तत्र कुमार कथं बोधिसत्त्वो महासत्त्वो धर्मप्रतिसंविदि चरन् धर्मेषु धर्मानुपश्यी समुदागच्छत्यनुत्तरायां सम्यक्संबोधौ? इह कुमार बोधिसत्त्वो महासत्त्वो धर्मेषु धर्मानुपश्यी नान्यत्र रूपेण बोधिं समनुपश्यति । नान्यत्र रूपाद्वोधाय चरति । नान्यत्र रूपेण बोधिं पर्येषते । नान्यत्र रूपेण बोधाय समुदागच्छति । नान्यत्र रूपेण सत्त्वानि बोधाय समादापयति । नान्यत्र रूपेण तथागतं पश्यति । रूपस्याविनाशस्वभावः तथागत इति तथागतं पश्यति । अन्यद् रूपमन्यो रूपस्वभाव इति नैवं पश्यति । अन्यो रूपस्वभावो ऽन्यस्तथागत इति नैवं पश्यति । यश्च रूपस्वभावो यश्च तथागत इत्यद्वयेयं धर्मता । एवं पश्यन् बोधिसत्त्वो महासत्त्वश्चरति धर्मप्रतिसंविदि । एवं नान्यत्र वेदनाया नान्यत्र संज्ञाया नान्यत्र संस्कारेभ्यो नान्यत्र विज्ञानेन बोधिं समनुपश्यति । नान्यत्र विज्ञानाद्बोधाय चरति । नान्यत्र विज्ञानेन बोधिं पर्येषते । नान्यत्र विज्ञानेन बोधाय समुदागच्छति । नान्यत्र विज्ञानेन सत्त्वानि बोधाय समादापयति । नान्यत्र विज्ञानेन तथागतं पश्यति । विज्ञानस्याविनाशस्वभावस्तथागत इति तथागतं पश्यति । अन्यद्विज्ञानमन्यो विज्ञानस्वभाव इति नैवं पश्यति । अन्यो विज्ञानस्वभावो ऽन्यस्तथागत इति नैवं पश्यति । यश्च विज्ञानस्वभावो यश्च तथागत इत्यद्वयेयं धर्मता । एवं पश्यन् बोधिसत्त्वो महासत्त्वश्चरति धर्मप्रतिसंविदि ॥ अथ खलु भगवांस्तस्यां वेलायामिमा गाथा अभाषत - रूपेण दर्शिता बोधी बोधये रूप दर्शितम् । विसभागेन शब्देन उत्तरो धर्म देशितः
tatra kumāra kathaṃ bodhisattvo mahāsattvo dharmapratisaṃvidi caran dharmeṣu dharmānupaśyī samudāgacchatyanuttarāyāṃ samyaksaṃbodhau? iha kumāra bodhisattvo mahāsattvo dharmeṣu dharmānupaśyī nānyatra rūpeṇa bodhiṃ samanupaśyati | nānyatra rūpādvodhāya carati | nānyatra rūpeṇa bodhiṃ paryeṣate | nānyatra rūpeṇa bodhāya samudāgacchati | nānyatra rūpeṇa sattvāni bodhāya samādāpayati | nānyatra rūpeṇa tathāgataṃ paśyati | rūpasyāvināśasvabhāvaḥ tathāgata iti tathāgataṃ paśyati | anyad rūpamanyo rūpasvabhāva iti naivaṃ paśyati | anyo rūpasvabhāvo 'nyastathāgata iti naivaṃ paśyati | yaśca rūpasvabhāvo yaśca tathāgata ityadvayeyaṃ dharmatā | evaṃ paśyan bodhisattvo mahāsattvaścarati dharmapratisaṃvidi | evaṃ nānyatra vedanāyā nānyatra saṃjñāyā nānyatra saṃskārebhyo nānyatra vijñānena bodhiṃ samanupaśyati | nānyatra vijñānādbodhāya carati | nānyatra vijñānena bodhiṃ paryeṣate | nānyatra vijñānena bodhāya samudāgacchati | nānyatra vijñānena sattvāni bodhāya samādāpayati | nānyatra vijñānena tathāgataṃ paśyati | vijñānasyāvināśasvabhāvastathāgata iti tathāgataṃ paśyati | anyadvijñānamanyo vijñānasvabhāva iti naivaṃ paśyati | anyo vijñānasvabhāvo 'nyastathāgata iti naivaṃ paśyati | yaśca vijñānasvabhāvo yaśca tathāgata ityadvayeyaṃ dharmatā | evaṃ paśyan bodhisattvo mahāsattvaścarati dharmapratisaṃvidi || atha khalu bhagavāṃstasyāṃ velāyāmimā gāthā abhāṣata - rūpeṇa darśitā bodhī bodhaye rūpa darśitam / visabhāgena śabdena uttaro dharma deśitaḥ
Sanskrit only: no published translation is held for this verse.
शब्देन उत्तरं रूपं गम्भीरं च स्वभावतः । समं रूपं च बोधिश्च नानात्वं नास्य लभ्यते
śabdena uttaraṃ rūpaṃ gambhīraṃ ca svabhāvataḥ / samaṃ rūpaṃ ca bodhiśca nānātvaṃ nāsya labhyate
Sanskrit only: no published translation is held for this verse.
यथा निर्वाण गम्भीरं शब्देनासंप्रकाशितम् । लभ्यते न च निर्वाणं स च शब्दो न लभ्यते
yathā nirvāṇa gambhīraṃ śabdenāsaṃprakāśitam / labhyate na ca nirvāṇaṃ sa ca śabdo na labhyate
Sanskrit only: no published translation is held for this verse.
शब्दश्चाप्यथ निर्वाणमुभयं तन्न लभ्यते । एवं शून्येषु धर्मेषु निर्वाणं संप्रकाशितम्
śabdaścāpyatha nirvāṇamubhayaṃ tanna labhyate / evaṃ śūnyeṣu dharmeṣu nirvāṇaṃ saṃprakāśitam
Sanskrit only: no published translation is held for this verse.
निर्वाणं निर्वृती वुत्ता निर्वाणं च न लभ्यते । अप्रवृत्त्यैव धर्माणां यथा पश्चात्तथा पुरा
nirvāṇaṃ nirvṛtī vuttā nirvāṇaṃ ca na labhyate / apravṛttyaiva dharmāṇāṃ yathā paścāttathā purā
Sanskrit only: no published translation is held for this verse.
सर्वधर्माः स्वभावेन निर्वाणसमसादृशाः । ज्ञाता नैष्क्रम्यसारेहि ये युक्ता बुद्धशासने
sarvadharmāḥ svabhāvena nirvāṇasamasādṛśāḥ / jñātā naiṣkramyasārehi ye yuktā buddhaśāsane
Sanskrit only: no published translation is held for this verse.
पश्यित्वा कायु बुद्धस्य वक्ष्यन्ते दृष्टु नायकः । न चाहं रूपकायेन पश्यितुं शक्य केनचित्
paśyitvā kāyu buddhasya vakṣyante dṛṣṭu nāyakaḥ / na cāhaṃ rūpakāyena paśyituṃ śakya kenacit
Sanskrit only: no published translation is held for this verse.
ज्ञातः स्वभावो रूपस्य यादृशं रूपलक्षणम् । रूपस्वभावमाज्ञाय कायो मम निदेशितः
jñātaḥ svabhāvo rūpasya yādṛśaṃ rūpalakṣaṇam / rūpasvabhāvamājñāya kāyo mama nideśitaḥ
Sanskrit only: no published translation is held for this verse.
एवं पञ्चान स्कन्धानां ज्ञानं मे धर्मलक्षणम् । ज्ञात्वा स्वभावं धर्माणां धर्मकाये प्रतिष्ठितः
evaṃ pañcāna skandhānāṃ jñānaṃ me dharmalakṣaṇam / jñātvā svabhāvaṃ dharmāṇāṃ dharmakāye pratiṣṭhitaḥ
Sanskrit only: no published translation is held for this verse.
देशेमि धर्म सत्त्वानां धर्मकाये ऽप्यनिःसृतः । न च धर्मत बुद्धानां शक्यं वाचाय भाषितुम्
deśemi dharma sattvānāṃ dharmakāye 'pyaniḥsṛtaḥ / na ca dharmata buddhānāṃ śakyaṃ vācāya bhāṣitum
Sanskrit only: no published translation is held for this verse.
इमं नयमजानन्तो बुद्धशब्दं श्रुणित्व ते । घोषमात्रेण वक्ष्यन्ति दृष्टो मे नरनायकः
imaṃ nayamajānanto buddhaśabdaṃ śruṇitva te / ghoṣamātreṇa vakṣyanti dṛṣṭo me naranāyakaḥ
Sanskrit only: no published translation is held for this verse.
सर्वसंज्ञाप्रहीणस्य भवसंज्ञा विगच्छति । न जातु शब्दसंज्ञस्य भवते शास्तृदर्शनम्
sarvasaṃjñāprahīṇasya bhavasaṃjñā vigacchati / na jātu śabdasaṃjñasya bhavate śāstṛdarśanam
Sanskrit only: no published translation is held for this verse.
यः शून्यतां प्रजानाति ईदृशं रूपलक्षणम् । न चान्या शून्यता उक्ता अन्या रूपस्वभावता । यस्तु रूपं प्रजानाति स प्रजानाति शुन्यताम्
yaḥ śūnyatāṃ prajānāti īdṛśaṃ rūpalakṣaṇam | na cānyā śūnyatā uktā anyā rūpasvabhāvatā / yastu rūpaṃ prajānāti sa prajānāti śunyatām
Sanskrit only: no published translation is held for this verse.
यः शून्यतां प्रजानाति ईदृशं रूपलक्षणम् । न चासौ मारकोटीभिर्भूयः शक्य पराजितुम्
yaḥ śūnyatāṃ prajānāti īdṛśaṃ rūpalakṣaṇam / na cāsau mārakoṭībhirbhūyaḥ śakya parājitum
Sanskrit only: no published translation is held for this verse.
प्रजानाति हि यो रूपं स प्रजानाति शून्यताम् । य शून्यतां प्रजानाति स प्रजानाति निर्वृतिम्
prajānāti hi yo rūpaṃ sa prajānāti śūnyatām / ya śūnyatāṃ prajānāti sa prajānāti nirvṛtim
Sanskrit only: no published translation is held for this verse.
इमां गतिमजानन्तः प्रनष्टा औपलम्भिकाः । अभावे भावसंज्ञेयो भावे चाभावसंज्ञिनः
imāṃ gatimajānantaḥ pranaṣṭā aupalambhikāḥ / abhāve bhāvasaṃjñeyo bhāve cābhāvasaṃjñinaḥ
Sanskrit only: no published translation is held for this verse.
वञ्चिता ज्ञात्रलाभेन प्रनष्टा मम शासनात् । फलसंज्ञा अवस्थाने रिक्ताः श्रामणकाद्धनात्
vañcitā jñātralābhena pranaṣṭā mama śāsanāt / phalasaṃjñā avasthāne riktāḥ śrāmaṇakāddhanāt
Sanskrit only: no published translation is held for this verse.
कुसीदा हीनवीर्याश्च शीलस्कन्धे असंस्थिताः । पर्युप्थिताश्च वक्ष्यन्ति न एतद् बुद्धशासनम्
kusīdā hīnavīryāśca śīlaskandhe asaṃsthitāḥ / paryupthitāśca vakṣyanti na etad buddhaśāsanam
Sanskrit only: no published translation is held for this verse.
केचिदेवं प्रवक्ष्यन्ति वयं बोधाय प्रस्थिताः । अदान्ता अविनीताश्च परस्परमगौरवाः
kecidevaṃ pravakṣyanti vayaṃ bodhāya prasthitāḥ / adāntā avinītāśca parasparamagauravāḥ
Sanskrit only: no published translation is held for this verse.
शब्दकामा भविष्यन्ति धर्मे चैवानवस्थिताः । एवं सा भेष्यते इच्छा ज्ञात्रलाभगवेषणे
śabdakāmā bhaviṣyanti dharme caivānavasthitāḥ / evaṃ sā bheṣyate icchā jñātralābhagaveṣaṇe
Sanskrit only: no published translation is held for this verse.
लाभकामा भविष्यन्ति संनिपाते हि चिन्तकाः । मदप्रमादाभिभूता लाभसत्कार अर्थिकाः
lābhakāmā bhaviṣyanti saṃnipāte hi cintakāḥ / madapramādābhibhūtā lābhasatkāra arthikāḥ
Sanskrit only: no published translation is held for this verse.
निःसृता लाभसत्कारे ज्ञात्रलाभगवेषिणः । स्तूपान् विहारान् काहेन्ति कुलस्त्रीष्वधिमूर्च्छिताः
niḥsṛtā lābhasatkāre jñātralābhagaveṣiṇaḥ / stūpān vihārān kāhenti kulastrīṣvadhimūrcchitāḥ
Sanskrit only: no published translation is held for this verse.
निःसृताश्चोपलम्भस्मिन् कामतृष्णासु निःसृताः । गृहिकर्म करिष्यन्ति मारस्य विषये स्थिताः
niḥsṛtāścopalambhasmin kāmatṛṣṇāsu niḥsṛtāḥ / gṛhikarma kariṣyanti mārasya viṣaye sthitāḥ
Sanskrit only: no published translation is held for this verse.
गृहिणां देशयिष्यन्ति कामा अग्निशिखोपमाः । प्रविश्य च गृहांस्तेषां दूषयिष्यन्ति तान् कुलान्
gṛhiṇāṃ deśayiṣyanti kāmā agniśikhopamāḥ / praviśya ca gṛhāṃsteṣāṃ dūṣayiṣyanti tān kulān
Sanskrit only: no published translation is held for this verse.
गृहिणश्च भविष्यन्ति तेषु शास्तारसंज्ञिनः । तेषां च विप्रवुस्तानां पुत्रदाराणि दूषयि
gṛhiṇaśca bhaviṣyanti teṣu śāstārasaṃjñinaḥ / teṣāṃ ca vipravustānāṃ putradārāṇi dūṣayi
Sanskrit only: no published translation is held for this verse.
ये तेषामन्नपानेन करिष्यन्ति अनुग्रहम् । तेषां तत्पुत्रदारेषु भार्यासंज्ञा भविष्यति
ye teṣāmannapānena kariṣyanti anugraham / teṣāṃ tatputradāreṣu bhāryāsaṃjñā bhaviṣyati
Sanskrit only: no published translation is held for this verse.
गृहिणो न स्वदारेषु भविष्यन्त्यधिमूर्च्छिताः । यथा ते प्रव्रजित्वा हि परदारेषु मूर्च्छिताः
gṛhiṇo na svadāreṣu bhaviṣyantyadhimūrcchitāḥ / yathā te pravrajitvā hi paradāreṣu mūrcchitāḥ
Sanskrit only: no published translation is held for this verse.
शिक्षावदातवस्त्राणं गृहीणं या मि दर्शिता । सा शिक्षा तेषां भिक्षूणां तस्मिन् काले न भेष्यति
śikṣāvadātavastrāṇaṃ gṛhīṇaṃ yā mi darśitā / sā śikṣā teṣāṃ bhikṣūṇāṃ tasmin kāle na bheṣyati
Sanskrit only: no published translation is held for this verse.
भेरीशङ्खमृदङ्गेहि पूजां काहेन्ति ते मम । या च सा उत्तमा पूजा प्रतिपत्तिर्न भेष्यति
bherīśaṅkhamṛdaṅgehi pūjāṃ kāhenti te mama / yā ca sā uttamā pūjā pratipattirna bheṣyati
Sanskrit only: no published translation is held for this verse.
ते आत्मना सुदुःशीला दृष्ट्वा शीलप्रतिष्ठितान् । अन्योन्यमेवं वक्ष्यन्ति एते ऽपि यादृशा वयम्
te ātmanā suduḥśīlā dṛṣṭvā śīlapratiṣṭhitān / anyonyamevaṃ vakṣyanti ete 'pi yādṛśā vayam
Sanskrit only: no published translation is held for this verse.
श्रुत्वा शीलस्य ते वर्णं दुःशीलाः पापगोचराः । पर्युत्थिताश्च वक्ष्यन्ति नैवैतद्बुद्धभाषितम्
śrutvā śīlasya te varṇaṃ duḥśīlāḥ pāpagocarāḥ / paryutthitāśca vakṣyanti naivaitadbuddhabhāṣitam
Sanskrit only: no published translation is held for this verse.
न च ह्री भेष्यते तेषां नष्टं श्रामणकं धनम् । चोदिताभूतवाचाय बुद्धबोधिं प्रतिक्षिति
na ca hrī bheṣyate teṣāṃ naṣṭaṃ śrāmaṇakaṃ dhanam / coditābhūtavācāya buddhabodhiṃ pratikṣiti
Sanskrit only: no published translation is held for this verse.
तेषां व्यापन्नचित्तानामुत्सृष्ट्वा बुद्धशासनम् । धर्मं प्रतिक्षिपित्वा च वासो ऽवीचौ भविष्यति
teṣāṃ vyāpannacittānāmutsṛṣṭvā buddhaśāsanam / dharmaṃ pratikṣipitvā ca vāso 'vīcau bhaviṣyati
Sanskrit only: no published translation is held for this verse.
न मे श्रुतं च दृष्टं वा येषामेतादृशी चरी । ते बुद्धज्ञानं लप्स्यन्ते बालधर्मप्रतिष्ठिताः
na me śrutaṃ ca dṛṣṭaṃ vā yeṣāmetādṛśī carī / te buddhajñānaṃ lapsyante bāladharmapratiṣṭhitāḥ
Sanskrit only: no published translation is held for this verse.
या तेषां कुहना तत्र शाठियं वाक्कियं तदा । जानामि तदहं सर्वं ज्ञानं मे ऽत्र प्रवर्तते
yā teṣāṃ kuhanā tatra śāṭhiyaṃ vākkiyaṃ tadā / jānāmi tadahaṃ sarvaṃ jñānaṃ me 'tra pravartate
Sanskrit only: no published translation is held for this verse.
सचेत् कल्पं प्रभाषेयं यत्तेषां स्खलितं पृथु । बोधिसत्त्वप्रतिज्ञानां किंचिन्मात्रं प्रकीर्तितम्
sacet kalpaṃ prabhāṣeyaṃ yatteṣāṃ skhalitaṃ pṛthu / bodhisattvapratijñānāṃ kiṃcinmātraṃ prakīrtitam
Sanskrit only: no published translation is held for this verse.
नास्ति पापमकर्तव्यं कुमारा तेष भेष्यति । मा तेहि संस्तवं सार्धं कुर्यास्त्वं कालि पश्चिमे
nāsti pāpamakartavyaṃ kumārā teṣa bheṣyati / mā tehi saṃstavaṃ sārdhaṃ kuryāstvaṃ kāli paścime
Sanskrit only: no published translation is held for this verse.
आलपेत् संलपेय्यासि कुर्यासी तेषु गौरवम् । अनोलीनः सत्करेय्यासि अग्रबोधीय कारणात्
ālapet saṃlapeyyāsi kuryāsī teṣu gauravam / anolīnaḥ satkareyyāsi agrabodhīya kāraṇāt
Sanskrit only: no published translation is held for this verse.
वर्षाग्रं परिपृच्छित्वा यस्ते वृद्धतरो भवेत् । कुर्या हि गौरवं तत्र शिरसा पादवन्दनम्
varṣāgraṃ paripṛcchitvā yaste vṛddhataro bhavet / kuryā hi gauravaṃ tatra śirasā pādavandanam
Sanskrit only: no published translation is held for this verse.
न तेषां स्खलितं पश्येद्वोधिमण्ड विपश्यताम् । प्रतिघातं न जनयेत् मैत्रचित्तः सदा भवेत्
na teṣāṃ skhalitaṃ paśyedvodhimaṇḍa vipaśyatām / pratighātaṃ na janayet maitracittaḥ sadā bhavet
Sanskrit only: no published translation is held for this verse.
यद्येषां स्खलितं पश्येद्दोषांस्तेषां न कीर्तयेत् । यादृशं काहिती कर्म लप्स्यते तादृशं फलम्
yadyeṣāṃ skhalitaṃ paśyeddoṣāṃsteṣāṃ na kīrtayet / yādṛśaṃ kāhitī karma lapsyate tādṛśaṃ phalam
Sanskrit only: no published translation is held for this verse.
स्मितेन मुखचन्द्रेण वृद्धेषु नवकेषु च । पूर्वाभाषी भवेन्नित्यं हतमानश्च सूरतः
smitena mukhacandreṇa vṛddheṣu navakeṣu ca / pūrvābhāṣī bhavennityaṃ hatamānaśca sūrataḥ
Sanskrit only: no published translation is held for this verse.
चीवरैः पिण्डपातैश्च कुर्यास्तेषामनुग्रहम् । एवं चित्तं प्रदध्यास्त्वं सर्वे भेष्यन्ति नायकाः
cīvaraiḥ piṇḍapātaiśca kuryāsteṣāmanugraham / evaṃ cittaṃ pradadhyāstvaṃ sarve bheṣyanti nāyakāḥ
Sanskrit only: no published translation is held for this verse.
अध्येष्येयुर्यदि त्वां ते धर्मदानस्य कारणात् । प्रथमं वाचं भाषेय्या नाहं वैपुल्यशिक्षितः
adhyeṣyeyuryadi tvāṃ te dharmadānasya kāraṇāt / prathamaṃ vācaṃ bhāṣeyyā nāhaṃ vaipulyaśikṣitaḥ
Sanskrit only: no published translation is held for this verse.
एवं त्वं वाच भाषेय्या आयुष्मान् विज्ञ पण्डितः । कथं महात्मनां शक्यं पुरतो भाषितुं मया
evaṃ tvaṃ vāca bhāṣeyyā āyuṣmān vijña paṇḍitaḥ / kathaṃ mahātmanāṃ śakyaṃ purato bhāṣituṃ mayā
Sanskrit only: no published translation is held for this verse.
सहसैषां न जल्पेत तुलयित्वा च भाजनम् । यदि भाजनं विजानीया अनधीष्टो ऽपि देशयेत्
sahasaiṣāṃ na jalpeta tulayitvā ca bhājanam / yadi bhājanaṃ vijānīyā anadhīṣṭo 'pi deśayet
Sanskrit only: no published translation is held for this verse.
यदि दुःशील पश्येसि परिषायां बहुस्थितान् । संलेखं मा प्रभाषेस्त्वां वर्णं दानस्य कीर्तयेः
yadi duḥśīla paśyesi pariṣāyāṃ bahusthitān / saṃlekhaṃ mā prabhāṣestvāṃ varṇaṃ dānasya kīrtayeḥ
Sanskrit only: no published translation is held for this verse.
भवेयुर्यदि वाल्पेच्छाः शुद्धाः शीले प्रतिष्ठिताः । मैत्रं चित्तं जनित्वा त्वं कुर्याः संलेखिकीं कथाम्
bhaveyuryadi vālpecchāḥ śuddhāḥ śīle pratiṣṭhitāḥ / maitraṃ cittaṃ janitvā tvaṃ kuryāḥ saṃlekhikīṃ kathām
Sanskrit only: no published translation is held for this verse.
परीत्ता यदि पापेच्छा शीलवन्तो बहू भवेत् । लब्धपक्षस्तदा भूत्वा वर्णं शीलस्य कीर्तयेत्
parīttā yadi pāpecchā śīlavanto bahū bhavet / labdhapakṣastadā bhūtvā varṇaṃ śīlasya kīrtayet
Sanskrit only: no published translation is held for this verse.
पूर्वं परिषदं ज्ञात्वा यदि शुद्धा भवेत्तदा । यावन्तः कुशला धर्माः सर्वांस्तेभ्यः प्रकाशयेत्
pūrvaṃ pariṣadaṃ jñātvā yadi śuddhā bhavettadā / yāvantaḥ kuśalā dharmāḥ sarvāṃstebhyaḥ prakāśayet
Sanskrit only: no published translation is held for this verse.
दानं शीलं तथा क्षान्तिं वीर्यं ध्यानं श्रुतं तथा । संतुष्ट्यल्पेच्छसंलेखान् वर्णयेत् कीर्तयेत् सदा
dānaṃ śīlaṃ tathā kṣāntiṃ vīryaṃ dhyānaṃ śrutaṃ tathā / saṃtuṣṭyalpecchasaṃlekhān varṇayet kīrtayet sadā
Sanskrit only: no published translation is held for this verse.
अरण्यवासं ध्यानसुखं गणवासविवर्जनम् । एतेषां वर्ण भाषेत एवं हि धारयेत् सुखम्
araṇyavāsaṃ dhyānasukhaṃ gaṇavāsavivarjanam / eteṣāṃ varṇa bhāṣeta evaṃ hi dhārayet sukham
Sanskrit only: no published translation is held for this verse.
अरण्यवास नो रिञ्चेन्न शीलपरमो भवेत् । प्रतिसंलानु सेवेत न दानपरमो भवेत्
araṇyavāsa no riñcenna śīlaparamo bhavet / pratisaṃlānu seveta na dānaparamo bhavet
Sanskrit only: no published translation is held for this verse.
शीलस्कन्धे स्थिहित्वा च बाहुश्रुत्यमुपार्जयेत् । इमं समाधिमेषन्तः पूजयेच्छास्तृधातवः
śīlaskandhe sthihitvā ca bāhuśrutyamupārjayet / imaṃ samādhimeṣantaḥ pūjayecchāstṛdhātavaḥ
Sanskrit only: no published translation is held for this verse.
छत्रैर्ध्वजैः पताकाभिर्गन्धमाल्यविलेपनैः । कारयेत् पूज बुद्धस्य समाधिं शान्तमेषता
chatrairdhvajaiḥ patākābhirgandhamālyavilepanaiḥ / kārayet pūja buddhasya samādhiṃ śāntameṣatā
Sanskrit only: no published translation is held for this verse.
रञ्जनीयेहि तूर्येहि संगीतिं संप्रयोजयेत् । पूजयेद्धातुं बुद्धस्य अनोलीनो अतन्द्रितः
rañjanīyehi tūryehi saṃgītiṃ saṃprayojayet / pūjayeddhātuṃ buddhasya anolīno atandritaḥ
Sanskrit only: no published translation is held for this verse.
यावन्ति गन्धमाल्यानि धूपनं चूर्ण चैलिकम् । सर्वैस्तैः पूजयेन्नाथं बुद्धज्ञानस्य कारणात्
yāvanti gandhamālyāni dhūpanaṃ cūrṇa cailikam / sarvaistaiḥ pūjayennāthaṃ buddhajñānasya kāraṇāt
Sanskrit only: no published translation is held for this verse.
यावती काचित् पूजास्ति अप्रमेया अचिन्तिया । कुर्यास्ताः सर्वबुद्धानां समाधिं शान्तमेषताः
yāvatī kācit pūjāsti aprameyā acintiyā / kuryāstāḥ sarvabuddhānāṃ samādhiṃ śāntameṣatāḥ
Sanskrit only: no published translation is held for this verse.
प्रत्यंशं सर्वसत्त्वेभ्यः समं दद्यादनिश्रितः । असङ्गज्ञानमेषन्तो बुद्धज्ञानमनुत्तरम्
pratyaṃśaṃ sarvasattvebhyaḥ samaṃ dadyādaniśritaḥ / asaṅgajñānameṣanto buddhajñānamanuttaram
Sanskrit only: no published translation is held for this verse.
मयापि पूर्वबुद्धानां कृता पूजा अचिन्तिया । अनिश्रितेन भूत्वैनं समाधिं शान्तमेषता
mayāpi pūrvabuddhānāṃ kṛtā pūjā acintiyā / aniśritena bhūtvainaṃ samādhiṃ śāntameṣatā
Sanskrit only: no published translation is held for this verse.
दुर्लभोत्पादु बुद्धानां दुर्लभो मानुषो भवः । दुर्लभा शासने श्रद्धा प्रव्रज्या उपसंपदा
durlabhotpādu buddhānāṃ durlabho mānuṣo bhavaḥ / durlabhā śāsane śraddhā pravrajyā upasaṃpadā
Sanskrit only: no published translation is held for this verse.
येन आरागितः शास्ता चित्तं बोधाय नामितम् । मा चल त्वं प्रतिज्ञायास्तिष्ठ च प्रतिपत्तिषु
yena ārāgitaḥ śāstā cittaṃ bodhāya nāmitam / mā cala tvaṃ pratijñāyāstiṣṭha ca pratipattiṣu
Sanskrit only: no published translation is held for this verse.
य इदं धारयेत् सूत्रं क्षयकाले उपस्थिते । प्रतिभानं लभेत् क्षिप्रं प्रवृत्तं यदि धारयेत्
ya idaṃ dhārayet sūtraṃ kṣayakāle upasthite / pratibhānaṃ labhet kṣipraṃ pravṛttaṃ yadi dhārayet
Sanskrit only: no published translation is held for this verse.
एकगाथां पि धारित्वा पुण्यस्कन्धो अचिन्तियः । किं वा पुनः सर्वसूत्रं धारयेद् यः श्रुतार्थिकः
ekagāthāṃ pi dhāritvā puṇyaskandho acintiyaḥ / kiṃ vā punaḥ sarvasūtraṃ dhārayed yaḥ śrutārthikaḥ
Sanskrit only: no published translation is held for this verse.
सर्वसत्त्वान् बोधिप्राप्तान् पूजयेद् यो ह्यतन्द्रितः । यः कुर्याद् गौरवेणासौ कल्पसत्त्वोपमान् सदा
sarvasattvān bodhiprāptān pūjayed yo hyatandritaḥ / yaḥ kuryād gauraveṇāsau kalpasattvopamān sadā
Sanskrit only: no published translation is held for this verse.
इतः समाधितो यश्च गाथामेकां पि धारयेत् । सर्वं पुरिमकं पुण्यं कलां नोपैति षोडशीम्
itaḥ samādhito yaśca gāthāmekāṃ pi dhārayet / sarvaṃ purimakaṃ puṇyaṃ kalāṃ nopaiti ṣoḍaśīm
Sanskrit only: no published translation is held for this verse.
अचिन्तियानानुशंसान् बुद्धज्ञानेन जानमि । इमं समाधिं श्रुत्वेह यः काङ्क्षां न करिष्यति
acintiyānānuśaṃsān buddhajñānena jānami / imaṃ samādhiṃ śrutveha yaḥ kāṅkṣāṃ na kariṣyati
Sanskrit only: no published translation is held for this verse.