Salinatha: Rasamanjari 9

कर्पूरं टङ्कणं सूतं तुल्यं मुनिरसं मधु । मर्दयित्वा लिपेल्लिङ्गं स्थित्वा यामं तथैव च

karpūraṃ ṭaṅkaṇaṃ sūtaṃ tulyaṃ munirasaṃ madhu / mardayitvā lipelliṅgaṃ sthitvā yāmaṃ tathaiva ca

Sanskrit only: no published translation is held for this verse.

ततः प्रक्षालयेल्लिङ्गं रमेद्रामां यथोचिताम् । वीर्यस्तम्भकरं पुंसां सम्यङ् नागार्जुनोदितम्

tataḥ prakṣālayelliṅgaṃ ramedrāmāṃ yathocitām / vīryastambhakaraṃ puṃsāṃ samyaṅ nāgārjunoditam

Sanskrit only: no published translation is held for this verse.

कृकलासस्य पुच्छाग्रं मुद्रिका प्रोततन्तुभिः । वेष्ट्या कनिष्ठिका धार्या नरो वीर्यं न मुञ्चति

kṛkalāsasya pucchāgraṃ mudrikā protatantubhiḥ / veṣṭyā kaniṣṭhikā dhāryā naro vīryaṃ na muñcati

Sanskrit only: no published translation is held for this verse.

मधुना पद्मबीजानि पिष्ट्वा नाभिं प्रलेपयेत् । यावत्तिष्ठत्यसौ लेपस्तावद्वीर्यं न मुञ्चति

madhunā padmabījāni piṣṭvā nābhiṃ pralepayet / yāvattiṣṭhatyasau lepastāvadvīryaṃ na muñcati

Sanskrit only: no published translation is held for this verse.

चटकाण्डं तु संग्राह्य नवनीतेन पेषयेत् । तेन प्रलेपयेत् पादौ शुक्रस्तम्भः प्रजायते । यावन्न स्पृशते भूमिं तावद्वीर्यं न मुञ्चति

caṭakāṇḍaṃ tu saṃgrāhya navanītena peṣayet / tena pralepayet pādau śukrastambhaḥ prajāyate / yāvanna spṛśate bhūmiṃ tāvadvīryaṃ na muñcati

Sanskrit only: no published translation is held for this verse.

वनक्रोडस्य दंष्ट्राग्रं दक्षिणं च समाहरेत् । कट्यामुपरि यद् बद्ध्वा शुक्रस्तम्भः प्रजायते

vanakroḍasya daṃṣṭrāgraṃ dakṣiṇaṃ ca samāharet / kaṭyāmupari yad baddhvā śukrastambhaḥ prajāyate

Sanskrit only: no published translation is held for this verse.

डुण्डुभो नामतः सर्पः कृष्णवर्णस्तमाहरेत्

ḍuṇḍubho nāmataḥ sarpaḥ kṛṣṇavarṇastamāharet

Sanskrit only: no published translation is held for this verse.

तस्यास्थि धारयेत् कट्यां नरो वीर्यं न मुञ्चति । विमुञ्चति विमुक्तेन सिद्धयोग उदाहृतः

tasyāsthi dhārayet kaṭyāṃ naro vīryaṃ na muñcati / vimuñcati vimuktena siddhayoga udāhṛtaḥ

Sanskrit only: no published translation is held for this verse.

रक्तापामार्गमूलं तु सोमवाराभिमन्त्रितम् । भौमे प्रातः समुद्धृत्य कट्यां बद्ध्वा न वीर्यमुक्

raktāpāmārgamūlaṃ tu somavārābhimantritam / bhaume prātaḥ samuddhṛtya kaṭyāṃ baddhvā na vīryamuk

Sanskrit only: no published translation is held for this verse.

खसपलं शुण्ठीक्वाथः षोडशांशेन गुडेन निशि पीतः । कुरुते रतौ न पुंसो रेतः पतनं विनाम्लेन

khasapalaṃ śuṇṭhīkvāthaḥ ṣoḍaśāṃśena guḍena niśi pītaḥ / kurute ratau na puṃso retaḥ patanaṃ vināmlena

Sanskrit only: no published translation is held for this verse.

सूरणं तुलसीमूलं ताम्बूलेन तु भक्षयेत् । न मुञ्चति नरो वीर्यमेकैकेन न संशयः

sūraṇaṃ tulasīmūlaṃ tāmbūlena tu bhakṣayet / na muñcati naro vīryamekaikena na saṃśayaḥ

Sanskrit only: no published translation is held for this verse.

वराहवसया लिङ्गं मधुना सह लेपयेत् । स्थूलं दृढं च दीर्घं च पुंसो लिङ्गं प्रजायते

varāhavasayā liṅgaṃ madhunā saha lepayet / sthūlaṃ dṛḍhaṃ ca dīrghaṃ ca puṃso liṅgaṃ prajāyate

Sanskrit only: no published translation is held for this verse.

क्षौद्रेण च समं पृष्टं पुण्डरीकस्य केशरम् । ध्वस्तं कुर्यात्ततो मेढ्रं रत्यन्यत्राप्यसंशयः

kṣaudreṇa ca samaṃ pṛṣṭaṃ puṇḍarīkasya keśaram / dhvastaṃ kuryāttato meḍhraṃ ratyanyatrāpyasaṃśayaḥ

Sanskrit only: no published translation is held for this verse.

अनुराधासुनक्षत्रे लाङ्गलीमूलिका ध्रुवम् । निखाता मैथुनस्थाने पुंसत्त्वखण्डकारिणी

anurādhāsunakṣatre lāṅgalīmūlikā dhruvam / nikhātā maithunasthāne puṃsattvakhaṇḍakāriṇī

Sanskrit only: no published translation is held for this verse.

निशा षट्तिन्दुचूर्णेन भावितेनाजवारिणा । पानाशनं प्रयुक्तेन षण्ढत्वं जायते नृणाम्

niśā ṣaṭtinducūrṇena bhāvitenājavāriṇā / pānāśanaṃ prayuktena ṣaṇḍhatvaṃ jāyate nṛṇām

Sanskrit only: no published translation is held for this verse.

तिलगोक्षुरयोश्चूर्णं छागीदुग्धेन पाचितम् । शीतलं मधुना युक्तं भुक्तं षण्ढत्वनाशनम्

tilagokṣurayoścūrṇaṃ chāgīdugdhena pācitam / śītalaṃ madhunā yuktaṃ bhuktaṃ ṣaṇḍhatvanāśanam

Sanskrit only: no published translation is held for this verse.

ऊर्णनाभिस्तु यो जीवो मधुना सह लेपयेत् । तेन लेपयतो नाभिं बद्धषण्ढ्यं विमुच्यते

ūrṇanābhistu yo jīvo madhunā saha lepayet / tena lepayato nābhiṃ baddhaṣaṇḍhyaṃ vimucyate

Sanskrit only: no published translation is held for this verse.

एक एव महाद्रावी मालतीसम्भवो रसः । किं पुनर्यदि युज्यते मधुकर्पूरपारदैः

eka eva mahādrāvī mālatīsambhavo rasaḥ / kiṃ punaryadi yujyate madhukarpūrapāradaiḥ

Sanskrit only: no published translation is held for this verse.

आर्द्रकं गन्धकं चैव राजिकं चाथ टङ्कणम् । सम्पिष्टा सममात्राणि क्षेपयेन्निम्बुजे जले

ārdrakaṃ gandhakaṃ caiva rājikaṃ cātha ṭaṅkaṇam / sampiṣṭā samamātrāṇi kṣepayennimbuje jale

Sanskrit only: no published translation is held for this verse.

स्थापयेद्घटिकां तिस्रो हस्ते वा धारयेत्ततः । यावन्त्यो ललनाः पञ्च आजिघ्रन्ति द्रवन्ति वै

sthāpayedghaṭikāṃ tisro haste vā dhārayettataḥ / yāvantyo lalanāḥ pañca ājighranti dravanti vai

Sanskrit only: no published translation is held for this verse.

चूर्णिते मधुसंयुक्ते महारिष्टफलछदैः । लिङ्गलेपेन सुरते द्रवो भवति योषिताम्

cūrṇite madhusaṃyukte mahāriṣṭaphalachadaiḥ / liṅgalepena surate dravo bhavati yoṣitām

Sanskrit only: no published translation is held for this verse.

मधुसैन्धवसंयुक्तं पारावतमलान्वितम् । एतल्लिप्तेन्द्रियो रामां दासीवत् कुरुते रतौ

madhusaindhavasaṃyuktaṃ pārāvatamalānvitam / etalliptendriyo rāmāṃ dāsīvat kurute ratau

Sanskrit only: no published translation is held for this verse.

कपीन्द्रियं शशी सूतं कुङ्कुमं कनकं मधु । एतल्लिप्तेन्द्रियो रामां दासीवत् कुरुते रतौ

kapīndriyaṃ śaśī sūtaṃ kuṅkumaṃ kanakaṃ madhu / etalliptendriyo rāmāṃ dāsīvat kurute ratau

Sanskrit only: no published translation is held for this verse.

वृत्तमध्यस्थितं नाम तद्बाह्ये ह्रीं चतुष्टयम् । तद्बहिः क्लीं चतुष्कं च लिखित्वा शिलयाखिलम्

vṛttamadhyasthitaṃ nāma tadbāhye hrīṃ catuṣṭayam / tadbahiḥ klīṃ catuṣkaṃ ca likhitvā śilayākhilam

Sanskrit only: no published translation is held for this verse.

शुभनक्षत्रसंयोगे स्थापितं मधुनि ध्रुवम् । स्त्रियम् आकर्षति क्षिप्रं यन्त्रमेतन्न संशयः

śubhanakṣatrasaṃyoge sthāpitaṃ madhuni dhruvam / striyam ākarṣati kṣipraṃ yantrametanna saṃśayaḥ

Sanskrit only: no published translation is held for this verse.

चन्दनं तगरं कुष्ठं प्रियङ्गुं नागकेशरम् । कृष्णां तिन्तिडिकं चैव समभागानि कारयेत्

candanaṃ tagaraṃ kuṣṭhaṃ priyaṅguṃ nāgakeśaram / kṛṣṇāṃ tintiḍikaṃ caiva samabhāgāni kārayet

Sanskrit only: no published translation is held for this verse.

दापयेच्चैव सप्ताहमात्मपञ्चमलेन तु । खाने पाने प्रदातव्यं स्त्रियं वा पुरुषं तथा

dāpayeccaiva saptāhamātmapañcamalena tu / khāne pāne pradātavyaṃ striyaṃ vā puruṣaṃ tathā

Sanskrit only: no published translation is held for this verse.

शंखपुष्पी मधुपुष्पी तथा कुञ्चिकिपत्रिका । श्वेतगिरिसमायुक्ता समभागानि कारयेत्

śaṃkhapuṣpī madhupuṣpī tathā kuñcikipatrikā / śvetagirisamāyuktā samabhāgāni kārayet

Sanskrit only: no published translation is held for this verse.

सप्ताहं दापयेद्युक्ता ह्यात्मपञ्चमलेन च । खाने पाने प्रदातव्यं वशीकरणमुत्तमम्

saptāhaṃ dāpayedyuktā hyātmapañcamalena ca / khāne pāne pradātavyaṃ vaśīkaraṇamuttamam

Sanskrit only: no published translation is held for this verse.

पूर्वोक्तमन्त्रेण सप्तभिःकृत्वा मन्त्रितदापयेत् । गर्दभस्य रजो गृह्य लुलितं गात्रसम्भवम् । मृतकस्य तथा भस्म नारीरजःसमन्वितम्

pūrvoktamantreṇa saptabhiḥkṛtvā mantritadāpayet / gardabhasya rajo gṛhya lulitaṃ gātrasambhavam / mṛtakasya tathā bhasma nārīrajaḥsamanvitam

Sanskrit only: no published translation is held for this verse.

एकीकृत्य क्षिपेद्रात्रौ शय्यायामासनेऽपि वा । नूनं संजायते द्वेषः कथितो मालतीमते

ekīkṛtya kṣipedrātrau śayyāyāmāsane'pi vā / nūnaṃ saṃjāyate dveṣaḥ kathito mālatīmate

Sanskrit only: no published translation is held for this verse.

अन्यद् योगवरं वक्ष्ये विद्वेषकरणं परम् । युध्यमानावुभौ श्वानौ परस्परविरोधिनौ

anyad yogavaraṃ vakṣye vidveṣakaraṇaṃ param / yudhyamānāvubhau śvānau parasparavirodhinau

Sanskrit only: no published translation is held for this verse.

तयोर् धूलिं समादाय हन्यते योषितां रतिः । सत्यं भवति विद्वेषं नात्र कार्या विचारणा

tayor dhūliṃ samādāya hanyate yoṣitāṃ ratiḥ / satyaṃ bhavati vidveṣaṃ nātra kāryā vicāraṇā

Sanskrit only: no published translation is held for this verse.

प्रक्षालने भगे नित्यं कृते चामलवल्कलैः । वृद्धापि कामिनी कामं बालेव कुरुते रतिम्

prakṣālane bhage nityaṃ kṛte cāmalavalkalaiḥ / vṛddhāpi kāminī kāmaṃ bāleva kurute ratim

Sanskrit only: no published translation is held for this verse.

सपद्मबीजं सितया भक्षितं पद्मवारिणा । दृढं स्त्रीणां स्तनद्वन्द्वं मासेन कुरुते भृशम्

sapadmabījaṃ sitayā bhakṣitaṃ padmavāriṇā / dṛḍhaṃ strīṇāṃ stanadvandvaṃ māsena kurute bhṛśam

Sanskrit only: no published translation is held for this verse.

मुण्डीचूर्णकषायेण युतं तैलं विपाचितम् । पतितं यौवनं यस्यास्तस्याः स्तनोन्नतिर्भवेत्

muṇḍīcūrṇakaṣāyeṇa yutaṃ tailaṃ vipācitam / patitaṃ yauvanaṃ yasyāstasyāḥ stanonnatirbhavet

Sanskrit only: no published translation is held for this verse.

हरितालचूर्णकलिका लेपात् तेनैव वारिणा सद्यः । निपतन्ति केशनिचयाः कौतुकमिदम् अद्भुतं कुरुते

haritālacūrṇakalikā lepāt tenaiva vāriṇā sadyaḥ / nipatanti keśanicayāḥ kautukamidam adbhutaṃ kurute

Sanskrit only: no published translation is held for this verse.

पलाशचिञ्चातिलमाषशंखं दहेदपामार्गसपिप्पलोऽपि । मनःशिलातालकचूर्णलेपात् करोति निर्लोमशिरः क्षणात्

palāśaciñcātilamāṣaśaṃkhaṃ dahedapāmārgasapippalo'pi / manaḥśilātālakacūrṇalepāt karoti nirlomaśiraḥ kṣaṇāt

Sanskrit only: no published translation is held for this verse.

तण्डुलीयकमूलानि पिष्ट्वा तण्डुलवारिणा । ऋत्वन्ते त्र्यहपीतानि वन्ध्यां कुर्वन्ति योषितम्

taṇḍulīyakamūlāni piṣṭvā taṇḍulavāriṇā / ṛtvante tryahapītāni vandhyāṃ kurvanti yoṣitam

Sanskrit only: no published translation is held for this verse.

काञ्जिकेन जपापुष्पं पिष्ट्वा पिबति याङ्गना । ऋतौ त्र्यहं निपीतानि वन्ध्यां कुर्वन्ति योषितम्

kāñjikena japāpuṣpaṃ piṣṭvā pibati yāṅganā / ṛtau tryahaṃ nipītāni vandhyāṃ kurvanti yoṣitam

Sanskrit only: no published translation is held for this verse.

धूपिते योनिरन्ध्रे तु निम्बकाष्ठेन युक्तितः । ऋत्वन्ते रमते सा स्त्री गर्भदुःखविवर्जिता

dhūpite yonirandhre tu nimbakāṣṭhena yuktitaḥ / ṛtvante ramate sā strī garbhaduḥkhavivarjitā

Sanskrit only: no published translation is held for this verse.

धत्तूरं मल्लिकापुष्पं गृहीत्वा कटिसंस्थितम् । गर्भं निवारयत्येव रण्डावेश्यादियोषिताम्

dhattūraṃ mallikāpuṣpaṃ gṛhītvā kaṭisaṃsthitam / garbhaṃ nivārayatyeva raṇḍāveśyādiyoṣitām

Sanskrit only: no published translation is held for this verse.

नागकेशरपुष्पाणां चूर्णं गोसर्पिषा सह । सेवनाल्लभते पुत्रमृतौ दुग्धान्नभोजिनी

nāgakeśarapuṣpāṇāṃ cūrṇaṃ gosarpiṣā saha / sevanāllabhate putramṛtau dugdhānnabhojinī

Sanskrit only: no published translation is held for this verse.

बीजानि मातुलुङ्गस्य दुग्धस्विन्ना ससर्पिषा । सगर्भामिति कुर्वन्ति पानाद्वन्ध्यामपि स्त्रियम्

bījāni mātuluṅgasya dugdhasvinnā sasarpiṣā / sagarbhāmiti kurvanti pānādvandhyāmapi striyam

Sanskrit only: no published translation is held for this verse.

मातुलुङ्गस्य बीजानि कुमार्या सह पेषयेत् । क्षीरेण सह दातव्यं गर्भमाप्नोत्यसंशयम्

mātuluṅgasya bījāni kumāryā saha peṣayet / kṣīreṇa saha dātavyaṃ garbhamāpnotyasaṃśayam

Sanskrit only: no published translation is held for this verse.

पिप्पली शृङ्गवेरं च मरिचं केशरं तथा । घृतेन सह पातव्यं वन्ध्यागर्भप्रदं परम्

pippalī śṛṅgaveraṃ ca maricaṃ keśaraṃ tathā / ghṛtena saha pātavyaṃ vandhyāgarbhapradaṃ param

Sanskrit only: no published translation is held for this verse.

पुष्योद्धृतं लक्ष्मणाया मूलं पिष्टं च कन्यका । ऋत्वन्ते घृतदुग्धाभ्यां पीत्वा गर्भमवाप्नुयात्

puṣyoddhṛtaṃ lakṣmaṇāyā mūlaṃ piṣṭaṃ ca kanyakā / ṛtvante ghṛtadugdhābhyāṃ pītvā garbhamavāpnuyāt

Sanskrit only: no published translation is held for this verse.

अन्यद् योगवरं वक्ष्ये येन सा सफला भवेत् । उशीरमधुयष्टी च लोध्रमिन्द्रयवानपि

anyad yogavaraṃ vakṣye yena sā saphalā bhavet / uśīramadhuyaṣṭī ca lodhramindrayavānapi

Sanskrit only: no published translation is held for this verse.

घृतं सर्जरसं चैव माक्षिकं त्रायमाणकम् । शोभाञ्जनकमूलानि समभागानि कारयेत्

ghṛtaṃ sarjarasaṃ caiva mākṣikaṃ trāyamāṇakam / śobhāñjanakamūlāni samabhāgāni kārayet

Sanskrit only: no published translation is held for this verse.

पेषयित्वा ततो द्रव्यमजाक्षीरेण पाचयेत् । सप्तरात्रं पिबेन्नारी यावत्तिष्ठति शोणितम्

peṣayitvā tato dravyamajākṣīreṇa pācayet / saptarātraṃ pibennārī yāvattiṣṭhati śoṇitam

Sanskrit only: no published translation is held for this verse.

ततो योनौ विशुद्धायां पश्चाद्दद्यान्महौषधम् । कुमारीक्षीरसंयुक्तं नस्ये पाने प्रदापयेत्

tato yonau viśuddhāyāṃ paścāddadyānmahauṣadham / kumārīkṣīrasaṃyuktaṃ nasye pāne pradāpayet

Sanskrit only: no published translation is held for this verse.

तेन सा लभते पुत्रं सत्यं चैव सुरार्चितम् । लशुनं क्षीरसंयुक्तं नस्ये पाने प्रदापयेत्

tena sā labhate putraṃ satyaṃ caiva surārcitam / laśunaṃ kṣīrasaṃyuktaṃ nasye pāne pradāpayet

Sanskrit only: no published translation is held for this verse.

अश्वगन्धाकृतं चूर्णमजाक्षीरेण दापयेत् । यवक्षारं विडङ्गं च गुडूची च हरेणुका

aśvagandhākṛtaṃ cūrṇamajākṣīreṇa dāpayet / yavakṣāraṃ viḍaṅgaṃ ca guḍūcī ca hareṇukā

Sanskrit only: no published translation is held for this verse.

सर्वाणि समभागानि कृत्वा च वरचूर्णितान् । एतत्पीत्वा लभेत् पुत्रं सा नारी नात्र संशयः

sarvāṇi samabhāgāni kṛtvā ca varacūrṇitān / etatpītvā labhet putraṃ sā nārī nātra saṃśayaḥ

Sanskrit only: no published translation is held for this verse.

हिङ्गुं च शतवीर्या च दाडिमं सैन्धवं तथा । त्रिकटुः शतपुष्पा च नागपुष्पं शतावरी

hiṅguṃ ca śatavīryā ca dāḍimaṃ saindhavaṃ tathā / trikaṭuḥ śatapuṣpā ca nāgapuṣpaṃ śatāvarī

Sanskrit only: no published translation is held for this verse.

मधुकं सुमना चैव कार्षकाणि प्रदापयेत् । क्षीरेण सह दातव्या नार्याश्च पुरुषस्य च

madhukaṃ sumanā caiva kārṣakāṇi pradāpayet / kṣīreṇa saha dātavyā nāryāśca puruṣasya ca

Sanskrit only: no published translation is held for this verse.

दिनत्रयं तु भुञ्जीत शालितण्डुलदुग्धकम् । भुक्तं तु लभते गर्भं नारीणां नात्र संशयः

dinatrayaṃ tu bhuñjīta śālitaṇḍuladugdhakam / bhuktaṃ tu labhate garbhaṃ nārīṇāṃ nātra saṃśayaḥ

Sanskrit only: no published translation is held for this verse.

अर्कमूलं प्रियङ्गुं च कुसुम्भं नागकेशरम् । बला चातिबला छागीक्षीरं पीतं दिनत्रयम्

arkamūlaṃ priyaṅguṃ ca kusumbhaṃ nāgakeśaram / balā cātibalā chāgīkṣīraṃ pītaṃ dinatrayam

Sanskrit only: no published translation is held for this verse.

विशोधयन्ति योनिं च ततो दद्यान्महौषधम् । उत्पलं तगरं कुष्ठं यष्टीमधु सचन्दनम्

viśodhayanti yoniṃ ca tato dadyānmahauṣadham / utpalaṃ tagaraṃ kuṣṭhaṃ yaṣṭīmadhu sacandanam

Sanskrit only: no published translation is held for this verse.

अजाक्षीरेण पिष्टानि दापयेत् पञ्चवासरम् । लक्ष्मणागोपयोयुक्ता तस्यै पाने प्रदापयेत्

ajākṣīreṇa piṣṭāni dāpayet pañcavāsaram / lakṣmaṇāgopayoyuktā tasyai pāne pradāpayet

Sanskrit only: no published translation is held for this verse.

तेन सा लभते पुत्रं लक्षणाढ्यं सुपण्डितम् । गते रक्ते भगे शुद्धे सक्षीरा लक्ष्मणा तथा

tena sā labhate putraṃ lakṣaṇāḍhyaṃ supaṇḍitam / gate rakte bhage śuddhe sakṣīrā lakṣmaṇā tathā

Sanskrit only: no published translation is held for this verse.

नस्ये पाने प्रदातव्या लभते सुतमङ्गना । श्वेतार्कक्षुद्रणीश्वेता श्वेता च गिरिकर्णिका

nasye pāne pradātavyā labhate sutamaṅganā / śvetārkakṣudraṇīśvetā śvetā ca girikarṇikā

Sanskrit only: no published translation is held for this verse.

लक्ष्मणा वन्ध्यकर्कोटी देयं गोक्षीरसंयुतम् । नस्ये पाने कृते गर्भं लभते रतिसंगमात्

lakṣmaṇā vandhyakarkoṭī deyaṃ gokṣīrasaṃyutam / nasye pāne kṛte garbhaṃ labhate ratisaṃgamāt

Sanskrit only: no published translation is held for this verse.

पतन्तं स्तम्भयेद् गर्भं कुलालकरमृत्तिका । मधुच्छागीपयः पीत्वा किंवा श्वेताद्रिकर्णिका

patantaṃ stambhayed garbhaṃ kulālakaramṛttikā / madhucchāgīpayaḥ pītvā kiṃvā śvetādrikarṇikā

Sanskrit only: no published translation is held for this verse.

ललना शर्करा पाठा कन्दश्च मधुनान्वितः । भक्षितो वारयत्येव पतन्तं गर्भसंस्थितम्

lalanā śarkarā pāṭhā kandaśca madhunānvitaḥ / bhakṣito vārayatyeva patantaṃ garbhasaṃsthitam

Sanskrit only: no published translation is held for this verse.

समभागं सितायुक्तं शालितण्डुलचूर्णकम् । उदुम्बरशिफाक्वाथे पीतं गर्भं सुरक्षति

samabhāgaṃ sitāyuktaṃ śālitaṇḍulacūrṇakam / udumbaraśiphākvāthe pītaṃ garbhaṃ surakṣati

Sanskrit only: no published translation is held for this verse.

मातुलुङ्गस्य मूलानि मधुकं मधुसंयुतम् । घृतेन सह पातव्यं सुखं नारी प्रसूयते

mātuluṅgasya mūlāni madhukaṃ madhusaṃyutam / ghṛtena saha pātavyaṃ sukhaṃ nārī prasūyate

Sanskrit only: no published translation is held for this verse.

तुषाम्बुपरिघृष्टेन कन्देन परिलेपयेत् । लाङ्गल्याश्चरणौ सूतिं क्षिप्रमाप्नोति गर्भिणी

tuṣāmbuparighṛṣṭena kandena parilepayet / lāṅgalyāścaraṇau sūtiṃ kṣipramāpnoti garbhiṇī

Sanskrit only: no published translation is held for this verse.

यासां पुष्पागमो नास्ति ऋतुकाले च योषिताम् । तासां कुर्याच्चिकित्सेयं पुनः पुष्पागमो भवेत्

yāsāṃ puṣpāgamo nāsti ṛtukāle ca yoṣitām / tāsāṃ kuryāccikitseyaṃ punaḥ puṣpāgamo bhavet

Sanskrit only: no published translation is held for this verse.

पिप्पलीं च यवक्षारं विडङ्गं मन्मथफलम् । तिक्तं तु तुम्बिनीबीजं गुटिकां कारयेद्भिषक्

pippalīṃ ca yavakṣāraṃ viḍaṅgaṃ manmathaphalam / tiktaṃ tu tumbinībījaṃ guṭikāṃ kārayedbhiṣak

Sanskrit only: no published translation is held for this verse.

मुण्डी च क्षीरसंयुक्ता योनिद्वारेऽङ्गना शुभा । त्रिपञ्चसप्तरात्रेण पुष्पं भवति नान्यथा

muṇḍī ca kṣīrasaṃyuktā yonidvāre'ṅganā śubhā / tripañcasaptarātreṇa puṣpaṃ bhavati nānyathā

Sanskrit only: no published translation is held for this verse.

बालतन्त्रं प्रवक्ष्यामि समासाद् रावणोदितम् । पूजाद्रव्यं दिशो भागं मन्त्रं तद्ग्राह्यलक्षणम्

bālatantraṃ pravakṣyāmi samāsād rāvaṇoditam / pūjādravyaṃ diśo bhāgaṃ mantraṃ tadgrāhyalakṣaṇam

Sanskrit only: no published translation is held for this verse.

प्रथमे दिवसे मासे वर्षे गृह्णाति बालकम् । मन्दानाम्नी समाख्याता योगिणी तस्य लक्षणम्

prathame divase māse varṣe gṛhṇāti bālakam / mandānāmnī samākhyātā yogiṇī tasya lakṣaṇam

Sanskrit only: no published translation is held for this verse.

द्वितीये दिवसे मासे वर्षे गृह्णाति बालकम् । सुनन्दा योगिनी नाम प्रथमं जायते ज्वरः

dvitīye divase māse varṣe gṛhṇāti bālakam / sunandā yoginī nāma prathamaṃ jāyate jvaraḥ

Sanskrit only: no published translation is held for this verse.

संकोचो हस्तपादानामक्षिरोगोऽतिछर्दनम् । सभयत्वं कृशत्वं च तद्ग्रस्त इति लक्षणम्

saṃkoco hastapādānāmakṣirogo'tichardanam / sabhayatvaṃ kṛśatvaṃ ca tadgrasta iti lakṣaṇam

Sanskrit only: no published translation is held for this verse.

तृतीये दिवसे मासे वर्षे गृह्णाति बालकम् । पूतना योगिनी नाम गात्रभङ्गो ज्वरोऽरुचिः

tṛtīye divase māse varṣe gṛhṇāti bālakam / pūtanā yoginī nāma gātrabhaṅgo jvaro'ruciḥ

Sanskrit only: no published translation is held for this verse.

प्रलापं कन्धराशोथच्छर्दिरित्यादिलक्षणम् । अपराह्ने च वारुण्यां पञ्चरात्रं बलिं क्षिपेत्

pralāpaṃ kandharāśothacchardirityādilakṣaṇam / aparāhne ca vāruṇyāṃ pañcarātraṃ baliṃ kṣipet

Sanskrit only: no published translation is held for this verse.

चतुर्थे दिवसे मासे वर्षे गृह्णाति बालकम् । बिडाली नाम तद्ग्रस्ते चक्षुःशूलं ज्वरोऽरुचिः

caturthe divase māse varṣe gṛhṇāti bālakam / biḍālī nāma tadgraste cakṣuḥśūlaṃ jvaro'ruciḥ

Sanskrit only: no published translation is held for this verse.

गात्रमाटेनम् इत्यादि विवर्णेन बलिं क्षिपेत् । पञ्चमे दिवसे मासे वर्षे गृह्णाति बालकम्

gātramāṭenam ityādi vivarṇena baliṃ kṣipet / pañcame divase māse varṣe gṛhṇāti bālakam

Sanskrit only: no published translation is held for this verse.

नर्तकीति समाख्याता योगिनी तस्य लक्षणम् । अथ षष्ठदिने मासे वर्षे गृह्णाति बालकम्

nartakīti samākhyātā yoginī tasya lakṣaṇam / atha ṣaṣṭhadine māse varṣe gṛhṇāti bālakam

Sanskrit only: no published translation is held for this verse.

योगिनी शकुनी नाम कासश्वासोऽरुचिर्ज्वरः । हस्तपादादिसंकोचश् चक्षुःपीडेति लक्षणम्

yoginī śakunī nāma kāsaśvāso'rucirjvaraḥ / hastapādādisaṃkocaś cakṣuḥpīḍeti lakṣaṇam

Sanskrit only: no published translation is held for this verse.

पञ्चरात्रं बलिं तस्यै वारुण्यां दिशि निक्षिपेत् । सप्तमे दिवसे मासे वर्षे शुष्काशिवा शिशुम्

pañcarātraṃ baliṃ tasyai vāruṇyāṃ diśi nikṣipet / saptame divase māse varṣe śuṣkāśivā śiśum

Sanskrit only: no published translation is held for this verse.

गृह्णाति रोदनं कम्पो ज्वरशोषादिलक्षणम् । पश्चिमायां दिशि पञ्च बलौ दत्ते शिशुः सुखी

gṛhṇāti rodanaṃ kampo jvaraśoṣādilakṣaṇam / paścimāyāṃ diśi pañca balau datte śiśuḥ sukhī

Sanskrit only: no published translation is held for this verse.

अष्टमे दिवसे मासे वर्षे गृह्णाति जृम्भका । तया गृहीतमात्रस्य प्रथमं जायते ज्वरः

aṣṭame divase māse varṣe gṛhṇāti jṛmbhakā / tayā gṛhītamātrasya prathamaṃ jāyate jvaraḥ

Sanskrit only: no published translation is held for this verse.

शिरःपीडाक्षिरोगश्च चक्षुरुत्पाटचेष्टितम् । दक्षिणां दिशिम् आश्रित्य बलिं तस्यै प्रदापयेत्

śiraḥpīḍākṣirogaśca cakṣurutpāṭaceṣṭitam / dakṣiṇāṃ diśim āśritya baliṃ tasyai pradāpayet

Sanskrit only: no published translation is held for this verse.

नवमे दिवसे मासे वर्षे गृह्णाति बालकम् । अचिन्ता योगिनी नाम गात्रभङ्गः शिरोऽक्षिरुक्

navame divase māse varṣe gṛhṇāti bālakam / acintā yoginī nāma gātrabhaṅgaḥ śiro'kṣiruk

Sanskrit only: no published translation is held for this verse.

छर्दिः प्रलाप इत्यादि तद्गृहीतस्य लक्षणम् । उत्तरां दिशिम् आश्रित्य बलिं तस्यै प्रदापयेत्

chardiḥ pralāpa ityādi tadgṛhītasya lakṣaṇam / uttarāṃ diśim āśritya baliṃ tasyai pradāpayet

Sanskrit only: no published translation is held for this verse.

दशमे दिवसे मासे वर्षे गृह्णाति बालकम् । नाम्ना कापालिका ख्याता योगिनी तस्य लक्षणम्

daśame divase māse varṣe gṛhṇāti bālakam / nāmnā kāpālikā khyātā yoginī tasya lakṣaṇam

Sanskrit only: no published translation is held for this verse.

रोदनं कम्पनं छर्दिर्ज्वरो दुर्बलताक्षिरुक् । पूर्वां दिशं समाश्रित्य पञ्चरात्रं बलिं क्षिपेत्

rodanaṃ kampanaṃ chardirjvaro durbalatākṣiruk / pūrvāṃ diśaṃ samāśritya pañcarātraṃ baliṃ kṣipet

Sanskrit only: no published translation is held for this verse.

एकादशे दिने मासे वर्षे गृह्णाति लिप्सिता । गात्रकम्पो ज्वरस्तीव्रस्तद्गृहीतस्य लक्षणम्

ekādaśe dine māse varṣe gṛhṇāti lipsitā / gātrakampo jvarastīvrastadgṛhītasya lakṣaṇam

Sanskrit only: no published translation is held for this verse.

भानुसंख्ये दिने मासे वर्षे गृह्णाति बालकम् । पीतली योगिनी नाम रोदनं वेदना ज्वरः

bhānusaṃkhye dine māse varṣe gṛhṇāti bālakam / pītalī yoginī nāma rodanaṃ vedanā jvaraḥ

Sanskrit only: no published translation is held for this verse.

निद्रा क्षीणस्वरः पीतो वमनाहारशून्यता । उत्तरां दिशिमाश्रित्य सप्तरात्रं बलिं क्षिपेत्

nidrā kṣīṇasvaraḥ pīto vamanāhāraśūnyatā / uttarāṃ diśimāśritya saptarātraṃ baliṃ kṣipet

Sanskrit only: no published translation is held for this verse.

कामसंख्ये दिने मासे वर्षे गृह्णति बालकम् । भद्रकाली ज्वरो नाम वामहस्तस्य कम्पम्

kāmasaṃkhye dine māse varṣe gṛhṇati bālakam / bhadrakālī jvaro nāma vāmahastasya kampam

Sanskrit only: no published translation is held for this verse.

वेदनारुचिनिःश्वासाः कायः पीतो विचेष्टितम् । पूर्वां दिशः समाश्रित्य बलिं तस्यै प्रदापयेत्

vedanāruciniḥśvāsāḥ kāyaḥ pīto viceṣṭitam / pūrvāṃ diśaḥ samāśritya baliṃ tasyai pradāpayet

Sanskrit only: no published translation is held for this verse.

पुरन्दरदिने मासे वर्षे गृह्णाति बालकम् । तारा हि योगिनी नाम ज्वरः शोषोऽरुचिर्भृशम्

purandaradine māse varṣe gṛhṇāti bālakam / tārā hi yoginī nāma jvaraḥ śoṣo'rucirbhṛśam

Sanskrit only: no published translation is held for this verse.

चक्षुःपीडेङ्गितं तस्यै पश्चिमे बलिमाहरेत् । पक्षे च दिवसे मासे वर्षे गृह्णाति बालकम्

cakṣuḥpīḍeṅgitaṃ tasyai paścime balimāharet / pakṣe ca divase māse varṣe gṛhṇāti bālakam

Sanskrit only: no published translation is held for this verse.

योगिनी शर्वरी नाम श्वासः कासोऽरुचिर्ज्वरः । तद्ग्रस्ते चिह्नम् इत्यादि दक्षिणस्यां बलिं क्षिपेत्

yoginī śarvarī nāma śvāsaḥ kāso'rucirjvaraḥ / tadgraste cihnam ityādi dakṣiṇasyāṃ baliṃ kṣipet

Sanskrit only: no published translation is held for this verse.

विकारदिवसे मासे वर्षे गृह्णति योगिनी । कुमारी नयनोद्वेगो ज्वरशोषादिचेष्टितम्

vikāradivase māse varṣe gṛhṇati yoginī / kumārī nayanodvego jvaraśoṣādiceṣṭitam

Sanskrit only: no published translation is held for this verse.

नैरृतीं दिशिमाश्रित्य सप्तरात्रं बलिं क्षिपेत् । बालं च स्नपयेत्पश्चाच्छान्तितोयेन मन्त्रवित्

nairṛtīṃ diśimāśritya saptarātraṃ baliṃ kṣipet / bālaṃ ca snapayetpaścācchāntitoyena mantravit

Sanskrit only: no published translation is held for this verse.

नदीतीरद्वयाकृष्टमृदा देवीस्वरूपकम् । कृत्वा पूजा च कर्तव्या भूपपुष्पाक्षतादिभिः

nadītīradvayākṛṣṭamṛdā devīsvarūpakam / kṛtvā pūjā ca kartavyā bhūpapuṣpākṣatādibhiḥ

Sanskrit only: no published translation is held for this verse.

वटका लड्डुकापूपा अग्रभक्तं गुडं दधि । चातुर्वर्ण्यपताकाश्च प्रदीप्ताः पुष्पचन्दनम्

vaṭakā laḍḍukāpūpā agrabhaktaṃ guḍaṃ dadhi / cāturvarṇyapatākāśca pradīptāḥ puṣpacandanam

Sanskrit only: no published translation is held for this verse.

पूजयेत्सर्वरोगाणामपराह्ने यथाबलि । सर्वत्र नामभेदेन बलिदानं प्रजायते

pūjayetsarvarogāṇāmaparāhne yathābali / sarvatra nāmabhedena balidānaṃ prajāyate

Sanskrit only: no published translation is held for this verse.