Nityanathasiddha: Rasaratnakara 2.8

कपोतेश्वरदेवस्योत्तरे पुष्पगिरिः स्थितः । तस्य कुर्यात् प्रयत्नेन त्रिवारं तु प्रदक्षिणम्

kapoteśvaradevasyottare puṣpagiriḥ sthitaḥ / tasya kuryāt prayatnena trivāraṃ tu pradakṣiṇam

Sanskrit only: no published translation is held for this verse.

ततः शिरः समारुह्य खेचरत्वं लभेन्नरः । तत्पूर्वोत्तरदिग्भागे छेलिकाद्वारस्थितम्

tataḥ śiraḥ samāruhya khecaratvaṃ labhennaraḥ / tatpūrvottaradigbhāge chelikādvārasthitam

Sanskrit only: no published translation is held for this verse.

उत्तराभिमुखं तत्र प्रविशेद्धनुषां त्रयम् । मूषिकाकारपाषाणास्तिष्ठन्ति तान् समाहरेत्

uttarābhimukhaṃ tatra praviśeddhanuṣāṃ trayam / mūṣikākārapāṣāṇāstiṣṭhanti tān samāharet

Sanskrit only: no published translation is held for this verse.

तक्रैः पिष्ट्वा तदेकं तु पिबेन्मूर्छामवाप्नुयात् । क्षणादुत्तिष्ठते सिद्धो जीवेद्ब्रह्मदिनत्रयम्

takraiḥ piṣṭvā tadekaṃ tu pibenmūrchāmavāpnuyāt / kṣaṇāduttiṣṭhate siddho jīvedbrahmadinatrayam

Sanskrit only: no published translation is held for this verse.

स एव सर्वलोहानां स्पर्शवेधकरो भवेत् । अहोरात्रोषितो भूत्वा देवाग्रे सिद्धिमाप्नुयात्

sa eva sarvalohānāṃ sparśavedhakaro bhavet / ahorātroṣito bhūtvā devāgre siddhimāpnuyāt

Sanskrit only: no published translation is held for this verse.

कपोतेश्वरदेवस्य दक्षिणे देवताद्वयम् । तन्मध्ये कटिमात्रं तु खनेद्गोरोचनोपमाः

kapoteśvaradevasya dakṣiṇe devatādvayam / tanmadhye kaṭimātraṃ tu khanedgorocanopamāḥ

Sanskrit only: no published translation is held for this verse.

पाषाणास्तान् समादाय मध्वाज्याभ्यां प्रपेषयेत् । तत्पानाज्जायते मर्त्यः कल्पायुर् नात्र संशयः

pāṣāṇāstān samādāya madhvājyābhyāṃ prapeṣayet / tatpānājjāyate martyaḥ kalpāyur nātra saṃśayaḥ

Sanskrit only: no published translation is held for this verse.

कपोतेश्वरदेवस्य वायव्ये हस्तमात्रकम् । खनेत्पारावतप्रख्याः पाषाणाः स्पर्शभेदकाः

kapoteśvaradevasya vāyavye hastamātrakam / khanetpārāvataprakhyāḥ pāṣāṇāḥ sparśabhedakāḥ

Sanskrit only: no published translation is held for this verse.

तिष्ठन्ति ग्राहयेदेकं देवताराधने कृते । मल्लिकार्जुनदेवस्य ऐशान्यां भृगुपातनम्

tiṣṭhanti grāhayedekaṃ devatārādhane kṛte / mallikārjunadevasya aiśānyāṃ bhṛgupātanam

Sanskrit only: no published translation is held for this verse.

विद्यते तत्समीपस्थं कुण्डं तस्मान्मृदाहरेत् । पञ्चगव्येन सम्मिश्रां खदिराङ्गारकैर्धमेत्

vidyate tatsamīpasthaṃ kuṇḍaṃ tasmānmṛdāharet / pañcagavyena sammiśrāṃ khadirāṅgārakairdhamet

Sanskrit only: no published translation is held for this verse.

नीलोत्पलसमं लोहं पतत्येवाथ सेचयेत् । मध्वाज्याभ्यां सुतप्तं तत्सप्तवारं पुनः पुनः

nīlotpalasamaṃ lohaṃ patatyevātha secayet / madhvājyābhyāṃ sutaptaṃ tatsaptavāraṃ punaḥ punaḥ

Sanskrit only: no published translation is held for this verse.

तद्गोलं धारयेद्वक्त्रे विष्णुतुल्यो भवेन्नरः । भृगुपातात् पूर्वभागे क्रोशोदधिकपाटके

tadgolaṃ dhārayedvaktre viṣṇutulyo bhavennaraḥ / bhṛgupātāt pūrvabhāge krośodadhikapāṭake

Sanskrit only: no published translation is held for this verse.

तस्याग्रे अच्छतैलाख्यः पर्वतो नाम विश्रुतः । तत्पश्चिमे बिलद्वारं तन्मध्ये धन्वपञ्चकम्

tasyāgre acchatailākhyaḥ parvato nāma viśrutaḥ / tatpaścime biladvāraṃ tanmadhye dhanvapañcakam

Sanskrit only: no published translation is held for this verse.

गते तु दृश्यते कुण्डं रसो लाक्षारसप्रभः । अलाबुपात्रे संगृह्य कोटिवेधी भवेत्तु सः

gate tu dṛśyate kuṇḍaṃ raso lākṣārasaprabhaḥ / alābupātre saṃgṛhya koṭivedhī bhavettu saḥ

Sanskrit only: no published translation is held for this verse.

स्पर्शवेध:: रोच्क् नेअर् अ तेम्पुल् मल्लिकार्जुनदेवस्य पूर्वतो लोकविश्रुतः । प्राकारश्चन्द्रगुप्तस्य विद्यते तत्र मन्दिरम्

sparśavedha:: rock near a tempul mallikārjunadevasya pūrvato lokaviśrutaḥ / prākāraścandraguptasya vidyate tatra mandiram

Sanskrit only: no published translation is held for this verse.

तस्य पूर्वे स्थितश्चैत्यश्चैत्यपूर्वे महाशिला । मुद्गवर्णा च सा ख्याता स्पर्शवेधकरा तु सा

tasya pūrve sthitaścaityaścaityapūrve mahāśilā / mudgavarṇā ca sā khyātā sparśavedhakarā tu sā

Sanskrit only: no published translation is held for this verse.

गजस्तत्रैव विख्यातस्तमारुह्य समाहितः । तस्य पृष्ठात्तृणं ग्राह्यं तत्सर्वं कनकं भवेत्

gajastatraiva vikhyātastamāruhya samāhitaḥ / tasya pṛṣṭhāttṛṇaṃ grāhyaṃ tatsarvaṃ kanakaṃ bhavet

Sanskrit only: no published translation is held for this verse.

गजस्य चोत्तरे पार्श्वे जानुमात्रं खनेद्भुवम् । जम्बूफलसमाकाराः सन्ति ते स्पर्शवेधकाः

gajasya cottare pārśve jānumātraṃ khanedbhuvam / jambūphalasamākārāḥ santi te sparśavedhakāḥ

Sanskrit only: no published translation is held for this verse.

गजस्याधः खनेद्वाथ जानुमात्रं लभेत्ततः । त्रिकोणगुटिकां सिद्धां लक्षवेधकरां पराम्

gajasyādhaḥ khanedvātha jānumātraṃ labhettataḥ / trikoṇaguṭikāṃ siddhāṃ lakṣavedhakarāṃ parām

Sanskrit only: no published translation is held for this verse.

श्रीशैलस्य तु वायव्ये तीर्थं देवह्रदः स्थितम् । तत्र कुण्डे मुद्गवर्णाः पाषाणाः स्पर्शवेधकाः

śrīśailasya tu vāyavye tīrthaṃ devahradaḥ sthitam / tatra kuṇḍe mudgavarṇāḥ pāṣāṇāḥ sparśavedhakāḥ

Sanskrit only: no published translation is held for this verse.

तत्र कूर्मोपमं लिङ्गं स्पर्शवेधकरं परम् । कृत्तिकायां सुपूर्णायां कृत्वा पूजां समाहरेत्

tatra kūrmopamaṃ liṅgaṃ sparśavedhakaraṃ param / kṛttikāyāṃ supūrṇāyāṃ kṛtvā pūjāṃ samāharet

Sanskrit only: no published translation is held for this verse.

गव्यूतिद्वयतस्तस्मान्नाम्ना नीलवनं स्मृतम् । तत्र लिङ्गं नीलवर्णं जलं चैव तु तादृशम्

gavyūtidvayatastasmānnāmnā nīlavanaṃ smṛtam / tatra liṅgaṃ nīlavarṇaṃ jalaṃ caiva tu tādṛśam

Sanskrit only: no published translation is held for this verse.

अश्वाभ्रकाकसदृशाः पाषाणाः स्पर्शवेधकाः । सन्ति देवगृहस्यान्तः खनेज्जान्वन्तराद्धरेत्

aśvābhrakākasadṛśāḥ pāṣāṇāḥ sparśavedhakāḥ / santi devagṛhasyāntaḥ khanejjānvantarāddharet

Sanskrit only: no published translation is held for this verse.

श्रीशैलस्य तु नैरृत्ये नाम्ना गुण्डिप्रभा स्थिता । तस्याग्राद्गर्तमृद्ग्राह्या पीतवर्णा पुटैर्दहेत्

śrīśailasya tu nairṛtye nāmnā guṇḍiprabhā sthitā / tasyāgrādgartamṛdgrāhyā pītavarṇā puṭairdahet

Sanskrit only: no published translation is held for this verse.

तस्मान्निःसरते हेम स्फुरद्रूपं न संशयः । तत्रैव भ्रमराः स्युश्च पूर्ववत्फलदायकाः

tasmānniḥsarate hema sphuradrūpaṃ na saṃśayaḥ / tatraiva bhramarāḥ syuśca pūrvavatphaladāyakāḥ

Sanskrit only: no published translation is held for this verse.

तथा तम्बीपुरे नाम्नि तीर्थे च विपुले शुभम् । सदाफलं तु विख्यातं पूर्ववत्साधयेत् सुधीः

tathā tambīpure nāmni tīrthe ca vipule śubham / sadāphalaṃ tu vikhyātaṃ pūrvavatsādhayet sudhīḥ

Sanskrit only: no published translation is held for this verse.

महानन्देश्वरं नाम श्रीशैलस्य तु नैरृते । तस्य पूर्वोत्तरे पार्श्वे गच्छेद्राजपथेन तु

mahānandeśvaraṃ nāma śrīśailasya tu nairṛte / tasya pūrvottare pārśve gacchedrājapathena tu

Sanskrit only: no published translation is held for this verse.

कालवर्णेश्वरो नाम देवस्तस्याग्रकुण्डकम् । इन्द्रगोपकसंकाशस् तन्मध्ये विद्यते रसः

kālavarṇeśvaro nāma devastasyāgrakuṇḍakam / indragopakasaṃkāśas tanmadhye vidyate rasaḥ

Sanskrit only: no published translation is held for this verse.

तप्तानि सप्तलोहानि तत्सेकात्काञ्चनं भवेत् । श्रीशैलस्य तु ईशाने देवः स्यात्तुरलेश्वरः

taptāni saptalohāni tatsekātkāñcanaṃ bhavet / śrīśailasya tu īśāne devaḥ syātturaleśvaraḥ

Sanskrit only: no published translation is held for this verse.

तस्योत्तरे सुविख्यात उमापर्वत उत्तमः । तस्य मूर्ध्नि त्रिशूलाभा दर्भास्तिष्ठन्ति शोभनाः

tasyottare suvikhyāta umāparvata uttamaḥ / tasya mūrdhni triśūlābhā darbhāstiṣṭhanti śobhanāḥ

Sanskrit only: no published translation is held for this verse.

तस्याधः कटिमात्रं तु खात्वा नीलां मृदं हरेत् । तां पचेदक्षजैः काष्ठैर्भागं देवाय कल्पयेत्

tasyādhaḥ kaṭimātraṃ tu khātvā nīlāṃ mṛdaṃ haret / tāṃ pacedakṣajaiḥ kāṣṭhairbhāgaṃ devāya kalpayet

Sanskrit only: no published translation is held for this verse.

अतिथेश्च तथाग्नेश्च भागं भागं प्रकल्पयेत् । भागमात्मनि भुञ्जीत जीवेत्कल्पायुतं नरः

atitheśca tathāgneśca bhāgaṃ bhāgaṃ prakalpayet / bhāgamātmani bhuñjīta jīvetkalpāyutaṃ naraḥ

Sanskrit only: no published translation is held for this verse.

तत्र कोटीश्वरं ख्यातमिलेश्वरसमीपतः । तस्याग्रे पुष्पमात्रं तु स्पर्शवेधकरं भवेत्

tatra koṭīśvaraṃ khyātamileśvarasamīpataḥ / tasyāgre puṣpamātraṃ tu sparśavedhakaraṃ bhavet

Sanskrit only: no published translation is held for this verse.

अचलेशश्च तत्रैव स्पर्शवेधकरः परः । दक्षिणे लेशस्य योजनैकेन विद्यते

acaleśaśca tatraiva sparśavedhakaraḥ paraḥ / dakṣiṇe leśasya yojanaikena vidyate

Sanskrit only: no published translation is held for this verse.

अमरेश्वरदेवाख्यस्तत्र स्वर्णशिला शुभा । तस्य पृष्ठे च गोमांसं महामांसं च वा क्षिपेत्

amareśvaradevākhyastatra svarṇaśilā śubhā / tasya pṛṣṭhe ca gomāṃsaṃ mahāmāṃsaṃ ca vā kṣipet

Sanskrit only: no published translation is held for this verse.

प्रज्वाल्य बदरीकाष्ठैः प्रातः स्वर्णोपमा तु सा । दृश्यते रजसा स्त्रीणां भावितं वस्त्रखण्डकम्

prajvālya badarīkāṣṭhaiḥ prātaḥ svarṇopamā tu sā / dṛśyate rajasā strīṇāṃ bhāvitaṃ vastrakhaṇḍakam

Sanskrit only: no published translation is held for this verse.

तच्छिलालोडितं कुर्याद्रक्षेदलाबुपात्रके । तेन संस्पर्शमात्रेण लोहं भवति हाटकम्

tacchilāloḍitaṃ kuryādrakṣedalābupātrake / tena saṃsparśamātreṇa lohaṃ bhavati hāṭakam

Sanskrit only: no published translation is held for this verse.

श्रीशैले तत्र तत्रैव पाषाणाः पिण्डभूस्थिताः । तच्चूर्णं त्रिफलासार्धं कर्षैकं भक्षयेत्सदा

śrīśaile tatra tatraiva pāṣāṇāḥ piṇḍabhūsthitāḥ / taccūrṇaṃ triphalāsārdhaṃ karṣaikaṃ bhakṣayetsadā

Sanskrit only: no published translation is held for this verse.

मासार्धं तु जरां हन्ति जीवेदाचन्द्रतारकम् । नैरृत्ये शैलराजस्य पटाहकर्ण ईश्वरः

māsārdhaṃ tu jarāṃ hanti jīvedācandratārakam / nairṛtye śailarājasya paṭāhakarṇa īśvaraḥ

Sanskrit only: no published translation is held for this verse.

तस्य चेशानदिग्भागे पञ्चविंशतिधन्वके । द्विहस्तमात्रोर्ध्वशिला तत्र हस्तद्वयं खनेत्

tasya ceśānadigbhāge pañcaviṃśatidhanvake / dvihastamātrordhvaśilā tatra hastadvayaṃ khanet

Sanskrit only: no published translation is held for this verse.

श्रावसम्पुटसंकाशान् पाषाणांस्त्रिंशदाहरेत् । कृत्वा तानग्निवर्णांश्च सिञ्चेत्कूष्माण्डजैर्द्रवैः

śrāvasampuṭasaṃkāśān pāṣāṇāṃstriṃśadāharet / kṛtvā tānagnivarṇāṃśca siñcetkūṣmāṇḍajairdravaiḥ

Sanskrit only: no published translation is held for this verse.

तन्मध्यान्नवनीतं तु गृह्णीयाद् देवाय भागकम् । अतिथेर्भागैकं तु भागैकं भक्षयेद्बुधः

tanmadhyānnavanītaṃ tu gṛhṇīyād devāya bhāgakam / atitherbhāgaikaṃ tu bhāgaikaṃ bhakṣayedbudhaḥ

Sanskrit only: no published translation is held for this verse.

मूर्छा भवेद्दिवारात्रं प्रबुद्धो जायते नरः । जीवेद्वर्षायुतं वीरो वलीपलितवर्जितः

mūrchā bhaveddivārātraṃ prabuddho jāyate naraḥ / jīvedvarṣāyutaṃ vīro valīpalitavarjitaḥ

Sanskrit only: no published translation is held for this verse.

तस्य देवस्य सोपानं द्वितीयं स्पर्शवेधकम् । तस्य देवस्य पार्श्वे तु पाषाणाः श्वेतपीतकाः

tasya devasya sopānaṃ dvitīyaṃ sparśavedhakam / tasya devasya pārśve tu pāṣāṇāḥ śvetapītakāḥ

Sanskrit only: no published translation is held for this verse.

सर्वस्पर्शा न संदेह एकमेव समाहरेत् । तस्य देवस्य पूर्वे तु कूपः स्यान्नातिदूरतः

sarvasparśā na saṃdeha ekameva samāharet / tasya devasya pūrve tu kūpaḥ syānnātidūrataḥ

Sanskrit only: no published translation is held for this verse.

तन्मध्ये भेकसंकाशाः पाषाणाः स्पर्शवेधाः । उत्तरे तस्य देवस्य विख्यातो लिङ्गपर्वतः

tanmadhye bhekasaṃkāśāḥ pāṣāṇāḥ sparśavedhāḥ / uttare tasya devasya vikhyāto liṅgaparvataḥ

Sanskrit only: no published translation is held for this verse.

तस्य चोत्तरपार्श्वे तु नदी स्यात्पूर्ववाहिनी । नद्याः पश्चिमदिग्भागे लिङ्गं पिङ्गलवर्णकम्

tasya cottarapārśve tu nadī syātpūrvavāhinī / nadyāḥ paścimadigbhāge liṅgaṃ piṅgalavarṇakam

Sanskrit only: no published translation is held for this verse.

तत्र शैलोदकैः कुण्डं पूर्णं स्यात्क्षणवेधकम् । महेशाद्दक्षिणे भागे चण्डिका योजनद्वये

tatra śailodakaiḥ kuṇḍaṃ pūrṇaṃ syātkṣaṇavedhakam / maheśāddakṣiṇe bhāge caṇḍikā yojanadvaye

Sanskrit only: no published translation is held for this verse.

पिण्डादेवीति विख्याता तस्या वायव्यकोणतः । कूपस्तिष्ठति तन्मध्ये पाषाणा मुद्गवर्णकाः

piṇḍādevīti vikhyātā tasyā vāyavyakoṇataḥ / kūpastiṣṭhati tanmadhye pāṣāṇā mudgavarṇakāḥ

Sanskrit only: no published translation is held for this verse.

तथा पथ्यानिभाश्चैव सर्वे ते स्पर्शवेधकाः । स्पर्शनादत्र सर्वेषां वेधयुक्तिर् विधीयते

tathā pathyānibhāścaiva sarve te sparśavedhakāḥ / sparśanādatra sarveṣāṃ vedhayuktir vidhīyate

Sanskrit only: no published translation is held for this verse.

स्थूलश्चेत्पेषयेच्छ्लक्ष्णं तेन मूषां तु कारयेत् । अष्टलोहानि तन्मध्ये समावर्त्यानि कारयेत्

sthūlaścetpeṣayecchlakṣṇaṃ tena mūṣāṃ tu kārayet / aṣṭalohāni tanmadhye samāvartyāni kārayet

Sanskrit only: no published translation is held for this verse.

तत्सर्वं जायते स्वर्णमेवं कुर्याद्यथेप्सितम् । सूक्ष्मश्चेदष्टलोहानां द्रुतानां यत्र कुत्रचित्

tatsarvaṃ jāyate svarṇamevaṃ kuryādyathepsitam / sūkṣmaścedaṣṭalohānāṃ drutānāṃ yatra kutracit

Sanskrit only: no published translation is held for this verse.

तं सर्वं निक्षिपेन्मध्ये सर्वं तत्काञ्चनं भवेत् । मल्लिकार्जुनवायव्ये तीर्थं सर्वेश्वरं स्थितम्

taṃ sarvaṃ nikṣipenmadhye sarvaṃ tatkāñcanaṃ bhavet / mallikārjunavāyavye tīrthaṃ sarveśvaraṃ sthitam

Sanskrit only: no published translation is held for this verse.

तस्य दक्षिणदिग्भागे जलमार्गेऽर्धयोजने । गते डाङ्गरिकं तत्र दृश्यते तस्य मूर्धनि

tasya dakṣiṇadigbhāge jalamārge'rdhayojane / gate ḍāṅgarikaṃ tatra dṛśyate tasya mūrdhani

Sanskrit only: no published translation is held for this verse.

धात्रीफलानि कृष्णानि विद्यन्ते तानि भक्षयेत् । यथेष्टानि तु सप्ताहं वज्रकायो भवेन्नरः

dhātrīphalāni kṛṣṇāni vidyante tāni bhakṣayet / yatheṣṭāni tu saptāhaṃ vajrakāyo bhavennaraḥ

Sanskrit only: no published translation is held for this verse.

वलीपलितनिर्मुक्तो जीवेत्कल्पशतत्रयम् । तस्माच्च दक्षिणे भागे काकलेरीमहानवम्

valīpalitanirmukto jīvetkalpaśatatrayam / tasmācca dakṣiṇe bhāge kākalerīmahānavam

Sanskrit only: no published translation is held for this verse.

तत्रास्ति स्तम्भकदली प्रविशेत्तत्र साधकः । गच्छेत्क्रोशार्धमात्रं तु दृश्यते रसकुण्डकम्

tatrāsti stambhakadalī praviśettatra sādhakaḥ / gacchetkrośārdhamātraṃ tu dṛśyate rasakuṇḍakam

Sanskrit only: no published translation is held for this verse.

गृहीत्वालाबुपात्रे तु कोटिवेधी भवेद्रसः । तस्मिन् वने मयूरः स्यान्नीलवर्णशिलामयः

gṛhītvālābupātre tu koṭivedhī bhavedrasaḥ / tasmin vane mayūraḥ syānnīlavarṇaśilāmayaḥ

Sanskrit only: no published translation is held for this verse.

मुखाग्रे तस्य कुण्डं तु द्वादशाङ्गुलनीलकम् । तन्मध्ये शुष्कवंशं तु क्षिप्त्वा स्यान्नूतनः क्षणात्

mukhāgre tasya kuṇḍaṃ tu dvādaśāṅgulanīlakam / tanmadhye śuṣkavaṃśaṃ tu kṣiptvā syānnūtanaḥ kṣaṇāt

Sanskrit only: no published translation is held for this verse.

दिने पत्त्रं फलं पुष्पं जायते तस्य नान्यथा । तत्र पारदप्रस्थैकं क्षिप्त्वा तावज्जलं हरेत्

dine pattraṃ phalaṃ puṣpaṃ jāyate tasya nānyathā / tatra pāradaprasthaikaṃ kṣiptvā tāvajjalaṃ haret

Sanskrit only: no published translation is held for this verse.

क्षौद्रतुल्यं पिबेत्तं वै तत्क्षणान्मूर्छितो भवेत् । मुहूर्ताल्लब्धराज्यःस्याज्जीवेद्युगसहस्रकम्

kṣaudratulyaṃ pibettaṃ vai tatkṣaṇānmūrchito bhavet / muhūrtāllabdharājyaḥsyājjīvedyugasahasrakam

Sanskrit only: no published translation is held for this verse.

शैलस्याग्नेयभागे तु गुटिकासिद्धकेश्वरः । विद्यते तस्य पुरतः पञ्चहस्तां खनेद्भुवम्

śailasyāgneyabhāge tu guṭikāsiddhakeśvaraḥ / vidyate tasya purataḥ pañcahastāṃ khanedbhuvam

Sanskrit only: no published translation is held for this verse.

पाषाणा बदराकाराः सन्ति खेगतिदायकाः । एकमेव समाहृत्य वक्त्रे धार्यः खगामिभिः

pāṣāṇā badarākārāḥ santi khegatidāyakāḥ / ekameva samāhṛtya vaktre dhāryaḥ khagāmibhiḥ

Sanskrit only: no published translation is held for this verse.

श्रीशैले सर्वयोगानाम् उक्तानां विधिरुच्यते । मन्त्रन्यासं पुरा कृत्वा पश्चाल्लक्षं जपेदनु

śrīśaile sarvayogānām uktānāṃ vidhirucyate / mantranyāsaṃ purā kṛtvā paścāllakṣaṃ japedanu

Sanskrit only: no published translation is held for this verse.

अघोरं तेन वै शीघ्रं तत्तत्सिद्धिमवाप्नुयात् । क्षेत्रदेवतामावाहयेत् । तत्र स्वप्ने देवता प्रत्यक्षीभूय वरं ददाति । एवं मन्त्रपरैः सुनिश्चलतरैर् भक्तैश्च तत्साधकैः शम्भोः पूजनतत्परैः प्रतिदिनं पूजाविधेः पालकैः । कार्यं श्रीगिरिसाधनं जपपरैर् आम्नायपारंगतैर् नो चेत्क्लेशकरं पराकृतमहो व्यर्थं भवेन्निश्चितम्

aghoraṃ tena vai śīghraṃ tattatsiddhimavāpnuyāt / kṣetradevatāmāvāhayet / tatra svapne devatā pratyakṣībhūya varaṃ dadāti / evaṃ mantraparaiḥ suniścalatarair bhaktaiśca tatsādhakaiḥ śambhoḥ pūjanatatparaiḥ pratidinaṃ pūjāvidheḥ pālakaiḥ / kāryaṃ śrīgirisādhanaṃ japaparair āmnāyapāraṃgatair no cetkleśakaraṃ parākṛtamaho vyarthaṃ bhavenniścitam

Sanskrit only: no published translation is held for this verse.