अथाशोको महीपालः संबुद्धगुणलालसः । उपगुप्तं गुरुं नत्वा प्रांजलिश् चैवम् अब्रवीत्
athāśoko mahīpālaḥ saṃbuddhaguṇalālasaḥ / upaguptaṃ guruṃ natvā prāṃjaliś caivam abravīt
Sanskrit only: no published translation is held for this verse.
Ratnamālāvadāna 8
भदन्त श्रोतुम् इछामि पुनर् अन्यत् सुभाषितं । यथा ते गुरुणादिष्टं तथा मे ख्यातुम् अर्हसि
bhadanta śrotum ichāmi punar anyat subhāṣitaṃ / yathā te guruṇādiṣṭaṃ tathā me khyātum arhasi
Sanskrit only: no published translation is held for this verse.
इति तेन नरेन्द्रेण पृष्टे ऽसौ च जिनांशजः । उपगुप्तो यतिर् भूयस् तं नृपेशम् अभाषत
iti tena narendreṇa pṛṣṭe 'sau ca jināṃśajaḥ / upagupto yatir bhūyas taṃ nṛpeśam abhāṣata
Sanskrit only: no published translation is held for this verse.
शृणु राजंस् तथा वक्ष्ये यथा मे गुरुणोदितं । श्रुत्वा च भवताप्य् एवं कर्त्तव्यं धर्मसाधनं
śṛṇu rājaṃs tathā vakṣye yathā me guruṇoditaṃ / śrutvā ca bhavatāpy evaṃ karttavyaṃ dharmasādhanaṃ
Sanskrit only: no published translation is held for this verse.
पुरैकसमये चासौ शाक्यसिंहोस् दयाकरः । सर्वज्ञः सुगतो नाथः शास्ता त्रैधातुकाधिपः
puraikasamaye cāsau śākyasiṃhos dayākaraḥ / sarvajñaḥ sugato nāthaḥ śāstā traidhātukādhipaḥ
Sanskrit only: no published translation is held for this verse.
सर्वविद्याधिपो बुद्धः षडभिज्ञो मुनीश्वरः । मारजिष्णुर् विनेतार्हं धर्मराजस् तथागतः
sarvavidyādhipo buddhaḥ ṣaḍabhijño munīśvaraḥ / mārajiṣṇur vinetārhaṃ dharmarājas tathāgataḥ
Sanskrit only: no published translation is held for this verse.
सर्वसत्वहितार्थाय श्रावस्त्यां वहिर् आश्रमे । जेतवने विहारस्थे व्यहरच् छ्रावकैः सह
sarvasatvahitārthāya śrāvastyāṃ vahir āśrame / jetavane vihārasthe vyaharac chrāvakaiḥ saha
Sanskrit only: no published translation is held for this verse.
बोधिसत्वगणैश् चापि सूपासकैश् च चैलकैः । देवासुरगणैश् चापि चतुर्वर्ण्णादिमानवैः
bodhisatvagaṇaiś cāpi sūpāsakaiś ca cailakaiḥ / devāsuragaṇaiś cāpi caturvarṇṇādimānavaiḥ
Sanskrit only: no published translation is held for this verse.
चतुर्भिश् च महाराजैः ससैन्यपरिवारकैः । सर्वसत्वैश् च पौरैश् च सद्धर्मगुणवांछिभिः
caturbhiś ca mahārājaiḥ sasainyaparivārakaiḥ / sarvasatvaiś ca pauraiś ca saddharmaguṇavāṃchibhiḥ
Sanskrit only: no published translation is held for this verse.
सत्कृत्य पूजयित्वा च परिवृत्य पुरस्कृतः । स भगवान् सभामध्ये सिंहासने स्थितो वभौ
satkṛtya pūjayitvā ca parivṛtya puraskṛtaḥ / sa bhagavān sabhāmadhye siṃhāsane sthito vabhau
Sanskrit only: no published translation is held for this verse.
तदा स भगवान् दृष्ट्वा तां सभां समुपस्थितां । आदिमध्यान्तकल्याणं दिदेश धर्मम् उत्तमं
tadā sa bhagavān dṛṣṭvā tāṃ sabhāṃ samupasthitāṃ / ādimadhyāntakalyāṇaṃ dideśa dharmam uttamaṃ
Sanskrit only: no published translation is held for this verse.
ते तद् धर्मामृतं पीत्वा सर्वे लोकाः प्रमोदिताः । भगवन्तं पुनर् नत्वा स्वस्वस्थानं प्रतीयिरे
te tad dharmāmṛtaṃ pītvā sarve lokāḥ pramoditāḥ / bhagavantaṃ punar natvā svasvasthānaṃ pratīyire
Sanskrit only: no published translation is held for this verse.
ततो ऽसौ भगवान् रात्रौ ध्यानागारे समाविशन् । पर्य्यङ्कं समुपाश्रित्य तस्थौ ध्यानसमाहितः
tato 'sau bhagavān rātrau dhyānāgāre samāviśan / paryyaṅkaṃ samupāśritya tasthau dhyānasamāhitaḥ
Sanskrit only: no published translation is held for this verse.
तदैका देवता तस्यां रात्रौ स्वर्गात् समागता । स्वकान्त्या भासयंत्य् एवं जेतवनम् उपाविशत्
tadaikā devatā tasyāṃ rātrau svargāt samāgatā / svakāntyā bhāsayaṃty evaṃ jetavanam upāviśat
Sanskrit only: no published translation is held for this verse.
ततस् तां भगवान् दृष्ट्वा देवतां समुपागतां । संनिरीक्ष्य समामंत्र्य तथैनां समबोधयत्
tatas tāṃ bhagavān dṛṣṭvā devatāṃ samupāgatāṃ / saṃnirīkṣya samāmaṃtrya tathaināṃ samabodhayat
Sanskrit only: no published translation is held for this verse.
देवते स्वागतं कच्चि कुशलं ते समेहि भो । प्रायातासि यद् अर्थेन तद् वदस्व प्रपूरये
devate svāgataṃ kacci kuśalaṃ te samehi bho / prāyātāsi yad arthena tad vadasva prapūraye
Sanskrit only: no published translation is held for this verse.
इत्य् आदिष्टे मुनीन्द्रेण तेनासौ देवता मुदा । संपृछावसरं लब्ध्वा हर्षिता समुपाक्रमत्
ity ādiṣṭe munīndreṇa tenāsau devatā mudā / saṃpṛchāvasaraṃ labdhvā harṣitā samupākramat
Sanskrit only: no published translation is held for this verse.
तत्रासौ पुरतो गत्वा नत्वा पादौ कृतांजलिः । प्रदक्षिणत्रयं कृत्वा तस्थाव् एकान्तिके मुनेः
tatrāsau purato gatvā natvā pādau kṛtāṃjaliḥ / pradakṣiṇatrayaṃ kṛtvā tasthāv ekāntike muneḥ
Sanskrit only: no published translation is held for this verse.
सर्वजेतवनं तस्या देवतायाः प्रभावतः । उदारेणावभासेन प्रविस्फुटं वभौ तदा
sarvajetavanaṃ tasyā devatāyāḥ prabhāvataḥ / udāreṇāvabhāsena pravisphuṭaṃ vabhau tadā
Sanskrit only: no published translation is held for this verse.
तथावभाषितं दृष्ट्वा सर्वे ते भिक्षुसांघिकाः । विस्मिताः सहसोत्थाय दृष्ट्वा तम् उपतस्थिरे
tathāvabhāṣitaṃ dṛṣṭvā sarve te bhikṣusāṃghikāḥ / vismitāḥ sahasotthāya dṛṣṭvā tam upatasthire
Sanskrit only: no published translation is held for this verse.
अथ सा देवतोत्थाय कृतांजलिपुटो ऽग्रगा । भगवन्तं मुनीन्द्रं तं प्रणत्वैवम् अपृछत
atha sā devatotthāya kṛtāṃjalipuṭo 'gragā / bhagavantaṃ munīndraṃ taṃ praṇatvaivam apṛchata
Sanskrit only: no published translation is held for this verse.
सर्वज्ञ भगवं छास्तः येनाहं समुपागता । तदर्थं त्वं समादिश्य चित्तं मे परिबोधय
sarvajña bhagavaṃ chāstaḥ yenāhaṃ samupāgatā / tadarthaṃ tvaṃ samādiśya cittaṃ me paribodhaya
Sanskrit only: no published translation is held for this verse.
के नराः सुगतिं यान्ति के नराः स्वर्गगामिनः । केषां चापि दिवारात्रौ सदा पुण्यं प्रवर्द्धते
ke narāḥ sugatiṃ yānti ke narāḥ svargagāminaḥ / keṣāṃ cāpi divārātrau sadā puṇyaṃ pravarddhate
Sanskrit only: no published translation is held for this verse.
के चापि दुर्गतिं यांति के चाधः पतिता नराः । केषां चापि दिवारात्रौ सदा पापं प्रवर्द्धते
ke cāpi durgatiṃ yāṃti ke cādhaḥ patitā narāḥ / keṣāṃ cāpi divārātrau sadā pāpaṃ pravarddhate
Sanskrit only: no published translation is held for this verse.
किंददो वलवां स्याच् च किंददश् च प्रशोभितः । किंददः सुखितो लोकः चक्षुष्मान् अपि किंप्रदः
kiṃdado valavāṃ syāc ca kiṃdadaś ca praśobhitaḥ / kiṃdadaḥ sukhito lokaḥ cakṣuṣmān api kiṃpradaḥ
Sanskrit only: no published translation is held for this verse.
किं नु वा निशितं शस्त्रं किं वा हालाहलं विषं । किं च प्रज्वलितो वह्निः किं महद् दारुणं तमः
kiṃ nu vā niśitaṃ śastraṃ kiṃ vā hālāhalaṃ viṣaṃ / kiṃ ca prajvalito vahniḥ kiṃ mahad dāruṇaṃ tamaḥ
Sanskrit only: no published translation is held for this verse.
गृहीतं किं नु मर्त्येन किन् तेनेह समुज्झितं । अभेद्यं कवचं किं च किं वा तीक्ष्णम् इहायुधं
gṛhītaṃ kiṃ nu martyena kin teneha samujjhitaṃ / abhedyaṃ kavacaṃ kiṃ ca kiṃ vā tīkṣṇam ihāyudhaṃ
Sanskrit only: no published translation is held for this verse.
को न्व् असौ प्रोच्यते चौरो धनं किं वा सतां मतं । के वा त्रैधातुके लोके प्रोच्यन्ते मुषितैति
ko nv asau procyate cauro dhanaṃ kiṃ vā satāṃ mataṃ / ke vā traidhātuke loke procyante muṣitaiti
Sanskrit only: no published translation is held for this verse.
कश् चेह सत्सुखी लोके को वा च परमेश्वरः । को विभूषितो नित्यं कश् चाप्य् अत्र विदंवितः
kaś ceha satsukhī loke ko vā ca parameśvaraḥ / ko vibhūṣito nityaṃ kaś cāpy atra vidaṃvitaḥ
Sanskrit only: no published translation is held for this verse.
वत्सलो वांधवो को नु को वा दुष्टाशयो रिपुः । किं महद् दारुणं दुःखं किं महत् परमं सुखं
vatsalo vāṃdhavo ko nu ko vā duṣṭāśayo ripuḥ / kiṃ mahad dāruṇaṃ duḥkhaṃ kiṃ mahat paramaṃ sukhaṃ
Sanskrit only: no published translation is held for this verse.
किं च लोके प्रियो पथ्यः किं वापथ्यं न चाप्रियं । को नु पीडाकरो व्याधिः को नु वै को भिषग्वरः
kiṃ ca loke priyo pathyaḥ kiṃ vāpathyaṃ na cāpriyaṃ / ko nu pīḍākaro vyādhiḥ ko nu vai ko bhiṣagvaraḥ
Sanskrit only: no published translation is held for this verse.
केनायम् आवृतो लोकः केन लोको वशीकृतः । केन त्यजति मित्राणि केन स्वर्गं न गछति
kenāyam āvṛto lokaḥ kena loko vaśīkṛtaḥ / kena tyajati mitrāṇi kena svargaṃ na gachati
Sanskrit only: no published translation is held for this verse.
केन मित्राणि वर्द्ध्यंते केन शाम्यंति शत्रवः । केन स्वर्गम् अवाप्नोति केन मोक्षं च गछति
kena mitrāṇi varddhyaṃte kena śāmyaṃti śatravaḥ / kena svargam avāpnoti kena mokṣaṃ ca gachati
Sanskrit only: no published translation is held for this verse.
केनायं बध्यते लोकः केन लोको विमुच्यते । कस्येह विप्रहाणेन निर्वाणम् इति कथ्यते
kenāyaṃ badhyate lokaḥ kena loko vimucyate / kasyeha viprahāṇena nirvāṇam iti kathyate
Sanskrit only: no published translation is held for this verse.
किं नु राजा च चौराश् च स्यंदमानाः समुद्यताः । नो शक्नुवन्त्य् अपाहर्तुं स्त्रियो वा पुरुषस्य च
kiṃ nu rājā ca caurāś ca syaṃdamānāḥ samudyatāḥ / no śaknuvanty apāhartuṃ striyo vā puruṣasya ca
Sanskrit only: no published translation is held for this verse.
किं न दहति सप्तार्चिः किं न भिनत्ति मारुतः । किं वा न क्लेदयंत्य् आपः किं न क्षीणं च भूमिषु
kiṃ na dahati saptārciḥ kiṃ na bhinatti mārutaḥ / kiṃ vā na kledayaṃty āpaḥ kiṃ na kṣīṇaṃ ca bhūmiṣu
Sanskrit only: no published translation is held for this verse.
इमं संशयम् अद्यापि मम तच् छेतुम् अर्हसि । अस्माल् लोकात् परं लोकं को गतो ऽत्यंतवंचितः
imaṃ saṃśayam adyāpi mama tac chetum arhasi / asmāl lokāt paraṃ lokaṃ ko gato 'tyaṃtavaṃcitaḥ
Sanskrit only: no published translation is held for this verse.
किं नु हत्वा सुखं शेते किं च हत्वा न शोचति । कस्य चैकस्य धर्मस्य वधं संशसि गौतम
kiṃ nu hatvā sukhaṃ śete kiṃ ca hatvā na śocati / kasya caikasya dharmasya vadhaṃ saṃśasi gautama
Sanskrit only: no published translation is held for this verse.
मयैतद् भगवन् पृष्टः सर्वज्ञो ऽसि यतो सुधीः । तन् मम संशयं छेतुं सम्यग् आदेष्टुम् अर्हसि
mayaitad bhagavan pṛṣṭaḥ sarvajño 'si yato sudhīḥ / tan mama saṃśayaṃ chetuṃ samyag ādeṣṭum arhasi
Sanskrit only: no published translation is held for this verse.
तयैवं पृछ्यमानो ऽसौ भगवान् सर्वविज् जिनः । देवतां तां समालोक्य तत् प्रश्नोत्तरम् अब्रवीत्
tayaivaṃ pṛchyamāno 'sau bhagavān sarvavij jinaḥ / devatāṃ tāṃ samālokya tat praśnottaram abravīt
Sanskrit only: no published translation is held for this verse.
शृणु त्वं देवते सम्यक् कृत्वा चित्तं समाहितं । तवैतत् परिपृछायाः प्रत्युत्तरम् उदाहरे
śṛṇu tvaṃ devate samyak kṛtvā cittaṃ samāhitaṃ / tavaitat paripṛchāyāḥ pratyuttaram udāhare
Sanskrit only: no published translation is held for this verse.
आरामारोपका ये ऽत्र ये च वा सेतुकारकाः । प्रपातोदकयानं च प्रददन्ति प्रतिश्रयं
ārāmāropakā ye 'tra ye ca vā setukārakāḥ / prapātodakayānaṃ ca pradadanti pratiśrayaṃ
Sanskrit only: no published translation is held for this verse.
श्रद्धाशीलेन सत्येन क्षमया वीतमत्सराः । ते नराः सुगतिं यान्ति ते नराः स्वर्गगामिनः
śraddhāśīlena satyena kṣamayā vītamatsarāḥ / te narāḥ sugatiṃ yānti te narāḥ svargagāminaḥ
Sanskrit only: no published translation is held for this verse.
तेषाम् एव हि मर्त्यानां दिवारात्रौ निरंतरं । अविछिन्नाः पुण्यधाराः प्रवर्द्ध्यन्ते सदा खलु
teṣām eva hi martyānāṃ divārātrau niraṃtaraṃ / avichinnāḥ puṇyadhārāḥ pravarddhyante sadā khalu
Sanskrit only: no published translation is held for this verse.
दशाकुशलकर्त्तारो येन सद्धर्मनिंदकाः । ते नरा दुर्गतिं यान्ति भ्रमन्ति पापचारिणः
daśākuśalakarttāro yena saddharmaniṃdakāḥ / te narā durgatiṃ yānti bhramanti pāpacāriṇaḥ
Sanskrit only: no published translation is held for this verse.
ये चाततायिनो मर्त्याः स्वकुलधर्मनष्टकाः । ते नराः पतिता यन्ति नरके दुःखभागिनः
ye cātatāyino martyāḥ svakuladharmanaṣṭakāḥ / te narāḥ patitā yanti narake duḥkhabhāginaḥ
Sanskrit only: no published translation is held for this verse.
तेषां पापिष्ठसत्वानां दिवारात्रौ निरंतरं । अविछिन्नाः पापधाराः प्रवहन्ते सदा खलु
teṣāṃ pāpiṣṭhasatvānāṃ divārātrau niraṃtaraṃ / avichinnāḥ pāpadhārāḥ pravahante sadā khalu
Sanskrit only: no published translation is held for this verse.
अन्नदो वलवान् भोगी वस्त्रदः शोभितो भवेत् । पानदः सुखितः तृप्तश् चक्षुष्मान् भवति दीपदः
annado valavān bhogī vastradaḥ śobhito bhavet / pānadaḥ sukhitaḥ tṛptaś cakṣuṣmān bhavati dīpadaḥ
Sanskrit only: no published translation is held for this verse.
दुष्टवाग् निशितं शस्त्रं रागो हालहलं विषं । द्वेषः प्रज्वलितो वह्निर् अविद्या दारुणं तमः
duṣṭavāg niśitaṃ śastraṃ rāgo hālahalaṃ viṣaṃ / dveṣaḥ prajvalito vahnir avidyā dāruṇaṃ tamaḥ
Sanskrit only: no published translation is held for this verse.
गृहीतं यत् स्वयं दत्तं यद् गृहे तद् इहोज्झितं । अभेद्यं कवचं क्षान्तिः प्रज्ञा तीक्ष्णं महायुधं
gṛhītaṃ yat svayaṃ dattaṃ yad gṛhe tad ihojjhitaṃ / abhedyaṃ kavacaṃ kṣāntiḥ prajñā tīkṣṇaṃ mahāyudhaṃ
Sanskrit only: no published translation is held for this verse.
वितर्को ऽकुशलश् चौरः शिलं धनं सतां मतं । ते एव मुषिता लोके यैः शीलं विनिपातितं
vitarko 'kuśalaś cauraḥ śilaṃ dhanaṃ satāṃ mataṃ / te eva muṣitā loke yaiḥ śīlaṃ vinipātitaṃ
Sanskrit only: no published translation is held for this verse.
अल्पेछः सत्सुखी लोके संतुष्टः परमेश्वरः । शीलवान् भूषितो नित्यं नष्टशीलो विदंवितः
alpechaḥ satsukhī loke saṃtuṣṭaḥ parameśvaraḥ / śīlavān bhūṣito nityaṃ naṣṭaśīlo vidaṃvitaḥ
Sanskrit only: no published translation is held for this verse.
वत्सलो वान्धवः पुण्यं पापं दुष्टाशयो रिपुः । नारकं दारुणं दुःखं स्कंधाभावपरं सुखं
vatsalo vāndhavaḥ puṇyaṃ pāpaṃ duṣṭāśayo ripuḥ / nārakaṃ dāruṇaṃ duḥkhaṃ skaṃdhābhāvaparaṃ sukhaṃ
Sanskrit only: no published translation is held for this verse.
कामाः प्रिया अपथ्या हि मोक्षः पथ्यो प्रियः सतां । द्वेषः पीडाकरो व्याधिः बुद्ध एको भिषग्वरः
kāmāḥ priyā apathyā hi mokṣaḥ pathyo priyaḥ satāṃ / dveṣaḥ pīḍākaro vyādhiḥ buddha eko bhiṣagvaraḥ
Sanskrit only: no published translation is held for this verse.
अज्ञानेनावृतो लोको मोहनः प्रवशीकृतः । लोभात् त्यजति मित्राणि संगात् स्वर्गं न गछति
ajñānenāvṛto loko mohanaḥ pravaśīkṛtaḥ / lobhāt tyajati mitrāṇi saṃgāt svargaṃ na gachati
Sanskrit only: no published translation is held for this verse.
त्यागान् मित्राणि वर्द्धन्ते मैत्र्या शाम्यन्ति शत्रवः । शीलात् स्वर्गम् अवाप्नोति ज्ञानान् मोक्षं सु गछति
tyāgān mitrāṇi varddhante maitryā śāmyanti śatravaḥ / śīlāt svargam avāpnoti jñānān mokṣaṃ su gachati
Sanskrit only: no published translation is held for this verse.
इछया बध्यते लोको नीछया च विमुच्यते । तृष्णाया विप्रहाणेन निर्वाणम् इति कथ्यते
ichayā badhyate loko nīchayā ca vimucyate / tṛṣṇāyā viprahāṇena nirvāṇam iti kathyate
Sanskrit only: no published translation is held for this verse.
पुण्यं राजा च चौराश् च स्यंदमानाः समुद्यताः । न शक्नुवंत्य् अपाहर्तुं स्त्रियो वा पुरुषस्य च
puṇyaṃ rājā ca caurāś ca syaṃdamānāḥ samudyatāḥ / na śaknuvaṃty apāhartuṃ striyo vā puruṣasya ca
Sanskrit only: no published translation is held for this verse.
पुण्यं न दहते वह्निर् भिनत्ति च न मारुतः । पुण्यं न क्लेदयंत्य् आपो नैव क्षीण्वंति भूमयः
puṇyaṃ na dahate vahnir bhinatti ca na mārutaḥ / puṇyaṃ na kledayaṃty āpo naiva kṣīṇvaṃti bhūmayaḥ
Sanskrit only: no published translation is held for this verse.
विद्यमानेषु भोग्येषु पुण्यं येन न संचितं । अस्माल् लोकात् परं लोकं स गतो ऽत्यंतवंचितः
vidyamāneṣu bhogyeṣu puṇyaṃ yena na saṃcitaṃ / asmāl lokāt paraṃ lokaṃ sa gato 'tyaṃtavaṃcitaḥ
Sanskrit only: no published translation is held for this verse.
क्रोधस्यैकस्य धर्मस्य वधं संशामि सर्वदा
krodhasyaikasya dharmasya vadhaṃ saṃśāmi sarvadā
Sanskrit only: no published translation is held for this verse.
एतत् प्रश्नोत्तरं श्रुत्वा देवतासौ प्रमोदिता । भगवंतं पुनर् नत्वा प्रसंश्यैवम् अवोचत
etat praśnottaraṃ śrutvā devatāsau pramoditā / bhagavaṃtaṃ punar natvā prasaṃśyaivam avocata
Sanskrit only: no published translation is held for this verse.
धन्यो ऽसि भगवन् बुद्ध सर्वप्रश्नोत्तरप्रदः । सर्वज्ञो जगतां शास्ता षडभिज्ञो मुनीश्वरः
dhanyo 'si bhagavan buddha sarvapraśnottarapradaḥ / sarvajño jagatāṃ śāstā ṣaḍabhijño munīśvaraḥ
Sanskrit only: no published translation is held for this verse.
वीरस्य च न पश्यामि ब्राह्मण्यं परिनिर्वृतिं । सर्ववीरो भयातीतस् त्रातुं लोके ऽभिशक्तिभाग्
vīrasya ca na paśyāmi brāhmaṇyaṃ parinirvṛtiṃ / sarvavīro bhayātītas trātuṃ loke 'bhiśaktibhāg
Sanskrit only: no published translation is held for this verse.
इत्य् उक्त्वा देवता भूयः कृत्वा प्रदक्षिणत्रयं । नत्वा पादौ मुनीन्द्रस्य तत एव दिवं ययौ
ity uktvā devatā bhūyaḥ kṛtvā pradakṣiṇatrayaṃ / natvā pādau munīndrasya tata eva divaṃ yayau
Sanskrit only: no published translation is held for this verse.
अथ ते भिक्षवः सर्वे श्रुत्वा शास्त्रानुदेशितं । सत्यम् एवं परिज्ञाय सम्यक् कर्मसु चेरिरे
atha te bhikṣavaḥ sarve śrutvā śāstrānudeśitaṃ / satyam evaṃ parijñāya samyak karmasu cerire
Sanskrit only: no published translation is held for this verse.
एवम् एतन् महाराज गुरुणा मे प्रभाषितं । श्रुत्वा चैवं परिज्ञाय सद्धर्मे निरतो भव
evam etan mahārāja guruṇā me prabhāṣitaṃ / śrutvā caivaṃ parijñāya saddharme nirato bhava
Sanskrit only: no published translation is held for this verse.
धर्मेण सुगतिं यायात् पापेन दुर्गतिं व्रजेत् । तस्माद् धर्मं पुरस्कृत्य प्रजाः सम्यक् प्रपालय
dharmeṇa sugatiṃ yāyāt pāpena durgatiṃ vrajet / tasmād dharmaṃ puraskṛtya prajāḥ samyak prapālaya
Sanskrit only: no published translation is held for this verse.
दशाकुशलकर्माणि त्यक्त्वा संवृतिम् आचर । सर्वोपकरणं दानं दातव्यं स्वर्गवांछिना
daśākuśalakarmāṇi tyaktvā saṃvṛtim ācara / sarvopakaraṇaṃ dānaṃ dātavyaṃ svargavāṃchinā
Sanskrit only: no published translation is held for this verse.
दुष्टसंगं परित्यज्य हत्वा रागविषं मुहुः । द्वेषाग्निशमनं कृत्वा ह्य् अविद्या संप्रघात्यतां
duṣṭasaṃgaṃ parityajya hatvā rāgaviṣaṃ muhuḥ / dveṣāgniśamanaṃ kṛtvā hy avidyā saṃpraghātyatāṃ
Sanskrit only: no published translation is held for this verse.
कामवितर्कतां त्यक्त्वा बोधिप्रणिधिचेतसा । त्रिकायशोधनं कृत्वा शीलधनम् उपार्ज्यतां
kāmavitarkatāṃ tyaktvā bodhipraṇidhicetasā / trikāyaśodhanaṃ kṛtvā śīladhanam upārjyatāṃ
Sanskrit only: no published translation is held for this verse.
स्कंधाभावं परिज्ञाय मत्वा दुष्टाशयं रिपुं । क्षमास्व् आवरणं धृत्वा दुष्टसंघान् विजीयतां
skaṃdhābhāvaṃ parijñāya matvā duṣṭāśayaṃ ripuṃ / kṣamāsv āvaraṇaṃ dhṛtvā duṣṭasaṃghān vijīyatāṃ
Sanskrit only: no published translation is held for this verse.