Library·Nityanathasiddha: Rasaratnakara·2·2.2
धर्मज्ञैः शिववत्सलैर् निर्जरैर् भूपैर् महासाधकैः सम्यग्दिव्यरसायनेन सततं कल्पान्तसीमावधि । रक्ष्यं गात्रम् अनन्तपुण्यनिचये मुक्तिश् च यस्माद् भवेत् तद् वक्ष्ये परमाद्भुतं सुखकरं साम्राज्यदं धीमताम्
dharmajñaiḥ śivavatsalair nirjarair bhūpair mahāsādhakaiḥ samyagdivyarasāyanena satataṃ kalpāntasīmāvadhi / rakṣyaṃ gātram anantapuṇyanicaye muktiś ca yasmād bhavet tad vakṣye paramādbhutaṃ sukhakaraṃ sāmrājyadaṃ dhīmatām
Sanskrit only: no published translation is held for this verse.
अभ्रकं भक्षयेद् आदौ मारितं चामृतीकृतम् । मासैकं निष्कनिष्कं वै क्षेत्रीकरणहेतवे
abhrakaṃ bhakṣayed ādau māritaṃ cāmṛtīkṛtam / māsaikaṃ niṣkaniṣkaṃ vai kṣetrīkaraṇahetave
Sanskrit only: no published translation is held for this verse.
यस्माद् अभ्रं रसक्षेत्रं ततः कुर्याद् रसायनम् । अक्षेत्रीकरणे सूतो ह्य् अमृतो विषतां व्रजेत्
yasmād abhraṃ rasakṣetraṃ tataḥ kuryād rasāyanam / akṣetrīkaraṇe sūto hy amṛto viṣatāṃ vrajet
Sanskrit only: no published translation is held for this verse.
फलसिद्धिः कुतस् तस्य सुबीजस्योषरे यथा । वज्रपारदयोर् भस्म समभागं प्रकल्पयेत्
phalasiddhiḥ kutas tasya subījasyoṣare yathā / vajrapāradayor bhasma samabhāgaṃ prakalpayet
Sanskrit only: no published translation is held for this verse.
सूतपादं मृतं स्वर्णं सर्वं मर्द्यं दिनावधि । हंसपाद्या द्रवैर् एव तद्गोलं चान्धितं पुटेत्
sūtapādaṃ mṛtaṃ svarṇaṃ sarvaṃ mardyaṃ dināvadhi / haṃsapādyā dravair eva tadgolaṃ cāndhitaṃ puṭet
Sanskrit only: no published translation is held for this verse.
अर्कक्षीरैः पुनर् मर्द्यं तद्वद् गजपुटे पचेत् । भक्षयेत् सर्षपवृद्धं यावन् माषं विवर्धयेत्
arkakṣīraiḥ punar mardyaṃ tadvad gajapuṭe pacet / bhakṣayet sarṣapavṛddhaṃ yāvan māṣaṃ vivardhayet
Sanskrit only: no published translation is held for this verse.
शरण्यः साधकानां तु रसो ऽयं वज्रपञ्जरः । चित्रकार्द्रकसिन्धूत्थमृततीक्ष्णसुवर्चलम्
śaraṇyaḥ sādhakānāṃ tu raso 'yaṃ vajrapañjaraḥ / citrakārdrakasindhūtthamṛtatīkṣṇasuvarcalam
Sanskrit only: no published translation is held for this verse.
समं सर्वं सदा चानु भक्ष्यं स्यात् क्रामणे हितम् । मासषट्कप्रयोगेण जीवेद् आचन्द्रतारकम्
samaṃ sarvaṃ sadā cānu bhakṣyaṃ syāt krāmaṇe hitam / māsaṣaṭkaprayogeṇa jīved ācandratārakam
Sanskrit only: no published translation is held for this verse.
वलीपलितनिर्मुक्तो दिव्यकायो महाबलः । मृतसूताद् द्वादशांशं मृतं वज्रं प्रकल्पयेत्
valīpalitanirmukto divyakāyo mahābalaḥ / mṛtasūtād dvādaśāṃśaṃ mṛtaṃ vajraṃ prakalpayet
Sanskrit only: no published translation is held for this verse.
द्वाभ्यां तुल्यं मृतं कान्तं कान्ततुल्यं मृताभ्रकम् । तत् सर्वं भृङ्गजैर् द्रावैर् मर्दितं भावयेत् त्र्यहम्
dvābhyāṃ tulyaṃ mṛtaṃ kāntaṃ kāntatulyaṃ mṛtābhrakam / tat sarvaṃ bhṛṅgajair drāvair marditaṃ bhāvayet tryaham
Sanskrit only: no published translation is held for this verse.
त्र्यहं गोक्षुरकद्रावैः क्षौद्रैर् माषं ततो लिहेत् । रसो वज्रेश्वरो नाम वज्रकायकरो नृणाम्
tryahaṃ gokṣurakadrāvaiḥ kṣaudrair māṣaṃ tato lihet / raso vajreśvaro nāma vajrakāyakaro nṛṇām
Sanskrit only: no published translation is held for this verse.
चतुर्मासैर् जरां हन्ति जीवेद् ब्रह्मदिनं किल । भृङ्गराजस्य पञ्चाङ्गं चूर्णयेत् त्रिफलासमम्
caturmāsair jarāṃ hanti jīved brahmadinaṃ kila / bhṛṅgarājasya pañcāṅgaṃ cūrṇayet triphalāsamam
Sanskrit only: no published translation is held for this verse.
पलैकं मधुना लेह्यं क्रामकं परमं रसे । वज्रसूताभ्रहेम्नां तु भस्म शुद्धं तु माक्षिकम्
palaikaṃ madhunā lehyaṃ krāmakaṃ paramaṃ rase / vajrasūtābhrahemnāṃ tu bhasma śuddhaṃ tu mākṣikam
Sanskrit only: no published translation is held for this verse.
तुल्यं सप्तदिनं मर्द्यं दिव्यौषधिरसैर् दृढम् । रुद्ध्वा तं त्रिदिनं पच्याद् वालुकायन्त्रगं पुनः
tulyaṃ saptadinaṃ mardyaṃ divyauṣadhirasair dṛḍham / ruddhvā taṃ tridinaṃ pacyād vālukāyantragaṃ punaḥ
Sanskrit only: no published translation is held for this verse.
उद्धृत्य त्रिदिनं भाव्यं भृङ्गसर्पाक्षिजैर् द्रवैः । माषैकं मधुसर्पिर्भ्यां वज्रधारारसं लिहेत्
uddhṛtya tridinaṃ bhāvyaṃ bhṛṅgasarpākṣijair dravaiḥ / māṣaikaṃ madhusarpirbhyāṃ vajradhārārasaṃ lihet
Sanskrit only: no published translation is held for this verse.
मासषट्कप्रयोगेण रुद्रतुल्यो भवेन् नरः । वलीपलितनिर्मुक्तो वायुवेगो महाबलः
māsaṣaṭkaprayogeṇa rudratulyo bhaven naraḥ / valīpalitanirmukto vāyuvego mahābalaḥ
Sanskrit only: no published translation is held for this verse.
पुनर्नवाभृङ्गतिलवाजिगन्धाः समांशकाः । सर्वतुल्या सिता योज्या चूर्णितं भक्षयेत् पलम्
punarnavābhṛṅgatilavājigandhāḥ samāṃśakāḥ / sarvatulyā sitā yojyā cūrṇitaṃ bhakṣayet palam
Sanskrit only: no published translation is held for this verse.
सुवर्णं पारदं कान्तं मृतं सर्वं समं भवेत् । शतावर्याः शिफाद्रावैर् भावयेद् दिवसत्रयम्
suvarṇaṃ pāradaṃ kāntaṃ mṛtaṃ sarvaṃ samaṃ bhavet / śatāvaryāḥ śiphādrāvair bhāvayed divasatrayam
Sanskrit only: no published translation is held for this verse.
त्रिदिनं त्रिफलाक्वाथैर् भृङ्गद्रावैर् दिनत्रयम् । भावितं मधुसर्पिर्भ्यां भक्षयेद् भैरवं रसम्
tridinaṃ triphalākvāthair bhṛṅgadrāvair dinatrayam / bhāvitaṃ madhusarpirbhyāṃ bhakṣayed bhairavaṃ rasam
Sanskrit only: no published translation is held for this verse.
माषैकैकं वर्षमात्रं जीवेच् चन्द्रार्कतारकम् । मूलचूर्णं शतावर्याः कृष्णाजपयसा युतम्
māṣaikaikaṃ varṣamātraṃ jīvec candrārkatārakam / mūlacūrṇaṃ śatāvaryāḥ kṛṣṇājapayasā yutam
Sanskrit only: no published translation is held for this verse.
पलैकैकं पिबेच् चानु क्रामकं परमं हितम् । रसभस्म समं गन्धं शिलाजत्वम्लवेतसम्
palaikaikaṃ pibec cānu krāmakaṃ paramaṃ hitam / rasabhasma samaṃ gandhaṃ śilājatvamlavetasam
Sanskrit only: no published translation is held for this verse.
यामैकं मर्दयेत् सर्वं मधुसर्पिर्युतं लिहेत् । निष्कैकैकं वर्षमात्रं शिलावीरो महारसः
yāmaikaṃ mardayet sarvaṃ madhusarpiryutaṃ lihet / niṣkaikaikaṃ varṣamātraṃ śilāvīro mahārasaḥ
Sanskrit only: no published translation is held for this verse.
जराकालं निहन्त्य् आशु जीवेद् वर्षशतत्रयम् । पलार्धं मुसलीचूर्णं भृङ्गराजरसैः पिबेत्
jarākālaṃ nihanty āśu jīved varṣaśatatrayam / palārdhaṃ musalīcūrṇaṃ bhṛṅgarājarasaiḥ pibet
Sanskrit only: no published translation is held for this verse.
धात्रीफलरसैर् वाथ क्रामकं ह्य् अनुपानकम् । मेघनादद्रवैर् मर्द्यं शुद्धसूतं दिनत्रयम्
dhātrīphalarasair vātha krāmakaṃ hy anupānakam / meghanādadravair mardyaṃ śuddhasūtaṃ dinatrayam
Sanskrit only: no published translation is held for this verse.
विडङ्गं द्विनिशं व्योषं समं चूर्णं प्रकल्पयेत् । आरग्वधस्य मूलं तु चूर्णस्य द्विगुणं भवेत्
viḍaṅgaṃ dviniśaṃ vyoṣaṃ samaṃ cūrṇaṃ prakalpayet / āragvadhasya mūlaṃ tu cūrṇasya dviguṇaṃ bhavet
Sanskrit only: no published translation is held for this verse.
चूर्णस्य द्विगुणं चाज्यं क्षौद्रं चैव चतुर्गुणम् । सर्वं पूर्वरसे क्षिप्त्वा मृद्वग्नौ चालयत् पचेत्
cūrṇasya dviguṇaṃ cājyaṃ kṣaudraṃ caiva caturguṇam / sarvaṃ pūrvarase kṣiptvā mṛdvagnau cālayat pacet
Sanskrit only: no published translation is held for this verse.
तत्पिण्डं कर्षम् एकैकं भक्षयेद् अमृतार्णवः । वर्षमात्राञ् जरां हन्ति जीवेद् वर्षशतत्रयम्
tatpiṇḍaṃ karṣam ekaikaṃ bhakṣayed amṛtārṇavaḥ / varṣamātrāñ jarāṃ hanti jīved varṣaśatatrayam
Sanskrit only: no published translation is held for this verse.
वाकुचीचूर्णकर्षैकं धात्रीफलरसैः पिबेत् । पारदाद् द्विगुणं गन्धं शुद्धं सर्वं विमर्दयेत्
vākucīcūrṇakarṣaikaṃ dhātrīphalarasaiḥ pibet / pāradād dviguṇaṃ gandhaṃ śuddhaṃ sarvaṃ vimardayet
Sanskrit only: no published translation is held for this verse.
मुण्ड्यार्द्रकरसैः खल्वे त्रिसप्ताहं पुनः पुनः । एतत् तुल्यं शुद्धताम्रं सम्पुटे तन् निरोधयेत्
muṇḍyārdrakarasaiḥ khalve trisaptāhaṃ punaḥ punaḥ / etat tulyaṃ śuddhatāmraṃ sampuṭe tan nirodhayet
Sanskrit only: no published translation is held for this verse.
वेष्टयेद् वस्त्रखण्डेन वज्रमृत्तिकया बहिः । लिप्त्वा विशोषयेत् तं वै सम्यग् गजपुटे पचेत्
veṣṭayed vastrakhaṇḍena vajramṛttikayā bahiḥ / liptvā viśoṣayet taṃ vai samyag gajapuṭe pacet
Sanskrit only: no published translation is held for this verse.
उद्धृत्य सम्पुटं चूर्ण्यं देवदाल्या द्रवैस् त्र्यहम् । भङ्गीपुनर्नवाद्रावैः पृथग्भाव्यं त्र्यहं त्र्यहम्
uddhṛtya sampuṭaṃ cūrṇyaṃ devadālyā dravais tryaham / bhaṅgīpunarnavādrāvaiḥ pṛthagbhāvyaṃ tryahaṃ tryaham
Sanskrit only: no published translation is held for this verse.
तत्तुल्यं नागराच् चूर्णं क्षिप्त्वा मध्वाज्यसंयुतम् । लिहेन् माषद्वयं नित्यं यावत् संवत्सरावधि
tattulyaṃ nāgarāc cūrṇaṃ kṣiptvā madhvājyasaṃyutam / lihen māṣadvayaṃ nityaṃ yāvat saṃvatsarāvadhi
Sanskrit only: no published translation is held for this verse.
रसो ऽयम् उदयादित्यो जरामृत्युहरः परः । पुनर्नवादेवदालीभृङ्गचूर्णं समं समम्
raso 'yam udayādityo jarāmṛtyuharaḥ paraḥ / punarnavādevadālībhṛṅgacūrṇaṃ samaṃ samam
Sanskrit only: no published translation is held for this verse.
मध्वाज्याभ्यां लिहेत् कर्षम् अनु स्यात् क्रामणं परम् । पारदो गगनं कान्तं तीक्ष्णं च मारितं समम्
madhvājyābhyāṃ lihet karṣam anu syāt krāmaṇaṃ param / pārado gaganaṃ kāntaṃ tīkṣṇaṃ ca māritaṃ samam
Sanskrit only: no published translation is held for this verse.
भृङ्गधात्रीफलद्रावैश् छायायां भावयेत् त्र्यहम् । सितामध्वाज्यकैस् तुल्यं सर्वं भाण्डे निरोधयेत्
bhṛṅgadhātrīphaladrāvaiś chāyāyāṃ bhāvayet tryaham / sitāmadhvājyakais tulyaṃ sarvaṃ bhāṇḍe nirodhayet
Sanskrit only: no published translation is held for this verse.
धान्यराशौ स्थितं मासं ततो निष्कत्रयं समम् । भक्षयेच् च पिबेत् क्षीरं कर्षैकं त्रिफलाम् अनु
dhānyarāśau sthitaṃ māsaṃ tato niṣkatrayaṃ samam / bhakṣayec ca pibet kṣīraṃ karṣaikaṃ triphalām anu
Sanskrit only: no published translation is held for this verse.
रात्रौ शुण्ठीं कणां खादेद् वर्षैकाद् अमरो भवेत् । जीवेद् ब्रह्मदिनं वीरः स्याद् रसो गगनेश्वरः
rātrau śuṇṭhīṃ kaṇāṃ khāded varṣaikād amaro bhavet / jīved brahmadinaṃ vīraḥ syād raso gaganeśvaraḥ
Sanskrit only: no published translation is held for this verse.
वटक्षीरैस् त्र्यहं मर्द्यं गन्धं शुद्धरसं समम् । वटकाष्ठाग्निना पच्यान् मृत्पात्रे यामपञ्चकम्
vaṭakṣīrais tryahaṃ mardyaṃ gandhaṃ śuddharasaṃ samam / vaṭakāṣṭhāgninā pacyān mṛtpātre yāmapañcakam
Sanskrit only: no published translation is held for this verse.
क्षिपन् क्षिपन् वटक्षीरं तत्काष्ठेनैव चालयेत् । समुद्धृत्य त्र्यहं भाव्यं देवदालीदलद्रवैः
kṣipan kṣipan vaṭakṣīraṃ tatkāṣṭhenaiva cālayet / samuddhṛtya tryahaṃ bhāvyaṃ devadālīdaladravaiḥ
Sanskrit only: no published translation is held for this verse.
उष्णकाले तु गुञ्जैकं ताम्बूलपत्रसंयुतम् । चन्द्रवृद्ध्या सदा भक्ष्यं यावत् षोडशगुञ्जकम्
uṣṇakāle tu guñjaikaṃ tāmbūlapatrasaṃyutam / candravṛddhyā sadā bhakṣyaṃ yāvat ṣoḍaśaguñjakam
Sanskrit only: no published translation is held for this verse.
चूर्णम् उत्तरवारुण्या वाकुच्या देवदालिजम् । मध्वाज्याभ्यां लिहेत् कर्षं क्रामकं ह्य् अनुपानकम्
cūrṇam uttaravāruṇyā vākucyā devadālijam / madhvājyābhyāṃ lihet karṣaṃ krāmakaṃ hy anupānakam
Sanskrit only: no published translation is held for this verse.
वर्षमात्राज् जरां हन्ति जीवेद् वर्षशतत्रयम् । रसो वटेश्वरो नाम वज्रकायकरो नृणाम्
varṣamātrāj jarāṃ hanti jīved varṣaśatatrayam / raso vaṭeśvaro nāma vajrakāyakaro nṛṇām
Sanskrit only: no published translation is held for this verse.
मृतं सूतं शुद्धगन्धं त्रिफलां गुग्गुलुं समम् । सर्वं वातारितैलेन मिश्रं कर्षं लिहेत् सदा
mṛtaṃ sūtaṃ śuddhagandhaṃ triphalāṃ gugguluṃ samam / sarvaṃ vātāritailena miśraṃ karṣaṃ lihet sadā
Sanskrit only: no published translation is held for this verse.
षण्मासेन जरां हन्ति जीवेद् ब्रह्मदिनत्रयम् । तस्य मूत्रपुरीषेण शुल्बं भवति काञ्चनम्
ṣaṇmāsena jarāṃ hanti jīved brahmadinatrayam / tasya mūtrapurīṣeṇa śulbaṃ bhavati kāñcanam
Sanskrit only: no published translation is held for this verse.
अजस्य वृषणं पाच्यं गवां क्षीरेण तं निशि । सितायुक्तं पिबेच् चानु रसो ऽयम् अचलेश्वरः
ajasya vṛṣaṇaṃ pācyaṃ gavāṃ kṣīreṇa taṃ niśi / sitāyuktaṃ pibec cānu raso 'yam acaleśvaraḥ
Sanskrit only: no published translation is held for this verse.
रसं वज्रं स्वर्णकान्ते मुण्डं च मारितं समम् । माक्षिकं गन्धकं शुद्धं सर्वं जम्बीरजैर् द्रवैः
rasaṃ vajraṃ svarṇakānte muṇḍaṃ ca māritaṃ samam / mākṣikaṃ gandhakaṃ śuddhaṃ sarvaṃ jambīrajair dravaiḥ
Sanskrit only: no published translation is held for this verse.
सप्ताहं मर्दयेत् खल्वे तद्गोलं चान्धितं पुटेत् । भूधरे दिनम् एकं तु ख्यातः सिद्धरसः परः
saptāhaṃ mardayet khalve tadgolaṃ cāndhitaṃ puṭet / bhūdhare dinam ekaṃ tu khyātaḥ siddharasaḥ paraḥ
Sanskrit only: no published translation is held for this verse.
माषैकं मधुना लेह्यं वर्षान् मृत्युजरापहम् । दिव्यकायो नरः सिद्धो भवेद् विष्णुपराक्रमः
māṣaikaṃ madhunā lehyaṃ varṣān mṛtyujarāpaham / divyakāyo naraḥ siddho bhaved viṣṇuparākramaḥ
Sanskrit only: no published translation is held for this verse.
श्वेतपौनर्नवं मूलं क्षीरपिष्टं सदा पिबेत् । भक्षयेद् वा सिता सार्धं क्रामकं परमे रसे
śvetapaunarnavaṃ mūlaṃ kṣīrapiṣṭaṃ sadā pibet / bhakṣayed vā sitā sārdhaṃ krāmakaṃ parame rase
Sanskrit only: no published translation is held for this verse.
मृतसूतस्य द्विगुणं शुद्धं गन्धं विमिश्रयेत् । दिनैकं कन्यकाद्रावैर् मर्दयित्वा निरोधयेत्
mṛtasūtasya dviguṇaṃ śuddhaṃ gandhaṃ vimiśrayet / dinaikaṃ kanyakādrāvair mardayitvā nirodhayet
Sanskrit only: no published translation is held for this verse.
दिनैकं मधुना पच्यान् निष्कैकं मधुना लिहेत् । गन्धामृतो रसो नाम वत्सरान् मृत्युजिद् भवेत्
dinaikaṃ madhunā pacyān niṣkaikaṃ madhunā lihet / gandhāmṛto raso nāma vatsarān mṛtyujid bhavet
Sanskrit only: no published translation is held for this verse.
समूलं भृङ्गराजं तु छायाशुष्कं विचूर्णयेत् । तत्समं त्रिफलाचूर्णं सर्वतुल्या सिता भवेत्
samūlaṃ bhṛṅgarājaṃ tu chāyāśuṣkaṃ vicūrṇayet / tatsamaṃ triphalācūrṇaṃ sarvatulyā sitā bhavet
Sanskrit only: no published translation is held for this verse.
एकीकृत्य पलैकैकं भक्षयेद् अनुपानकम् । पारदाभ्रं मृतं तुल्यं द्वाभ्यां तुल्यं तु गन्धकम्
ekīkṛtya palaikaikaṃ bhakṣayed anupānakam / pāradābhraṃ mṛtaṃ tulyaṃ dvābhyāṃ tulyaṃ tu gandhakam
Sanskrit only: no published translation is held for this verse.
तत् सर्वं भृङ्गजैर् द्रावैर् मर्दयेद् दिनसप्तकम् । षड्वारं चाङ्कुलीतैलैर् भावयित्वाथ भक्षयेत्
tat sarvaṃ bhṛṅgajair drāvair mardayed dinasaptakam / ṣaḍvāraṃ cāṅkulītailair bhāvayitvātha bhakṣayet
Sanskrit only: no published translation is held for this verse.
माषमात्रं तु वर्षैकं रसो ऽयं कालकण्टकः । पिष्ट्वा करञ्जपत्राणि गवां क्षीरैः पिबेद् अनु
māṣamātraṃ tu varṣaikaṃ raso 'yaṃ kālakaṇṭakaḥ / piṣṭvā karañjapatrāṇi gavāṃ kṣīraiḥ pibed anu
Sanskrit only: no published translation is held for this verse.
जरामृत्युविनिर्मुक्तो जीवेद् ब्रह्मदिनं नरः । मृतसूताभ्रकं कान्तं विषं ताप्यं शिलाजतु
jarāmṛtyuvinirmukto jīved brahmadinaṃ naraḥ / mṛtasūtābhrakaṃ kāntaṃ viṣaṃ tāpyaṃ śilājatu
Sanskrit only: no published translation is held for this verse.
तुल्यांशं मधुसर्पिर्भ्यां लिहेद् गुञ्जात्रयं सदा । षण्मासेन जरां हन्ति जीवेद् ब्रह्मदिनं नरः
tulyāṃśaṃ madhusarpirbhyāṃ lihed guñjātrayaṃ sadā / ṣaṇmāsena jarāṃ hanti jīved brahmadinaṃ naraḥ
Sanskrit only: no published translation is held for this verse.
अश्वगन्धामूलचूर्णं सप्तभागघृतैः समम् । भागाष्टकं गुडं तस्मिन् क्षिपेद् भागं च पिप्पलीम्
aśvagandhāmūlacūrṇaṃ saptabhāgaghṛtaiḥ samam / bhāgāṣṭakaṃ guḍaṃ tasmin kṣiped bhāgaṃ ca pippalīm
Sanskrit only: no published translation is held for this verse.
मृद्वग्निना च तत् सर्वं पिण्डितं भक्षयेत् पलम् । क्रामकं ह्य् अमृतेशस्य रसराजस्य सिद्धये
mṛdvagninā ca tat sarvaṃ piṇḍitaṃ bhakṣayet palam / krāmakaṃ hy amṛteśasya rasarājasya siddhaye
Sanskrit only: no published translation is held for this verse.
त्रिगुणं शुद्धसूतस्य योजयेच् छुद्धगन्धकम् । लोहपर्पटिकाचूर्णं सूततुल्यं विनिक्षिपेत्
triguṇaṃ śuddhasūtasya yojayec chuddhagandhakam / lohaparpaṭikācūrṇaṃ sūtatulyaṃ vinikṣipet
Sanskrit only: no published translation is held for this verse.
स्नुह्यर्कपयसा मर्द्यं तत् सर्वं दिवसत्रयम् । तच् छुष्कं चान्धितं पच्यात् करीषाग्नौ दिवानिशम्
snuhyarkapayasā mardyaṃ tat sarvaṃ divasatrayam / tac chuṣkaṃ cāndhitaṃ pacyāt karīṣāgnau divāniśam
Sanskrit only: no published translation is held for this verse.
ततश् च टङ्कणं काचं दत्त्वा रुद्ध्वा धमेद् दृढम् । गुञ्जैकं मधुना खादेद् रसवीरो महारसः
tataś ca ṭaṅkaṇaṃ kācaṃ dattvā ruddhvā dhamed dṛḍham / guñjaikaṃ madhunā khāded rasavīro mahārasaḥ
Sanskrit only: no published translation is held for this verse.
अब्दैकेन जरां हन्ति जीवेद् आचन्द्रतारकम् । मुसलीमूलचूर्णं तु गुञ्जापत्रद्रवैः पिबेत्
abdaikena jarāṃ hanti jīved ācandratārakam / musalīmūlacūrṇaṃ tu guñjāpatradravaiḥ pibet
Sanskrit only: no published translation is held for this verse.
छागीमूत्रेण वा तं वै कर्षैकं क्रामकं परम् । मृतसूतसमं गन्धं काकमाच्या द्रवैर् दिनम्
chāgīmūtreṇa vā taṃ vai karṣaikaṃ krāmakaṃ param / mṛtasūtasamaṃ gandhaṃ kākamācyā dravair dinam
Sanskrit only: no published translation is held for this verse.
मर्दितं चान्धितं पच्यात् करीषाग्नौ दिवानिशम् । दिव्यौषधदलद्रावैर् दिनं मर्द्यं तम् अन्धयेत्
marditaṃ cāndhitaṃ pacyāt karīṣāgnau divāniśam / divyauṣadhadaladrāvair dinaṃ mardyaṃ tam andhayet
Sanskrit only: no published translation is held for this verse.
ध्मातं तस्मात् समुद्धृत्य तत्तुल्यं हाटकं मृतम् । एकीकृत्य घृतैर् लेह्यं माषैकं वत्सरावधि
dhmātaṃ tasmāt samuddhṛtya tattulyaṃ hāṭakaṃ mṛtam / ekīkṛtya ghṛtair lehyaṃ māṣaikaṃ vatsarāvadhi
Sanskrit only: no published translation is held for this verse.
जरां मृत्युं निहन्त्य् आशु सत्यं काञ्चायनो रसः । काकमाचीद्रवैर् भाव्यं चूर्णं धात्रीफलोद्भवम्
jarāṃ mṛtyuṃ nihanty āśu satyaṃ kāñcāyano rasaḥ / kākamācīdravair bhāvyaṃ cūrṇaṃ dhātrīphalodbhavam
Sanskrit only: no published translation is held for this verse.
मधुना भक्षयेत् कर्षम् अनु स्यात् क्रामकं परम् । मृतसूताभ्रकं गन्धं तुल्यं सप्तदिनावधि
madhunā bhakṣayet karṣam anu syāt krāmakaṃ param / mṛtasūtābhrakaṃ gandhaṃ tulyaṃ saptadināvadhi
Sanskrit only: no published translation is held for this verse.
शिग्रुमूलद्रवैर् मर्द्यं तद्गोलं भाण्डमध्यगम् । रुद्ध्वा पच्याल् लघुत्वेन शाककाष्ठैर् दिनावधि
śigrumūladravair mardyaṃ tadgolaṃ bhāṇḍamadhyagam / ruddhvā pacyāl laghutvena śākakāṣṭhair dināvadhi
Sanskrit only: no published translation is held for this verse.
परानन्दो रसो नाम घृतैर् निष्कं सदा लिहेत् । दिनैकं त्रिफलाक्वाथैः कुष्ठं सम्यग् विपाचयेत्
parānando raso nāma ghṛtair niṣkaṃ sadā lihet / dinaikaṃ triphalākvāthaiḥ kuṣṭhaṃ samyag vipācayet
Sanskrit only: no published translation is held for this verse.
तच् छुष्कं चूर्णितं कर्षं मध्वाज्याभ्यां लिहेद् अनु । संवत्सरप्रयोगेण जीवेद् आचन्द्रतारकम्
tac chuṣkaṃ cūrṇitaṃ karṣaṃ madhvājyābhyāṃ lihed anu / saṃvatsaraprayogeṇa jīved ācandratārakam
Sanskrit only: no published translation is held for this verse.
मृतसूताभ्रकं तुल्यं मृतलोहं तयोः समम् । लोहांशं शोधितं गन्धं भावयेद् दिनसप्तकम्
mṛtasūtābhrakaṃ tulyaṃ mṛtalohaṃ tayoḥ samam / lohāṃśaṃ śodhitaṃ gandhaṃ bhāvayed dinasaptakam
Sanskrit only: no published translation is held for this verse.
तत् सर्वं त्रिफलाक्वाथैर् भृङ्गशिग्रुकचित्रकैः । द्रवैः पृथक् पृथग् भाव्यं सप्तधा सप्तधा क्रमात्
tat sarvaṃ triphalākvāthair bhṛṅgaśigrukacitrakaiḥ / dravaiḥ pṛthak pṛthag bhāvyaṃ saptadhā saptadhā kramāt
Sanskrit only: no published translation is held for this verse.
सप्तधा कटुकीक्वाथैर् भावितं चूर्णयेत् पुनः । चूर्णतुल्यं कणाचूर्णं पुरातनगुडैः समैः
saptadhā kaṭukīkvāthair bhāvitaṃ cūrṇayet punaḥ / cūrṇatulyaṃ kaṇācūrṇaṃ purātanaguḍaiḥ samaiḥ
Sanskrit only: no published translation is held for this verse.
सर्वमेकीकृतं खादेन् निष्कैकं वत्सरावधि । महाकालो रसो नाम जराकालभयंकरः
sarvamekīkṛtaṃ khāden niṣkaikaṃ vatsarāvadhi / mahākālo raso nāma jarākālabhayaṃkaraḥ
Sanskrit only: no published translation is held for this verse.
तिलकोरण्टपत्त्राणि गुडेन भक्षयेदनु । मृतपारदसंतुल्यं लोहपर्पटकं भवेत्
tilakoraṇṭapattrāṇi guḍena bhakṣayedanu / mṛtapāradasaṃtulyaṃ lohaparpaṭakaṃ bhavet
Sanskrit only: no published translation is held for this verse.
त्रिगुणं गन्धकं सूतात्सर्वं दिव्यौषधद्रवैः । मर्दितं तद्दिनं रुद्ध्वा ध्मातो बद्धो भवेद्रसः
triguṇaṃ gandhakaṃ sūtātsarvaṃ divyauṣadhadravaiḥ / marditaṃ taddinaṃ ruddhvā dhmāto baddho bhavedrasaḥ
Sanskrit only: no published translation is held for this verse.
तस्मिन् पादं मृतं स्वर्णं क्षिप्त्वा वह्न्यार्द्रकद्रवैः । मर्द्यं यामं विचूर्ण्याथ व्योषजीरकसैन्धवैः
tasmin pādaṃ mṛtaṃ svarṇaṃ kṣiptvā vahnyārdrakadravaiḥ / mardyaṃ yāmaṃ vicūrṇyātha vyoṣajīrakasaindhavaiḥ
Sanskrit only: no published translation is held for this verse.
तुल्यं पूर्वरसं तुल्यं निष्कैकैकं च भक्षयेत् । जरामृत्युं निहन्त्याशु हेमपर्पटको रसः
tulyaṃ pūrvarasaṃ tulyaṃ niṣkaikaikaṃ ca bhakṣayet / jarāmṛtyuṃ nihantyāśu hemaparpaṭako rasaḥ
Sanskrit only: no published translation is held for this verse.
अश्वगन्धासमां यष्टिं धात्रीफलरसैर्दिनम् । भावितां लेहयेत्क्षौद्रैः पलैकां क्रामकं परम्
aśvagandhāsamāṃ yaṣṭiṃ dhātrīphalarasairdinam / bhāvitāṃ lehayetkṣaudraiḥ palaikāṃ krāmakaṃ param
Sanskrit only: no published translation is held for this verse.
स्वर्णतारार्ककान्तं च तीक्ष्णं वा मारितं समम् । कृष्णाभ्रसत्त्वमाक्षीकं प्रत्येकं स्वर्णतुल्यकम्
svarṇatārārkakāntaṃ ca tīkṣṇaṃ vā māritaṃ samam / kṛṣṇābhrasattvamākṣīkaṃ pratyekaṃ svarṇatulyakam
Sanskrit only: no published translation is held for this verse.
तत्सर्वं चान्धितं धाम्यं तत्खोटं मृतपारदम् । समं सूतान्मृतं वज्रं पादांशं तत्र योजयेत्
tatsarvaṃ cāndhitaṃ dhāmyaṃ tatkhoṭaṃ mṛtapāradam / samaṃ sūtānmṛtaṃ vajraṃ pādāṃśaṃ tatra yojayet
Sanskrit only: no published translation is held for this verse.
सर्वं जम्बीरजैर्द्रावैस्तप्तखल्वे विमर्दयेत् । दिनैकं तं निरुध्याथ भूधरे पावयेद् दिनम्
sarvaṃ jambīrajairdrāvaistaptakhalve vimardayet / dinaikaṃ taṃ nirudhyātha bhūdhare pāvayed dinam
Sanskrit only: no published translation is held for this verse.
उद्धृत्य गन्धकं तुल्यं दत्त्वा रुद्ध्वा धमेद् द्रुतम् । तच्चूर्णं मधुनाज्येन माषमात्रं लिहेत्सदा
uddhṛtya gandhakaṃ tulyaṃ dattvā ruddhvā dhamed drutam / taccūrṇaṃ madhunājyena māṣamātraṃ lihetsadā
Sanskrit only: no published translation is held for this verse.
रसः श्रीकण्ठनामायं खेचरत्वं प्रयच्छति । संवत्सरप्रयोगेन जीवेत्कल्पान्तमेव च
rasaḥ śrīkaṇṭhanāmāyaṃ khecaratvaṃ prayacchati / saṃvatsaraprayogena jīvetkalpāntameva ca
Sanskrit only: no published translation is held for this verse.
तस्य मूत्रपुरीषाभ्यां सर्वलोहानि काञ्चनम् । पलैकं गन्धकं क्षीरैः क्रामकं चानु पाययेत्
tasya mūtrapurīṣābhyāṃ sarvalohāni kāñcanam / palaikaṃ gandhakaṃ kṣīraiḥ krāmakaṃ cānu pāyayet
Sanskrit only: no published translation is held for this verse.
शुद्धताम्रस्य भागैकं द्विषट् शुद्धरसस्य च । त्रयं भूनागसत्त्वस्य भागमेकत्र वारयेत्
śuddhatāmrasya bhāgaikaṃ dviṣaṭ śuddharasasya ca / trayaṃ bhūnāgasattvasya bhāgamekatra vārayet
Sanskrit only: no published translation is held for this verse.
सर्वं मर्द्यं तप्तखल्वे जम्बीराणां द्रवैर्दिनम् । तत्सर्वं कच्छपे यन्त्रे क्षिप्त्वा तत्रैव गन्धकम्
sarvaṃ mardyaṃ taptakhalve jambīrāṇāṃ dravairdinam / tatsarvaṃ kacchape yantre kṣiptvā tatraiva gandhakam
Sanskrit only: no published translation is held for this verse.
कासमर्दरसैः पिष्टं तुल्यं दत्त्वा निरुध्य च । यावज् जीर्णं पुटे पच्याद् एवं षड्गुणगन्धकम्
kāsamardarasaiḥ piṣṭaṃ tulyaṃ dattvā nirudhya ca / yāvaj jīrṇaṃ puṭe pacyād evaṃ ṣaḍguṇagandhakam
Sanskrit only: no published translation is held for this verse.
जारयेत्क्रमयोगेन समुद्धृत्याथ मर्दयेत् । यामं जम्बीरजैर्द्रावैस्ततो निश्चन्द्रमभ्रकम्
jārayetkramayogena samuddhṛtyātha mardayet / yāmaṃ jambīrajairdrāvaistato niścandramabhrakam
Sanskrit only: no published translation is held for this verse.
अम्लवेतससंतुल्यं मर्दितं दापयेद्रसे । षोडशांशं तप्तखल्वे चणकाम्लं च तालकम्
amlavetasasaṃtulyaṃ marditaṃ dāpayedrase / ṣoḍaśāṃśaṃ taptakhalve caṇakāmlaṃ ca tālakam
Sanskrit only: no published translation is held for this verse.
कासीसं च दशांशेन दत्त्वा मर्द्यं दिनावधि । तत्सर्वं पक्वमूषायां क्षिप्त्वा वस्त्रेण बन्धयेत्
kāsīsaṃ ca daśāṃśena dattvā mardyaṃ dināvadhi / tatsarvaṃ pakvamūṣāyāṃ kṣiptvā vastreṇa bandhayet
Sanskrit only: no published translation is held for this verse.
दोलायन्त्रे सारनाले त्र्यहं लघ्वग्निना पचेत् । उद्धृत्य क्षालयेदुष्णैः काञ्जिकैर्जीर्यते यदि
dolāyantre sāranāle tryahaṃ laghvagninā pacet / uddhṛtya kṣālayeduṣṇaiḥ kāñjikairjīryate yadi
Sanskrit only: no published translation is held for this verse.
अजीर्णं चेत्पचेद्यन्त्रे कच्छपाख्ये विडान्वितम् । एव पुनः पुनर्जार्यं गगनं सूततुल्यकम्
ajīrṇaṃ cetpacedyantre kacchapākhye viḍānvitam / eva punaḥ punarjāryaṃ gaganaṃ sūtatulyakam
Sanskrit only: no published translation is held for this verse.
शिखिपित्तप्रलिप्तानि स्वर्णपत्त्राणि तस्य वै । चतुःषष्ट्यंशयोगेन दत्त्वा खल्वे विमर्दयेत्
śikhipittapraliptāni svarṇapattrāṇi tasya vai / catuḥṣaṣṭyaṃśayogena dattvā khalve vimardayet
Sanskrit only: no published translation is held for this verse.
स्वेदयेत्पूर्ववद्यन्त्रे जीर्णे स्वर्णं च दापयेत् । इत्येवं षोडशांशं तु स्वर्णं जार्यं रसस्य वै
svedayetpūrvavadyantre jīrṇe svarṇaṃ ca dāpayet / ityevaṃ ṣoḍaśāṃśaṃ tu svarṇaṃ jāryaṃ rasasya vai
Sanskrit only: no published translation is held for this verse.
ततो जार्यं मृतं वज्रं षोडशांशं च हेमवत् । तालकासीसजम्बीरयुक्तं मर्द्यं च तत्परम्
tato jāryaṃ mṛtaṃ vajraṃ ṣoḍaśāṃśaṃ ca hemavat / tālakāsīsajambīrayuktaṃ mardyaṃ ca tatparam
Sanskrit only: no published translation is held for this verse.
ततो दिव्यौषधद्रावैस्तं सूतं मर्दयेत् त्र्यहम् । वज्रमूषान्धितं धाम्यं बद्धं स्याच् चूर्णयेत्पुनः
tato divyauṣadhadrāvaistaṃ sūtaṃ mardayet tryaham / vajramūṣāndhitaṃ dhāmyaṃ baddhaṃ syāc cūrṇayetpunaḥ
Sanskrit only: no published translation is held for this verse.
मधुशर्करया सार्धं गुञ्जामात्रं च भक्षयेत् । रसः खेचरबद्धोऽयं षण्मासान्मृत्युजिद्भवेत्
madhuśarkarayā sārdhaṃ guñjāmātraṃ ca bhakṣayet / rasaḥ khecarabaddho'yaṃ ṣaṇmāsānmṛtyujidbhavet
Sanskrit only: no published translation is held for this verse.
वलीपलितनिर्मुक्तो महाबलपराक्रमः । सप्ताहं भृङ्गजैर्द्रावैर् नीलमुण्डीफलत्रयम्
valīpalitanirmukto mahābalaparākramaḥ / saptāhaṃ bhṛṅgajairdrāvair nīlamuṇḍīphalatrayam
Sanskrit only: no published translation is held for this verse.
भावयेन्मधुसर्पिर्भ्यां कर्षमात्रं लिहेदनु । शुद्धसूतं द्विधा गन्धं कुर्यात्खल्वेन कञ्जलम्
bhāvayenmadhusarpirbhyāṃ karṣamātraṃ lihedanu / śuddhasūtaṃ dvidhā gandhaṃ kuryātkhalvena kañjalam
Sanskrit only: no published translation is held for this verse.
तयोस्तुल्यं कान्तचूर्णं तीक्ष्णं वा मुण्डमेव वा । सर्वमेकीकृतं खल्वे मर्दयेत्कन्यकाद्रवैः
tayostulyaṃ kāntacūrṇaṃ tīkṣṇaṃ vā muṇḍameva vā / sarvamekīkṛtaṃ khalve mardayetkanyakādravaiḥ
Sanskrit only: no published translation is held for this verse.
दिनैकं गोलकं कृत्वा ताम्रपात्रे निवेशयेत् । आच्छाद्यैरण्डपत्त्रैस्तु यामार्धेऽत्युष्णतां व्रजेत्
dinaikaṃ golakaṃ kṛtvā tāmrapātre niveśayet / ācchādyairaṇḍapattraistu yāmārdhe'tyuṣṇatāṃ vrajet
Sanskrit only: no published translation is held for this verse.
धान्यराशौ न्यसेत्तं तु द्विदिनान्ते समुद्धरेत् । कन्याभृङ्गीकाकमाचीमुण्डीनिर्गुण्डीचित्रकम्
dhānyarāśau nyasettaṃ tu dvidinānte samuddharet / kanyābhṛṅgīkākamācīmuṇḍīnirguṇḍīcitrakam
Sanskrit only: no published translation is held for this verse.
कोरण्टवाकुचीब्राह्मीसहदेवीपुनर्नवाः । शाल्मलीविजयाधूर्ता द्रवैरेषां पृथक्पृथक्
koraṇṭavākucībrāhmīsahadevīpunarnavāḥ / śālmalīvijayādhūrtā dravaireṣāṃ pṛthakpṛthak
Sanskrit only: no published translation is held for this verse.
सप्तधा सप्तधा भाव्यं सप्तधा त्रिफलोद्भवैः । कषायैर्भावितं चूर्ण्यं जातीफललवंगकम्
saptadhā saptadhā bhāvyaṃ saptadhā triphalodbhavaiḥ / kaṣāyairbhāvitaṃ cūrṇyaṃ jātīphalalavaṃgakam
Sanskrit only: no published translation is held for this verse.
त्रिकटु त्रिफला चैला चूर्णयेन् नवकं समम् । तच्चूर्णं पूर्वचूर्णं च समं क्षौद्रेण कर्षकम्
trikaṭu triphalā cailā cūrṇayen navakaṃ samam / taccūrṇaṃ pūrvacūrṇaṃ ca samaṃ kṣaudreṇa karṣakam
Sanskrit only: no published translation is held for this verse.
वर्षैकं लेहयेन् नित्यं जराकालप्रशान्तये । स्वयमग्निरसो नाम सिद्धानां सुमुखागतः
varṣaikaṃ lehayen nityaṃ jarākālapraśāntaye / svayamagniraso nāma siddhānāṃ sumukhāgataḥ
Sanskrit only: no published translation is held for this verse.
तिलाश्वगन्धयोश्चूर्णं पलार्धं मधुना लिहेत् । निर्गुण्डी नीलिका वज्री ब्रह्मदण्डी त्रिदण्डिका
tilāśvagandhayoścūrṇaṃ palārdhaṃ madhunā lihet / nirguṇḍī nīlikā vajrī brahmadaṇḍī tridaṇḍikā
Sanskrit only: no published translation is held for this verse.
शतपुष्पा मुद्गपर्णी श्वेतार्को वानरी जया । पेटारीकृष्णधत्तूरविजयाक्षीरकन्दकम्
śatapuṣpā mudgaparṇī śvetārko vānarī jayā / peṭārīkṛṣṇadhattūravijayākṣīrakandakam
Sanskrit only: no published translation is held for this verse.
एतैः समस्तैर्व्यस्तैर्वा द्रव्यैर्मर्द्यं दिनत्रयम् । शुद्धसूतं तप्तखल्वे तत्कल्कं क्षीरकन्दके
etaiḥ samastairvyastairvā dravyairmardyaṃ dinatrayam / śuddhasūtaṃ taptakhalve tatkalkaṃ kṣīrakandake
Sanskrit only: no published translation is held for this verse.
वज्रकन्देऽथवा रुद्ध्वा तन्मज्जाभिर्मृदा पुनः । तं कन्दं वज्रमूषायां रुद्ध्वा लघुपुटे पचेत्
vajrakande'thavā ruddhvā tanmajjābhirmṛdā punaḥ / taṃ kandaṃ vajramūṣāyāṃ ruddhvā laghupuṭe pacet
Sanskrit only: no published translation is held for this verse.
पुनर्मर्द्यं पुनः पाच्यमित्येवं सप्तधा क्रमात् । रसः कक्षपुटो नाम गुञ्जैकं मधुना लिहेत्
punarmardyaṃ punaḥ pācyamityevaṃ saptadhā kramāt / rasaḥ kakṣapuṭo nāma guñjaikaṃ madhunā lihet
Sanskrit only: no published translation is held for this verse.
जीवेद्ब्रह्मदिनैकं तु वलीपलितवर्जितः । वर्षैकेन न संदेहो रसकायो भवेन् नरः
jīvedbrahmadinaikaṃ tu valīpalitavarjitaḥ / varṣaikena na saṃdeho rasakāyo bhaven naraḥ
Sanskrit only: no published translation is held for this verse.
भल्लातबीजचूर्णं च हयगन्धामृताघृतैः । पलैकं भक्षयेच् चानु क्रामकं परमं हितम्
bhallātabījacūrṇaṃ ca hayagandhāmṛtāghṛtaiḥ / palaikaṃ bhakṣayec cānu krāmakaṃ paramaṃ hitam
Sanskrit only: no published translation is held for this verse.
मृतसूताभ्रकं वज्रं कान्ततारार्कहाटकम् । तीक्ष्णं च तुल्यतुल्यांशं सर्वेषां गन्धकं समम्
mṛtasūtābhrakaṃ vajraṃ kāntatārārkahāṭakam / tīkṣṇaṃ ca tulyatulyāṃśaṃ sarveṣāṃ gandhakaṃ samam
Sanskrit only: no published translation is held for this verse.
सर्वं पालाशतैलेन मर्दयेद् दिनसप्तकम् । महाशक्तिरसो नाम क्षौद्रैर्माषं लिहेत्सदा
sarvaṃ pālāśatailena mardayed dinasaptakam / mahāśaktiraso nāma kṣaudrairmāṣaṃ lihetsadā
Sanskrit only: no published translation is held for this verse.
षण्मासेन जरां हन्ति जीवेद्ब्रह्मदिनत्रयम् । वत्सरात् सप्तकल्पानि जीवत्येव न संशयः
ṣaṇmāsena jarāṃ hanti jīvedbrahmadinatrayam / vatsarāt saptakalpāni jīvatyeva na saṃśayaḥ
Sanskrit only: no published translation is held for this verse.
इच्छावेगी महासिद्धः पराशक्तिसमो भवेत् । तस्य मूत्रपुरीषाभ्यां ताम्रं भवति काञ्चनम्
icchāvegī mahāsiddhaḥ parāśaktisamo bhavet / tasya mūtrapurīṣābhyāṃ tāmraṃ bhavati kāñcanam
Sanskrit only: no published translation is held for this verse.
पालाशबीजजं तैलं क्षौद्रैर्लेह्यं पलाष्टकम् । क्रामकं ह्य् अनुपानं स्यात् सम्यक्छक्त्या प्रकाशितम्
pālāśabījajaṃ tailaṃ kṣaudrairlehyaṃ palāṣṭakam / krāmakaṃ hy anupānaṃ syāt samyakchaktyā prakāśitam
Sanskrit only: no published translation is held for this verse.