Camunda (Kayastha: Rasasamketakalika 2

<षड्लोह> हेमरूप्यार्कवङ्गाहिलोहैर् लोहाः षडीरिताः । <मेतल्स्:: फ़च्तितिओउस्> अकृत्रिमा इमे घोषावर्तकाद्यास्तु कृत्रिमाः

<ṣaḍloha> hemarūpyārkavaṅgāhilohair lohāḥ ṣaḍīritāḥ / <metals:: factitious> akṛtrimā ime ghoṣāvartakādyāstu kṛtrimāḥ

Sanskrit only: no published translation is held for this verse.

<मेतल्स्:: शुद्ध, मृत:: मेदिच्। प्रोपेर्तिएस्> शुद्धा मृता निरुत्थाश्च सर्वरोगहराः स्मृताः । <मेतल्स्:: इम्पुरे:: मेदिच्। प्रोपेर्तिएस्> अशुद्धान् हीनपाकांश्च रोगमृत्युप्रदांस्त्यजेत्

<metals:: śuddha, mṛta:: medic. properties> śuddhā mṛtā nirutthāśca sarvarogaharāḥ smṛtāḥ / <metals:: impure:: medic. properties> aśuddhān hīnapākāṃśca rogamṛtyupradāṃstyajet

Sanskrit only: no published translation is held for this verse.

<मेतल्स्:: मारण:: wइथ् मेर्चुर्य्> लोहं सूतयुतं दोषांस्त्यजेत् सूतश्च लोहयुक् । अतः स्वर्णादिलोहानि विना सूतं न मारयेत्

<metals:: māraṇa:: with mercury> lohaṃ sūtayutaṃ doṣāṃstyajet sūtaśca lohayuk / ataḥ svarṇādilohāni vinā sūtaṃ na mārayet

Sanskrit only: no published translation is held for this verse.

<गोल्द्:: सुब्त्य्पेस्> स्वर्णं पञ्चविधं प्रोक्तं प्राकृतं सहजाग्निजे । एतत् स्वर्णत्रयं देवभोज्यं षोडशवर्णकम्

<gold:: subtypes> svarṇaṃ pañcavidhaṃ proktaṃ prākṛtaṃ sahajāgnije / etat svarṇatrayaṃ devabhojyaṃ ṣoḍaśavarṇakam

Sanskrit only: no published translation is held for this verse.

खनिजं रसवादोत्थं सुपत्त्रीकृत्य शोधितम् । तच्चतुर्दशवर्णाढ्यं मनुजार्हं रुजापहम्

khanijaṃ rasavādotthaṃ supattrīkṛtya śodhitam / taccaturdaśavarṇāḍhyaṃ manujārhaṃ rujāpaham

Sanskrit only: no published translation is held for this verse.

<गोल्द्:: शोधन> सुवर्णं सप्तशो वाप्यं काञ्चनाररसे शुचिः । <गोल्द्:: मारण> सुवर्णे गलिते नागं प्रक्षिपेत् षोडशांशकम्

<gold:: śodhana> suvarṇaṃ saptaśo vāpyaṃ kāñcanārarase śuciḥ / <gold:: māraṇa> suvarṇe galite nāgaṃ prakṣipet ṣoḍaśāṃśakam

Sanskrit only: no published translation is held for this verse.

अम्लेन मर्दयित्वा तु कृत्वा तस्य च गोलकम् । गन्धकं गोलकसमं विनिक्षिप्याधरोत्तरम्

amlena mardayitvā tu kṛtvā tasya ca golakam / gandhakaṃ golakasamaṃ vinikṣipyādharottaram

Sanskrit only: no published translation is held for this verse.

शरावसंपुटे कृत्वा संनिरुध्य प्रतापयेत् । त्रिंशद्वनोत्पलैरग्नौ सप्तधा भस्मतां व्रजेत्

śarāvasaṃpuṭe kṛtvā saṃnirudhya pratāpayet / triṃśadvanotpalairagnau saptadhā bhasmatāṃ vrajet

Sanskrit only: no published translation is held for this verse.

<गोल्द्:: मृत:: मेदिच्। प्रोपेर्तिएस्> तिक्तं कषायं ज्वरहृत्स्वादुपाकं बलावहम् । वयोधीःकान्तिदं वृष्यं शोषालक्ष्मीविषापहम्

<gold:: mṛta:: medic. properties> tiktaṃ kaṣāyaṃ jvarahṛtsvādupākaṃ balāvaham / vayodhīḥkāntidaṃ vṛṣyaṃ śoṣālakṣmīviṣāpaham

Sanskrit only: no published translation is held for this verse.

<सिल्वेर्:: सुब्त्य्पेस्> कैलासे सहजं रूप्यं खनिजं कृत्रिमं भुवि । व्युत्क्रमेण गुणैः श्रेष्ठं नागोत्तीर्णं रसे हितम्

<silver:: subtypes> kailāse sahajaṃ rūpyaṃ khanijaṃ kṛtrimaṃ bhuvi / vyutkrameṇa guṇaiḥ śreṣṭhaṃ nāgottīrṇaṃ rase hitam

Sanskrit only: no published translation is held for this verse.

<सिल्वेर्:: शोधन> श्वेतागस्तिरसे रूप्यं स्वर्णवच्छुचि मारणम् । <सिल्वेर्:: मारण> गन्धकाम्लकसंयोगान्नागं हित्वा क्षिपेत् त्रपु

<silver:: śodhana> śvetāgastirase rūpyaṃ svarṇavacchuci māraṇam / <silver:: māraṇa> gandhakāmlakasaṃyogānnāgaṃ hitvā kṣipet trapu

Sanskrit only: no published translation is held for this verse.

वयःशुक्रबलोत्साहकरं सर्वामयापहम् । <गोल्द्, सिल्वेर्:: परीक्षा:: मृत> एतद्भस्माम्ललिप्तोऽसिस्ताम्रवर्णस्तदा मृतिः

vayaḥśukrabalotsāhakaraṃ sarvāmayāpaham / <gold, silver:: parīkṣā:: mṛta> etadbhasmāmlalipto'sistāmravarṇastadā mṛtiḥ

Sanskrit only: no published translation is held for this verse.

सुवर्णमथवा रूप्यं योगे यत्र न विद्यते । तत्र कान्तोद्भवं लोहं क्षेप्यं तैस्तत्समं गुणैः

suvarṇamathavā rūpyaṃ yoge yatra na vidyate / tatra kāntodbhavaṃ lohaṃ kṣepyaṃ taistatsamaṃ guṇaiḥ

Sanskrit only: no published translation is held for this verse.

<चोप्पेर्:: सुब्त्य्पेस्> द्व्यर्कौ नेपालम्लेच्छौ तु रसे नेपाल उत्तमः । <नेपाल:: फ्य्स्। प्रोपेर्तिएस्> घनघातसहः स्निग्धो रक्तपत्रोऽमलो मृदुः

<copper:: subtypes> dvyarkau nepālamlecchau tu rase nepāla uttamaḥ / <nepāla:: phys. properties> ghanaghātasahaḥ snigdho raktapatro'malo mṛduḥ

Sanskrit only: no published translation is held for this verse.

<म्लेच्छ:: फ्य्स्। प्रोपेर्तिएस्> म्लेच्छस्तु क्षालितः कृष्णो रूक्षः स्तब्धो घनासहः । मिश्रितो नागलोहाभ्यां न श्रेष्ठो रसकर्मणि

<mleccha:: phys. properties> mlecchastu kṣālitaḥ kṛṣṇo rūkṣaḥ stabdho ghanāsahaḥ / miśrito nāgalohābhyāṃ na śreṣṭho rasakarmaṇi

Sanskrit only: no published translation is held for this verse.

<चोप्पेर्:: दोषस्> ताम्रं तु विषवज्ज्ञेयं यत्नतः साध्यते हि तत् । एको दोषो विषे सम्यक्ताम्रे त्वष्टौ प्रकीर्तिताः

<copper:: doṣas> tāmraṃ tu viṣavajjñeyaṃ yatnataḥ sādhyate hi tat / eko doṣo viṣe samyaktāmre tvaṣṭau prakīrtitāḥ

Sanskrit only: no published translation is held for this verse.

कुष्ठं रेको वमिर्भ्रान्तिस्तापो वातश्च कामला । देहस्य नाशनं दोषा इत्यष्टौ कथिता बुधैः

kuṣṭhaṃ reko vamirbhrāntistāpo vātaśca kāmalā / dehasya nāśanaṃ doṣā ityaṣṭau kathitā budhaiḥ

Sanskrit only: no published translation is held for this verse.

<चोप्पेर्:: शोधन> गवां मूत्रैः पचेच्चाहस्ताम्रपत्रं दृढाग्निना । वारिणा क्षालयेत् पश्चादेकविंशतिधा शुचिः

<copper:: śodhana> gavāṃ mūtraiḥ paceccāhastāmrapatraṃ dṛḍhāgninā / vāriṇā kṣālayet paścādekaviṃśatidhā śuciḥ

Sanskrit only: no published translation is held for this verse.

<चोप्पेर्:: मारण> पारदं गन्धकं ताम्रं सममम्लेन मर्दयेत् । जायते त्रिपुटाद् भस्म वालुकायन्त्रतोऽथवा

<copper:: māraṇa> pāradaṃ gandhakaṃ tāmraṃ samamamlena mardayet / jāyate tripuṭād bhasma vālukāyantrato'thavā

Sanskrit only: no published translation is held for this verse.

<चोप्पेर्:: मारण> गन्धार्कौ द्व्येकभागौ च शरावसंपुटे पुटेत् । स्वाङ्गशीतं च संपेष्य खल्वे वस्त्रेण गालयेत्

<copper:: māraṇa> gandhārkau dvyekabhāgau ca śarāvasaṃpuṭe puṭet / svāṅgaśītaṃ ca saṃpeṣya khalve vastreṇa gālayet

Sanskrit only: no published translation is held for this verse.

सामुद्रं तत्समं कृत्वा पुनः पुटनमाचरेत् । तदेव तत्क्षये देयं सामुद्रं च पुनः पुनः

sāmudraṃ tatsamaṃ kṛtvā punaḥ puṭanamācaret / tadeva tatkṣaye deyaṃ sāmudraṃ ca punaḥ punaḥ

Sanskrit only: no published translation is held for this verse.

कासीसस्य जलेनैव वारं वारं तु भावयेत् । चतुःषष्टिपुटैरित्थं निरुत्थं योगवाहिकम्

kāsīsasya jalenaiva vāraṃ vāraṃ tu bhāvayet / catuḥṣaṣṭipuṭairitthaṃ nirutthaṃ yogavāhikam

Sanskrit only: no published translation is held for this verse.

तत्ताम्रं सौरणे कन्दे पुटेत्पञ्चामृतेऽथवा । अष्टौ दोषांश्च पूर्वोक्तान् न करोति गुणावहम्

tattāmraṃ sauraṇe kande puṭetpañcāmṛte'thavā / aṣṭau doṣāṃśca pūrvoktān na karoti guṇāvaham

Sanskrit only: no published translation is held for this verse.

हन्ति गुल्मक्षयाजीर्णकासपाण्ड्वामयज्वरान् । स्थौल्योदरे कफं शूलमूर्ध्वाधःशोधनं परम्

hanti gulmakṣayājīrṇakāsapāṇḍvāmayajvarān / sthaulyodare kaphaṃ śūlamūrdhvādhaḥśodhanaṃ param

Sanskrit only: no published translation is held for this verse.

<तिन्:: सुब्त्य्पेस्> खुरकं मिश्रकं चेति द्विविधं वङ्गमुच्यते । खुरकं तु गुणैः श्रेष्ठं मिश्रकं न रसे हितम्

<tin:: subtypes> khurakaṃ miśrakaṃ ceti dvividhaṃ vaṅgamucyate / khurakaṃ tu guṇaiḥ śreṣṭhaṃ miśrakaṃ na rase hitam

Sanskrit only: no published translation is held for this verse.

<तिन्:: शोधन> कन्याभृङ्गरसे वङ्गनागौ शोध्यौ त्रिसप्तधा । अथवा ब्रह्मवृक्षोत्थे क्वाथे निर्गुण्डिजेऽथवा

<tin:: śodhana> kanyābhṛṅgarase vaṅganāgau śodhyau trisaptadhā / athavā brahmavṛkṣotthe kvāthe nirguṇḍije'thavā

Sanskrit only: no published translation is held for this verse.

<तिन्:: मारण> मृद्भाजने द्रुते वङ्गे चिञ्चाश्वत्थत्वचो रजः । क्षिपेत्तस्य चतुर्थांशं लोहदर्व्या प्रचालयेत्

<tin:: māraṇa> mṛdbhājane drute vaṅge ciñcāśvatthatvaco rajaḥ / kṣipettasya caturthāṃśaṃ lohadarvyā pracālayet

Sanskrit only: no published translation is held for this verse.

यावद्भस्मत्वमायाति ततः खल्वे सतालकम् । ब्रह्मद्रुक्वाथकल्काभ्यां मर्द्यं गजपुटे पचेत्

yāvadbhasmatvamāyāti tataḥ khalve satālakam / brahmadrukvāthakalkābhyāṃ mardyaṃ gajapuṭe pacet

Sanskrit only: no published translation is held for this verse.

पुटे पुटे दशांशांशं दत्त्वैवं दशधा पुटेत् । वङ्गभस्म निरुत्थं तत् पाण्डुमेहगदापहम्

puṭe puṭe daśāṃśāṃśaṃ dattvaivaṃ daśadhā puṭet / vaṅgabhasma nirutthaṃ tat pāṇḍumehagadāpaham

Sanskrit only: no published translation is held for this verse.

<तिन्:: मारण> करीषसंपुटे वङ्गपत्रं छागशकृद्युतम् । म्रियते पुटमात्रेण तन्मेहान् हन्ति विंशतिम्

<tin:: māraṇa> karīṣasaṃpuṭe vaṅgapatraṃ chāgaśakṛdyutam / mriyate puṭamātreṇa tanmehān hanti viṃśatim

Sanskrit only: no published translation is held for this verse.

<लेअद्:: मारण> वङ्गवन्नागभस्मापि कृत्वादौ तत्समां शिलाम् । क्षिप्त्वा तुषोदकैर्मर्द्यं दद्याद् गजपुटं ततः

<lead:: māraṇa> vaṅgavannāgabhasmāpi kṛtvādau tatsamāṃ śilām / kṣiptvā tuṣodakairmardyaṃ dadyād gajapuṭaṃ tataḥ

Sanskrit only: no published translation is held for this verse.

षष्ट्यंशं गन्धकं दत्त्वा पाच्यं षष्टिपुटावधि । नागभस्म निरुत्थं तद्वङ्गभस्मगुणाधिकम्

ṣaṣṭyaṃśaṃ gandhakaṃ dattvā pācyaṃ ṣaṣṭipuṭāvadhi / nāgabhasma nirutthaṃ tadvaṅgabhasmaguṇādhikam

Sanskrit only: no published translation is held for this verse.

<लेअद्, तिन्:: मृत:: मेदिच्। प्रोपेर्तिएस्> मृतं वङ्गं च नागं च रसभस्म समं गुणैः । परस्परमलाभे च योजयेत्तत् परस्परम्

<lead, tin:: mṛta:: medic. properties> mṛtaṃ vaṅgaṃ ca nāgaṃ ca rasabhasma samaṃ guṇaiḥ / parasparamalābhe ca yojayettat parasparam

Sanskrit only: no published translation is held for this verse.

<इरोन्:: सुब्त्य्पेस्> मुण्डं तीक्ष्णं तथा कान्तं भेदास्तस्य त्रयोदशाः । <मुण्ड:: सुब्त्य्पेस्> मृदु कुण्ठं च काण्डारं त्रिविधं मुण्डमुच्यते

<iron:: subtypes> muṇḍaṃ tīkṣṇaṃ tathā kāntaṃ bhedāstasya trayodaśāḥ / <muṇḍa:: subtypes> mṛdu kuṇṭhaṃ ca kāṇḍāraṃ trividhaṃ muṇḍamucyate

Sanskrit only: no published translation is held for this verse.

<तीक्ष्णलोह:: सुब्त्य्पेस्> खरसारं च होत्रासं तारावर्तं विडं तथा । कान्तं लोहं गजाख्यं च षड्विधं तीक्ष्णमुच्यते

<tīkṣṇaloha:: subtypes> kharasāraṃ ca hotrāsaṃ tārāvartaṃ viḍaṃ tathā / kāntaṃ lohaṃ gajākhyaṃ ca ṣaḍvidhaṃ tīkṣṇamucyate

Sanskrit only: no published translation is held for this verse.

<कान्त:: परीक्षा> पात्रे यस्मिन्प्रसरति जले तैलबिन्दुर्न लिप्तो हिङ्गुर्गन्धं विसृजति निजं तिक्ततां निम्बकल्कः । पाके दुग्धं भवति शिखराकारतां नैति भूमौ कान्तं लोहं तदिदमुदितं लक्षणैर्नैव चान्यत्

<kānta:: parīkṣā> pātre yasminprasarati jale tailabindurna lipto hiṅgurgandhaṃ visṛjati nijaṃ tiktatāṃ nimbakalkaḥ / pāke dugdhaṃ bhavati śikharākāratāṃ naiti bhūmau kāntaṃ lohaṃ tadidamuditaṃ lakṣaṇairnaiva cānyat

Sanskrit only: no published translation is held for this verse.

<कान्त:: सुब्त्य्पेस्> कान्तं लोहं चतुर्धोक्तं रोमकं भ्रामकं तथा । चुम्बकं द्रावकं चेति गुणास्तस्योत्तरोत्तराः

<kānta:: subtypes> kāntaṃ lohaṃ caturdhoktaṃ romakaṃ bhrāmakaṃ tathā / cumbakaṃ drāvakaṃ ceti guṇāstasyottarottarāḥ

Sanskrit only: no published translation is held for this verse.

<इरोन्:: शोधन> मुण्डादिसर्वलोहानि ताम्रवच्छोधयेत् सुधीः । <इरोन्:: पाक> लोहपाकस्त्रिधा प्रोक्तो मृदुर्मध्यः खरस्तथा । पङ्कशुष्करसौ पूर्वौ वालुकासदृशः खरः

<iron:: śodhana> muṇḍādisarvalohāni tāmravacchodhayet sudhīḥ / <iron:: pāka> lohapākastridhā prokto mṛdurmadhyaḥ kharastathā / paṅkaśuṣkarasau pūrvau vālukāsadṛśaḥ kharaḥ

Sanskrit only: no published translation is held for this verse.

<इरोन्:: मारण> लोहपत्रं गन्धलिप्तं वह्नौ तप्तं पुनः पुनः । क्षिपेन्मीनाक्षिकानीरे यावत्तत्रैव शीर्यते

<iron:: māraṇa> lohapatraṃ gandhaliptaṃ vahnau taptaṃ punaḥ punaḥ / kṣipenmīnākṣikānīre yāvattatraiva śīryate

Sanskrit only: no published translation is held for this verse.

रसहिङ्गुलगन्धेन तुल्यं तन्मर्दयेद् दृढम् । निर्गुण्डीवृषमत्स्याक्षीरसैर्गजपुटान्मृतिः

rasahiṅgulagandhena tulyaṃ tanmardayed dṛḍham / nirguṇḍīvṛṣamatsyākṣīrasairgajapuṭānmṛtiḥ

Sanskrit only: no published translation is held for this verse.

<इरोन्:: मारण:: वारितर> लोहचूर्णं वराक्वाथे पिण्डं कृत्वा पुनः पुनः । षोडशाङ्गुलमाने हि निर्वातगर्तके पुटेत्

<iron:: māraṇa:: vāritara> lohacūrṇaṃ varākvāthe piṇḍaṃ kṛtvā punaḥ punaḥ / ṣoḍaśāṅgulamāne hi nirvātagartake puṭet

Sanskrit only: no published translation is held for this verse.

चतुःषष्टिपुटैरेव जायते पद्मरागवत् । निरुत्थाम्बुतरं योगवाहि स्यात्सर्वरोगहृत्

catuḥṣaṣṭipuṭaireva jāyate padmarāgavat / nirutthāmbutaraṃ yogavāhi syātsarvarogahṛt

Sanskrit only: no published translation is held for this verse.

<इरोन्:: मारण:: वारितर> जम्बूत्वचारसे तिन्दुमार्कण्डपत्रजेऽथवा । त्रिसप्तधातपे शोष्यं पेष्यं वारितरं भवेत्

<iron:: māraṇa:: vāritara> jambūtvacārase tindumārkaṇḍapatraje'thavā / trisaptadhātape śoṣyaṃ peṣyaṃ vāritaraṃ bhavet

Sanskrit only: no published translation is held for this verse.

<इरोन्:: मारण> चिञ्चापत्रनिभं लोहपत्रं दन्तीद्रवे क्षिपेत् । घर्मे धृत्वा रसो देयो मृतं यावद्भवेच्च तत्

<iron:: māraṇa> ciñcāpatranibhaṃ lohapatraṃ dantīdrave kṣipet / gharme dhṛtvā raso deyo mṛtaṃ yāvadbhavecca tat

Sanskrit only: no published translation is held for this verse.

<इरोन्:: मारण:: वारितर> मत्स्याक्षीरसमध्यस्थं लोहपत्रं विनिक्षिपेत् । त्रिंशद्दिनानि घर्मे तु ततो वारितरं भवेत्

<iron:: māraṇa:: vāritara> matsyākṣīrasamadhyasthaṃ lohapatraṃ vinikṣipet / triṃśaddināni gharme tu tato vāritaraṃ bhavet

Sanskrit only: no published translation is held for this verse.

<इरोन्:: मारण:: निरुत्थ, परीक्षा> लोहमध्वाज्यगं तारं ध्मातं चेत्पूर्वमानकम् । तदा लोहं निरुत्थं स्यादन्यथा साधयेत्पुनः

<iron:: māraṇa:: niruttha, parīkṣā> lohamadhvājyagaṃ tāraṃ dhmātaṃ cetpūrvamānakam / tadā lohaṃ nirutthaṃ syādanyathā sādhayetpunaḥ

Sanskrit only: no published translation is held for this verse.

<इरोन्:: अमृतीकरण (?)> वराक्वाथे ऽवशेषो तु तत्तुल्यं घृतमायसम् । सिता लोहमिता ताम्रे पक्वं चामृतवद्भवेत्

<iron:: amṛtīkaraṇa (?)> varākvāthe 'vaśeṣo tu tattulyaṃ ghṛtamāyasam / sitā lohamitā tāmre pakvaṃ cāmṛtavadbhavet

Sanskrit only: no published translation is held for this verse.

<लोह:: मृत:: मेदिच्। प्रोपेर्तिएस्> ग्रहणीपाण्डुशोफार्शोज्वरगुल्मप्रमेहकान् । हन्ति प्लीहामयं लोहं बलबुद्धिविवर्धनम्

<loha:: mṛta:: medic. properties> grahaṇīpāṇḍuśophārśojvaragulmapramehakān / hanti plīhāmayaṃ lohaṃ balabuddhivivardhanam

Sanskrit only: no published translation is held for this verse.

कुष्माण्डं तिलतैलं च माषान्नं राजिका तथा । मद्यमम्लरसं चैव त्यजेल्लोहस्य सेवकः

kuṣmāṇḍaṃ tilatailaṃ ca māṣānnaṃ rājikā tathā / madyamamlarasaṃ caiva tyajellohasya sevakaḥ

Sanskrit only: no published translation is held for this verse.

<मण्डूर:: शोधन> गोमूत्रे त्रिफलाक्वाथे तप्तं शोध्यं त्रिसप्तधा । स्वर्णादि सर्वलोहानां किट्टं तत्तद्गुणावहम्

<maṇḍūra:: śodhana> gomūtre triphalākvāthe taptaṃ śodhyaṃ trisaptadhā / svarṇādi sarvalohānāṃ kiṭṭaṃ tattadguṇāvaham

Sanskrit only: no published translation is held for this verse.

किट्टाद्दशगुणं मुण्डं मुण्डात्तीक्ष्णं शताधिकम् । तीक्ष्णाल्लक्षगुणं कान्तं भक्षणात्कुरुते गुणम्

kiṭṭāddaśaguṇaṃ muṇḍaṃ muṇḍāttīkṣṇaṃ śatādhikam / tīkṣṇāllakṣaguṇaṃ kāntaṃ bhakṣaṇātkurute guṇam

Sanskrit only: no published translation is held for this verse.

<रसक:: मारण> लवणान्तर्गतं भाण्डे सत्त्वं खर्परसम्भवम् । सुखं रुद्ध्वा विपक्वं तन्म्रियते गजवह्निना

<rasaka:: māraṇa> lavaṇāntargataṃ bhāṇḍe sattvaṃ kharparasambhavam / sukhaṃ ruddhvā vipakvaṃ tanmriyate gajavahninā

Sanskrit only: no published translation is held for this verse.

<रसक:: मृत:: मेदिच्। प्रोपेर्तिएस्> मृतस्तु रसको रूक्षस्त्रिदोषघ्नो ज्वरापहः । योगवाह्यतिसारघ्नः क्लेदघ्नो विड्विबन्धकृत्

<rasaka:: mṛta:: medic. properties> mṛtastu rasako rūkṣastridoṣaghno jvarāpahaḥ / yogavāhyatisāraghnaḥ kledaghno viḍvibandhakṛt

Sanskrit only: no published translation is held for this verse.

<ब्रोन्ज़े, ब्रस्स्:: शोधन, मारण> कांस्यपित्तलयोः प्रोक्ते ताम्रवच्छुद्धिमारणे । सिता गव्ययुता देया धातुभक्षणवैकृतौ

<bronze, brass:: śodhana, māraṇa> kāṃsyapittalayoḥ prokte tāmravacchuddhimāraṇe / sitā gavyayutā deyā dhātubhakṣaṇavaikṛtau

Sanskrit only: no published translation is held for this verse.

<मेतल्स्:: फ़स्त् मारण> अथैकः पारदाद्भागो गन्धको द्विगुणस्ततः । तयोः समं सुवर्णादिनिरुत्थं शीघ्रमारणम्

<metals:: fast māraṇa> athaikaḥ pāradādbhāgo gandhako dviguṇastataḥ / tayoḥ samaṃ suvarṇādinirutthaṃ śīghramāraṇam

Sanskrit only: no published translation is held for this verse.

<धातुस्:: निरुत्थ:: परीक्षा> समध्वाज्यटङ्कणैर्गुञ्जागुडाभ्यां मृतधातवः । ध्माताः पिण्डकृता नैव जीवन्ति ते निरुत्थकाः

<dhātus:: niruttha:: parīkṣā> samadhvājyaṭaṅkaṇairguñjāguḍābhyāṃ mṛtadhātavaḥ / dhmātāḥ piṇḍakṛtā naiva jīvanti te nirutthakāḥ

Sanskrit only: no published translation is held for this verse.

<धातु:: मारण:: निरुत्थ> सगन्धश्चोत्थितो धातुर्मर्द्यः कन्यारसे दिनम् । पक्वो गजपुटो दिव्यं सर्वो याति निरुत्थताम्

<dhātu:: māraṇa:: niruttha> sagandhaścotthito dhāturmardyaḥ kanyārase dinam / pakvo gajapuṭo divyaṃ sarvo yāti nirutthatām

Sanskrit only: no published translation is held for this verse.

<अभ्र:: सुब्त्य्पेस्> पीतं सितासितं रक्तमेकैकं खं चतुर्विधम् । पिनाकं दर्दुरं नागं वज्रं चाग्नौ परीक्षयेत्

<abhra:: subtypes> pītaṃ sitāsitaṃ raktamekaikaṃ khaṃ caturvidham / pinākaṃ darduraṃ nāgaṃ vajraṃ cāgnau parīkṣayet

Sanskrit only: no published translation is held for this verse.

<अभ्र:: वज्र> न पत्राणि न शब्दांश्च कुर्यात्तद्वज्रसंज्ञकम् । <अभ्र:: वज्र:: सत्त्वपातन> त्रीणि ध्मातानि किट्टं हि वज्री सत्त्वं विमुञ्चति

<abhra:: vajra> na patrāṇi na śabdāṃśca kuryāttadvajrasaṃjñakam / <abhra:: vajra:: sattvapātana> trīṇi dhmātāni kiṭṭaṃ hi vajrī sattvaṃ vimuñcati

Sanskrit only: no published translation is held for this verse.

<अभ्र:: वज्र:: सत्त्व:: मारण> तत्सत्त्वं विधिवद्ग्राह्यं शोध्यं मार्यं च लोहवत् । सत्त्वाभावे तु निश्चन्द्रं रसेष्विष्टं तदुच्यते

<abhra:: vajra:: sattva:: māraṇa> tatsattvaṃ vidhivadgrāhyaṃ śodhyaṃ māryaṃ ca lohavat / sattvābhāve tu niścandraṃ raseṣviṣṭaṃ taducyate

Sanskrit only: no published translation is held for this verse.

<अभ्र:: मारण:: प्रोदुच्तिओन् ओफ़् निश्चन्द्रँ> धान्याभ्रं मेघनादैर् झषनयनजलैर् जम्भलैष्टङ्कणेन खल्वे संमर्द्य गाढं तदनु गजपुटान् द्वादशैवं प्रदद्यात् । मीनाक्षीभृङ्गतोयैस् त्रिफलजलयुतैर् मर्दयेत् सप्तरात्रं गन्धं तुल्यं च दत्त्वा प्रवरगजपुटात् पञ्चतां याति चाभ्रम्

<abhra:: māraṇa:: production of niścandra~> dhānyābhraṃ meghanādair jhaṣanayanajalair jambhalaiṣṭaṅkaṇena khalve saṃmardya gāḍhaṃ tadanu gajapuṭān dvādaśaivaṃ pradadyāt / mīnākṣībhṛṅgatoyais triphalajalayutair mardayet saptarātraṃ gandhaṃ tulyaṃ ca dattvā pravaragajapuṭāt pañcatāṃ yāti cābhram

Sanskrit only: no published translation is held for this verse.

<अभ्र:: निश्चन्द्र:: मेदिच्। प्रोपेर्तिएस्> मृतं निश्चन्द्रतां यातमरुणं चामृतोपमम् । सचन्द्रं विषवज्ज्ञेयं मृत्युकृद्व्याघ्ररोमवत्

<abhra:: niścandra:: medic. properties> mṛtaṃ niścandratāṃ yātamaruṇaṃ cāmṛtopamam / sacandraṃ viṣavajjñeyaṃ mṛtyukṛdvyāghraromavat

Sanskrit only: no published translation is held for this verse.

<अभ्र:: अमृतीकरण> वराम्बु गोघृतं चाभ्रं कलाषड्दिक्क्रमांशकम् । मृद्वग्निना पचेल्लोहे चामृतीकरणं भवेत्

<abhra:: amṛtīkaraṇa> varāmbu goghṛtaṃ cābhraṃ kalāṣaḍdikkramāṃśakam / mṛdvagninā pacellohe cāmṛtīkaraṇaṃ bhavet

Sanskrit only: no published translation is held for this verse.

<अभ्र:: मृत:: मेदिच्। प्रोपेर्तिएस्> वयःस्तम्भकारी जरामृत्युहारी बलारोग्यधारी महाकुष्ठहारी । मृतो मेघकः सर्वरोगेषु योज्यः सदा सूतराजस्य वीर्येण तुल्यः

<abhra:: mṛta:: medic. properties> vayaḥstambhakārī jarāmṛtyuhārī balārogyadhārī mahākuṣṭhahārī / mṛto meghakaḥ sarvarogeṣu yojyaḥ sadā sūtarājasya vīryeṇa tulyaḥ

Sanskrit only: no published translation is held for this verse.

क्षाराम्लं द्विदलं वर्ज्यं कर्कोटिकारवेल्लकम् । वृन्ताकं च करीरं च तैलं चाभ्रकसेवने

kṣārāmlaṃ dvidalaṃ varjyaṃ karkoṭikāravellakam / vṛntākaṃ ca karīraṃ ca tailaṃ cābhrakasevane

Sanskrit only: no published translation is held for this verse.