Salinatha: Rasamanjari 2

अथातः सम्प्रवक्ष्यामि रसजारणमुत्तमम् । अथाजीर्णम् अबीजं च सूतकं यस्तु घातयेत्

athātaḥ sampravakṣyāmi rasajāraṇamuttamam / athājīrṇam abījaṃ ca sūtakaṃ yastu ghātayet

Sanskrit only: no published translation is held for this verse.

ब्रह्महा स दुराचारी मम द्रोही महेश्वरि । तस्मात्सर्वप्रयत्नेन जारितं मारयेद्रसम्

brahmahā sa durācārī mama drohī maheśvari / tasmātsarvaprayatnena jāritaṃ mārayedrasam

Sanskrit only: no published translation is held for this verse.

<पारदबलिजारणं> प्रक्षिप्य तोयं मृत्कुण्डे तस्योपरि शरावकम् । संचूर्णमेखलायुक्तं स्थापयेत्तस्य चान्तरे

<pāradabalijāraṇaṃ> prakṣipya toyaṃ mṛtkuṇḍe tasyopari śarāvakam / saṃcūrṇamekhalāyuktaṃ sthāpayettasya cāntare

Sanskrit only: no published translation is held for this verse.

रसं क्षिप्त्वा गन्धकस्य रजस्तस्योपरि क्षिपेत् । समं भागं ततो दद्याच्छरावेण पिधापयेत्

rasaṃ kṣiptvā gandhakasya rajastasyopari kṣipet / samaṃ bhāgaṃ tato dadyāccharāveṇa pidhāpayet

Sanskrit only: no published translation is held for this verse.

लघ्वीयसीं भस्ममुद्रां ततः कुर्याद् भिषग्वरः । आरण्योपलकैः सम्यक् चतुर्भिः पुटमाचरेत्

laghvīyasīṃ bhasmamudrāṃ tataḥ kuryād bhiṣagvaraḥ / āraṇyopalakaiḥ samyak caturbhiḥ puṭamācaret

Sanskrit only: no published translation is held for this verse.

एवं पुनः पुनर् गन्धं दत्त्वा दत्त्वा भिषग्वरः । सम्यक् कुर्वीत सूतस्य देवि षड्गुणजारणम्

evaṃ punaḥ punar gandhaṃ dattvā dattvā bhiṣagvaraḥ / samyak kurvīta sūtasya devi ṣaḍguṇajāraṇam

Sanskrit only: no published translation is held for this verse.

<पारदसुवर्णजारणं> रसः स्यात् पटुशिग्रुतुत्थैः सराजिकैर्व्योषणकैस् त्रिरात्रम् । पिष्टस्ततः स्विन्नतनु सुवर्णमुख्यानयं खादति सर्वधातून्

<pāradasuvarṇajāraṇaṃ> rasaḥ syāt paṭuśigrututthaiḥ sarājikairvyoṣaṇakais trirātram / piṣṭastataḥ svinnatanu suvarṇamukhyānayaṃ khādati sarvadhātūn

Sanskrit only: no published translation is held for this verse.

<पारदजारण> अथवा बिडयोगेन शिखिपित्तेन लेपितम् । चरेत् सुवर्णं रसराट् तप्तखल्वे यथासुखम्

<pāradajāraṇa> athavā biḍayogena śikhipittena lepitam / caret suvarṇaṃ rasarāṭ taptakhalve yathāsukham

Sanskrit only: no published translation is held for this verse.

निर्दग्धशंखचूर्णं च रविक्षीरेण संप्लुतम् । पुटितं शतशो देवि प्रशस्तं जारणं विदुः

nirdagdhaśaṃkhacūrṇaṃ ca ravikṣīreṇa saṃplutam / puṭitaṃ śataśo devi praśastaṃ jāraṇaṃ viduḥ

Sanskrit only: no published translation is held for this verse.

स्वर्णाभ्रसर्वलोहानि यथेष्टानि च जारयेत् । अनेकविधिना सूतं चतुःषष्ट्यंशकादिना । द्वात्रिंशत् षोडशांशेन जारयेत् कनकं बुधः

svarṇābhrasarvalohāni yatheṣṭāni ca jārayet / anekavidhinā sūtaṃ catuḥṣaṣṭyaṃśakādinā / dvātriṃśat ṣoḍaśāṃśena jārayet kanakaṃ budhaḥ

Sanskrit only: no published translation is held for this verse.

<रसमारणं> द्विपलं शुद्धसूतं च सूतार्धं शुद्धगन्धकम् । कन्यानीरेण संमर्द्य दिनमेकं निरन्तरम्

<rasamāraṇaṃ> dvipalaṃ śuddhasūtaṃ ca sūtārdhaṃ śuddhagandhakam / kanyānīreṇa saṃmardya dinamekaṃ nirantaram

Sanskrit only: no published translation is held for this verse.

रुद्ध्वा तद्भूधरे यन्त्रे दिनैकं मारयेत् पुटान् । <रसमारण (२)> भुजङ्गवल्लीनीरेण मर्दितं पारदं दृढम्

ruddhvā tadbhūdhare yantre dinaikaṃ mārayet puṭān / <rasamāraṇa (2)> bhujaṅgavallīnīreṇa marditaṃ pāradaṃ dṛḍham

Sanskrit only: no published translation is held for this verse.

कर्कोटीकन्दमृन्मूषासम्पुटस्थं पुटे गजे । भस्म तद्योगवाहि स्यात्सर्वकर्मसु योजयेत्

karkoṭīkandamṛnmūṣāsampuṭasthaṃ puṭe gaje / bhasma tadyogavāhi syātsarvakarmasu yojayet

Sanskrit only: no published translation is held for this verse.

<रसमारण (३)> श्वेताङ्कोलजटावारि मर्द्यः सूतो दिनत्रयम् । पुटितश्चान्धमूषायां सूतो भस्मत्वमाप्नुयात्

<rasamāraṇa (3)> śvetāṅkolajaṭāvāri mardyaḥ sūto dinatrayam / puṭitaścāndhamūṣāyāṃ sūto bhasmatvamāpnuyāt

Sanskrit only: no published translation is held for this verse.

प्रत्यहं रक्तिकापञ्च भक्षयेन्मधु सर्पिषा । को वा तस्य गुणान् वक्तुं भुवि शक्नोति मानवः

pratyahaṃ raktikāpañca bhakṣayenmadhu sarpiṣā / ko vā tasya guṇān vaktuṃ bhuvi śaknoti mānavaḥ

Sanskrit only: no published translation is held for this verse.

<रससिन्दूरनिर्माण (१)> पलमत्र रसं शुद्धं तावन्मात्रं सुगन्धकम् । विधिवत् कज्जलीं कृत्वा न्यग्रोधाङ्कुरवारिभिः

<rasasindūranirmāṇa (1)> palamatra rasaṃ śuddhaṃ tāvanmātraṃ sugandhakam / vidhivat kajjalīṃ kṛtvā nyagrodhāṅkuravāribhiḥ

Sanskrit only: no published translation is held for this verse.

भावनात्रितयं दत्त्वा स्थालीमध्ये निधापयेत् । विरच्य कवचीयन्त्रं वालुकाभिः प्रपूरयेत्

bhāvanātritayaṃ dattvā sthālīmadhye nidhāpayet / viracya kavacīyantraṃ vālukābhiḥ prapūrayet

Sanskrit only: no published translation is held for this verse.

जायते रससिन्दूरं तरुणारुणसन्निभम् । अनुपानविशेषेण करोति विविधान् गुणान्

jāyate rasasindūraṃ taruṇāruṇasannibham / anupānaviśeṣeṇa karoti vividhān guṇān

Sanskrit only: no published translation is held for this verse.

<रससिन्दूर (२)> गन्धकेन समः सूतो निर्गुण्डीरसमर्दितः । पाचितो वालुकायन्त्रे रक्तं भस्म प्रजायते

<rasasindūra (2)> gandhakena samaḥ sūto nirguṇḍīrasamarditaḥ / pācito vālukāyantre raktaṃ bhasma prajāyate

Sanskrit only: no published translation is held for this verse.

<रससिन्दूर> सूतार्द्धं गन्धकं शुद्धं माक्षिकोद्भूतसत्त्वकम् । गन्धतुल्यं विमर्द्याथ दिनं निर्गुण्डिकाद्रवैः

<rasasindūra> sūtārddhaṃ gandhakaṃ śuddhaṃ mākṣikodbhūtasattvakam / gandhatulyaṃ vimardyātha dinaṃ nirguṇḍikādravaiḥ

Sanskrit only: no published translation is held for this verse.

स्थापयेद्वालुकायन्त्रे काचकूप्यां विपाचयेत् । अन्धमूषागतं वाथ वालुकायन्त्रके दिनम्

sthāpayedvālukāyantre kācakūpyāṃ vipācayet / andhamūṣāgataṃ vātha vālukāyantrake dinam

Sanskrit only: no published translation is held for this verse.

पक्वं संजायते भस्म दाडिमीकुसुमोपमम् । <रससिन्दूर> पृथक् समं समं कृत्वा पारदं गन्धकं तथा

pakvaṃ saṃjāyate bhasma dāḍimīkusumopamam / <rasasindūra> pṛthak samaṃ samaṃ kṛtvā pāradaṃ gandhakaṃ tathā

Sanskrit only: no published translation is held for this verse.

नवसारं धूमसारं स्फटिकीं याममात्रके । निम्बुनीरेण संमर्द्य काचकुप्यां विपाचयेत्

navasāraṃ dhūmasāraṃ sphaṭikīṃ yāmamātrake / nimbunīreṇa saṃmardya kācakupyāṃ vipācayet

Sanskrit only: no published translation is held for this verse.

मुखे पाषाणवटिकां दत्त्वा मुद्रां प्रलेपयेत् । सप्तभिर् मृत्तिकावस्त्रैः पृथक् संशोष्य वेष्टयेत्

mukhe pāṣāṇavaṭikāṃ dattvā mudrāṃ pralepayet / saptabhir mṛttikāvastraiḥ pṛthak saṃśoṣya veṣṭayet

Sanskrit only: no published translation is held for this verse.

सच्छिद्रायां मृदः स्थाल्यां कूपिकां संनिवेशयेत् । पूरयेत् सिकतापुरैर् आ गलं मतिमान् भिषक्

sacchidrāyāṃ mṛdaḥ sthālyāṃ kūpikāṃ saṃniveśayet / pūrayet sikatāpurair ā galaṃ matimān bhiṣak

Sanskrit only: no published translation is held for this verse.

निवेश्य चुल्ल्यां दहनं मन्दमध्यखरं क्रमात् । प्रज्वाल्य द्वादशं यामं स्वाङ्गशीतलम् उद्धरेत्

niveśya cullyāṃ dahanaṃ mandamadhyakharaṃ kramāt / prajvālya dvādaśaṃ yāmaṃ svāṅgaśītalam uddharet

Sanskrit only: no published translation is held for this verse.

स्फोटयित्वा पुनः स्थालीमूर्ध्वगं गन्धकं त्यजेत् । अधस्थं रससिन्दूरं सर्वकर्मसु योजयेत्

sphoṭayitvā punaḥ sthālīmūrdhvagaṃ gandhakaṃ tyajet / adhasthaṃ rasasindūraṃ sarvakarmasu yojayet

Sanskrit only: no published translation is held for this verse.

<रससिन्दूर> गन्धकं धूम [॥। औ१ ज़ेइछेन्झ्] रं च शुद्धसूतं समं समम् । यामैकं मर्दयेत्खल्वे काचकुप्यां निवेशयेत्

<rasasindūra> gandhakaṃ dhūma [... au1 Zeichenjh] raṃ ca śuddhasūtaṃ samaṃ samam / yāmaikaṃ mardayetkhalve kācakupyāṃ niveśayet

Sanskrit only: no published translation is held for this verse.

रुद्ध्वा द्वादशयामं तु वालुकायन्त्रगं पचेत् । स्फोटयेत् स्वाङ्गशीतं तमूर्ध्वलग्नं तु तं त्यजेत् । अधस्थं मृतसूतं च सर्वयोगेषु योजयेत्

ruddhvā dvādaśayāmaṃ tu vālukāyantragaṃ pacet / sphoṭayet svāṅgaśītaṃ tamūrdhvalagnaṃ tu taṃ tyajet / adhasthaṃ mṛtasūtaṃ ca sarvayogeṣu yojayet

Sanskrit only: no published translation is held for this verse.

<रससिन्दूर> भागौ रसस्य त्रय एव भागा गन्धस्य भागं पवनासनस्य । संमर्द्य गाढं सकलं सुभाण्डे तां कज्जलीं काचकृते विदध्यात्

<rasasindūra> bhāgau rasasya traya eva bhāgā gandhasya bhāgaṃ pavanāsanasya / saṃmardya gāḍhaṃ sakalaṃ subhāṇḍe tāṃ kajjalīṃ kācakṛte vidadhyāt

Sanskrit only: no published translation is held for this verse.

संवेष्ट्य मृत्कर्पटकैः स्वयं तां मुखे सुचूर्णां खटिकां च कृत्वा । क्रमाग्निना त्रीणि दिनानि पक्त्वा तां वालुकायन्त्रगतां ततः स्यात्

saṃveṣṭya mṛtkarpaṭakaiḥ svayaṃ tāṃ mukhe sucūrṇāṃ khaṭikāṃ ca kṛtvā / kramāgninā trīṇi dināni paktvā tāṃ vālukāyantragatāṃ tataḥ syāt

Sanskrit only: no published translation is held for this verse.

बन्धूकपुष्पारुणम् ईशजस्य भस्म प्रयोज्यं सकलामयेषु । निजानुपानैर् मरणं जरां च निहन्ति वल्लक्रमसेवनेन

bandhūkapuṣpāruṇam īśajasya bhasma prayojyaṃ sakalāmayeṣu / nijānupānair maraṇaṃ jarāṃ ca nihanti vallakramasevanena

Sanskrit only: no published translation is held for this verse.

<रससिन्दूर> पक्वमूषागतं सूतं गन्धकं चाधरोत्तरम् । तुल्यं सुचूर्णितं कृत्वा काकमाचीद्रवं पुनः

<rasasindūra> pakvamūṣāgataṃ sūtaṃ gandhakaṃ cādharottaram / tulyaṃ sucūrṇitaṃ kṛtvā kākamācīdravaṃ punaḥ

Sanskrit only: no published translation is held for this verse.

द्वाभ्यां चतुर्गुणं देयं द्रवं मूषां निरुध्य च । पाचयेद् वालुकायन्त्रे क्रमवृद्धाग्निना दिनम् । आरक्तं जायते भस्म सर्वयोगेषु योजयेत्

dvābhyāṃ caturguṇaṃ deyaṃ dravaṃ mūṣāṃ nirudhya ca / pācayed vālukāyantre kramavṛddhāgninā dinam / āraktaṃ jāyate bhasma sarvayogeṣu yojayet

Sanskrit only: no published translation is held for this verse.

<रससिन्दूर> अश्वगन्धादिवर्गेण रसं स्वेद्यं प्रयत्नतः । रसतुल्यं गन्धकं च मर्दयेत् कुशलो भिषक्

<rasasindūra> aśvagandhādivargeṇa rasaṃ svedyaṃ prayatnataḥ / rasatulyaṃ gandhakaṃ ca mardayet kuśalo bhiṣak

Sanskrit only: no published translation is held for this verse.

पाचयेद्रससिन्दूरं जायतेऽरुणसन्निभम् । श्रेष्ठं सर्वरसानां हि पुष्टिकामबलप्रदम्

pācayedrasasindūraṃ jāyate'ruṇasannibham / śreṣṭhaṃ sarvarasānāṃ hi puṣṭikāmabalapradam

Sanskrit only: no published translation is held for this verse.

इदमेवायुषो वृद्धिं कर्तुं नान्यदलं भवेत् । विनापि स्वर्णराजेन मुनिभिः परिकीर्तितम्

idamevāyuṣo vṛddhiṃ kartuṃ nānyadalaṃ bhavet / vināpi svarṇarājena munibhiḥ parikīrtitam

Sanskrit only: no published translation is held for this verse.

<रसकर्पूर> टङ्कणं मधु लाक्षाथ ऊर्णा गुञ्जायुतो रसः । मर्दयेद् भृङ्गजैर्द्रावैर्दिनैकं वा धमेत् पुनः

<rasakarpūra> ṭaṅkaṇaṃ madhu lākṣātha ūrṇā guñjāyuto rasaḥ / mardayed bhṛṅgajairdrāvairdinaikaṃ vā dhamet punaḥ

Sanskrit only: no published translation is held for this verse.

ध्मातो भस्मत्वमायाति शुद्धः कर्पूरसन्निभः । <रसकर्पूर> खटीष्टिगैरिकावल्मीमृत्तिका सैन्धवं समम्

dhmāto bhasmatvamāyāti śuddhaḥ karpūrasannibhaḥ / <rasakarpūra> khaṭīṣṭigairikāvalmīmṛttikā saindhavaṃ samam

Sanskrit only: no published translation is held for this verse.

भागद्वयमितो गन्धो रसभागद्वयं स्मृतम् । हण्डिकायां विनिःक्षिप्य पार्श्वे पार्श्वे च खर्पटान्

bhāgadvayamito gandho rasabhāgadvayaṃ smṛtam / haṇḍikāyāṃ viniḥkṣipya pārśve pārśve ca kharpaṭān

Sanskrit only: no published translation is held for this verse.

दग्ध्वाथ हण्डिकां दत्त्वा द्विरष्टप्रहरं पचेत् । मृतसूतं तु गृह्णीयाच्छुद्धः कर्पूरसन्निभम्

dagdhvātha haṇḍikāṃ dattvā dviraṣṭapraharaṃ pacet / mṛtasūtaṃ tu gṛhṇīyācchuddhaḥ karpūrasannibham

Sanskrit only: no published translation is held for this verse.

कल्कादिवेष्टितं कृत्वा निर्गिलेद् उपदंशके । <रसकर्पूर> पिष्टं पांशुपटुप्रगाढममलं वज्र्यम्बुनानेकशः सूतं धातुयुतं खटीकवलितं तं सम्पुटे रोधयेत् । अन्तःस्थं लवणस्य तस्य च तले प्रज्वाल्य वह्णिं हठात् भस्म ग्राह्यमथेन्दुकुन्दधवलं भस्मोपरिस्थं शनैः

kalkādiveṣṭitaṃ kṛtvā nirgiled upadaṃśake / <rasakarpūra> piṣṭaṃ pāṃśupaṭupragāḍhamamalaṃ vajryambunānekaśaḥ sūtaṃ dhātuyutaṃ khaṭīkavalitaṃ taṃ sampuṭe rodhayet / antaḥsthaṃ lavaṇasya tasya ca tale prajvālya vahṇiṃ haṭhāt bhasma grāhyamathendukundadhavalaṃ bhasmoparisthaṃ śanaiḥ

Sanskrit only: no published translation is held for this verse.

तद्वल्लद्वितयं लवङ्गसहितं प्रातः प्रभुक्तं नृणाम् ऊर्ध्वं रेचयति द्वियाममसकृत्पेयं जलं शीतलम् । एतद्धन्ति च वत्सरावधि विषं षाण्मासिकं मासिकं शैलोत्थं गरलं मृगेन्द्रकुटिलोद्भूतं च तात्कालिकम्

tadvalladvitayaṃ lavaṅgasahitaṃ prātaḥ prabhuktaṃ nṛṇām ūrdhvaṃ recayati dviyāmamasakṛtpeyaṃ jalaṃ śītalam / etaddhanti ca vatsarāvadhi viṣaṃ ṣāṇmāsikaṃ māsikaṃ śailotthaṃ garalaṃ mṛgendrakuṭilodbhūtaṃ ca tātkālikam

Sanskrit only: no published translation is held for this verse.

<रसमूर्छन> मेघनादवचाहिङ्गुलशुनैर् मर्दयेद् रसम् । नष्टपिष्टं तु तद्गोलं हिङ्गुना वेष्टयेद्बहिः

<rasamūrchana> meghanādavacāhiṅgulaśunair mardayed rasam / naṣṭapiṣṭaṃ tu tadgolaṃ hiṅgunā veṣṭayedbahiḥ

Sanskrit only: no published translation is held for this verse.

पचेल्लवणयन्त्रस्थं दिनैकं चण्डवह्णिना । ऊर्ध्वलग्नं समादाय दृढं वस्त्रेण वेष्टयेत्

pacellavaṇayantrasthaṃ dinaikaṃ caṇḍavahṇinā / ūrdhvalagnaṃ samādāya dṛḍhaṃ vastreṇa veṣṭayet

Sanskrit only: no published translation is held for this verse.

ऊर्ध्वाधो गन्धकं तुल्यं दत्त्वा सौम्यानले पचेत् । जीर्णे गन्धे पुनर्देयं षड्भिर् वारैः समं समम्

ūrdhvādho gandhakaṃ tulyaṃ dattvā saumyānale pacet / jīrṇe gandhe punardeyaṃ ṣaḍbhir vāraiḥ samaṃ samam

Sanskrit only: no published translation is held for this verse.

षड्गुणे गन्धके जीर्णे मूर्छितो रोगहा भवेत् । <रसमूर्छन> लोहपात्रेऽथवा ताम्रे पलैकं शुद्धगन्धकम्

ṣaḍguṇe gandhake jīrṇe mūrchito rogahā bhavet / <rasamūrchana> lohapātre'thavā tāmre palaikaṃ śuddhagandhakam

Sanskrit only: no published translation is held for this verse.

मृद्वग्निना द्रुते तस्मिञ्छुद्धं सूतपलत्रयम् । क्षिप्त्वाथ चालयेत् किंचिल्लोहदर्व्या पुनः पुनः

mṛdvagninā drute tasmiñchuddhaṃ sūtapalatrayam / kṣiptvātha cālayet kiṃcillohadarvyā punaḥ punaḥ

Sanskrit only: no published translation is held for this verse.

गोमयं कदलीपत्रं तस्योपरि च ढालयेत् । इत्येवं गन्धबद्धं च सर्वरोगेषु योजयेत्

gomayaṃ kadalīpatraṃ tasyopari ca ḍhālayet / ityevaṃ gandhabaddhaṃ ca sarvarogeṣu yojayet

Sanskrit only: no published translation is held for this verse.

मारितो देहसिद्ध्यर्थं मूर्छितो व्याधिघातने । रसभस्म क्वचिद्रोगे देहार्थं मूर्छितं क्वचित् । बद्धो द्वाभ्यां प्रयुञ्जीत शास्त्रदृष्टेन कर्मणा

mārito dehasiddhyarthaṃ mūrchito vyādhighātane / rasabhasma kvacidroge dehārthaṃ mūrchitaṃ kvacit / baddho dvābhyāṃ prayuñjīta śāstradṛṣṭena karmaṇā

Sanskrit only: no published translation is held for this verse.

<बद्धपारदलक्षणानि> अक्षयी च लघुर्द्रावी तेजस्वी निर्मलो गुरुः । स्फुटनं पुनरावृत्तिर्बद्धसूतस्य लक्षणम्

<baddhapāradalakṣaṇāni> akṣayī ca laghurdrāvī tejasvī nirmalo guruḥ / sphuṭanaṃ punarāvṛttirbaddhasūtasya lakṣaṇam

Sanskrit only: no published translation is held for this verse.

<मूर्छितपारदलक्षणानि> कज्जलाभो यदा सूतो विहाय घनचापलम् । दृश्यतेऽसौ तदा ज्ञेयो मूर्छितः सुतरां बुधैः

<mūrchitapāradalakṣaṇāni> kajjalābho yadā sūto vihāya ghanacāpalam / dṛśyate'sau tadā jñeyo mūrchitaḥ sutarāṃ budhaiḥ

Sanskrit only: no published translation is held for this verse.

<मृतपारदलक्षणानि> आर्द्रत्वं च घनत्वं च चापल्यं गुरुतैजसम् । यस्यैतानि न दृश्यन्ते तं विद्यान्मृतसूतकम्

<mṛtapāradalakṣaṇāni> ārdratvaṃ ca ghanatvaṃ ca cāpalyaṃ gurutaijasam / yasyaitāni na dṛśyante taṃ vidyānmṛtasūtakam

Sanskrit only: no published translation is held for this verse.

<निर्बीजबद्धपारदः> रसस्तु पादांशसुवर्णजीर्णः पिष्टीकृतो गन्धकयोगतश्च । तुल्यांशगन्धैः पुटितं क्रमेण निर्बीजनामाखिलरोगहन्ता

<nirbījabaddhapāradaḥ> rasastu pādāṃśasuvarṇajīrṇaḥ piṣṭīkṛto gandhakayogataśca / tulyāṃśagandhaiḥ puṭitaṃ krameṇa nirbījanāmākhilarogahantā

Sanskrit only: no published translation is held for this verse.

<सबीजबद्धपारदः> बीजीकृतैर् अभ्रकसत्त्वहेमतारार्ककान्तैः सह साधितोऽयम् । पुनस्ततः षड्गुणगन्धचूर्णैः सबीजबद्धो ऽप्यधिकप्रभावः

<sabījabaddhapāradaḥ> bījīkṛtair abhrakasattvahematārārkakāntaiḥ saha sādhito'yam / punastataḥ ṣaḍguṇagandhacūrṇaiḥ sabījabaddho 'pyadhikaprabhāvaḥ

Sanskrit only: no published translation is held for this verse.

रसवीर्यविपाकेषु विद्यात्सूतं सुधामयम् । सेवितोऽसौ सदा देहे रोगनाशाय कल्पते

rasavīryavipākeṣu vidyātsūtaṃ sudhāmayam / sevito'sau sadā dehe roganāśāya kalpate

Sanskrit only: no published translation is held for this verse.

<ककाराष्टक> कूष्माण्डं कर्कटीं चैव कलिङ्गं कारवेल्लकम् । कुसुम्भिकं च कर्कोटीं कदलीं काकमाचिकाम्

<kakārāṣṭaka> kūṣmāṇḍaṃ karkaṭīṃ caiva kaliṅgaṃ kāravellakam / kusumbhikaṃ ca karkoṭīṃ kadalīṃ kākamācikām

Sanskrit only: no published translation is held for this verse.

ककाराष्टकमेतद्धि वर्जयेद्रसभक्षकः । हितं मुद्गाम्बुदुग्धाज्यं शाल्यन्नं च विशेषतः

kakārāṣṭakametaddhi varjayedrasabhakṣakaḥ / hitaṃ mudgāmbudugdhājyaṃ śālyannaṃ ca viśeṣataḥ

Sanskrit only: no published translation is held for this verse.

शाकं पुनर्नवायास्तु मेघनादं च चिल्लिकाम् । सैन्धवं नागरं मुस्तं पद्ममूलानि भक्षयेत्

śākaṃ punarnavāyāstu meghanādaṃ ca cillikām / saindhavaṃ nāgaraṃ mustaṃ padmamūlāni bhakṣayet

Sanskrit only: no published translation is held for this verse.

अभ्यङ्गं मैथुनं स्नानं यथेष्टं च सुखाम्बुना । रूपयौवनसम्पन्नां सानुकूलां प्रियां भजेत्

abhyaṅgaṃ maithunaṃ snānaṃ yatheṣṭaṃ ca sukhāmbunā / rūpayauvanasampannāṃ sānukūlāṃ priyāṃ bhajet

Sanskrit only: no published translation is held for this verse.

बुद्धिः प्रज्ञा बलं कान्तिः प्रभा चैवं वयस्तथा । वर्धन्ते सर्व एवैते रससेवाविधौ नृणाम्

buddhiḥ prajñā balaṃ kāntiḥ prabhā caivaṃ vayastathā / vardhante sarva evaite rasasevāvidhau nṛṇām

Sanskrit only: no published translation is held for this verse.

यस्य रोगस्य यो योगस्तेनैव सह योजयेत् । रसेन्द्रो हरते रोगान्नरकुञ्जरवाजिनाम्

yasya rogasya yo yogastenaiva saha yojayet / rasendro harate rogānnarakuñjaravājinām

Sanskrit only: no published translation is held for this verse.