स्मरामि पूर्वं चरमाणु चारिकां सिंहध्वजस्य सुगतस्य शासने । अभूषि भिक्षु विदु धर्मभाणको नामेन सो उच्यति ब्रह्मदत्तः
smarāmi pūrvaṃ caramāṇu cārikāṃ siṃhadhvajasya sugatasya śāsane / abhūṣi bhikṣu vidu dharmabhāṇako nāmena so ucyati brahmadattaḥ
Sanskrit only: no published translation is held for this verse.
अहं तदासीन्मति राजपुत्रो आबाधिको बाढ गिलान दुःखितः । मह्यं च सि आचरियो अभूषि यो ब्रह्मदत्तस्तद धर्मभाणकः
ahaṃ tadāsīnmati rājaputro ābādhiko bāḍha gilāna duḥkhitaḥ / mahyaṃ ca si ācariyo abhūṣi yo brahmadattastada dharmabhāṇakaḥ
Sanskrit only: no published translation is held for this verse.
पञ्चोत्तरा वैद्यशता अनूनका व्याधिं चिकित्सन्ति उद्युक्तमानसाः । व्याधिं न शक्नन्ति मम चिकित्सितुं सर्वे मम ज्ञातय आसि दुःखिताः
pañcottarā vaidyaśatā anūnakā vyādhiṃ cikitsanti udyuktamānasāḥ / vyādhiṃ na śaknanti mama cikitsituṃ sarve mama jñātaya āsi duḥkhitāḥ
Sanskrit only: no published translation is held for this verse.
श्रुत्वा च गैलान्यु स मह्य भिक्षु गिलानपृच्छो मम अन्तिकागतः । कृपां जनेत्वा मम ब्रह्मदत्तो इमं समाधिं वरु तत्र देशयी
śrutvā ca gailānyu sa mahya bhikṣu gilānapṛccho mama antikāgataḥ / kṛpāṃ janetvā mama brahmadatto imaṃ samādhiṃ varu tatra deśayī
Sanskrit only: no published translation is held for this verse.
तस्य ममा एतु समाधि श्रुत्वा उत्पन्न प्रीति अरिया निरामिषा । स्वभावु धर्माण प्रजानमानो उच्छ्वासि व्याधी तुहु तस्मि काले
tasya mamā etu samādhi śrutvā utpanna prīti ariyā nirāmiṣā / svabhāvu dharmāṇa prajānamāno ucchvāsi vyādhī tuhu tasmi kāle
Sanskrit only: no published translation is held for this verse.
दीपंकरः सो चरमाणु चारिकामभूषि भिक्षुर्विदु धर्मभाणकः । अहं च आसीन्मतिराजपुत्रः समाधिज्ञानेन हु व्याधि मोचितः
dīpaṃkaraḥ so caramāṇu cārikāmabhūṣi bhikṣurvidu dharmabhāṇakaḥ / ahaṃ ca āsīnmatirājaputraḥ samādhijñānena hu vyādhi mocitaḥ
Sanskrit only: no published translation is held for this verse.
तस्मात् कुमारा बहु पश्चकाले अनुस्मरन्तो इमु पारिहाणिम् । सहेसि बालान दुरुक्त वाक्यं धारेन्तु वाचेन्तु इमं समाधिम्
tasmāt kumārā bahu paścakāle anusmaranto imu pārihāṇim / sahesi bālāna durukta vākyaṃ dhārentu vācentu imaṃ samādhim
Sanskrit only: no published translation is held for this verse.
भेष्यन्ति भिक्षु बहु पश्चकाले लुब्धाश्च दुष्टाश्च असंयताश्च । पापेच्छ अध्योषित पात्रचीवरे प्रतिक्षिपिष्यन्ति इमं समाधिम्
bheṣyanti bhikṣu bahu paścakāle lubdhāśca duṣṭāśca asaṃyatāśca / pāpeccha adhyoṣita pātracīvare pratikṣipiṣyanti imaṃ samādhim
Sanskrit only: no published translation is held for this verse.
ईर्ष्यालुका उद्धत प्राकटेन्द्रियाः कुलेषु चाध्योषित लाभकामाः । प्रायोगिके संस्तवि नित्य संश्रिताः प्रतिक्षिपिष्यन्ति इमं समाधिम्
īrṣyālukā uddhata prākaṭendriyāḥ kuleṣu cādhyoṣita lābhakāmāḥ / prāyogike saṃstavi nitya saṃśritāḥ pratikṣipiṣyanti imaṃ samādhim
Sanskrit only: no published translation is held for this verse.
हस्तांश्च पादांश्च तथ विद्यमाना हास्ये च लास्ये च सदा प्रयुक्ताः । परस्परं कण्ठित श्लिष्यमाणा ग्रामेषु चर्यापथि अन्यु भेष्यति
hastāṃśca pādāṃśca tatha vidyamānā hāsye ca lāsye ca sadā prayuktāḥ / parasparaṃ kaṇṭhita śliṣyamāṇā grāmeṣu caryāpathi anyu bheṣyati
Sanskrit only: no published translation is held for this verse.
अयुक्तयोगानिमि भोन्ति लक्षणाः परकुमारीषु च नित्य ध्योषिताः । रूपेण रक्ता ग्रथिता भवन्ति हिण्डन्ति ग्रामान्निगमांश्च राष्ट्रान्
ayuktayogānimi bhonti lakṣaṇāḥ parakumārīṣu ca nitya dhyoṣitāḥ / rūpeṇa raktā grathitā bhavanti hiṇḍanti grāmānnigamāṃśca rāṣṭrān
Sanskrit only: no published translation is held for this verse.
ते खाद्यपेयस्मि सदा प्रयुक्ता नाट्ये य गीते च तथैव वादिते । क्रयविक्रये चो सद भोन्ति उत्सुकाः पाने ऽपि चाध्योषित नष्टलज्जाः
te khādyapeyasmi sadā prayuktā nāṭye ya gīte ca tathaiva vādite / krayavikraye co sada bhonti utsukāḥ pāne 'pi cādhyoṣita naṣṭalajjāḥ
Sanskrit only: no published translation is held for this verse.
लेखान पिष्यन्ति अयुक्तयोगाः शीलं तथेर्यापथु छोरयित्वा । मर्याद भिन्दित्व गृहीभि सार्धं ते भिन्नवृत्ता वितथप्रतिष्ठिताः
lekhāna piṣyanti ayuktayogāḥ śīlaṃ tatheryāpathu chorayitvā / maryāda bhinditva gṛhībhi sārdhaṃ te bhinnavṛttā vitathapratiṣṭhitāḥ
Sanskrit only: no published translation is held for this verse.
ये कर्म बुद्धेहि सदा विवर्जितास्तुलमानकूटे च सदा प्रयुक्ताः । तत्कर्म कृत्वान किलिष्टपापकान् अपायु यास्यन्ति निहीनकर्माः
ye karma buddhehi sadā vivarjitāstulamānakūṭe ca sadā prayuktāḥ / tatkarma kṛtvāna kiliṣṭapāpakān apāyu yāsyanti nihīnakarmāḥ
Sanskrit only: no published translation is held for this verse.
ते प्रव्रजित्वानिह बुद्धशासने पापानि कर्माणि सदाचरन्ति
te pravrajitvāniha buddhaśāsane pāpāni karmāṇi sadācaranti
Sanskrit only: no published translation is held for this verse.
धने च धान्ये च ते सारसंज्ञिनो धेनूश्च गावः शकटानि सज्जयी । किमर्थ तेहि इम केश छोरिता शिक्षाय येषां प्रतिपत्ति नास्ति
dhane ca dhānye ca te sārasaṃjñino dhenūśca gāvaḥ śakaṭāni sajjayī / kimartha tehi ima keśa choritā śikṣāya yeṣāṃ pratipatti nāsti
Sanskrit only: no published translation is held for this verse.
मया च पूर्वे चरियां चरित्वा सुदुष्करं कल्पसहस्र चीर्णम् । अयं च मे शान्त समाधिरेषितो यत्तेष श्रुत्वा तद हास्यु भेष्यति
mayā ca pūrve cariyāṃ caritvā suduṣkaraṃ kalpasahasra cīrṇam / ayaṃ ca me śānta samādhireṣito yatteṣa śrutvā tada hāsyu bheṣyati
Sanskrit only: no published translation is held for this verse.
चिरं मृषावादि अब्रह्मचारिणो अपायनिम्नाः सद कामलाभाः । ते ब्रह्मचारीण ध्वजं गृहीत्वा दुःशील वक्ष्यन्ति न एष धर्मः
ciraṃ mṛṣāvādi abrahmacāriṇo apāyanimnāḥ sada kāmalābhāḥ / te brahmacārīṇa dhvajaṃ gṛhītvā duḥśīla vakṣyanti na eṣa dharmaḥ
Sanskrit only: no published translation is held for this verse.
भेदाय स्थास्यन्ति च ते परस्परं अयुक्तिभिर्लाभ गवेषमाणाः । अवर्ण भाषित्व त अन्यमन्यं च्युता गमिप्यन्ति अपायभूमिम्
bhedāya sthāsyanti ca te parasparaṃ ayuktibhirlābha gaveṣamāṇāḥ / avarṇa bhāṣitva ta anyamanyaṃ cyutā gamipyanti apāyabhūmim
Sanskrit only: no published translation is held for this verse.
शतःसहस्रेषु सुदुर्लभास्ते क्षान्तीबलं येषु तदा भविष्यति । अतो बहू ये कलहस्मि उत्सुकाः प्रपञ्च काहिन्ति जहित्व क्षान्तिम्
śataḥsahasreṣu sudurlabhāste kṣāntībalaṃ yeṣu tadā bhaviṣyati / ato bahū ye kalahasmi utsukāḥ prapañca kāhinti jahitva kṣāntim
Sanskrit only: no published translation is held for this verse.
वक्ष्यन्ति वाचा वय बोधिसत्त्वाः शब्दो ऽपि तेषां व्रजि देशदेशे । अभूतशब्देन मदेन मत्ता विपन्नशीलान कुतो ऽस्ति बोधिः
vakṣyanti vācā vaya bodhisattvāḥ śabdo 'pi teṣāṃ vraji deśadeśe / abhūtaśabdena madena mattā vipannaśīlāna kuto 'sti bodhiḥ
Sanskrit only: no published translation is held for this verse.
न मे श्रुतं नापि कदाचि दृष्टमध्याशयो यस्य विशुद्ध नास्ति । इमेषु धर्मेषु च नास्ति क्षान्तिः स लप्स्यते बोधि क्षिपित्व धर्मान्
na me śrutaṃ nāpi kadāci dṛṣṭamadhyāśayo yasya viśuddha nāsti / imeṣu dharmeṣu ca nāsti kṣāntiḥ sa lapsyate bodhi kṣipitva dharmān
Sanskrit only: no published translation is held for this verse.
भीताश्च त्रस्ताश्च गृहं त्यजन्ति ते प्रव्रजि दृढतरा भवन्ति । विशेषकामा विलयं प्रयान्ति क्षिपित्व यानं पुरुषोत्तमानाम्
bhītāśca trastāśca gṛhaṃ tyajanti te pravraji dṛḍhatarā bhavanti / viśeṣakāmā vilayaṃ prayānti kṣipitva yānaṃ puruṣottamānām
Sanskrit only: no published translation is held for this verse.
निहीनप्रज्ञा गुणविप्रहीना वक्ष्यन्ति दोषं सद अग्रयाने । यस्मै च ते तच्छरणं प्रपन्नास्तत्रैव ये दोषशतान् वदन्ति
nihīnaprajñā guṇaviprahīnā vakṣyanti doṣaṃ sada agrayāne / yasmai ca te taccharaṇaṃ prapannāstatraiva ye doṣaśatān vadanti
Sanskrit only: no published translation is held for this verse.
आजीवका ये बहु प्रव्रजित्वा अनर्थिकाः सर्वसुबुद्धबोधये । ते आत्मदृष्टीय स्थिहित्व बाला उत्त्रस्त भेष्यन्ति श्रुणित्व शून्यताम्
ājīvakā ye bahu pravrajitvā anarthikāḥ sarvasubuddhabodhaye / te ātmadṛṣṭīya sthihitva bālā uttrasta bheṣyanti śruṇitva śūnyatām
Sanskrit only: no published translation is held for this verse.
विहारु कृत्वान त अन्यमन्यं व्यापाददोषांश्च खिलं जनेत्वा । अभ्याख्य दत्वा च परस्परेण लप्स्यन्ति प्रामोद्य करित्व पापकम्
vihāru kṛtvāna ta anyamanyaṃ vyāpādadoṣāṃśca khilaṃ janetvā / abhyākhya datvā ca paraspareṇa lapsyanti prāmodya karitva pāpakam
Sanskrit only: no published translation is held for this verse.
यः शीलवन्तो गुणवन्तु भेष्यति मैत्रीविहारी सद क्षान्तिकोविदः । सुसंवृतो मार्दवसूरतश्च परिभूत सो भेष्यति तस्मि काले
yaḥ śīlavanto guṇavantu bheṣyati maitrīvihārī sada kṣāntikovidaḥ / susaṃvṛto mārdavasūrataśca paribhūta so bheṣyati tasmi kāle
Sanskrit only: no published translation is held for this verse.
यो खो पुनर्भेष्यति दुष्टचित्तः सुदारुणो रौद्रातिहीनकर्मा । अधर्मचारी कलहे रतश्च स पूजितो भेष्यति तस्मि काले
yo kho punarbheṣyati duṣṭacittaḥ sudāruṇo raudrātihīnakarmā / adharmacārī kalahe rataśca sa pūjito bheṣyati tasmi kāle
Sanskrit only: no published translation is held for this verse.
आरोचयामि प्रतिवेदयामि सचेत् कुमारा मम श्रद्ध गच्छसि । इमां स्मरित्वा सुगतानुशासनीं मा जातु विश्वस्तु भवेसि तेषाम्
ārocayāmi prativedayāmi sacet kumārā mama śraddha gacchasi / imāṃ smaritvā sugatānuśāsanīṃ mā jātu viśvastu bhavesi teṣām
Sanskrit only: no published translation is held for this verse.
अदान्तकायाश्च अदान्तवाचः अदान्तचित्ताश्च अपायनिम्नाः
adāntakāyāśca adāntavācaḥ adāntacittāśca apāyanimnāḥ
Sanskrit only: no published translation is held for this verse.
अहं च भाषेय्य गुणान वर्णान् न चो गुणान् भिक्षु समाचरेय्या । न घोषमात्रेण च बोधि लभ्यते प्रतिपत्तिसाराण न बोधि दुर्लभा
ahaṃ ca bhāṣeyya guṇāna varṇān na co guṇān bhikṣu samācareyyā / na ghoṣamātreṇa ca bodhi labhyate pratipattisārāṇa na bodhi durlabhā
Sanskrit only: no published translation is held for this verse.