तत्र भगवान् पुनरपि चन्द्रप्रभं कुमारभूतमामन्त्रयते स्म - तस्मात्तर्हि कुमार प्रतिपत्तिसारो भविष्यामीत्येवं त्वया कुमार सदा शिक्षितव्यम् । तत् कस्य हेतोः? प्रतिपत्तिसारस्य हि कुमार बोधिसत्त्वस्य महासत्त्वस्य न दुर्लभा भवत्यनुत्तरा सम्यक्संबोधिः, किं पुनरयं समाधिः । अथ खलु चन्द्रप्रभः कुमारभूत उत्थायासनादेकांसमुत्तरासङ्गं कृत्वा दक्षिणं जानुमण्डलं पृथिव्यां प्रतिष्ठाप्य येन भगवांस्तेनाञ्जलिं प्रणम्य भगवन्तमेतदवोचत् - आश्चर्यं भगवन् यावत् सुभाषिता चेयं भगवता बोधिसत्त्वानां महासत्त्वानामववादानुशासनी सर्वबोधिसत्त्वशिक्षा देशिता स्वाख्याता सुप्रज्ञप्ता । सर्वतथागतगोचरो ऽयं भगवन् यत्र अभूमिः सर्वश्रावकप्रत्येकबुद्धानां कः पुनर्वादो ऽन्यतीर्थिकानाम्? प्रतिपत्तिसाराश्च वयं भगवन् भविष्यामः अनपेक्षाः कायजीविते च भूत्वा तथागतस्यानु शिक्षिष्यामहे । तत् कस्य हेतोः? शिक्ःइतुकामाश्च वयं भगवंस्तथागतस्य, अभिसंबोद्धुकामा वयं भगवन्ननुत्तरां सम्यक्संबोधिम् । अर्थिका वयं भगवन् अनुत्तरायाः सम्यक्संबोधेः । विध्वंसयितुकामाश्च वयं भगवन् मारं पापीयांसम् । मोचयितुकामा वयं भगवन् सर्वसत्त्वान् सर्वभयेभ्यः सर्वदुःखेभ्यः । अधिवासयतु मे भगवान् श्वस्तने मम गृहे भक्तं भोक्तुं सार्धं बोधिसत्त्वगणेन सार्धं भिक्ःउसंघेन चानुकम्पामुपादाय । अधिवासयति स्म भगवांश्चन्द्रप्रभस्य कुमारभूतस्य तूःणींभावेन श्वस्तने गृहे भक्तं भोक्तुं सार्धं बोधिसत्त्वगणेन भिक्ःउसंघेन चानुकम्पामुपादाय । अथ खलु चन्द्रप्रभः कुमारभूतो भगवतस्तूःणींभावेनाधिवासनं विदित्वा उत्थायासनादेकांसमुत्तरासङ्गं कृत्वा भगवतः पादौ शिरसाभिवन्द्य भगवन्तं त्रिः प्रदक्ःइणीकृत्य भगवतो ऽन्तिकात् प्राक्रामत् ॥ अथ खलु चन्दप्रभः कुमारभूतो येन राजगृहं महानगरं येन च स्वकं निवेशनं तेनोपसमक्रामत् । उपसंक्रम्य चन्द्रप्रभः स्वगृहं प्राविशत् । प्रविश्य च तामेव रात्रिं प्रभूतं प्रणीतं खादनीयं भोजनीयं स्वादनीयमभिसंस्कारयति स्म । शतरसं च भोजनं संपाद्य तस्या एव रात्र्या अत्ययेन राजगृहं महानगरं सुसिक्तं सुसंमृष्टं मुक्तकुसुमाभिकीर्णं गन्धघटिकानिर्घूपितमुच्छ्रितच्छत्रध्वजपताकं (वैद्य ५५) धूपनधूपितं वितानविततमवसक्तपट्टदामकलापं सरथ्यान्तरापणमपगतपाषाणःअर्करकठल्लं विचित्रपुष्पाभिकीर्णं चन्दनचूर्णाभिकीर्णं गवाक्षतोरणनिर्यूहपञ्जरजालार्धचन्द्रसमलंकृतं चन्दनानुलिप्तमकार्षीत् । सर्वावन्तं नगरमुत्पलकुमुदपद्मपुण्डरीकाभ्यवकीर्णमकार्षीत् । स्वं च गृहं सर्वालंकारव्यूहितमकार्षीत् । अथ खलु चन्द्रप्रभः कुमारभूत इमानेवंरुपान् नगरव्यूहान् गृहव्यूहान् भोजनव्यूहान् समलंकृत्य राजगृहान्महानगरान्निष्क्रम्य येन गृध्रकूटपर्वतो येन भगवांस्तेनोपसमक्रामत् । उपसंक्रम्य भगवन्तं त्रिः प्रदक्षिणीकृत्य एकान्ते ऽस्थात् । एकान्ते स्थितः चन्द्रप्रभः कुमारभूतो भगवतः कालमारोचयामास - कालो भगवन्, कालः सुगत, सिद्धं भक्तं यस्येदानीं कालं मन्यसे । अथ खलु भगवान् उत्थायासनात् कल्यमेव निवास्य पात्रचीवरमादाय महता भिक्षुसंघेन सार्धं परिपूर्णेन भिक्षुशतसहस्रेण संबहुलैश्च बोधिसत्त्वैर्महासत्त्वैः परिवृतः पुरस्कृतो ऽनेकैश्च देवनागयक्षगन्धर्वासुरगरुडकिन्नरमहोरगमनुष्यामनुष्यशतसहस्रैः पूज्यमानो ऽभिष्टूयमानो महता बुद्धानुभावेन महता बुद्धप्रातिहार्येण महता बुद्धेर्यापथेन रश्मिकोटिनियुतशतसहस्रैर्निश्चरद्भिर्नानातूर्यशतसहस्रैः पुष्पगन्धमाल्यविलेपनचूर्णचीवरैः प्रवर्षद्भिर्येन राजगृहं महानगरं तेनोपसंक्रामति स्म । चन्द्रप्रभस्य कुमारभूतस्य निवेशने प्रक्षिप्तश्च भगवता दक्षिणश्चक्ररत्नसमलंकृतः अपरिमितकुशलसंचितपादरत्न इन्द्रकीले, अथ तावदेव तस्मिन् महानगरे अनेकानि आश्चर्याद्भुतानि प्रातिहार्याणि संदृश्यन्ते स्म । इयमत्र धर्मता । तत्रेदमुच्यते - पुरवर प्रविशन्ति नायकस्मिन् चरणवरु स्थपितश्च इन्द्रकीले । चलति वसुमती शिरीय तस्य प्रमुदित भोन्ति पुरोत्तमस्मि सत्त्वाः
tatra bhagavān punarapi candraprabhaṃ kumārabhūtamāmantrayate sma - tasmāttarhi kumāra pratipattisāro bhaviṣyāmītyevaṃ tvayā kumāra sadā śikṣitavyam | tat kasya hetoḥ? pratipattisārasya hi kumāra bodhisattvasya mahāsattvasya na durlabhā bhavatyanuttarā samyaksaṃbodhiḥ, kiṃ punarayaṃ samādhiḥ | atha khalu candraprabhaḥ kumārabhūta utthāyāsanādekāṃsamuttarāsaṅgaṃ kṛtvā dakṣiṇaṃ jānumaṇḍalaṃ pṛthivyāṃ pratiṣṭhāpya yena bhagavāṃstenāñjaliṃ praṇamya bhagavantametadavocat - āścaryaṃ bhagavan yāvat subhāṣitā ceyaṃ bhagavatā bodhisattvānāṃ mahāsattvānāmavavādānuśāsanī sarvabodhisattvaśikṣā deśitā svākhyātā suprajñaptā | sarvatathāgatagocaro 'yaṃ bhagavan yatra abhūmiḥ sarvaśrāvakapratyekabuddhānāṃ kaḥ punarvādo 'nyatīrthikānām? pratipattisārāśca vayaṃ bhagavan bhaviṣyāmaḥ anapekṣāḥ kāyajīvite ca bhūtvā tathāgatasyānu śikṣiṣyāmahe | tat kasya hetoḥ? śikḥitukāmāśca vayaṃ bhagavaṃstathāgatasya, abhisaṃboddhukāmā vayaṃ bhagavannanuttarāṃ samyaksaṃbodhim | arthikā vayaṃ bhagavan anuttarāyāḥ samyaksaṃbodheḥ | vidhvaṃsayitukāmāśca vayaṃ bhagavan māraṃ pāpīyāṃsam | mocayitukāmā vayaṃ bhagavan sarvasattvān sarvabhayebhyaḥ sarvaduḥkhebhyaḥ | adhivāsayatu me bhagavān śvastane mama gṛhe bhaktaṃ bhoktuṃ sārdhaṃ bodhisattvagaṇena sārdhaṃ bhikḥusaṃghena cānukampāmupādāya | adhivāsayati sma bhagavāṃścandraprabhasya kumārabhūtasya tūḥṇīṃbhāvena śvastane gṛhe bhaktaṃ bhoktuṃ sārdhaṃ bodhisattvagaṇena bhikḥusaṃghena cānukampāmupādāya | atha khalu candraprabhaḥ kumārabhūto bhagavatastūḥṇīṃbhāvenādhivāsanaṃ viditvā utthāyāsanādekāṃsamuttarāsaṅgaṃ kṛtvā bhagavataḥ pādau śirasābhivandya bhagavantaṃ triḥ pradakḥiṇīkṛtya bhagavato 'ntikāt prākrāmat || atha khalu candaprabhaḥ kumārabhūto yena rājagṛhaṃ mahānagaraṃ yena ca svakaṃ niveśanaṃ tenopasamakrāmat | upasaṃkramya candraprabhaḥ svagṛhaṃ prāviśat | praviśya ca tāmeva rātriṃ prabhūtaṃ praṇītaṃ khādanīyaṃ bhojanīyaṃ svādanīyamabhisaṃskārayati sma | śatarasaṃ ca bhojanaṃ saṃpādya tasyā eva rātryā atyayena rājagṛhaṃ mahānagaraṃ susiktaṃ susaṃmṛṣṭaṃ muktakusumābhikīrṇaṃ gandhaghaṭikānirghūpitamucchritacchatradhvajapatākaṃ (Vaidya 55) dhūpanadhūpitaṃ vitānavitatamavasaktapaṭṭadāmakalāpaṃ sarathyāntarāpaṇamapagatapāṣāṇaḥarkarakaṭhallaṃ vicitrapuṣpābhikīrṇaṃ candanacūrṇābhikīrṇaṃ gavākṣatoraṇaniryūhapañjarajālārdhacandrasamalaṃkṛtaṃ candanānuliptamakārṣīt | sarvāvantaṃ nagaramutpalakumudapadmapuṇḍarīkābhyavakīrṇamakārṣīt | svaṃ ca gṛhaṃ sarvālaṃkāravyūhitamakārṣīt | atha khalu candraprabhaḥ kumārabhūta imānevaṃrupān nagaravyūhān gṛhavyūhān bhojanavyūhān samalaṃkṛtya rājagṛhānmahānagarānniṣkramya yena gṛdhrakūṭaparvato yena bhagavāṃstenopasamakrāmat | upasaṃkramya bhagavantaṃ triḥ pradakṣiṇīkṛtya ekānte 'sthāt | ekānte sthitaḥ candraprabhaḥ kumārabhūto bhagavataḥ kālamārocayāmāsa - kālo bhagavan, kālaḥ sugata, siddhaṃ bhaktaṃ yasyedānīṃ kālaṃ manyase | atha khalu bhagavān utthāyāsanāt kalyameva nivāsya pātracīvaramādāya mahatā bhikṣusaṃghena sārdhaṃ paripūrṇena bhikṣuśatasahasreṇa saṃbahulaiśca bodhisattvairmahāsattvaiḥ parivṛtaḥ puraskṛto 'nekaiśca devanāgayakṣagandharvāsuragaruḍakinnaramahoragamanuṣyāmanuṣyaśatasahasraiḥ pūjyamāno 'bhiṣṭūyamāno mahatā buddhānubhāvena mahatā buddhaprātihāryeṇa mahatā buddheryāpathena raśmikoṭiniyutaśatasahasrairniścaradbhirnānātūryaśatasahasraiḥ puṣpagandhamālyavilepanacūrṇacīvaraiḥ pravarṣadbhiryena rājagṛhaṃ mahānagaraṃ tenopasaṃkrāmati sma | candraprabhasya kumārabhūtasya niveśane prakṣiptaśca bhagavatā dakṣiṇaścakraratnasamalaṃkṛtaḥ aparimitakuśalasaṃcitapādaratna indrakīle, atha tāvadeva tasmin mahānagare anekāni āścaryādbhutāni prātihāryāṇi saṃdṛśyante sma | iyamatra dharmatā | tatredamucyate - puravara praviśanti nāyakasmin caraṇavaru sthapitaśca indrakīle / calati vasumatī śirīya tasya pramudita bhonti purottamasmi sattvāḥ
Sanskrit only: no published translation is held for this verse.
ये नरः क्षुधिताः पिपासिता वा न भवति तेष जिघत्स तस्मि काले । अपगत भवती क्षुघा पिपासा यद जिनु निक्षिपतीन्द्रकीलि पादम्
ye naraḥ kṣudhitāḥ pipāsitā vā na bhavati teṣa jighatsa tasmi kāle / apagata bhavatī kṣughā pipāsā yada jinu nikṣipatīndrakīli pādam
Sanskrit only: no published translation is held for this verse.
तथ पुन नर ये भवन्ति अन्धाः श्रोत्रविहीन अनाथ अल्पपुण्याः । सर्वि प्रतिलभन्ति चक्षु श्रोत्रं यद जिनु निक्षिपतीन्द्रकीलि पादम्
tatha puna nara ye bhavanti andhāḥ śrotravihīna anātha alpapuṇyāḥ / sarvi pratilabhanti cakṣu śrotraṃ yada jinu nikṣipatīndrakīli pādam
Sanskrit only: no published translation is held for this verse.
यमविषये ये केचि भोन्ति प्रेताः सुदुःखित खेटसिंघाणकभोजनाशाः । सर्वि सुखित भोन्ति आभस्पृष्टा यद जिनु निक्षिपतीन्द्रकीलि पादम्
yamaviṣaye ye keci bhonti pretāḥ suduḥkhita kheṭasiṃghāṇakabhojanāśāḥ / sarvi sukhita bhonti ābhaspṛṣṭā yada jinu nikṣipatīndrakīli pādam
Sanskrit only: no published translation is held for this verse.
शैलशिखरशृङ्गपर्वताश्च तथ वरपादपशालकर्णिकाराः । सर्वि अभिनमन्ति येन बुद्धो यद जिनु निक्षिपतीन्द्रकीलि पादम्
śailaśikharaśṛṅgaparvatāśca tatha varapādapaśālakarṇikārāḥ / sarvi abhinamanti yena buddho yada jinu nikṣipatīndrakīli pādam
Sanskrit only: no published translation is held for this verse.
सनगरनिगमा ससागरान्ता प्रचलि वसुंधरि षड्विकार सर्वा । न भवति विहेठ कस्यपि चेह यद जिनु निक्षिपतीन्द्रकीलि पादम्
sanagaranigamā sasāgarāntā pracali vasuṃdhari ṣaḍvikāra sarvā / na bhavati viheṭha kasyapi ceha yada jinu nikṣipatīndrakīli pādam
Sanskrit only: no published translation is held for this verse.
मरुमनुजकुम्भाण्डराक्षसाश्च नभःस्थित तुष्ट उदग्रचित्ताः । छत्र धरिय च लोकनायकस्य परमप्रीणित जनेत्व बोधिछन्दम्
marumanujakumbhāṇḍarākṣasāśca nabhaḥsthita tuṣṭa udagracittāḥ / chatra dhariya ca lokanāyakasya paramaprīṇita janetva bodhichandam
Sanskrit only: no published translation is held for this verse.
श्रूयति च मनोज्ञ वाद्यशब्दस्तूर्यसहस्र अघट्टिता रणन्ति । प्रमुदितास्तद भोन्ति सर्वसत्त्वा यद जिनु निक्षिपतीन्द्रकीलि पादम्
śrūyati ca manojña vādyaśabdastūryasahasra aghaṭṭitā raṇanti / pramuditāstada bhonti sarvasattvā yada jinu nikṣipatīndrakīli pādam
Sanskrit only: no published translation is held for this verse.
वृक्षशतसहस्र ओनमन्ति सर्वि प्रपुष्पित भोन्ति तस्मि काले । देवशतसहस्र अन्तरीक्षे पूज करोन्ति अमानुषी जिनस्य
vṛkṣaśatasahasra onamanti sarvi prapuṣpita bhonti tasmi kāle / devaśatasahasra antarīkṣe pūja karonti amānuṣī jinasya
Sanskrit only: no published translation is held for this verse.
ऋषभगण तदा नदन्ति हृष्टा हयद्विरदाधिपती प्रवृद्धकायाः । मृगपतयो नदन्ति सिंहनादं यद जिनु निक्षिपतीन्द्रकीलि पादम्
ṛṣabhagaṇa tadā nadanti hṛṣṭā hayadviradādhipatī pravṛddhakāyāḥ / mṛgapatayo nadanti siṃhanādaṃ yada jinu nikṣipatīndrakīli pādam
Sanskrit only: no published translation is held for this verse.
महीपतय ये केचि भूमिपाला दिशिविदिशासु च आगता भवन्ति । धरणितलि पतन्ति हृष्टचित्ता दृष्टु जिनस्य शिरीमिममेवरूपाम्
mahīpataya ye keci bhūmipālā diśividiśāsu ca āgatā bhavanti / dharaṇitali patanti hṛṣṭacittā dṛṣṭu jinasya śirīmimamevarūpām
Sanskrit only: no published translation is held for this verse.
अपरि दशनखाञ्जलिं करित्वा अहो जिनु कारुणिको भणन्ति वाचम्
apari daśanakhāñjaliṃ karitvā aho jinu kāruṇiko bhaṇanti vācam
Sanskrit only: no published translation is held for this verse.
केचि वर क्षिपन्ति मुक्तहारान् बहुविध आभरणान् जनेत्व प्रीतिम् । चीवर रतनान् क्षिपन्ति अन्ये अतुलियु अग्रु जिनत्व बोधिचित्तम्
keci vara kṣipanti muktahārān bahuvidha ābharaṇān janetva prītim / cīvara ratanān kṣipanti anye atuliyu agru jinatva bodhicittam
Sanskrit only: no published translation is held for this verse.
केचि वर क्षिपन्ति हेमजालं अपरि पुनर्मुखफुल्लकं क्षिपन्ति । केचि वर क्षिपन्ति हेमनिष्कांस्तथ अपरे परिहारकान् क्षिपन्ति
keci vara kṣipanti hemajālaṃ apari punarmukhaphullakaṃ kṣipanti / keci vara kṣipanti hemaniṣkāṃstatha apare parihārakān kṣipanti
Sanskrit only: no published translation is held for this verse.
कटकवर क्षिपन्ति केचि तत्र अपरि केयूर क्षिपन्ति रत्नचित्रान् । अम्बर कुसुमान् क्षिपन्ति अन्ये चित्त जनेत्व ऽसियां वयं पि बुद्धाःऽ
kaṭakavara kṣipanti keci tatra apari keyūra kṣipanti ratnacitrān / ambara kusumān kṣipanti anye citta janetva 'siyāṃ vayaṃ pi buddhāḥ'
Sanskrit only: no published translation is held for this verse.
अपरि नरः क्षिपन्ति हेमचित्रांस्तथ मणिसूत्रवरान् प्रसन्नचित्ताः । केचि च रतनजालकं क्षिपन्ति द्वारि यदा स्थितु भोति लोकनाथः
apari naraḥ kṣipanti hemacitrāṃstatha maṇisūtravarān prasannacittāḥ / keci ca ratanajālakaṃ kṣipanti dvāri yadā sthitu bhoti lokanāthaḥ
Sanskrit only: no published translation is held for this verse.
परमदुःखित ये भवन्ति सत्त्वा बहुविधुपद्रुवु शोकशल्य प्राप्ताः । सर्वि सुखसमर्पिता भवन्ति पुरुषवरस्य शिरीय नायकस्य
paramaduḥkhita ye bhavanti sattvā bahuvidhupadruvu śokaśalya prāptāḥ / sarvi sukhasamarpitā bhavanti puruṣavarasya śirīya nāyakasya
Sanskrit only: no published translation is held for this verse.
परभृतशुकसारिकामयूरास्तथपि च सारसचाषहंसक्रौञ्चाः । सर्वि द्विजगणा नभे स्थिहित्वा परममनोज्ञरुतानि व्याहरन्ति
parabhṛtaśukasārikāmayūrāstathapi ca sārasacāṣahaṃsakrauñcāḥ / sarvi dvijagaṇā nabhe sthihitvā paramamanojñarutāni vyāharanti
Sanskrit only: no published translation is held for this verse.
प्रमुदित तद भोन्ति पक्षिसंघा मधुरमनोज्ञरुतं प्रमुञ्चमानाः । रागु तथ समेन्ति दोषमोहं ये च शृणन्ति मनोज्ञ पक्षिशब्दान्
pramudita tada bhonti pakṣisaṃghā madhuramanojñarutaṃ pramuñcamānāḥ / rāgu tatha samenti doṣamohaṃ ye ca śṛṇanti manojña pakṣiśabdān
Sanskrit only: no published translation is held for this verse.
श्रुणिय रञ्जनीय सत्त्वकोट्यः सर्वि च लभन्ति क्षान्तिमानुलोमाम् । तांश्च सुगत व्याकरोति सर्वान् भविष्यथ यूय जिना अनागताश्च
śruṇiya rañjanīya sattvakoṭyaḥ sarvi ca labhanti kṣāntimānulomām / tāṃśca sugata vyākaroti sarvān bhaviṣyatha yūya jinā anāgatāśca
Sanskrit only: no published translation is held for this verse.
न भवति किलेशु तस्मि काले सर्वि सगौरव भोन्ति धर्मराजे । अपगतभयदोषमोहजालाः प्रणिपतिताः सुगतमभिष्टुवन्तः
na bhavati kileśu tasmi kāle sarvi sagaurava bhonti dharmarāje / apagatabhayadoṣamohajālāḥ praṇipatitāḥ sugatamabhiṣṭuvantaḥ
Sanskrit only: no published translation is held for this verse.
पश्यिय तद रूप नायकस्य स्पृह जनयन्ति वरस्मि बुद्धज्ञाने । कद वय लभे ज्ञानमेवरूपम् आशयु ज्ञात्व जिनो ऽस्य व्याकरोति
paśyiya tada rūpa nāyakasya spṛha janayanti varasmi buddhajñāne / kada vaya labhe jñānamevarūpam āśayu jñātva jino 'sya vyākaroti
Sanskrit only: no published translation is held for this verse.
रश्मि शतसहस्र निश्चरन्ति एकैकतः सुगतस्य रोमकूपात् । तदुत्तरि यथ गङ्गवालिका वा न पि च निमित्तु गृहीतु शक्यु तासाम्
raśmi śatasahasra niścaranti ekaikataḥ sugatasya romakūpāt / taduttari yatha gaṅgavālikā vā na pi ca nimittu gṛhītu śakyu tāsām
Sanskrit only: no published translation is held for this verse.
सूर्यप्रभ न भान्तिं तस्मि काले न पि मणि नाग्नि न सर्वदेवतानाम् । सर्वि प्रभ न भान्ति तस्मि काले यद प्रविशन्त पुरं विभाति बुद्धः
sūryaprabha na bhāntiṃ tasmi kāle na pi maṇi nāgni na sarvadevatānām / sarvi prabha na bhānti tasmi kāle yada praviśanta puraṃ vibhāti buddhaḥ
Sanskrit only: no published translation is held for this verse.
पद्मशतसहस्र प्रादुर्भूता धरणितु कोटिसहस्रपत्र शुद्धाः । यत्र दशबलः स्थपेति पादं मार्ग गतः सुगतो महागणेन
padmaśatasahasra prādurbhūtā dharaṇitu koṭisahasrapatra śuddhāḥ / yatra daśabalaḥ sthapeti pādaṃ mārga gataḥ sugato mahāgaṇena
Sanskrit only: no published translation is held for this verse.
अशुचि कलिमला न भोन्ति तस्मि काले नगरवरं प्रविशन्ति नायकस्मिन् । नगरु सुरभि सर्वि धूपनेन गन्ध मनोज्ञ प्रवायते समन्तात्
aśuci kalimalā na bhonti tasmi kāle nagaravaraṃ praviśanti nāyakasmin / nagaru surabhi sarvi dhūpanena gandha manojña pravāyate samantāt
Sanskrit only: no published translation is held for this verse.
पुण्य दशलबस्य एवरूपा विविध विकीर्ण भवन्ति मुक्तपुष्पाः
puṇya daśalabasya evarūpā vividha vikīrṇa bhavanti muktapuṣpāḥ
Sanskrit only: no published translation is held for this verse.
यक्ष शतसहस्र रौद्रचित्ताः कनकनिभं द्विपदेन्द्रु दृष्ट्व बुद्धम् । जनयि विपुलु नायकस्मि प्रेमं शरणमुपेति च बुद्धधर्मसंघान्
yakṣa śatasahasra raudracittāḥ kanakanibhaṃ dvipadendru dṛṣṭva buddham / janayi vipulu nāyakasmi premaṃ śaraṇamupeti ca buddhadharmasaṃghān
Sanskrit only: no published translation is held for this verse.
ये च देवशतसहस्र कोटियो वा उपगत सर्वि नरेन्द्रदर्शनाय । वर्षति सुगतस्य पुष्पवर्षं गगनतले च स्थिहन्ति मुक्तपुष्पाः
ye ca devaśatasahasra koṭiyo vā upagata sarvi narendradarśanāya / varṣati sugatasya puṣpavarṣaṃ gaganatale ca sthihanti muktapuṣpāḥ
Sanskrit only: no published translation is held for this verse.
ये मनुज क्षिपी जिनस्य पुष्पं गगनतले भवतीति पुष्पछत्रम् । ये पुन कुसुमान् क्षिपन्ति देवा धरणितले स्तृत भोन्ति दिव्यपुष्पाः
ye manuja kṣipī jinasya puṣpaṃ gaganatale bhavatīti puṣpachatram / ye puna kusumān kṣipanti devā dharaṇitale stṛta bhonti divyapuṣpāḥ
Sanskrit only: no published translation is held for this verse.
न भवति कदाचि दृष्ट्व तृप्ती देवमनुष्यकुभाण्डराक्षसानाम् । यद दशबलु दृष्ट्व लोकनाथं प्रमुदित भोन्ति उदग्रकल्यचित्ताः
na bhavati kadāci dṛṣṭva tṛptī devamanuṣyakubhāṇḍarākṣasānām / yada daśabalu dṛṣṭva lokanāthaṃ pramudita bhonti udagrakalyacittāḥ
Sanskrit only: no published translation is held for this verse.
न मनसि तद भोन्ति दिव्यपुष्पा न च पुन विस्मयु जायते च तत्र । यद पुरुषवरस्य कायु दृष्ट्वा तुष्ट भवन्ति उदग्र सर्वसत्त्वाः
na manasi tada bhonti divyapuṣpā na ca puna vismayu jāyate ca tatra / yada puruṣavarasya kāyu dṛṣṭvā tuṣṭa bhavanti udagra sarvasattvāḥ
Sanskrit only: no published translation is held for this verse.
ब्रह्म दशबलस्य दक्षिणेनो तथ पुन वामतु शक्र देवराजा । गगनतलगता अनल्प देवकोट्यः पुरुषवरस्य जनेन्ति चित्रिकारम्
brahma daśabalasya dakṣiṇeno tatha puna vāmatu śakra devarājā / gaganatalagatā analpa devakoṭyaḥ puruṣavarasya janenti citrikāram
Sanskrit only: no published translation is held for this verse.
परिवृत जिनु देवदानवेहि मरुमनुजान शिरिं ग्रसित्व सर्वाम् । धरणि क्रमतलेहि चित्रयन्तो प्रविशि पुरं भगवान्निमन्त्रणाय
parivṛta jinu devadānavehi marumanujāna śiriṃ grasitva sarvām / dharaṇi kramatalehi citrayanto praviśi puraṃ bhagavānnimantraṇāya
Sanskrit only: no published translation is held for this verse.
कुसुमित अनुव्यञ्जनेहि काये यथ गगनं परिपूर्ण तारकेहि । प्रतपति स्थितु राजमार्गि बुद्धश्चन्द्रो नभःस्थ यथैव पूर्णिमास्याम्
kusumita anuvyañjanehi kāye yatha gaganaṃ paripūrṇa tārakehi / pratapati sthitu rājamārgi buddhaścandro nabhaḥstha yathaiva pūrṇimāsyām
Sanskrit only: no published translation is held for this verse.
मणिरतनु यथा विशुद्धु श्रेष्ठं व्यपगतदोषमलं प्रभासमानम् । दिशि विदिशि प्रमुञ्चि आभ शुद्धां तथ जिनु भासति सर्वलोकधातुम्
maṇiratanu yathā viśuddhu śreṣṭhaṃ vyapagatadoṣamalaṃ prabhāsamānam / diśi vidiśi pramuñci ābha śuddhāṃ tatha jinu bhāsati sarvalokadhātum
Sanskrit only: no published translation is held for this verse.
परिवृतु जिनु देवदानवेहि प्रविशति राजगृहं नराण श्रेष्ठः । धरणि क्रमतलेहि चित्रयन्तो प्रविशति चन्द्रप्रभस्य गेहि बुद्धः
parivṛtu jinu devadānavehi praviśati rājagṛhaṃ narāṇa śreṣṭhaḥ / dharaṇi kramatalehi citrayanto praviśati candraprabhasya gehi buddhaḥ
Sanskrit only: no published translation is held for this verse.
पुरुवरु समलंकृतं समन्ताद् बहु ध्वज कोटिसहस्र उच्छितात्र । गन्धवरविलिप्त सर्वभूमी सुमनःप्रकीर्ण तथैव वार्षिकारम्
puruvaru samalaṃkṛtaṃ samantād bahu dhvaja koṭisahasra ucchitātra / gandhavaravilipta sarvabhūmī sumanaḥprakīrṇa tathaiva vārṣikāram
Sanskrit only: no published translation is held for this verse.
यद सुगतु कथां कथेति नाथो वीथिगतो मनुजान् कृपायमानः । निर्मितु जिनु तत्र निर्मिणित्वा वितरति तेषु प्रणीत बुद्धधर्मान्
yada sugatu kathāṃ katheti nātho vīthigato manujān kṛpāyamānaḥ / nirmitu jinu tatra nirmiṇitvā vitarati teṣu praṇīta buddhadharmān
Sanskrit only: no published translation is held for this verse.
दशनियुत जिनान निर्मितान कनकनिभा अभिरूप दर्शनीया । परिवृतु जिनु बुद्धु निर्मितेहि वितरति शून्यत शान्त बुद्धबोधिम्
daśaniyuta jināna nirmitāna kanakanibhā abhirūpa darśanīyā / parivṛtu jinu buddhu nirmitehi vitarati śūnyata śānta buddhabodhim
Sanskrit only: no published translation is held for this verse.
प्राणिशतसहस्र तं श्रुणित्वा प्रणिदधि चित्तु वराग्रबुद्धज्ञाने । कद वय लभि ज्ञानमेवरूपं आशयु ज्ञात्व जिनो ऽस्य व्याकरोति
prāṇiśatasahasra taṃ śruṇitvā praṇidadhi cittu varāgrabuddhajñāne / kada vaya labhi jñānamevarūpaṃ āśayu jñātva jino 'sya vyākaroti
Sanskrit only: no published translation is held for this verse.
येहि जिनु निमन्त्रितो नरेन्द्रो न च पर्यन्त स तेषु दक्षिणायाः
yehi jinu nimantrito narendro na ca paryanta sa teṣu dakṣiṇāyāḥ
Sanskrit only: no published translation is held for this verse.
केचि पुनरुपपादयि सुचित्तं श्वो वय कारुणिकं निमन्त्रयामः । हितकरमनुकम्पकं प्रजानां यस्य सुदुर्लभु दर्शनं भवेषु
keci punarupapādayi sucittaṃ śvo vaya kāruṇikaṃ nimantrayāmaḥ / hitakaramanukampakaṃ prajānāṃ yasya sudurlabhu darśanaṃ bhaveṣu
Sanskrit only: no published translation is held for this verse.
केचि स्थित निर्यूहखोटके हि सुभगु विभूषितगात्र प्रेमणीयाः । दिव्य दशबलस्य मुक्तपुष्पाण्यवकिरते ऽग्रु जनित्व बोधिचित्तम्
keci sthita niryūhakhoṭake hi subhagu vibhūṣitagātra premaṇīyāḥ / divya daśabalasya muktapuṣpāṇyavakirate 'gru janitva bodhicittam
Sanskrit only: no published translation is held for this verse.
सुरुचिर वर चम्पकस्य मालां तथ अतिमुक्तक गन्धवर्षिकां च । अपरि पुन क्षिपन्ति पट्टदामान् परम निरुत्तरु चित्तु संजनित्वा
surucira vara campakasya mālāṃ tatha atimuktaka gandhavarṣikāṃ ca / apari puna kṣipanti paṭṭadāmān parama niruttaru cittu saṃjanitvā
Sanskrit only: no published translation is held for this verse.
केचि स्थित गृहे गृहीतपुष्पाः परमविभूषितकायु चीवरेहि । पुष्प विविधु गृहीत्व पट्टदामान् प्रवर्षि येन जिनो महानुभावः
keci sthita gṛhe gṛhītapuṣpāḥ paramavibhūṣitakāyu cīvarehi / puṣpa vividhu gṛhītva paṭṭadāmān pravarṣi yena jino mahānubhāvaḥ
Sanskrit only: no published translation is held for this verse.
पदुमकुमुदोत्पलान् क्षिपन्ति केचि अपरि क्षिपन्ति विशिष्ट हेमपुष्पान् । मणिरतन क्षिपन्ति केचि तस्मिन् अपरि क्षिपन्ति च चूर्ण चन्दनस्य
padumakumudotpalān kṣipanti keci apari kṣipanti viśiṣṭa hemapuṣpān / maṇiratana kṣipanti keci tasmin apari kṣipanti ca cūrṇa candanasya
Sanskrit only: no published translation is held for this verse.
अपरिमित भवन्ति अच्छरीया अतुलिय ये न च शक्यु कीर्तनाय । पुरवरु प्रविशन्ति नायकस्मिन् बहुजनकोट्य स्थिहिंसु बुद्धज्ञाने
aparimita bhavanti accharīyā atuliya ye na ca śakyu kīrtanāya / puravaru praviśanti nāyakasmin bahujanakoṭya sthihiṃsu buddhajñāne
Sanskrit only: no published translation is held for this verse.
अबृह अतपाश्च दृष्टसत्त्याः सुदृश सुदर्शन ये च अन्य देवाः । तथ पुनरकनिष्ठ वीतरागा उपगत सर्वि नरेन्द्रदर्शनाय
abṛha atapāśca dṛṣṭasattyāḥ sudṛśa sudarśana ye ca anya devāḥ / tatha punarakaniṣṭha vītarāgā upagata sarvi narendradarśanāya
Sanskrit only: no published translation is held for this verse.
तथ शुभमरुताश्च अप्रमेया अपरिमित शुभा उदग्रचित्ताः । शुभकृत्स्न नियुताश्च अप्रमेया उपगत पश्यितु नायकं महर्षिम्
tatha śubhamarutāśca aprameyā aparimita śubhā udagracittāḥ / śubhakṛtsna niyutāśca aprameyā upagata paśyitu nāyakaṃ maharṣim
Sanskrit only: no published translation is held for this verse.
अपरिमितु तथाप्रमाणआभा तथ पुन देव परीत्त आभ ये च । बहु नियुत आभस्वराण तस्मिन् उपगत पश्यितु ते ऽपि लोकनाथम्
aparimitu tathāpramāṇaābhā tatha puna deva parītta ābha ye ca / bahu niyuta ābhasvarāṇa tasmin upagata paśyitu te 'pi lokanātham
Sanskrit only: no published translation is held for this verse.
बहव शतसहस्र पारिषद्यास्तथ पुन ब्रह्मपुरोहिताः प्रसन्नाः । बहुशत पुन ब्रह्मकायिकानां उपगत नायकदर्शनाय सर्वे
bahava śatasahasra pāriṣadyāstatha puna brahmapurohitāḥ prasannāḥ / bahuśata puna brahmakāyikānāṃ upagata nāyakadarśanāya sarve
Sanskrit only: no published translation is held for this verse.
तथ पुन परनिर्मितापि देवास्तथ निर्माणरतिश्च शुद्धसत्त्वाः । प्रमुदित तुषिताथ यामदेवा उपगत सर्वि नमस्यमान बुद्धम्
tatha puna paranirmitāpi devāstatha nirmāṇaratiśca śuddhasattvāḥ / pramudita tuṣitātha yāmadevā upagata sarvi namasyamāna buddham
Sanskrit only: no published translation is held for this verse.
त्रिदश अपु च शक्र देवराजा अप्सरकोटिशतैः सहागतो ऽत्र । कुसुमवर्ष संप्रवर्षमाणो उपगत बुद्धमुनीन्द्रदर्शनाय
tridaśa apu ca śakra devarājā apsarakoṭiśataiḥ sahāgato 'tra / kusumavarṣa saṃpravarṣamāṇo upagata buddhamunīndradarśanāya
Sanskrit only: no published translation is held for this verse.
चतुरि चतुर्दिशासु लोकपाला वैश्रवणो धृतराष्ट्र नागराजा । विरूढकु विरूपाक्षु हृष्टचित्ता उपगत सर्वि नरेन्द्र ते स्तुवन्ता
caturi caturdiśāsu lokapālā vaiśravaṇo dhṛtarāṣṭra nāgarājā / virūḍhaku virūpākṣu hṛṣṭacittā upagata sarvi narendra te stuvantā
Sanskrit only: no published translation is held for this verse.
ऐलविल बलवन्त यक्षराजा परिवृत यक्षशतेहि प्रेमजातः । गगनतलि स्थिहित्व हृष्टचित्तः क्षिपति अनेक विचित्र पुष्पवर्षम्
ailavila balavanta yakṣarājā parivṛta yakṣaśatehi premajātaḥ / gaganatali sthihitva hṛṣṭacittaḥ kṣipati aneka vicitra puṣpavarṣam
Sanskrit only: no published translation is held for this verse.
सर्वि सपरिवार हृष्टचित्ताः पुरुषवरस्य करोन्ति तत्र पूजाम्
sarvi saparivāra hṛṣṭacittāḥ puruṣavarasya karonti tatra pūjām
Sanskrit only: no published translation is held for this verse.
बहव शत करोटपाणि यक्षा अपि च सुभूषि तेष यक्षकन्याः । सुमधुर सुमनोज्ञ यक्षवाद्यैस्तूर्यशतेहि करोन्ति बुद्धपूजाम्
bahava śata karoṭapāṇi yakṣā api ca subhūṣi teṣa yakṣakanyāḥ / sumadhura sumanojña yakṣavādyaistūryaśatehi karonti buddhapūjām
Sanskrit only: no published translation is held for this verse.
ललितमधुरगीतवादितस्मिन् सुकुशलैः सह किन्नरीसहस्रैः । द्रुम उपगत गन्धमादनातो जिनवरु पूजितु किन्नराण राज्ञा
lalitamadhuragītavāditasmin sukuśalaiḥ saha kinnarīsahasraiḥ / druma upagata gandhamādanāto jinavaru pūjitu kinnarāṇa rājñā
Sanskrit only: no published translation is held for this verse.
शंबर बल वेमचित्र राहु दानवकन्य सहस्रपारिवाराः । असुरगण महर्द्धिकाश्च अन्ये उपगत ते रतनानि वर्षमाणाः
śaṃbara bala vemacitra rāhu dānavakanya sahasrapārivārāḥ / asuragaṇa maharddhikāśca anye upagata te ratanāni varṣamāṇāḥ
Sanskrit only: no published translation is held for this verse.
शतनियुत अनन्त राक्षसानां राक्षसकोटिशतैरुपास्यमानाः । पृथु विविध विचित्र मुक्तपुष्पान् पुरुषवरस्य क्षिपन्ति गौरवेण ॥६१ ॥ तथपि च अनवतप्तु नागराजा परमसुशिक्षिताश्च नागकन्याः । तूर्यशतसहस्र नादयन्त्यो उपगत पूजन तत्र लोकनाथम्
śataniyuta ananta rākṣasānāṃ rākṣasakoṭiśatairupāsyamānāḥ | pṛthu vividha vicitra muktapuṣpān puruṣavarasya kṣipanti gauraveṇa ||61 || tathapi ca anavataptu nāgarājā paramasuśikṣitāśca nāgakanyāḥ / tūryaśatasahasra nādayantyo upagata pūjana tatra lokanātham
Sanskrit only: no published translation is held for this verse.
पञ्चशत अनवतप्तु पुत्रा विपुलु अनुत्तरु ज्ञान प्रार्थयन्तः । स्वजनपरिवृता उदग्र भूत्वा उपगत पूजयितुं स्वयं स्वयंभूम्
pañcaśata anavataptu putrā vipulu anuttaru jñāna prārthayantaḥ / svajanaparivṛtā udagra bhūtvā upagata pūjayituṃ svayaṃ svayaṃbhūm
Sanskrit only: no published translation is held for this verse.
वर रुचिर गृहीत्व नागपुष्पान् स्थित गगने मुनिराज सत्करोन्तः
vara rucira gṛhītva nāgapuṣpān sthita gagane munirāja satkarontaḥ
Sanskrit only: no published translation is held for this verse.
तथपि च मुचिलिन्द नागराजा प्रीतमनाः परितुष्ट हर्षजातः । विविध रत्नमौक्तिकं गृहीत्वा उपगमि नायकु अभिकिरन्तु तत्र
tathapi ca mucilinda nāgarājā prītamanāḥ parituṣṭa harṣajātaḥ / vividha ratnamauktikaṃ gṛhītvā upagami nāyaku abhikirantu tatra
Sanskrit only: no published translation is held for this verse.
तथपि च कालिको ऽपि नागराजा उपगतु मुखु तथागतस्य हृष्टचित्तः । वर रूचिर गृहीत्व रत्नदामान् पुरुषवरस्य पूज करित्व श्रेष्ठाम्
tathapi ca kāliko 'pi nāgarājā upagatu mukhu tathāgatasya hṛṣṭacittaḥ / vara rūcira gṛhītva ratnadāmān puruṣavarasya pūja karitva śreṣṭhām
Sanskrit only: no published translation is held for this verse.
सो ऽपि परम गौरवं जनित्वा अनुस्मरमाणु गुणांस्तथागतस्य । स्वजनपरिवृतः सनागसंघो बहुविधु भाषति वर्ण नायकस्य
so 'pi parama gauravaṃ janitvā anusmaramāṇu guṇāṃstathāgatasya / svajanaparivṛtaḥ sanāgasaṃgho bahuvidhu bhāṣati varṇa nāyakasya
Sanskrit only: no published translation is held for this verse.
नन्दु तथा उपनन्दु नागराजा तथ पुनस्तक्षक कृष्णगौतमौ च । उपगत जिनु ते नमस्यमानाः प्रणिपतिताः सुगतस्य पादयोर्हि
nandu tathā upanandu nāgarājā tatha punastakṣaka kṛṣṇagautamau ca / upagata jinu te namasyamānāḥ praṇipatitāḥ sugatasya pādayorhi
Sanskrit only: no published translation is held for this verse.
उपगत एलपत्रु नागराजा परिवृत नागशतेहि रोचमानः । मुनिवर जिनु काश्यपं स्मरन्तो स्वक उपपत्ति अपश्यि अक्षणेषु
upagata elapatru nāgarājā parivṛta nāgaśatehi rocamānaḥ / munivara jinu kāśyapaṃ smaranto svaka upapatti apaśyi akṣaṇeṣu
Sanskrit only: no published translation is held for this verse.
अहो अहु पुरि आसि काङ्क्षप्राप्तो मयि पुरि च्छिन्नु परित्तमेलपत्रम् । सो अहु उपपन्नु अक्षणस्मिन् न सुकरु धर्म विजानितुं जिनस्य
aho ahu puri āsi kāṅkṣaprāpto mayi puri cchinnu parittamelapatram / so ahu upapannu akṣaṇasmin na sukaru dharma vijānituṃ jinasya
Sanskrit only: no published translation is held for this verse.
धर्ममहु विजानि शान्तिभावं पुरुषवरेण य ज्ञातु बोधिमण्डे
dharmamahu vijāni śāntibhāvaṃ puruṣavareṇa ya jñātu bodhimaṇḍe
Sanskrit only: no published translation is held for this verse.
सागर अहिराजचक्रवर्ती परिवृतु नागत्रिकोटिसहस्रैः । वरुण मनस्वी गृहीत्व मुक्ताहारान् उपगतु ते भगवन्तु पूजनाय
sāgara ahirājacakravartī parivṛtu nāgatrikoṭisahasraiḥ / varuṇa manasvī gṛhītva muktāhārān upagatu te bhagavantu pūjanāya
Sanskrit only: no published translation is held for this verse.
क्षिप्त शिल जिनस्य तत्र येनो गगनस्थितेन गृहीत्व तस्मि काले । राजगृहि स किम्पिलो ऽपि यक्षः पुरतः स्थितः सुगतस्य गौरवेण
kṣipta śila jinasya tatra yeno gaganasthitena gṛhītva tasmi kāle / rājagṛhi sa kimpilo 'pi yakṣaḥ purataḥ sthitaḥ sugatasya gauraveṇa
Sanskrit only: no published translation is held for this verse.
अलकवती समग्र राजधानी शून्य अभूषि न तत्र कश्चि यक्षः । सर्वि क्रिय करित्व अन्यमन्यं उपगत पश्यितु सर्वलोकनाथम्
alakavatī samagra rājadhānī śūnya abhūṣi na tatra kaści yakṣaḥ / sarvi kriya karitva anyamanyaṃ upagata paśyitu sarvalokanātham
Sanskrit only: no published translation is held for this verse.
तथपि च खरकर्ण सूचिरोमा आटविकस्तथ यक्ष भेषकश्च । हैमवत शतगिरिश्च यक्ष उपगत गर्दभको जिनं स्वयंभूम्
tathapi ca kharakarṇa sūciromā āṭavikastatha yakṣa bheṣakaśca / haimavata śatagiriśca yakṣa upagata gardabhako jinaṃ svayaṃbhūm
Sanskrit only: no published translation is held for this verse.
इन्द्रकेतु विकटश्च सुरूपो वक्कुलु पञ्चिकु शाक्य प्रवृद्धो । एते परे ऽपि च यक्षेन्द्र सहस्ता उपगत धूपघटं परिगृह्य
indraketu vikaṭaśca surūpo vakkulu pañciku śākya pravṛddho / ete pare 'pi ca yakṣendra sahastā upagata dhūpaghaṭaṃ parigṛhya
Sanskrit only: no published translation is held for this verse.
विकृत बहु दुःसंस्थितात्मभावा विगलितआभरणा अनेकरूपाः । बहव शतसहस्र तस्मि काले उपगत तत्र गृहीत्व यक्ष पुष्पान्
vikṛta bahu duḥsaṃsthitātmabhāvā vigalitaābharaṇā anekarūpāḥ / bahava śatasahasra tasmi kāle upagata tatra gṛhītva yakṣa puṣpān
Sanskrit only: no published translation is held for this verse.
जलनिधि निवसन्ति ये सुपर्णा उपगत ब्राह्मणवेश निर्मिणित्वा । मुकुटधर विचित्र दर्शनीया गगनस्थिताः सुगतं नमस्यमानाः
jalanidhi nivasanti ye suparṇā upagata brāhmaṇaveśa nirmiṇitvā / mukuṭadhara vicitra darśanīyā gaganasthitāḥ sugataṃ namasyamānāḥ
Sanskrit only: no published translation is held for this verse.
नगरशत ये केचि जम्बुद्वीपे वनविहरेषु य तत्र देवताश्च । सर्व नगरदेवताः समग्रा उपगत पूज करोन्त नायकस्य
nagaraśata ye keci jambudvīpe vanavihareṣu ya tatra devatāśca / sarva nagaradevatāḥ samagrā upagata pūja karonta nāyakasya
Sanskrit only: no published translation is held for this verse.
उपगत वनदेवता अनन्तास्तथपि च सर्वि य शैलदेवताश्च । तथपि च नदिदेवताः समग्रा उपगत पूज करोन्त नायकस्य
upagata vanadevatā anantāstathapi ca sarvi ya śailadevatāśca / tathapi ca nadidevatāḥ samagrā upagata pūja karonta nāyakasya
Sanskrit only: no published translation is held for this verse.
अटविमरुषु देवताशतानि गिरिशिखरेषु य देवता समग्राः । उत्ससरतडागदेवताश्च उपगत सागरदेवताश्च बुद्धम्
aṭavimaruṣu devatāśatāni giriśikhareṣu ya devatā samagrāḥ / utsasarataḍāgadevatāśca upagata sāgaradevatāśca buddham
Sanskrit only: no published translation is held for this verse.
देवअसुरनागयक्षसंघा गरुडमहोरगकिन्नराः कुम्भाण्डाः । तथपि च बहु प्रेतपूतनाश्चो पुरुषवरस्य करोन्ति चित्रिकारम्
devaasuranāgayakṣasaṃghā garuḍamahoragakinnarāḥ kumbhāṇḍāḥ / tathapi ca bahu pretapūtanāśco puruṣavarasya karonti citrikāram
Sanskrit only: no published translation is held for this verse.
ते ऽपि च जिनवरे करित्व पूजां नगरवरं प्रविशन्ति नायकस्मिन् । देव असुरनागयक्षराजा । सततमतृप्त भवन्ति दर्शनेन
te 'pi ca jinavare karitva pūjāṃ nagaravaraṃ praviśanti nāyakasmin / deva asuranāgayakṣarājā | satatamatṛpta bhavanti darśanena
Sanskrit only: no published translation is held for this verse.
यथ पुरिमभवेषु लोकनाथः पुरिमजिनेषु अकार्षि पूज श्रेष्ठाम् । पुण्यफलविपाक एवरूपो न च जनु तृप्तु नरेन्द्र पश्यमानः
yatha purimabhaveṣu lokanāthaḥ purimajineṣu akārṣi pūja śreṣṭhām / puṇyaphalavipāka evarūpo na ca janu tṛptu narendra paśyamānaḥ
Sanskrit only: no published translation is held for this verse.
आवरणा न ते जिनस्य भोन्ति आभ यदा जिनु मुञ्चि बुद्धक्षेत्रे
āvaraṇā na te jinasya bhonti ābha yadā jinu muñci buddhakṣetre
Sanskrit only: no published translation is held for this verse.
ये च इह समुद्र बुद्धक्षेत्रे ते ऽपि महीय समास्तदा भवन्ति । सर्वमिमु समन्तु बुद्धक्षेत्रं समु भवती कुसुमेहि संप्रकीर्णम्
ye ca iha samudra buddhakṣetre te 'pi mahīya samāstadā bhavanti / sarvamimu samantu buddhakṣetraṃ samu bhavatī kusumehi saṃprakīrṇam
Sanskrit only: no published translation is held for this verse.
रश्मि शतसहस्र अप्रमेया अवकिरि पादतलेहि धर्मराजा । सर्वि निरय शीतला भवन्ति धर्मदुःख उपनीत सुखं च वेदयन्ति
raśmi śatasahasra aprameyā avakiri pādatalehi dharmarājā / sarvi niraya śītalā bhavanti dharmaduḥkha upanīta sukhaṃ ca vedayanti
Sanskrit only: no published translation is held for this verse.
धर्म दशबल संप्रभाषि तत्रो मरुमनुजान विशुद्ध भोति चक्षुः । प्राणि शतसहस्र अप्रमेया नियत भवन्ति च सर्वि बुद्धज्ञाने
dharma daśabala saṃprabhāṣi tatro marumanujāna viśuddha bhoti cakṣuḥ / prāṇi śatasahasra aprameyā niyata bhavanti ca sarvi buddhajñāne
Sanskrit only: no published translation is held for this verse.
बहु इमि सुगतस्य प्रतिहार्या न सुकरु वक्तु च कल्पकोटियेभिः । पुरवर प्रविशन्ति नायकस्मिन् प्रमुदित सर्व जगज्जिनप्रवेशे
bahu imi sugatasya pratihāryā na sukaru vaktu ca kalpakoṭiyebhiḥ / puravara praviśanti nāyakasmin pramudita sarva jagajjinapraveśe
Sanskrit only: no published translation is held for this verse.
इमि गुण सुगतस्य अप्रमेया नरवृषभस्य गुणाग्रपारगस्य । सर्वगुणविशेषपारगस्य शिरसि नमस्यथ बुद्धपुण्यक्षेत्रम्
imi guṇa sugatasya aprameyā naravṛṣabhasya guṇāgrapāragasya / sarvaguṇaviśeṣapāragasya śirasi namasyatha buddhapuṇyakṣetram
Sanskrit only: no published translation is held for this verse.