Nityanathasiddha: Rasaratnakara 3.7

पन्नगस्य समं स्वर्णं त्रयाणां त्रिगुणं क्षिपेत् । द्रुतं च तत्सर्वमम्लवर्गेण मर्दयेत्

pannagasya samaṃ svarṇaṃ trayāṇāṃ triguṇaṃ kṣipet / drutaṃ ca tatsarvamamlavargeṇa mardayet

Sanskrit only: no published translation is held for this verse.

दिनान्ते वज्रमूषायां रुद्ध्वा धाम्यं प्रयत्नतः । जायते पन्नगं स्वर्णं त्रयोत्थं जायते क्रमात्

dinānte vajramūṣāyāṃ ruddhvā dhāmyaṃ prayatnataḥ / jāyate pannagaṃ svarṇaṃ trayotthaṃ jāyate kramāt

Sanskrit only: no published translation is held for this verse.

सारयेच्च त्रिधा हेम चन्द्रार्कं वेधयेत्ततः । सहस्रांशेन तेनैव दिव्यं भवति काञ्चनम्

sārayecca tridhā hema candrārkaṃ vedhayettataḥ / sahasrāṃśena tenaiva divyaṃ bhavati kāñcanam

Sanskrit only: no published translation is held for this verse.

सितस्वर्ण => गोल्द् हेमार्कतीक्ष्णचूर्णं च समं रुद्ध्वा धमेद् दृढम् । तत्खोटं भागमेकं तु त्रिभागं द्रुतसूतकम्

sitasvarṇa => gold hemārkatīkṣṇacūrṇaṃ ca samaṃ ruddhvā dhamed dṛḍham / tatkhoṭaṃ bhāgamekaṃ tu tribhāgaṃ drutasūtakam

Sanskrit only: no published translation is held for this verse.

मर्दयेद् गंधकाम्लेन रुद्ध्वा सम्यक्पुटे पचेत् । पुनर्मर्द्यं पुनः पाच्यमेवं वारांश्चतुर्दश

mardayed gaṃdhakāmlena ruddhvā samyakpuṭe pacet / punarmardyaṃ punaḥ pācyamevaṃ vārāṃścaturdaśa

Sanskrit only: no published translation is held for this verse.

अनेन शतमांशेन सितहेम च वेधयेत् । जायते कनकं दिव्यं कङ्गुणीतैलसेचनात्

anena śatamāṃśena sitahema ca vedhayet / jāyate kanakaṃ divyaṃ kaṅguṇītailasecanāt

Sanskrit only: no published translation is held for this verse.

बद्धे द्रुते रसवरे वरहेम्नि जीर्णे दृष्टो मया दशगुणः सुखसाध्यलाभः । वज्रे मृते गगनसत्त्वयुते नराणां तत्रैव भूरिगुणितं फलमस्ति सत्यम्

baddhe drute rasavare varahemni jīrṇe dṛṣṭo mayā daśaguṇaḥ sukhasādhyalābhaḥ / vajre mṛte gaganasattvayute narāṇāṃ tatraiva bhūriguṇitaṃ phalamasti satyam

Sanskrit only: no published translation is held for this verse.