Camunda (Kayastha: Rasasamketakalika 5

विषं व्योषं हरिद्राब्दं निम्बपत्रं विडङ्गकम् । गुटी छागाम्बुना बद्धा स्याज्जया योगवाहिका

viṣaṃ vyoṣaṃ haridrābdaṃ nimbapatraṃ viḍaṅgakam / guṭī chāgāmbunā baddhā syājjayā yogavāhikā

Sanskrit only: no published translation is held for this verse.

सूतार्कयोर्विषं गन्धं विङ्गंगाग्न्यब्दकेसरम् । रेणुका ग्रन्थिकं बोलं सर्वेषां द्विगुणं गुडम्

sūtārkayorviṣaṃ gandhaṃ viṅgaṃgāgnyabdakesaram / reṇukā granthikaṃ bolaṃ sarveṣāṃ dviguṇaṃ guḍam

Sanskrit only: no published translation is held for this verse.

कोलप्रमाणां गुटिकां भक्षयेत्प्रातरेव हि । कासे श्वासे क्षये गुल्मे प्रमेहे विषमज्वरे

kolapramāṇāṃ guṭikāṃ bhakṣayetprātareva hi / kāse śvāse kṣaye gulme pramehe viṣamajvare

Sanskrit only: no published translation is held for this verse.

शोके पाण्ड्वामये कुष्ठे ग्रहण्यर्शोभगन्दरे । विजयागुटिका ह्येषा रुद्रप्रोक्ताधिका गुणैः

śoke pāṇḍvāmaye kuṣṭhe grahaṇyarśobhagandare / vijayāguṭikā hyeṣā rudraproktādhikā guṇaiḥ

Sanskrit only: no published translation is held for this verse.

अङ्कोलाग्नी च गन्धोषणरसविषकं पित्तभाजं क्रमात्तत्सामुद्रं चार्कदुग्धैस्त्रिभिरथ पुटितं निम्बुतोयैर्विमर्द्य । कृत्वा गुञ्जासमानाम् इषुशररसदिग्वह्निबाणेषुदिग्भिर् दद्याच्छ्लेष्मानिलार्शो ज्वरं जठरं कफेतां वटीं शङ्कराख्याम्

aṅkolāgnī ca gandhoṣaṇarasaviṣakaṃ pittabhājaṃ kramāttatsāmudraṃ cārkadugdhaistribhiratha puṭitaṃ nimbutoyairvimardya / kṛtvā guñjāsamānām iṣuśararasadigvahnibāṇeṣudigbhir dadyācchleṣmānilārśo jvaraṃ jaṭharaṃ kaphetāṃ vaṭīṃ śaṅkarākhyām

Sanskrit only: no published translation is held for this verse.

चिञ्चाक्षारपलं पटुव्रजपलं निम्बूरसैः कल्कितं तस्मिञ्छङ्खपलं प्रतप्तमसकृन्निर्वाप्य शीर्णावधिम् । हिङ्गुव्योषपलं रसामृतबलीन्निक्षिप्य निष्कांशकान् बद्धा शङ्खवटी क्षयग्रहणिकागुल्मांश्च शूलं जयेत्

ciñcākṣārapalaṃ paṭuvrajapalaṃ nimbūrasaiḥ kalkitaṃ tasmiñchaṅkhapalaṃ prataptamasakṛnnirvāpya śīrṇāvadhim / hiṅguvyoṣapalaṃ rasāmṛtabalīnnikṣipya niṣkāṃśakān baddhā śaṅkhavaṭī kṣayagrahaṇikāgulmāṃśca śūlaṃ jayet

Sanskrit only: no published translation is held for this verse.

रसं कृष्णाभया त्वक्षं वासा भार्गी क्रमोत्तरम् । तत्समं खादिरं सारं बब्बूलक्वाथभावितम्

rasaṃ kṛṣṇābhayā tvakṣaṃ vāsā bhārgī kramottaram / tatsamaṃ khādiraṃ sāraṃ babbūlakvāthabhāvitam

Sanskrit only: no published translation is held for this verse.

एकविंशतिवारांश्च मधुनाक्षमिता वटी । कासं श्वासं क्षयं हिक्कां हन्त्येषा कासकर्तरी

ekaviṃśativārāṃśca madhunākṣamitā vaṭī / kāsaṃ śvāsaṃ kṣayaṃ hikkāṃ hantyeṣā kāsakartarī

Sanskrit only: no published translation is held for this verse.

व्योषग्रन्थि वचाग्नि हिंगु जरणद्वन्द्वं विषं निम्बुकं द्रावैर् आर्द्रकैर् असेर्विमृषितं तुल्यौ मरीचोपमा । वर्तिः सा विनिहन्ति शूलमखिलं सर्वाङ्गजं मारुतम् वह्निं चाशु करोति वाडवसमं सूर्यप्रभावाभिधा

vyoṣagranthi vacāgni hiṃgu jaraṇadvandvaṃ viṣaṃ nimbukaṃ drāvair ārdrakair aservimṛṣitaṃ tulyau marīcopamā / vartiḥ sā vinihanti śūlamakhilaṃ sarvāṅgajaṃ mārutam vahniṃ cāśu karoti vāḍavasamaṃ sūryaprabhāvābhidhā

Sanskrit only: no published translation is held for this verse.

एला सकर्पूरसिता सधात्री जातीफलं शाल्मलिगोक्षुरौ च । सूतेन्द्रवङ्गायसभस्म सर्वम् एतत्समानं परिभावयेच्च

elā sakarpūrasitā sadhātrī jātīphalaṃ śālmaligokṣurau ca / sūtendravaṅgāyasabhasma sarvam etatsamānaṃ paribhāvayecca

Sanskrit only: no published translation is held for this verse.

गुडूचिका शाल्मलिका कषायैर् निष्कार्धमाना मधुना ततश्च । बद्धा गुटी चन्द्रकलेति संज्ञा मेहेषु सर्वेषु नियोजनीया

guḍūcikā śālmalikā kaṣāyair niṣkārdhamānā madhunā tataśca / baddhā guṭī candrakaleti saṃjñā meheṣu sarveṣu niyojanīyā

Sanskrit only: no published translation is held for this verse.

हिङ्गुलं च चतुर्जातं लवङ्गौषधचन्दनम् । जातिजं केसरं कृष्णा त्वाकल्लमहिफेनकम्

hiṅgulaṃ ca caturjātaṃ lavaṅgauṣadhacandanam / jātijaṃ kesaraṃ kṛṣṇā tvākallamahiphenakam

Sanskrit only: no published translation is held for this verse.

कस्तूरीन्दुसमं सर्वं तत्समे विजयासिते । क्षौद्रैः कोलमिता कार्या गुटी भोगपुरन्दरी

kastūrīndusamaṃ sarvaṃ tatsame vijayāsite / kṣaudraiḥ kolamitā kāryā guṭī bhogapurandarī

Sanskrit only: no published translation is held for this verse.

शुक्रस्तम्भकरी ह्येषा बलमांसविवर्धिनी । नरश्चटकवद् गच्छेच्छतवारं स्थिरेन्द्रियः

śukrastambhakarī hyeṣā balamāṃsavivardhinī / naraścaṭakavad gacchecchatavāraṃ sthirendriyaḥ

Sanskrit only: no published translation is held for this verse.

वङ्गं कासीसकं कृष्णा गुञ्जातुल्यार्द्रकाम्बुना । कफवातामयं हन्ति गुटी नागार्जुनाभिधा

vaṅgaṃ kāsīsakaṃ kṛṣṇā guñjātulyārdrakāmbunā / kaphavātāmayaṃ hanti guṭī nāgārjunābhidhā

Sanskrit only: no published translation is held for this verse.

त्रिफला विडङ्गसोमाभल्लातकवह्निविश्वानाम् । अष्टौ शुक्लवचाया भागाः स्युः सद्विषस्यैकः । एतत्सर्वं गोजलपिष्टं वटिकास्तु चणकाभाः । छायाशुष्का देया त्रिद्व्येकचतुःक्रमाद् विज्ञैः

triphalā viḍaṅgasomābhallātakavahniviśvānām / aṣṭau śuklavacāyā bhāgāḥ syuḥ sadviṣasyaikaḥ / etatsarvaṃ gojalapiṣṭaṃ vaṭikāstu caṇakābhāḥ / chāyāśuṣkā deyā tridvyekacatuḥkramād vijñaiḥ

Sanskrit only: no published translation is held for this verse.

सार्पविसूचिगदार्ते दुष्टाजीर्णहते त्रिदोषेऽपि । सद्यो जीवति पुरुषो मृतोऽपि गुटिकाप्रभावेण

sārpavisūcigadārte duṣṭājīrṇahate tridoṣe'pi / sadyo jīvati puruṣo mṛto'pi guṭikāprabhāveṇa

Sanskrit only: no published translation is held for this verse.

मूलेन पत्रेण फलेन वापि व्योषान्विता या कितवोद्भवेन । बद्धा गुटी सा सहसैव हन्ति सोन्माददोषत्रयदुष्टवातान्

mūlena patreṇa phalena vāpi vyoṣānvitā yā kitavodbhavena / baddhā guṭī sā sahasaiva hanti sonmādadoṣatrayaduṣṭavātān

Sanskrit only: no published translation is held for this verse.

कट्फलाम्बुगिलं कृष्णां हिङ्गुलं बोलटङ्कणम् । गुडेन गुटिका शाणमिता सा नवमेऽह्नि

kaṭphalāmbugilaṃ kṛṣṇāṃ hiṅgulaṃ bolaṭaṅkaṇam / guḍena guṭikā śāṇamitā sā navame'hni

Sanskrit only: no published translation is held for this verse.

उष्णोदकेन दातव्या सद्यो ऽलर्कविषापहा । गरभृङ्गोषणं चूर्णं साज्यं वा तद्विषापहम्

uṣṇodakena dātavyā sadyo 'larkaviṣāpahā / garabhṛṅgoṣaṇaṃ cūrṇaṃ sājyaṃ vā tadviṣāpaham

Sanskrit only: no published translation is held for this verse.

रसराजशुल्वगन्धकसुरतिक्तैः पीतभृङ्गमरिचैश्च । ब्राह्मीद्वितयरसाढ्या गुटिकाः कार्याश्चणकाभाः

rasarājaśulvagandhakasuratiktaiḥ pītabhṛṅgamaricaiśca / brāhmīdvitayarasāḍhyā guṭikāḥ kāryāścaṇakābhāḥ

Sanskrit only: no published translation is held for this verse.

एका देया प्रथमं त्रिदोषविकलस्य मूर्छितस्यापि । अन्या मुहूर्तपरतः प्रहराद् अन्यापरा नैव

ekā deyā prathamaṃ tridoṣavikalasya mūrchitasyāpi / anyā muhūrtaparataḥ praharād anyāparā naiva

Sanskrit only: no published translation is held for this verse.

जीवति मृतोऽपि पुरुषस् त्रिदोषजान्विततन्द्रिकायुक्तः । श्रीनागार्जुनगदिता गुटिका मृतसंजीवनीख्याता

jīvati mṛto'pi puruṣas tridoṣajānvitatandrikāyuktaḥ / śrīnāgārjunagaditā guṭikā mṛtasaṃjīvanīkhyātā

Sanskrit only: no published translation is held for this verse.

एलवालुकाभयाबोलमिन्द्रा गुग्गुलुसंयुता । स्नुहीक्षीरेण गुटिका शोथिनी ज्वरनाशिनी

elavālukābhayābolamindrā guggulusaṃyutā / snuhīkṣīreṇa guṭikā śothinī jvaranāśinī

Sanskrit only: no published translation is held for this verse.

वरा व्योषं वरं तुत्थं यष्टी वेल्लार्कवारिजम् । रोध्रं रसाञ्जनं चूर्णं वर्तिः कार्या नभोऽम्बुना

varā vyoṣaṃ varaṃ tutthaṃ yaṣṭī vellārkavārijam / rodhraṃ rasāñjanaṃ cūrṇaṃ vartiḥ kāryā nabho'mbunā

Sanskrit only: no published translation is held for this verse.

सद्योऽक्षिकोपं स्तन्येन तिमिरं रोध्रतोयतः । किंशुकस्य रसाद्धन्ति बिल्लं पुष्पं च रक्तताम्

sadyo'kṣikopaṃ stanyena timiraṃ rodhratoyataḥ / kiṃśukasya rasāddhanti billaṃ puṣpaṃ ca raktatām

Sanskrit only: no published translation is held for this verse.

पटलं वस्तमूत्रेण स्तम्भे पाटलिपतने । नागार्जुनेन लिखिता सर्वनेत्रामयापहा

paṭalaṃ vastamūtreṇa stambhe pāṭalipatane / nāgārjunena likhitā sarvanetrāmayāpahā

Sanskrit only: no published translation is held for this verse.

व्योषं वरा वरं हिङ्गु तिक्तोग्रा नक्तमालकः । गौरी कटु त्वजामूत्रैश् छायाशुष्का गुटीकृता

vyoṣaṃ varā varaṃ hiṅgu tiktogrā naktamālakaḥ / gaurī kaṭu tvajāmūtraiś chāyāśuṣkā guṭīkṛtā

Sanskrit only: no published translation is held for this verse.

अपस्मारस्मृतिभ्रंशमुन्मादं शिरसो रुजम् । नक्तान्ध्यं तिमिरं हन्ति दोषं भूतादिकं भ्रमम्

apasmārasmṛtibhraṃśamunmādaṃ śiraso rujam / naktāndhyaṃ timiraṃ hanti doṣaṃ bhūtādikaṃ bhramam

Sanskrit only: no published translation is held for this verse.

एकद्वित्रिचतुर्थाख्यं मञ्जनाज् ज्वरमेव च । सन्निपातं त्वचैतन्यं नाशयेत् सुप्रचेतनम्

ekadvitricaturthākhyaṃ mañjanāj jvarameva ca / sannipātaṃ tvacaitanyaṃ nāśayet supracetanam

Sanskrit only: no published translation is held for this verse.

सैन्धवेन युक्तं वज्रीक्षीरम् अग्निविपाचितम् । द्विवल्लमुष्णकैः पीतं विरेकाज्ज्वरनाशनम्

saindhavena yuktaṃ vajrīkṣīram agnivipācitam / dvivallamuṣṇakaiḥ pītaṃ virekājjvaranāśanam

Sanskrit only: no published translation is held for this verse.

लवणं भानुदुग्धेन सकृद्भावितमातपे । गव्येन पयसा पीतं कर्षार्धं वान्तिकारकम्

lavaṇaṃ bhānudugdhena sakṛdbhāvitamātape / gavyena payasā pītaṃ karṣārdhaṃ vāntikārakam

Sanskrit only: no published translation is held for this verse.

सूतेन्द्रं बलितालकं च कुनटी खल्वे समांशं दिनं सौवीरेण विमर्द्य तेन वसनं वर्तीकृतं लेपयेत् । तैलेन प्रविलेपितं च बहुशो वह्निं ततो दीपयेत् तस्माद्यद्गलितं तु तैलमसितं तेनाङ्गलेपः कृतः

sūtendraṃ balitālakaṃ ca kunaṭī khalve samāṃśaṃ dinaṃ sauvīreṇa vimardya tena vasanaṃ vartīkṛtaṃ lepayet / tailena pravilepitaṃ ca bahuśo vahniṃ tato dīpayet tasmādyadgalitaṃ tu tailamasitaṃ tenāṅgalepaḥ kṛtaḥ

Sanskrit only: no published translation is held for this verse.

जङ्घाबाहुकराग्रपादशिरसां कम्पानशेषाञ्जयेत् कुष्ठं तीव्रभगन्दरं व्रणगणान्रोगान्महागृध्रसीम् । अन्यान् रोगगणांश्च वातजनितान्नाडीव्रणान्दुस्तरान् । विख्यातं भुवनत्रये गदहरं वातारितैलं महत्

jaṅghābāhukarāgrapādaśirasāṃ kampānaśeṣāñjayet kuṣṭhaṃ tīvrabhagandaraṃ vraṇagaṇānrogānmahāgṛdhrasīm / anyān rogagaṇāṃśca vātajanitānnāḍīvraṇāndustarān / vikhyātaṃ bhuvanatraye gadaharaṃ vātāritailaṃ mahat

Sanskrit only: no published translation is held for this verse.

रामठं निम्बपत्राणि फेनः सागरसंभवः । एतानि समभागानि तद्वद्देयं सितं विषम्

rāmaṭhaṃ nimbapatrāṇi phenaḥ sāgarasaṃbhavaḥ / etāni samabhāgāni tadvaddeyaṃ sitaṃ viṣam

Sanskrit only: no published translation is held for this verse.

गोमूत्रेण समायुक्तं कटुतैलं विपाचयेत् । तेनैव पूरयेत्कर्णं नरकुञ्जरवाजिनाम्

gomūtreṇa samāyuktaṃ kaṭutailaṃ vipācayet / tenaiva pūrayetkarṇaṃ narakuñjaravājinām

Sanskrit only: no published translation is held for this verse.

कर्णरोगं निहन्त्याशु लेपनाच्छिरसो गदान् । नाम्ना कर्णामृतं तैलं ब्रह्मणा निर्मितं स्वयम्

karṇarogaṃ nihantyāśu lepanācchiraso gadān / nāmnā karṇāmṛtaṃ tailaṃ brahmaṇā nirmitaṃ svayam

Sanskrit only: no published translation is held for this verse.

कस्तूरीन्दुश्च बाह्लीकं नखं मांसी च सर्जकम् । मुस्तागुरु सिता सर्वं क्रमवृद्धं समं पुरम्

kastūrīnduśca bāhlīkaṃ nakhaṃ māṃsī ca sarjakam / mustāguru sitā sarvaṃ kramavṛddhaṃ samaṃ puram

Sanskrit only: no published translation is held for this verse.

स्तोकं स्तोकं क्षिपेत्तैलं दिनैकमथ कुट्टयेत् । वर्तिं निर्वापयेत् दीप्तां दिव्यं धूमं विमुञ्चति

stokaṃ stokaṃ kṣipettailaṃ dinaikamatha kuṭṭayet / vartiṃ nirvāpayet dīptāṃ divyaṃ dhūmaṃ vimuñcati

Sanskrit only: no published translation is held for this verse.

सर्वदेवप्रियः सर्वः मन्त्रसिद्धिप्रदायकः । स्नाने वस्त्रे रतागारे धूपोऽयं राजवल्लभः । भ्वग्नितिथिमिते वर्षे चामुण्डो योगिनीपुरे । रससंकेतकलिकां कृतवान् इष्टसिद्धिदाम्

sarvadevapriyaḥ sarvaḥ mantrasiddhipradāyakaḥ / snāne vastre ratāgāre dhūpo'yaṃ rājavallabhaḥ / bhvagnitithimite varṣe cāmuṇḍo yoginīpure / rasasaṃketakalikāṃ kṛtavān iṣṭasiddhidām

Sanskrit only: no published translation is held for this verse.