saṃbodhim āsādya saṃbuddhapadam āpsyatha
Sanskrit only: no published translation is held for this verse.
इति शास्त्रा समादिष्टं श्रुत्वा शोभः स भूपतिः । तथा हीति प्रविज्ञप्य प्राभ्यनन्दत् प्रबोधितः
iti śāstrā samādiṣṭaṃ śrutvā śobhaḥ sa bhūpatiḥ / tathā hīti pravijñapya prābhyanandat prabodhitaḥ
Sanskrit only: no published translation is held for this verse.
तदारभ्य स भूमीन्द्रस् त्रिरत्नशरणं गतः । सर्वसत्वहितं कृत्वा प्राचरत् सर्वदा शुभे
tadārabhya sa bhūmīndras triratnaśaraṇaṃ gataḥ / sarvasatvahitaṃ kṛtvā prācarat sarvadā śubhe
Sanskrit only: no published translation is held for this verse.
तदा तद्विषये तत्र सर्वदाभूच् छुभोत्सवं । सर्व लोकाश् च सद्धर्मारतोत्साहाः प्रचेरिरे
tadā tadviṣaye tatra sarvadābhūc chubhotsavaṃ / sarva lokāś ca saddharmāratotsāhāḥ pracerire
Sanskrit only: no published translation is held for this verse.
एवं स नृपतिः शोभस् तं मुनीन्द्रं ससांघिकं । यथार्हभोजनैश् चापि त्रिमास्यं समसेवित
evaṃ sa nṛpatiḥ śobhas taṃ munīndraṃ sasāṃghikaṃ / yathārhabhojanaiś cāpi trimāsyaṃ samasevita
Sanskrit only: no published translation is held for this verse.
ततः स भूमीराजो त्रिमासान्ते ससांघिकं । क्रकुछंदं मुनीन्द्रं तं नत्वैवं प्रार्थयन् मुदा
tataḥ sa bhūmīrājo trimāsānte sasāṃghikaṃ / krakuchaṃdaṃ munīndraṃ taṃ natvaivaṃ prārthayan mudā
Sanskrit only: no published translation is held for this verse.
भगवन् नाथ सर्वज्ञ सर्वदात्र ससांघिकः । सद्धर्मं कृपयास्मद्भ्यम् आदेष्टुम् स्थातुम् अर्हति
bhagavan nātha sarvajña sarvadātra sasāṃghikaḥ / saddharmaṃ kṛpayāsmadbhyam ādeṣṭum sthātum arhati
Sanskrit only: no published translation is held for this verse.
इति संप्रार्थिते राज्ञा भगवान् स जगद्गुरुः । तद शोभं जगतीपालं समालोक्यैवम् आदिशत्
iti saṃprārthite rājñā bhagavān sa jagadguruḥ / tada śobhaṃ jagatīpālaṃ samālokyaivam ādiśat
Sanskrit only: no published translation is held for this verse.
नाहं राजंस् तवैकस्य हितार्थे सुगतो भवे । अपि तु सर्वसत्वानां शुभहेतौ भवे जिनः
nāhaṃ rājaṃs tavaikasya hitārthe sugato bhave / api tu sarvasatvānāṃ śubhahetau bhave jinaḥ
Sanskrit only: no published translation is held for this verse.
तद् एवं सर्वलोकेषु बोधिचर्यां प्रकाशयन् । सद्धर्मं समुपाख्यातुं चरेयं सह सांघिकैः
tad evaṃ sarvalokeṣu bodhicaryāṃ prakāśayan / saddharmaṃ samupākhyātuṃ careyaṃ saha sāṃghikaiḥ
Sanskrit only: no published translation is held for this verse.
यद्य् अस्ति ते सदा राजं भक्तिश्रद्धामतिर् मयि । मन्नामाभिसमुद्दिश्य स्तूपं कृत्वा सदा भज
yady asti te sadā rājaṃ bhaktiśraddhāmatir mayi / mannāmābhisamuddiśya stūpaṃ kṛtvā sadā bhaja
Sanskrit only: no published translation is held for this verse.
एतस्मिं यत् कृतं कर्म तन् मयि कृतम् एव हि । तिष्ठतो निर्वृतस्यापि तुल्यं भक्तिमतां फलं
etasmiṃ yat kṛtaṃ karma tan mayi kṛtam eva hi / tiṣṭhato nirvṛtasyāpi tulyaṃ bhaktimatāṃ phalaṃ
Sanskrit only: no published translation is held for this verse.
तद्यथा मयि राजेन्द्र श्रद्धया शरणं गतः । त्रिरत्नभजनं कृत्वा चरस्वैवं शुभे मुदा
tadyathā mayi rājendra śraddhayā śaraṇaṃ gataḥ / triratnabhajanaṃ kṛtvā carasvaivaṃ śubhe mudā
Sanskrit only: no published translation is held for this verse.
तथास्मिन् सर्वदा स्तूपे श्रद्धया शरणं गतः । त्रिरत्नभजनं कृत्वा शुभे चर समाहितः
tathāsmin sarvadā stūpe śraddhayā śaraṇaṃ gataḥ / triratnabhajanaṃ kṛtvā śubhe cara samāhitaḥ
Sanskrit only: no published translation is held for this verse.
तथा ते सर्वदा क्षेमं सर्वत्रापि भवेद् ध्रुवं । क्रमात् संबोधिम् आसाद्य संबुद्धपदम् आप्नुयात्
tathā te sarvadā kṣemaṃ sarvatrāpi bhaved dhruvaṃ / kramāt saṃbodhim āsādya saṃbuddhapadam āpnuyāt
Sanskrit only: no published translation is held for this verse.
इत्य् आदिश्य स संबुद्धस् तस्मै शोभाय भूर्भुजे । स्वनखकेशम् उत्कृत्य ददौ स्तूपार्थम् आदरात्
ity ādiśya sa saṃbuddhas tasmai śobhāya bhūrbhuje / svanakhakeśam utkṛtya dadau stūpārtham ādarāt
Sanskrit only: no published translation is held for this verse.
तं मुनीन्द्रप्रदत्तं स भूपतिः संप्रमोदितः । प्रणत्वा समुपागृह्य सानंदः स्वालयं ययौ
taṃ munīndrapradattaṃ sa bhūpatiḥ saṃpramoditaḥ / praṇatvā samupāgṛhya sānaṃdaḥ svālayaṃ yayau
Sanskrit only: no published translation is held for this verse.
तत्र स नृपती राजा तन् नखकेशम् आदरात् । गर्भे निधाय सद्रत्नैर् महस्तूपम् अकारयत्
tatra sa nṛpatī rājā tan nakhakeśam ādarāt / garbhe nidhāya sadratnair mahastūpam akārayat
Sanskrit only: no published translation is held for this verse.
ततस् तं स नृपो राजा प्रतिष्ठाप्य यथाविधिः । महोत्सवैः सदा नित्यं समभ्यर्च्य भजन् मुदा
tatas taṃ sa nṛpo rājā pratiṣṭhāpya yathāvidhiḥ / mahotsavaiḥ sadā nityaṃ samabhyarcya bhajan mudā
Sanskrit only: no published translation is held for this verse.
तत्रैकस्मिन् दिने भद्रे पर्वणि प्रत्युपस्थिते । समेत्य गोष्ठिकाः सर्वे तं स्तूपं द्रष्टुम् आगताः
tatraikasmin dine bhadre parvaṇi pratyupasthite / sametya goṣṭhikāḥ sarve taṃ stūpaṃ draṣṭum āgatāḥ
Sanskrit only: no published translation is held for this verse.
दृष्ट्वा ते गोष्ठिकाः सर्वे सुप्रसन्नाभिमोदिताः । नानापुष्पैस् तम् अभ्यर्च्य महोत्सवैः सहाभजत्
dṛṣṭvā te goṣṭhikāḥ sarve suprasannābhimoditāḥ / nānāpuṣpais tam abhyarcya mahotsavaiḥ sahābhajat
Sanskrit only: no published translation is held for this verse.
तत्रैको गोष्ठिको दृष्ट्वा दरिद्रो ऽहम् इति ब्रुवन् । तत्पूजामहोत्साहे लज्जया स्वगृहं ययौ
tatraiko goṣṭhiko dṛṣṭvā daridro 'ham iti bruvan / tatpūjāmahotsāhe lajjayā svagṛhaṃ yayau
Sanskrit only: no published translation is held for this verse.
ततस् तैर् गोष्ठिकैः सर्वैर् दृष्ट्वा स स्वगृहे ततः । बहुशः परिभाषित्वा गोष्ठिमध्याद् बहिष्कृतः
tatas tair goṣṭhikaiḥ sarvair dṛṣṭvā sa svagṛhe tataḥ / bahuśaḥ paribhāṣitvā goṣṭhimadhyād bahiṣkṛtaḥ
Sanskrit only: no published translation is held for this verse.
ततः स लज्जयाखिन्नः पश्चात्तापाग्नितापितः । हा मंदः कथम् एको ऽहं तिष्ठेयम् इत्य् अचिंतयत्
tataḥ sa lajjayākhinnaḥ paścāttāpāgnitāpitaḥ / hā maṃdaḥ katham eko 'haṃ tiṣṭheyam ity aciṃtayat
Sanskrit only: no published translation is held for this verse.
ततः स सुगतं स्मृत्वा दरिद्रो ऽपि समंततः । सर्वपुष्पाणि संगृह्य तैस् तं स्तूपं समर्चयत्
tataḥ sa sugataṃ smṛtvā daridro 'pi samaṃtataḥ / sarvapuṣpāṇi saṃgṛhya tais taṃ stūpaṃ samarcayat
Sanskrit only: no published translation is held for this verse.
ततः प्रदक्षिणीकृत्य सांजलिः स प्रमोदितः । तत् पादयोः प्रणत्वैवं प्रणिधानं मुदाकरोत्
tataḥ pradakṣiṇīkṛtya sāṃjaliḥ sa pramoditaḥ / tat pādayoḥ praṇatvaivaṃ praṇidhānaṃ mudākarot
Sanskrit only: no published translation is held for this verse.
यन् मयात्र मुनीन्द्रस्य स्तूपः पुष्पैः समर्चितः । एतत्पुण्यविपाकेन भवेयं श्रीसमृद्धिमान्
yan mayātra munīndrasya stūpaḥ puṣpaiḥ samarcitaḥ / etatpuṇyavipākena bhaveyaṃ śrīsamṛddhimān
Sanskrit only: no published translation is held for this verse.
इत्य् एवं प्रणिधिं कृत्वा तत् स्तूपं शरणं गतः । स दरिद्रः समभ्यर्च्य प्राभजन् संप्रमोदितः
ity evaṃ praṇidhiṃ kṛtvā tat stūpaṃ śaraṇaṃ gataḥ / sa daridraḥ samabhyarcya prābhajan saṃpramoditaḥ
Sanskrit only: no published translation is held for this verse.
मन्यतां भिक्षवो यो ऽसौ दरिद्रो ऽयं हि शोभितः । यत् स्तूपो ऽर्चितः पुष्पैस् तेनायं श्रीसमृद्धिमान्
manyatāṃ bhikṣavo yo 'sau daridro 'yaṃ hi śobhitaḥ / yat stūpo 'rcitaḥ puṣpais tenāyaṃ śrīsamṛddhimān
Sanskrit only: no published translation is held for this verse.
अन्यद् अपि यथानेन सुकृतं प्रकृतं पुरा । तत् सर्वं संप्रवक्ष्यामि शृणुध्वन् यूयम् आदरात्
anyad api yathānena sukṛtaṃ prakṛtaṃ purā / tat sarvaṃ saṃpravakṣyāmi śṛṇudhvan yūyam ādarāt
Sanskrit only: no published translation is held for this verse.
तथाथाभूत् पुरा पूर्य्यां वाराणस्यां गृहाधिपः । श्रेष्ठी महाजनः साधुर् व्यवहारविचक्षणः
tathāthābhūt purā pūryyāṃ vārāṇasyāṃ gṛhādhipaḥ / śreṣṭhī mahājanaḥ sādhur vyavahāravicakṣaṇaḥ
Sanskrit only: no published translation is held for this verse.
प्रत्येकसुगतो ग्लानो भिक्षार्थं समुपाचरन्
pratyekasugato glāno bhikṣārthaṃ samupācaran
Sanskrit only: no published translation is held for this verse.
तं गृहान्तिकम् आयातं दृष्ट्वा स करुणाहतः । सहसोपेत्य नत्वैनम् आमंत्र्य स्वगृहे नयेत्
taṃ gṛhāntikam āyātaṃ dṛṣṭvā sa karuṇāhataḥ / sahasopetya natvainam āmaṃtrya svagṛhe nayet
Sanskrit only: no published translation is held for this verse.
तत्र श्रेष्ठी स तं ग्लानं प्रत्येकबुद्धम् आसने । उपस्थाप्य समभ्यर्च्य पटेनाछादयन् मुदा
tatra śreṣṭhī sa taṃ glānaṃ pratyekabuddham āsane / upasthāpya samabhyarcya paṭenāchādayan mudā
Sanskrit only: no published translation is held for this verse.
तस्मै क्षीरोदनैः पूर्णं पात्रं पंचामृतैः सह । प्रदत्वा सांजलिर् नत्वा मनसैवं व्यचिंतयत्
tasmai kṣīrodanaiḥ pūrṇaṃ pātraṃ paṃcāmṛtaiḥ saha / pradatvā sāṃjalir natvā manasaivaṃ vyaciṃtayat
Sanskrit only: no published translation is held for this verse.
यद् अयं सुगतो ग्लानो ऽभ्यर्चितो मयादरात् । एतत्पुण्यविपाकेन भवेयं क्षेमवान् सुधीः
yad ayaṃ sugato glāno 'bhyarcito mayādarāt / etatpuṇyavipākena bhaveyaṃ kṣemavān sudhīḥ
Sanskrit only: no published translation is held for this verse.
इत्य् एवं प्रणिधानेन स श्रेष्ठी प्रतिमोदितः । सत्कृत्य सादरं तत्र स्वाश्रमे समचारयत्
ity evaṃ praṇidhānena sa śreṣṭhī pratimoditaḥ / satkṛtya sādaraṃ tatra svāśrame samacārayat
Sanskrit only: no published translation is held for this verse.
मन्यतां भिक्षवो यो ऽसौ श्रेष्ठी श्रीमान् महाजनः । अयम् एव महाभिज्ञः शोभितो ऽर्हन् महामतिः
manyatāṃ bhikṣavo yo 'sau śreṣṭhī śrīmān mahājanaḥ / ayam eva mahābhijñaḥ śobhito 'rhan mahāmatiḥ
Sanskrit only: no published translation is held for this verse.
यद् अनेन तदा ग्लानप्रत्येकबुद्ध आदरात् । पटेनाछाद्य पिंडेन प्रतिपाद्य समर्चितः
yad anena tadā glānapratyekabuddha ādarāt / paṭenāchādya piṃḍena pratipādya samarcitaḥ
Sanskrit only: no published translation is held for this verse.
एतत्पुण्यविपाकेन शोभितो ऽयं समृद्धिमान् । पंचजन्मशतान्य् एवं बभूव सद्गुणाकरः
etatpuṇyavipākena śobhito 'yaṃ samṛddhimān / paṃcajanmaśatāny evaṃ babhūva sadguṇākaraḥ
Sanskrit only: no published translation is held for this verse.
भूयो ऽपि यत् पुरानेन सुकृतं साधितं यथा । तत् सर्वं संप्रवक्ष्यामि शृणुध्वं यूयम् आदरात्
bhūyo 'pi yat purānena sukṛtaṃ sādhitaṃ yathā / tat sarvaṃ saṃpravakṣyāmi śṛṇudhvaṃ yūyam ādarāt
Sanskrit only: no published translation is held for this verse.
तद्यथाभूत् पुरा शास्ता काश्यपो ऽर्हन्स् तथागतः । सर्वज्ञः सुगतो नाथो धर्मराजो मुनीश्वरः
tadyathābhūt purā śāstā kāśyapo 'rhans tathāgataḥ / sarvajñaḥ sugato nātho dharmarājo munīśvaraḥ
Sanskrit only: no published translation is held for this verse.
वाराणस्यां स संबुद्धो मृगदावे ससांघिकः । सर्वसत्वहितार्थेन व्यहरद् धर्मम् आदिशत्
vārāṇasyāṃ sa saṃbuddho mṛgadāve sasāṃghikaḥ / sarvasatvahitārthena vyaharad dharmam ādiśat
Sanskrit only: no published translation is held for this verse.
तस्मिंश् च समये तत्र वाराणस्याम् अभूद् गृही । संबुद्धभक्तिमान् साधुर् दरिद्रः काष्ठहारिकः
tasmiṃś ca samaye tatra vārāṇasyām abhūd gṛhī / saṃbuddhabhaktimān sādhur daridraḥ kāṣṭhahārikaḥ
Sanskrit only: no published translation is held for this verse.
स एकस्मिन् दिने काष्ठम् आहर्तु पर्वटे व्रजन् । तत्रैकत्र महत् स्तूपं ददर्शाछादितं तृणैः
sa ekasmin dine kāṣṭham āhartu parvaṭe vrajan / tatraikatra mahat stūpaṃ dadarśāchāditaṃ tṛṇaiḥ
Sanskrit only: no published translation is held for this verse.
दृष्ट्वा स समुपाश्रित्य तत् तृणानि समंततः । सर्वाण्य् अपि समुत्पाट्य संमृज्य समशोधयत्
dṛṣṭvā sa samupāśritya tat tṛṇāni samaṃtataḥ / sarvāṇy api samutpāṭya saṃmṛjya samaśodhayat
Sanskrit only: no published translation is held for this verse.
ततस् तं शोभितं दृष्ट्वा स श्रेष्ठी संप्रमोदितः । नत्वा प्रदक्षिणीकृत्य मनसैवं व्यचिंतयत्
tatas taṃ śobhitaṃ dṛṣṭvā sa śreṣṭhī saṃpramoditaḥ / natvā pradakṣiṇīkṛtya manasaivaṃ vyaciṃtayat
Sanskrit only: no published translation is held for this verse.
यद् अयं सौगतस्तूपो मया संमृज्य शोधितः । एतत्पुण्यविपाकेन भवेयं दिव्यसुंदरः
yad ayaṃ saugatastūpo mayā saṃmṛjya śodhitaḥ / etatpuṇyavipākena bhaveyaṃ divyasuṃdaraḥ
Sanskrit only: no published translation is held for this verse.
दिव्यातिरिक्ताभैः शोभितः स्यान् समृद्धिमान् । अनागतांश् च संबुद्धान् आरागयेयम् आदरात्
divyātiriktābhaiḥ śobhitaḥ syān samṛddhimān / anāgatāṃś ca saṃbuddhān ārāgayeyam ādarāt
Sanskrit only: no published translation is held for this verse.
तदा तच्छासने गत्वा त्रिरत्नशरणं गतः । प्रव्रज्यार्हत्पदं प्राप्य व्रजेयाहं सुनिर्वृतिं
tadā tacchāsane gatvā triratnaśaraṇaṃ gataḥ / pravrajyārhatpadaṃ prāpya vrajeyāhaṃ sunirvṛtiṃ
Sanskrit only: no published translation is held for this verse.
इत्य् एवं प्रणिधिं कृत्वा प्रणत्वा तं जिनालयं । सततः काष्ठम् आदाय स्वगृहं समुदाचरत्
ity evaṃ praṇidhiṃ kṛtvā praṇatvā taṃ jinālayaṃ / satataḥ kāṣṭham ādāya svagṛhaṃ samudācarat
Sanskrit only: no published translation is held for this verse.
ततः स सुमतिः श्रीमान् अभूत् तत्पुण्यवान् कृतिः । सुखानि सुचिरं भुक्त्वा काले मृतो दिवं ययौ
tataḥ sa sumatiḥ śrīmān abhūt tatpuṇyavān kṛtiḥ / sukhāni suciraṃ bhuktvā kāle mṛto divaṃ yayau
Sanskrit only: no published translation is held for this verse.
स्वर्गे स दिव्यभोग्यानि भुक्त्वा रेमे सुरैः सह । पंचजन्मशतान्य् एवं सुखं भुक्त्वा भ्रमेद् भवे
svarge sa divyabhogyāni bhuktvā reme suraiḥ saha / paṃcajanmaśatāny evaṃ sukhaṃ bhuktvā bhramed bhave
Sanskrit only: no published translation is held for this verse.
अत्रापि यदेयं श्रीमाञ् छासने मे समागतः । प्रव्रज्यासंवरं धृत्वा चरन्न् अर्हन् भवत्य् अपि
atrāpi yadeyaṃ śrīmāñ chāsane me samāgataḥ / pravrajyāsaṃvaraṃ dhṛtvā carann arhan bhavaty api
Sanskrit only: no published translation is held for this verse.
तत् सर्वं हि विजानीत तत्स्तूपसंमृष्टपुण्यतः । यथा च चिंतितं तत्र तथास्य सिद्ध्यते ऽधुना
tat sarvaṃ hi vijānīta tatstūpasaṃmṛṣṭapuṇyataḥ / yathā ca ciṃtitaṃ tatra tathāsya siddhyate 'dhunā
Sanskrit only: no published translation is held for this verse.
दरिद्रकाष्ठहारो यो भवेत् सो ऽयं हि शोभितः । अन्य इति न मन्यन्तव्यं युष्माभिर् नात्र संशयः
daridrakāṣṭhahāro yo bhavet so 'yaṃ hi śobhitaḥ / anya iti na manyantavyaṃ yuṣmābhir nātra saṃśayaḥ
Sanskrit only: no published translation is held for this verse.
एवं सर्वत्र संसारे सर्वेषाम् अपि प्राणिनां । यथैव यत् कृतं कर्म तथैव तत् फलं ध्रुवं
evaṃ sarvatra saṃsāre sarveṣām api prāṇināṃ / yathaiva yat kṛtaṃ karma tathaiva tat phalaṃ dhruvaṃ
Sanskrit only: no published translation is held for this verse.
अभुक्तं क्षीयते नैव कर्म क्वापि कदा चन । अन्यथापि भवेन् नैव कर्मफलं कथं चन
abhuktaṃ kṣīyate naiva karma kvāpi kadā cana / anyathāpi bhaven naiva karmaphalaṃ kathaṃ cana
Sanskrit only: no published translation is held for this verse.
एवं मत्वात्र संसारे सर्वदा सुखवांछिभिः । त्रिरत्नभजनं कृत्वा चरितव्यं शुभे सदा
evaṃ matvātra saṃsāre sarvadā sukhavāṃchibhiḥ / triratnabhajanaṃ kṛtvā caritavyaṃ śubhe sadā
Sanskrit only: no published translation is held for this verse.
इत्य् आदिष्टं मुनीन्द्रेण श्रुत्वा ते सर्वसांघिकाः । सर्वे लोकाश् च संबोधिप्राप्तुं धर्मार्थिनो ऽभवन्
ity ādiṣṭaṃ munīndreṇa śrutvā te sarvasāṃghikāḥ / sarve lokāś ca saṃbodhiprāptuṃ dharmārthino 'bhavan
Sanskrit only: no published translation is held for this verse.
इति मे गुरुणाख्यातं श्रुतं मया तथोच्यते । त्वम् अप्य् एवं महाराज सद्धर्मनिरतो भव
iti me guruṇākhyātaṃ śrutaṃ mayā tathocyate / tvam apy evaṃ mahārāja saddharmanirato bhava
Sanskrit only: no published translation is held for this verse.
प्रजाश् चापि महारज बोधयित्वा प्रयत्नतः । बोधिमार्गे ऽभिसंस्थाप्य पातुम् अर्हति सर्वदा
prajāś cāpi mahāraja bodhayitvā prayatnataḥ / bodhimārge 'bhisaṃsthāpya pātum arhati sarvadā
Sanskrit only: no published translation is held for this verse.
एवं कृते महाराज सर्वत्र वः शुभं भवेत् । क्रमात् संबोधिम् आसाद्य संबुद्धपदम् आप्नुयाः
evaṃ kṛte mahārāja sarvatra vaḥ śubhaṃ bhavet / kramāt saṃbodhim āsādya saṃbuddhapadam āpnuyāḥ
Sanskrit only: no published translation is held for this verse.
इति तेनार्हताख्यातं श्रुत्वाशोकः स भूमिपः । तथा हीति प्रतिज्ञप्य प्राभ्यनन्दत् स पार्षदः
iti tenārhatākhyātaṃ śrutvāśokaḥ sa bhūmipaḥ / tathā hīti pratijñapya prābhyanandat sa pārṣadaḥ
Sanskrit only: no published translation is held for this verse.
ये श्रद्धाः सुप्रसन्ना इदम् अपि मनुजाः शोभितस्यावदानं । शृण्वन्ति श्रावयंति प्रमुदितमनसा ये च संबोधिकामाः । ते सर्वे बोधिसत्वाः सकलगुणभृतो बोधिचर्यां चरन्तो । भुक्त्वा सौख्यं प्रकामं दशबलनिलये संप्रयान्ति प्रमुक्त्वा
ye śraddhāḥ suprasannā idam api manujāḥ śobhitasyāvadānaṃ / śṛṇvanti śrāvayaṃti pramuditamanasā ye ca saṃbodhikāmāḥ / te sarve bodhisatvāḥ sakalaguṇabhṛto bodhicaryāṃ caranto / bhuktvā saukhyaṃ prakāmaṃ daśabalanilaye saṃprayānti pramuktvā
Sanskrit only: no published translation is held for this verse.