संसारे सारभूतं सकलसुखकरं सुप्रभूतं धनं वै तत्साध्यं साधकेन्द्रैर्गुरुमुखविधिना वक्ष्यते तस्य सिद्ध्यै । रत्नादीनां विशेषात् करणमिह शुभं गंधवादं समग्रं ज्ञात्वा तत्तत् सुसिद्धं ह्यनुभवपथगं पावनं पण्डितानाम्
saṃsāre sārabhūtaṃ sakalasukhakaraṃ suprabhūtaṃ dhanaṃ vai tatsādhyaṃ sādhakendrairgurumukhavidhinā vakṣyate tasya siddhyai / ratnādīnāṃ viśeṣāt karaṇamiha śubhaṃ gaṃdhavādaṃ samagraṃ jñātvā tattat susiddhaṃ hyanubhavapathagaṃ pāvanaṃ paṇḍitānām
Sanskrit only: no published translation is held for this verse.
पद्मरागकरणम् चतुर्गुणेन तोयेन लाक्षां पिष्ट्वा तु तद्द्रवैः । वस्त्रपूतं शतपलं गृह्य मृद्भाण्डगं पचेत्
padmarāgakaraṇam caturguṇena toyena lākṣāṃ piṣṭvā tu taddravaiḥ / vastrapūtaṃ śatapalaṃ gṛhya mṛdbhāṇḍagaṃ pacet
Sanskrit only: no published translation is held for this verse.
मृद्वग्निना पादशेषं जातं यावच्च तस्य वै । क्षिपेत्पलं पलं चूर्णं सर्जिटंकणलोध्रकम्
mṛdvagninā pādaśeṣaṃ jātaṃ yāvacca tasya vai / kṣipetpalaṃ palaṃ cūrṇaṃ sarjiṭaṃkaṇalodhrakam
Sanskrit only: no published translation is held for this verse.
किंचित्पच्यात्ततः शीतं काचकूप्यां सुरक्षयेत् । स्थूलमत्स्यत्वचं पच्याद्दिवारात्रं जलेन तत्
kiṃcitpacyāttataḥ śītaṃ kācakūpyāṃ surakṣayet / sthūlamatsyatvacaṃ pacyāddivārātraṃ jalena tat
Sanskrit only: no published translation is held for this verse.
घनीभूतं समुत्तार्य ख्यातोऽयं मत्स्यकज्जलम् । एतत्कर्षद्वयं तस्याः काचकूप्यां विनिक्षिपेत्
ghanībhūtaṃ samuttārya khyāto'yaṃ matsyakajjalam / etatkarṣadvayaṃ tasyāḥ kācakūpyāṃ vinikṣipet
Sanskrit only: no published translation is held for this verse.
वर्षोपलास्तु तेनैव लालयित्वा सुपाचिते । मधूकतैलमध्ये तु क्षणं पक्त्वा समुद्धरेत् । जायन्ते पद्मरागाणि दिव्यतेजोमयानि च
varṣopalāstu tenaiva lālayitvā supācite / madhūkatailamadhye tu kṣaṇaṃ paktvā samuddharet / jāyante padmarāgāṇi divyatejomayāni ca
Sanskrit only: no published translation is held for this verse.
इन्द्रनीलकरणम् नीलीचूर्णं पलैकं तु पूर्वकूप्यां तु तद्द्रवम् । तद्द्रवं द्विपलं चूर्णे क्षिप्त्वा सर्वं विलोलयेत्
indranīlakaraṇam nīlīcūrṇaṃ palaikaṃ tu pūrvakūpyāṃ tu taddravam / taddravaṃ dvipalaṃ cūrṇe kṣiptvā sarvaṃ vilolayet
Sanskrit only: no published translation is held for this verse.
क्षिप्त्वा वर्षोत्पलांस्तेन पूर्वतैलगतान्पचेत् । इन्द्रनीलानि तान्येव जायन्ते नात्र संशयः
kṣiptvā varṣotpalāṃstena pūrvatailagatānpacet / indranīlāni tānyeva jāyante nātra saṃśayaḥ
Sanskrit only: no published translation is held for this verse.
मरकतमणिकरणम् मञ्जिष्ठां तालकं नीली समचूर्णं प्रकल्पयेत् । काचकूप्यां स्थितैर्द्रावैः सर्वमेतत् सुलोलयेत्
marakatamaṇikaraṇam mañjiṣṭhāṃ tālakaṃ nīlī samacūrṇaṃ prakalpayet / kācakūpyāṃ sthitairdrāvaiḥ sarvametat sulolayet
Sanskrit only: no published translation is held for this verse.
वर्षोत्पलांस्तु तेनैव सिक्त्वा पच्याच्च पूर्ववत् । सर्वे मरकतास्तेन समीचीना भवन्ति वै
varṣotpalāṃstu tenaiva siktvā pacyācca pūrvavat / sarve marakatāstena samīcīnā bhavanti vai
Sanskrit only: no published translation is held for this verse.
गोमेदमणिकरणम् मञ्जिष्ठायाः कषायेण पेषयेन्मत्स्यकज्जलम् । वर्षोत्पलांस्तु तेनैव सिक्त्वा पच्याच्च पूर्ववत्
gomedamaṇikaraṇam mañjiṣṭhāyāḥ kaṣāyeṇa peṣayenmatsyakajjalam / varṣotpalāṃstu tenaiva siktvā pacyācca pūrvavat
Sanskrit only: no published translation is held for this verse.
गोमेदानि तु तान्येव प्रवर्तन्ते न संशयः
gomedāni tu tānyeva pravartante na saṃśayaḥ
Sanskrit only: no published translation is held for this verse.
पुष्परागकरणम् पिष्ट्वा तालकतुल्यं तु जलैके रसकुङ्कुमम् । तन्मध्ये चाष्टमांशं तु क्षिपेन्मत्स्योत्थकज्जलम्
puṣparāgakaraṇam piṣṭvā tālakatulyaṃ tu jalaike rasakuṅkumam / tanmadhye cāṣṭamāṃśaṃ tu kṣipenmatsyotthakajjalam
Sanskrit only: no published translation is held for this verse.
तत्सर्वं पाचयेद्यामम् अवतार्य सुरक्षयेत् । वर्षोपलांस्तु तेनैव सिक्तान्पच्याच्च पूर्ववत् । भवन्ति पुष्परागास्ते यथा खन्युत्थितानि च
tatsarvaṃ pācayedyāmam avatārya surakṣayet / varṣopalāṃstu tenaiva siktānpacyācca pūrvavat / bhavanti puṣparāgāste yathā khanyutthitāni ca
Sanskrit only: no published translation is held for this verse.
नीलमाणिक्यकरणम् नीलीचूर्णस्य तुल्यांशं क्षिपेन्मत्स्योत्थकज्जलम् । बीजकाष्ठं च तुल्यांशं जले स्थाप्यं दिनावधि
nīlamāṇikyakaraṇam nīlīcūrṇasya tulyāṃśaṃ kṣipenmatsyotthakajjalam / bījakāṣṭhaṃ ca tulyāṃśaṃ jale sthāpyaṃ dināvadhi
Sanskrit only: no published translation is held for this verse.
तत्सर्वं पाचयेद्याममवतार्य सुरक्षयेत् । वर्षोपलांस्तु तेनैव सिक्ताः पच्याच्च पूर्ववत् । नीलमाणिक्यसदृशास्ते भवन्ति न संशयः
tatsarvaṃ pācayedyāmamavatārya surakṣayet / varṣopalāṃstu tenaiva siktāḥ pacyācca pūrvavat / nīlamāṇikyasadṛśāste bhavanti na saṃśayaḥ
Sanskrit only: no published translation is held for this verse.
मुक्ताकरणम् (१) प्रोक्तानि रङ्गद्रव्याणि काचकूप्यां पृथक् पृथक् । रक्षयित्वा प्रयत्नेन प्राप्ते कार्ये नियोजयेत्
muktākaraṇam (1) proktāni raṅgadravyāṇi kācakūpyāṃ pṛthak pṛthak / rakṣayitvā prayatnena prāpte kārye niyojayet
Sanskrit only: no published translation is held for this verse.
सूर्यकांतस्य मध्ये तु बिलं कुर्यात् सुवर्तुलम् । तथान्यं सूर्यकान्तं च कुर्यादाच्छादने हितम्
sūryakāṃtasya madhye tu bilaṃ kuryāt suvartulam / tathānyaṃ sūryakāntaṃ ca kuryādācchādane hitam
Sanskrit only: no published translation is held for this verse.
सूक्ष्ममुक्ताफलान्यादौ द्रावयेत्पूर्वयोगतः । तद्द्रुतं सूर्यकांतस्य बिले पूर्यं प्रयत्नतः
sūkṣmamuktāphalānyādau drāvayetpūrvayogataḥ / taddrutaṃ sūryakāṃtasya bile pūryaṃ prayatnataḥ
Sanskrit only: no published translation is held for this verse.
सूर्यकान्तेनापरेण छादितं घर्मधारितम् । याममात्राद्भवेद्बद्धं मौक्तिकं चातिशोभनम्
sūryakāntenāpareṇa chāditaṃ gharmadhāritam / yāmamātrādbhavedbaddhaṃ mauktikaṃ cātiśobhanam
Sanskrit only: no published translation is held for this verse.
छिद्रं कृत्वा निबध्याथ सुशुभ्रे वस्त्रखण्डके । सुशुभ्रैस्तण्डुलैः सार्धं कण्डयेत् तदुलूखले
chidraṃ kṛtvā nibadhyātha suśubhre vastrakhaṇḍake / suśubhraistaṇḍulaiḥ sārdhaṃ kaṇḍayet tadulūkhale
Sanskrit only: no published translation is held for this verse.
लघुहस्तेन यामैकं तत उद्धृत्य क्षालयेत् । त्वचारिष्टफलानां तु जलेन सह पेषयेत् । तेनैव क्षालिते मुक्ताफलं भवति शोभनम्
laghuhastena yāmaikaṃ tata uddhṛtya kṣālayet / tvacāriṣṭaphalānāṃ tu jalena saha peṣayet / tenaiva kṣālite muktāphalaṃ bhavati śobhanam
Sanskrit only: no published translation is held for this verse.
मुक्ताकरणम् (२) मौक्तिकानि सुसूक्ष्माणि चूर्णितानि विनिक्षिपेत् । प्रसूताया इडायास्तु सद्यः क्षीरैः क्षणावधि
muktākaraṇam (2) mauktikāni susūkṣmāṇi cūrṇitāni vinikṣipet / prasūtāyā iḍāyāstu sadyaḥ kṣīraiḥ kṣaṇāvadhi
Sanskrit only: no published translation is held for this verse.
तेनैव वर्तुलाकारा गुटिकाः कारयेत्ततः । काचपात्रे स्थिताः शोष्याः छायायां दिनमात्रकम्
tenaiva vartulākārā guṭikāḥ kārayettataḥ / kācapātre sthitāḥ śoṣyāḥ chāyāyāṃ dinamātrakam
Sanskrit only: no published translation is held for this verse.
प्रोतयेद् अश्ववालेन मालां कृत्वाथ शोषयेत् । छायायां कठिना यावत्तावत्स्थाप्या विलम्बिताः
protayed aśvavālena mālāṃ kṛtvātha śoṣayet / chāyāyāṃ kaṭhinā yāvattāvatsthāpyā vilambitāḥ
Sanskrit only: no published translation is held for this verse.
स्थूलस्य कृष्णमत्स्यस्य एककण्टस्य चोदरात् । निवार्यान्त्राणि तत्रैव पूर्वमालां निवेशयेत्
sthūlasya kṛṣṇamatsyasya ekakaṇṭasya codarāt / nivāryāntrāṇi tatraiva pūrvamālāṃ niveśayet
Sanskrit only: no published translation is held for this verse.
उदरं सीवयेत्सूत्रेणैव भाण्डे निरुध्य तत् । मासमात्रात्समुद्धृत्य छायायां शोषयेत्पुनः
udaraṃ sīvayetsūtreṇaiva bhāṇḍe nirudhya tat / māsamātrātsamuddhṛtya chāyāyāṃ śoṣayetpunaḥ
Sanskrit only: no published translation is held for this verse.
कण्डनं क्षालनं चैव पूर्ववत्कारयेच्छनैः । भवन्ति तानि शुभ्राणि सम्यङ् मुक्ताफलानि वै
kaṇḍanaṃ kṣālanaṃ caiva pūrvavatkārayecchanaiḥ / bhavanti tāni śubhrāṇi samyaṅ muktāphalāni vai
Sanskrit only: no published translation is held for this verse.
मुक्ताकरणम् (३) मुक्ताशुक्तिं समादाय जलशुक्तिमथापि वा । घर्षयेत्पृष्ठभागं तु तस्य कार्ष्ण्यापनुत्तये
muktākaraṇam (3) muktāśuktiṃ samādāya jalaśuktimathāpi vā / gharṣayetpṛṣṭhabhāgaṃ tu tasya kārṣṇyāpanuttaye
Sanskrit only: no published translation is held for this verse.
ताः शुभ्राश्चूर्णयेच्छ्लक्ष्णम् ईडाक्षीरादिपूर्ववत् । कारयेत्क्षालनान्तं च मौक्तिकानि भवन्ति वै
tāḥ śubhrāścūrṇayecchlakṣṇam īḍākṣīrādipūrvavat / kārayetkṣālanāntaṃ ca mauktikāni bhavanti vai
Sanskrit only: no published translation is held for this verse.
मुक्ताकरणम् (४) सद्य उद्धृत्य मत्स्यस्य स्थूलस्य चक्षुषी हरेत् । एकैकं बन्धयेद्वस्त्रे ईडाक्षीरैर्दिनं पचेत्
muktākaraṇam (4) sadya uddhṛtya matsyasya sthūlasya cakṣuṣī haret / ekaikaṃ bandhayedvastre īḍākṣīrairdinaṃ pacet
Sanskrit only: no published translation is held for this verse.
छायायां शोषयेत्पश्चात् कण्डनं क्षालनं ततः । कारयेत्पूर्ववत्तानि मौक्तिकानि भवन्ति वै
chāyāyāṃ śoṣayetpaścāt kaṇḍanaṃ kṣālanaṃ tataḥ / kārayetpūrvavattāni mauktikāni bhavanti vai
Sanskrit only: no published translation is held for this verse.
प्रवालकरणम् (१) दग्धशंखं च दरदं समं चूर्णं प्रकल्पयेत् । प्रसूताया महिष्यास्तु पञ्चमे दिवसे हरेत्
pravālakaraṇam (1) dagdhaśaṃkhaṃ ca daradaṃ samaṃ cūrṇaṃ prakalpayet / prasūtāyā mahiṣyāstu pañcame divase haret
Sanskrit only: no published translation is held for this verse.
क्षीरं तेनैव तन्मर्द्यं यामैकं पूर्वचूर्णकम् । वर्तुलां गुटिकां कृत्वा प्रोतयेत् ताम्रसूत्रके
kṣīraṃ tenaiva tanmardyaṃ yāmaikaṃ pūrvacūrṇakam / vartulāṃ guṭikāṃ kṛtvā protayet tāmrasūtrake
Sanskrit only: no published translation is held for this verse.
रम्भागर्भदलेनैव मध्यमांगुष्ठतर्जनी । वेष्टयित्वा तु तैर्ग्राह्या गुलिकास्ताः पृथक् पृथक्
rambhāgarbhadalenaiva madhyamāṃguṣṭhatarjanī / veṣṭayitvā tu tairgrāhyā gulikāstāḥ pṛthak pṛthak
Sanskrit only: no published translation is held for this verse.
आवर्त्यावर्त्य संस्थाप्या रंभापत्रैः प्रयत्नतः । छायाशुष्काः शुभाः प्रोत्यास् ताम्रसूत्रेण वै पुनः
āvartyāvartya saṃsthāpyā raṃbhāpatraiḥ prayatnataḥ / chāyāśuṣkāḥ śubhāḥ protyās tāmrasūtreṇa vai punaḥ
Sanskrit only: no published translation is held for this verse.
मधुकं तप्ततैलाक्तं धूमेन स्वेदयेच्छनैः । जायते पद्मरागाभं प्रवालं नात्र संशयः
madhukaṃ taptatailāktaṃ dhūmena svedayecchanaiḥ / jāyate padmarāgābhaṃ pravālaṃ nātra saṃśayaḥ
Sanskrit only: no published translation is held for this verse.
प्रवालकरणम् (२) दग्धः शंखः ससिन्दूरं समांशं चूर्णयेत्ततः । क्षीरैः सद्यःप्रसूताया एडाया मर्दयेद् दृढम्
pravālakaraṇam (2) dagdhaḥ śaṃkhaḥ sasindūraṃ samāṃśaṃ cūrṇayettataḥ / kṣīraiḥ sadyaḥprasūtāyā eḍāyā mardayed dṛḍham
Sanskrit only: no published translation is held for this verse.
पूरयेच्च तृणोत्थे वा नाले वंशादिसंभवे । सुपक्वे चान्नभाण्डे तु यवागूवर्जिते क्षिपेत्
pūrayecca tṛṇotthe vā nāle vaṃśādisaṃbhave / supakve cānnabhāṇḍe tu yavāgūvarjite kṣipet
Sanskrit only: no published translation is held for this verse.
आच्छाद्य पच्यान्मन्दाग्नौ घटिकान्ते समुद्धरेत् । प्रवाला नलिकागर्भे जायन्ते पद्मरागवत्
ācchādya pacyānmandāgnau ghaṭikānte samuddharet / pravālā nalikāgarbhe jāyante padmarāgavat
Sanskrit only: no published translation is held for this verse.
हिङ्गुलकरणम् अशुद्धं पारदं भागं चतुर्भागं च टंकणम् । उभौ क्षिप्त्वा लोहपात्रे क्षणं मृद्वग्निना पचेत्
hiṅgulakaraṇam aśuddhaṃ pāradaṃ bhāgaṃ caturbhāgaṃ ca ṭaṃkaṇam / ubhau kṣiptvā lohapātre kṣaṇaṃ mṛdvagninā pacet
Sanskrit only: no published translation is held for this verse.
तस्मिन्मनःशिलाचूर्णं पारदाद्दशमांशतः । क्षिप्त्वा चाल्यमयोदर्व्या ह्यवतार्य सुशीतलम्
tasminmanaḥśilācūrṇaṃ pāradāddaśamāṃśataḥ / kṣiptvā cālyamayodarvyā hyavatārya suśītalam
Sanskrit only: no published translation is held for this verse.
कृत्वाथ खण्डशः क्षिप्त्वा काचकूप्यां निरुध्य च । वस्त्रमृत्तिकया सम्यक् काचकूपीं प्रलेपयेत्
kṛtvātha khaṇḍaśaḥ kṣiptvā kācakūpyāṃ nirudhya ca / vastramṛttikayā samyak kācakūpīṃ pralepayet
Sanskrit only: no published translation is held for this verse.
सर्वतोऽङ्गुलमानेन छायाशुष्कं तु कारयेत् । वालुकायंत्रगर्भे तु द्विदिनं मृदुनाग्निना
sarvato'ṅgulamānena chāyāśuṣkaṃ tu kārayet / vālukāyaṃtragarbhe tu dvidinaṃ mṛdunāgninā
Sanskrit only: no published translation is held for this verse.
क्रमवृद्धाग्निना पश्चात्पचेद्दिवसपञ्चकम् । सप्ताहात् तत् समुद्धृत्य हिंगुलं स्यान्मनोहरम्
kramavṛddhāgninā paścātpaceddivasapañcakam / saptāhāt tat samuddhṛtya hiṃgulaṃ syānmanoharam
Sanskrit only: no published translation is held for this verse.
सिन्दूरकरणम् (१) चिंचात्वग्भस्मपादांशं द्रुते नागे विनिक्षिपेत् । पाचयेल्लोहजे पात्रे लोहदर्व्या निघर्षयेत् । चण्डाग्निना दिनैकं तु सिन्दूरं जायते शुभम्
sindūrakaraṇam (1) ciṃcātvagbhasmapādāṃśaṃ drute nāge vinikṣipet / pācayellohaje pātre lohadarvyā nigharṣayet / caṇḍāgninā dinaikaṃ tu sindūraṃ jāyate śubham
Sanskrit only: no published translation is held for this verse.
सिन्दूरकरणम् (२) रक्तशाखिन्यपामार्गकुटजस्य तु भस्मकम् । चतुर्थांशं द्रुते नागे दत्त्वा मर्द्यं दिनद्वयम्
sindūrakaraṇam (2) raktaśākhinyapāmārgakuṭajasya tu bhasmakam / caturthāṃśaṃ drute nāge dattvā mardyaṃ dinadvayam
Sanskrit only: no published translation is held for this verse.
पूर्ववल्लोहपात्रे तु सिन्दूरं जायते शुभम्
pūrvavallohapātre tu sindūraṃ jāyate śubham
Sanskrit only: no published translation is held for this verse.
सिन्दूरकरणम् (३) भस्मना पूर्ववन्नागं शाकस्य वारिजस्य वा । सिन्दूरं जायते दिव्यं यथेष्टं नात्र संशयः
sindūrakaraṇam (3) bhasmanā pūrvavannāgaṃ śākasya vārijasya vā / sindūraṃ jāyate divyaṃ yatheṣṭaṃ nātra saṃśayaḥ
Sanskrit only: no published translation is held for this verse.
सिन्दूरकरणम् (४) पलानां द्विशतं नागं द्रावयेल्लोहभाजने । समूलवासकाभस्म पादांशं तत्र निक्षिपेत्
sindūrakaraṇam (4) palānāṃ dviśataṃ nāgaṃ drāvayellohabhājane / samūlavāsakābhasma pādāṃśaṃ tatra nikṣipet
Sanskrit only: no published translation is held for this verse.
पीतवर्णं भवेद्यावत्तावत् पच्यात् प्रचालयेत् । ततः सुशीतलं कृत्वा जलेन चालयेत्पुनः
pītavarṇaṃ bhavedyāvattāvat pacyāt pracālayet / tataḥ suśītalaṃ kṛtvā jalena cālayetpunaḥ
Sanskrit only: no published translation is held for this verse.
पलमात्रा वटी कृत्वा वासाभस्मोपरि क्षिपेत् । छायाशुष्का समाहृत्य मृद्भाण्डे नूतने क्षिपेत्
palamātrā vaṭī kṛtvā vāsābhasmopari kṣipet / chāyāśuṣkā samāhṛtya mṛdbhāṇḍe nūtane kṣipet
Sanskrit only: no published translation is held for this verse.
क्षिप्त्वा रुद्ध्वा पचेच्चुल्ल्यां निर्वाते तीव्रवह्निना । छिद्रं कुर्याद् भाण्डवक्त्रे शलाकां लोहजां क्षिपेत्
kṣiptvā ruddhvā paceccullyāṃ nirvāte tīvravahninā / chidraṃ kuryād bhāṇḍavaktre śalākāṃ lohajāṃ kṣipet
Sanskrit only: no published translation is held for this verse.
रक्तवर्णा यदा स्यात्सा तावत्पच्यात्परीक्षयेत् । सिन्दूरं जायते दिव्यं सिद्धयोग उदाहृतः
raktavarṇā yadā syātsā tāvatpacyātparīkṣayet / sindūraṃ jāyate divyaṃ siddhayoga udāhṛtaḥ
Sanskrit only: no published translation is held for this verse.
सैन्धवकरणम् नवभाण्डे पलशतं सामुद्रलवणं क्षिपेत् । निष्कं निष्कं सूतगंधौ क्षिप्त्वा चण्डाग्निना पचेत्
saindhavakaraṇam navabhāṇḍe palaśataṃ sāmudralavaṇaṃ kṣipet / niṣkaṃ niṣkaṃ sūtagaṃdhau kṣiptvā caṇḍāgninā pacet
Sanskrit only: no published translation is held for this verse.
द्वियामान्ते क्षिपेत्तस्मिंल्लोहनाराचकं यदि । रक्तवर्णं भवेत्तद्वै तदा वह्निं निवारयेत्
dviyāmānte kṣipettasmiṃllohanārācakaṃ yadi / raktavarṇaṃ bhavettadvai tadā vahniṃ nivārayet
Sanskrit only: no published translation is held for this verse.
स्वभावशीतलं ग्राह्यं सिन्धूत्थं लवणं भवेत्
svabhāvaśītalaṃ grāhyaṃ sindhūtthaṃ lavaṇaṃ bhavet
Sanskrit only: no published translation is held for this verse.
सुवर्चलकरणम् आरनालं पलैकं तु द्विनिष्कं च सुवर्चलम् । माषैकं गंधकं पिष्ट्वा सर्वं पात्रे तु धारयेत्
suvarcalakaraṇam āranālaṃ palaikaṃ tu dviniṣkaṃ ca suvarcalam / māṣaikaṃ gaṃdhakaṃ piṣṭvā sarvaṃ pātre tu dhārayet
Sanskrit only: no published translation is held for this verse.
पलैकं सैंधवं तप्तं कृत्वा तत्र निषेचयेत् । पुनस्ताप्यं पुनः सेच्यं द्रवो यावद्विशुष्यति । सुवर्चलं भवेत्तावन् नात्र कार्या विचारणा
palaikaṃ saiṃdhavaṃ taptaṃ kṛtvā tatra niṣecayet / punastāpyaṃ punaḥ secyaṃ dravo yāvadviśuṣyati / suvarcalaṃ bhavettāvan nātra kāryā vicāraṇā
Sanskrit only: no published translation is held for this verse.
हिङ्गुकरणम् (१) हिङ्गुनागरमेकैकं लशुनस्य पलद्वयम् । चतुष्पलं निम्बबीजं माषचूर्णं पलाष्टकम्
hiṅgukaraṇam (1) hiṅgunāgaramekaikaṃ laśunasya paladvayam / catuṣpalaṃ nimbabījaṃ māṣacūrṇaṃ palāṣṭakam
Sanskrit only: no published translation is held for this verse.
सर्वतुल्यां बिल्वमज्जाम् अजाक्षीरेण पेषयेत् । तत्सर्वं बन्धयेद् गाढं सार्द्रगोचर्मगर्भतः । पक्षत्रयं धान्यराशौ क्षिपेद्धिंगु भवेत्ततः
sarvatulyāṃ bilvamajjām ajākṣīreṇa peṣayet / tatsarvaṃ bandhayed gāḍhaṃ sārdragocarmagarbhataḥ / pakṣatrayaṃ dhānyarāśau kṣipeddhiṃgu bhavettataḥ
Sanskrit only: no published translation is held for this verse.
हिङ्गुकरणम् (२) बब्बूलवृक्षनिर्यासं सामुद्रलवणं तथा । त्वग्वर्ज्यं च कणा तुल्यं मेषीक्षीरेण पेषयेत्
hiṅgukaraṇam (2) babbūlavṛkṣaniryāsaṃ sāmudralavaṇaṃ tathā / tvagvarjyaṃ ca kaṇā tulyaṃ meṣīkṣīreṇa peṣayet
Sanskrit only: no published translation is held for this verse.
अस्य पिण्डस्य पादांशं शुद्धहिंगु नियोजयेत् । तत्सर्वं पूर्ववद्बद्धं चर्मणा दिवसत्रयम्
asya piṇḍasya pādāṃśaṃ śuddhahiṃgu niyojayet / tatsarvaṃ pūrvavadbaddhaṃ carmaṇā divasatrayam
Sanskrit only: no published translation is held for this verse.
निर्वाते लम्बितं रक्षेत् हिंगु स्याच्छुद्धहिंगुवत्
nirvāte lambitaṃ rakṣet hiṃgu syācchuddhahiṃguvat
Sanskrit only: no published translation is held for this verse.
हिङ्गुकरणम् (३) पलैकैकं गुडं शुण्ठी द्विकं टंकणगुग्गुलुम् । एरण्डबीजमज्जा च तुषवर्ज्यं पलद्वयम्
hiṅgukaraṇam (3) palaikaikaṃ guḍaṃ śuṇṭhī dvikaṃ ṭaṃkaṇaguggulum / eraṇḍabījamajjā ca tuṣavarjyaṃ paladvayam
Sanskrit only: no published translation is held for this verse.
निस्त्वङ्माषा पलद्वंद्वम् एकीकृत्य प्रपेषयेत् । त्रिकर्षं हिङ्गु तन्मध्ये क्षिप्त्वा तोयेन लोलयेत्
nistvaṅmāṣā paladvaṃdvam ekīkṛtya prapeṣayet / trikarṣaṃ hiṅgu tanmadhye kṣiptvā toyena lolayet
Sanskrit only: no published translation is held for this verse.
तत्सर्वं पूर्ववद्बद्ध्वा सप्ताहाद्धिङ्गुतां व्रजेत्
tatsarvaṃ pūrvavadbaddhvā saptāhāddhiṅgutāṃ vrajet
Sanskrit only: no published translation is held for this verse.
हिङ्गुकरणम् (४) द्विपले शुद्धहिंगु स्याद् एडाक्षीरं च विंशतिः । गोधूममाषयोश्चूर्णं प्रत्येकं तु चतुष्पलम्
hiṅgukaraṇam (4) dvipale śuddhahiṃgu syād eḍākṣīraṃ ca viṃśatiḥ / godhūmamāṣayoścūrṇaṃ pratyekaṃ tu catuṣpalam
Sanskrit only: no published translation is held for this verse.
अलाबुपात्रमध्यस्थं तत्सर्वं लोलितं क्षिपेत् । छायाशुष्कं भवेत्तावद्यावद्धिंगु शुभं भवेत्
alābupātramadhyasthaṃ tatsarvaṃ lolitaṃ kṣipet / chāyāśuṣkaṃ bhavettāvadyāvaddhiṃgu śubhaṃ bhavet
Sanskrit only: no published translation is held for this verse.
वङ्गकरणम् (१) धत्तूरबीजचूर्णं तु वज्रीक्षीरेण भावयेत् । शोष्यं पेष्यं पुनर्भाव्यम् एवं घर्मे त्रिसप्तधा
vaṅgakaraṇam (1) dhattūrabījacūrṇaṃ tu vajrīkṣīreṇa bhāvayet / śoṣyaṃ peṣyaṃ punarbhāvyam evaṃ gharme trisaptadhā
Sanskrit only: no published translation is held for this verse.
तद्वाप्यं द्रुतनागस्य दशमांशेन दापयेत् । ढालयेत्स्नुक्पयोमध्ये तद्वङ्गं जायते शुभम् । भावयेद् रजनीमध्ये तद्बंगं जायते शुभम्
tadvāpyaṃ drutanāgasya daśamāṃśena dāpayet / ḍhālayetsnukpayomadhye tadvaṅgaṃ jāyate śubham / bhāvayed rajanīmadhye tadbaṃgaṃ jāyate śubham
Sanskrit only: no published translation is held for this verse.
वङ्गकरणम् (२) भावयेद्रजनीचूर्णं वज्रीदुग्धेन सप्तधा । तद्वापं दशमांशेन द्रुते नागे प्रदापयेत्
vaṅgakaraṇam (2) bhāvayedrajanīcūrṇaṃ vajrīdugdhena saptadhā / tadvāpaṃ daśamāṃśena drute nāge pradāpayet
Sanskrit only: no published translation is held for this verse.
तद्वापं द्रुतनागस्य दशमांशेन दापयेत् । तत् ढाल्यं त्रिफलाक्वाथे पुनस्तद्वच्च वापयेत्
tadvāpaṃ drutanāgasya daśamāṃśena dāpayet / tat ḍhālyaṃ triphalākvāthe punastadvacca vāpayet
Sanskrit only: no published translation is held for this verse.
टंकणं नवसारं च दत्त्वा सेच्यं नृमूत्रके । द्रावितं च पुनर्ढाल्यं नृमूत्रे वङ्गतां व्रजेत्
ṭaṃkaṇaṃ navasāraṃ ca dattvā secyaṃ nṛmūtrake / drāvitaṃ ca punarḍhālyaṃ nṛmūtre vaṅgatāṃ vrajet
Sanskrit only: no published translation is held for this verse.
अम्लवेतसकरणम् त्वग्बीजरहितं चिंचाफलं कांजिकसंयुतम् । पक्त्वा कुर्याद्वस्त्रपूतं जम्बीराम्लं तु तत्समम्
amlavetasakaraṇam tvagbījarahitaṃ ciṃcāphalaṃ kāṃjikasaṃyutam / paktvā kuryādvastrapūtaṃ jambīrāmlaṃ tu tatsamam
Sanskrit only: no published translation is held for this verse.
चाङ्गेरीमातुलिंगाम्लैर् यथाप्राप्तं समाहरेत् । वस्त्रपूतं तु तत्सर्वं पचेत्पादावशेषितम्
cāṅgerīmātuliṃgāmlair yathāprāptaṃ samāharet / vastrapūtaṃ tu tatsarvaṃ pacetpādāvaśeṣitam
Sanskrit only: no published translation is held for this verse.
सौराष्ट्री तुत्थकासीसं त्रिक्षारं पटुपञ्चकम् । मूलसारं च तुल्यांशं सर्वं चूर्णं विनिक्षिपेत्
saurāṣṭrī tutthakāsīsaṃ trikṣāraṃ paṭupañcakam / mūlasāraṃ ca tulyāṃśaṃ sarvaṃ cūrṇaṃ vinikṣipet
Sanskrit only: no published translation is held for this verse.
पूर्वपक्वे तु पादांशं पुनर्मृद्वग्निना पचेत् । घनीभूतं भवेद् यावच्चट्टकेनैव चालयेत् । अम्लवेतसमित्येतज्जायते शोभनं परम्
pūrvapakve tu pādāṃśaṃ punarmṛdvagninā pacet / ghanībhūtaṃ bhaved yāvaccaṭṭakenaiva cālayet / amlavetasamityetajjāyate śobhanaṃ param
Sanskrit only: no published translation is held for this verse.
साहीकरणम् त्रिफला भृङ्गकोरण्टभल्लातकरवीरकम् । बीजाम्रसममेतेषां समांशं बोलकज्जले
sāhīkaraṇam triphalā bhṛṅgakoraṇṭabhallātakaravīrakam / bījāmrasamameteṣāṃ samāṃśaṃ bolakajjale
Sanskrit only: no published translation is held for this verse.
क्षिप्त्वा मर्द्यं ताम्रपात्रे पञ्चाहाज्जायते मषी । तालपत्त्रेषु भूर्जेषु लिख्यते परमं दृढम्
kṣiptvā mardyaṃ tāmrapātre pañcāhājjāyate maṣī / tālapattreṣu bhūrjeṣu likhyate paramaṃ dṛḍham
Sanskrit only: no published translation is held for this verse.
घृतकरणम् नारिकेलात्फलरसं ग्राह्यं भागचतुष्टयम् । तन्मध्ये घृतमेकं तु क्षिप्त्वा भाण्डे विलोलयेत्
ghṛtakaraṇam nārikelātphalarasaṃ grāhyaṃ bhāgacatuṣṭayam / tanmadhye ghṛtamekaṃ tu kṣiptvā bhāṇḍe vilolayet
Sanskrit only: no published translation is held for this verse.
शतांशेन क्षिपेत्तस्मिन् रक्तशाकिनिमूलकम् । मृद्वग्निना पचेत्किंचित् तत्सर्वं जायते घृतम्
śatāṃśena kṣipettasmin raktaśākinimūlakam / mṛdvagninā pacetkiṃcit tatsarvaṃ jāyate ghṛtam
Sanskrit only: no published translation is held for this verse.
घृतकरणम् (२) घृतं तोयं समं कृत्वा विंशत्यंशेन चुन्नकम् । क्षिप्त्वा सर्वं तु मृद्भांडे क्षणं हस्तेन मर्दयेत् । घृतं तज्जायते सर्वं न चाग्निं सहते क्वचित्
ghṛtakaraṇam (2) ghṛtaṃ toyaṃ samaṃ kṛtvā viṃśatyaṃśena cunnakam / kṣiptvā sarvaṃ tu mṛdbhāṃḍe kṣaṇaṃ hastena mardayet / ghṛtaṃ tajjāyate sarvaṃ na cāgniṃ sahate kvacit
Sanskrit only: no published translation is held for this verse.
घृतकरणम् (३) मेषीमेदः पञ्चपलं तिलतैलं च तत्समम् । पचेन्मृद्वग्निना तावद्यावत्फेनं निवर्तते
ghṛtakaraṇam (3) meṣīmedaḥ pañcapalaṃ tilatailaṃ ca tatsamam / pacenmṛdvagninā tāvadyāvatphenaṃ nivartate
Sanskrit only: no published translation is held for this verse.
द्विनिष्कं कांजिकं तस्मिन् क्षिप्त्वा वस्त्रेण चालयेत् । पादांशं च घृतं तस्मिन् दद्यात्सर्वं घृतं भवेत्
dviniṣkaṃ kāṃjikaṃ tasmin kṣiptvā vastreṇa cālayet / pādāṃśaṃ ca ghṛtaṃ tasmin dadyātsarvaṃ ghṛtaṃ bhavet
Sanskrit only: no published translation is held for this verse.
घृतकरणम् (४) तिलतैलं विपच्यादौ यावत्फेनं निवर्तते । गुग्गुलुं निक्षिपेत्तस्मिन् किंचिद्गंधनिवृत्तये
ghṛtakaraṇam (4) tilatailaṃ vipacyādau yāvatphenaṃ nivartate / gugguluṃ nikṣipettasmin kiṃcidgaṃdhanivṛttaye
Sanskrit only: no published translation is held for this verse.
विंशत्यंशेन तोयस्य क्षिप्त्वा चुन्नं विलोलयेत् । जलतुल्यं पूर्वतैलं मिश्रयेत् तत्सुशीतलम्
viṃśatyaṃśena toyasya kṣiptvā cunnaṃ vilolayet / jalatulyaṃ pūrvatailaṃ miśrayet tatsuśītalam
Sanskrit only: no published translation is held for this verse.
मर्दयेन्मृण्मये पात्रे हस्तेन क्षणमात्रकम् । घनीभूते घृतं चार्धं क्षिप्त्वा सर्वं घृतं भवेत्
mardayenmṛṇmaye pātre hastena kṣaṇamātrakam / ghanībhūte ghṛtaṃ cārdhaṃ kṣiptvā sarvaṃ ghṛtaṃ bhavet
Sanskrit only: no published translation is held for this verse.
चन्दनकरणम् संछेद्य निम्बवृक्षं तु हस्तैकं रक्षयेदधः । तस्य मूर्ध्नि बिलं कुर्यात्तत्रैव नवगुग्गुलुम्
candanakaraṇam saṃchedya nimbavṛkṣaṃ tu hastaikaṃ rakṣayedadhaḥ / tasya mūrdhni bilaṃ kuryāttatraiva navaguggulum
Sanskrit only: no published translation is held for this verse.
पूरयेत्तेन काष्ठेन बिलं रुद्ध्वाथ लेपयेत् । संधिं मृल्लवणेनैव शुष्कं गजपुटे पचेत्
pūrayettena kāṣṭhena bilaṃ ruddhvātha lepayet / saṃdhiṃ mṛllavaṇenaiva śuṣkaṃ gajapuṭe pacet
Sanskrit only: no published translation is held for this verse.
स्वभावशीतलं ग्राह्यं तन्मूलं चन्दनं भवेत्
svabhāvaśītalaṃ grāhyaṃ tanmūlaṃ candanaṃ bhavet
Sanskrit only: no published translation is held for this verse.
कर्पूरकरणम् पलत्रयं पचेद् भक्तं सम्यग्राजान्नतण्डुलम् । तद् भक्तं शीतलं कृत्वा गवां क्षीरैः प्रयत्नतः
karpūrakaraṇam palatrayaṃ paced bhaktaṃ samyagrājānnataṇḍulam / tad bhaktaṃ śītalaṃ kṛtvā gavāṃ kṣīraiḥ prayatnataḥ
Sanskrit only: no published translation is held for this verse.
निष्कमात्रं च कर्पूरं क्षिप्त्वा तस्मिंश्च पेषयेत् । शुष्कस्य वंशनालस्य स्थूलस्य तेन चोदरम्
niṣkamātraṃ ca karpūraṃ kṣiptvā tasmiṃśca peṣayet / śuṣkasya vaṃśanālasya sthūlasya tena codaram
Sanskrit only: no published translation is held for this verse.
लेप्यमङ्गुलमानेन छायाशुष्कं च कारयेत् । छित्त्वाथ कदलीपुष्पं तन्निर्यासेन पूरयेत्
lepyamaṅgulamānena chāyāśuṣkaṃ ca kārayet / chittvātha kadalīpuṣpaṃ tanniryāsena pūrayet
Sanskrit only: no published translation is held for this verse.
वंशनालं पुनर्वस्त्रखण्डे रुद्ध्वा च तन्मुखम् । आतपे त्रिदिनं शोष्यं भूगर्ते निखनेत्ततः
vaṃśanālaṃ punarvastrakhaṇḍe ruddhvā ca tanmukham / ātape tridinaṃ śoṣyaṃ bhūgarte nikhanettataḥ
Sanskrit only: no published translation is held for this verse.
त्रिसप्ताहात् समुद्धृत्य शोषयित्वा समाहरेत् । कर्पूरं तस्य गर्भस्थं रक्षेत्कर्पूरभाजने । कर्पूरं जायते दिव्यं यथा बीजं न संशयः
trisaptāhāt samuddhṛtya śoṣayitvā samāharet / karpūraṃ tasya garbhasthaṃ rakṣetkarpūrabhājane / karpūraṃ jāyate divyaṃ yathā bījaṃ na saṃśayaḥ
Sanskrit only: no published translation is held for this verse.
जवादीयाङ्कस्तूरीकरणम् पनसस्यार्धं पक्वस्य बीजान्येकस्य खण्डयेत् । नवभाण्डे विनिक्षिप्य निष्कं शुण्ठी पलं तथा
javādīyāṅkastūrīkaraṇam panasasyārdhaṃ pakvasya bījānyekasya khaṇḍayet / navabhāṇḍe vinikṣipya niṣkaṃ śuṇṭhī palaṃ tathā
Sanskrit only: no published translation is held for this verse.
चूर्णयित्वा क्षिपेत्तस्मिन् तत्सर्वं द्रवतां व्रजेत् । तेन घृष्ट्वा क्षिपेत्तस्मिन् चतुर्निष्कं च चन्दनम्
cūrṇayitvā kṣipettasmin tatsarvaṃ dravatāṃ vrajet / tena ghṛṣṭvā kṣipettasmin caturniṣkaṃ ca candanam
Sanskrit only: no published translation is held for this verse.
मृद्वग्नौ पाचयेत्तावद्यावद् आरक्ततां गतम् । तच्छीतलं काचपात्रे क्षिप्त्वा तस्योपरि क्षिपेत्
mṛdvagnau pācayettāvadyāvad āraktatāṃ gatam / tacchītalaṃ kācapātre kṣiptvā tasyopari kṣipet
Sanskrit only: no published translation is held for this verse.
चम्पकं केतकीमल्लीजातीपुष्पाणि तत्पुनः । दिनं शुभ्रपटे बद्ध्वा मुखं तस्यैव रक्षयेत्
campakaṃ ketakīmallījātīpuṣpāṇi tatpunaḥ / dinaṃ śubhrapaṭe baddhvā mukhaṃ tasyaiva rakṣayet
Sanskrit only: no published translation is held for this verse.
ततः पुष्पाणि संत्यक्त्वा कस्तूरीं माषमात्रकाम् । माषैकं शुद्धकर्पूरे तस्मिन्नेव विनिक्षिपेत्
tataḥ puṣpāṇi saṃtyaktvā kastūrīṃ māṣamātrakām / māṣaikaṃ śuddhakarpūre tasminneva vinikṣipet
Sanskrit only: no published translation is held for this verse.
निक्षिपेद्विंशदंशेन सम्यग्जावादिकामपि । तत्सर्वं मथितं पूर्वं सम्यग्जावादिभाजने
nikṣipedviṃśadaṃśena samyagjāvādikāmapi / tatsarvaṃ mathitaṃ pūrvaṃ samyagjāvādibhājane
Sanskrit only: no published translation is held for this verse.
वेष्टयेन्मल्लिकापुष्पैस्तद्भांडं दिवसत्रयम् । सम्यग्भवति जावादि वर्णैः परिमलैरपि
veṣṭayenmallikāpuṣpaistadbhāṃḍaṃ divasatrayam / samyagbhavati jāvādi varṇaiḥ parimalairapi
Sanskrit only: no published translation is held for this verse.
कस्तूरीकरणम् मधूकतैलं तैलं वा तिलोत्थं पलपञ्चकम् । मुण्डीद्रावं दशपलं सर्वमेकत्र योजयेत्
kastūrīkaraṇam madhūkatailaṃ tailaṃ vā tilotthaṃ palapañcakam / muṇḍīdrāvaṃ daśapalaṃ sarvamekatra yojayet
Sanskrit only: no published translation is held for this verse.
मल्लिका मालती जाती केतकी शतपत्त्रिका । अन्यानि च सुगन्धीनि पुष्पाणि तत्र निक्षिपेत्
mallikā mālatī jātī ketakī śatapattrikā / anyāni ca sugandhīni puṣpāṇi tatra nikṣipet
Sanskrit only: no published translation is held for this verse.
दिनैकं मुद्रितं रक्षेत् पुष्पं निष्पीड्य संत्यजेत् । सिक्थकं विंशतिर्निष्कान् क्षिप्त्वा तस्मिन्पचेच्छनैः
dinaikaṃ mudritaṃ rakṣet puṣpaṃ niṣpīḍya saṃtyajet / sikthakaṃ viṃśatirniṣkān kṣiptvā tasminpacecchanaiḥ
Sanskrit only: no published translation is held for this verse.
यावत्तैलावशेषं स्यात् कर्पूरं चार्धनिष्ककम् । निष्कं मार्जारजावादिं क्षिप्त्वा तदवतारयेत्
yāvattailāvaśeṣaṃ syāt karpūraṃ cārdhaniṣkakam / niṣkaṃ mārjārajāvādiṃ kṣiptvā tadavatārayet
Sanskrit only: no published translation is held for this verse.
अन्यपात्रे विनिक्षिप्य शीतलं तत्पुनः पचेत् । क्षणमात्रात्तदुत्तार्य क्षिपेज्जावादि भाजने
anyapātre vinikṣipya śītalaṃ tatpunaḥ pacet / kṣaṇamātrāttaduttārya kṣipejjāvādi bhājane
Sanskrit only: no published translation is held for this verse.
सान्द्रं भवति तत्सर्वं यथा बीजं न संशयः । पुष्पाणि बकुलस्यैव रत्नमालां समं समम्
sāndraṃ bhavati tatsarvaṃ yathā bījaṃ na saṃśayaḥ / puṣpāṇi bakulasyaiva ratnamālāṃ samaṃ samam
Sanskrit only: no published translation is held for this verse.
तच्चूर्णमिक्षुदण्डस्य कृतनालस्य चोदरे । क्षिप्त्वा तस्य मुखं रुद्ध्वा तन्मज्जाभिर्मृदा पुनः
taccūrṇamikṣudaṇḍasya kṛtanālasya codare / kṣiptvā tasya mukhaṃ ruddhvā tanmajjābhirmṛdā punaḥ
Sanskrit only: no published translation is held for this verse.
पुटेत् तृणाग्निना तावद्यावद्गंधो न दह्यते । द्रवन्ति तानि पुष्पाणि मुखं भित्त्वा द्रवं हरेत्
puṭet tṛṇāgninā tāvadyāvadgaṃdho na dahyate / dravanti tāni puṣpāṇi mukhaṃ bhittvā dravaṃ haret
Sanskrit only: no published translation is held for this verse.
कस्तूरीचर्म निर्लोमं मुस्तातुल्यं विचूर्णयेत् । चूर्णस्य दशमांशेन सम्यक् कस्तूरिकां क्षिपेत्
kastūrīcarma nirlomaṃ mustātulyaṃ vicūrṇayet / cūrṇasya daśamāṃśena samyak kastūrikāṃ kṣipet
Sanskrit only: no published translation is held for this verse.
पूर्वद्रावेण तत्सर्वं पेषितं गोलकीकृतम् । कस्तूरीमदनाकारा किंचित्कार्या प्रयत्नतः
pūrvadrāveṇa tatsarvaṃ peṣitaṃ golakīkṛtam / kastūrīmadanākārā kiṃcitkāryā prayatnataḥ
Sanskrit only: no published translation is held for this verse.
तत्सर्वं छायया शोष्यं मदना रक्षयेत्पृथक् । गुटिकाः खण्डशः कृत्वा मदनैः सह मिश्रयेत् । कस्तूरीचर्मणा बद्ध्वा सम्यङ् मृगमदो भवेत्
tatsarvaṃ chāyayā śoṣyaṃ madanā rakṣayetpṛthak / guṭikāḥ khaṇḍaśaḥ kṛtvā madanaiḥ saha miśrayet / kastūrīcarmaṇā baddhvā samyaṅ mṛgamado bhavet
Sanskrit only: no published translation is held for this verse.
कुण्कुमकरणम् (१) नारिकेलकपालं वा घृष्टं वा निम्बकाष्ठकम् । यत्किंचिच्छुभ्रकाष्ठं वा तोयेन सह कारयेत्
kuṇkumakaraṇam (1) nārikelakapālaṃ vā ghṛṣṭaṃ vā nimbakāṣṭhakam / yatkiṃcicchubhrakāṣṭhaṃ vā toyena saha kārayet
Sanskrit only: no published translation is held for this verse.
तत्पादं रजनी चाथ तस्मिन्मध्ये विनिक्षिपेत् । गैरिकं वा रजन्यर्धं तत्सर्वं कुंकुमं भवेत्
tatpādaṃ rajanī cātha tasminmadhye vinikṣipet / gairikaṃ vā rajanyardhaṃ tatsarvaṃ kuṃkumaṃ bhavet
Sanskrit only: no published translation is held for this verse.
कुङ्कुमकरणम् (२) पालाशपुष्पजं क्वाथं घर्मे धार्यं तु खर्परे । विंशत्यंशं क्षिपेत्तस्मिन् पेषितं शुभ्रतण्डुलम्
kuṅkumakaraṇam (2) pālāśapuṣpajaṃ kvāthaṃ gharme dhāryaṃ tu kharpare / viṃśatyaṃśaṃ kṣipettasmin peṣitaṃ śubhrataṇḍulam
Sanskrit only: no published translation is held for this verse.
तण्डुलार्धं तथा चुन्नं सर्वं काष्ठेन लोलयेत् । घनीभूतं भवेद्यावत्तावद् घर्मे प्रचालयेत् । ततस्तेनैव वटिकाः कृत्वा स्युः कुङ्कुमोपमाः
taṇḍulārdhaṃ tathā cunnaṃ sarvaṃ kāṣṭhena lolayet / ghanībhūtaṃ bhavedyāvattāvad gharme pracālayet / tatastenaiva vaṭikāḥ kṛtvā syuḥ kuṅkumopamāḥ
Sanskrit only: no published translation is held for this verse.
कुङ्कुमकरणम् (३) पालाशपुष्पपादांशं सम्यक्शुभ्रं च तण्डुलम् । पिष्ट्वाथ वटिकाः कार्या शोष्याः स्युः कुंकुमोपमाः
kuṅkumakaraṇam (3) pālāśapuṣpapādāṃśaṃ samyakśubhraṃ ca taṇḍulam / piṣṭvātha vaṭikāḥ kāryā śoṣyāḥ syuḥ kuṃkumopamāḥ
Sanskrit only: no published translation is held for this verse.
दिव्यधूप (१) क्रमात् तरगुणं कुर्यात्कस्तूरी शशिकुङ्कुमम् । नखमांसी सर्जरसमुस्ता कृष्णागुरुः सिता
divyadhūpa (1) kramāt taraguṇaṃ kuryātkastūrī śaśikuṅkumam / nakhamāṃsī sarjarasamustā kṛṣṇāguruḥ sitā
Sanskrit only: no published translation is held for this verse.