Salinatha: Rasamanjari 7

प्रणम्य निर्भयं नाथं खेन्द्रदेवं जगत्पतिम् । दिगम्बरं त्रिनेत्रं च जरामृत्युविनाशनम्

praṇamya nirbhayaṃ nāthaṃ khendradevaṃ jagatpatim / digambaraṃ trinetraṃ ca jarāmṛtyuvināśanam

Sanskrit only: no published translation is held for this verse.

अमृतं च विषं चैव शिवेनोक्तं रसायनम् । अमृतं विधिसंयुक्तं विधिहीनं तु तद्विषम्

amṛtaṃ ca viṣaṃ caiva śivenoktaṃ rasāyanam / amṛtaṃ vidhisaṃyuktaṃ vidhihīnaṃ tu tadviṣam

Sanskrit only: no published translation is held for this verse.

रेचनान्ते इदं सेव्यं सर्वदोषापनुत्तये । मृताभ्रं भक्षयेदादौ मासमेकं विचक्षणः

recanānte idaṃ sevyaṃ sarvadoṣāpanuttaye / mṛtābhraṃ bhakṣayedādau māsamekaṃ vicakṣaṇaḥ

Sanskrit only: no published translation is held for this verse.

पश्चात्तु योजयेद् देहे क्षेत्रीकरणमिच्छतः । यत्क्षेत्रीकरणे सूतस्त्वमृतोऽपि विषं भवेत्

paścāttu yojayed dehe kṣetrīkaraṇamicchataḥ / yatkṣetrīkaraṇe sūtastvamṛto'pi viṣaṃ bhavet

Sanskrit only: no published translation is held for this verse.

फलसिद्धिः कुतस्तस्य सुबीजस्योषरे यथा । न क्षेत्रकरणाद्देवि किंचित् कुर्याद्रसायनम् । कर्तव्यं क्षेत्रकरणं सर्वस्मिंश्च रसायने

phalasiddhiḥ kutastasya subījasyoṣare yathā / na kṣetrakaraṇāddevi kiṃcit kuryādrasāyanam / kartavyaṃ kṣetrakaraṇaṃ sarvasmiṃśca rasāyane

Sanskrit only: no published translation is held for this verse.

भस्मसूतं द्विधा गन्धं क्षणं कन्याविमर्दितम् । रुद्ध्वा लघुपुटे पच्याद् उद्धृत्य मधुसर्पिषा

bhasmasūtaṃ dvidhā gandhaṃ kṣaṇaṃ kanyāvimarditam / ruddhvā laghupuṭe pacyād uddhṛtya madhusarpiṣā

Sanskrit only: no published translation is held for this verse.

निष्कं खादेज्जरामृत्युं हन्ति गन्धामृतो रसः । समूलं भृङ्गराजं तु छायाशुष्कं विचूर्णयेत्

niṣkaṃ khādejjarāmṛtyuṃ hanti gandhāmṛto rasaḥ / samūlaṃ bhṛṅgarājaṃ tu chāyāśuṣkaṃ vicūrṇayet

Sanskrit only: no published translation is held for this verse.

तत्समं त्रिफलाचूर्णं सर्वतुल्या सिता भवेत् । पलैकं भक्षयेच्चानु तच्च मृत्युरुजापहम्

tatsamaṃ triphalācūrṇaṃ sarvatulyā sitā bhavet / palaikaṃ bhakṣayeccānu tacca mṛtyurujāpaham

Sanskrit only: no published translation is held for this verse.

<हेमसुन्दररसः> मृतसूतस्य पादांशं हेमभस्म प्रकल्पयेत्

<hemasundararasaḥ> mṛtasūtasya pādāṃśaṃ hemabhasma prakalpayet

Sanskrit only: no published translation is held for this verse.

क्षीराज्यं मधुना युक्तं माषैकं कांस्यपात्रके । लेहयेन्मासषट्कं तु जरामृत्युविनाशनम्

kṣīrājyaṃ madhunā yuktaṃ māṣaikaṃ kāṃsyapātrake / lehayenmāsaṣaṭkaṃ tu jarāmṛtyuvināśanam

Sanskrit only: no published translation is held for this verse.

वाकुचीचूर्णकर्षैकं धात्रीरसपरिप्लुतम् । अनुपानं लिहेन्नित्यं स्याद्रसो हेमसुन्दरः

vākucīcūrṇakarṣaikaṃ dhātrīrasapariplutam / anupānaṃ lihennityaṃ syādraso hemasundaraḥ

Sanskrit only: no published translation is held for this verse.

<मृतसंजीवनी गुटीका> शुद्धसूतं वज्रभस्म सत्त्वमभ्रकताप्ययोः । कान्तलोहसमं हेम जम्बीरे मर्दयेद् दृढम्

<mṛtasaṃjīvanī guṭīkā> śuddhasūtaṃ vajrabhasma sattvamabhrakatāpyayoḥ / kāntalohasamaṃ hema jambīre mardayed dṛḍham

Sanskrit only: no published translation is held for this verse.

सप्ताहं सर्वतुल्यांशं गोलं कृत्वा समुद्धरेत् । गोजिह्वावायसीवन्ध्यानिर्गुण्डीमधुसैन्धवैः

saptāhaṃ sarvatulyāṃśaṃ golaṃ kṛtvā samuddharet / gojihvāvāyasīvandhyānirguṇḍīmadhusaindhavaiḥ

Sanskrit only: no published translation is held for this verse.

लेपयेद्वज्रमूषान्ते गोलकं तत्र निक्षिपेत् । तत्कल्कैश्छादितं कृत्वा पक्षैकं भूधरे पचेत्

lepayedvajramūṣānte golakaṃ tatra nikṣipet / tatkalkaiśchāditaṃ kṛtvā pakṣaikaṃ bhūdhare pacet

Sanskrit only: no published translation is held for this verse.

यामं यामं समुद्धृत्य लिप्त्वामूषां पुनः पुनः । रुद्ध्वाथ पूर्ववत्पाच्यमेनं पक्षात्समुद्धरेत्

yāmaṃ yāmaṃ samuddhṛtya liptvāmūṣāṃ punaḥ punaḥ / ruddhvātha pūrvavatpācyamenaṃ pakṣātsamuddharet

Sanskrit only: no published translation is held for this verse.

यवचिञ्चापलाशाख्यराजीकार्पासतण्डुलैः । एतैः प्रलेपयेन्मूषां गुटिकां तत्र निक्षिपेत्

yavaciñcāpalāśākhyarājīkārpāsataṇḍulaiḥ / etaiḥ pralepayenmūṣāṃ guṭikāṃ tatra nikṣipet

Sanskrit only: no published translation is held for this verse.

टङ्कणं श्वेतकाचं च दत्त्वा यामे दृढं दृढम् । खदिराङ्गारयोगेन द्रुतो ऽयं जायते रसः

ṭaṅkaṇaṃ śvetakācaṃ ca dattvā yāme dṛḍhaṃ dṛḍham / khadirāṅgārayogena druto 'yaṃ jāyate rasaḥ

Sanskrit only: no published translation is held for this verse.

मूषायां बिडयोगेन समं हेम च जारयेत् । ततस्त्रियामकैर्मर्द्यं सगोमूत्रं दिनैकतः

mūṣāyāṃ biḍayogena samaṃ hema ca jārayet / tatastriyāmakairmardyaṃ sagomūtraṃ dinaikataḥ

Sanskrit only: no published translation is held for this verse.

अन्धमूषागतो ध्मातो बद्धो भवति वज्रवत् । मृतसंजीवनी नाम गुटिका वक्रमध्यगा

andhamūṣāgato dhmāto baddho bhavati vajravat / mṛtasaṃjīvanī nāma guṭikā vakramadhyagā

Sanskrit only: no published translation is held for this verse.

कर्षमात्रा जरां मृत्युं हन्ति सत्यं शिवोदितम् । शस्त्रस्तम्भं च कुरुते ब्रह्मायुर्भवते नरः

karṣamātrā jarāṃ mṛtyuṃ hanti satyaṃ śivoditam / śastrastambhaṃ ca kurute brahmāyurbhavate naraḥ

Sanskrit only: no published translation is held for this verse.

<वीर्यरोधिनीगुटिका> नागवल्लीदलद्रावैः सप्ताहं शुद्धसूतकम् । मर्दयेत् क्षालयेद् अम्लैश्चतुर्निष्कप्रमाणकम्

<vīryarodhinīguṭikā> nāgavallīdaladrāvaiḥ saptāhaṃ śuddhasūtakam / mardayet kṣālayed amlaiścaturniṣkapramāṇakam

Sanskrit only: no published translation is held for this verse.

विषकन्दगतं कृत्वा विषेणैव निरोधयेत् । ततः शूकरमांसस्य गर्भे कृत्वाथ सिञ्चयेत्

viṣakandagataṃ kṛtvā viṣeṇaiva nirodhayet / tataḥ śūkaramāṃsasya garbhe kṛtvātha siñcayet

Sanskrit only: no published translation is held for this verse.

संध्याकाले बलिं दत्त्वा कुक्कुटीवारुणीयुतम् । ततश्चुल्ल्यां लोहपात्रे तैले धत्तूरसंयुते

saṃdhyākāle baliṃ dattvā kukkuṭīvāruṇīyutam / tataścullyāṃ lohapātre taile dhattūrasaṃyute

Sanskrit only: no published translation is held for this verse.

क्षिप्त्वा त्रिंशत्पले पाच्यं तद्रसं मांसपिण्डकम् । संध्याम् आरभ्य मन्दाग्नौ यावत्सूर्योदयं पचेत्

kṣiptvā triṃśatpale pācyaṃ tadrasaṃ māṃsapiṇḍakam / saṃdhyām ārabhya mandāgnau yāvatsūryodayaṃ pacet

Sanskrit only: no published translation is held for this verse.

हठाज्जागरणं कुर्यादन्यथा तन्नसिद्धिभाक् । प्रातरुद्धृत्य गुटिकां क्षीरभाण्डे विनिक्षिपेत्

haṭhājjāgaraṇaṃ kuryādanyathā tannasiddhibhāk / prātaruddhṛtya guṭikāṃ kṣīrabhāṇḍe vinikṣipet

Sanskrit only: no published translation is held for this verse.

तत्क्षीरं शुष्यति क्षिप्रमेतत्प्रत्ययकारकम् । रतिकाले मुखे धार्या गुटिका वीर्यरोधिनी

tatkṣīraṃ śuṣyati kṣiprametatpratyayakārakam / ratikāle mukhe dhāryā guṭikā vīryarodhinī

Sanskrit only: no published translation is held for this verse.

क्षीरं पीत्वा रमेद्रामां कामाकुलकुलान्विताम् । स्वमुखाद्धारयेद्धस्ते तदा वीर्यं विमुञ्चति

kṣīraṃ pītvā ramedrāmāṃ kāmākulakulānvitām / svamukhāddhārayeddhaste tadā vīryaṃ vimuñcati

Sanskrit only: no published translation is held for this verse.