दशेमे कुमार अनुशंसाः परिशुद्धशीलस्य बोधिसत्त्वस्य महासत्त्वस्य । कतमे दश? यदुत ज्ञानं च परिशोधयति परिपूरयति । बुद्धानां भगवतामनुशिक्षते । अगर्हितो भवति पण्डितानाम् । प्रतिज्ञातो न चलति । प्रतिपत्तौ तिष्ठति । संसारात् पलायते । निर्वाणमर्पयति । निष्पर्युत्थानो विहरति । समाधिं प्रतिलभते । अदरिद्रश्च भवति । इमे कुमार दशानुशंसाः परिशुद्धशीलस्य बोधिसत्त्वस्य महासत्त्वस्य ॥ तत्रेदमुच्यते - ज्ञानं च परिपूरेति बुद्धानामनुशिक्षते । अगर्हितः पण्डितानां भोति नित्यं विशारदः
daśeme kumāra anuśaṃsāḥ pariśuddhaśīlasya bodhisattvasya mahāsattvasya | katame daśa? yaduta jñānaṃ ca pariśodhayati paripūrayati | buddhānāṃ bhagavatāmanuśikṣate | agarhito bhavati paṇḍitānām | pratijñāto na calati | pratipattau tiṣṭhati | saṃsārāt palāyate | nirvāṇamarpayati | niṣparyutthāno viharati | samādhiṃ pratilabhate | adaridraśca bhavati | ime kumāra daśānuśaṃsāḥ pariśuddhaśīlasya bodhisattvasya mahāsattvasya || tatredamucyate - jñānaṃ ca paripūreti buddhānāmanuśikṣate / agarhitaḥ paṇḍitānāṃ bhoti nityaṃ viśāradaḥ
Sanskrit only: no published translation is held for this verse.
प्रतिज्ञातो न चलति प्रतिपत्तौ च तिष्ठति । अर्पेति येन निर्वाणं संसारातः पलायते
pratijñāto na calati pratipattau ca tiṣṭhati / arpeti yena nirvāṇaṃ saṃsārātaḥ palāyate
Sanskrit only: no published translation is held for this verse.
निष्पर्युत्थितो विहरति समाधिं लभते लघु । अदरिद्रश्च भवति शीलस्कन्धे प्रतिष्ठितः
niṣparyutthito viharati samādhiṃ labhate laghu / adaridraśca bhavati śīlaskandhe pratiṣṭhitaḥ
Sanskrit only: no published translation is held for this verse.
ज्ञानं च तस्यो परिपूर्णु भोति अनुशिक्षते चाति तथागतानाम् । न चास्य निन्दां प्रकरोन्ति पण्डिताः तथा हि तस्यो परिशुद्ध शीलम्
jñānaṃ ca tasyo paripūrṇu bhoti anuśikṣate cāti tathāgatānām / na cāsya nindāṃ prakaronti paṇḍitāḥ tathā hi tasyo pariśuddha śīlam
Sanskrit only: no published translation is held for this verse.
प्रतिज्ञातो ऽसौ न चलाति पण्डितः तथा हि शूरः प्रतिपत्तिये स्थितः । दृष्ट्वा च संसारमनेकदोषं पलायते निर्वृति येन याति
pratijñāto 'sau na calāti paṇḍitaḥ tathā hi śūraḥ pratipattiye sthitaḥ / dṛṣṭvā ca saṃsāramanekadoṣaṃ palāyate nirvṛti yena yāti
Sanskrit only: no published translation is held for this verse.
पर्युत्थितं चित्तु न भोति तस्य तथा ह्यसौ शीलबले प्रतिष्ठितः । क्षिप्रं समाधिं लभते निरङ्गणं परिशुद्धशीलस्यिमि आनुशंसाः
paryutthitaṃ cittu na bhoti tasya tathā hyasau śīlabale pratiṣṭhitaḥ / kṣipraṃ samādhiṃ labhate niraṅgaṇaṃ pariśuddhaśīlasyimi ānuśaṃsāḥ
Sanskrit only: no published translation is held for this verse.