तत्र खलु भगवांश्चन्द्रप्रभं कुमारभूतमामन्त्रयते स्म - तस्मात्तर्हि कुमार बोधिसत्त्वेन महासत्त्वेन सर्वकुशलमूलशिक्षागुणधर्मनिश्रितेन भवितव्यम् । असंसर्गबहुलेन च भवितव्यम्, पापमित्रपरिवर्जकेन कल्याणमित्रसंनिश्रितेन परिपृच्छकजातीयेन धर्मपर्येष्ट्यामतृप्तेन प्रामोद्यबहुलेन धर्मार्थिकेन धर्मकामेन धर्मरतेन धर्मपरिग्राहकेण धर्मानुधर्मप्रतिपन्नेन । शास्तृसंज्ञा अनेन सर्वबोधिसत्त्वेषूत्पादयितव्या । यस्य चान्तिकादिमं धर्मपर्यायं शृणोति, तेन तस्यान्तिके प्रीतिगौरवं शास्तृसंज्ञा चोत्पादितव्या। यः कुमार बोधिसत्त्वो महासत्त्व इमान् धर्मान् समादाय वर्तते, स क्षिप्रमनाच्छेद्यप्रतिभावनिर्यातो भवति । अचिन्त्यबुद्धधर्माधिमुक्तश्च भवति । गम्भीरेषु च धर्मेषु निध्यप्तिं गच्छति । आलोकभूतश्च भवति सदेवकस्य लोकस्य काङ्क्षाविमतिविचिकित्सान्धकारविधमनतया ॥ अथ खलु भगवांस्तस्यां वेलायामिमा गाथा अभाषत - अभ्यतीत बहुकल्पकोटियो अप्रमेय अतुला अचिन्तियाः । यद् अभूषि द्विपदानमुत्तमो इन्द्रकेतुध्वजराज नायकः
tatra khalu bhagavāṃścandraprabhaṃ kumārabhūtamāmantrayate sma - tasmāttarhi kumāra bodhisattvena mahāsattvena sarvakuśalamūlaśikṣāguṇadharmaniśritena bhavitavyam | asaṃsargabahulena ca bhavitavyam, pāpamitraparivarjakena kalyāṇamitrasaṃniśritena paripṛcchakajātīyena dharmaparyeṣṭyāmatṛptena prāmodyabahulena dharmārthikena dharmakāmena dharmaratena dharmaparigrāhakeṇa dharmānudharmapratipannena | śāstṛsaṃjñā anena sarvabodhisattveṣūtpādayitavyā | yasya cāntikādimaṃ dharmaparyāyaṃ śṛṇoti, tena tasyāntike prītigauravaṃ śāstṛsaṃjñā cotpāditavyā| yaḥ kumāra bodhisattvo mahāsattva imān dharmān samādāya vartate, sa kṣipramanācchedyapratibhāvaniryāto bhavati | acintyabuddhadharmādhimuktaśca bhavati | gambhīreṣu ca dharmeṣu nidhyaptiṃ gacchati | ālokabhūtaśca bhavati sadevakasya lokasya kāṅkṣāvimativicikitsāndhakāravidhamanatayā || atha khalu bhagavāṃstasyāṃ velāyāmimā gāthā abhāṣata - abhyatīta bahukalpakoṭiyo aprameya atulā acintiyāḥ / yad abhūṣi dvipadānamuttamo indraketudhvajarāja nāyakaḥ
Sanskrit only: no published translation is held for this verse.
सो समाधिमिमु शान्तु देशयि यत्र नास्ति नरु जीव पुद्गलः । माय बुद्बुद मरीचि विद्युता सर्व धर्म दकचन्द्रसंनिभाः
so samādhimimu śāntu deśayi yatra nāsti naru jīva pudgalaḥ / māya budbuda marīci vidyutā sarva dharma dakacandrasaṃnibhāḥ
Sanskrit only: no published translation is held for this verse.
नास्ति सत्त्व मनुजो च लभ्यते कालु कृत्व परलोकि गच्छि यो । नो च कर्म कृतु विप्रणश्यते कृष्ण शुक्ल फल देति तादृशम्
nāsti sattva manujo ca labhyate kālu kṛtva paraloki gacchi yo / no ca karma kṛtu vipraṇaśyate kṛṣṇa śukla phala deti tādṛśam
Sanskrit only: no published translation is held for this verse.
एष युक्ति नयद्वार भद्रकं सूक्ष्म दुर्दृशु जिनान गोचरा । यत्र अक्षरपदं न लभ्यते बुद्धबोधि भगवान् प्रजानति
eṣa yukti nayadvāra bhadrakaṃ sūkṣma durdṛśu jināna gocarā / yatra akṣarapadaṃ na labhyate buddhabodhi bhagavān prajānati
Sanskrit only: no published translation is held for this verse.
धारणी विपुलज्ञानसंचया सूत्रकोटिनियुतान आगता । बुद्धकोटिनियुतान गोचरस्तं समाधि भगवान् प्रभाषते
dhāraṇī vipulajñānasaṃcayā sūtrakoṭiniyutāna āgatā / buddhakoṭiniyutāna gocarastaṃ samādhi bhagavān prabhāṣate
Sanskrit only: no published translation is held for this verse.
आतुराणमय व्याधिमोचको बोधिसत्त्वसमुदानितं धनम् । सर्वबुद्धस्तुत संप्रकाशितो देवकोटिनियुतेहि पूजितः
āturāṇamaya vyādhimocako bodhisattvasamudānitaṃ dhanam / sarvabuddhastuta saṃprakāśito devakoṭiniyutehi pūjitaḥ
Sanskrit only: no published translation is held for this verse.
सर्व बालजन भूतचोदना तीर्थिकेहि परिवर्जितः सदा । श्रेष्ठ शीलधनु बुद्धवर्णितं विद्युतेव गगने न लिप्यते
sarva bālajana bhūtacodanā tīrthikehi parivarjitaḥ sadā / śreṣṭha śīladhanu buddhavarṇitaṃ vidyuteva gagane na lipyate
Sanskrit only: no published translation is held for this verse.
येहि पूजित जिनान कोटियो दानशीलचरिता विचक्षणाः । पापमित्र पुरि येहि वर्जिता तेष पैतृकधनं निरुत्तरम्
yehi pūjita jināna koṭiyo dānaśīlacaritā vicakṣaṇāḥ / pāpamitra puri yehi varjitā teṣa paitṛkadhanaṃ niruttaram
Sanskrit only: no published translation is held for this verse.
तत्र भिक्षु स्थितु धर्मभाणको ब्रह्मचारि सुगतस्य औरसः । श्रुत्व धर्ममिममानुलोमिकं चित्त पादेसि य लोकनायकः
tatra bhikṣu sthitu dharmabhāṇako brahmacāri sugatasya aurasaḥ / śrutva dharmamimamānulomikaṃ citta pādesi ya lokanāyakaḥ
Sanskrit only: no published translation is held for this verse.
इन्द्रकेतुध्वजराजु नायको अध्यभाषि अभु धर्मभाणकम् । भिक्षुभाव परमं ति दुष्करं चित्तुपाद वर अग्रबोधये
indraketudhvajarāju nāyako adhyabhāṣi abhu dharmabhāṇakam / bhikṣubhāva paramaṃ ti duṣkaraṃ cittupāda vara agrabodhaye
Sanskrit only: no published translation is held for this verse.
शीलु रक्ष मणिरत्नसंनिभं मित्र सेव सद आनुलोमिकम् । पापमित्र न कदाचि सेवतो बुद्धज्ञानमचिरेण लप्स्यसे
śīlu rakṣa maṇiratnasaṃnibhaṃ mitra seva sada ānulomikam / pāpamitra na kadāci sevato buddhajñānamacireṇa lapsyase
Sanskrit only: no published translation is held for this verse.